(ភ្នំពេញ)៖ សហភាព ពលកម្មជាតិ កម្ពុជា បានដាក់​ញត្តិ​ប្ដឹងទៅប្រទេសមហាអំណាច និងបណ្តាអង្គការ​អន្តរ​ជាតិធំៗមួយចំនួន ដែលមាននិវេសនដ្ឋាននៅ​កម្ពុជា ឱ្យជួយអន្តរាគមន៍លើករណីដែល​ក្រុម​ទា​ហាន​ឈុតខ្មៅថៃ បានចាប់រំលោភជាក្រុមលើស្ត្រី​ជាពល​ការិនី​ខ្មែរ ។ ការដាក់ញាតិ្តប្តឹងរកយុតិ្តធម៌ជូន​ដល់ពលការិនី​កម្ពុជា​នេះ បានដឹកនាំធ្វើឡើងដោយប្រធានសហភាព​ពលកម្មជាតិកម្ពុជា លោក សំ សឿន នៅថ្ងៃទី២១ ខែ​វិច្ឆិកា ឆ្នាំ២០២៥ នៅតាមបណ្តាស្ថានទូត និងការិយា​ល័យអង្គការអន្តរជាតិនានាប្រចាំនៅកម្ពុជា ដែលរួម​មាន ស្ថានអាម៉េរិក, ស្ថានទូតបារាំង, ស្ថានទូតរុស្ស៊ី, ស្ថានទូតចិន, ការិយាល័យសហភាពអ៊ឺរ៉ុបប្រចាំ​នៅ​កម្ពុជា, ការិយាល័យឧត្តមស្នងការអង្គការ​សហប្រ​ជា​ជាតិទទួលបន្ទុកសិទ្ធិមនុស្សប្រចាំនៅកម្ពុជា, ការិយា​ល័យអង្គការពលកម្មអន្តរជាតិ ILO ប្រចាំនៅកម្ពុជា និងការិយាល័យអង្គការទេសន្តរប្រវេសន៍អន្តរជាតិ IOM ផងដែរ ។ សូមរំលឹកថា ក្រុមទាហានឈុតខ្មៅថៃចំនួន ៧នាក់ កា​ល​​ពីថ្ងៃទី១៥ ខែវិច្ឆិកា ឆ្នាំ២០២៥កន្លងទៅ បានចា​ប់​រំលោភសេពសន្ថវៈលើពលករខ្មែរជាស្ត្រីម្នាក់ ក្រោយរូប​នាង ត្រូវបានបំបែកចេញពីក្រុមពលករ​ទេសន្តរ​ប្រវេស​ន៍​ខ្មែរចំនួន ១៣នាក់ផ្សេងទៀត នៅខណៈពេល​ដែល​ពលករខ្មែរ​ទាំងនោះ បានធ្វើដំណើរចេញ​ពីប្រទេសថៃ​ត្រឡប់មកកម្ពុជាវិញ ។ ក្រោយកើតហេតុនោះកើតឡើង រាជរដ្ឋាភិបាល និងប្រ​ជា​ពលរដ្ឋកម្ពុជាទូទាំងប្រទេស បានថ្កោលទោស​ចំពោះ​អំពើរំលោភបំពាននេះ និងទាមទារឱ្យអាជ្ញាធរថៃ ត្រូវ​មាន​ការទទួលខុសត្រូវ និងដាក់ទោសចំពោះជនល្មើស ដែលជាកងកម្លាំងរបស់ថៃផងដែរ…

ភ្នំពេញ៖សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាកាលពីថ្ងៃទី២០ ខែវិច្ឆិកា ឆ្នាំ២០២៥ បានចាត់លោកជំទាវ ហួន ចន្ទបូរ៉ា នាយិកានាយកដ្ឋានទំនាក់ទំនង កាកបាទក្រហមកម្ពុជា និងសហការី អញ្ជើញនាំ​យក​នូវសម្ភាររួមជាមួយថវិកាមួយចំនួន ចូលរួមរំលែកមរណទុក្ខដ៏ក្រៀមក្រំបំផុតជាមួយលោកស្រី អ៊ុន លក្ស្មី និង​ក្រុមគ្រួសារនៃសពលោក