(បន្ទាយមានជ័យ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នារសៀលថ្ងៃទី២ ខែមេសា ឆ្នាំ២០២៥ បានចាត់ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា និងសហការី នាំយកសារលិខិតរំលែកទុក្ខ និងសម្ភាររួមទាំងថវិកាចំនួន ២០លានរៀល ជូនក្រុមគ្រួសារ នៃសពពលករខ្មែរ ឈ្មោះ មាស សាវ៉ាង ភេទប្រុស អាយុ ២៣ឆ្នាំ ដែលបានទទួល​មរណភាព ដោយការរញ្ជួយដីក្នុងប្រទេសថៃ កាលពីថ្ងៃ​ទី២៨ ខែមីនា ឆ្នាំ២០២៥ ខណៈកំពុងស្នាក់នៅ និងធ្វើការនៅប្រទេសថៃ។ សពត្រូវបានយកមកធ្វើបុណ្យតាមប្រពៃណីនៅឯស្រុកកំណើតស្ថិតនៅក្នុងភូមិបល្ល័ង្គ ឃុំតាគង់ ស្រុកម៉ាឡៃ ខេត្តបន្ទាយ​មាន​ជ័យ ។ ជាមួយគ្នានេះសាខាកាកបាទក្រហមកម្ពុជា​ខេត្តបន្ទាយមានជ័យបានចូលរួមថវិកា១លានរៀលជូនក្រុមគ្រួសារសពផងដែរ។ ក្នុងវេលាដ៏សែនក្ដុកក្ដួលនេះ ឯកឧត្តម យូ ឡាណា បាន​នាំនូវការផ្តាំផ្ញើរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន ប្រធានកាកបាទក្រហមកម្ពុជា ចូលរួមសម្តែងនូវ​សមានទុក្ខដ៏ក្រៀមក្រំ ដោយសេចក្តីសោកស្តាយ ស្រណោះអាឡោះអាល័យពន់ពេក ជាមួយនឹងលោក លោកស្រី ចំពោះការបាត់បង់កូនជាទីស្រឡាញ់ ដែល​ប្រកបដោយកតញ្ញូតាធម៌…

ភ្នំពេញ ៖ គំនិតផ្តួចផ្តើមកម្មវិធីសប្បុរសធម៌មួយ ដែលមានឈ្មោះថា ព្រឹត្តិការណ៍សប្បុរសធម៌បេតិកភណ្ឌសង្ក្រាន្ត ឬ Songkran Heritage ដែលគ្រោងនឹងប្រព្រឹត្តិទៅនៅថ្ងៃទី៥ ខែមេសា ឆ្នាំ២០២៥ ដើម្បីជាការចូលរួមអបអរសាទរទិវាវប្បធម៌ជាតិលើកទី ២៧ និង ជួយលើកកម្ពស់ដល់បុព្វហេតុជាតិប្រកបដោយអត្ថន័យ។ ព្រឹត្តិការណ៍រៃអង្គាសប្រាក់ដ៏ពិសេសនេះ នឹងមានការដាក់តាំងបង្ហាញផលិតផលធ្វើពីស្នាដៃកូនខ្មែរ ឬ “Made in Cambodia” ព្រមទាំងប្រមូលផ្តុំសហគមន៍ អាជីវករ និងអង្គការសប្បុរសធម៌នានា នៅក្នុងកិច្ចខិតខំប្រឹងប្រែងរួមគ្នាដើម្បីបង្កើតផលវិជ្ជមានជួយដល់សង្គមជាតិ។ ព្រឹត្តិការណ៍សំខាន់ៗ មានដូចខាងក្រោម៖ប្រធានបទ ៖ សប្បុរសធម៌បេតិកភណ្ឌសង្ក្រាន្តកាលបរិច្ឆេទ៖ ថ្ងៃទី ៥ ខែ មេសា ឆ្នាំ ២០២៥ម៉ោង៖ ១០៖០០ ព្រឹក ដល់ ៥៖០០ ល្ងាចទីតាំង៖ Factory Phnom Penh ទល់មុខអគារតាំងបង្ហាញ Urban Villageថវិកាចូលរួម៖ ការបរិច្ចាគបន្តិចបន្តួច (អាចប្តូរបានសម្រាប់ផលិតផល “ផលិតនៅប្រទេសកម្ពុជា”) ដើម្បីគាំទ្រដល់អង្គការសប្បុរសធម៌។អ្នករៀបចំកម្មវិធីរួមមាន៖ អង្គការសប្បុរសធម៌៖មូលនិធិដែលប្រមូលបាននឹងផ្តល់អត្ថប្រយោជន៍ដល់អង្គការសប្បុរសធម៌សំខាន់ៗចំនួនបី៖1- Shanty Town Spirit Association2-…

កំពង់ធំ៖រយៈពេលពេញមួយថ្ងៃសហគមន៍នេសាទអេកូទេសចរណ៍ឃុំផាត់​សណ្ដាយ ស្រុកកំពង់ស្វាយ ខេត្តកំពង់ធំ កាលពីពេល​ថ្មីនេះបានរៀប​ចំសិក្ខា​សាលាស្ដីពីការចែករំលែកបទពិសោធន៍ក្នុងសហគមន៍ទេសចរណ៍ស្របតាមស្តង់ដារ​សហគមន៍ទេសចរណ៍​អាស៊ាន​ក្របខ័ណ្ឌបណ្តាញអេកូទេសចរណ៍​បឹងទន្លេ​សាប​ក្រោមអធិបតីភាពឯកឧត្តមបណ្ឌិត ជុក ជំនោរ អគ្គនាយក​អភិវឌ្ឍន៍​ទេសចរណ៍និងសហប្រតិបត្តិការអន្តរជាតិនិងជាប្រធានលេខាធិ ការដ្ឋាន​(គ.ជ.អ.អ) លោក យុក សេងឡុង នាយក​ប្រតិបត្តិអង្គការសម្ព័ន្ធភាពដើម្បី​អភិរក្សធនធានជលផល(FACT)និងជាអនុប្រធានអចិន្ត្រៃយ៍​ក្រុមប្រឹក្សាភិបាល​បណ្ដាញអេកូទេសចរណ៍បឹង ទន្លេសាប។សិក្ខាសាលានេះមានប្រតិភូជាប្រធាន អនុប្រធាន​មន្ទីរទេស​ចរណ៍ទូទាំង២៥ រាជធានី-ខេត្តចូលរួម។ ក្រោមការជួយជ្រោមជ្រែងពីមន្ទីរទេសចរណ៍ខេត្តកំពង់ធំ ,រដ្ឋបាលខេត្ត និង​អង្គការសម្ព័ន្ធភាពដើម្បីអភិរក្សធនធាន​ជលផល(FACT)បានរៀបចំបង្កើត​សហគមន៍នេសាទអេកូទេសចរណ៍ផាត់សណ្ដាយនេះឡើងចាប់តាំងពីឆ្នាំ២០១៩ និងទាក់ទាញភ្ញៀវ​​​​​ទេស​ចរជាតិ អន្តរជាតិ​កាន់តែច្រើនឡើងៗចូលមកទស្សនា​និងស្នាក់នៅលម្ហែ។​ភ្ញៀវអាចជិះកាណូត​ ទស្សនា​ព្រៃលិច,ទស្សនា មេពូជត្រីធំៗ​ដែលត្រូវបានអភិរក្សសម្រាប់ភ្ញៀវមើលកំសាន្ត។ សហគមន៍នេសាទអេកូទេសចរណ៍ក្នុងតំបន់ផាត់សណ្តាយបានរៀបចំផ្ទះស្នាក់ សេវាដឹកជញ្ជូនភ្ញៀវកំសាន្តសេវាម្ហូប​អាហារ ផលិតផលត្រីឆ្អើរ ផ្អក ប្រហុក ដែលមានរសជាតិឆ្ងាញ់ ផលិតផលវត្ថុអនុស្សាវរីយធ្វើពីកំប្លោក ។​ពិសេស​ជាងនេះគឺសន្តិសុខ សុវត្ថិភាពល្អ។ លោក យុក សេងឡុង នាយកប្រតិបត្តិអង្គការសម្ព័ន្ធភាពដើម្បីអភិរក្សធនធាន​ជលផល(FACT)និងជាអនុប្រធាន​អចិន្ត្រៃយ៍​​ក្រុមប្រឹក្សាភិបាលបណ្ដាញ​អេកូ​ទេសចរណ៍បឹងទន្លេសាបបានលើកឡើងថា