ភ្នំពេញ៖ អ្នកណែនាំប្រជាពលរដ្ឋឱ្យគូសសន្លឹកឆ្នោតចោលនៅពេលទៅបោះឆ្នោតនឹងត្រូវផ្តន្ទាទោសតាមច្បាប់។ នេះបើយោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត(គ.ជ.ប)នៅព្រឹកថ្ងៃទី១១ ខែកក្កដា ឆ្នាំ២០២៣នេះ៕ គ.ជ.ប បានឱ្យដឹងថា ថ្ងៃបោះឆ្នោតកាន់តែខិតជិតមកដល់នេះក្រុមប្រតិកម្មព័ត៌មាន គ.ជ.ប បានកត់សម្គាល់ឃើញថា មានបុគ្គលមួយចំនួនកាន់តែបន្តយុទ្ធនាការ តាមបណ្តាញព័ត៌មានសង្គម ដោយណែនាំឱ្យប្រជាពលរដ្ឋគូសសន្លឹកឆ្នោតចោលពេលទៅបោះឆ្នោតនៅថ្ងៃបោះឆ្នោត ដើម្បីធ្វើឱ្យសន្លឹកឆ្នោតរបស់ពួកគាត់ ក្លាយជាសន្លឹកឆ្នោតមិនបានការ ដោយហេតុថាគ្មានគណបក្ស ភ្លើងទៀន។ អ្នកណែនាំ បែបនេះ នឹងត្រូវផ្តន្ទាទោសតាមច្បាប់ដែលមានជាធរមាន។ មាត្រា ១៤២ ថ្មីនៃច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ ចែងថាត្រូវផាកពិន័យជាប្រាក់ពី ៥.០០០.០០០(ប្រាំលាន)រៀល ទៅ២០.០០០.០០០(ម្ភៃលាន)រៀល ដោយ គជ.ប ដោយពុំទាន់គិតដល់ទោសព្រហ្មទណ្ឌផ្សេងទៀត ចំពោះជនណាដែលតាមគ្រប់ មធ្យោបាយទុច្ចរិត៖-ណែនាំ ឬញុះញង់ឱ្យអ្នកបោះឆ្នោតបំផ្លាញ ឬធ្វើឱ្យខូចសន្លឹកឆ្នោត។-ធ្វើឱ្យបាត់ទំនុងចិត្តលើការសម្ងាត់នៃការបោះឆ្នោត។-ធ្វើឱ្យមានការភាន់ច្រឡំនាំឱ្យបាត់ទំនុកចិត្តលើការបោះឆ្នោត ចំពោះជនដែលបានប្រព្រឹត្តល្មើសណាមួយដូចបានដកស្រង់ខាងលើនេះ នឹងត្រូវលុបឈ្មោះ ចេញពីបញ្ជីបោះឆ្នោត ឬ/និងលុបបេក្ខភាពរបស់សាមីខ្លួន ឬ/និងដកសិទ្ធិឈរឈ្មោះឱ្យគេបោះឆ្នោត របស់សាមីខ្លួនសម្រាប់រយៈពេល៥(ប្រាំ)ឆ្នាំយ៉ាងតិចបន្ថែមទៀត ដោយគណៈកម្មាធិការជាតិរៀបចំ ការបោះឆ្នោត។ ផ្ទុយទៅវិញ គជ.ប សូមអំពាវនាវ សូមប្រជាពលរដ្ឋ កុំចាញ់បោកទង្វើម ទុច្ចរិតរប អគតិមួយចំនួន ដែលមានចេតនាបំផ្លាញលទ្ធិប្រជាធិបតេយ្យ បំផ្លាញសិទ្ធិបងប្អូន និងនាំបងប្អូនឱ្យប្រព្រឹត្តអំពើផ្ទុយនឹងច្បាប់។ គ.ជ.ប សូមអំពាវនាវប្រជាពលរដ្ឋដែលមានឈ្មោះក្នុងបញ្ជីបោះឆ្នោតឆ្នាំ២០២២ទាំងអស់ មេត្តាត្រៀមខ្លួន និងត្រៀមអត្តសញ្ញាណប័ណ្ណសញ្ញាតិខ្មែរ(អ.ខ)…

