ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ជួបជាមួយឯកឧត្ដម នាយឧត្ដមសេនីយ៍ជាន់ខ្ពស់ Min Aung Hlaing ប្រធានក្រុមប្រឹក្សារដ្ឋបាលរដ្ឋ នៃសាធារណរដ្ឋសហភាពមីយ៉ាន់ម៉ា ក្នុងជំនួបសម្តែងការគួរសម និងពិភាក្សាការងារ នៅខេត្តយូណាន សាធារណរដ្ឋប្រជាមានិតចិន នាព្រឹកថ្ងៃពុធ ទី៦ ខែវិច្ឆិកា ឆ្នាំ២០២៤។ ជំនួបពិភាក្សានេះ នាឱកាសដែលសម្តេចធិបតី ហ៊ុន ម៉ាណែត និងឯកឧត្ដម នាយឧត្ដមសេនីយ៍ជាន់ខ្ពស់ Min Aung Hlaing ការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន។ ក្រៅពីនេះ សម្ដេចធិបតីនាយករដ្ឋមន្ត្រី ក៏បានអនុញ្ញាតឱ្យលោកស្រី Xuemei Chen ប្រធានក្រុមហ៊ុន Zhengzhou chen’s sun និងលោក…

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នៅព្រឹកថ្ងៃទី៦ ខែតុលា ឆ្នាំ២០២៤ ដើម្បីពិនិត្យអនុម័តរបៀបវារៈមួយចំនួន។ ជាលទ្ធផល គណៈកម្មាធិការអចិន្រ្តៃយ៍រដ្ឋសភា បានកំណត់បន្តសម័យប្រជុំរដ្ឋសភាលើកទី៣ នីតិកាលទី៧ នៅព្រឹកថ្ងៃសុក្រទី៨ ខែវិច្ឆិកា ឆ្នាំ២២៤ ខាងមុខ ដោយមានរបៀបវារៈចំនួនពីរមាន៖១)ការសម្រេចអំពីសុពលភាពនៃអាណត្តិរបស់លោកជំទាវ យស ថានារី ជាតំណាងរាស្រ្តមណ្ឌល ខេត្តកំពង់ធំ ជំនួស ឯកឧត្តម ជា ចាន់តូ ដែលបានទទួលមរណភាព។២)ការពិភាក្សានិងអនុម័តសេចក្តីព្រាងច្បាប់ស្តីពី ការអនុម័តលុបចោលកិច្ចព្រមព្រៀងស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម៕ដោយ៖ពលជ័យរូបភាព៖រដ្ឋសភា

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម Wang Yubo អភិបាលខេត្តយូណាន នៃសាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ នាល្ងាចថ្ងៃទី៥ ខែវិច្ឆិកា ឆ្នាំ២០២៤ នាឱកាសនៃការអញ្ជើញចូលរួមកិច្ចប្រជុំកំពូលមហាអនុតំបន់មេគង្គ (GMS) លើកទី៨, កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី១០ និងកិច្ចប្រជុំកំពូលកិច្ចសហប្រតិបត្តិការកម្ពុជា-ឡាវ-មីយ៉ានម៉ា-វៀតណាម (CLMV) លើកទី១១ ពីថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន។ ក្នុងឱកាសនៃជំនួប ឯកឧត្តមអភិបាលខេត្តយូណាន បានស្វាគមន៍យ៉ាងកក់ក្ដៅចំពោះសម្ដេចធិបតី ដែលអញ្ជើញចូលរួមកិច្ចប្រជុំ GMS នៅទីក្រុងគុនមិញ នាឱកាសនេះ និងបានសម្ដែងនូវសេចក្ដីរីករាយ ដែលបានជួបសម្ដេចធិបតីម្ដងទៀត បន្ទាប់ពីឯកឧត្តមបានជួបជាមួយសម្ដេចធិបតី