(ខេត្តកំពង់ចាម)៖ សាលាបឋមសិក្សាតាំងក្រសាំង និង​អនុវិទ្យាល័យតាំងក្រសាំង នៅស្រុកបាធាយ ខេត្តកំពង់​ចាម បានទទួលបណ្ណាល័យកូនខ្មែរខ្នាតតូច ដែលជាគំ​និត​ផ្តួចផ្តើមរបស់យុវសិស្សឈ្មោះ ម៉ៅ សុផាតវីនណា មកពីសាលាអន្តជាតិស៊ី អាយ អេ CIA រួមជាមួយនឹង​សប្បុរស​ជនមួយចំនួនទៀត ដែលពិធីប្រគល់ និងទទួល ធ្វើឡើងនាល្ងាចថ្ងៃទី២៥ ខែវិច្ឆិកា ឆ្នាំ២០២៥ នៅសា​លា​បឋមសិក្សា និងអនុវិទ្យាល័យតាំងក្រសាំង ភូមិតាំង​ក្រសាំង ឃុំតាំងក្រសាំង ស្រុកបាធាយ ខេត្តកំពង់ចាម ។ កញ្ញា ម៉ៅ សុផាតវីនណា បានថ្លែងថា បណ្ណាល័យ​កូន​ខ្មែរ គឺជាបណ្ណាល័យខ្នាតតូច ដែលសិស្សអាចអាន សិ​ក្សា និងមើលសៀវភៅដោយឥតគិតថ្លៃ ។ បេសក​កម្ម​ស្នូលនៃការបង្កើត និងរក្សាបណ្តាញបណ្ណាល័យខ្នាត​តូចនេះ គឺដើម្បីចែករំលែកសៀវភៅដោយឥតគិតថ្លៃ នៅតាមសហគមន៍ជនបទ និងសាលារៀននៅទូទាំង ២៥ រាជធានី ខេត្ត ។ កញ្ញា បានបញ្ជាក់ទៀតថា សកម្មភាពនេះ គឺជាចក្ខុវិ​ស័យ​មួយ ដើម្បីជួយពង្រឹង និងលើកកម្ពស់ការធ្វើ​ឱ្យ​មានលក្ខណៈជាទម្លាប់នៃការអានកម្សាន្ត ដល់យុវវ័យ​គ្រប់ស្រទាប់នៅទូទាំងប្រទេស ជាពិសេសផ្តោតលើ​សិស្សា​នុសិស្សដែលឪពុកម្តាយមានជីវភាពខ្វះខាតជា​ចំបង ។ ខណៈនោះដែរ…

(ភ្នំពេញ)៖ ក្រសួងបរិស្ថាន បានរៀបចំវេទិកាកេសរកូល​ជាតិលើកទី៥ ដើម្បីបង្ហាញពីប្រភេទកេសរកូលព្រៃ កេ​សរ​កូលបង្កាត់ ប្រភេទប្រទាល និងរុក្ខជាតិលម្អ រួមទាំង​ផលិតផលជីវៈចម្រុះជាច្រើនផ្សេងទៀត សំដៅលើក​កម្ពស់​ការយល់ដឹង និងការអភិរក្ស។ វេទិកា​កេសរ​កូល​ជាតិលើកទី៥ នៅថ្ងៃទី២៦ ខែវិច្ឆិកា ឆ្នាំ២០២៥ ដែល​ធ្វើឡើងនៅទីស្តីការក្រសួងបរិស្ថាន មានការតាំង​បង្ហាញ​ពីប្រភេទកេសរកូលព្រៃ កេសរកូលបង្កាត់ ប្រភេទប្រ​ទា​ល និងរុក្ខជាតិ លម្អ រួមទាំងផលិតផលជីវៈចម្រុះជា​ច្រើ​ន​ផ្សេងទៀត។ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានថ្លែងថា ដើម្បីផ្សព្វផ្សាយ និងលើកកម្ពស់ការ​យល់​ដឹងអំពីប្រភេទកេសរកូលព្រៃកម្ពុជា ប្រភេទប្រទាល និង​រុក្ខជាតិលម្អ របៀបដាំដុះ និងថែទាំ ព្រមទាំង គុណ​តម្លៃ និងអត្ថប្រយោជន៍ នៃរុក្ខជាតិទាំងនោះ នៅក្នុងប្រព័ន្ធ​អេកូឡូស៊ី សំដៅលើកកម្ពស់ការស្រឡាញ់ ការចូលរួម