ភ្នំពេញ៖ អ្នកនាំពាក្យអគ្គបញ្ជាការដ្ឋាន នៃកងយោធពលខេមរភូមិន្ទ បានឱ្យដឹងថា ចាប់ពីថ្ងៃទី១៤ ដល់ថ្ងៃទី២៨ ខែឧសភា ឆ្នាំ២០២៥ កងយោធពលខេមរភូមិន្ទ និងកងទ័ពរំដោះប្រជាជនចិន នឹងចាប់ផ្តើមធ្វើសមយុទ្ធរួមគ្នាមិត្តភាព កម្ពុជា-ចិន «នាគមាស- ២០២៥» នៅទីតាំងពីរផ្សេងគ្នា។ ទី១. សមយុទ្ធលើគោក និងអាកាស នៅមជ្ឈមណ្ឌលហ្វឹកហ្វឺន កងរាជអាវុធហត្ថ (ភ្នំជុំសែនរីករាយ) ខេត្តកំពង់ឆ្នាំង និងទី២. សមយុទ្ធសមុទ្រ និងអាកាស នៅលើផ្ទៃសមុទ្រ និងដែនអាកាស កម្ពុជាក្នុងតំបន់ខេត្តព្រះសីហនុ។ អ្នកនាំពាក្យបានបន្តថា សមយុទ្ធមិត្តភាព កម្ពុជា-ចិន «នាគមាស-២០២៥» លើប្រធានបទ «ប្រតិបត្តិការប្រឆាំងភេរករួមគ្នា និងការងារសង្គ្រោះមនុស្សធម៌ ក្នុងគោលបំណង អភិវឌ្ឍន៍ឱ្យកាន់តែស៊ីជម្រៅនូវទំនាក់ទំនងដៃគូ កិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយ ក៏ដូចជាការផ្លាស់ប្តូរបទពិសោធន៍ ការពង្រឹងទស្សនៈ សន្តិសុខដែលមានលក្ខណៈរួមគ្នានិងការលើកកម្ពស់សមត្ថភាពប្រយុទ្ធជាក់ស្តែងរវាងកងទ័ពប្រទេសទាំងពីរ ក្នុងការប្រយុទ្ធប្រឆាំងអំពើភេរវកម្ម។ ប្រភពដដែលបានបញ្ជាក់ថា ចំពោះកម្លាំងទ័ពចូលរួម ភាគីកម្ពុជាចំនួន ១,៣៣១នាក់ និងភាគីចិនចំនួន ៨៤៥នាក់។ ដោយឡែក សព្វាវុធ គ្រឿងបំពាក់ចូលរួមសមយុទ្ធភាគីកម្ពុជា ប្រើប្រាស់កាំភ្លើងធំ កាំភ្លើងត្បាល់ រថពាសដែក រថយន្ត…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Zhu Yujiang ប្រធានក្រុមប្រឹក្សាភិបាល នៃក្រុមហ៊ុន Beijing Scitech Holdings Co., Ltd. ចូលជួបសម្តែងការគួរសម និងពិភាក្សាការងារ នៅវិមានសន្តិភាព នៅរសៀលថ្ងៃទី៥ ខែឧសភា ឆ្នាំ២០២៥។ នៅក្នុងឱកាសនៃជំនួបនេះ, លោកប្រធានក្រុមប្រឹក្សាភិបាលក្រុមហ៊ុន បានសម្ដែងនូវការអរគុណយ៉ាងជ្រាលជ្រៅជូនចំពោះសម្ដេចធិបតី ដែលបានអនុញ្ញាតឱ្យរូបលោក និងសហការីចូលជួបសម្ដែងការគួរសម និងពិភាក្សាការងារនាឱកាសនេះ។ លោកប្រធានបានសម្ដែងនូវចំណាប់អារម្មណ៍ និងវាយតម្លៃខ្ពស់ចំពោះការអភិវឌ្ឍយ៉ាងឆាប់រហ័សលើគ្រប់វិស័យរបស់កម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា​និងជាអតីត​នាយក​រដ្ឋមន្ត្រី​ ​និងសម្ដេចធិបតី នាយករដ្ឋមន្រ្តី។​ ចំពោះរូបលោក, កម្ពុជាតែងមានការផ្លាស់ប្តូរជាវិជ្ជមានជានិច្ច​ នៅរាល់ពេលដែលលោកមកកម្ពុជា​ ម្តងៗ។ ជាមួយគ្នានេះ, លោកប្រធានក៏បានបង្ហាញនូវក្ដីសោមនស្សរីករាយ ដែលបានឃើញទំនាក់ទំនង និងកិច្ចសហប្រតិបត្តិការចិន-កម្ពុជា​ កាន់តែរឹងមាំ និង​រីកលូតលាស់​ខ្លាំងក្លា។ ឆ្លៀតក្នុងឱកាសនេះ, លោកប្រធានក្រុមប្រឹក្សាភិបាលក្រុមហ៊ុន ក៏បានគោរពជម្រាបជូនសម្ដេចបវរធិបតី អំពីចំណាប់អារម្មណ៍របស់ក្រុមហ៊ុនក្នុងការស្វែងរកឱកាសវិនិយោគនៅកម្ពុជា លើការចម្រាញ់ប្រេងឆៅ និងការផលិតនូវផលិតផលផ្សេងៗ ដែលជាការកែច្នៃចេញពីសំណល់នៃការចម្រាញ់ប្រេងឆៅ។ លោកប្រធានបន្ថែមថា ការវិនិយោគនេះនឹងរួមចំណែកក្នុងការអភិវឌ្ឍសង្គម-សេដ្ឋកិច្ច ក៏ដូចជាការជំរុញដល់ការបង្កើនផលិតភាពនៃផលិតកម្មរបស់កម្ពុជា…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម Kim Wansup រដ្ឋមន្ត្រីក្រសួងបរិស្ថាន នៃសាធារណរដ្ឋកូរ៉េ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នារសៀលថ្ងៃទី៥ ខែឧសភា ឆ្នាំ២០២៥។ ក្នុងឱកាសជំនួបនេះ​, ឯកឧត្តមរដ្ឋមន្ត្រីបានសម្តែងនូវក្តីសោមនស្សរីករាយដែលបានមកបំពេញទស្សនកិច្ចនៅកម្ពុជា​ និងដែលបានទទួលការអនុញ្ញាតពីសម្តេចធិបតី​​ ឱ្យចូលជួបសម្តែងការគួរសម។ ឯកឧត្តមបានវាយតម្លៃខ្ពស់ចំពោះការរីកចម្រើននៃទំនាក់ទំនង និងកិច្ចសហប្រតិបត្តិការកូរ៉េ-កម្ពុជា ដែលបានឈានដល់កម្រិតភាពជាដៃគូយុទ្ធសាស្ត្រ ដែលនេះបានរួមចំណែកដល់កិច្ចសហប្រតិបត្តិការឈ្នះ ឈ្នះ សម្រាប់ប្រទេសទាំងពីរ។ ឯកឧត្តមរដ្ឋមន្ត្រីបានបន្តថា ឯកឧត្តម​ និងគណៈប្រតិភូ​ នឹងជួបពិភាក្សាការងារ​ ជាមួយថ្នាក់ដឹកនាំក្រសួងធនធានទឹកនិងឧតុនិយមកម្ពុជា ហើយគ្រោងនឹងចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការលើការគ្រប់គ្រងធនធានទឹក ដែល MoU នេះ នឹងរួមចំណែកពង្រឹងប្រសិទ្ធភាព និងចីរភាពនៃការគ្រប់គ្រងធនធានទឹកនៅកម្ពុជា។ ឯកឧត្តមរដ្ឋមន្ត្រីក៏បានចែករំលែកបទពិសោធន៍របស់កូរ៉េក្នុងការគ្រប់គ្រងធនធានទឹក តាមរយៈការប្រើប្រាស់បច្ចេកវិទ្យាទំនើប និងបញ្ញាសិប្បនិម្មិត (AI) ដើម្បីធានាប្រសិទ្ធភាព,​ ចីរភាព និងអស់សក្តានុពល​ នៃធនធាន​ សម្រាប់បម្រើដល់វិស័យទ្រទ្រង់សេដ្ឋកិច្ច ជាពិសេស​ វិស័យឧស្សាហកម្ម។ ឯកឧត្តមបានគូសបញ្ជាក់ពីការប្តេជ្ញាចិត្តបន្តជំរុញកិច្ចសហប្រតិបត្តិការលើវិស័យធនធានទឹកជាមួយកម្ពុជាបន្ថែមទៀត។ ជាការឆ្លើយតប, សម្តេចបវរធិបតី បានថ្លែងអំណរគុណចំពោះការគាំទ្រ​ និងជំនួយរបស់រដ្ឋាភិបាល និងប្រជាជនកូរ៉េ…

