-
ឈ្វេងយល់ពីឧបាយកលប្រើប្រាស់វិស្វកម្មសង្គម (Social Engineering)
(ភ្នំពេញ)៖ វិស្វកម្មសង្គម ឬSocial Engineering គឺសំដៅលើបច្ចេកទេសនៃចិត្តវិទ្យាដែលបង្កប់នូវឧបាយកលពីសំណាក់ឧក្រិដ្ឋជនបច្ចេកវិទ្យាបោកបញ្ឆោតជនរងគ្រោះឱ្យបង្ហាញនូវព័ត៌មានសម្ងាត់ ឬទទួលបានសិទ្ធិចូលប្រើប្រាស់ប្រព័ន្ធ និង គ្រប់គ្រងទិន្នន័យជាដើម ។ វិធីសាស្រ្ត ឬឧបាយកលនៃវិស្វកម្មបណ្តាញសង្គមរួមមាន ៖ នាយកដ្ឋានការពារសុវត្ថិភាពបច្ចេកវិទ្យា នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ សូមធ្វើការណែនាំជូនប្រជាពលរដ្ឋដើម្បីការពារខ្លួន និងប្រយុទ្ធប្រឆាំងនឹងបច្ចេកទេសវិស្វកម្មសង្គមពីក្រុមឧក្រិដ្ឋជនបច្ចេកវិទ្យាដូចខាងក្រោម ៖ ដោយ ៖ ង៉ាន់ ទិត្យប្រភព ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
-
ក្រសួងសុខាភិបាល ចេញសេក្តីប្រកាសពីករណីស្លាប់ដោយសារជំងឺផ្តាសាយបក្សី លើកុមារាអាយុ ២ឆ្នាំ ៧ខែ
(ភ្នំពេញ)៖ ក្រសួងសុខាភិបាល បានចេញសេចក្តី ប្រកាសជម្រាបជូនសាធារណជនឱ្យបានជ្រាបថា មានអ្នក ជំងឺផ្តាសាយបក្សីចំនួន ០១ករណី កើតលើកុមារាអាយុ ២ឆ្នាំ៧ខែ និងត្រូវបានបញ្ជាក់ថា វិជ្ជមានវីរុសផ្តាសាយ បក្សីប្រភេទ (H5N1) ពីវិទ្យាស្ថានជាតិសុខភាពសាធារណៈ នៅថ្ងៃទី២៥ ខែកុម្ភៈ ឆ្នាំ២០២៥ ដែលមាន ទីលំនៅក្នុងភូមិតាង៉ក ឃុំរំចេក ស្រុកព្រះស្តេច ខេត្តព្រៃវែង។ ទោះជាមានការយកចិត្តទុកដាក់ថែទាំនិងជួយសង្គ្រោះ ពីសំណាក់ក្រុមគ្រូពេទ្យក៏ដោយ កុមារបានស្លាប់នៅថ្ងៃទី២៥ ខែកុម្ភៈ ឆ្នាំ២០២៥ ដោយសារឪពុកម្តាយទើបតែបាន នាំកុមារមកដល់មន្ទីរពេទ្យ បណ្តាលឱ្យកុមារមានស្ថានភាពធ្ងន់ធ្ងរពេក រួមមានគ្រុនក្តៅ ក្អក ហត់ និងពិបាកដក ដង្ហើមធ្ងន់ធ្ងរ។ តាមការសាកសួរបង្ហាញថា ផ្ទះអ្នកជំងឺមានចិញ្ចឹមមាន់ជាលក្ខណៈគ្រួសារ និងមានមាន់ងាប់ ប្រហែល ១៥ក្បាល និងខ្លះទៀតកំពុងឈឺ ហើយកុមារបានដេក និងលេងនៅក្រោមផ្ទះជិតទ្រុងមាន់ ។ ក្រុមឆ្លើយតបបន្ទាន់របស់ក្រសួងសុខាភិបាលថ្នាក់ជាតិ និងថ្នាក់ក្រោមជាតិ បាននិងកំពុងសហការ ជាមួយក្រុមការងារនៃមន្ទីរកសិកម្មខេត្ត និងអាជ្ញាធរមូលដ្ឋានគ្រប់លំដាប់ថ្នាក់ ធ្វើការអង្កេតស្រាវជ្រាវយ៉ាងសកម្ម លើការកើតឡើងនូវជំងឺផ្តាសាយបក្សី និងធ្វើការឆ្លើយតបទៅតាមវិធីសាស្ត្រ និងពិធីសារបច្ចេកទេស បន្តការស្វែង រកប្រភពចម្លង…