ក្នុងឱកាសនៃពិធីសម្ពោធដាក់ឱ្យប្រើប្រាស់ជាផ្លូវការនូវអាកាសយានដ្ឋានអន្តរជាតិសៀមរាប-អង្គរ កាលពីចុងឆ្នាំ២០២៣ ព្រមទាំងបានគោរពជម្រាបជូនសម្ដេចធិបតី អំពីការវិវឌ្ឍ​ និងសក្តានុពលរបស់ខេត្តយូណាន ផងដែរ។ ឯកឧត្តមបានកត់សម្គាល់ថា កិច្ចសហប្រតិបត្តិការរវាងខេត្តយូណាន និងប្រទេសកម្ពុជា មានការរីកចម្រើន ជាពិសេស តាមរយៈការផ្លាស់ប្ដូរដំណើរទស្សនកិច្ច វិស័យពាណិជ្ជកម្ម និងការផ្លាស់ប្តូររវាងប្រជាជននិងប្រជាជន។…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះ​រាជាណា​ចក្រកម្ពុជា នារសៀលថ្ងៃទី៥ ខែវិច្ឆិកា ឆ្នាំ២០២៤នេះ បានដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលមហាអនុតំបន់មេង្គ (GMS) លើកទី៨ ក្រោមមូលបទ «ឆ្ពោះទៅកាន់សហគមន៍ កាន់តែប្រសើរឡើង តាមរយៈការអភិវឌ្ឍដែលជំរុញដោយនវានុវត្តន៍» កិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (អេកម៉ិក-ACMECS) លើកទី១០ ក្រោមមូលបទ «ឆ្ពោះទៅកាន់ការតភ្ជាប់ដោយរលូនសម្រាប់សមាហរណកម្មអនុតំបន់មេគង្គ» និងកិច្ចប្រជុំកំពូល កិច្ចសហប្រតិបត្តិការកម្ពុជា-ឡាវ-មីយ៉ាន់ម៉ា-វៀតណាម (CLMV) លើក១១ ក្រោមមូលបទ «មិត្តភាព និងសាមគ្គីភាពសម្រាប់សហគមន៍ប្រកបដោយភាពធន់ និងវិបុលភាព» ដែលនឹងប្រព្រឹត្តទៅនៅថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណរដ្ឋប្រជាមានិតចិន។ អញ្ជើញអមដំណើរ សម្តេចធិបតី រួមមាន ឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីការបរទេស និងសហប្រតិបត្តិការអន្តរជាតិ ឯកឧត្តមទេសរដ្ឋមន្ត្រី ឈៀង យ៉ាណារ៉ា រដ្ឋមន្ត្រី មន្ត្រីជាន់ខ្ពស់នៃរាជរដ្ឋាភិបាល ថ្នាក់ដឹកនាំមកពីសភាពាណិជ្ជកម្ម និងសមាគមឧកញ៉ាកម្ពុជា។ កិច្ចប្រជុំកំពូលទាំងនេះ នឹងពិនិត្យលើសមិទ្ធិផលដែលសម្រេចបាននិងកំណត់ទិសដៅអនាគត សម្រាប់ការពង្រីកកិច្ចសហប្រតិបត្តិការ និងជំរុញបន្ថែមនូវទំនុកចិត្ទៅវិញទៅមក ក៏ដូចជា ពង្រឹងភាពជាដៃគូក្នុងចំណោមបណ្តាប្រទេសសមាជិក…

អង្គការសមាគមខ្មែរកម្ពុជាក្រោម សម្តែងសេចក្តីសោមនស្សរីករាយ និងអបអរសាទរ ប្រកបដោយសទ្ធាចិត្តជ្រះថ្លា យ៉ាងក្រៃលែងចំពោះ អង្គកឋិនទានមហាសាមគ្គីគ្រួសារខ្មែរ របស់រាជរដ្ឋាភិបាល នៃព្រះរាជាណាចក្រកម្ពុជា ដែលដឹកនាំដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អមដំណើរដោយសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងសម្តេចរដ្ឋសភាធិបតី ឃួន សុដារី ប្រធានរដ្ឋសភា