ភ្នំពេញ៖ នៅប៉ុន្មានថ្ងៃនេះ ទណ្ឌិត សម រង្ស៊ី បានខិតខំយ៉ាងខ្លាំងក្នុងការប្រើប្រាស់យុវជនមួយចំនួនដែលជឿទាំងងងឹតងងុលតាមការបោកប្រាស់ និងញុះញង់របស់ខ្លួនដើម្បីវាយប្រហារលើមកលើសម្តេចតេជោ ហ៊ុន សែន និងឯកឧត្តម ហ៊ុន ម៉ាណែត បេក្ខជននាយករដ្ឋមន្ត្រីអនាគតរបស់គណបក្សប្រជាជនកម្ពុជា និងនិយាយជារួមវាយប្រហារលើត្រកូល ហ៊ុន។ នេះគ្រាន់តែល្បិចដ៏ចាស់គំរឹលរបស់អ្នកនយោបាយអង្ករកំប៉ុង សម រង្ស៊ី ក្នុងការបង្វែរការថ្កោលទោសរបស់ពលរដ្ឋខ្មែរពីទង្វើក្បត់ជាតិរបស់ខ្លួនចុះកិច្ចព្រមព្រៀងកាត់ទឹកដីឱ្យ កុក ស មេចលនាម៉ុងតាញ៉ា បំបាត់ភាពអាម៉ាស់ដែលមិនអាចតស៊ូក្តីបានដោយសារតែ ខ្វះមូលដ្ឋានភស្តុតាងត្រឹមត្រូវពិតប្រាកដចំពោះបទបរិហារកេរ្តិ៍ដែលជាបណ្តឹងរបស់សម្តេចតេជោ និងឯកឧត្តម ឌី វិជ្ជា ប្រឆាំងខ្លួននៅតុលាការបារាំង និងលើសពីនេះគឺដើម្បីបិទបាំងបរាជ័យដ៏អាម៉ាស់នៃជីវិតនយោបាយរបស់ខ្លួនដែលធ្វើនយោបាយតាំងពីមានបក្ខរហូតអស់បក្ស ក្លាយជាជនក្បត់ជាតិនិងជាសត្រូវរបស់ប្រជាជន បិទបាំងភាពអាម៉ាស់ ដែលគណបក្សដែលខ្លួននៅពីក្រោយគ្មានបេក្ខជនបន្តវេនពិតប្រាកដព្រោះសម រង្ស៊ី បានក្រាញននៀលនឹងតំណែង នេះមិនផ្តល់ឱកាសដល់យុវជនពិតប្រាកដ ហើយធ្ងន់ជាងនេះ គឺដើម្បីគេចពីភាពអាម៉ាស់ដែលអ្នកនយោបាយជើងចាស់ចាញ់ចាស់វស្សារួបនេះចាញ់ឯកឧត្តម ហ៊ុន ម៉ាណែត អ្នកនយោបាយជាន់ថ្មីរបស់គណបក្សប្រជាជនលើការតស៊ូមតិពាក់ព័ន្ធនឹងសញ្ញាបត្រ។ក្នុងសេណារីយ៉ូដូចកូនក្មេងបៀមដៃ ដើម្បីបិទបាំងនឹងភាពអាម៉ាស់របស់ខ្លួននេះ សម រង្ស៊ី បានហៅសកម្មជនខ្លួនមួយចំនួនដែលរត់ចោលស្រុកដោយសារតែមានដីកាចាប់ខ្លួន មកឈរអមខ្លួនថតសម្តែងដើម្បីបញ្ចេញសារផ្សេងៗ ដែលពលរដ្ឋខ្មែរមើលទៅ ទណ្ឌិត សម រង្ស៊ី ពិតជាអស់លក្ខណ៍យ៉ាងពិតប្រាកដ និងគ្មានតម្លៃនយោបាយអ្វីទៀតទេសម្រាប់ជាតិខ្មែរ គឺនៅសល់តែតម្លៃតែមួយគត់គឺការអនុវត្តទោសទណ្ឌដែលខ្លួនបានទទួលពីទង្វើក្បត់ជាតិ និងការញុះញង់របស់ខ្លួន ដែលការញុះញង់និងសម្តីផ្អែម ដែលបង្កប់ដោយពិសពុលជាជំនាញរបស់ជនក្បត់ជាតិតពូជ…