-
រដ្ឋបាលស្រុកបន្ទាយស្រី ៖ សុខភាពរបស់កុមារជាបំណងប្រាថ្នារបស់យើងទាំងអស់គ្នា
(ប្រទេសចិន)៖ លោក ងន ប៊ុនធី អភិបាលរងស្រុកបន្ទាយស្រីបានថ្លែងអំណរគុណដល់ក្រុមគ្រូពេទ្យចិនដែលបានយកចិត្តទុកដាក់ជួយព្យាបាលកុមារកម្ពុជាចំនួន ៥រូបដែលបានទៅទទួលការវះកាត់និងព្យាបាលជំងឺបេះដូងពីកំណើត។ ក្នុងពេលជជែកជាមួយគណៈគ្រប់គ្រងមន្ទីរពេទ្យបេះដូង Fuwai កាលពីរសៀលថ្ងៃទី២៥ ខែកុម្ភៈ ឆ្នាំ២០២៥ នៅមន្ទីរពេទ្យបេះដូង Fuwai ខេត្តយូណាន ប្រទេសចិន លោកអភិបាលរងបានគូសបញ្ជាក់ពីការគាំទ្រនិងកិច្ចសម្របសម្រួលរបស់សមាគមអ្នកស្រាវជ្រាវវឌ្ឍនភាពកម្ពុជា-ចិន និងអង្គការYUNDI ដែល ចាប់ពីឆ្នាំ២០១៩ មក បានសហការយ៉ាងជិតស្និទ្ធជាមួយអង្គពាក់ព័ន្ធនានា ក្រោមកិច្ចសម្របសម្រួលពីរដ្ឋបាលសាលាខេត្តសៀមរាប និងស្ថានទូតចិនប្រចាំកម្ពុជា ក្នុងការចុះពិនិត្យសុខភាពកុមារនៅក្នុងស្រុកបន្ទាយស្រី និងបានគាំទ្រដល់ការបញ្ជូនកុមារដែលត្រូវបានក្រុមគ្រូពេទ្យកម្ពុជា-ចិន រកឃើញថាមានជំងឺបេះដូងពីកំណើតយកមកវះកាត់និងព្យាបាលនៅប្រទេសចិន។ ដោយឡែកនាដើមឆ្នាំ២០២៥នេះ ក្រោមការចង្អុលបង្ហាញពីលោក ថាប់ សារ៉ន ប្រធានក្រុមប្រឹក្សាស្រុកបន្ទាយស្រី និងលោក រិន ឡូត អភិបាលនៃគណៈអភិបាលស្រុកបន្ទាយស្រី ទើបលោក ងន ប៊ុនធី ទទួលភារៈដឹកនាំកុមារីចំនួន២រូប មកទទួលការវះកាត់និងព្យាបាលជំងឺបេះដូងពីកំណើត នៅប្រទេសចិន។ លោកអភិបាលរងបានរំលេចនូវការយកចិត្តទុកដាក់ខ្ពស់ពីសំណាក់លោក ថាប់ សារ៉ន និងលោក រិន ឡូត ដែលតាមរយៈប្រព័ន្ធទូរស័ព្ទបានទាក់ទងមកសួរសុខទុក្ខដល់ក្រុមគ្រួសារកុមារ២រូបថែមទៀតផង។ ក្នុងសេចក្តីរំភើបរីករាយជាមួយក្រុមគ្រួសារកុមារទាំង៥រូបនេះ លោកអភិបាលរងស្រុកបន្ទាយស្រីបានថ្លែងអំណរគុណជាពន់ពេកដល់ឯកឧត្តម ឡាវ វ៉ាន់ និងលោកជំទាវ ជឹង សុគន្ធាវី…
