ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរខួបលើកទី៤៦ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣) ដែលនឹងត្រូវប្រារព្ធធ្វើនៅថ្ងៃទី២០ ខែមិថុនា ឆ្នាំ២០២៣ នៅទីស្ដីការក្រសួងការពារជាតិ។ ពិធីនេះ នឹងមានការអញ្ជើញចូលរួមពីសំណាក់ឥស្សរជនជាន់ខ្ពស់រាជរដ្ឋាភិបាលកម្ពុជា ថ្នាក់ដឹកនាំក្រសួងការពារជាតិ អគ្គបញ្ជាការដ្ឋាននៃកងយោធពលខេមរភូមិន្ទ ក្រសួងមហាផ្ទៃ អគ្គស្នងការដ្ឋាននគរបាលជាតិ ភ្ញៀវកិត្តិយសជាតិ អន្តរជាតិ និងអ្នកសារពត៌មានជាតិ អន្តរជាតិផងដែរ។ ដោយបានទទួលការអនុញ្ញាតពីឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស នៅរសៀលថ្ងៃទី១៥ ខែមិថុនា ឆ្នាំ២០២៣ នៅសាលប្រជុំអគារសេនាធិការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ទោ ស សំបូរធន នាយសេនាធិការកងរាជអាវុធហត្ថលើផ្ទៃប្រទេស បានអញ្ជើញដឹកនាំកិច្ចប្រជុំផ្សព្វផ្សាយផែនការ ការពារ សន្តិសុខ រក្សាសុវត្ថិភាព និងសង្គ្រោះបន្ទាន់ ពិធីអបអរសាទរខួបលើកទី៤៦ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០…

ភ្នំពេញ៖ ឯកឧត្ដម ប្រាក់ សុខុន ឧបនាយករដ្ឋមន្រ្ដី រដ្ឋមន្រ្ដីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឧត្ដម វ៉ាង វិនធាន (WANG Wentian) ឯកអគ្គរដ្ឋទូត នៃសាធារណរដ្ឋប្រជាមានិតចិន ប្រចាំកម្ពុជា កាលពីព្រឹកថ្ងៃទី១៥ ខែមិថុនា ឆ្នាំ២០២៣ បានអញ្ជើញចុះហត្ថលេខារួមគ្នាលើកិច្ចព្រមព្រៀងស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង ឆ្នាំ២០២៣ ដើម្បីអនុវត្តគម្រោងចំនួន០៩ នៅកម្ពុជា ដែលមានទឹកប្រាក់សរុបប្រមាណ២.០០០.០០០ ដុល្លារអាមេរិក (ពីរលានដុល្លារអាមេរិក)។ ក្នុងឱកាសខាងលើ ឯកឧត្ដម ឧបនាយករដ្ឋមន្រ្ដី បានមានប្រសាសន៍ថា កាលពី៧ឆ្នាំមុន នៅពេលថ្នាក់ដឹកនាំ នៃប្រទេសជាសមាជិកបានប្រកាសអនុវត្តមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង យន្តការនេះទទួលបានសេចក្តីសង្ឃឹមនិងការរំពឹងទុកខ្ពស់ ដោយសារនេះជាក្របខ័ណ្ឌកិច្ចសហប្រតិបត្តិការតំបន់មេគង្គដំបូងបង្អស់ ដែលបង្កើតឱ្យមានមូលនិធិពិសេស