អភិរក្សជីវៈចម្រុះពីគ្រប់ភាគីពាក់ព័ន្ធ លើកកម្ពស់សេដ្ឋ​កិច្ច​ជាតិ និងជីវភាពសហគមន៍តំបន់ ការពារធម្មជាតិ។ ឯកឧត្តម បញ្ជាក់ថា បច្ចុប្បន្ន ប្រភេទកេសរកូលព្រៃ ត្រូវបានគេសិក្សា និងកត់ត្រាបានជាង ៤០០ប្រភេទ ហើយគេរំពឹងថា អាចមានចំនួនលើសពី ៥០០ប្រភេទ ដែលមានវត្តមាននៅក្នុងប្រទេសកម្ពុជា។ រហូតមកដល់បច្ចុប្បន្ន…

កំពង់ធំ៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបន្តចាត់លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងសហការីរួមជាមួយសាខាកាកបាទក្រហមកម្ពុជាខេត្តកំពង់ធំ នាំយក​អំណោយមនុស្សធម៌សម្រាប់ចែកជូនប្រជាជនងាយរងគ្រោះបំផុតមានដូចជា ចាស់ជរាឥតទីពឹង ស្ត្រីមេម៉ាយមាន​កូនច្រើន ជនពិការ កុមារកំព្រា និងអ្នកផ្ទុកមេរោគអេដស៍ ចំនួន ៨១១គ្រួសារទៀត ដែលមកពី៩ក្រុង/ស្រុក ក្នុងខេត្តកំពង់ធំ ។ ឱកាសនោះជួបនិងផ្តល់អំណោយផ្ទាល់កាលពី​ថ្ងៃទី២៥ ខែវិច្ឆិកា លោកជំទាវអគ្គលេខាធិការ បានពនាំនូវប្រសាសន៍​ផ្ដាំផ្ញើសាក​សួរ​សុខទុក្ខដោយក្តីនឹករលឹក និងអាណិតស្រឡាញ់យ៉ាងជ្រាលជ្រៅពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។លោកជំទាវក៏បានថ្លែងអំណរគុណ និងកោតសរសើរជូនចំពោះ ឯកឧត្តម នួន ផារ័ត្ន ប្រធានគណៈកម្មាធិការសាខាថ្នាក់ដឹកនាំ មន្ត្រីប្រតិបត្តិសាខា-អនុសាខាកាកបាទក្រហមកម្ពុជា ខេត្តកំពង់ធំ ព្រមទាំង​យុវជន និងអ្នកស្ម័គ្រចិត្ត កាកបាទក្រហមកម្ពុជា ទាំងអស់ ដែលបានយកចិត្តទុកដាក់គិតគូរពីសុខទុក្ខ និងជីវភាព​រស់នៅរបស់បងប្អូនប្រជាជនដែលងាយរងគ្រោះបំផុតនៅក្នុងខេត្តកំពង់ធំ។លោកជំទាវបានគូសរំលេចថា កាកបាទ​ក្រហមកម្ពុជា ក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានយកចិត្តទុកដាក់​ជាទី​បំផុតចំពោះប្រជាជនងាយរងគ្រោះមានការខ្វះខាតជីវភាពក្នុងការរស់នៅដែលត្រូវការឱ្យជួយ។ សូមជម្រាបជូនថា អំណោយផ្តល់ជូនគ្រួសារនីមួយៗទទួលបាន អង្ករ មី ត្រីខកំប៉ុង ទឹកត្រី…