-
គុណភាពខ្យល់នៅកម្ពុជាគិតនៅថ្ងៃទី២៥ ខែកុម្ភៈគឺល្អណាស់
(ភ្នំពេញ)៖ គុណភាពខ្យល់នៅកម្ពុជាគិតមកត្រឹមថ្ងៃទី២៥ ខែកុម្ភៈ ឆ្នាំ២០២៥ឃើញថាទាំងរាជធានីភ្នំពេញ និងបណ្តាខេត្តមួយចំនួនទៀតបានផ្លាស់ប្តូរមកល្អប្រសើរណាស់។ យោងតាមសេចក្តីជូនដំណឹងរបស់ក្រសួងបរិស្ថានបានឱ្យដឹងពី ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២៥ ខែកុម្ភៈ ឆ្នាំ២០២៥ ចាប់ពីម៉ោង ៦ព្រឹក ដល់ម៉ោង ៦ល្ងាច ដែលមានកំហាប់ភាគល្អិតនិចលគិតជាមធ្យមស្មើនឹង៩.៧៤ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អណាស់”។ ក្រសួងបានបញ្ជាក់ថា សម្រាប់ពណ៌ខៀវ ដែលបញ្ជាក់ពីគុណភាពខ្យល់ល្អណាស់នោះរួមមាន ខេត្តបន្ទាយមានជ័យ ខេត្តបាត់ដំបង ខេត្តកណ្តាល ខេត្តកំពង់ឆ្នាំង ខេត្តព្រៃវែង ខេត្តកែប ខេត្តព្រះសីហនុ ខេត្តក្រចេះ ខេត្តកំពង់ធំ ខេត្តមណ្ឌលគីរី ខេត្តកំពង់ស្ពឺ ខេត្តត្បូងឃ្មុំ ខេត្តកំពត ខេត្តស្ទឹងត្រែង ខេត្តកំពង់ចាម ខេត្តរតនគិរី រាជធានីភ្នំពេញ ខេត្តប៉ៃលិន ខេត្តព្រះវិហារ ខេត្តពោធិ័សាត់ ខេត្តសៀមរាប ខេត្តកោះកុង ខេត្តស្វាយរៀង ខេត្តតាកែវ និងខេត្តឧត្តរមានជ័យ។ គួរបញ្ជាក់ថា ខេត្តដែលធ្លាប់តែមានសន្ទស្សន៍គុណភាពខ្យល់ក្រហម…
-
អភិបាលខេត្តស្វាយរៀងប្រាប់ពលរដ្ឋដែលស្វែងរកការងារធ្វើ ត្រូវមកចុះឈ្មោះជាមួយអាជ្ញាធរមូលដ្ឋាន
ស្វាយរៀង៖ឯកឧត្តម ប៉េង ពោធិ៍សា អភិបាលខេត្តស្វាយរៀងបានណែនាំដល់មន្ទីរការងារ និងបណ្ដុះបណ្ដាលវិជ្ជាជីវៈ ខេត្ត ព្រមទាំងរដ្ឋបាលក្រុង-ស្រុកនិងអាជ្ញាធរមូលដ្ឋានឱ្យយកចិត្តទុកដាក់បន្តការផ្សព្វផ្សាយទៅដល់ប្រជាពលរដ្ឋដែលកំពុងស្វែងរកការងារធ្វើឱ្យមកចុះឈ្មោះចូលបម្រើការងារនៅតាមតំបន់រោងចក្រនានាក្នុងខេត្តដែលកំពុងមានតម្រូវការកម្លាំងពលកម្ម។ ឯកឧត្តមអភិបាលខេត្តស្វាយរៀងបញ្ជាក់បែបនេះក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៥ របស់រដ្ឋបាលខេត្តកាលពីព្រឹកថ្ងៃទី២៥ ខែកុម្ភៈ ឆ្នាំ២០២៥។ ក្នុងឱកាសដដែលឯកឧត្តមអភិបាលខេត្ត