ដើម្បីផ្តល់ហិរញ្ញប្បទានដល់គម្រោងកិច្ចសហប្រតិបត្តិការ ដែលផ្តល់លទ្ធផលក្នុងរយៈពេលខ្លីចំពោះការអភិវឌ្ឍ។ ឯកឧត្ដម ឧបនាយករដ្ឋមន្រ្ដី បានបន្ថែមថា នៅថ្ងៃនេះ ខណៈពេលដែលយើងពិនិត្យមើលពីសមិទ្ធផលវិញ យើងសម្រេចបានតាមការប្តេជ្ញារបស់យើង ក្នុងការផ្តល់អាទិភាពដល់ការអភិវឌ្ឍរួម តាមរយៈការបង្កើតបាននូវលទ្ធផលជាក់ស្តែងក្នុងរយៈពេលខ្លី និងដាក់ចេញជាគំនិតផ្តួចផ្តើមសម្រាប់សកម្មភាពអភិវឌ្ឍន៍ប្រកបដោយបរិវត្តកម្ម និងអាចពង្រីកបានច្រើនទៀត លើវិស័យសំខាន់ៗមួយចំនួន រួមមាន ការលុបបំបាត់ភាពក្រីក្រ សុខាភិបាល ការអប់រំ ប្រព័ន្ធផ្សព្វផ្សាយ ទេសចរណ៍…

ភ្នំពេញ៖ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា បានមានប្រសាសន៍ថា ជុំវិញការធ្វើវិសោធនកម្មច្បាប់បោះឆ្នោត ដើម្បីកែទម្រង់សិទ្ធិក្នុងការឈរឈ្មោះឱ្យគេបោះឆ្នោត គឺលោកសូមសម្តែងនូវការគាំទ្រទាំងស្រុងនៅគំនិតផ្តួចផ្តើម និងប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកកម្ពុជា និងជាប្រធានគណបក្សប្រជាជនកម្ពុជា ក្នុងការធ្វើវិសោធនកម្មច្បាប់បោះឆ្នោត ដើម្បីកែទម្រង់សិទ្ធិក្នុងការឈរឈ្មោះឱ្យគេបោះឆ្នោត សម្រាប់បុគ្គលទាំងឡាយណាដែលមិនបានបំពេញកាតព្វកិច្ចទៅបោះឆ្នោត មុនពេលដែលខ្លួននឹងត្រូវឈរឈ្មោះឱ្យគេបោះឆ្នោតឱ្យ បុគ្គលនោះនឹងត្រូវបាត់បង់សិទ្ធិបោះឆ្នោត។ គំនិតផ្តួចផ្តើមនេះ គឺជាគំនិតផ្តួចផ្តើមមួយដ៏៏ត្រឹមត្រូវ នឹងឆ្លើយតបតម្រូវការសម្រាប់ព្រះរាជាណាចក្រកម្ពុជាក្នុងការអនុវត្តនូវគោលការណ៍ប្រជាធិបតេយ្យ សេរី ពហុបក្ស ដែលមានកំណត់នៅក្នុងរដ្ឋធម្មនុញ្ញ។ លោកបានបន្តថា ការធ្វើវិសោធនកម្មច្បាប់បោះឆ្នោតនេះ វាមិនប៉ះពាល់ទៅដល់សិទ្ធិរបស់ប្រជាពលរដ្ឋនៅក្នុងការសម្រេចថា ទៅបោះឆ្នោត ឬមិនទៅបោះឆ្នោតនោះទេ។ ក៏ប៉ុន្តែវាជាការពង្រឹង និងលើកម្ពស់ដំណើរការប្រជាធិបតេយ្យនៅព្រះរាជាណាចក្រកម្ពុជា។ ជាពិសេសដើម្បីធ្វើឱ្យអ្នកដឹកនាំទាំងអស់ ទាំងថ្នាក់ដឹកនាំថ្នាក់ជាតិ ក៏ដូចជាថ្នាក់ដឹកនាំនៅថ្នាក់ក្រោមជាតិ ដែលត្រូវបានជ្រើសរើសតាមរយៈការបោះឆ្នោតមានការទទួលខុសត្រូវចំពោះជាតិ និងប្រជាជន។ ការទទួលខុសត្រូវនេះ គឺត្រូវចាប់ផ្តើមពីការអនុវត្តដោយខ្ជាប់ខ្ជួននូវសិទ្ធិបោះឆ្នោត ដែលករណីកិច្ចរបស់ប្រជាពលរដ្ឋល្អគ្រប់រូបចំពោះប្រទេសជាតិនៅក្នុងសង្គមប្រជាធិបតេយ្យ។ លោក គិន ភា យល់ឃើញថា ការធ្វើវិសោធនកម្មច្បាប់បោះឆ្នោតបែបនេះ គឺបង្កើតបាននៅមូលដ្ឋានច្បាប់គ្រប់គ្រាន់សម្រាប់ដំណើរការលទ្ធិប្រជាធិបតេយ្យ និងនិតិរដ្ឋនៅកម្ពុជា។ ដូចយើងបានដឹងហើយ ទាំងរដ្ឋធម្មនុញ្ញ នៃព្រះរាជាណាចក្រកម្ពុជា ឆ្នាំ១៩៩៣ ក៏ដូចជាច្បាប់ស្តីពីការបោះឆ្នោតគ្រប់ប្រភេទ គឺបានកំណត់អំពីការប្រើប្រាស់សិទ្ធិ…

ភ្នំពេញ៖ លោក សួន សេរីរដ្ឋា ប្រធានក្រុមប្រឹក្សាភិបាលវេទិកាសន្តិភាពកម្ពុជា និងជាអ្នកតាមដានព្រឹត្តិការណ៍នយោបាយបានថ្លែងថា មានរឿង៣ ដែលគ្រប់អ្នកនយោបាយនិងគណបក្សនយោបាយទាំងអស់ ត្រូវគោរពទទួលយកនូវតម្លៃសច្ចភាពជាប្រវត្តិសាស្ត្រ ដែលគ្រប់គ្នាត្រូវគោរពដឹងគុណ ហើយមិនត្រូវយកមកនិយាយវ៉ៃប្រហាររិះគន់ ឬដាក់ក្នុងរបៀបវារៈនយោបាយរបស់ខ្លួនដើម្បី បញ្ឆេះកំហឹងប្រជាពលរដ្ឋឱ្យយល់ច្រឡំនោះគឺ៖១-សច្ចភាពនៃថ្ងៃ ៧ មករា ១៩៧៩ ដែលជាថ្ងៃរំដោះអាយុជីវិតខ្មែរទាំងអស់គ្នាពីរបបគុកឥតជញ្ជាំង ឱ្យបានរស់រាន មានជីវិតសាជាថ្មី…២-គុណតម្លៃនៃសន្តិភាព ដែលកើតចេញពីនយោបាយឈ្នះ ឈ្នះ ដែលបាននាំមកនូវការឯកភាពជាតិ បញ្ចប់សង្គ្រាមរវាងខ្មែរនិងខ្មែរ ទទួលបានសន្តិភាពពេញលេញ តាំងពីក្រោយថ្ងៃ ២៩ ធ្នូ ១៩៩៨ រហូតមកដល់ថ្ងៃនេះ… និង៣-នយោបាយបោះបង្គោលព្រំដែនតាមព្រំដែនដីគោកជាប់ជាមួយបណ្តាប្រទេសជិតខាងទាំងអស់នៅជាប់កម្ពុជា ដើម្បីធានាឱ្យកម្ពុជា មានបង្គោលព្រំដែនជាក់លាក់ជាមួយនឹងប្រទេសជិតខាង លែងជាព្រំដែនតាមមាត់ តាមចាំតគ្នា ឬតាមតែផែនទីបន្សល់ទុកផ្សេងៗគ្នាទៀត។ ៣ចំណុចនេះ គឺជាគុណតម្លៃ ជាមរតកនយោបាយប្រវត្តិសាស្ត្ររបស់សម្តេចតេជោ ហ៊ុន សែន នៃព្រះរាជាណាចក្រកម្ពុជា ដែលសម្តេចបានពលីកម្មគ្រប់យ៉ាង ដើម្បីយកមកជូនប្រជាជាតិនិងមាតុភូមិកម្ពុជា ហើយដែលបានផ្តល់ប្រយោជន៍វែងឆ្ងាយឱ្យគ្រប់គ្នាដោយមិនប្រកាន់និន្នាការនយោបាយមកពីណាទេ។ លោកបន្តថា ដូចនេះ អ្នកនយោបាយមកពីគ្រប់បក្សនយោបាយទាំងអស់ ត្រូវធ្វើនយោបាយដោយឈរលើស្មារតីឯកភាពជាតិ ហ៊ានទទួលយកការពិត ហ៊ានឱ្យតម្លៃ និងគោរពដឹងគុណ ការដឹកនាំរបស់សម្តេចតេជោ ដែលបានរំដោះអាយុជិវិត ជីដូន ជីតា…