ព្រមទាំង ឯកឧត្តម លោកជំទាវ អ្នកឧកញ៉ា ឧកញ៉ា សមាជិក សមាជិកានៃរាជរដ្ឋាភិបាល បានដង្ហែទៅកាន់វត្តពោធិគិរីវង្សារាម ស្វាយសៀមថ្មី ស្ថិតក្នុងស្រុកថ្កូវ ខេត្តព្រះត្រពាំង កម្ពុជាក្រោម នៅថ្ងៃទី៤ ខែវិច្ឆិកា ឆ្នាំ២០២៤ ដោយសេចក្តីសុខ សុវត្ថិភាព មហោឡារិក អធិកអធ័ម ក្រោម បរិយាកាសស្រស់ស្រាយ រួសរាយ រាក់ទាក់ រំភើប ពោរពេញដោយក្តីគោរពស្រឡាញ់ពីព្រះសង្ឃ និងជនរួមជាតិខ្មែរក្រោម។ អង្គការសមាគមខ្មែរកម្ពុជាក្រោមបានបញ្ជាក់ថា នេះជាព្រឹត្តិការណ៍ដ៏កម្រ និងមានគុណតម្លៃជាប្រវត្តិសាស្ត្រក្នុងសង្គមជាតិខ្មែរយើងទាំងមូល។ យើងខ្ញុំក្នុងនាម ពលរដ្ឋខ្មែរក្រោម តែងតែរំពឹង និងអំពាវនាវឱ្យមានព្រឹត្តិការណ៍បែបនេះជាយូរយារណាស់មកហើយ ដើម្បីផ្គាប់ចិត្តបងប្អូនជនរួមជាតិខ្មែរនៅកម្ពុជាក្រោម…

ភ្នំពេញ៖ សមត្ថកិច្ចនៃស្នងការដ្ឋាននគរបាលរាជធានីភ្នំពេញ បានបញ្ជូនខ្លួនជនសង្ស័យឈ្មោះ លី សាម៉េត ហៅគ្រូមា ទៅកាន់សាលាដំបូងរាជធានីភ្នំពេញ នៅវេលាម៉ោងជិត១១ព្រឹក ថ្ងៃទី៥ ខែវិច្ឆិកា ឆ្នាំ២០២៤ ដើម្បីឱ្យព្រះរាជអាជ្ញា និងចៅក្រមធ្វើការសាកសួរតាមនីតិវិធី ពាក់ព័ន្ធករណីឆបោក។ ការបញ្ជូនខ្លួនទៅតុលាការបន្ទាប់ពីសមត្ថកិច្ចបានធ្វើការសាកសួរលើជនសង្ស័យឈ្មោះ លី សាម៉េត រួចរាល់។ លោក លី សាម៉េត បានចូលខ្លួនសារភាព និងបានប្រគល់ខ្លួនឱ្យសមត្ថកិច្ចកាលពីថ្ងៃទី៤ ខែវិច្ឆិកា ឆ្នាំ២០២៤។ បន្ទាប់ពីចូលខ្លួនសារភាព លោក លី សាម៉េត ត្រូវបានសមត្ថកិច្ចនាំខ្លួនពីខេត្តព្រះសីហនុមកកាន់ស្នងការដ្ឋាននគរបាលរាជធានីភ្នំពេញ។ អ្នកនាំពាក្យស្នងការដ្ឋាននគរបាលរាជធានីភ្នំពេញ លោក សំ វិច្ឆិកា បានបញ្ជាក់នៅព្រឹកថ្ងៃទី៥ ខែវិច្ឆិកា នេះថា ករណីលោក លី សាម៉េត គឺគាត់បានចូលមកសារភាព និងប្រគល់ខ្លួនមកស្នងការដ្ឋាននគរបាលរាជធានីភ្នំពេញ តាមរយៈឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។ សមត្ថកិច្ចបាននាំខ្លួនលោក លី សាម៉េត ពីខេត្តព្រះសីហនុ មកកាន់ស្នងការដ្ឋាននគរបាលរាជធានីភ្នំពេញកាលពីយប់ថ្ងៃទី៤ ខែវិច្ឆិកា ឆ្នាំ២០២៤។ សមត្ថកិច្ចបានធ្វើការសាកសួរ…

ភ្នំពេញ៖ លោក ហេងសំណាង ប្រធានយុវជនសង្គមស៊ីវិល និងសមាគមយុវជនខ្មែរមហានគរ នៃបណ្តុំអង្គការសង្គមស៊ីវិល បានប្រកាសបញ្ចូលក្រុមសេដ្ឋកិច្ចក្រៅប្រព័ន្ធចំនួន ជាង ៦០នាក់បន្ថែមទៀត ដែលភាគច្រើនប្រកបមុខរបរ អ្នករត់ផាស់អាប់ (Pass App) ដឹកជញ្ចូន ម្ចាស់អាជីវកម្ម សន្តិសុខ កម្មករ។ ពិធីប្រកាសខាងលើនេះ ធ្វើឡើងនៅរសៀលថ្ងៃទី ២ ខែវិច្ឆិកា ឆ្នាំ ២០២៤ ក្រោមអធិបតីភាព ឯកឧត្តម ខ្វៃ អាទិត្យា អនុរដ្ឋលេខាធិការក្រសួងបរិស្ថាន ព្រមទាំងមានការចូលរួមពីថ្នាក់ដឹកនាំយុវ ជនសង្គមស៊ីវិល និងសមាគមយុវជនខ្មែរមហានគរ នៃបណ្តុំអង្គការសង្គមស៊ីវិលជាច្រើនផ្សេងទៀត។ ក្រោយប្រកាសបញ្ចូលសមាជិក ក្រុមសេដ្ឋកិច្ចក្រៅប្រព័ន្ធ នៃសមាគមយុវជនខ្មែរមហានគរ និងបណ្តុំអង្គការសង្គមស៊ីវិល ដឹកនាំដោយ លោក ហេង សំណាង បានធ្វើសេចក្តីថ្លែងការណ៍ប្តេជ្ញាគាំទ្រចូលរួមសកម្មភាពជាមួយរដ្ឋាភិបាលនីតិកាលទី៧ ក្រោមការដឹកនាំដ៏ឈ្លាសវៃ របស់សម្តេចប្រមុខរាជរដ្ឋាភិបាល ហ៊ុន ម៉ាណែត។ សមាជិកថ្មីដែលទើបនឹងប្រកាសញ្ចូលជាសមាជិកក្រុមសេដ្ឋកិច្ចក្រៅប្រព័ន្ធ នៃសមាគមយុវជនខ្មែរមហានគរទាំងជាង ៦០នាក់ ភាគច្រើន ជាអតីតអ្នកមាននិន្នាការផ្ទុយពីគោលនយោបាយរបស់រាជរដ្ឋាភិបាល ដោយជឿលង់ និងសកម្មជន ក្រុមសមាគម និងអង្គការមួយចំនួនតូច ដែលតែងតែញុះញង់…

ភ្នំពេញ៖ ឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងឯកឧត្តម Derek YIP ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសអូស្ត្រាលី ប្រចាំព្រះរាជាណាចក្រកម្ពុជា បានប្តេជ្ញាចិត្តក្នុងការបន្តពង្រឹងកិច្ចសហប្រតិបត្តិការបន្ថែមទៀតលើវិស័យជាច្រើន ដើម្បីជំរុញភាពជាដៃគូដ៏រឹងមាំ សម្រាប់ផលប្រយោជន៍ទៅវិញទៅមកនៃប្រទេសទាំងពីរ។ ការប្តេជ្ញាចិត្កនេះ បានធ្វើឡើងក្នុងជំនួបពិភាក្សាការងារកាលពីថ្ងៃទី១ ខែវិច្ឆិកា ឆ្នាំ២០២៤ នៅទីស្តីការក្រសួង។ រដ្ឋមន្ត្រីការបរទេសកម្ពុជាបានឆ្លុះបញ្ចាំងអំពីទំនាក់ទំនងដ៏រឹងមាំ និងយូរអង្វែងរវាងព្រះរាជាណាចក្រកម្ពុជា និងអូស្ត្រាលី ដោយភាគីទាំងពីរបានបញ្ជាក់ឡើងវិញនូវភាពជាដៃគូដ៏រឹងមាំ និងការប្តេជ្ញាចិត្តរួមគ្នាចំពោះការរីកចម្រើន និងកិច្ចសហប្រតិបត្តិការទៅវិញទៅមក ដែលបានកត់សម្គាល់ទំនាក់ទំនងទ្វេភាគី ចាប់តាំងពីការបង្កើតទំនាក់ទំនងការទូត។ ឯកឧត្តមឧបនាយករដ្ឋមន្ត្រី ក៏បានសម្តែងការកោតសរសើរយ៉ាងជ្រាលជ្រៅចំពោះការគាំទ្រដ៏យូរអង្វែងរបស់អូស្ត្រាលីសម្រាប់កម្ពុជា ដោយបានរំលេចពីតួនាទី ដ៏សំខាន់របស់អូស្ត្រាលី ក្នុងនៅក្នុងវិស័យជាច្រើន ដូចជា ការកសាងសមត្ថភាព ការអភិវឌ្ឍសង្គម និងបរិវត្តកម្មឌីជីថលនៅកម្ពុជា។ ឯកឧត្តមឧបនាយករដ្ឋមន្ត្រីក៏បានចែករំលែកអំពីយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដែលជាក្របខណ្ឌដ៏សំខាន់ ក្នុងគោលដៅអភិវឌ្ឍន៍ជាតិផងដែរ៕ដោយ៖ពលជ័យរូបភាព៖ក្រសួងការបរទេស