ក៏បានណែនាំដល់អាជ្ញាធរ កងកម្លាំងមានសមត្ថកិច្ច យកចិត្តទុកដាក់លើការការពារសន្តិសុខសណ្តាប់ធ្នាប់នៅក្នុងមូលដ្ឋាន។បន្តយកចិត្តទុកដាក់លើការបង្ក្រាបក្មេងទំនើង។ពង្រឹងការទប់ស្កាត់ការជួញដូរចែកចាយ និងប្រើប្រាស់គ្រឿងញៀន។ បន្តការផ្សព្វផ្សាយច្បាប់ចរាចរណ៍ផ្លូវគោក និងរឹតបន្តឹងការអនុវត្តច្បាប់។ អាជ្ញាធរក្រុង ស្រុក មន្ទីរអង្គភាពទាំងអស់ត្រូវយកចិត្តទុកដាក់លើបញ្ហាអនាម័យបរិស្ថានទាំងនៅកន្លែងធ្វើការ ក៏ដូចជានៅតាមទីប្រជុំជននានា ជាពិសេសស្រុក ក្រុង ដែលនៅជាប់បណ្តោយផ្លូវជាតិលេខ១ ។ នៅក្នុងឱកាសនោះ ឯកឧត្តម អភិបាលខេត្តប្រគល់ថវិកាជ័យលាភីក្នុងការអនុវត្តភូមិ ឃុំ សង្កាត់ មានសុវត្ថិភាព ដល់អភិបាលក្រុង ស្រុកទាំង៨ផងដែរ៕ដោយ៖នុត នាង
-
រដ្ឋមន្ត្រីក្រសួងការងារ លើកទឹកចិត្តសិស្ស-និស្សិត ខិតខំសិក្សា និងបង្កើនជំនាញ
(កំពង់ធំ)៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានលើកទឹកចិត្តដល់ សិស្ស-និស្សិត ឱ្យខិតខំសិក្សា និងបង្កើនជំនាញ ដើម្បីជួយលើកកម្ពស់ជីវភាពរបស់ខ្លួន និងរួមចំណែក ក្នុងការអភិវឌ្ឍន៍ប្រទេសជាតិ ។ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងដូច្នេះ ក្នុងពិធីប្រគល់សញ្ញាបត្របច្ចេកទេស និងវិជ្ជាជីវៈជូនសិស្ស-និស្សិត នៃវិទ្យាស្ថាន ពហុបច្ចេកទេសខេត្តកំពង់ធំ នាថ្ងៃទី ២៤ ខែកុម្ភៈ ឆ្នាំ ២០២៥ ដោយមានសិស្ស-និស្សិតចំនួន ៣៥០ នាក់ បានទទួលសញ្ញាបត្រថ្នាក់បច្ចេកទេសជាច្រើនដំណាក់កាល រួមមានសញ្ញាបត្រវិជ្ជាជីវៈថ្នាក់ទី ១, ២, ៣ សញ្ញាបត្រជាន់ខ្ពស់បច្ចេកទេស និងបរិញ្ញាបត្របច្ចេកទេស។ ឯកឧត្តម ហេង សួរ បានអបអរសាទរចំពោះសមិទ្ធផលប្រកបដោយផ្លែផ្កាដែលសិស្ស និស្សិតជ័យលាភីទាំងអស់ ទទួលសញ្ញាបត្រនាពេលនេះ ដើម្បីជាគ្រឹះសម្រាប់សិស្ស និស្សិតផ្ទាល់ខ្លួន និងសម្រាប់ក្រុមគ្រួសារ ព្រមទាំងសង្គមជាតិ។ សមិទ្ធផលនេះ គឺជាសក្ខីភាពថ្មីមួយទៀតក្នុងការបង្ហាញឱ្យឃើញនូវការប្តេជ្ញាចិត្ត និងការយកចិត្តទុកដាក់ខ្ពស់ របស់រាជរដ្ឋាភិបាលដែលមានក្រសួងការងារ និងបណ្តុះបណ្តាលវិជ្ជាជីវៈជាសេនាធិការក្នុងការពង្រឹង និងពង្រីកវិស័យអប់រំបណ្ដុះបណ្តាលបច្ចេកទេស និងការអភិវឌ្ឍធនធានមនុស្សនៅកម្ពុជា។ ឯកឧត្តមរដ្ឋមន្ត្រី បានបញ្ជាក់ថា…