នេះជាមោទនភាព​ថ្មីមួយ​ទៀត​ដែលFACTបានចូលមកជួយនៅក្នុងឃុំផាត់សណ្ដាយនេះ ពិសេសការចូល​រួមជ្រោមជ្រែងពីក្រសួងទេសចរណ៍​ពិសេស លោកបណ្ឌិត ជុក ជំនោរ ដែលជា​អ្នកដឹកនាំក្រុមការងារបច្ចេកទេសនៅក្នុងមូលដ្ឋាន និងរួមសហការជាមួយ​មន្ទីរទេស ចរណ៍ខេត្តកំពង់ធំ ចូលរួមជួយជំរុញលើជំនាញបច្ចេកទេសសេវាកម្ម​អេកូទេសចរណ៍នៅក្នុងឃុំផាត់សណ្ដាយ ស្រុក​កំពង់ស្វាយ ។ ដោយឡែកដំណើរទស្សនកិច្ចសិក្សារៀនសូត្ររបស់ប្រធាន អនុប្រធានមន្ទីរ​ជុំវិញរាជធានី-ខេត្ត ទូទាំងប្រទេសនេះ ក៏ជា​សកម្មភាពការងារមួយស្ថិត​នៅក្រោមក្របខ័ណ្ឌបណ្ដាញអេកូទេសចរណ៍បឹងទន្លេសាបហៅកាត់ថា (TEN) ដែល​​គណៈ​កម្មការជាតិរួមជាមួយនឹងក្រសួងទេសចរណ៍ សហការជាមួយ​អង្គការ(FACT)ដោយបានសហការ​គ្នាបង្កើត​ឡើង​នៅចុង​ឆ្នាំ២០២២ក៏បានទទួល​នូវសេចក្តីសម្រេចក៏ដូចជាសេចក្តីប្រកាសនៅក្នុងការបង្កើតបណ្ដាញនេះជាផ្លូវការដោយរដ្ឋមន្ត្រីក្រសួងទេសចរណ៍ ក៏ដូចជាប្រធានគណៈកម្មការជាតិផងដែរ។ ឯកឧត្តមបណ្ឌិត…

(ខេត្តស្ទឹងត្រែង)៖ លោកគ្រូ អ្នកគ្រូ សិស្សានុសិស្ស ១ពាន់ ១១៣នាក់ មកពីវិទ្យាល័យពីរក្នុងខេត្តស្ទឹងត្រែង បានចូលរួមដង្ហែព្រ័ត្រក្នុងទម្ងន់ ៣០០គីឡូក្រាម និងមានប្រវែង ២០០ម៉ែត្រ ទាញសាកល្បង និងនាំយកទៅតម្កល់ទុកនៅមន្ទីរអប់រំ យុវជន និងកីឡាខេត្តស្ទឹងត្រែង កាលពីថ្ងៃទី១ មេសា ២០២៥។ ស្ទឹងត្រែងសង្ក្រាន្ត ឆ្នាំ២០២៥ នឹងចូលខ្លួនមកបំបែកកំណត់ត្រា ល្បែងប្រជាប្រិយខ្មែរ “ល្បែងទាញព្រ័ត្រ” ប្រវែង ២០០ម៉ែត្រ មានទម្ងន់ ៣០០គីឡូក្រាម ដែលនឹងប្រព្រឹត្តទៅរយៈពេល ៣ថ្ងៃ (១៤-១៥-១៦មេសា២០២៥) ដោយរំពឹងថា នឹងមានអ្នកចូលរួមទាញព្រ័ត្រយ៉ាងច្រើនកុះករ មកពីគ្រប់ស្ថាប័នរដ្ឋ មន្ទីរ អង្គភាព រដ្ឋបាលក្រុង ស្រុក លោកគ្រូ អ្នកគ្រូ សិស្សានុសិស្ស និងប្រជាពលរដ្ឋមកពីគ្រប់ទិសទី នឹងចូលខ្លួនមកបំបែកកំណត់ត្រាទាញព្រ័ត្រ ដែលជាល្បែងប្រជាប្រិយខ្មែរ មានតាំងពីយូរលង់មកហើយ ដើម្បីអបអរសាទរក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ នឹងឈានចូលមកដល់ នៅថ្ងៃទី១៤ ខែមេសា ឆ្នាំ២០២៥ ខាងមុខនេះ ។ ក្រៅពីនេះ ក៏នៅមានល្បែងប្រជាប្រិយខ្មែរជាច្រើនប្រភេទទៀត ដែលលើកយកលេងកម្សាន្ត…

