សៀមរាប៖បន្ទាប់ពីអនុវត្តដោយជោគជ័យប្រកបដោយភាពម្ចាស់ការបាន នៅអាកាសយានដ្ឋានអន្តរជាតិភ្នំពេញ កាលពីថ្ងៃទី២៧ ខែកុម្ភៈ ​ឆ្នាំ២០២៥ អាកាសយានដ្ឋានអន្តរជាតិសៀមរាប អង្គរបានរៀបចំ​លំហាត់សមយុទ្ធ​ទ្រង់ទ្រាយធំក្នុង​ប្រការ មានយន្តហោះធ្លាក់នៅ​ក្នុងអាកាសយានដ្ឋាន ដើម្បីត្រៀមឆ្លើយតបផ្នែកពាក់ព័ន្ធ​នានាឱ្យ​បានរហ័ស ប្រសិនមាន​ឧបទ្ទវ ហេតុកើតឡើងជាយថាហេតុ ។ នៅអាកាសយានដ្ឋានអន្តរជាតិសៀមរាប អង្គរ រដ្ឋលេខាធិការដ្ឋាន​អាកាស​ចរស៊ីវិល សហការជាមួយ​អាជ្ញាធរខេត្ត​សៀមរាប និងអង្គភាព​ស្ថាប័នពាក់ព័ន្ធ បានធ្វើលំហាត់សមយុទ្ធទ្រង់ទ្រាយធំក្រោមប្រធានបទ “យន្តហោះធ្លាក់នៅ​ក្នុង​អាកាសយានដ្ឋាន” ដើម្បីធ្វើការហ្វឹកហ្វឺន និងសាកល្បងសមត្ថភាពពីគ្រប់អ្នកពាក់ព័ន្ធក្នុងការឆ្លើយតបទាន់ពេលវេលា រហ័ស និងមានលក្ខណៈត្រឹមត្រូវ ជួយសង្គ្រោះជនរងគ្រោះពេល​មាន​គ្រោះ​មហន្តរាយ និងឧបទ្ទវហេតុគ្រោះថ្នាក់​យន្តហោះដោយប្រការណា​មួយ។ លំហាត់សមយុទ្ធនេះមានការចូលរួមពីអាជ្ញាធរខេត្ត ស្រុក តំណាង​ក្រុមហ៊ុន ក្រុមការងារពាក់ព័ន្ធប្រមាណ ២០០​នាក់ ក្នុងនោះមាន ផ្នែករាយការណ៍ឧបទ្ទវហេតុ ក្រុមពន្លត់អគ្គិភ័យ ក្រុមសង្រ្គោះនិង​ក្រុមគ្រូពេទ្យ ក្រុមកម្លាំងការពារ​សន្តិសុខ​​សណ្តាប់ធ្នាប់​ជាដើម ។ ឯកឧត្តម ជា អូន រដ្ឋលេខាធិការប្រចាំការ និងជាអ្នកនាំពាក្យរដ្ឋលេ​ខា​ធិការដ្ឋានអាកាសចរណ៍ស៊ីវិលបានវាយតម្លៃ​ខ្ពស់​ចំពោះ​ភាពជោគជ័យ​នៃលំហាត់សមយុទ្ធទ្រង់ទ្រាយធំ និងជាលើកដំបូងនៅក្នុងអាកាស​យានដ្ឋាន​អន្តរជាតិសៀមរាប អង្គរ (SAI)។ភាពជោគជ័យ​នៃការធ្វើ​លំហាត់សមយុទ្ធនេះ ជាតឹកតាងដ៏សំខាន់ និងជាអ្វីដែលក្រុមហ៊ុន​អាកាស​ចរណ៍ធំៗតម្រូវ មុននឹងភ្ជាប់ជើងហោះហើរ។ ក្រុមហ៊ុនទាំង​នោះចង់ឱ្យមានការធានាសុវត្ថិភាព សន្តិសុខ ប្រសិនបើមានគ្រោះ​អាសន្នកើត​ឡើងជាយថាហេតុ និងការឆ្លើយតបជួយសង្រ្គោះ​ភ្លាមៗ​ពីខាងព្រលានយន្តហោះ។  ចំណុចឆ្លើយតបដែលមានភាពខ្វះខាតនៅឡើយ ដូចជាចម្ងាយផ្លូវឆ្ងាយ​ពីមន្ទីរពេទ្យមកកាន់អាកាសយានដ្ឋាន ដោយ​រថយន្តសង្រ្គោះបន្ទាន់​ត្រូវការរយៈពេលជិត១ម៉ោង ទម្រាំមកដល់។ឯកឧត្តមបានបង្ហាញ​ពីគម្រោងរៀបចំទីតាំងសង្រ្គោះ​បន្ទាន់នៅតាម​មណ្ឌលសុខភាពជិត​ព្រលានយន្តហោះ…