-
មន្រ្តី គណៈកម្មាធិការអូឡាំពិកកម្ពុជា ទទួលបានចំណេះដឹងសំខាន់ៗ អំពីសិក្ខាសាលាស្ដីពីបញ្ញាសិប្បនិម្មិត នៅគុយវ៉ែត
(ភ្នំពេញ)៖ ឯកឧត្ដម ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា និងលោក យឺន ពន្លឺ អនុប្រធាននាយកដ្ឋានព័ត៌មាន គណៈកម្មាធិការជាតិអូឡាំពិកកម្ពុជា បានចូលរួមសិក្ខាសាលាស្ដីពីបញ្ញាសិប្បនិម្មិត (AI) ក្នុងវិស័យកីឡា ដែលត្រូវបានរៀបចំដោយក្រុមប្រឹក្សាអូឡាំពិកអាស៊ី ប្រព្រឹត្តទៅនៅប្រទេសគុយវ៉ែត។ ឯកឧត្ដមទីប្រឹក្សាសង្កត់ធ្ងន់ថា សិក្ខាសាលានេះផ្ដោតលើការវិវឌ្ឍ និងនិន្នាការបច្ចេកវិទ្យាបញ្ញាសិប្បនិម្មិតក្នុងការប្រើប្រាស់សម្រាប់វិស័យកីឡា មានទាំងការហ្វឹកហាត់ ការរៀបចំការប្រកួតកីឡាដែលពាក់ព័ន្ធនឹងការប្រកួត E-Sports និងបច្ចេកវិទ្យាផ្សេងៗ ជំរុញដល់ការប្រកួត និងផ្សព្វផ្សាយចលនាកីឡាតំបន់អាស៊ី ក៏ដូចជាអូឡាំពិកផងដែរ។ ឯកឧត្ដម ប៊ុយ សុភ័ណ្ឌ បន្តថា សម្រាប់ការរីកចម្រើន នៃបញ្ញាសិប្បនិម្មិតឧស្សាហកម្ម១.០ដែលមហាជនធ្លាប់ប្រើប្រាស់ គឺជាបច្ចេកវិទ្យាចុងក្រោយបង្អស់លើលោក ហើយបច្ចេកវិទ្យានេះប្រើប្រាស់នូវប្រព័ន្ធបញ្ញាសិប្បនិម្មិត ដូចជា ChatGBT ជាដើម ដែលជាបច្ចេកវិទ្យាថ្មីបំផុតក្នុងការប្រើប្រាស់សម្រាប់វិស័យផ្សេងៗ ក៏ដូចជាចលនាអូឡាំពិក។ ការណ៍នេះ ទើប OCA រៀបចំសិក្ខាសាលានេះឡើង ដើម្បីជំរុញការប្រើប្រាស់ ក្នុងវិស័យកីឡា សម្រាប់សិក្ខាសាលាដ៏សំខាន់នេះ ។ ឯកឧត្ដម ប៊ុយ សុភ័ណ្ឌ រំពឹងថា នឹងផ្ដល់អត្ថប្រយោជន៍ដល់មន្ត្រី និងគណៈកម្មាធិការជាតិអូឡាំពិកកម្ពុជាដើម្បីយកទៅចែករំលែកប្រើប្រាស់ក្នុងចលនាអូឡាំពិកនៅកម្ពុជា ដូច្នេះនឹងមានការសិក្សាស្រាវជ្រាវបន្ថែមទៀត ជាពិសេសតាមឱ្យទាន់សម័យកាលបច្ចេកវិទ្យា ក្នុងន័យអភិវឌ្ឍកីឡាក្នុងស្រុកឱ្យបានរីកចម្រើន…
-