ភ្នំពេញ៖ ដំណើរការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ រយៈពេល១០ថ្ងៃ គឺចាប់ពីថ្ងៃទី១-១០ ខែកក្កដា ឆ្នាំ២០២៣ គឺបានប្រព្រឹត្តទៅដោយរលូន គ្មានអំពើហិង្សាកើតឡើង មានសណ្តាប់ធ្នាប់ល្អ និងមិនមានបញ្ហាអ្វីកើតឡើងគួរឱ្យកត់សម្គាល់នោះទេ នេះបើតាមការបញ្ជាក់របស់អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ប្រាប់ AMS នៅល្ងាចថ្ងៃទី១០ ខែកក្កដា ឆ្នាំ២០២៣នេះ។ អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ឯកឧត្តម ហង្ស ពុទ្ធា បានមានប្រសាសន៍ថា អំឡុងពេលនៃការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ រយៈពេល ១០ថ្ងៃ ពីថ្ងៃទី១-១០ ខែកក្កដា មកនេះ មានភាពល្អប្រសើរគ្មានអំពើហិង្សា គ្មានការប៉ះទង្គិចរវាងគណបក្សនយោបាយដែលមាននិន្នាការខុសគ្នា។ ហើយក៏ជាការឃោសនាមួយមានភាពល្អ ដែលអាចចាត់ទុកបានថាជាការឃោសនាដែលមានសណ្តាប់ធ្នាប់ និងមានការរីករាយចូលរួមទាំងអ្នកគាំទ្រ ទាំងគណបក្សនយោនាយ ហើយនិងអាជ្ញាធរដែនដី ព្រមទាំងមន្ត្រី នៃគណៈកម្មាធិការជាតិរៀបចំការបោះឆ្នោតផងដែរ។ ឯកឧត្តម ហង្ស ពុទ្ធា បានបញ្ជាក់ថា ទាក់ទងការឃោសនាបោះឆ្នោតរយៈពេល១០ថ្ងៃមកនេះ គឺមានបណ្តឹងចំនួនពីរនៅខេត្តឧត្តរមានជ័យ ចំនួន១បណ្តឹង និងរាជធានីភ្នំពេញ ចំនួន១បណ្តឹង ដែលប្តឹងដោយគណបក្សប្រជាជនកម្ពុជា។ បណ្តឹងនៅខេត្តឧត្តរមានជ័យ មានបុរសម្នាក់ឈ្មោះ កង…

ភ្នំពេញ៖ បណ្តុំអង្គការសង្គមស៊ីវិល បានអំពាវនាវប្រជាពលរដ្ឋខ្មែរដែលមានសិទ្ធិបោះឆ្នោត និងមានឈ្មោះក្នុងបញ្ជី អ្នកបោះឆ្នោត សូមប្រើប្រាស់សិទ្ធិដ៏សំខាន់របស់ខ្លួន អញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដោយជ្រើសរើសគណបក្សនយោបាយមួយដែលខ្លួនពេញចិត្ត ដើម្បីបន្តរក្សាការពារសន្តិភាព ភាពសុខសាន្ត និងការអភិវឌ្ឍ នៃសង្គមជាតិយើង និងជៀសវាងការចាញ់ឃោសនាអកុសលពីបុគ្គលអគតិមួយចំនួនតូច ដែលអាចនាំឱ្យមានការប្រព្រឹត្តខុសឆ្គងផ្ទុយនឹងច្បាប់ ប្រឈមនឹងទោសទណ្ឌនានា