ប្រេសិត​ពិសេស​របស់​ប្រធាន​អាស៊ាន​បាន​គូសបញ្ជាក់​ពី​ការប្តេជ្ញាចិត្ត​ក្នុងការ​អនុវត្ត​អាណត្តិ​ជា​ប្រេសិត​ពិសេស​គឺ​មិន ជ្រៀត​ជ្រែកចូល​កិច្ចការ​ផ្ទៃក្នុង ហើយ​បាន​ពន្យល់​ពី​ភាព​បន្ទាន់​ គឺ​ការបញ្ឈប់​អំពើហិង្សា ជំនួយ​មនុស្សធម៌ និង​ការស្វែងរក​ដំណោះស្រាយ​ប្រកបដោយ​បរិ​យាប​ន្ន​និង​សង្កត់ធ្ងន់​ទៅលើ​ការចូលរួម​ពី​ភាគី​ពាក់ព័ន្ធ​ទាំងអស់​និង​បាន ស្វាគមន៍​បទ​ឈប់​បាញ់​របស់​ឯកឧត្តម នាយ​ឧ​ត្ត​ម​សេនីយ៍​ជាន់ខ្ពស់ មីង អោ​ង ឡាំង​ប្រធាន​ក្រុមប្រឹក្សា​រដ្ឋបាល​រដ្ឋ​នៃ សាធារណរដ្ឋ​សហភាព​មី​យ៉ាន់​ម៉ា​។​

គណៈកម្មាធិការជាតិរៀបចំការបោះឆ្នោត (គ.ជ.ប) ក្រុមប្រឹក្សាជំនុំជម្រះ នៃ គ.ជ.ប ដែលមានសមាសភាព៩រូប ដឹកនាំដោយឯកឧត្តម ប្រាជ្ញ ចន្ទ ប្រធាន គ.ជ.ប និងជាប្រធានក្រុមប្រឹក្សាជំនុំជម្រះ នៃគ.ជ.ប កាលពីព្រឹកថ្ងៃទី២២ ខែមីនា ឆ្នាំ២០២២ បានបើកសវនាការជាសាធារណៈ ដើម្បីដោះស្រាយពាក្យបណ្តឹងលេខ០៥១ ដែលប្រជាពលរដ្ឋប្តឹងបដិសេធបញ្ជីបេក្ខជននៃគណបក្សភ្លើងទៀននៅសង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។ គ.ជ.ប បានឱ្យដឹងថា ដើមបណ្តឹងឈ្មោះ ម៉ៅ មុន្នី ភេទប្រុស កើតថ្ងៃទី២៤ ខែមេសា ឆ្នាំ១៩៨៤ ជាប្រជាពលរដ្ឋ មានទីលំនៅ ផ្ទះលេខ២២អឺ០អឺ១ ផ្លូវលេខ៣៧៤ ភូមិ៥ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ បានឆ្លើយនៅក្នុងអង្គសវនាការថា ឈ្មោះបេក្ខជន៤រូប ក្នុងបញ្ជីបេក្ខជននៃគណបក្សភ្លើងទៀននៅសង្កាត់ទួលស្វាយព្រៃទី១ គឺពួកគាត់មិនបានសរសេរ និងផ្តិតមេដៃ ឬចុះហត្ថលេខាលើជីវប្រវត្តិសង្ខេប និងសេចក្តីប្រកាសយល់ព្រមឈរឈ្មោះជាបេក្ខជននៃគណបក្សភ្លើងទៀនទេ។

នៅព្រឹកថ្ងៃទី២៣ ខែមីនា ឆ្នាំ២០២២ វេលាម៉ោង១០:០០នាទី ឯកឧត្តម ឧបនាយករដ្ឋមន្រ្តី ប្រាក់ សុខុន ជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា នឹងធ្វើសន្និសីទសារព័ត៌មានអំពីដំណើរទស្សនកិច្ចការងាររបស់ឯកឧត្តម នៅប្រទេសមីយ៉ាន់ម៉ា នៅអាកាសយានដ្ឋានអន្តរជាតិភ្នំពេញ។ ការធ្វើសន្និសីទកាសែតនេះ បន្ទាប់ពីឯកឧត្តមបានបញ្ចប់ទស្សនកិច្ចនៅមីយ៉ាន់ម៉ា។