ខេត្តតាកែវតុបតែងខ្លួន ខណៈធ្វើជាម្ចាស់ផ្ទះបុណ្យទន្លេលើកទី៩
តាកែវ៖ភ្លើងបំភ្លឺផ្លូវសាធារណ:ក្នុងក្រុងដូនកែវ ដែលខូចមួយចំនួន ខណៈនេះអាជ្ញាធខេត្តតាកែវកំពុងធ្វើការជួសជុលវិញដើម្បីស្វាគមន៍ពិធីបុណ្យទន្លេដែលខេត្តតាកែវធ្វើជាម្ចាស់ផ្ទះរយៈពេល៣ថ្ងៃពីថ្ងៃទី២១ ដល់ថ្ងៃទី២៣ ខែមីនា ឆ្នាំ២០២៥ ។ លោក កង អាណាន់ អភិបាលក្រុងដូនកែវបានបញ្ជាក់ថា ដោយមានការយកចិត្តទុកដាក់ពីឯកឧត្តម វ៉ី សំណាង អភិបាលខេត្តបានណែនាំដល់ផ្នែកពាក់ព័ន្ធឱ្យសហការជាមួយអគ្គិសនីតាកែវ រៀបចំជួសជុល និងផ្លាស់ប្ដូរអំពូលភ្លើងនៅតាមបង្គោលភ្លើងលើដងផ្លូវសាធារណៈទាំងអស់ក្នុងក្រុងដូនកែវឱ្យបានរួចរាល់មុនពិធីរៀបចំបុណ្យទន្លេលើកទី៩។ លោកបន្តថា បច្ចុប្បន្នអាជ្ញាធរក្រុងដូនកែវ និងអគ្គិសនីតាកែវ កំពុងធ្វើការជួសជុលជាបន្តបន្ទាប់នូវអំពូលភ្លើងនៅតាមដងផ្លូវសំខាន់ៗនានា ក្នុងក្រុងដូនកែវ ជិតរួចរាល់អស់ហើយ ពោលគឺនៅសល់ចំនួន ៩៥បង្គោលទៀតតាមបណ្ដោយផ្លូវលេខ២១ ចាប់ពីភូមិថ្នល់បែក រហូតមកដល់មន្ទីរសាធារណការដែលមិនទាន់បានជួសជុល។ សូមជម្រាបថា កន្លងមករដ្ឋបាលខេត្តតាកែវ បានបំពាក់បន្ថែមអំពូលភ្លើងចម្រុះពណ៌ នៅតាមដងផ្លូវសំខាន់ៗ ក្នុងក្រុងដូនកែវ ក៏ដូចជាកែសម្រួលទីតាំងមួយចំនួន តម្រូវតាមភាពចាំបាច់ដែលញាំងឱ្យដំណើរការនៃការរៀបចំពិធីបុណ្យទន្លេលើកទី៩ ឆ្នាំ២០២៥នេះ ឱ្យទទួលបានជោគជ័យ និងមានភាពស្រស់បំព្រង ក្រោមម្លប់សុខសន្តិភាព និងមានក្ដីរំពឹងថា ការរៀបចំបុណ្យទន្លេនៅពេលខាងមុខនេះ នឹងទាក់ទាញភ្ញៀវទេសចរជាតិ និងអន្តរជាតិឱ្យចូលមកកម្សាន្តនៅខេត្តតាកែវកាន់តែច្រើន៕ដោយ៖តាកែវ
-
អភិបាលខេត្តបាត់ដំបង ជំរុញដល់មន្ត្រីជំនាញឱ្យយកចិត្តទុកដាក់ការចាក់វ៉ាក់សាំងសត្វពាហនៈនៅតាមមូលដ្ឋាន
បាត់ដំបង៖នៅស្រុកមោងឫស្សី ខេត្តបាត់ដំបងកាលពីព្រឹកថ្ងៃទី២៤ ខែកុម្ភៈ ឆ្នាំ២០២៥បានបើកយុទ្ធនាការចាក់វ៉ាក់សាំងការពារជំងឺសត្វគោ ក្របីដោយមានការអញ្ជើញចូលរួមផ្ទាល់ពីឯកឧត្តម សុខ លូ អភិបាលខេត្តបាត់ដំបង។ ក្នុងឱកាសនេះឯកឧត្តមអភិបាលខេត្តបាត់ដំបង