(ភ្នំពេញ)៖ ឯកឧត្តមរដ្ឋមន្រ្តី ជា វ៉ាន់ដេត បានបញ្ជាក់​អំពី​សា​រៈ​សំខាន់ នៃបចេ្ចកវិទ្យាបញ្ញាសិប្បនិម្មិត​ដែល​បាន​និងកំពុងរីកចម្រើនយ៉ាងឆាប់រហ័ស ហើយបាន​ចូលរួមចំណែកក្នុងការជំរុញសេដ្ឋកិច្ចនិងសង្គម។ ក្នុងន័យនេះក្រសួង បានបំពេញការងារអាទិភាព​ជា​ច្រើន រួមទាំងការរៀបចំសេចក្តីព្រាងគោលនយោបាយ និងលិខិតបទដ្ឋានគតិយុត្តពាក់ព័ន្ធ សំដៅកសាង​ហេដ្ឋា​រចនាសម្ព័ន្ធឆ្អឹងខ្នងនិងអភិបាលកិច្ចក្នុងវិស័យនេះ តាម​ការប្រគល់ភារកិច្ចពីរាជរដ្ឋាភិបាល ។ ប្រសាសន៍លើកឡើងរបស់ ឯកឧត្តម ជា វ៉ាន់ដេត រដ្ឋ​មន្រ្តី​ក្រសួងប្រៃសណីយ៍ និង ទូរគមនាគមន៍ កាលពី​ថ្ងៃ​ទី២៤ ខែវិច្ឆិកា ឆ្នាំ២០២៥ ខណៈអញ្ជើញថ្លែង​សុន្ទរ​កថា​គន្លឹះ ក្នុងពិធីបើកសន្និសីទថ្នាក់ជាតិស្ដីពីបញ្ញា​សិប្ប​និម្មិតសម្រាប់ការអប់រំ ឆ្នាំ២០២៥ ក្រោមប្រធានបទ “បញ្ញាសិប្បនិម្មិតសម្រាប់អនាគតនៃការអប់រំនៅកម្ពុជា” ក្រោមអធិបតីភាព ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ដោយមានការចូលរួមពីតំណាងអង្គទូត ដៃគូ​អភិវឌ្ឍ គ្រឹះស្ថានអប់រំ និងសិស្ស និស្សិត ជាង ៤០០រូប នៅបណ្ឌិត្យសភាបច្ចេកវិទ្យាឌីជីថលកម្ពុជា។ ឯកឧត្តមរដ្ឋមន្រ្តី បន្តថា ក្រសួងក៏បានខិតខំកសាង​ធន​ធាន​មនុស្សឌីជីថល ឱ្យស្របតាមតម្រូវការរបស់កម្ពុជា​នាពេលបច្ចុប្បន្ន ដោយបានផ្តល់អាហារូបករណ៍ ជំនួយ​ហិរញ្ញវត្ថុ និងកម្មវិធីបណ្តុះបណ្តាលផ្សេងទៀត​ដល់​សិស្ស និស្សិត និងមន្រ្តីរាជការ ចាប់តាំងពីឆ្នាំ២០២០…

(ភ្នំពេញ)៖ ក្រុមការងារមូលនិធិគន្ធបុប្ផាកម្ពុជា បាន​ទទួល​ការអនុញ្ញាតជួបពិភាក្សាការងារ ជាមួយ ឯកឧត្តម ឃួន ផុនរតនៈ ឯកអគ្គរាជទូតតែងតាំង នៃព្រះរាជាណា​ចក្រកម្ពុជា ប្រចាំសាធារណរដ្ឋកូរ៉េ ដើម្បីពិនិត្យលទ្ធភាព​ក្នុងការពង្រីកការផ្សព្វផ្សាយ និងចលនាកៀរគរការ​បរិច្ចាគ របស់ សហគមន៍​ខ្មែរនៅសាធារណរដ្ឋកូរ៉េ។ បន្ទាប់ពីបានជួបពិភាក្សា​ និងស្ដាប់អំពីគោលដៅនៃ​បេសកកម្ម​របស់ក្រុមការងារមូលនិធិគន្ធបុប្ផាកម្ពុជា, ឯកឧត្តមឯកអគ្គរាជទូត បានបង្ហាញនូវការគាំទ្រយ៉ាង​ពេញទំហឹង ជាពិសេសបានបង្ហាញអំពីចេតនាក្នុងការ​ផ្ដល់កិច្ចសហការដើម្បីរៀបចំយុទ្ធនាការ ក៏ដូចជាកម្ម​វិធីនានា ក្នុងគោលបំណងផ្សព្វផ្សាយអំពីមូលមូល​និធិ​គន្ធបុប្ផាកម្ពុជា និងពិនិត្យលទ្ធភាពក្នុងការបង្កើត​ច្រក​ដែលបងប្អូនពលរដ្ឋខ្មែរដែលកំពុងរស់នៅ និងធ្វើការ​នៅសាធារណរដ្ឋកូរ៉េ អាចធ្វើការបរិច្ចាគជូនមូលនិធិ​គន្ធបុប្ផាកម្ពុជា បានកាន់តែងាយស្រួល ដើម្បីរួមគ្នារក្សា​និរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផាដែលកំពុងមានបេសកកម្មជួយសង្រ្គោះជីវិតទារក និង​កុមារ​នៅកម្ពុជារាប់ម៉ឺននាក់ ដោយមិនគិតថ្លៃ ក្នុងស្មារតី “ខ្មែរជួយខ្មែរ” ។ សូមជម្រាបជូនថា ការជួបពិភាក្សា ខាងលើនេះ បាន​ធ្វើ​ឡើង នៅស្ថានឯកអគ្គរាជទូតព្រះរាជាណាច​ក្រកម្ពុជា​ប្រចាំសាធារណរដ្ឋកូរ៉េ នៅទីក្រុងសេអ៊ូល នៃសាធា​រណ​រដ្ឋកូរ៉េ កាលពីថ្ងៃចន្ទ ទី២៤ ខែវិច្ឆិកា ឆ្នាំ២០២៥៕ ដោយ៖ង៉ាន់ ទិត្យ

ភ្នំពេញ៖ក្នុងវេទិកាជាតិអេកូទេសចរណ៍ឆ្នាំ២០២៥កាលពីពេលថ្មីៗនេះ​បានធ្វើការប្រគល់ពានរង្វាន់ជ័យលាភី «សហគមន៍ទេសចរណ៍គំរូ ឆ្នាំ២០២៥»​ដល់សហគមន៍​ទេសចរណ៍ធម្មជាតិ ទឹកធ្លាក់ឡែងកៅ ខេត្តមណ្ឌលគិរី។ តំបន់អេកូទេសចរណ៍ទឹកធ្លាក់ឡែងកៅ ស្ថិតនៅក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។ទឹកធ្លាក់ឡែងកៅបានលាក់ខ្លួនក្នុងលង្វែកទ្រូងព្រៃដ៏ស្រស់ស្អាត។ជាតំបន់ទេសចរណ៍ដ៏ល្អឯកមួយក្នុងចំណោម​តំបន់​ទេសចរណ៍បែបធម្មជាតិក្នុងទឹកដីខេត្តភាគឦសាននៃប្រទេស។ទឹកធ្លាក់ប្រកបដោយសក្តានុពល​នេះស្ថិតក្នុងតំបន់​រស់នៅ​​របស់ជនជាតិដើមភាគតិច ពូនង(ព្នង)និងកំពុងទាក់​ទាញ​ទេសចរជាតិ អន្តរជាតិជារៀងរាល់ថ្ងៃ។ អង្គការសមាគមអភិរក្សសត្វព្រៃ (WCS Cambodia)កាលពីថ្ងៃទី ២៥ ខែវិច្ឆិកា ឆ្នាំ២០២៥បានចាត់ទុក​សមិទ្ធផល​នេះ​ផ្តើមចេញពីការខិតខំប្រឹងប្រែងរបស់សហគមន៍ទេសចរណ៍ធម្មជាតិទឹកធ្លាក់ឡែងកៅ ក្នុងការអភិវឌ្ឍ​តំបន់​ឱ្យក្លាយ​ទៅជាទីតាំងទេសចរណ៍ធម្មជាតិ។សមិទ្ធផលមួយនេះក៏ជាផ្នែកមួយក្នុងការលើកកម្ពស់ជីវភាព​សហគមន៍​មូលដ្ឋាន​ផងដែរ។ តាមរយៈគម្រោងរេដបូកកែវសីមា អង្គការសមាគមអភិរក្សសត្វព្រៃបានចូលរួមអបអរសាទរចំពោះ​ការខិតខំប្រឹងប្រែង​របស់សហគមន៍ទេសចរណ៍ធម្មជាតិទឹកធ្លាក់ឡែងកៅ និងដៃគូសហការមានដូចជា រដ្ឋបាលខេត្ត មន្ទីរទេសចរណ៍ មន្ទីរបរិស្ថានខេត្តមណ្ឌលគិរី អាជ្ញាធរពាក់ព័ន្ធ អង្គការCRDT និងអង្គការNTFP-EP ដែលបានចូលរួមចំណែក​​ធ្វើឱ្យសម្រេចបានសមិទ្ធផលដ៏ត្រចះត្រចង់៕ ដោយ៖ម៉ាដេប៉ូ