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) អញ្ជើញតំណាងគណបក្សនយោបាយចូលរួមប្រកួតប្រជែងក្នុងការបោះឆ្នោត អង្គការសង្កេតការណ៍បោះឆ្នោត និងអ្នកសារព័ត៌មាន ដើម្បីចូលរួមពិនិត្យមើលដំណើរការបោះពុម្ពសន្លឹកឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ នៅព្រឹកថ្ងៃទី១៥ ខែមិថុនា ឆ្នាំ២០២៣ វេលាម៉ោង៨:០០ ក្រោមអធិបតីភាពឯកឧត្ដម ប្រាជ្ញ ចន្ទ ប្រធាន គ.ជ.ប។ ឯកឧត្តម ហង្ស ពុទ្ធា អ្នកនាំពាក្យ គ.ជ.ប បាន បញ្ជាក់ថា សន្លឹកឆ្នោតដែលនឹងបោះពុម្ពសន្លឹកជាង១៣លានសន្លឹក គឺចែកចេញជា២ប្រភេទ ដោយប្រភេទទី១ គឺជាប្រភេទសន្លឹកឆ្នោតដែលនឹងបញ្ជូនទៅការិយាល័យបោះឆ្នោតជាង ២៣០០ការិយាល័យ និងប្រភេទទី២ សន្លឹកឆ្នោតជាង១លាន២សែនសន្លឹក គឺតម្កល់ទុកនៅគណៈកម្មការខេត្តរៀបចំការបោះឆ្នោត ត្រៀមបម្រុងដើម្បីដោះស្រាយបញ្ហាជាយថាហេតុណាមួយដែលអាចនឹងកើតឡើង។ ឯកឧត្តមបន្តថា សន្លឹកឆ្នោតបោះពុម្ពរួចរាល់បាន១១ខេត្តហើយ។ ការបោះពុម្ពនឹងរួចរាល់នៅថ្ងៃទី១៥ ខែកក្កដា ឆ្នាំ២០២៣។ អ្នកនាំពាក្យ គ.ជ.ប បានបញ្ជាក់ថា ការបោះពុម្ពសន្លឹកឆ្នោតជាង១៣លានសន្លឹក ចំណាយថវិកាជាង២លានដុល្លារ។ សរុបថវិកាសម្រាប់ការបោះឆ្នោតនេះ ជាង៥០លានដុល្លារ។ ទឹកខ្មៅជ្រលក់ដៃបញ្ជាទិញពីឥណ្ឌាជាង៥ម៉ឺន២ពាន់ដប។ ដំណើរការរៀបចំបោះពុម្ពសន្លឹកឆ្នោត និងប្រព្រឹត្តទៅជាប្រក្រតី គ.ជ.ប អញ្ជើញភាគីពាក់ព័ន្ធ ទាំងគណបក្សនយោបាយដើម្បីពិនិត្យមើលការបោះឆ្នោតសន្លឹកឆ្នោតផងដែរ។ មន្ត្រីជំនាញរបស់ គ.ជ.ប…

ភ្នំពេញ៖ ឯកឧត្តមបណ្ឌិត ហ៊ុន ម៉ាណែត បានមានប្រសាសន៍បញ្ជាក់ថា ចាប់តាំងពីថ្ងៃរំដោះ ៧មករា, ការលើកស្ទួយវិស័យសាសនាឡើងវិញ ត្រូវបានចាត់ទុកជាអាទិភាពមួយក្នុងចំណោមកិច្ចការជាច្រើន។ កិច្ចការនេះ មិនមែនងាយស្រួលនោះឡើយ ពីព្រោះពេលនោះ ដៃម្ខាងត្រូវទប់ស្កាត់ការវិលមកវិញនៃរបបខ្មែរក្រហម ហើយដៃម្ខាងទៀត ត្រូវរៀបចំស្តារកសាងសង្គម-សេដ្ឋកិច្ចឡើងវិញ ហើយរហូតមកដល់បច្ចុប្បន្ន យើងមានវត្តព្រះពុទ្ធសាសនាប្រមាណជាង៥ពាន់វត្ត និងព្រះសង្ឃជាង៧ម៉ឺនអង្គ នៅទូទាំងប្រទេស ព្រមទាំងសាសនាផ្សេងៗទៀតជាច្រើន ក៏អាចធ្វើសកម្មភាព និងមានការគោរពបដិបត្តិបានពេញលេញ ដោយបង្កើតបានជាសុខដុមនីយកម្មសាសនា ដែលជាមូលដ្ឋានមួយដ៏សំខាន់ផងដែរក្នុងការបង្កើតសន្តិភាព។ ការបញ្ជាក់នេះ ក្នុងពិធីសម្ពោធអគារធម្មសាលា ព្រះពុទ្ធរូបចតុទិស និងសមិទ្ធផលនានា នៅក្នុងវត្តភ្នៀតសិម្ពលី ស្ថិតក្នុងសង្កាត់ស្នោរ ខណ្ឌកំបូល រាជធានីភ្នំពេញ កាលពីព្រឹកថ្ងៃទី១៤ ខែមិថុនា ឆ្នាំ២០២៣។ ឯកឧត្តមបណ្ឌិត ហ៊ុន ម៉ាណែត បានបញ្ជាក់ទៀតថា មានកត្តាបរិស្ថានគ្របដណ្តប់សំខាន់៣ ដែលបង្កលក្ខណៈដល់ការកសាងសមិទ្ធផលទាំងផ្នែកពុទ្ធចក្រ និងអាណាចក្រ ក៏ដូចជាការអភិវឌ្ឍរីកចម្រើនរបស់ប្រទេសជាតិទាំងមូល គឺ៖ សន្តិភាព សិទ្ធិសេរីភាព និងជីវភាព។ទី១)សន្តិភាព គឺជាគុណតម្លៃនៃការរស់នៅដោយស្ងប់សុខទាំងផ្លូវកាយ និងផ្លូវចិត្ត និងគ្មានអំពើហិង្សា ហើយសន្តិភាពនេះ គឺជាមូលគ្រឹះនៃការអភិវឌ្ឍលើគ្រប់វិស័យ។ទី២)សិទ្ធិសេរីភាព គឺជាអំណាចក្នុងការសម្រេចចិត្ត និងការជ្រើសរើសទាំងក្នុងជីវភាពរស់នៅប្រចាំថ្ងៃ ក៏ដូចជាការរៀនសូត្រ…

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) ជម្រាបជូនដល់ប្រជាពលរដ្ឋខ្មែរ ដែលកំពុងបំពេញបេសកកម្ម ឬរស់នៅ និងធ្វើការនៅក្រៅប្រទេសទាំងអស់ថា ៖១.ការបោះឆ្នោតជ្រើសតាំងតំណាងរាស្រ្ត នីតិកាលទី៧ នឹងប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០២៣ ចាប់ពីម៉ោង៧:០០ព្រឹក រហូតដល់ម៉ោង ៣:០០រសៀល។២.ដើម្បីបោះឆ្នោតបាន ប្រជាពលរដ្ឋខ្មែរត្រូវមានឈ្មោះក្នុងបញ្ជីបោះឆ្នោត និងត្រូវមានអត្តសញ្ញាណប័ណ្ណសញ្ជាតិខ្មែរមានសុពលភាព (អ.ខ) ឬឯកសារបញ្ជាក់អត្តសញ្ញាណបម្រើឱ្យការបោះឆ្នោត (ឯ.អ)។ ករណីប្រជាពលរដ្ឋមានឈ្មោះក្នុងបញ្ជីបោះឆ្នោតហើយ ប៉ុន្តែពុំទាន់មានអត្តសញ្ញាណប័ណ្ណសញ្ជាតិខ្មែរ ឬបានអស់សុពលភាព ឬមិនទាន់ទទួលបាន ឬបាត់ ឬខូច ឬកែតម្រូវ ប្រជាពលរដ្ឋអាចប្រើប្រាស់ឯកសារបញ្ជាក់អត្តសញ្ញាណបម្រើឱ្យការបោះឆ្នោត ឆ្នាំ២០២៣ ដើម្បីបោះ ឆ្នោត។ ឯកសារបញ្ជាក់អត្តសញ្ញាណបម្រើឱ្យការបោះឆ្នោតនឹងត្រូវធ្វើជូនប្រជាពលរដ្ឋរយៈពេល៣០ថ្ងៃ ចាប់ពីថ្ងៃទី២២ ខែមិថុនា ដល់ថ្ងៃទី២១ ខែកក្កដា ឆ្នាំ២០២៣ នៅគណៈកម្មការឃុំ សង្កាត់រៀបចំការបោះឆ្នោត និងត្រូវបញ្ជាក់សុពលភាពដោយអាជ្ញាធរឃុំ សង្កាត់ ដែលសាមីខ្លួនមានឈ្មោះក្នុងបញ្ជីបោះឆ្នោតផ្លូវការ និងត្រូវបោះឆ្នោត។៣.