អ៊ុន សិទ្ធា ដែលបានទទួលមរណភាពកាលពីថ្ងៃពុធទី១៩ ខែវិច្ឆិកា ឆ្នាំ២០២៥ វេលាម៉ោង ១៧:១៥នាទី ក្នុងជន្មាយុ៤២ឆ្នាំ ដោយរោគាពាធ ។ ស្ថិតក្នុងវេលាដ៏ក្រៀមក្រំនេះលោកជំទាវ ហួន ចន្ទបូរ៉ា បាននាំយកនូវសារលិខិតរំលែកទុក្ខពីសំណាក់ សម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះក្រុមគ្រួសារនៃសព។សារលិខិតសម្តែង​​នូវក្តីសង្វែគជាទីបំផុតជាមួយក្រុមគ្រួសារនៃសព ព្រោះថាមរណភាពរបស់ លោក អ៊ុន សិទ្ធា គឺជាការបាត់បង់ប្អូនបង្កើត សាច់ញាតិជាទីស្រឡាញ់និងជាពលរដ្ឋដ៏ល្អរបស់សង្គម។ជាការបាត់បង់នូវធនធានមនុស្សប្រកបដោយទេពកោសល្ស វិជ្ជាជីវៈក្នុងវិស័យសិល្បៈ និងជួយក្នុងការងារមនុស្សធម៌របស់សាខាកាកបាទក្រហមកម្ពុជា រាជធានីភ្នំពេញនា​ពេល​កន្លងមក៕ ដោយ៖ គ្រី សម្បត្តិ

(ភ្នំពេញ)៖ ក្រោយការរត់គេចខ្លួន និងការ​ចាប់​ខ្លួន​បាន​មកវិញទាំងអស់ នៃ ជនសង្ស័យចំនួន ៦នាក់ រួមទាំងស្រ្តីជនជាតិវៀតណាមម្នាក់​ដែលរួមគំនិត​រំដោះបក្សពួករបស់ខ្លួននៅសាលាដំបូងខេត្តស្វាយរៀងនោះ កំពុងត្រូវបានស្ថិតនៅក្នុងការ​សង្ស័យថា កើតឡើងពីអ្វីឱ្យពិតប្រាកដ ដោយមាន​ការចោទ​ប្រកាន់ពីសំណាក់​បណ្តាញ​សង្គម​ហ្វេ​ស​​ប៊ុក និង​ដាក់ការសង្ស័យ​ថា អាចមានការឃុបឃិត​ណា​មួយ ពីសមត្ថកិច្ច និង ខ្លះទៀតថា ជាការហ្វេសប្រ​ហែស​របស់សមត្ថកិច្ច​ប៉ុណ្ណោះ ។ ទាក់ទិនក្នុងរឿងនេះអ្នកនាំពាក្យអគ្គនាយកដ្ឋានពន្ធនាគារ នៃ ក្រសួងមហាផ្ទៃ លោក ឃៀង សុណា​ឌីន បានប្រាប់ទូរទស្សន៍អប្សរាថា៖គិតរហូត​មកដល់ថ្ងៃទី២១ ខែវិច្ឆិកា ឆ្នាំ២០២៥​នេះ ក្នុង​ប្រតិបត្តិការតាមចាប់ខ្លួនជនជាប់ឃុំទាំង ៦នាក់ និងស្ត្រីម្នាក់ដែលបានបន្លំខ្លួនចូលក្នុងបរិវេណសាលាដំបូងខេត្តស្វាយរៀងដើម្បីរំដោះបក្សពួកខ្លួននោះ កំពុងធ្វើការសើបអង្កេតបន្ថែមទៀតថា តើ​ការ​រត់គេចខ្លួនរបស់ជនជាប់សង្ស័យបណ្តាមក​ពី​អ្វីពិតប្រាកដ។ គួរបញ្ជាក់ថា ជនជាប់សង្ស័យចំនួន ៦នាក់ ដែល​បាន​រត់គេចខ្លួនចេញពីសាលាដំបូង​ខេត្តស្វាយ​រៀង​ ក្នុងពេលក្រុមអនុរក្ស ពន្ធនាគារនាំខ្លួន