(កំពង់ធំ)៖ ប្រធានក្រុមប្រឹក្សាអង្គការរក្សាកុមារ បាន​ថ្លែងថា មានបន្ទប់ទឹកស្អាត នៅតាមសាលារៀន បាន​រួមចំណែកលើកកម្ពស់អនាម័យ គាំទ្រដល់សុខមាល​ភាពក្មេងស្រីជំទង់ និងបង្កើនលទ្ធភាពទទួលបាន​សេវា​អនាម័យបរិស្ថាន និងអនាម័យផ្ទាល់ខ្លួនប្រកបដោយ​សុវត្ថិភាពសម្រាប់សិស្សានុសិស្សទាំងអស់នៅក្នុងសាលា ។ ក្នុងពិធីប្រគល់-ទទួលអគារបន្ទប់ទឹកស្អាត នៅសា​លា​បឋម​សិក្សា តាំងក្រសាំង ក្នុងស្រុកសន្ទុក ខេត្តកំពង់ធំ នាថ្ងៃទី២៤ ខែវិច្ឆិកា ឆ្នាំ២០២៥ លោកជំទាវ ជា សិរី ទេសាភិបាលធនាគារជាតិនៃកម្ពុជា បានសាទរចំពោះ​អគារបន្ទប់ទឹកដ៏ស្អាត និងមានសោភ័ណ្ឌភាពចំនួន ៨បន្ទប់ ក្នុងនោះ ៤បន្ទប់សម្រាប់កុមារា ,៣បន្ទប់​សម្រា​ប់​កុមារី និង ១បន្ទប់សម្រាប់សិស្សមានពិការភាព ហើ​យ​ក៏ជាសមិទ្ធផលថ្មីមួយបន្ថែមទៀតសម្រាប់សាលា​បឋ​មសិក្សា តាំងក្រសាំង ដែលគាំទ្រឧបត្ថម្ភផ្នែកហិរញ្ញ​វត្ថុ​ដោយគណៈគ្រប់គ្រងធនាគារស៊ិនហាន (ខេមបូឌា) ។ លោកជំទាវ ជា សិរី បន្ថែមថា បរិស្ថានក្នុងសាលារៀន ដែលនាំមកនូវសុខភាពល្អ និងផ្តល់នូវភាពស្អាត អមជា​មួយនឹងការផ្តល់ព័ត៌មានអំពីរបៀបអនុវត្តអនាម័យផ្ទាល់ខ្លួនត្រឹមត្រូវ នឹងលើកទឹកចិត្តយុវនារីឲ្យបន្តរៀនសូត្រ​ក្នុងសាលារៀន និងឲ្យពួកគេមានទម្លាប់អនាម័យល្អ ដែល​ពួកគេអាចបន្តប្រាប់ទៅកាន់គ្រួសាររបស់ពួកគេ ។ គួរបញ្ជាក់ថា នៅរសៀលថ្ងៃដដែល លោកជំទាវបណ្ឌិត ជា សិរី ក៏បានអញ្ជើញទៅប្រគល់ផ្ទះថ្មី ២ខ្នង ជូនគ្រួ​សារ…

មណ្ឌលគិរី៖ បច្ចុប្បន្ន​តាមរយៈការសិក្សានិងការមានចំណេះដឹង ត្រូវបានយុវជនជនជាតិដើមភាគតិចពូនង(ព្នង)រស់នៅ​ខេត្តមណ្ឌលគិរីដែលជាខេត្តភាគឦ​សានប្រទេស​មើលឃើញថា អាចជួយរំដោះពួកគេឱ្យចាកចេញ​ពីភាព​ក្រលំបាក និងជួយអភិវឌ្ឍន៍មូលដ្ឋានដែលពួកគេរស់នៅ។ និយាយរួមគឺជួយដល់សហគមន៍ជនជាតិដើម​ភាគតិច​របស់ពួកគេ។ ត្រឡប់ទៅរកអតីតកាល ជនជាតិភាគតិចពូនងភាគច្រើនពុំបានទទួលការសិក្សាជ្រៅជ្រះទេ។ខ្លះបានបោះបង់ការ​សិក្សាដោយ​រៀនត្រឹមថ្នាក់បឋមសិក្សា។កម្រណាស់ដែលពួកគេបន្តការសិក្សាដល់ថ្នាក់វិទ្យាល័យ ឬសាកលវិទ្យាល័យ​នោះ។នេះដោយសារកក្តាជាច្រើនក្នុងនោះ កក្តាទំនៀមទម្លាប់ប្រពៃណី ,ភាពរីកចម្រើននៃវិស័យអប់រំទៅកាន់​សហគមន៍​​ជនជាតិដើមភាគតិចជាដើម។ ប៉ុន្តែអ្វីបានប្រែប្រួលជាវិជ្ជមាន ពិសេសរយៈពេលជាច្រើនឆ្នាំចុងក្រោយ។ប្រាប់ទូរទស្សន៍អប្សរា កញ្ញា ឌិត ពិសី រស់នៅ ភូមិពូរ៉ាង ឃុំសែនមនោរម្យ ស្រុកកែវសីមា ខេត្តមណ្ឌលគិរី បានបញ្ជាក់ថា កញ្ញារៀនថ្នាក់ទី១០ ហើយនៅថ្ងៃខាងមុខ​ចង់បន្តថ្នាក់សាកលវិទ្យា័យពីព្រោះថាការមានចំណេះដឹងខ្ពស់ងាយជួយដល់រូបកញ្ញាចូលបម្រើការងារក្នុងវិស័យឯកជន ក៏ដូចជាមន្រ្តីរាជការ។ ដោយចង់បានការសិក្សាខ្ពង់ខ្ពស់យុវតីវ័យ១៧ឆ្នាំរូបនេះបានបន្តថា ”នាងខ្ញុំនៅថ្ងៃខាងមុខចង់បន្តការសិក្សានៅ​សាកល​វិទ្យាល័យ​នៅរាជធានីភ្នំពេញ ឬថ្នាក់ខេត្តក៏បានដែរឱ្យតែបានរៀនថ្នាក់សាកលវិទ្យាល័យហ្នឹងគេ”។ យុវតីជនជាតិដើមភាគតិចពូនងរូបនេះយល់ថាមានតែការសិក្សាទេដែលជួយឱ្យមានការផ្លាស់ប្តូរជីវិតរបស់ពួកខ្លួន និងក្រុមគ្រួសារ។ ស្រដៀងគ្នានឹង ឌិត ពិសី ដែរយុវតីជនជាតិពូនងមួយរូបផ្សេងទៀត កញ្ញា ដិន ស្រីកែវ បាននិយាយដោយមិនលាក់​លៀម​ថា ពួកគេតែងផ្តោតទៅលើការសិក្សា។ ភាគច្រើនគឺចង់ប្រឡងឱ្យចប់វិទ្យាល័យ​ហើយបន្តការសិក្សា​ជានិស្សិត​ថែមទៀត។ ទោះរស់នៅតំបន់ព្រៃភ្នំ និងទំនៀមទម្លាប់ដូនតាជាអ្នកធ្វើស្រែចម្ការ តែកញ្ញា ដិន ស្រីកែវ មិនមានបំណងដូនតារបស់​កញ្ញាទេ។​ ដិន ស្រីកែង មានបំណងចង់ក្លាយជាមន្រ្តីរាជការ ឬជាអ្នកធ្វើការឯកជន។កញ្ញាចង់អភិវឌ្ឍន៍សហគមន៍ និង​ចង់ឱ្យក្មេងៗជំនាន់ក្រោយរួមគ្នាជួយឱ្យសហគមន៍ជនជាតិដើមភាគតិចតាមរយៈចំណេះដឹង ។ លោក ស្រេវ ផែត…

(ភ្នំពេញ)៖ កាកបាទក្រហមកម្ពុជា បានសហការជាមួយ​សាកលវិទ្យាល័យ ប៊ែលធី អន្តរជាតិ បានរៀបចំវេទិកា​បញ្ចេញ​ទស្សនៈលើកទី១៩ ស្តីពី កម្ពុជាឆ្ពោះទៅ​បញ្ចប់​អេដស៍ ដើម្បីចូលរួមទិវាពិភពលោកប្រយុទ្ធនឹង​ជំងឺ​អេដ​ស៍ ១ធ្នូ ឆ្នាំ២០២៥ ក្រោមមូលបទសកល យកឈ្នះ​ការ​រំខាន បរិវត្តកម្មឆ្លើយតបនឹងជំងឺអដស៍ នាថ្ងៃទី២៤ ខែ​វិច្ឆិកា ឆ្នាំ២០២៥ នៅសាកលវិទ្យាល័យ ប៊ែល ធី អន្តរ​ជាតិ (សាខាទី២ ស្ពានអាកាសចោមចៅ) ។ ឯកឧត្ដម យូ ឡាណា អគ្គលេខាធិការរងទី២ កាកបាទ​ក្រ​ហម​កម្ពុជា និងជាអនុប្រធានក្រុមការងារឥស្សរជន​ឆ្នើមថ្នាក់ជាតិ បានបញ្ជាក់ពីខ្លឹមសារ «យកឈ្នះ​ការ​ខាន