កម្មវិធី អប្សរាពីជ្រុងមួយ

សហរដ្ឋអាម៉េរិក៖ មន្ទីរបញ្ចកោណចល័តកម្លាំងយោធាប្រមាណ១.៦០០នាក់ចូលទៅកាន់តំបន់រដ្ឋធានីវ៉ាស៊ីនតោន ចំពេលអំពើហិង្សាកើនឡើងកំឡុងការធ្វើបាតុកម្មនៅក្នុងរដ្ឋធានីរបស់សហរដ្ឋអាម៉េរិកនេះ នេះបើតាមសារព័ត៌មានរ៉យទ័រ នៅថ្ងៃទី០៣ ខែមិថុនា ឆ្នាំ២០២០ ។ កងកម្លាំងយោធាត្រូវបានចល័តឲ្យទៅឈរជើងនៅតាមមូលដ្ឋានទ័ព ដែលស្ថិតក្នុងតំបន់រដ្ឋធានីវ៉ាស៊ីនតោន ប៉ុន្តែមិនមែននៅកណ្តាលរដ្ឋធានីនេះផ្ទាល់នោះទេ នេះបើតាមអ្នកនាំពាក្យក្រសួងការពារជាតិអាម៉េរិក លោក ចូណាថាន់ រ៉ាត ហូហ្វមែន ។ ជាមួយគ្នានេះ លោក ហូហ្វមែន បានសង្កត់ធ្ងន់ទៀតថា កងទ័ពប្រមាណ១.៦០០នាក់នោះ ត្រូវបានដាក់ឲ្យស្ថិតក្នុងសភាពប្រុងជើងការខ្ពស់ជាងធម្មតា ក៏ប៉ុន្តែមិនត្រូវបានឲ្យចូលរួមក្នុងការគាំទ្រដល់ប្រតិបត្តិការរបស់មន្រ្តីរប៉ូលិសឡើយ ៕

CAMSOC-ភ្នំពេញ៖ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជាមានប្រសាសន៍ថា ក្រោយបញ្ចប់ការសាងសង់នាដំណាច់ឆ្នាំ២០២០ ហើយចាប់ពីដើមឆ្នាំ២០២១តទៅ ពហុកីឡដ្ឋានជាតិមរតកតេជោនឹងត្រូវបានបើកចំហរ ទទួលស្វាគមន៍ចំពោះទស្សនកិច្ចស្វែងយល់ពីគ្រប់មជ្ឈដ្ឋានទាំងអស់។ ឯកឧត្តមអះអាងថា នេះជាផែនការកម្មវិធីរបស់ឯកឧត្តម ថោង ខុន ប្រធានគណៈកម្មាធិការជាតិអូឡាំពិកកម្ពុជា ដើម្បីបើកឱកាសទូលាយជូនដល់សិស្ស និស្សិត យុវជន មគ្គុទេសក៍ទេសចរណ៍ ក៏ដូចជាប្រជាពលរដ្ឋទូទៅ សម្រាប់កិច្ចការស្រាវជ្រាវស្វែងយល់ កម្សាន្ត ទេសចរណ៍ ដើម្បីធ្វើឲ្យពហុកីឡដ្ឋានជាតិមរតកតេជោ ក្លាយជាតំបន់ទេសចរណ៍ថ្មីមួយ ការសិក្សាថ្មីមួយ កន្លែងអប់រំថ្មីមួយ ដើម្បីបញ្ជ្រាបការយល់ដឹងឲ្យពួកគាត់ស្រឡាញ់កីឡា ហេដ្ឋារចនាសម្ព័ន្ធកីឡា សម្រាប់គ្រប់គ្រឹះស្ថានសិក្សា គ្រប់ក្រសួងស្ថាប័ន ដែលចង់ទៅធ្វើទស្សនកិច្ចស្វែងយល់ពីភាពលេចធ្លោ ភាពអស្ចារ្យ ដើម្បីផ្សព្វផ្សាយពីកេរ្តិ័ដំណែលសម្រាប់កូនចៅជំនាន់ក្រោយៗទៀត។ ឯកឧត្តមអគ្គលេខាធិការបន្ថែមទៀតថា សូមមហាជនរង់ចាំទទួលនូវសមិទ្ធផលដ៏អស្ចារ្យថ្មីមួយនេះទាំងអស់គ្នា នាដើមឆ្នាំ២០២១តទៅ ហើយយើងនឹងធ្វើកម្មវិធីនានាឲ្យបានល្អប្រសើរ ដើម្បីបញ្ជ្រាបការយល់ដឹងទៅដល់គ្រប់មជ្ឈដ្ឋានទាំងអស់ ក្នុងគោលបំណងឲ្យគាំទ្រដល់ដំណើរការឆ្ពោះទៅទទួលរៀបចំធ្វើជាម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ នៅព្រះរាជាណាចក្រកម្ពុជា។ នេះជាសារដ៏សំខាន់ ដែលយើងខ្ញុំនឹងត្រៀមទទួលស្វាគមន៍ យ៉ាងកក់ក្តៅបំផុតសម្រាប់ប្រជាពលរដ្ឋខ្មែរ។ ចាប់ពីឆ្នាំ២០២១ តទៅ យើងមានផែនការច្បាស់លាស់ ដូចជាបង្កើតព្រឹត្តិការណ៍ប្រកួតប្រជែងស្នាដៃគូររូបដោយដៃ នៅពហុកីឡដ្ឋានជាតិមរតកតេជោ ក្នុងក្របខ័ណ្ឌទូទាំងប្រទេស ដើម្បីយកស្នាដៃទាំងនោះ ទៅដាក់តាំងបង្ហាញនៅក្នុងពិព័រណ៍…