ឯកឧត្តមឧត្តមសេនីយ៍ឯក និងគណៈប្រតិភូអមដំណើរបានអញ្ជើញចូលជួបសម្តែងការគួរសមនិងពិភាក្សា ការងារជាមួយនឹងឯកឧត្តមនាយឧត្តមសេនីយ៍ ប្រាយុទ្ធ ចាន់អូចា រដ្ឋមន្ត្រីក្រសួងការពារជាតិនៅទីស្តីការក្រសួង ការពារជាតិនៃព្រះរាជាណាចក្រថៃកាលពីរសៀលថ្ងៃទី២០ខែកញ្ញាឆ្នាំ២០២២នៅមុនដំណើរនិវត្តន៍មកកាន់មាតុប្រទេសវិញបន្ទាប់ពីបានបំពេញទស្សនកិច្ចផ្លូវការរយៈពេលពីរថ្ងៃនៅរាជធានីបាងកក។

ភ្នំពេញ៖ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ឯកឧត្តម ប្រាជ្ញ ចន្ទ បានបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោត និងការផ្តល់សុពលភាពលើបញ្ជីបោះឆ្នោតផ្លូវការឆ្នាំ២០២២ នឹងចាប់ផ្តើមពីថ្ងៃទី២០ ខែតុលា ឆ្នាំ២០២២ ដល់ថ្ងៃទី២១ ខែកុម្ភៈ ឆ្នាំ២០២៣ ហើយការពិនិត្យបញ្ជីឈ្មោះ និងការចុះឈ្មោះបោះឆ្នោត នៅតាមឃុំ សង្កាត់ គឺមានរយៈពេល ៥០ថ្ងៃ គឺចាប់ផ្តើមពីថ្ងៃទី២០ ខែតុលា រហូតដល់ថ្ងៃទី៨ ខែធ្នូ ឆ្នាំ២០២២។ ដើម្បីបង្កលក្ខណៈងាយស្រួលដល់ប្រជាពលរដ្ឋ ដែលមានឈ្មោះក្នុងបញ្ជីបោះឆ្នោត ផ្លូវការ ឆ្នាំ២០២១ និងដើម្បីផ្តល់ព័ត៌មានបន្ថែមដល់ពួកគាត់ អំពីការពិនិត្យបញ្ជីឈ្មោះ និងការចុះឈ្មោះ0បោះឆ្នោត គ.ជ.ប បានបោះពុម្ពលិខិតអញ្ជើញ ដែលមានទិន្នន័យរបស់ប្រជាពលរដ្ឋម្នាក់ៗ ហើយទិន្នន័យនោះ គឺទាញចេញពីទិន្នន័យក្នុងបញ្ជីបោះឆ្នោត ចុងក្រោយឆ្នាំ២០២១។ ការបញ្ជាក់នេះ ក្នុងកិច្ចប្រជុំជាមួយភាគីពាក់ព័ន្ធ កាលពីព្រឹកថ្ងៃទី២០ ខែកញ្ញា ឆ្នាំ២០២២ ក្នុងគោលបំណងប្រកាសអំពីការចាប់ផ្តើមបើកដំណើរការនៃ “ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២” ដើម្បីកសាងបញ្ជីបោះឆ្នោតផ្លូវការ សម្រាប់ប្រើប្រាស់ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ខាងមុខនេះ។ ឯកឧត្តម…

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានផលិតលិខិតអញ្ជើញជាង ៩លាន២សែនសន្លឹក ដើម្បីចែកជូនដល់អ្នកមានឈ្មោះក្នុងបញ្ជីបោះឆ្នោតផ្លូវការ ឆ្នាំ២០២១ នៅតាមភូមិក្នុងឃុំ សង្កាត់ ទូទាំងប្រទេស។ ការចែកនេះ បានចាប់ពីថ្ងៃទី២០ ខែកញ្ញា រហូតដល់ថ្ងៃទី១៩ ខែតុលា ឆ្នាំ២០២២។ ការផលិតលិខិតអញ្ជើញជាង៩លានសន្លឹក គឺផ្អែកតាមចំនួននៃអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២១។ យោងតាមសេចក្តីប្រកាសព័ត៌មានរបស់ គ.ជ.ប នៅថ្ងៃទី២០ ខែកញ្ញា នេះ បានឱ្យដឹងថា យោងតាមប្រតិទិននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ ដំណើរការនៃការផ្ដល់លិខិតអញ្ជើញជូនអ្នកមានឈ្មោះក្នុងបញ្ជីបោះឆ្នោតផ្លូវការ ឆ្នាំ២០២១ នៅតាមភូមិក្នុងឃុំ សង្កាត់ ទូទាំងប្រទេស បានចាប់ផ្ដើមហើយ នៅព្រឹកថ្ងៃទី២០ ខែកញ្ញានេះ។ ការចែកលិខិតអញ្ជើញនេះមានរយៈពេល ៣០ថ្ងៃ គឺចាប់ពីថ្ងៃទី២០ ខែកញ្ញា រហូតដល់ថ្ងៃទី១៩ ខែតុលា ឆ្នាំ២០២២ ហើយប្រសិនបើមានលិខិតអញ្ជើញនៅសល់ ត្រូវរក្សាទុកនៅសាលាឃុំ សង្កាត់ ដើម្បីផ្ដល់បន្ត រហូតដល់ថ្ងៃបញ្ចប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២។ ផ្អែកតាមចំនួននៃអ្នកមានឈ្មោះក្នុងបញ្ជីបោះឆ្នោតផ្លូវការ ឆ្នាំ២០២១ គ.ជ.ប បានផលិតលិខិតអញ្ជើញ ចំនួន ៩.២០៥.៦៨១…

ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរនៃកងយោធពលខេមរភូមិន្ទមេបញ្ជាការកងទ័ព​ ជើងគោក បានដឹកនាំគណៈប្រតិភូចូលជួបសម្តែងការគួរសម និងពិភាក្សាការងារជាមួយនឹង ឯកឧត្តម នាយឧត្តមសេនីយ៍ ឆាឡើមផុន ស្រ៊ីសាវ៉ាត់តិ៍ (Chalermphon Srisawasdi) អគ្គមេបញ្ជាការ នៃកងភូមិន្ទថៃ កាលពីព្រឹកថ្ងៃទី២០ ខែកញ្ញាក្នុងឱកាសនៃ​​ដំណើរបំពេញទស្សនកិច្ចផ្លូវការនៅរាជធានីបាងកករយៈពេលពីរថ្ងៃចាប់ពីថ្ងៃទី១៩ ដល់ថ្ងៃទី២០ខែកញ្ញា ឆ្នាំ២០២២។

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបញ្ជាក់ថា សម្តេចនឹងដឹកនាំគណៈប្រតិភូទៅចូលរួមមហាសន្និបាតអង្គការសហប្រជាជាតិលើកទី៧៧ នាទីក្រុងញូយ៉ក សហរដ្ឋអាមេរិក នៅថ្ងៃទី២១ ខែកញ្ញា ឆ្នាំ២០២២ ស្អែកនេះ។ បន្ទាប់ពីនោះនឹងបន្តដំណើរទៅទស្សនកិច្ចផ្លូវការនៅគុយបា ព្រមទាំងបន្តដំណើរមកទីក្រុងតូត្យូប្រទេសជប៉ុនដើម្បីចូលរួមបុណ្យសព ឯកឧត្តម ស៊ីនហ្សូ អាបេ អតីតនាយករដ្ឋមន្ត្រីជប៉ុន។ ជាមួយគ្នានេះ សម្តេចតេជោ ហ៊ុន សែន បានផ្ញើការនឹករលឹកដល់បងប្អូនដែលរស់នៅសហរដ្ឋអាមេរិក និងកាណាដា និងសូមការអាធ្យាស្រ័យដោយមិនអាចរៀបចំការជួបជុំជាមួយបងប្អូនបាន អាស្រ័យដោយការស្នាក់នៅទីក្រុងញូយ៉កមានរយៈពេលខ្លី និងមានកម្មវិធីច្រើន។ ម្យ៉ាងទៀតយើងក៏ទើបជួបគ្នាកាលពីខែឧសភា ឆ្នាំ២០២២កន្លងទៅ នៅទីក្រុងវ៉ាស៊ីនតោនហើយដែរ។ សង្ឃឹមថា បងប្អូននឹងមានការយោគយល់។ សូមជូនពរបងប្អូនជនរួមជាតិទាំងក្នុងនិងក្រៅប្រទេសជួបតែសេចក្តីសុខសេចក្តីចម្រើននិងសប្បាយរីករាយក្នុងឱកាសបុណ្យភ្ជុំបិណ្ឌនេះ។ ក្រសួងការបរទេសកម្ពុជា បានឱ្យដឹងថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងដឹកនាំគណប្រតិភូជាន់ខ្ពស់ អញ្ជើញចូលរួមមហាសន្និបាតអង្គការសហប្រជាជាតិលើកទី៧៧ បំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់ឯកឧត្តម ស៊ីនហ្សូ អាបេ អតីតនាយករដ្ឋមន្ត្រីជប៉ុន ពីថ្ងៃទី២១-២៨ ខែកញ្ញា ឆ្នាំ២០២២។ មហាសន្និបាតអង្គការសហប្រជាជាតិលើកទី៧៧ (មសអសប) សម្តេចតេជោនាយករដ្ឋមន្ត្រី…

ភ្នំពេញ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជួបប្រជុំពិភាក្សាការងារទ្វេភាគីជាមួយនឹងឯកឧត្តម នាយឧត្តមសេនីយ៍ ណារ៉ុងផាន់ ជិតកែវធែ (Narongpan Jitkaewtae) មេបញ្ជាការកងទ័ពជើងគោកនៃកងភូមិន្ទថៃ កាលពីរសៀលថ្ងៃទី១៩ ខែកញ្ញា ឆ្នាំ២០២២ នៅបញ្ជាការដ្ឋានកងទ័ពជើងគោក នៃកងភូមិន្ទថៃ ក្នុងឱកាសនៃដំណើរបំពេញទស្សនកិច្ចផ្លូវការលើកទី២ របស់គណៈប្រតិភូជាន់ខ្ពស់កងទ័ពជើងគោក នៃកងយោធពលខេមរភូមិន្ទ នៅព្រះរាជាណាចក្រថៃ តបតាមការអញ្ជើញរបស់សមភាគីមិត្ត។ នាយឧត្តមសេនីយ៍ ណារ៉ុងផាន់ ជិតកែវធែ បានសម្តែងនូវក្តីសោមនស្សរីករាយប្រកបដោយកិត្តិយស ក្នុងការទទួលស្វាគមន៍ដំណើរទស្សនកិច្ចផ្លូវការរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត និងបានរំឭកឡើងវិញអំពីលទ្ធផលសំខាន់ៗ នៃដំណើរទស្សនកិច្ចផ្លូវការរបស់រូបឯកឧត្តមផ្ទាល់ នៅព្រះរាជាណាចក្រកម្ពុជា កាលពីខែកុម្ភៈ ឆ្នាំ២០២២កន្លងទៅ។ ក្នុងនេះ ឯកឧត្តម នាយឧត្តមសេនីយ៍ ក៏បានកោតសរសើរអំពីការអភិវឌ្ឍរីក ចម្រើនលើគ្រប់វិស័យរបស់ប្រទេសកម្ពុជា និយាយជារួម និងនិយាយដោយឡែក អំពីការអភិវឌ្ឍសមត្ថភាពរបស់កងយោធពលខេមរភូមិន្ទ ដែលកំពុងដំណើរការបោះជំហានជាក់ ស្តែងទៅមុខគួរឱ្យកត់សម្គាល់។ ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានលើកឡើងអំពីចំណងមិត្តភាព ជិតស្និទ្ធ និងកិច្ចសហប្រតិបត្តិការល្អលើគ្រប់វិស័យរវាងប្រទេសទាំងពីរក្នុង…

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងដឹកនាំគណប្រតិភូជាន់ខ្ពស់ អញ្ជើញចូលរួមមហាសន្និបាតអង្គការសហប្រជាជាតិលើកទី៧៧ បំពេញទស្សនកិច្ចផ្លូវការនៅសាធារណរដ្ឋគុយបា និងចូលរួមពិធីបុណ្យសពថ្នាក់ជាតិរបស់ឯកឧត្តម អាបេស៊ីនហ្សូ អតីតនាយករដ្ឋមន្ត្រីជប៉ុន ពីថ្ងៃទី២១-២៨ ខែកញ្ញា ឆ្នាំ២០២២។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅរសៀលថ្ងៃទី១៩ ខែកញ្ញា ឆ្នាំ២០២២។ គណៈប្រតិភូនឹងអញ្ជើញអមដំណើររួមមានឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និងឯកឧត្តមបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល ព្រមទាំងថ្នាក់ដឹកនាំជាន់ខ្ពស់ របស់រដ្ឋាភិបាលផ្សេងទៀត។ ក្រសួងការបរទេសបានបន្តថា មហាសន្និបាតអង្គការសហប្រជាជាតិលើកទី៧៧ (មសអសប) ៖សម្តេចតេជោនាយករដ្ឋមន្ត្រី ហ៊ុន សែន នឹងអញ្ជើញចូលរួមសម័យប្រជុំលើកទី៧៧ នៃកិច្ចពិភាក្សាទូទៅរបស់មហាសន្និបាតអង្គការសហប្រជាជាតិ (មសអសប) ក្រោមប្រធានបទ «ចំណុចរបត់សំខាន់នៃការផ្លាស់ប្តូរមិនអាចត្រឡប់ក្រោយបាន៖ ដំណោះស្រាយបរិវត្តកម្មចំពោះបញ្ហាប្រឈមប្រទាក់ក្រឡាគ្នា» ចាប់ពីថ្ងៃទី២១-២៣ ខែកញ្ញា ឆ្នាំ២០២២ នៅទីក្រុងញូវយ៉ក។សម្តេចតេជោនាយករដ្ឋមន្ត្រី នឹងអញ្ជើញធ្វើសេចក្តីថ្លែងការណ៍ជាតិរបស់កម្ពុជា…

ភ្នំពេញ៖ មន្ត្រីជាន់ខ្ពស់ គ.ជ.ប បានបញ្ជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ បើទោះបីជាគ្មានវត្តមានអតីតមេដឹកនាំនៃគណបក្សប្រឆាំង។ ការបោះឆ្នោតនេះ ត្រូវអនុវត្តតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ជាតិរបស់កម្ពុជា ហើយរាល់បណ្តឹងពាក់ព័ន្ធការបោះឆ្នោតត្រូវ បានដោះស្រាយចប់សព្វគ្រប់ ពេលនោះលទ្ធផល នៃការបោះឆ្នោតនឹងប្រកាសជាផ្លូវការដោយមិនរង់ចាំការប្រថាប់ត្រាដោយការព្រម ឬមិនព្រម ពេញចិត្ត ឬមិនពេញចិត្ត ត្រឹមត្រូវ ឬមិនត្រឹមត្រូវរបស់បុគ្គលណាមួយទេ។ ការបញ្ជាក់នេះ គឺជាការឆ្លើយតបទៅនឹងលោក Alan Lowenthal សមាជិកសភាសហរដ្ឋអាមេរិកដែលបានលើកឡើងកាលពីពេលថ្មីៗកន្លងមកនេះថា ការបោះឆ្នោតជាតិនៅក្នុងឆ្នាំ២០២៣ នឹងគ្មានន័យទេ ប្រសិនបើមេដឹកនាំបក្សសង្គ្រោះជាតិ លោក កឹម សុខា មិនអាចចូលរួមបាននោះ។ ទាក់ទងការលើកឡើងនេះ ឯកឧត្តម សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប បានមានប្រសាសន៍ ថ្លែងប្រាប់ AMS នៅរសៀលថ្ងៃទី១៧ ខែកញ្ញានេះថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ។ ការបោះឆ្នោតនេះ ត្រូវអនុវត្តតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ជាតិរបស់កម្ពុជា។ តាមច្បាប់ស្តីពីការបោះឆ្នោតជ្រើសតាំងតំណាងរាស្ត្រគណបក្សនយោបាយដែលបានចុះបញ្ជីស្របច្បាប់ស្តីពីគណបក្សនយោបាយ…

ភ្នំពេញ៖ តាមរយៈសារសំឡេងនៅថ្ងៃទី១៧ ខែកញ្ញានេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញបទបញ្ជាយ៉ាងម៉ឹងម៉ាត់បំផុតឱ្យចាត់វិធានការបង្ក្រាបឱ្យទាន់ពេលវេលា និងដាច់ណាត់បំផុត។ ដោយសម្តេចបានសង្កត់ធ្ងន់ថា សម្តេចមិនស្ទាក់ស្ទើរជាមួយនឹងការដកចេញពីមុខតំណែងនូវអភិបាលខេត្ត រាជធានី អភិបាលស្រុក ខណ្ឌ ក្រុង ឬមន្ត្រីនគរបាលថ្នាក់ណាក៏ដោយ ដែលរកឃើញថា មិនទទួលខុសត្រូវលើមុខងាររបស់ខ្លួន។ មិនអាចបណ្តោយឱ្យសភាពការណ៍បង្កឡើងបែបអាណាធិបតេយ្យក្នុងបនល្បែងតទៅទៀតទេ ត្រូវតែម៉ឹងម៉ាត់ ត្រូវតែដាច់ខាត វាមិនមែនជាកំណើនសេដ្ឋកិច្ចនោះទេ ក៏ប៉ុន្តែវាបណ្តាលឲ្យមនុស្សជាច្រើនត្រូវខូចខាត ដោយត្រូវលក់គោ លក់ក្របី លក់ដីធ្លី ដើម្បីចាញ់ល្បែង។ សម្តេចតេជោ ហ៊ុន សែន បានលើកឡើងថា មានប្រភេទជល់មាន់តាមអនឡាញ ឬក៏លេងតាមអនឡាញ និងតាមតុកាហ្វេ និងតាមទីកន្លែងនានា។ កន្លែងខ្លះ ភូមិ-ឃុំ ខ្លះ សារព័ត៌មានបានជួយចុះផ្សាយក៏ប៉ុន្តែអស់លោកមិនព្រមធ្វើ ជាពិសេសបណ្តាអធិការស្រុក ឬក៏ប៉ុស្តិ៍នគរបាលនៅតាមភូមិ តាមឃុំ មិនព្រមអើពើបង្ក្រាប។ សម្តេចតេជោបានបញ្ជាក់ថា “ទីតាំងបនល្បែងទាំងឡាយដែលមានការធ្វើអាជីវកម្មដូចជា លក់គុយទាវ ហាងកាហ្វេ ក៏ប៉ុន្តែបង្កប់ដោយល្បែង ចាំបាច់ត្រូវតែបិទចោលដោយមិនឱ្យប្រកបរបបរកស៊ីតទៅទៀត ត្រូវធ្វើវិធានការនេះឲ្យដាច់ណាត់បំផុត ហើយវាគ្មានការចាំបាច់ត្រូវមករំខាននាយករដ្ឋមន្ត្រី ឬរដ្ឋមន្ត្រីក្រសួងមហាផ្ទៃនោះទេ។ ប្រសិនបើអស់លោកអភិបាលខេត្ត អភិបាលស្រុក…