ពួក​គេមកកាត់ទោសនោះត្រូវបានស្រ្តីវ័យក្មេង ជន​ជាតិវៀតណាម ម្នាក់ ឈ្មោះ ង្វៀង ធី ហាយវ៉ាន់ បាននាំអាវុធខ្លីឱ្យបក្សពួករបស់គេ និង មធ្យោ​បាយ រថយន្តមួយគ្រឿង ដោយបានបាញ់រំដោះ រួចហើយនាំគ្នាឡើងរថយន្តគេចខ្លួនតែម្តង ។ ក្រោយមកក្រុម​សមត្ថ​កិច្ចបានតាមចាប់ខ្លួនទាំង​អស់មកវិញដោយបានបិទបញ្ចប់នៅថ្ងៃដដែលពោលគឺកាលពីថ្ងៃទី១៨ វិច្ឆិកា ឆ្នាំ២០២៥។ លោក…

ភ្នំពេញ៖ដោយការយកចិត្តទុកដាក់ខ្ពស់ពីសំណាក់សម្តេចអគ្គមហាសេនាបតីតេជោ ហ៊ុន សែន​ ជាប្រធានកិត្តយស​គណៈយុទ្ធមិត្តជំនាន់បម្រើកងទ័ពឆ្នាំ១៩៧៨ ក្នុងនោះមានសម្តេចកិត្តិសង្គហណ្ឌិត ម៉ែន សំអន ជាប្រធាន នាយឧត្តម​សេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាអនុប្រធានកាលពីព្រឹកថ្ងៃទី២១ ខែវិច្ឆិកា ឆ្នាំ២០២៥ បានរៀបចំកម្មវិធីបើកប្រាក់គោលនយោបាយ​ជូនគ្រួសារ​យុទ្ធមិត្តជំនាន់បម្រើកងទ័ពឆ្នាំ១៩៧៨ ចំនួន៦៧០នាក់ នៅបញ្ជការដ្ឋានកងរាជអាវុធហត្ថលើផ្ទៃប្រទេស។ ក្នុងឱកាសនេះនាយឧត្តមសេនីយ៍ សៅ សុខា បាននាំមកនូវការផ្តាំផ្ញើការសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់និវត្តន៍ជននៃគណៈយុទ្ធមិត្ត ជាមួយនឹងការផ្តាំផ្ញើឱ្យថែរក្សាសុខភាពឱ្យបានល្អ។ ទាក់ទងនឹងការបង្កើតគណៈយុទ្ធមិត្តបម្រើកងទ័ពឆ្នាំ១៩៧៨ នាយឧត្តមសេនីយ៍ សៅ សុខា បានរំលឹកថា ជាគំនិតផ្តួច​ផ្តើមរបស់សម្តេចតេជោ ហ៊ុន សែន អតីតនាយករដ្ឋមន្ត្រី ជាមគ្គុទេ្ទសក៍ឯក និងជាស្ថាបនិកនយោបាយ ឈ្នះ ឈ្នះ ដែលមានគោលដៅវាយផ្តួលរំលំរបបប្រល័យពូជសាសន៍ រំដោះប្រទេសជាតិ សង្គ្រោះអាយុជីវិត ប្រជាជនកម្ពុជា និងមានវិសាលភាពអនុវត្តតែចំពោះយុទ្ធជន យុវនារី ដែលបានចូលបម្រីកងទ័ពចាប់ពីថ្ងៃទី១២ ខែឧសភា ឆ្នាំ១៩៧៨ និងស្ថិតក្រោមដឹកនាំគ្រប់គ្រងបញ្ជាដោយផ្ទាល់របស់សម្តេចតេជោនាពេលនោះតែប៉ុណ្ណោះ។…