ភ្នំពេញ៖ ពីទីក្រុងហ្សាការតា សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា សន្តិភាពនៅក្នុងតំបន់ គឺមានសារៈសំខាន់ខ្លាំងណាស់។ ហេតុនេះអាស៊ានគ្មានភាពអល់អែកណាមួយនៅក្នុងការភ្ជាប់ទំនាក់ទំនងជាមួយគ្រប់បណ្ដាប្រទេសទាំងអស់មិនថា ប្រទេសកុម្មុយនីស្ត ប្រទេសសេរី ឬប្រទេសប្រកាន់ប្រព័ន្ធអ្វីនោះទេ។ ដោយសម្តេចបានលើកឡើងថា សំខាន់គឺធ្វើយ៉ាងឱ្យអាស៊ានក្លាយជាតំបន់ប្រកបដោយស្ថិរភាព និងសន្តិភាព។ ប្រសាសន៍សម្តេចតេជោនៅក្នុងពិធីថ្លែងសារគោលនយោបាយ នៅស្នាក់ការកណ្តាលអាស៊ាន/លេខាធិការដ្ឋានអាស៊ាន នាថ្ងៃទី៥ ខែឧសភា ឆ្នាំ២០២៥។ សម្ដេចតេជោ ហ៊ុន សែន បានសង្កត់ធ្ងន់ថា អាស៊ានបានដើរតួនាទីដ៏ល្អមួយនៅក្នុងការសម្របសម្រួលដោះស្រាយជម្លោះរបស់ប្រទេស ក្នុងតំបន់ តែអាស៊ានប្រកាន់ជំហរមិនលូកដៃចូលកិច្ចការផ្ទៃក្នុងនៃបណ្ដាប្រទេសទាំងអស់នោះឡើយ។ សម្ដេចសូមគោរពចំពោះភាពស៊ីវិល័យ(ទាន់សម័យនិយម)របស់អាស៊ាន ដែលប្រកាន់ជំហរដ៏ល្អបែបនេះ។ សម្តេចតេជោ បានបន្តថា អាស៊ានមានភាពស៊ីវិល័យ ដោយអាស៊ានបានដើរដល់ដំណាក់កាលមួយដោយរុញច្រានឱ្យមានសន្តិភាពនៅក្នុង តំបន់តាមរយៈការប្រឹងប្រែងបញ្ចប់ជម្លោះនៅកម្ពុជា។ សម្ដេចបានថ្លែងអំណរគុណអាស៊ានដែលបានជួយជំរុញដល់ដំណើរការបញ្ចប់សង្គ្រាមនៅកម្ពុជា។ កម្ពុជាបានជំពាក់គុណអាស៊ាន ដែលបានប្រឹងប្រែងចូលរួមដោះស្រាយបញ្ចប់ជម្លោះរ៉ាំរ៉ៃនៅកម្ពុជា៕ដោយ៖ពលជ័យរូបភាព៖ឆាណែលតេឡេក្រាមសម្តេចតេជោ ហ៊ុន សែន

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ វៀងថុន ស៊ីផាន់ដន (Viengthong Siphandone) ប្រធានតុលាការប្រជាជនកំពូលនៃសាធារណរដ្ឋប្រជាធិបតេយ្យប្រជាមានិតឡាវ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នារសៀលថ្ងៃទី៥ ខែឧសភា ឆ្នាំ២០២៥។ ក្នុងឱកាសនៃជំនួប លោកជំទាវ វៀងថុន ស៊ីផាន់ដន បានថ្លែងអំណរគុណយ៉ាងជ្រាលជ្រៅចំពោះសម្ដេចធិបតី ដែលបានអនុញ្ញាតឱ្យលោកជំទាវ និងគណៈប្រតិភូ ចូលជួបសម្ដែងការគួរសម​​ និងពិភាក្សាការងារ។ លោកជំទាវបានជម្រាបជូនសម្តេចធិបតីថា គោលបំណងសំខាន់នៃដំណើរទស្សនកិច្ចរបស់លោកជំទាវ និងគណៈប្រតិភូ មកកម្ពុជានាពេលនេះ គឺដើម្បីពង្រឹង និងពង្រីកកិច្ចសហប្រតិបត្តិការរវាងតុលាការកំពូលឡាវ-កម្ពុជា ដែលនឹងចូលរួមចំណែកដល់ការលើកកម្ពស់ទំនាក់ទំនង និងចំណងមិត្តភាពរវាងប្រទេសទាំងពីរឱ្យកាន់តែរឹងមាំថែមទៀត។ លោកជំទាវក៏បានជម្រាបជូនសម្ដេចបវរធិបតីបន្ថែមថា តាមរយៈការចុះហត្ថលេខាលើអនុស្សរណៈស្ដីពីកិច្ចសហប្រតិបត្តិការក្នុងវិស័យតុលាការ នាថ្ងៃស្អែក, ស្ថាប័នកំពូលទាំងពីរនឹងចែករំលែកបទពិសោធន៍ និងព័ត៌មាន រវាងគ្នា និងការរួមគ្នាប្រយុទ្ធប្រឆាំងនឹងបទល្មើសឆ្លងដែន រួមទាំងការជួញដូរមនុស្ស,​ ការជួញដូរគ្រឿងញៀនខុសច្បាប់​,​​ និងការឆបោកតាមប្រព័ន្ធបច្ចេកវិទ្យា​ (online scams) ក៏ដូចជាការបន្តសហការគ្នានៅក្នុងវេទិកាអន្តរជាតិ។ ជាការឆ្លើយតប, សម្ដេចធិបតីបានសម្ដែងនូវការពេញចិត្តចំពោះទំនាក់ទំនងដ៏ល្អនៃប្រទេសទាំងពីរ​ និងដែលបានឈានដល់កម្រិត “ភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែង” កាលពីឆ្នាំ២០១៩។ សម្ដេចធិបតីបានគូសបញ្ជាក់ថា ចំណងមិត្តភាពល្អប្រសើររវាងប្រទេសទាំងពីរ គឺជាមរតកដែលបានបន្សល់ទុកពីថ្នាក់ដឹកនាំជំនាន់មុនៗ…

ភ្នំពេញ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិតសភាកម្ពុជា បានមានប្រសាសន៍ថា ដំណើរទស្សនកិច្ចរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ទៅកាន់សាធារណរដ្ឋឥណ្ឌូណេស៊ី ក៏ដូចជាទស្សនកិច្ចផ្លូវការនៅសាធារណរដ្ឋប្រជាធិបតេយ្យទីម័រឡេស្តេ គឺពិតជាមានសារៈសំខាន់ណាស់ក្នុងការអនុវត្តនៅតួនាទីការទូតសភា ដែលសម្តេចបានលើកឡើងតាំងពីដើមអាណត្តិដែលលោកកាន់តំណែងជាប្រធានព្រឹទ្ធសភា គឺបានផ្តល់អាទិភាពសំខាន់ទៅលើការងារការទូតសភា។ ហើយនេះ គឺជាឱកាសដែលកម្ពុជាតាមរយៈការទូតសភាដែលដឹកនាំដោយសម្តេចតេជោ ហ៊ុន សែន គឺកម្ពុជាមានកាលាអនុវត្តភាពក្នុងការពង្រឹងនៅទំនាក់ទំនងការទូតទ្វេភាគីរវាងព្រះរាជាណាចក្រកម្ពុជា និងឥណ្ឌូនេស៊ី ក៏ដូចជារវាងព្រះរាជាណាចក្រកម្ពុជា និងទីម័រឡេស្តេ ហើយក៏ជាឱកាសដែលយើងអាចជជែកពិភាក្សាគ្នាក្នុងការជំរុញលើកកម្ពស់កិច្ចសហប្រតិបត្តិការលើវិស័យនយោបាយ សេដ្ឋកិច្ច ពាណិជ្ជកម្ម និងវិនិយោគ ហើយនឹងការផ្លាស់ប្តូររវាងប្រជាជន និងប្រជាជន។ បណ្ឌិត គិន ភា បានបន្តថា សម្តេចតេជោនឹងប្រើប្រាស់ឱកាសនេះ ដើម្បីជជែកជាមួយសមភាគីក៏ដូចជាតួអង្គពាក់ព័ន្ធនៅក្នុងប្រទេសទាំងពីរ (ឥណ្ឌូនេស៊ី និងទីម័រឡេស្តេ) ដើម្បីចែករំលែកទស្សនពាក់ព័ន្ធជាមួយនឹងបញ្ហាតំបន់ ក៏ដូចជាបញ្ហាពិភពលោក ហើយអ្វីដែលរឹតតែសំខាន់ជាងនេះទៅទៀតនោះ សម្តេចនឹងបានចែករំលែកនៅបទពិសោធន៍ដ៏ឧត្តុង្គឧត្តមរបស់សម្តេចក្នុងការដឹកនាំប្រទេសកម្ពុជារយៈពេល៤សតវត្សកន្លងមកនេះ។ ជាពិសេសបំផុត គឺបទពិសោធន៍នៃការកសាងសន្តិភាព និងការអភិវឌ្ឍ។ ដូចដែលយើងបានដឹងហើយថា កម្ពុជាក្រោមការដឹកនាំរបស់សម្តេចតេជោ ហ៊ុន សែន គឺមានការអភិវឌ្ឍតាំងពីកម្ពុជាមិនមានអ្វីសោះ គឺបានចេញដំណើរពីចំណុចក្រោមសូន្យក្រោយថ្ងៃរំដោះ ៧ មករា ១៩៧៩ រហូតដល់រក្សាបាននៅសុខសន្តិភាព…

នៅថ្ងៃទី៣ ខែឧសភា ឆ្នាំ២០២៥ ស្ថានទូតឯកអគ្គរាជទូតកម្ពុជាប្រចាំប្រទេសជប៉ុន សហការជាមួយគណៈកម្មការពិព័រណ៍កម្ពុជា បានរៀបចំព្រឹត្តិការណ៍ពិព័រណ៍កម្ពុជាប្រចាំឆ្នាំលើកទី៩ ឆ្នាំ២០២៥ (9th Cambodia Festival) នៅបរិវេណឧទ្យានយ៉ូយ៉ូហ្កិផាក (Yoyogi Park) នាទីក្រុងតូក្យូ។ កម្មវិធីបើកព្រឹត្តិការណ៍ពិព័រណ៍កម្ពុជានេះ បានអញ្ជើញចូលរួមជាអធិបតីដោយ ឯកឧត្ដម ទុយ រី ឯកអគ្គរាជទូតកម្ពុជា និងជាប្រធានគណៈកម្មការពិព័រណ៍កម្ពុជា ឯកឧត្តម ហ៊ុល សីលា អនុរដ្ឋលេខាធិការក្រសួងទេសចរណ៍កម្ពុជា ឯកឧត្តម IMAMURA Masahiro អតីតប្រធានសម្ព័ន្ធមិត្តភាពសភាជប៉ុន-កម្ពុជា និងជាទីប្រឹក្សាសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងឯកឧត្តម MIYAJI Takuma អនុរដ្ឋមន្រ្តី្កក្រសួងការបរទេសជប៉ុន ព្រមទាំងមានការអញ្ជើញចូលរួមពីតំណាងក្រសួងពាណិជ្ជកម្មកម្ពុជា តំណាងក្រសួងការងារ និងបណ្តុះបណ្តាលវិជ្ជាជីវៈកម្ពុជា ឯកអគ្គរាជ/រដ្ឋទូត និងតំណាងអង្គទូតនៃបណ្ដាប្រទេសសមាជិកអាស៊ាន តំណាងសហគមន៍ខ្មែរនិងសមាគមនិស្សិតខ្មែរនៅជប៉ុន ក្រុមហ៊ុនឯកជនកម្ពុជា និងជប៉ុន ប្រជាពលរដ្ឋខ្មែរដែលកំពុងរស់នៅ ធ្វើការ និងសិក្សានៅប្រទេសជប៉ុន ក៏ដូចជា ភ្ញៀវអន្តរជាតិប្រមាណជាង​៥ម៉ឺននាក់។ ព្រឹត្តិការណ៍ពិព័រណ៍កម្ពុជានេះ មានគោលបំណងដើម្បីផ្សព្វផ្សាយ និងលើកស្ទួយសិល្បៈវប្បធម៌ខ្មែរ ជំរុញការវិនិយោគ ទេសចរណ៍…