តាមច្បាប់ជាធរមាន។ នេះបើបើតាមការសេចក្តីថ្លែងការណ៍របស់បណ្តុំអង្គការសង្គមស៊ីវិល នៅថ្ងៃទី១០ ខែកក្កដា ឆ្នាំ២០២៣។ បណ្តុំអង្គការសង្គមស៊ីវិលបានលើកឡើងថា ថ្មីៗនេះ មានបុគ្គលអគតិមួយចំនួន កំពុងតែធ្វើការបំផុសបំផុល ក្នុងចេតនាទុច្ចរិត បំផ្លាញសិទ្ធិរបស់ប្រជាពលរដ្ឋ និងញុះញង់ប្រជាពលរដ្ឋឱ្យប្រព្រឹត្តអំពើផ្ទុយច្បាប់ ព្រមទាំងប្រឆាំងនឹងការអំពាវនាវរបស់អង្គព្រះមហាក្សត្រ។ ប្រភពដដែលបានបញ្ជាក់ថា យោងតាមច្បាប់ស្ដីពីវិសោធនកម្មច្បាប់បោះឆ្នោត ដែលត្រូវបានប្រកាសឱ្យប្រើដោយព្រះរាជក្រមលេខ នស/រកម/០៧២៣/០១០ ចុះថ្ងៃទី០៤ ខែកក្កដា ឆ្នាំ២០២៣ ដែលកំពុងមានអានុភាពជាធរមាន បានកំណត់ថា អំពើរារាំង ឬញុះញង់ប្រជាពលរដ្ឋដែលមានសិទ្ធិបោះឆ្នោតមិនឱ្យទៅបោះឆ្នោត និងអំពើណែនាំ ឬញុះញង់ឱ្យអ្នកបោះឆ្នោតបំផ្លាញ ឬធ្វើឱ្យខូចសន្លឹកឆ្នោត ជាបទល្មើសព្រហ្មទណ្ឌ ដែលត្រូវ រងការផាកពិន័យជាប្រាក់ពី ៥លានរៀល ទៅ ២០លានរៀល និងការដកសិទ្ធិ ឈរឈ្មោះឱ្យគេបោះឆ្នោតយ៉ាងតិច ៥ឆ្នាំ ដោយមិនទាន់គិតដល់ទោសព្រហ្មទណ្ឌផ្សេងទៀត។…

ភ្នំពេញ៖ ថ្ងៃទី១០ ខែកក្កដា ឆ្នាំ២០២៣នេះ គឺជាថ្ងៃទីដប់នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។ ផ្អែកតាមរបាយការណ៍របស់គណៈកម្មការរាជធានី ខេត្តរៀបចំការបោះឆ្នោត (គធ.ខប) គណបក្សនយោបាយ ចំនួន១៤ បានធ្វើសកម្មភាពឃោសនាបោះឆ្នោត ក្នុងនោះមានគណបក្សនយោបាយ ចំនួន៥ បានហែក្បួនឃោសនា។ នេះបើយោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី១០ ខែកក្កដា ឆ្នាំ២០២៣។ គ.ជ.ប បានបន្តថា នៅថ្ងៃទីដប់នេះ គណបក្សហ៊្វុនស៊ិនប៉ិច បានហែក្បួនឃោសនានៅមណ្ឌលខេត្តព្រៃវែង។ គណបក្សប្រជាធិបតេយ្យមូលដ្ឋាន ហែក្បួនឃោសនានៅមណ្ឌលរាជធានីភ្នំពេញ។ គណបក្សខ្មែរអភិវឌ្ឍន៍សេដ្ឋកិច្ច ហែក្បួនឃោសនានៅមណ្ឌលខេត្តតាកែវ។ គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តកំពង់ធំ និងគណបក្សខ្មែរឈប់ក្រ បានហែក្បួនឃោសនានៅមណ្ឌលខេត្តកំពង់ស្ពឺ។ ក្រៅពីគណបក្សនយោបាយទាំង៥ខាងលើ គណបក្សនយោបាយ ចំនួន៩ផ្សេងទៀត រួមមាន គណបក្សប្រជាជនកម្ពុជា គណបក្សខ្មែររួបរួមជាតិ គណបក្សកសិករ គណបក្សធម្មាធិបតេយ្យ គណបក្សសំបុកឃ្មុំសង្គមប្រជាធិបតេយ្យ គណបក្សស្ត្រីដើម្បីស្ត្រី គណបក្សយុវជនកម្ពុជា គណបក្សឯកភាព-ជាតិខ្មែរ និងគណបក្សជនជាតិដើមប្រជាធិបតេយ្យកម្ពុជា បានធ្វើការឃោសនាបោះឆ្នោតតាមរយៈសកម្មភាពជួបប្រជុំ ចាក់មេក្រូផ្សព្វផ្សាយនៅទីស្នាក់ការគណបក្ស និងចល័តតាមភូមិ ចែកខិត្តបណ្ណតាមខ្នងផ្ទះ បិទខិត្តបណ្ណ និងចងបដានៅទីសាធារណៈ ប្រគំតន្រ្តី សម្ដែងសិល្បៈ…

សៀមរាប៖ នៅថ្ងៃទី១០ ខែកក្កដា ឆ្នាំ២០២៣ ដែលជាថ្ងៃទី១០ នៃយុទ្ធនាការឃោសនាបោះឆ្នោតតំណាងរាស្រ្តនីតិកាលទី៧ ឆ្នាំ​២០២៣ ​លោកជំទាវ តឹករ៉េត កំរង បេក្ខជនឈរឈ្មោះតំណាងរាស្រ្តមណ្ឌលខេត្តសៀមរាប បានបន្តអញ្ជើញជួបសំណេះសំណាល ផ្សព្វផ្សាយគោលនយោបាយគណបក្ស ជាមួយប្រជាពលរដ្ឋនៅឃុំត្រពាំងធំ ស្រុកប្រាសាទបាគង ខេត្តសៀមរាប ចំនួន៦៥០នាក់។ ក្នុងឱកាសនេះលោកជំទាវក៏បានអំពាវនាវឱ្យប្រជាពលរដ្ឋអញ្ជើញទៅបោះឆ្នោតឱ្យបានគ្រប់ៗគ្នា និងបោះឆ្នោតជូនគណបក្ស​ប្រជាជន​កម្ពុជា ដែលមានរូបសញ្ញាទេវតាបាចផ្កា នៅលេខរៀងទី១៨។ បោះឆ្នោតជូនគណបក្សប្រជាជនកម្ពុជា គឺបោះឆ្នោតឱ្យ​ខ្លួនឯង។ ក្នុងដំណើរការនៃយុទ្ធនាការឃោសនាបោះឆ្នោតនេះកាលពីថ្ងៃទី៩ ខែកក្កដា គ.ជ.ប បានបញ្ជាក់ថា ជារួម ស្ថានភាពទូទៅនៃដំណើរការ​ឃោសនា បោះឆ្នោតរបស់គណបក្សនយោបាយក្នុងថ្ងៃទីប្រាំបួននេះ បានប្រព្រឹត្ត​ទៅដោយរលូន មានសន្តិសុខ សុវត្ថិភាព សណ្ដាប់ធ្នាប់ល្អ និងគ្មានអំពើហិង្សា។ សូមជម្រាបជូនថា ការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ មានរយៈពេល២១ថ្ងៃ ចាប់ពីថ្ងៃទី១ ដល់ថ្ងៃទី២១ ខែកក្កដា ។ ការបោះឆ្នោតនឹងប្រព្រឹត្តិទៅនៅថ្ងៃទី ២៣ ខែកក្កដា ដោយមានគណបក្សនយោបាយចំនួន១៨ចូលរួម៕ដោយ៖ពលជ័យ