នៅរសៀលថ្ងៃទី២២ ខែមីនា ឆ្នាំ២០២២នេះ សមត្ថកិច្ចបានយកលិខិតជូនដំណឹងពីសាលក្រមផ្តន្ទាទោស សម រង្ស៊ី និងបក្ខពួក មានដូចជា មួរ សុខហួរ, ជូឡុង សូមូរ៉ា, តុ វ៉ាន់ចាន់, នុត រំដួល, ហូរ វ៉ាន់, អេង ឆៃអ៊ាង ដាក់ពន្ធនាគារក្នុងម្នាក់កំណត់១០ឆ្នាំ ពីបទរួមគំនិតក្បត់ បទញុះញង់ឱ្យប្រព្រឹត្តអំពើបង្កឱ្យមានភាពវឹកវរធ្ងន់ធ្ងរដល់សន្តិសុខសង្គម និងបទញុះញង់កុំឱ្យយោធិនស្តាប់បង្គាប់ប្រព្រឹត្តនៅរាជធានីភ្នំពេញ ប្រទេសកម្ពុជា និងទីកន្លែងផ្សេងទៀត កាលពីអំឡុងខែមករា ខែកុម្ភៈ ឆ្នាំ២០១៨ និងអំឡុងពេលបន្តបន្ទាប់ ទៅបិទនៅសាលាសង្កាត់ចាក់អង្រែលើ ខណ្ឌមានជ័យ។

ឯកឧត្តម ​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស​និង​សហប្រតិបត្តិការ​អន្តរជាតិ ​និង​ជា​ប្រេសិតពិសេស​របស់​ប្រធាន​អាស៊ាន​ស្ដីពី​មី​យ៉ាន់​ម៉ា​ កាលពី​ថ្ងៃទី​២១ ខែមីនា ឆ្នាំ​២០២២ម្សិលមិញ​នេះ បាន​ជួប​ជាមួយ​ឯកឧត្តម វុន​ណា ម៉ោង ល្វី​ន រដ្ឋមន្ត្រីការបរទេស​ ឯកឧត្តម កូ កូ ឡាំង រដ្ឋមន្ត្រី​សហប្រតិបត្តិការ​អន្តរជាតិ​និង​ជា​ប្រធាន​ក្រុមការងារ ស្តីពី​ជំនួយ​មនុស្សធម៌​អាស៊ាន​ និង​ឯកឧត្តម​ឧ​ត្ត​ម​សេនីយ៍ យ៉ា ព្យេ រដ្ឋមន្ត្រី​ការិយាល័យ​រដ្ឋាភិបាល​ស​ហ​ព័ន្ធ និង​ជា​ប្រធាន​គណៈកម្មាធិការ​សាមគ្គីភាព​ជាតិ និង​កសាង​សន្តិភាព​ផងដែរ​។ ​នេះ​បើតាម​ទំព័រ​ហ្វេ​ស​ប៊ុ​ក​ក្រសួងការបរទេស និង​សហប្រតិបត្តិការ​អន្តរជាតិ​នៅ​ព្រឹក​ថ្ងៃទី​២២ ខែមីនា ឆ្នាំ​២០២២​។

ឯកឧត្តម ឧបនាយករដ្ឋមន្ត្រី ប្រាក់ សុខុន​ក្នុងនាម​ជា​ប្រេសិត​ពិសេស​របស់​ប្រធាន​អាស៊ាន ស្ដីពី​មី​យ៉ាន់​ម៉ា​និង​ជា​រដ្ឋមន្ត្រីការបរទេស​និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជា​បាន​ដឹកនាំ​គណៈប្រតិភូ​អញ្ជើញ​ទៅ​បំពេញ​ទស្សនកិច្ច​ការងារ​នៅ​សាធារណរដ្ឋ​សហភាព​មី​យ៉ាន់​ម៉ា កាលពី​ព្រឹក​ថ្ងៃទី​២១ ខែមីនា ឆ្នាំ​២០២២​។ ដំណើរ​ទស្សនកិច្ច​រប​ស់​ប្រេសិត​ពិសេស​របស់​ប្រធាន​អាស៊ាន​ស្ដីពី​មី​យ៉ាន់​ម៉ា​គឺមាន​រយៈពេល​បី​ថ្ងៃ​គឺ​ចាប់ពី​ថ្ងៃទី​២១​ដល់​ថ្ងៃទី​២៣​ខែមីនា​តប​តាម​ការអញ្ជើញ​របស់​ក្រុម​ប្រធាន​ក្រុមប្រឹក្សា​រដ្ឋបាល​នៃ​សាធារណរដ្ឋ​សហភាព​មី​យ៉ាន់​ម៉ា​។

