ឯកអគ្គរដ្ឋទូតសាធារណរដ្ឋប្រជាមានិតចិន ឯ,ឧ ស្យុង ព័រ បាន​​ឈាន​​​ដល់​ពេល​បញ្ចប់​​អាណត្តិ​ការទូតរបស់ខ្លួន នៅកម្ពុជា បន្ទាប់ពីបានបំពេញការងារ​អស់​រយៈ​​​ពេល​ពីរ​ឆ្នាំ​ប្រកប​ដោយ​ជោគជ័យ ។ បេសកកម្មរបស់ ឯកឧត្តម ស្យង់ ព័រ ​ក្នុង​រយៈពេល២ឆ្នាំកន្លងមកនេះ ឯ,ឧ បាន​ធ្វើកិច្ចការងារជាច្រើន ពិសេស ជួយសម្រប​សម្រួល​ក្នុង​ដំ​ណើរទស្សនកិច្ច ឯ,ឧ ប្រធានា​ធិបតី​​ចិន Xi Jinping, ឯ,ឧ នាយករដ្ឋមន្ត្រីចិន លី ខឺឈាំង មកកាន់ កម្ពុជា ក៏ដូចជាដំណើរទស្សនកិច្ចរបស់សម្ដេចតេជោ ទៅកាន់ប្រទេសចិន ។​ នេះបើតាម ឯ,ឧ ណុប ចាន់ណារិន្ទ អ្នកនាំពាក្យ និងជាអនុរដ្ឋលេខាធិការ ក្រ​សួង​​​​​ទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច នៅក្រោយបញ្ចប់ជំនួប ជាមួយ លោក​ជំទាវ​កិត្តិ​សង្គហបណ្ឌិត ម៉ែន សំអន ឧបនាយក​រដ្ឋ​មន្ត្រី រដ្ឋមន្ត្រី ក្រសួងទំនាក់ទំនង​ជាមួយ​រដ្ឋសភា ព្រឹទ្ធសភា និងអធិការកិច្ច…

សហរដ្ឋអាមេរិក៖ រដ្ឋបាលរបស់ប្រធានាធិបតីអាមេរិក លោក ដូណាល់ ត្រាំ បានប្រកាសក្នុងថ្ងៃច័ន្ទដើមសប្តាហ៍នេះថា ខ្លួននឹងធ្វើការកាត់បន្ថយចំនួនជនអន្តោប្រវេសន៍ដែលហូរចូលទឹកដីសហរដ្ឋអាមេរិកនៅត្រឹម៣០.០០០នាក់សម្រាប់ឆ្នំាសារពើពន្ធឆ្នាំ ២០១៩ ដែលនឹងចាប់ផ្តើមពីថ្ងៃទី១ ខែតុលា ដែលនេះ គឺជាការកាត់បន្ថយចំនួនជនភៀសខ្លួនក្នុងកម្រិតទាបបំផុតមិនធ្លាប់មានក្នុងរយៈពេលប៉ុន្មានទសវត្សរ៍មកនេះ ។ ទាក់ទិននឹងការប្រកាសនេះ រដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ បាននិយាយថា ចំនួននេះ គឺជាចំនួនអតិបរមាដែលសហរដ្ឋអាមេរិកនឹងទទួលយកក្នុងឆ្នំាសារពើពន្ធបន្ទាប់ បើប្រៀបធៀបទៅនឹងឆ្នំានេះ ដែលមានចំនួន៤៥.០០០នាក់ ដែលត្រូវបានគេរាយការណ៍ថា មានកម្រិតទាបបំផុតចាប់តំាងពីឆ្នំា១៩៨០ ។ គិតចាប់ពីឆ្នំាសារពើពន្ធក្រោយនេះ រដ្ឋបាលលោក ត្រាំ នឹងចាប់ផ្តើមកម្មវិធីថ្មីសម្រាប់ជនអន្តោប្រវេសន៍ ដែលស្ថិតក្រោមច្បាប់ថ្មីស្តីពីការត្រួតពិនិត្យពិសេស នៃជនភៀសខ្លួន ដែលអាចនឹងបន្តការគំរាមគំហែងដល់សន្តិសុខ និងសុខមាលភាពរបស់សហរដ្ឋអាមេរិក ។គួរបញ្ជាក់ថា វិធានការវាយតម្លៃថ្មីនេះ នឹងចាប់ផ្តើមដំណើរការពិនិត្យឡើងវិញរយៈពេល៩០ថ្ងៃសម្រាប់រដ្ឋបាលលោក ត្រាំ ដើម្បីធ្វើការវាយតម្លៃការគំរាមកំហែងស៊ីជម្រៅស្តីពីជនភៀសខ្លួនមកពីប្រទេសចំនួន១១ ប៉ុន្តែគិតមកទល់ពេលនេះ រដ្ឋបាលលោក ត្រាំ មិនបានបង្ហាញបញ្ជីនៃប្រទេសទាំង១១នោះនៅឡើយទេ ៕