ភ្នំពេញ៖នៅសល់តែ ១៣ ថ្ងៃទៀតប៉ុណ្ណោះ ការបោះឆ្នោតជ្រើសតាំងតំណាងរាស្ត្រនីតិកាលទី៧ ២៣ កក្កដា នឹងប្រព្រឹត្តទៅ ខណៈ​គណបក្ស​នយោបាយចំនួន ១៨ ដែលបានចូលរួមប្រកួតប្រជែង បាននិងកំពុងធ្វើយុទ្ធនាការឃោសនាថ្ងៃទី១០ ដើម្បីស្វែងរកសំឡេងឆ្នោត​ពី​​ប្រជាពលរដ្ឋនិងបានចូលរួមជាមួយអង្គព្រះមហាក្សត្រ គណៈកម្មាធិការជាតិរៀបចំការបោះឆ្នោតជំរុញលើកទឹកចិត្តពលរដ្ឋដែលមាន​ឈ្មោះ​ក្នុងបញ្ជីឈ្មោះបោះឆ្នោត​អញ្ជើញទៅបោះឆ្នោតឱ្យបានគ្រប់ៗគ្នាដើម្បីបំពេញកាតព្វកិច្ចជាប្រជាពលរដ្ឋល្អ និងគាំទ្រលើកស្ទួយដំណើរការ​ប្រជាធិបតេយ្យ​នៅកម្ពុជា។ ប៉ុន្តែក្រុមជនក្បត់ជាតិមួយក្តាប់តូចដឹកនាំដោយទណ្ឌិតក្បត់ជាតិ ៣ជំនាន់​ សម រង្ស៊ី បាននិងកំពុងដើរបញ្ច្រាស​ទិសនឹងចរន្តប្រជាធិបតេយ្យ និងផលប្រយោជន៍របស់ប្រជាពលរដ្ឋកម្ពុជា តាមរយៈការប៉ុនប៉ងបំផ្លាញការបោះឆ្នោតដែលជាមធ្យោបាយ​ប្រជាធិបតេយ្យ​តែមួយគត់ក្នុងការជ្រើសរើសថ្នាក់ដឹកនាំប្រទេស និងការធានាសិទ្ធិជ្រើសរើសតំណាងរបស់ប្រជាពលរដ្ឋ។ ទណ្ឌិតក្បត់ជាតិ ៣ ជំនាន់បានធ្វើសកម្មភាពបំផ្លាញការបោះឆ្នោត ដោយបើកយុទ្ធនាការរារាំងប្រជាពលរដ្ឋមិនឱ្យទៅបោះឆ្នោត និង​ញុះញង់ឱ្យពលរដ្ឋគូសបំផ្លាញសន្លឹកឆ្នោតចោលដែលជាទង្វើបំពានច្បាប់និងជាការបំផ្លាញសិទ្ធិសេរីភាពនិងការសម្រេចចិត្តរបស់ប្រជាពលរដ្ឋក្នុងការជ្រើសរើសបក្សនយោបាយដើម្បីដឹកនាំប្រទេសបម្រើផលប្រយោជន៍របស់ពួកគាត់ ក្រោយពីគណបក្សភ្លើងទៀនដែលជាបក្ស​របស់ខ្លួនមិនបានចូលរួមប្រកួតប្រជែងក្នុងការបោះឆ្នោតដោយសារតែគណបក្សនេះខ្វះឯកសារប្រកាសស្តីពីការចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃដែលមានបញ្ជាក់​នីត្យានុកូលកម្មស្របតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ។ ទង្វើរារាំង ញុះញង់ប្រជាពលរដ្ឋដែលមានសិទ្ធិបោះឆ្នោត មិនឱ្យទៅបោះឆ្នោត និងណែនាំ ឬញុះញង់​ឱ្យអ្នកបោះឆ្នោតបំផ្លាញឬធ្វើឱ្យខូចសន្លឹកឆ្នោត គឺជាអំពើខុសច្បាប់ ដែលត្រូវលុបឈ្មោះចេញពីបញ្ជីបោះឆ្នោត ឬលុបបេក្ខភាពរបស់សាមីខ្លួន ឬដកសិទ្ធិឈរឈ្មោះឱ្យគេបោះឆ្នោត​​សម្រាប់​រយៈពេល ៥ ឆ្នាំយ៉ាងតិច ហើយប្រសិនបើជាគណបក្សនយោបាយញុះញង់ ត្រូវប្រឈមមុខនឹងការលុបចេញពីបញ្ជីបេក្ខភាព​គណបក្ស​នោះពីការប្រកួតប្រជែង និងរងការផាកពិន័យជាប្រាក់ផងដែរ។ ទណ្ឌិតក្បត់ជាតិ សម រង្ស៊ី​ជាជនសាងគ្រោះឱ្យជាតិខ្មែរម្នាក់ដែលតាំងពីជីតា រហូតដល់ឪពុកខ្លួន និងតមកខ្លួនបានធ្វើនយោបាយក្បត់ជាតិ ក្បត់សាសនា ក្បត់ព្រះមហាក្សត្រតរៀងមក។ ជំនាន់ជីតានិងឪពុករបស់ខ្លួនគឺក្បត់ជាតិនិងក្បត់ព្រះមហាក្សត្រ។ នយោបាយសងសឹករបស់ទណ្ឌិតក្បត់ជាតិ ៣ ជំនាន់ សម រង្ស៊ី…

ភ្នំពេញ៖ ” ថ្មីៗនេះ មានបុគ្គលអគតិមួយចំនួន កំពុងតែធ្វើការបំផុសបំផុល ក្នុងចេតនាទុច្ចរិត បំផ្លាញសិទ្ធិរបស់ប្រជាពលរដ្ឋ និងញុះញង់​ប្រជា​ពលរដ្ឋឱ្យប្រព្រឹត្តអំពើផ្ទុយច្បាប់ ព្រមទាំងប្រឆាំងនឹងការអំពាវនាវរបស់អង្គព្រះមហាក្សត្រ”។ នេះបើយោងតាមសេចក្តីថ្លែងការណ៍​របស់ក្រុមមេធាវីរាជរដ្ឋាភិបាល នៅថ្ងៃទី៩ ខែកក្កដា ឆ្នាំ២០២៣។ ក្រុមមេធាវីរាជរដ្ឋាភិបាលបានបញ្ជាក់ថា យោងតាមច្បាប់ស្ដីពីវិសោធនកម្មច្បាប់បោះឆ្នោត ដែលត្រូវបានប្រកាសឱ្យប្រើដោយព្រះរាជក្រម​លេខ នស/រកម/០៧២៣/០១០ ចុះថ្ងៃទី០៤ ខែកក្កដា ឆ្នាំ២០២៣ ដែលកំពុងមានអានុភាពជាធរមាន បានកំណត់ថា អំពើរារាំង ឬ​​ញុះញង់ប្រជាពលរដ្ឋដែលមានសិទ្ធិបោះឆ្នោតមិនឱ្យទៅបោះឆ្នោត និងអំពើណែនាំ ឬញុះញង់ឱ្យអ្នកបោះឆ្នោតបំផ្លាញ ឬធ្វើឱ្យខូចសន្លឹក​ឆ្នោត ជាបទល្មើសព្រហ្មទណ្ឌ ដែលត្រូវ រងការផាកពិន័យជាប្រាក់ពី ៥លានរៀល ទៅ ២០លានរៀល និងការដកសិទ្ធិ ឈរឈ្មោះឱ្យគេ​បោះឆ្នោតយ៉ាងតិច ៥ឆ្នាំ ដោយមិនទាន់គិតដល់ទោសព្រហ្មទណ្ឌផ្សេងទៀត ។ ក្រុមមេធាវីរាជរដ្ឋាភិបាលបានអំពាវនាវប្រជាពលរដ្ឋខ្មែរដែលមានសិទ្ធិបោះឆ្នោត និងមានឈ្មោះក្នុងបញ្ជី អ្នកបោះឆ្នោត សូមប្រើប្រាស់​សិទ្ធិដ៏សំខាន់របស់ខ្លួន អញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដោយជ្រើសរើសគណបក្សនយោបាយ​មួយដែលខ្លួនពេញចិត្ត ដើម្បីបន្តរក្សាការពារសន្តិភាព ភាពសុខសាន្ត និងការអភិវឌ្ឍ នៃសង្គមជាតិយើង និងជៀសវាងការចាញ់ឃោសនា​អកុសលពីបុគ្គលអគតិមួយ ចំនួនតូច ដែលអាចនាំឱ្យមានការប្រព្រឹត្តខុសឆ្គងផ្ទុយនឹងច្បាប់ ប្រឈមនឹងទោសទណ្ឌនានា…