បរិវត្តកម្មឆ្លើយតបនឹងជំងឺអេដស៍» មានន័យថា យើងត្រូវតែនាំគ្នាជំរុញឱ្យអ្នកដែលបានឆ្លងមេរោគអេដស៍ ឆាប់ទទួលបានការព្យាបាល ដោយឱសថប្រឆាំង មេរោគអេដស៍បានត្រឹមត្រូវ ជួយការពារនិងពង្រីកសេវា​ធ្វើ​តេស្តរកមេរោគអេដស៍ ធ្វើឱ្យប្រាកដនៃចង្វាក់ផ្គត់ផ្គង់​ឱសថ និងឧបករណ៍បរិក្ខារ លើកកម្ពស់ឱ្យមានការចូល​រួម​កាន់តែខ្លាំងថែមទៀត ពីសហគមន៍ដែលរងគ្រោះ​ដោ​យ​សារ​មេរោគអេដស៍/ជំងឺអេដស៍ ពង្រីកសេវាបង្ការ​ឱ្យ​បានកាន់តែទូលំទូលាយ ប្រើដំណោះស្រាយឌីជីថល និង​កសាងនូវប្រព័ន្ធភាពធន់សុខភាពរបស់សហគមន៍។ល។ ឯកឧត្ដមអគ្គលេខាធិការរងទី២​ ក៏បានអានជូនអង្គពិធី​នូវខ្លឹម​សារទាំងស្រុងសារលិខិតរបស់ សម្តេចកិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា​ និងជាឥស្សរជនឆ្នើមថ្នាក់ជាតិ នៃវេទិកាភាពជា​អ្នក​ដឹកនាំតំបន់អាស៊ី​-ប៉ាស៊ីហ្វិក…

(ភ្នំពេញ)៖ អ្នកស្រី Kyung-nan Park អគ្គនាយិកា​ប្រតិ​បត្តិអង្គការ (World Food Programme WFP) ប្រចាំប្រទេសកម្ពុជា បានបញ្ជាក់ពីជំហរ នៃការពង្រីក កិច្ចសហប្រតិបត្តិការ ក្នុងការលើកកម្ពស់សុខភាពសាធា​រណៈ និងការអភិវឌ្ឍ ប្រព័ន្ធសុខាភិបាលកម្ពុជា ដើម្បី​ឱ្យ​កាន់តែប្រសើរឡើងថែមទៀត ។ ការបញ្ជាក់នេះធ្វើឡើង ក្នុងឱកាស ដែលអ្នកស្រី ដឹកនាំ​គណៈប្រតិភូអង្គការកម្មវិធីស្បៀងអាហារពិភពលោក (WFP) ចូលជួបសម្តែងការគួរសមនិងពិភាក្សាការងារ ជា​មួយ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួង​សុខាភិបាល ព្រឹកថ្ងៃទី២៤ ខែវិច្ឆិកា ឆ្នាំ២០២៥ នៅទី​ស្តី​ការក្រសួង ។ អង្គការកម្មវិធីស្បៀងអាហារពិភពលោក (WFP) បាន​អបអរសាទរ ចំពោះការប្រកាសដាក់ឱ្យអនុវត្ត ផែនការ​យុទ្ធសាស្ត្រសុខាភិបាល ឆ្នាំ២០២៥-២០៣៤ (HSP4) និងបានកោតសរសើរចំពោះចក្ខុវិស័យថ្មី របស់​ក្រសួង សុខាភិបាល ដែលផ្តោតលើការការពារ ការលើ​ក​កម្ពស់សុខភាព និងការកាត់បន្ថយ​ហានិភ័យ​នៃជំងឺ​មិនឆ្លង។ អ្នកស្រី អគ្គនាយិកា ក៏បានស្នើសុំ ឯកឧត្តមរដ្ឋមន្ត្រីដើម្បី​ពិនិត្យ​មើលលទ្ធភាពបន្ថែមដែលអង្គការ WFP អាច​ពង្រីក​ការចូលរួមចំណែកអភិវឌ្ឍវិស័យអាទិភាព របស់​ក្រសួងសុខាភិបាល ក្នុងការកាត់បន្ថយកង្វះ​អាហារូប​ត្ថម្ភ…