ប្រជាពលរដ្ឋខ្មែរដែលមាន ឈ្មោះក្នុងបញ្ជីបោះ ឆ្នោតឆ្នាំ២០២២ និងកំពុងបំពេញបេសកកម្ម ឬរស់នៅ និងធ្វើការនៅក្រៅប្រទេស សូមវិលត្រឡប់មកប្រទេសកម្ពុជាវិញ ដើម្បីចូលរួមក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣នាពេលខាងមុខនេះ តាមកាលបរិច្ឆេទដែលបានកំណត់កុំបីខាន។ ជាមួយគ្នានេះ…

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានបញ្ជាក់ថា ការធ្វើវិសោធនកម្មច្បាប់បោះឆ្នោត ដើម្បីកែទម្រង់សិទ្ធិក្នុងការឈរឈ្មោះឱ្យគេបោះឆ្នោត៖ទី១-ការរៀបចំធ្វើការកែទម្រង់ “សិទ្ធិឈរឈ្មោះឱ្យគេបោះឆ្នោត” គឺធ្វើឡើងក្នុងគោលបំណងដើម្បីពង្រឹង និងលើកកម្ពស់ការទទួលខុសត្រូវរបស់មេដឹកនាំ ទាំងនៅថ្នាក់ជាតិ ទាំងនៅថ្នាក់ក្រោមជាតិ។ អ្នកដែលមានបំណងចង់ឈរឈ្មោះឱ្យគេបោះឆ្នោត ត្រូវមានការទទួលខុសត្រូវក្នុងនាមជាពលរដ្ឋល្អរបស់ជាតិ ក្នុងសង្គមប្រជាធិបតេយ្យ ដោយចាប់ផ្តើមពីការអនុវត្តឱ្យបានខ្ជាប់ខ្ជួននូវសិទ្ធិបោះឆ្នោត។ ក្នុងន័យនេះ អ្នកដែលមិនបានទៅបោះឆ្នោត ដោយគ្មានហេតុផលសមរម្យតាមផ្លូវច្បាប់ នឹងត្រូវចាត់ទុកថា បានបាត់បង់នូវលក្ខខណ្ឌក្នុងការឈរឈ្មោះឱ្យគេបោះឆ្នោត។ ប៉ុន្តែ អ្នកនោះនៅតែមានសិទ្ធិទៅបោះឆ្នោត ក្នុងនាមជាពលរដ្ឋដដែល ដោយមិនមានប៉ះពាល់អ្វីទាំងអស់។ទី២-នេះជាផ្នែកមួយនៃការកែទម្រង់ “សិទ្ធិក្នុងការឈរឈ្មោះឱ្យគេបោះឆ្នោត” នៅក្នុងដំណើរការប្រជាធិបតេយ្យ ដើម្បីឱ្យអនាគតមេដឹកនាំ ដែលត្រូវជ្រើសរើសតាមរបបបោះឆ្នោត ទាំងនៅថ្នាក់ជាតិ ទាំងនៅថ្នាក់ក្រោមជាតិ មានការទទួលខុសត្រូវជាងមុនក្នុងនាមជាពលរដ្ឋល្អរបស់ជាតិនៅក្នុងសង្គមប្រជាធិបតេយ្យ ហើយការកែទម្រង់នេះ គឺ មិនប៉ះពាល់ដល់ ”សិទ្ធិបោះឆ្នោត” ឡើយ ដោយសារប្រជាពលរដ្ឋនៅតែរក្សាសិទ្ធិរបស់ខ្លួន ក្នុងការទៅបោះឆ្នោតក៏បាន ឬ មិនទៅបោះឆ្នោតក៏បាន ដោយមិនត្រូវទទួលទណ្ឌកម្មពិន័យជាប្រាក់ ដូចប្រទេសប្រជាធិបតេយ្យមួយចំនួនឡើយ។ទី៣-ការកែទម្រង់ចំណុច “សិទ្ធិឈរឈ្មោះឱ្យគេបោះឆ្នោត” ខាងលើ នឹងត្រូវធ្វើតាមរយៈការវិសោធនកម្មច្បាប់បោះឆ្នោតទាំងឡាយ ដែលមានការពាក់ព័ន្ធ ហើយការធ្វើវិសោធនកម្មនេះ គឺ ស្របតាមការកំណត់នៃរដ្ឋធម្មនុញ្ញ នៃព្រះរាជាណាចក្រកម្ពុជា ពិសេស មាត្រា៣៤ថ្មី…

ភ្នំពេញ៖ ថ្នាក់ដឹកនាំ សមាជិក សមាជិកា នៃយុវជនគណបក្សប្រជាជនកម្ពុជាថ្នាក់កណ្ដាល បានប្រកាសគាំទ្រយ៉ាងពេញទំហឹងចំពោះគំនិតផ្តួចផ្តើមដ៏ខ្ពង់ខ្ពស់បំផុតរបស់សម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា លើការធ្វើវិសោធនកម្មច្បាប់បោះឆ្នោត ដើម្បីកែទម្រង់ «សិទ្ធិក្នុងការឈរឈ្មោះឱ្យគេបោះឆ្នោត» សម្រាប់បុគ្គលណាដែលមិនបានបំពេញកាតព្វកិច្ចទៅបោះឆ្នោតមុនពេលដែលខ្លួនត្រូវឈរឈ្មោះឱ្យគេបោះឆ្នោតឱ្យ បុគ្គលនោះនឹងត្រូវបាត់បង់សិទ្ធិឈរឈ្មោះបោះឆ្នោត។ ឆ្លៀតក្នុងឱកាសនេះផងដែរ យើងខ្ញុំទាំងអស់គ្នា មានសុទិដ្ឋិនិយម និងជឿជាក់ថា ការធ្វើវិសោធនកម្មច្បាប់បោះឆ្នោតនេះ គឺជាការកែទម្រង់ ដើម្បីពង្រឹង និងលើកកម្ពស់ដំណើរការប្រជាធិបតេយ្យនៅកម្ពុជា ស្របតាមគោលការណ៍ដែលមានចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជា ជាពិសេស ដើម្បីឱ្យអនាគតអ្នកដឹកនាំ ទាំងនៅថ្នាក់ជាតិ ទាំងនៅថ្នាក់ក្រោមជាតិ ដែលត្រូវជ្រើសរើសតាមរយៈការបោះឆ្នោត មានការទទួលខុសត្រូវខ្ពស់ចំពោះជាតិ និងប្រជាជន ហើយការទទួលខុសត្រូវនេះ ចាប់ផ្តើមពីការអនុវត្តឱ្យបានខ្ជាប់ខ្ជួននូវសិទ្ធិបោះឆ្នោត ដែលជាករណីកិច្ចរបស់ប្រជាពលរដ្ឋគ្រប់រូបចំពោះប្រទេសជាតិ នៅក្នុងសង្គមប្រជាធិបតេយ្យ។ ជាថ្មីម្តងទៀត យើងខ្ញុំទាំងអស់គ្នា សូមគាំទ្រយ៉ាងឱឡារិកចំពោះគំនិតផ្តួចផ្តើមដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លើការធ្វើវិសោធនកម្មច្បាប់បោះឆ្នោតនេះ និងមានសេចក្តីសង្ឃឹមប្រកបដោយគំនិតសុទិដ្ឋិនិយម និងទស្សនាទានវិជ្ជមានថា គ្រប់ស្ថាប័នជាតិទាំងអស់ នឹងគាំទ្រយ៉ាងពេញទំហឹងនូវបទប្បញ្ញត្តិទាំងឡាយ ដែលបានធ្វើវិសោធនកម្ម ជាពិសេសកែទម្រង់ «សិទ្ធិក្នុងការឈរឈ្មោះឱ្យគេបោះឆ្នោត» ព្រោះ ជាការត្រឹមត្រូវបំផុត និងស្របតាមនីតិវិធីច្បាប់កម្ពុជា៕