សេចក្តីប្រកាសព័ត៌មានគ.ជ.បបានបញ្ជាក់ថា នៅថ្ងៃទី៩ខែកក្កដា ផ្អែកតាមរបាយការណ៍របស់គណៈកម្មការរាជធានី ខេត្តរៀបចំការ​បោះឆ្នោត (គធ.ខប) គណបក្សនយោបាយ ចំនួន ១៥ បានធ្វើសកម្មភាពឃោសនាបោះឆ្នោត។ ក្នុងនោះមានគណបក្សនយោបាយ ចំនួន ៨ បានហែក្បួនឃោសនា។ នៅថ្ងៃទីប្រាំបួននេះ គណបក្សប្រជាជនកម្ពុជា បានហែក្បួនឃោសនានៅមណ្ឌលបោះឆ្នោតចំនួន ៧ គឺនៅមណ្ឌលខេត្តកំពង់ស្ពឺ កណ្ដាល កោះកុង ព្រះវិហារ មណ្ឌលគិរី ត្បូងឃ្មុំ និងមណ្ឌលរាជធានីភ្នំពេញ។ គណបក្សហ៊្វុនស៊ិនប៉ិច ហែក្បួនឃោសនានៅមណ្ឌលខេត្តបាត់ដំបង កំពង់ធំ កំពត ស្វាយរៀង ពោធិ៍សាត់ តាកែវ និងមណ្ឌលខេត្តកំពង់ចាម។ គណបក្សខ្មែររួបរួមជាតិ ហែក្បួនឃោសនានៅមណ្ឌល​ខេត្ត​ព្រៃវែង។ គណបក្សកសិករ ហែក្បួនឃោសនានៅមណ្ឌលរាជធានីភ្នំពេញ។ គណបក្សជនជាតិដើមប្រជាធិបតេយ្យកម្ពុជា ហែក្បួនឃោសនា​នៅមណ្ឌលខេត្តមណ្ឌលគិរី។ គណបក្សកម្លាំងប្រជាធិបតេយ្យ ហែក្បួនឃោសនានៅមណ្ឌលខេត្តកំពត។ គណបក្សឯកភាពជាតិខ្មែរ ហែក្បួនឃោសនានៅមណ្ឌលខេត្តព្រះសីហនុ។ គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តតាកែវ។ ប្រភពដដែលបន្តថា ក្រៅពីគណបក្សនយោបាយទាំង ៨ ខាងលើ គណបក្សនយោបាយ ចំនួន ៧ ផ្សេងទៀត រួមមាន គណបក្សស្រ្តី​ដើម្បីស្ត្រី គណបក្សសំបុកឃ្មុំសង្គមប្រជាធិបតេយ្យ…

សៀមរាប៖ លោកជំទាវ តឹករ៉េត កំរង បេក្ខជនឈរឈ្មោះតំណាងរាស្រ្តមណ្ឌល ខេត្តសៀមរាបបានបន្តអញ្ជើញជួបសំណេះសំណាលជាមួយសមាជិក សមាជិកា​គណបក្សប្រជាជនកម្ពុជាជាង៦០០នាក់នៅឃុំកណ្ដែក ស្រុកប្រាសាទបាគង ខេត្តសៀមរាប ។ ក្នុងសកម្មភាពនៅថ្ងៃទី៩ខែកក្កដា ដែលជាថ្ងៃទី៩នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ឆ្នាំ២០២៣លោកជំទាវបានធ្វើការផ្សព្វ​ផ្សាយគោលនយោបាយរបស់គណបក្សជូនដល់ប្រជាពលរដ្ឋ ដល់សមាជិក សមាជិកាគណបក្ស។លោកជំទាវបានរំលេចនូវសមិទ្ធផលធំៗរបស់គណបក្សប្រជាជនកម្ពុជាក្រោមការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន ក្នុងការការពារសន្តិភាព ការអភិវឌ្ឍលើគ្រប់វិស័យ និងការលើកកម្ពស់កិត្យានុភាពជាតិលើឆាកអន្តរជាតិ។ ក្នុងឱកាសនេះដែរលោកជំទាវ តឹករ៉េត កំរង ក៏បានក្រើនរំលឹកដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោត សូមអញ្ជើញទៅ​បោះឆ្នោត​នៅថ្ងៃទី ២៣ខែកក្កដាឱ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កានៅលេខ​រៀងទី ១៨ ។ បោះឆ្នោតជូនគណបក្សប្រជាជនកម្ពុជា ដើម្បីសន្តិភាព និងការអភិវឌ្ឍ ។ សូមជម្រាបថា ការបោះឆ្នោតជ្រើសតាំងតំណាងរាស្រ្តនីតិកាលទី៧ នឹងប្រព្រឹត្តិទៅនៅថ្ងៃទី ២៣ ខែកក្កដា ដោយមានគណបក្សនយោបាយចំនួន១៨ចូលរួម៕ ដោយ៖ពលជ័យ

ភ្នំពេញ៖ ឯកឧត្តមបណ្ឌិត ហ៊ុន ម៉ាណែត បានសរសេរលើបណ្តាញសង្គមហ្វេសប៊ុកថា “មានមិត្តមួយចំនួនបានប្រាប់ខ្ញុំថា កាន់តែជិតដល់បោះឆ្នោត មានមនុស្សមួយក្រុមបានព្យាយាមកាន់តែសកម្មក្នុងការបង្កើត និងប្រឌិតរឿងប្លែកៗ ដើម្បីធ្វើការវាយប្រហារលើរូបខ្ញុំ ក្នុងគោលបំណងបង្អាក់ដំណើររបស់ខ្ញុំមិនអោយទៅមុខ រហូតដល់មានអ្នកខ្លះរៀបចំជាផែនការទប់ស្កាត់ជាចំហ”។ ឯកឧត្តមបណ្ឌិត ហ៊ុន ម៉ាណែត បានបន្តថា “បញ្ហានេះនាំឱ្យខ្ញុំនឹកឃើញដល់ការហ្វឹកហ្វឺនមួយកាលពីខ្ញុំនៅជាសក្ខាកាមនិស្សិតនាយទាហាននៅសហរដ្ឋអាមេរិក គឺការហ្វឹកហ្វឺនឆ្លងកាត់ឧបសគ្គ ដែលតម្រូវឱ្យសិក្ខាកាមម្នាក់ៗដើរទៅរកគោលដៅមួយ ដោយដើរលើបង្គោលដែកដែលមានរយៈកម្ពស់ខ្ពស់មធ្យមពីលើផ្ទៃទឹក (ដូចក្នុងរូបថតភ្ចាប់ជាមួយ)។ សរុបសេចក្តីមក អ្វីៗគឺស្ថិតនៅលើខ្លួនយើង ដើរដល់គោលដៅឬមិនដល់គោលដៅ គឺជាកាតព្វកិច្ចនិងការទទួលខុសត្រូវរបស់យើងតែម្នាក់គត់ មិនអាចដាក់បន្ទុកទៅលើកត្តាបរិស្ថានជុំវិញ (ទីលាននិងឧបសគ្គ) ឬមនុស្សផ្សេង(ក្រុមគ្រូ)នោះទេ។ ជាពិសេសកុំចាំបាច់ផ្តោតអារម្មណ៍ ឬឱ្យតម្លៃទៅលើអ្នកដែលព្យាយាមរារាំងមិនឱ្យយើងដើរដល់គោលដៅរបស់យើងធ្វើអ្វី ព្រោះពេលយើងដើរដល់គោលដៅរបស់យើងដោយជោគជ័យ អ្នកទាំងនោះនឹងបរាជ័យដោយស្វ័យប្រវត្តិ”៕