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានមានប្រសាសសន៍បញ្ជាក់ថា​ ព័ត៌មានដែលល្អ និងមានអ្នកចូលចិត្តច្រើន គឺជាព័ត៌មានដែល ប្លែក ពិត លឿន សុក្រឹត។ ព័ត៌មានប្លែក ពិត និងសុក្រឹត្យ ពលរដ្ឋ នឹងបន្តតាមដាន និងជឿជាក់ ហើយឱ្យតម្លៃ ដូច្នេះហើយអ្នកសារព័ត៌មានទាំងអស់ គប្បីត្រូវប្រកាន់ខ្ជាប់នូវ ក្រមសីលធម៌ និងវិជ្ជាជីវៈរបស់ខ្លួនឱ្យខាងតែបានកុំបំភ្លើស កុំបំភ្លៃ។​ ការបញ្ជាក់នេះ​ ក្នុងឱកាសអញ្ជើញសំណេះសំណាល និងពិសាអាហារសាមគ្គី ជាមួយអ្នកសារព័ត៌មានលើកទី៧ ដើម្បីអបអរសាទរទិវាសេរីភាពសារព័ត៌មាន នៅជ្រោយចង្វារ នារសៀលថ្ងៃទី៣ ខែឧសភា ឆ្នាំ២០២៥នេះ។ សម្តេចធិបតីក៏បានលើកទឹកចិត្តដល់អ្នកសារព័ត៌មានដែលបានផ្សព្វផ្សាយព័ត៌មានប្រកបដោយក្រមសីលធម៌វិជ្ជាជីវៈ ខណៈការផ្សព្វផ្សាយប្រកបដោយវិជ្ជាជីវៈនេះ បានជួយដល់រាជរដ្ឋាភិបាលក្នុងការប្រឆាំងព័ត៌មានក្លែងក្លាយ ដែលបង្កើតឡើងដោយក្រុមអ្នកនយោបាយប្រឆាំងមួយចំនួនក្តាប់តូចនោះ។ សម្តេចធិបតី បានចាត់ទុកអ្នកសារព័ត៌មាន​ គឺជាមែកធាងគ្រប់គ្រងរបស់រដ្ឋ ហើយរាជរដ្ឋាភិបាលប្រកាសថានឹងគោរពឱ្យបានល្អបំផុត ចំពោះសិទ្ធិអ្នកសារព័ត៌មានស្របទៅតាមច្បាប់រដ្ឋធម្មនុញ្ញរបស់កម្ពុជា។ សម្តេចធិបតី ហ៊ុន ម៉ាណែត បានផ្តាំទៅក្រុមអ្នកសារព័ត៌មានមួយចំនួន កុំយកអាជីពអ្នកសារព័ត៌មានឯករាជ្យ ហើយទៅរំលោភបំពានសិទ្ធិគេឱ្យសោះ គប្បីត្រូវគោរពគ្នាទៅវិញទៅមក ត្រូវ មានសុចរិតភាព និងត្រូវមានព្រំដែនឱ្យច្បាស់លាស់។ សម្តេចធិបតី ហ៊ុន ម៉ាណែត…

សម្តេចមហាបវរធិបតី​ ហ៊ុន​ ម៉ាណែត​ នាយករដ្ឋមន្ត្រីនៃព្រះរាជាណាចក្រកម្ពុជា​ បានមានប្រសាសន៍បញ្ជាក់ថា ជំនួបជាមួយអ្នកសារព័ត៌មាននាថ្ងៃនេះ បង្ហាញនូវការចូលរួមលើកកម្ពស់ការបើកលំហរសិទ្ធិសេរីភាពសារព័ត៌មាន និងការបញ្ចេញមតិនៅកម្ពុជា ដោយគោរពក្រមសីលធម៌ វិជ្ជាជីវៈ និងអាជីពសារព័ត៌មានកាន់តែល្អប្រសើរ ជាពិសេសរួមគ្នាខិតខំផ្សព្វផ្សាយព័ត៌មានពិត ហើយរួមគ្នាប្រឆាំងនឹងព័ត៌មានក្លែងក្លាយ។​ ការបញ្ជាក់របស់សម្តេចធិបតី ក្នុងពិធីជួបសំណេះសំណាល