(ភ្នំពេញ)៖ ពុក ម៉ែ របស់របស់បងប្អូនពលករខ្មែរដែលកំពុងធ្វើការនៅសាធារណរដ្ឋកូរ៉េបានបង្ហាញពីក្តីព្រួយបារម្ភជាខ្លាំងនៅពេលទទួលព័ត៌មានអំពីសកម្មភាពកៀរគរពលករខ្មែរឱ្យចូលរួមធ្វើបាតុកម្មម្តងហើយម្តងទៀតនៅលើទឹកដីបរទេសដែលកូនៗរបស់ខ្លួនកំពុងបម្រើការងារ។ អាណាព្យាបាលរបស់ពលករខ្មែរ បានផ្តែផ្តាំទៅកូនក្មួយទាំងអស់ដែលកំពុងធ្វើការនៅសាធារណរដ្ឋកូរ៉េមេត្តារក្សាភាពស្ងប់ស្ងាត់ ត្រូវខិតខំធ្វើការសន្សំថវិកា ស្រូបយកចំណេះជំនាញ ដែលអាចជួយខ្លួនឯង និងក្រុមគ្រួសារពេលត្រលប់មកប្រទេសកំណើតរបស់ខ្លួនវិញ។ អ្នកមីង សុខ ថា ជាអាណាព្យាបាលរបស់ក្រុមគ្រួសារពលករដែលកំពុងធ្វើការនៅសាធារណរដ្ឋកូរ៉េបានលើកឡើងថា ក្នុងនាមជាម្តាយឳពុកកំពុងរង់ចាំនៅស្រុកកំណើតពិតជាមានការព្រួយបារម្ភណាស់ចំពោះសុវត្ថិភាពរបស់កូនដែលកំពុងធ្វើការនៅសាធារណកូរ៉េ នៅពេលឃើញព័ត៌មានអំពីការបំផុសបំផុលឱ្យមានការធ្វើបាតុកម្មនានានៅលើទឹកដីបរទេសបែបនេះ។ ក្រៅពីការបារម្ភចំពោះសុវត្ថិភាពរបស់កូនដែលជាជនបរទេសធ្វើការនៅស្រុកគេនោះ គឺខ្លាចតែសកម្មភាពបាតុកម្មបង្កជាបញ្ហាអ្វីមួយប៉ះពាល់កន្លែងការងារដែលកូនកំពុងបម្រើការងារ ដែលធ្វើឱ្យម្ចាស់ក្រុមហ៊ុនមិនពេញចិត្ត តែម្តង។ អ្នកមីងបានផ្តាំទៅកូនៗ ក្មួយៗថា ប្រទេសកម្ពុជាជាទឹកដីកំណើតរបស់ខ្លួន ការទៅធ្វើសកម្មភាពនៅលើទឹកដីបរទេសប្រឆាំងជាតិខ្លួនឯងបែបនេះ មិនសមនោះទេ វាធ្វើឱ្យបាត់បង់តម្លៃជាតិខ្លួនឯង ជាពិសេសនោះគឺបន្ទាបតម្លៃខ្លួនឯងអស់ហើយ។ ការស្រលាញ់ជាតិ មិនសំដៅលើការធ្វើបាតុកម្មនោះទេ ការចេះគិតគូរ ពិចារណា ដឹងខុសដឹងត្រូវ ទើបជាពលរដ្ឋល្អ។ សូមកូនៗកុំទៅចូលរួមធ្វើបាតុកម្មណាមួយឱ្យសោះ ពីព្រោះប្រសិនបើមានរឿងអ្វីកើតឡើង ខ្លួនជាពលករជាអ្នកទទួលខុសត្រូវ មិនមែនអ្នកដឹកនាំបាតុកម្ម ដែលកំពុងរស់នៅប្រទេសលោកខាងលិចនោះទេ។ ដោយឡែកលោកស្រី ឈឿន យន់ ជាអាណាព្យាបាលរបស់ក្រុមគ្រួសារពលករនៅសាធារណកូរ៉េម្នាក់ទៀតបានបង្ហាញការមិនពេញចិត្តទាល់តែសោះលើសកម្មភាពរបស់ក្រុមអ្នកនយោបាយជ្រុលនិយមដែលតែងតែយកពលករខ្មែរធ្វើជាឈ្នាន់នយោបាយ កៀរគរធ្វើបាតុកម្មប្រឆាំងជាតិខ្លួនឯងនៅលើទឹកដីបរទេស។ អ្នកមីងថា បាតុកម្មកន្លងមកមានច្រើន តែដូចជាគ្មានអ្វីដុំកំភួន ក្រៅតែពីបង្កចលាចលនៅលើទឹកដីបរទេស។ លោកស្រីបន្ថែមថា ខ្លួនបានទូន្មានកូនៗជានិច្ចអំពីបញ្ហានេះ ដោយលើកទឹកចិត្តកូនឱ្យខិតខំធ្វើការ សន្សំថវិកា និងស្រូបយកចំណេះដឹងពីប្រទេសកូរ៉េ ត្រលប់មកទឹកដីកំណើតវិញ។ ការបង្កចលាចលលើទឹកដីបរទេសមិនមែនជារឿងត្រឹមត្រូវនោះទេ។ មួយឆ្នាំៗឃើញតែធ្វើបាតុកម្ម…

(ភ្នំពេញ)៖ ក្រសួងព័ត៌មាននៅថ្ងៃទី២៨ ខែកុម្ភៈ ឆ្នាំ២០២៥៤នេះបានចេញសេចក្តីណែនាំមួយដោយឱ្យ អ្នកផលិតមាតិកាផ្សព្វផ្សាយតាមបណ្តាញទំនាក់ទំនងសង្គម និងអ្នកប្រើប្រាស់បណ្តាញសង្គមមួយចំនួន បានផលិតខ្លឹមសារដោយបំពានលើក្រមសីលធម៌ និង ផ្សព្វផ្សាយនៅលើបណ្តាញទំនាក់ទំនងសង្គមដោយប្រើប្រាស់វិធីសាស្ត្រមិនស្មោះត្រង់ និងបំពានលើសិទ្ធិ សេចក្តីថ្លៃថ្នូររបស់អ្នកដទៃ ឬប្រើប្រាស់ពាក្យពេចន៍អសុរោះ ដើម្បីទាក់ទាញការចាប់អារម្មណ៍ និងលក់ ផលិតផលរបស់ខ្លួនដាច់ដោយមិនមានការគិតគូរដល់សីលធម៌សង្គម។ ក្រសួងបានបន្តឱ្យដឹងថា ៖ ”ដើម្បីចូលរួមលើកកម្ពស់សីលធម៌សង្គម ក្រសួងព័ត៌មានសូមធ្វើការណែនាំដល់អ្នកផលិតមាតិកា ផ្សព្វផ្សាយតាមបណ្តាញសង្គម និងអ្នកប្រើប្រាស់បណ្តាញទំនាក់ទំនងសង្គម ត្រូវបញ្ឈប់ជាបន្ទាន់នូវការប្រើ វិធីសាស្រ្តលេងសើច (Prank) មកផលិតមាតិការបស់ខ្លួនដើម្បីលក់ផលិតផលឱ្យដាច់ ឬទាញការចាប់ អារម្មណ៍មកលើខ្លួន ដែលបង្កផលប៉ះពាល់ដល់កិត្តិយស សេចក្តីថ្លៃថ្នូរ សិទ្ធិរបស់អ្នកដទៃ និងប្រពៃណី ទំនៀមទម្លាប់ វប្បធម៌ជាតិ”។ ក្រសួងចាត់ទុកថា ទង្វើបែបនេះមិនមែនជាភាពស្មោះត្រង់ក្នុងការផលិតមាតិកាទេ ប៉ុន្តែជាការ បង្កើតមាតិកាដោយខ្វះក្រមសីលធម៌ ខ្វះការទទួលខុសត្រូវ ព្រមទាំងបានបង្កើតឱ្យមានការយល់ច្រឡំ និង ប៉ះពាល់ធ្ងន់ធ្ងរដល់កិត្តិយស និងសេចក្តីថ្លៃថ្នូររបស់បុគ្គល និងសីលធម៌សង្គម។ ក្រសួងនបានបន្តឱ្យដឹងថា ការផលិតមាតិកាបែបលេងសើច (Prank) ដែលធ្វើឱ្យប៉ះពាល់ដល់សេចក្តីថ្លៃថ្នូរ និងកិត្តិយសអ្នក ដទៃ មិនត្រូវបានលើកទឹកចិត្តឡើយ។ ការប៉ះពាល់សេចក្តីថ្លៃថ្នូរ និងកិត្តិយសរបស់អ្នកដទៃ ជាការបំពាន ច្បាប់ និងអាចជាកម្មវត្ថុនៃបណ្តឹងរបស់អ្នកដែលទទួលរងផលប៉ះពាល់។…