(ភ្នំពេញ)៖ គណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ) សូមកោតសរសើរចំពោះអ្នកប្រើប្រាស់ផ្លូវដ៏ច្រើ នលើស លប់ ដែលបានយកអស់ស្មារតីគោរពច្បាប់ ស្តីពីចរាចរណ៍ផ្លូវគោក រួមចំណែកទប់ស្កាត់ កាត់បន្ថយ គ្រោះថ្នាក់ចរាចរណ៍ក្នុងឆ្នាំ២០២៤ កន្លងទៅ។ ឆ្លៀតឱកាសនេះ គ.ស.ច.គ បានកត់សំគាល់នៅពេល មានពិធីបុណ្យនានា ការធ្វើចរាចរណ៍មានភាពមមាញឹក និងមាន កំណើនខ្ពស់នូវគ្រោះថ្នាក់ចរាចរណ៍ផ្លូវគោក។ ដូចនេះ ដើម្បីបង្ការ និងទប់ស្កាត់គ្រោះថ្នាក់ចរាចរណ៍ផ្លូវ គោកក្នុងឱកាសពិធីបុណ្យ ចូលឆ្នាំថ្មី ប្រពៃណីជាតិ នៅថ្ងៃ ទី១៤ ដល់ថ្ងៃទី១៦ ខែមេសា ឆ្នាំ២០២៥ខាងមុខនេះ គ.ស.ច.គ. សូមធ្វើការអំពាវនាវដល់ សាធារណជនជាអ្នក ប្រើប្រាស់ផ្លូវ ត្រូវបើកបរដោយគោរពច្បាប់ស្តីពី ចរាចរណ៍ ផ្លូវគោក និងចូលរួមទប់ស្កាត់ កាត់បន្ថយគ្រោះថ្នាក់ចរាចរណ៍ ផ្លូវ គោក ដូចខាងក្រោម៖ ១-កុំបើកបរលើសល្បឿនកំណត់។២-សូមកុំបើកបរក្រោមឥទ្ធិពលនៃគ្រឿងស្រវឹង ឬគ្រឿងញៀន។៣-ត្រូវគោរពសិទ្ធិអាទិភាព គោរពភ្លើង-ផ្លាកសញ្ញាចរាចរណ៍ និងសញ្ញាបញ្ជារបស់មន្ត្រីនគរបាលចរាចរណ៍ផ្លូវគោក។៤-ត្រូវបើកបរក្នុងគន្លងផ្លូវដែលកំណត់ដោយច្បាប់ស្តីពីចរាចរណ៍ផ្លូវគោក និងមិនត្រូវបើកបរជាន់លើគំនូសសញ្ញា បែងចែកគន្លងផ្លូវ។៥-ត្រូវប្រុងប្រយ័ត្នជានិច្ចក្នុងការបត់ ការជែង ការចត និងការឈប់។៦-ត្រូវត្រួតពិនិត្យមុនចេញដំណើរនូវលក្ខណៈបច្ចេកទេសយានយន្ត ដូចជាសំបកកង់ ហ្វាំង ភ្លើងបំភ្លឺ និងចង្កូត…

(ភ្នំពេញ)៖ ស្ថិតនៅក្នុងបរិយាកាសដ៏ក្រៀមក្រំនាព្រឹកថ្ងៃទី១ ខែមេសា ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួង​ការងារ និងបណ្តុះបណ្តាលវិជ្ជាជីវៈ តំណាងដ៏ខ្ពង់ខ្ពស់ សម្តេច វរធិបតី នាយករដ្ឋមន្ត្រី និងលោកជំទាវបណ្ឌិត រួមជាមួយ នឹងរដ្ឋបាល ខេត្តបន្ទាយមានជ័យ បានពាំនាំសារ​រំលែកទុក្ខ របស់រាជរដ្ឋាភិបាល ជូនចំពោះលោក សែ វិត និង​លោកស្រី ភិន រី ជាឪពុកម្តាយនៃសព ព្រមទាំងក្រុមគ្រួសារ ស្ថិតនៅក្នុងភូមិបាល័ង្គ ឃុំតាគង់ ស្រុកម៉ាឡៃ ខេត្តបន្ទាយ​មានជ័យ ចំពោះការបាត់បង់កូនជាទីស្រឡាញ់ ដែលបាន​លាចាកលោក និងលាចាកពីក្រុមគ្រួសារ ដោយសារការ​រញ្ជួយដីក្នុងប្រទេសថៃ កាលពីថ្ងៃទី២៨ ខែមីនា ឆ្នាំ២០២៥ ខណៈកំពុងស្នាក់នៅ និងធ្វើការនៅប្រទេសថៃ ដែលជា​ហេតុការណ៍ ពោរពេញដោយភាពក្តុកក្តួលរន្ធត់ចិត្ត​ជាពន់ពេក ។ នៅក្នុងឱកាសនោះដែរ ឯកឧត្តមរដ្ឋមន្ត្រី ក៏បាននាំយក​បច្ច័យ​​របស់សម្តេចមហាបវរធិបតី ហ៊ុន ម៉ាណែត និងលោក​ជំទាវបណ្ឌិត ពេជ ចន្ទមុន្នី ហ៊ុនម៉ាណែត ចំនួន ១ម៉ឺនដុល្លារ ជូនក្រុមគ្រួសារនៃសព…

កំពង់ធំ​៖ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួល​បន្ទុក​ទីស្តីការគណៈរដ្ឋមន្ត្រី និងប្រធានក្រុម​ការងាររាជរដ្ឋាភិបាល​ចុះ​មូលដ្ឋាន​ខេត្តកំពង់ធំ កាលពីថ្ងៃទី៣១ ខែមីនា ឆ្នាំ២០២៥ បានអញ្ជើញ​ជាអធិបតី ក្នុងពិធី​បើកការដ្ឋានគម្រោងសាងសង់ផ្លូវក្រាលកៅស៊ូពីរជាន់ (DBST) និងផ្លូវបេតុង​ប្រវែង ៩២.៩ គីឡូម៉ែត្រ នៅភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ។ ក្នុងឱកាសនេះ ឯកឧត្តម វង្សី វិស្សុត បានអបអរសាទរចំពោះការចូលរួមរបស់ដៃគូ​អន្តរជាតិ និងសមាជិកក្រុមការងារ​រាជរដ្ឋាភិបាល ក្នុងការប្រមូលផ្ដុំធនធាន និង​កិច្ចសហការដើម្បីអភិវឌ្ឍសហគមន៍ជនបទ។ គម្រោងនេះនឹងជួយសម្រួល​ដល់ការ​ធ្វើដំណើរ កាត់បន្ថយពេលវេលានិងចំណាយ ក៏ដូចជាបង្កើនលទ្ធភាព​ទទួលបានសេវាកម្មសុខាភិបាល ការអប់រំ និងអភិវឌ្ឍសេដ្ឋកិច្ចក្នុងតំបន់។​ឯកឧត្តម នួន ផារ័ត្ន អភិបាលខេត្តកំពង់ធំ បានលើកឡើងថា គម្រោងនេះ​នឹង​ជំរុញការអភិវឌ្ឍខេត្តកំពង់ធំហើយផ្លូវថ្មីៗ​ទាំងនេះ​នឹងជាឧបករណ៍ដ៏សំខាន់​ក្នុងការបង្កើតឱកាសវិនិយោគថ្មីៗ។ សូមជម្រាបថា គម្រោងនេះស្ថិតនៅក្នុងក្របខ័ណ្ឌកម្មវិធីអភិវឌ្ឍហេដ្ឋារចនាសម្ព័ន្ធ​ជនបទ​សម្រាប់កម្ពុជា (RID4CAM) ដែលជាសហប្រតិបត្តិការរវាងរាជ​រដ្ឋា​ភិបាលកម្ពុជា និងដៃគូនានា រួមមាន មូលនិធិ​សហភាពអឺរ៉ុប (EU/AIF) ទីភ្នាក់ងារ​បារាំងសម្រាប់ការអភិវឌ្ឍ (AFD) និងធនាគារអភិវឌ្ឍន៍អាល្លឺម៉ង់ (KfW)៕ ដោយ​៖ប៊ុន​រដ្ឋា