បានលើកឡើងពីការយកចិត្តទុកដាក់របស់រាជរដ្ឋាភិបាលលើវិស័យកសិកម្មក្នុងនោះមានវិស័យចិញ្ចឹមសត្វផងដែរ។ឯកឧត្តមបានណែនាំដល់មន្ត្រីជំនាញនៃមន្ទីរកសិកម្មខេត្ត បសុសត្វ ត្រូវខិតខំពិនិត្យលើការងារកសិកម្មរបស់ប្រជាពលរដ្ឋ។ពិសេសលើការងារកសិកម្មចិញ្ចឹមសត្វនៅតាមមូលដ្ឋាន។ឯកឧត្តមចាត់ទុកសកម្មភាពចាក់វ៉ាក់សាំងការពារជំងឺសត្វ ពិសេសសត្វពាហនៈ ជាសកម្មភាពជួយបង្កើនសេដ្ឋកិច្ចគ្រួសារនៅតាមមូលដ្ឋាន។ មន្ត្រីជំនាញបានឱ្យដឹងថា កន្លងមកមន្រ្តីជំនាញនៃមន្ទីរកសិកម្ម ព្រមទាំងពេទ្យសត្វនៅតាមមូលដ្ឋាន បានអនុវត្តការងារចុះចាក់វ៉ាក់សាំងការពារជំងឺសត្វពាហនៈបានមួយចំនួន ដូចជា ការពារជំងឺដុំពកលើស្បែក គោ-ក្របី, ការពារជំងឺសារទឹក,ការពារជំងឺអុតក្តាម,ការពារជំងឺជ្រូក៩មុខ និងការពារជំងឺឆ្កែឆ្កួតជាដើម៕អត្ថបទ-រូបភាព៖ អ៊ុក សំអាន បប.
-
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញជាអធិបតីក្នុងកម្មវិធីរាត្រីសមោសរសំពត់បត់ខ្មែរ លើកទី២ នៅសាលសន្និសីទចតុមុខ
(ភ្នំពេញ)៖ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា អនុប្រធាន សមាគមគ្រូពេទ្យស្ម័គ្រចិត្តយុវជនសម្តេចតេជោ និងជា អគ្គស្នងការសមាគមកាយឫទ្ធិនារីកម្ពុជា បានអញ្ជើញ ជា អធិបតីភាពដ៏ខ្ពង់ខ្ពស់ក្នុង «កម្មវិធីរាត្រីសមោសរសំពត់បត់ខ្មែរ លើកទី២» ដែលរៀបចំដោយក្រសួងវប្បធម៌ និងវិចិត្រសិល្បៈ និងប្រព្រឹត្តនៅសាលសន្និសីទចតុមុខ នៅរសៀលថ្ងៃទី២៤ ខែកុម្ភៈ ឆ្នាំ២០២៥ ដោយមានការអញ្ជើញចូលរួមពី លោក ជំទាវ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ, លោកជំទាវ ឡងឌី សាន់ណារ៉ា រដ្ឋលេខា ធិ ការក្រសួងវប្បធម៌ និងវិចិត្រសិល្បៈ, ភរិយាថ្នាក់ដឹកនាំតាម បណ្ដាក្រសួង-ស្ថាប័ននានា និងប្រជាពលរដ្ឋខ្មែរ សាធារណ ជន សិស្ស និស្សិត ភ្ញៀវជាតិ និងអន្តរជាតិ ជាច្រើនរូប ។ លោកជំទាវ ឡងឌី សាន់ណារ៉ា បានឱ្យដឹងថា កម្មវិធីនេះគឺត្រូវបាន បែងចែកជាបីវគ្គសំខាន់ៗ ដែលបានបង្ហាញនូវសម្លៀកបំពាក់អាពាហ៍ពិពាហ៍ខ្មែរតាំងពីសម័យឧត្តុង្គរហូតមកដល់បច្ចុប្បន្ន។…