ដំណើរ​ទស្សនកិច្ច​របស់​ឯកឧត្តម​ឧបនាយករដ្ឋមន្ត្រី ប្រាក់ សុខុន និង​គណៈប្រតិភូ ជាការ​យល់ឃើញ​របស់​លោក​រឿង​សំខាន់​ដែលជា​របៀបវារៈ​អាទិភាព​បំផុត គឺ​ការបញ្ឈប់​នៅ​អំពើហិង្សា​នានា​ដែលមាន នៅក្នុង​ប្រទេស​មី​យ៉ាន់​ម៉ា​ដើម្បី​ឈានទៅរក​ការចរចា​ឬ​ការសម្របសម្រួល​ខាង​នយោបាយ​ណាមួយ​ដែលមាន​លក្ខណៈ​ទូលំទូលាយ (​ចំណុច​សំខាន់​ទី​១)​។ ចំណុច​សំខាន់​ទី​២. ការពិភាក្សា​ទៅលើ​លទ្ធភាព​នៃ​ការផ្តល់​ជំនួយ​មនុស្សធម៌​តាម រយៈ​មជ្ឈមណ្ឌល​មនុស្ស​ធម៌​អាស៊ាន​គឺជា​រឿង​សំខាន់បំផុត​ដែល​ប្រជាជន​មី​យ៉ាន់​ម៉ា​កំពុងតែ​ត្រូវការ​ក៏ដូចជា​វ៉ាក់សាំង​បង្ការ​វីរុស​កូ​វីដ​។

លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា និងជាអ្នកវិភាគ បានមានប្រសាសន៍ប្រាប់ AMS ថា ចំពោះដំណើរទស្សនកិច្ចរបស់នាយករដ្ឋមន្ត្រីជប៉ុនមកកម្ពុជា គឺមានសារៈសំខាន់ណាស់សម្រាប់ទំនាក់ទំនង រវាង ប្រទេសទាំងពីរ។ ដំណើរទស្សនកិច្ចនេះ ផ្តល់អត្ថន័យជាពិសេសសម្រាប់ទំនាក់ទំនងទ្វេភាគីរវាងកម្ពុជា និងជប៉ុន ហើយកម្ពុជា និងជប៉ុន មានទំនាក់ទំនង នឹងគ្នាជាយូរអង្វែងមក ហើយ និងមានប្រវត្តិទំនាក់ទំនងជាផ្លូវនៃប្រទេសទាំងពីរតាំងពីឆ្នាំ១៩៥៣ ។

សម្ដេចតេជោនាយករដ្ឋមន្ត្រី និងឯកឧត្ដមនាយករដ្ឋមន្ត្រី គីស៊ីដា បានមានជំនួបកំពូលជាមួយគ្នា និងបានទទួលស្គាល់ថា ទំនាក់ទំនងនៃប្រទេសទាំងពីរ គឺស្ថិតក្នុងកម្រិតល្អបំផុតដែលពុំធ្លាប់មាន។ ជាងនេះទៅទៀត ក្នុងគោលបំណងលើកកម្ពស់ទំនាក់ទំនងទ្វេភាគីបន្ថែមទៀត និងសម្របសម្រួលយ៉ាងជិតស្និទ្ធដើម្បីដោះស្រាយស្ថានការណ៍ក្នុងតំបន់ និងអន្តរជាតិនាពេលបច្ចុប្បន្ន ដូចជា បញ្ហាអ៊ុយក្រែន និងមីយ៉ាន់ម៉ា។ នាយករដ្ឋមន្ត្រីទាំងពីរ បានចែករំលែកនូវទស្សនៈស្ដីពីកិច្ចសហប្រតិបត្តិការមួយចំនួនផងដែរ៕

សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម គីស៊ីដា ហ្វឹមីអូ នាយករដ្ឋមន្ត្រីនៃប្រទេសជប៉ុន បានទទូចឱ្យមានការបញ្ឈប់ការប្រើកម្លាំងជាបន្ទាន់ និងដកកម្លាំងយោធាចេញពីទឹកដីអ៊ុយក្រែន។ នាយករដ្ឋមន្ត្រីទាំងពីរបានសង្កត់ធ្ងន់ថា ការគំរាមកំហែង ឬការប្រើប្រាស់អាវុធមហាប្រល័យគ្រប់ប្រភេទ គឺមិនអាចទទួលយកបានទេ ទោះក្នុងកាលៈទេសៈណាក៏ដោយ។