(ភ្នំពេញ)៖ ក្រុមអ្នកអភិរក្សនាថ្មីៗមកនេះ បានប្រទះឃើញ ហ្វូងសត្វទន្សោងមួយហ្វូង កំពុងនាំគ្នាដើររកចំណីយ៉ាងសុខ​សាន្តនៅដែនជម្រកសត្វព្រៃភ្នំត្នោត ក្នុងភូមិសាស្ត្រ ខេត្ត​ព្រះវិហារ។ ហ្វូងសត្វទន្សោង ដែលថតបានដោយកាម៉េរ៉ា មាន ចំនួនជាង ១០ក្បាល មានទាំងញី ឈ្មោល និងកូនតូចៗ ទៀតផង។ ទន្សោងជាប្រភេទជីវៈចម្រុះកម្រ និងជាប្រភេទ ជិតផុតពូជ លើពិភពលោក ហើយបានចុះក្នុងបញ្ជីក្រហម របស់អង្គការ IUCN។ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានចាត់ ទុកថា នេះជាលទ្ធផល ជោគជ័យមួយ ក្នុងការអភិរក្សសត្វព្រៃ និងធនធានធម្មជាតិនៅកម្ពុជា។ ជាមួយគ្នាមន្រ្តី អ្នកនាំពាក្យក្រសួងបរិស្ថានបានថ្លែងដោយ សំណូមពរឱ្យអ្នកពាក់ព័ន្ធ អាជ្ញាធរមូលដ្ឋាន និងប្រជាពលរដ្ឋ នៅតាមសហគមន៍ ចូលរួមប្រសើរថែមទៀត ការពារថែរក្សា សម្បត្តិធនធានធម្មជាតិ កម្រលើពិភពលោកនេះ ឱ្យបានគង់វង្ស សម្រាប់ប្រព័ន្ធអេកូឡូស៊ី និងសម្រាប់បម្រើ ដល់គោលដៅ លំ ហែបៃតង ដើម្បីរួមចំណែកដល់ការបង្កើន ជីវភាពសហគមន៍ មូលដ្ឋានផ្ទាល់។ គួរបញ្ជាក់ថាទន្សោង មានវត្តមាននៅតាមតំបន់ព្រៃ ក្នុងភូមិភាគ…

បន្ទាយមានជ័យ៖ រដ្ឋបាលខេត្តបន្ទាយមានជ័យកាលពីថ្ងៃទី២៧ ខែកុម្ភៈ បានរៀបចំពិធីប្រកាសចូលកាន់តំណែង​អភិបាល​រង​ខេត្តបន្ទាយមាន​ជ័យមួយរូបក្រោមអធិបតីភាពឯកឧត្តម ប៊ុន ហុន រដ្ឋលេខាធិការ តំណាង​ឯកឧត្តមអភិសន្តិបណ្ឌិតស សុខា ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ លោក លី សុវណ្ណារិទ្ធ អភិបាលស្ដីទី។ យោងតាមអនុក្រឹត្យរបស់រាជរដ្ឋាភិបាលត្រូវបានប្រកាសតែងតាំង លោក ឃូ ពៅ ចូលកាន់មុខតំណែង ជាអភិបាលរង​ខេត្តបន្ទាយមានជ័យ ជំនួស​លោក ង៉ោ ម៉េងជ្រួន អភិបាលរងខេត្តដែលចូលនិវត្តន៍។ មានប្រសាសន៍ក្នុងឱកាសនេះឯកឧត្តម ប៊ុន ហុន រដ្ឋលេខាធិការក្រសួង​មហាផ្ទៃ បានរំលឹកថា លោកអភិបាលរងខេត្តដែល​ទើបតែងតាំងថ្មី ត្រូវ​ចេះសហការគ្នាក្នុងការអភិវឌ្ឍខេត្តឱ្យមានការរីកចម្រើនបន្តទៀត​។ត្រូវ​ចុះមូលដ្ឋានឱ្យបានជាប្រចាំ ត្រូវដឹងពីសុខ ទុក្ខរបស់ប្រជាជន ត្រូវដោះ​ស្រាយរាល់បញ្ហដែលកើតមាននៅក្នុងមូលដ្ឋានឱ្យបានទាន់ពេលវេលា ៕ដោយ៖ ឃិន គន្ធា