បណ្ឌិត ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានបញ្ជាក់ថា សង្គមមួយនិយាយស្រួល តែអនុវត្តពិបាក គ្រឹះរដ្ឋទាមទារឯកភាពជាតិជាធំ សាមគ្គីភាពជាវត្ថុបំណង ដែលខ្មែរត្រូវរួមគ្នាជាធ្នុងមួយ ដើម្បីរួមគ្នាអភិវឌ្ឍន៍ប្រទេស ដោយមិនធ្លាក់ចូលមនោគមនយោបាយបរទេស ដែលជាហេតុបែកបាក់ជាតិ។ សិទ្ធិបញ្ចេញមតិឋិតក្នុងក្របខណ្ឌច្បាប់ ធ្វើយ៉ាងណាក្នុងនាមអ្នកនយោបាយរិះគន់ក្នុងន័យស្ថាបនា ជួយឃ្លាំមើល ពិនិត្យភាពកង្វះខាតគ្រប់គ្រងរបស់គណបក្សជាប់ឆ្នោត ក៏ដូចជាការអនុវត្តមន្ត្រីថ្នាក់ក្រោមជាតិ ផ្តល់មតិ លើកជាមតិជូនរដ្ឋាភិបាលជាប់ឆ្នោត ដើម្បីរកវិធីដោះស្រាយជាជំហ៊ាន។ លោកបន្តថា ធ្វើយ៉ាងណាអ្នកនយោបាយជៀសឱ្យផុតការជាន់ដានប្រវត្តិសាស្ត្រ គឺសារនយោបាយបញ្ឆេះកំហឹងយកព្រំដែនជាដើមចមបំបែកបំបាក់ជាតិ និងកុំធ្វើនយោបាយបែបកំហឹងបុគ្គល ព្រោះបុគ្គលនីមួយៗត្រូវបានគាំពារដោយច្បាប់។ ករណីរឿងហេតុធ្វើការឃោសនាញុះញង់ឱ្យប្រជាពលរដ្ឋធ្វើបដិវត្តន៍ពណ៌ដើម្បីផ្តួលរំលំរាជរដ្ឋាភិបាល គឺសកម្មភាពទាំងនេះជាការឆោតល្ងង់បំផុត ព្រោះវាជាចេតនាបំផ្លាញជាតិ បំផ្លាញខ្លួនឯង​ និងបំផ្លាញសេចក្តីសុខរបស់ប្រជាពលរដ្ឋទៅវិញទេ។ ប្រភពដដែលបន្តទៀតថា ខ្មែរធ្លាក់ទៅក្នុងសង្គ្រាមក៏ដោយសារខ្មែរគ្នាយកឈ្នះមិនលែង យកគំនុំបុគ្គលធំជាងជាតិ ធ្វើនយោបាយប្រាប់បរទេសផ្តាច់ជំនួយឱ្យប្រជាពលរដ្ឋធ្លាក់ទៅក្នុងភាពក្រីក្រ​ ដើម្បីជាឱកាសបញ្ចេញសារនយោបាយភូតពលរដ្ឋថា រដ្ឋាភិបាលជាប់ឆ្នោតគ្មានសមត្ថភាព។ នយោបាយបែបនេះដូចដដែលៗពេកហើយសម្រាប់ខ្មែរ បើឈប់បានឈប់ទៅ ព្រោះការកសាងគ្រឹះរដ្ឋមួយឱ្យដំណើរការទៅបានចាមិនងាយស្រូលទេ វាត្រូវការបំពាក់បំប៉នជំនាញនៅតាមការងារអនុវត្តនីមួយៗ និងបូករួមកំណែទម្រង់មូលធនមនុស្សទៅតាមបរិបទការងារកម្ពុជា និងពិភពលោកផងដែរ។ មេបក្សរូបនេះលើកឡើងថា ប្រវត្តិខ្មែររលាយគ្រឹះរដ្ឋគ្មានសល់ សាធារណរដ្ឋខ្មែរដណ្តើមអំណាច កម្ទេចរាជានិយម ខ្មែរក្រហមបានអំណាច​ កម្ទេចរបបសាធារណរដ្ឋខ្មែរ​ ថាតើខ្មែរព្យាយាមកម្ទេចខ្មែរដល់ណាទៀត។ បើនិយាយពីប្រវត្តិសាស្ត្រ ខ្មែរឈ្លោះគ្នាម្តង ខ្មែរស្លាប់បាត់ទឹកដីម្តង អ្នកនយោបាយល្មមឈ្វេងយល់ពីពីខ្មែរ សួរថាចង់ឱ្យខ្មែរស្លាប់ហិនហោចប៉ុន្មានជំនាន់តទៅមុខទៀត៕ដោយ៖ពលជ័យ