និងពិសាអាហារសាមគ្គីជាមួយអ្នកសារព័ត៌មាន លើកទី៧ ឆ្នាំ២០២៥ នាថ្ងៃទី៣​ ខែឧសភា​នេះ។ សម្តេចធិបតីបានបន្តថា​ ជំនួបជាមួយអ្នកសារព័ត៌មាន គឺដើម្បីផ្ដល់ឱកាសដល់អ្នកសារព័ត៌មានបានជួបដោយផ្ទាល់ និងបង្កើតបានទំនាក់ទំនងយ៉ាងជិតស្និទ្ធរវាងថ្នាក់ដឹកនាំរាជរដ្ឋាភិបាល និងអ្នកសារព័ត៌មាន អ្នកផលិតមាតិកាទាំងអាជីព និងមិនមែនអាជីពផ្សេងៗ ដែលនេះជាសេរីភាពយ៉ាងពេញលេញក្នុងការផ្សព្វផ្សាយព័ត៌មាននៅកម្ពុជា ហើយផ្អែកលើច្បាប់ដែលបានកំណត់ និងគោរពសិទ្ធិគ្នាទៅវិញទៅមក៕ដោយ៖ពលជ័យរូបភាព៖ហ្វេសប៊ុកផេកសម្តេចធិបតី ហ៊ុន ម៉ាណែត

ឯកឧត្តម នេត្រ ភត្ត្រា រដ្ឋមន្រ្តីក្រសួងព័ត៌មាន បានមានប្រសាសន៍បញ្ជាក់ថា ក្រសួងព័ត៌មានបានជំរុញការតាមដាន និងតម្រង់ទិសជាយុទ្ធសាស្ត្រលើការប្រឆាំង ទប់ស្កាត់ និងលុបបំបាត់ព័ត៌មានក្លែងក្លាយឱ្យបានរហ័សទាន់សភាពការណ៍ និងប្រសិទ្ធភាពខ្ពស់តាមគ្រប់មធ្យោបាយផ្សព្វផ្សាយ និងបណ្ដាញទំនាក់ទំនងសង្គម នៅព្រះរាជាណាចក្រកម្ពុជា ដោយបានពង្រឹងកិច្ចសហការជាមួយក្រសួងមហាផ្ទៃ ក្រសួងប្រៃសណីយ៍និងទូរគមនាគមន៍ ក្រសួងយុត្តិធម៌ និងក្រសួង-ស្ថាប័នពាក់ព័ន្ធ ដើម្បីចាត់វិធានការតាមនីតិវិធីច្បាប់ជាធរមានជាដើម។ ឯកឧត្តមរដ្ឋមន្ត្រី បានបន្តថា គោលដៅពង្រឹងប្រសិទ្ធភាព វិជ្ជាជីវៈអ្នកសារព័ត៌មាន និងហេដ្ឋារចនាសម្ព័ន្ធផ្សព្វផ្សាយ ក្រសួងព័ត៌មានបានយកចិត្តទុកដាក់លើការលើកកម្ពស់គុណភាពព័ត៌មាន តាមរយៈការពង្រឹងសមត្ថភាពមន្ត្រី និងអ្នកសារព័ត៌មាន, ពង្រឹងការអនុវត្តក្រមសីលធម៌វិជ្ជាជីវៈ និងការជំរុញនិងលើកទឹកចិត្តឱ្យការផលិតខ្លឹមសារសម្រាប់ការផ្សព្វផ្សាយឈរលើមូលដ្ឋានការពិត ត្រឹមត្រូវ មានប្រភពច្បាស់លាស់ និងប្រកបដោយចំណេះដឹងជាដើម។ ឯកឧត្តមបានបន្តទៀតថា ក្នុងឆ្នាំ២០២៤ កន្លងទៅ និងនៅដើមឆ្នាំ២០២៥ នេះ ក្រោមកិច្ចសហការជាមួយក្រសួង-ស្ថាប័ន និងដៃគូពាក់ព័ន្ធ ក្រសួងព័ត៌មានបានបន្តរៀបចំវគ្គបណ្តុះបណ្តាលរយៈពេលខ្លីសំខាន់ៗ ដល់អ្នកសារព័ត៌មាន និងមន្ត្រីព័ត៌មានស្តីពីអនក្ខរកម្មប្រព័ន្ធផ្សព្វផ្សាយឌីជីថល និងការធ្វើសេចក្តីរាយការណ៍ព័ត៌មានតាមបណ្តាញទំនាក់ទំនងសង្គម ការពង្រឹងសមត្ថភាពអ្នកសារព័ត៌មាន និងការពង្រឹងតួនាទីអ្នកនាំពាក្យសម្រាប់មន្ត្រីព័ត៌មាន៕ដោយ៖ពលជ័យ