(ភ្នំពេញ)៖ ក្រសួងប្រៃសណីយ៍និងទូរគមនាគមន៍ សូមជម្រាបជូនដំណឹងដល់សាធារណជន និងសិស្សានុសិស្ស មេត្តាជ្រាបថា ដើម្បីផ្តល់ឱកាសឱ្យសិស្សានុសិស្សបង្ហាញស្នាដៃនៃការសរសេររបស់ខ្លួន និងដើម្បីចូលរួមចំណែកក្នុងការលើកកម្ពស់គំនិតច្នៃប្រឌិត ទេពកោសល្យនៃការសរសេរ ព្រមទាំងជំរុញការយល់ដឹង ការផ្សព្វផ្សាយ និងការប្រើប្រាស់សេវាប្រៃសណីយ៍នៅកម្ពុជា ក្រសួងរៀបចំកម្មវិធីប្រកួតប្រជែងសរសេរសំបុត្រថ្នាក់ជាតិលើកទី៤ ឆ្នាំ២០២៥ ក្រោមប្រធានបទ «ស្រមៃថាអ្នកគឺជាមហាសមុទ្រ ចូរសរសេរសំបុត្រទៅនរណាម្នាក់ដែលពន្យល់ពីមូលហេតុ និងរបៀបដែលពួកគេគួរថែរក្សាអ្នកឱ្យបានល្អ – Imagine you are the ocean. Write a letter to someone explaining why and how they should take good care of you»។ ១. រង្វាន់ជ័យលាភីបេក្ខជនជ័យលាភីនឹងទទួលបានរង្វាន់លើកទឹកចិត្ត ដូចខាងក្រោម៖ ដោយ ៖ ង៉ាន់ ទិត្យ

(ភ្នំពេញ)៖ចំនួនត្រីផ្សោតទឹកសាបនាកន្លងមក មានការ​ថមថយ​ចុះ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ​ពិសេសក្នុងឆ្នាំ២០២៥ មានការកើនចំនួនឡើងបន្តបន្ទាប់ និងក្រៅពីនេះចំពោះសត្វត្រីកម្រដទៃទៀតក៏ឃើញមានវត្តមានបង្ហាញឱ្យឃើញបន្តបន្ទាប់ដូចគ្នាផងដែរ ដែលទាំង​នេះ​បង្ហាញពីខិតខំកិច្ចការពារ និងអភិរក្សបានជោគជ័យ​របស់កម្ពុជាយើង។នេះជាការលើកឡើងពីសំណាក់ ឯកឧត្តម ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ។ ថ្លែងក្នុងពិធី «ជុំវិញទន្លេមេគង្គ» ដែលជាផ្នែកមួយនៃ មហោស្រពភាពយន្តអន្ដរជាតិកម្ពុជា Cambodia International Film Festival នៅទី២៤ ខែមីនា ឆ្នាំ២០២៥ នាមជ្ឈមណ្ឌលសហប្រតិបត្តិការកម្ពុជា-ជប៉ុនក្នុងរាជធានីភ្នំពេញ​ឱ្យដឹងថា៖ចំនួនសត្វផ្សោតទឹក​សាបក្នុងឆ្នាំ២០២៤កន្លងមកមានការកើនចំនួនឡើងចំនួន៥ក្បាល ខណៈ២ទៅ៣ឆ្នាំមុនមានតែថយចុះ។ ដោយ​ឡែក​សម្រាប់ដើមឆ្នាំ២០២៥នេះ ចំនួនសត្វផ្សោត​កើន​ឡើង​​ចំនួន ៣ក្បាលហើយ ចំណែកការស្លាប់របស់​ពួកវា​ពុំទាន់​ឃើញមានទេ។ លើសពីនេះយើងនៅមានធនធាន​ត្រីកម្រផ្សេងៗជាច្រើនទៀតដូចជា បបែល យក្ស ដូច​យើង​បានដឹងហើយមានទម្ងន់ជាង ៣០០ក្បាលឈ្មោះ​បរមី ។ ថ្ងៃ​ក្រោយយើងនឹងឃើញវាទៀត ហើយទម្ងន់​វាអាចច្រើនជាងនេះបន្ថែមទៀត។ក្រៅពីនេះយើង​ក៏មាន​ត្រីគល់រាំង និងត្រីកម្រមួយចំនួនទៀត​ក៏បង្ហាញខ្លួន​ញឹកញាប់ ។ ឯកឧត្តមរដ្ឋមន្រ្តីក្រសួងកសិកម្ម ឌិត ទីណាបានថ្លែង​បញ្ជាក់​​ដែរថា”មួយរយៈពេលនេះ យើងឃើញថាពលរដ្ឋ​យើងបានយល់ដឹងច្រើនណាស់ ពោលគឺនៅពេលប្រជា​នេសាទ​របស់យើងចាប់បានត្រីកម្រៗ​គាត់នឹងលែង​ទៅ​វិញ គាត់បានថតបង្ហាញ។គាត់បានចូលរួមអភិរក្សជាមួយ​គ្នា​កាន់តែច្រើនឡើង”។ ឯកឧត្តម ឌិត ទីណាបានថ្លែងបញ្ជាក់បន្ថែមថា៖ ”ធនធាន​សត្វរបស់យើងបានកើតច្រើន ក្នុងនេះសត្វផ្សោតសមុទ្រ ជ្រូកទឹក ផ្សោតព៌ណផ្កាឈូក ទាំងនេះដោយសារតែកម្ពុជា​យើងបានធ្វើការអភិរក្សបានល្អ។សម្រាប់ជ្រូកទឹកត្រូវការ​ស្មៅសមុទ្រក្នុងទឹក។ប្រភេទស្មៅទឹកនេះដុះយឺតណាស់ មិនដូចស្មៅនៅលើគោកទេ។បើកាលណាមានស្មៅទឹក​យើងតែឃើញជ្រូកទឹកហ្នឹងមករកស៊ីចំណីរបស់វាហើយ”។ ឯកឧត្តមបានថ្លែងថាក្រៅពីនេះយើងក៏មានក្រពើភ្នំដែលបានលែងច្រើននាកន្លងមក។ក្រពើភ្នំនេះយើងមានច្រើន​ជាង​គេលើពិភពលោក។ចំណែកអណ្តើកហ្លួងក៏ដូចគ្នា…

(ភ្នំពេញ)៖ ដើម្បីរក្សាបាននៅសណ្តាប់ធ្នាប់សាធារណៈល្អ លោក ហ៊ត គឹមនី អភិបាលរងខណ្ឌច្បារអំពៅ បានដឹកនាំ កម្លាំងចុះរៀបចំសណ្តាប់ធ្នាប់,ណែនាំនិងចែកលិខិតជូនដំណឹងស្តីពីការរៀបចំសណ្តាប់ធ្នាប់តាមបណ្តោយផ្លូវលេខ៣៦៩ ចាប់ពីគល់ស្ពានព្រះមុនីវង្សចាស់ រហូតដល់តំបន់ ច្រាំងបាក់ ស្ថិតនៅក្នុងសង្កាត់ច្បារអំពៅទី២ ខណ្ឌច្បារ អំពៅ រាជធានីភ្នំពេញ នៅព្រឹកថ្ងៃទី២៥ ខែមីនា ឆ្នាំ២០២៥ ។ លោក ហ៊ត គឹមនី បានឱ្យដឹងថា កន្លងមក រដ្ឋបាលខណ្ឌ តែងតែចុះណែនាំ និងចែកលិខិតជូនដំណឹងដល់បងប្អូន ប្រជាពលរដ្ឋ និងអាជីករ ក្នុងន័យ មិនអនុញ្ញាត ឱ្យដាក់ តាំងលក់ទំនិញ និងសម្ភារផ្សេងៗ នៅលើផ្លូវ និងចិញ្ចើមផ្លូវសាធារណៈ។ លោកអភិបាលរងខណ្ឌបានបន្តថា យោងតាមសេចក្តី ជូនដំណឹងលេខ ០៦៥/២៥ សជណ.ចអព របស់ រដ្ឋបាល ខណ្ឌច្បារអំពៅ ស្តីពីការរៀបចំសណ្តាប់ធ្នាប់ តាមបណ្តោយផ្លូវលេខ៣៦៩ ចាប់ពីគល់ស្ពាន ព្រះមុនីវង្សចាស់ រហូតដល់តំបន់ច្រាំងបាក់ ស្ថិតនៅ​ក្នុងសង្កាត់ច្បារអំពៅទី២ គឺទុករយះពេល៥ថ្ងៃ ចាប់ពី​ថ្ងៃចុះហត្ថលេខា អោយបញ្ឈប់ និងរុះរេីចេញ​ជាបន្ទាន់ រាល់ការលក់ដូរ…

(ភ្នំពេញ)៖ ខ្យងឧទយាទិត្យ Clostophis udayaditinus ត្រូវបានរកឃើញ និងទទួលស្គាល់ថា ជាប្រភេទ​ខ្យង​គោក​ថ្មី សម្រាប់វិទ្យាសាស្រ្ត ដែលត្រូវបាន រកឃើញនៅភ្នំ​បាណន់ ក្នុងខេត្តបាត់ដំបង។ ខ្យងនេះត្រូវ បានគេដាក់​ឈ្មោះឱ្យថាខ្យងឧទយាទិត្យ គឺដើម្បីឧទ្ទិស​ដល់ព្រះ​បាទ​ឧទយាទិត្យវរ្ម័នទី២ (១០៥០ -១០៦៦) ដែលជាព្រះ​រាជាខ្មែរ ដំបូងគេដែលបានកសាងប្រាសាទ ភ្នំបាណន់ នៅលើកំពូលភ្នំបាណន់។ ការស្រាវជ្រាវត្រូវបានធ្វើឡើងកាលពីឆ្នាំ ២០២៤ ដោយ​ក្រុម​ការងារក្រសួងបរិស្ថាន សហការជាមួយអង្គការ​សត្វ​ព្រៃ និងរុក្ខជាតិកម្ពុជា និងក្រុមអ្នកជំនាញពីសាកល​វិទ្យា​ល័យ Chulalongkorn សាកលវិទ្យាល័យ Mahidol និងសាកលវិទ្យាល័យ Khon Kaenនិងគាំទ្រថវិកាពី​សហភាពអឺរ៉ុប (EU) តាមរយៈគម្រោង Bcoming។ តាមការសិក្សា កន្លងមកពីតំបន់ភ្នំថ្មកំបោរ ប្រទេសកម្ពុជា គេបានកត់ត្រាខ្យងគោកចំនួន១៣ប្រភេទ ពីពួក​(Genus)​ចំនួន៥ ក្នុងនោះក៏មិនទាន់មានពួក  “Clostophis”​នេះ​ដែរ​។ ដូចនេះការសិក្សា​របស់យើង​ក៏បានបញ្ជាក់​អំពីការ​រកឃើញនូវ​ប្រភេទខ្យងគោកកំណត់ត្រាថ្មីសម្រាប់​ពិភព​លោក និងក៏បានបង្កើតនូវកំណត់ត្រាពួកថ្មីសម្រាប់​ប្រ​ទេស​កម្ពុជាផងដែរ។ សូមបញ្ជាក់ផងដែរថា ខ្យងគោកពួក Clostophis ជាពួក​ខ្យងដែលមានទំហំតូច (ជាទូទៅតូចជាង​២មីលី​ម៉ែត្រ)  ហើយ ខ្យងឧទយាទិត្យClostophis udayaditinus គឺជាខ្យងទី២០នៃពួក Clostophis ដែលត្រូវបានគេរក​ឃើញ។ តំបន់ទេសភាពភ្នំថ្មកំបោរនៅប្រទេសកម្ពុជាសម្បូរទៅដោយប្រភេទសត្វដែលមានវត្តមានតែនៅក្នុងតំបន់ទាំងនេះ (Endemic) ។…

កៀវ ៖ ពិភពលោកគួរតែរួមគ្នាជំរុញឱ្យមេដឹកនាំរុស្ស៊ី លោក វ្ល៉ាឌីមៀ ពូទីន បញ្ឈប់ការវាយប្រហារ និង ឈ្លានពានរយៈពេលបីឆ្នាំរបស់គាត់ នេះបើតាមការលើកឡើងរបស់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃអាទិត្យ។ លោក ហ្សេលេនស្គី បាននិយាយនៅក្នុងវីដេអូបង្ហោះតាមប្រព័ន្ធផ្សព្វផ្សាយសង្គមថា មិនថាយើងនិយាយអំពីអ្វីជាមួយដៃគូរបស់យើងទេ … យើងត្រូវជំរុញឱ្យលោក ពូទីន ចេញបញ្ជាពិតប្រាកដមួយ ដើម្បីបញ្ឈប់ការវាយប្រហារ។ លោក ហ្សេលេនស្គី បន្តថា ជាការពិតណាស់ មនុស្សគ្រប់គ្នានៅក្នុងពិភពលោកសុទ្ធតែដឹងលឺថា រុស្ស៊ីគឺជាមនុស្សតែម្នាក់គត់ដែលអាចបញ្ឈប់សង្រ្គាមនេះ ។ មេដឹកនាំអ៊ុយក្រែនរូបនេះបន្ថែមថា ចាប់តាំងពីថ្ងៃទី១១ ខែមីនាមក មានសំណើមួយសម្រាប់បទឈប់បាញ់ដោយគ្មានលក្ខខណ្ឌ ហើយការវាយប្រហារត្រូវបានរំពឹងថា នឹងបញ្ឈប់ចាប់ពីពេលនោះ។ ប៉ុន្តែវាគឺជារុស្ស៊ីដែលបន្តការវាយប្រហារទាំងអស់នេះ ហើយជារៀងរាល់យប់ ជារៀងរាល់ថ្ងៃ រុស្ស៊ីតែងតែបើកការវាយប្រហារដ៏ឃោរឃៅបំផុតតាមដែលអាចធ្វើបាន។ ដូច្នេះ បើគ្មានសម្ពាធលើរុស្ស៊ីទេ ពួកគេនឹងបន្តមើលស្រាលលើដំណោះស្រាយការទូត ហើយបន្តសម្លាប់ជីវិតមនុស្សបន្ថែមទៀត៕ ប្រភព ៖ AFP ប្រែសម្រួល ៖ ឈឹម ទីណា