(ភ្នំពេញ)៖ មជ្ឈមណ្ឌលអង្គរសម្រាប់ការ​អភិរក្ស​ជីវៈ​ចម្រុះ (ACCB) បានបញ្ជាក់ពីការបង្កាត់កូន​ត្រដក់ធំ ២ក្បាលយ៉ាងជោគជ័យមុននឹង​យកទៅ​លែងក្នុងព្រៃដែលជាជម្រកធម្មជាតិរបស់ពួកវា។ នៅថ្ងៃទី២០ ខែវិច្ឆិកា ឆ្នាំ២០២៥ មជ្ឈមណ្ឌល​អង្គរ​សម្រាប់ការអភិរក្សជីវៈចម្រុះឱ្យដឹងថា៖”ការ​ញាស់ចេញពីស៊ុតរហូតដល់ការលែងទៅ​ជម្រកធម្មជាតិ ក្រុមការងាររបស់យើ​ងបានចិញ្ចឹម​កូនត្រដក់ធំ Greater Adjutant Stork ពីរក្បា​ល​ដោយជោគជ័យនៅមជ្ឈមណ្ឌលអភិរក្សរបស់​យើង ហើយបានលែងវាទៅក្នុងព្រៃ គឺជាលើក​ទី​មួយដែលមិនធ្លាប់មាននៅទូទាំងពិភពលោក”។ មជ្ឈមណ្ឌលអង្គរសម្រាប់ការអភិរក្សជីវៈចម្រុះបានឱ្យដឹងដែរថា សម្រាប់ចំនួនឯក្កតសត្វពេញវ័យ​របស់​សត្វត្រដក់ធំ គឺមានត្រឹមតែ ២០០ ទៅ ២៥០ក្បាលប៉ុណ្ណោះ ដែលនៅសល់ក្នុងប្រទេស​កម្ពុជា ហេតុនេះរាល់ជំហាននៃការធ្វើដំណើរ​និង​កិច្ចការពារគឺពិតជាមានសារៈសំខាន់ណាស់។ គួររំលឹកថា សត្វត្រដក់ធំ ជាប្រភេទសត្វ មាឌធំ​ជាង​គេបង្អស់ ដែលមានកម្ពស់ដល់១,៥ ម៉ែត្រ។ សត្វត្រដក់ធំ ស្ថិតនៅក្នុងបញ្ជីក្រហមរបស់អង្គការ IUCN ដែលកំពុងរងគ្រោះជិតផុតពូជ​នៅលើ​ពិភព​លោក។ សត្វត្រដក់ធំ មានចំនួនពី ៨០០ ទៅ ១០០០​ក្បាលប៉ុណ្ណោះ ដែលកំពុងមានជីវិត​នៅ​លើពិភពលោក ។ ក្រសួងបរិស្ថាន និងអង្គការ WCS អំពាវនាវឱ្យប្រ​ជា​សហគមន៍ និងអាជ្ញាធរគ្រប់លំដាប់ថ្នាក់ រួម​ទាំង​ម្ចាស់ជំនួយទាំងអស់ បន្តសកម្មភាព​អភិរក្ស​នៅតំបន់ព្រែកទាល់ ដើម្បីការពារសត្វស្លាបទឹក និង ទីជម្រកធម្មជាតិរបស់សត្វទាំងនោះ កុំឱ្យបាត់បង់ ៕ ដោយ ៖…

(ភ្នំពេញ)៖ ឯកឧត្តម ឃួង ស្រេង បានណែនាំ​ឱ្យ​​អភិបាល​ខណ្ឌទាំង១៤ យកចិត្តទុកដាក់​ឱ្យ​បានខ្ពស់បំផុត លើការដោះស្រាយការ​កក​ស្ទះ​ចរាចរ ពិសេសការចតយានយន្តគ្មាន​សណ្តា​​ប់​ធ្នាប់ និងការរំលោភទ្រូងផ្លូវ និង​ចិញ្ចើម​ផ្លូវ ពីសំណាក់អាជីវករមួយចំនួន ខណៈកំណាត់​ផ្លូវតូចធំ ចំនួន ១០៨ផ្លូវ ត្រូវបានរំលោភ​ធ្វើ​ឱ្យបាត់បង់សណ្តាប់ធ្នាប់ និងរបៀបរៀបរយ បណ្តាល​ឱ្យមានការកកស្ទះចរាចរណ៍។ ឯកឧត្តម ឃួង ស្រេង អភិបាល នៃ​គណៈ​អភិ​បាល​​រាជ​ធានីភ្នំពេញ បានណែនាំបែបនេះ នារសៀលថ្ងៃទី២០ ខែវិច្ឆិកា ឆ្នាំ​២០​២៥ ក្នុងកិច្ចប្រជុំស្តីពីការងាររៀប​ចំ​សណ្តា​ប់​ធ្នាប់ និងរបៀបរៀបរយសាធារណៈ ក្នុងភូមិ​សាស្ត្រ​រាជធានីភ្នំពេញ ជាមួយកងកម្លាំង និង អាជ្ញាធរ​ខណ្ឌទាំង១៤ នៅសាលារាជធានីភ្នំពេញ ។ ឯកឧត្តម ឃួង ស្រេង បន្តថា តាមការសង្កេត​ជាក់​ស្តែងក្នុង ១សប្តាហ៍កន្លងមកនេះ នៅ​រាជ​ធា​​នីភ្នំពេញ មានការកកស្ទះចរាចរណ៍​យ៉ាង​ខ្លាំង ពិសេសនៅលើបណ្តោយ​ផ្លូវធំៗ និង​ផ្លូវ​ចេញចូលរាជធានីភ្នំពេញ។ តាមការសិក្សា ការ​កកស្ទះចរាចរណ៍នេះ គឺបណ្តាលមក​ពី​ការ​ចត​យានយន្តមិនមានសណ្តាប់ធ្នាប់ និងមួយ​ចំនួ​ន​ទៀតបណ្តាលមកពីប្រជាពលរដ្ឋមកពីប្រទេសថៃ និងមកពីបណ្តាខេត្តផ្សេងៗទៀត សម្រុក​មក​​ភ្នំពេញដើម្បីរកការងារធ្វើ។ ចំពោះការកកស្ទះ​ចរាចរណ៍នេះ ត្រូវយកចិត្ត​ទុកដាក់ដោះ​ស្រាយ​ឱ្យប្រសើរឡើង ជៀសវាង​ឱ្យបាននូវការថ្នាំង​ថ្នាក់​ពីសំណាក់ប្រជាពលរដ្ឋ ពិសេសមើលនៅ​តាមសាលារៀនឯកជនមួយ​ចំនួន ដោយសាលា​ទាំងនេះ…

(ភ្នំពេញ)៖ បន្ទាប់ពីការចរចា អស់រយៈពេល​ជា​ច្រើន​ឆ្នាំ និងការខិតខំ​ប្រឹងប្រែងជាបន្តបន្ទាប់ ក្នុង​ការស្វែងរក និងទាមទារសម្បត្តិវប្បធម៌ខ្មែរ​ដែល​បាន បាត់បង់ត្រឡប់មកកម្ពុជាវិញ ក្រសួងវប្បធម៌ និងវិចិត្រសិល្បៈ បានឈានដល់កិច្ចព្រមព្រៀង​ជា​មួយ លោក István Zelnik ស្តីពីការប្រគល់វត្ថុ​សិល្បៈ​ខ្មែរទាំងអស់ ដែល លោក Zelnik កំពុង​កាន់កាប់ ជូនមកកម្ពុជាវិញ។ នេះបើតាមការ​ឱ្យ​ដឹង​ពីសំណាក់ ក្រសួងវប្បធម៌ និងវិចិត្រសិល្បៈ។ បើយោងតាមសេចក្តីប្រកាសរបស់ក្រសួងវប្បធម៌នៅថ្ងៃទី២០ ខែវិច្ឆិកា ឆ្នាំ២០២៥នេះឱ្យដឹងថា លោក István Zelnik ជាជនជាតិហុងគ្រី និង​ជា​អ្នកកាន់កាប់សមុច្ច័យឯកជនមួយរូប ដែលបាន​ប្រ​មូល​វត្ថុសិល្បៈ នៅក្នុងតំបន់អាស៊ី រួមទាំងវត្ថុ​សិល្បៈ​ខ្មែ​រផងដែរ អស់រយៈពេល​ជាច្រើន​ទស​វត្សរ៍ ។ លោក បានបង្កើតវិទ្យាស្ថានអាស៊ីអាគ្នេយ៍ ហុងគ្រី (Hungarian Southeast Asian Institute) នៅ​​ដើមទសវត្សរ៍ឆ្នាំ២០០០។ ក្រោមក្របខណ្ឌ​នៃ​វិទ្យាស្ថាននេះ ការស្រាវជ្រាវវិទ្យាសាស្ត្រ​សំខាន់ៗ​ត្រូវបានអនុវត្តនៅតំបន់អង្គរ និងកោះកេរ ដោយ​មាន​ការឧបត្ថម្ភថវិកាពីលោក Zelnik រួមទាំងការ​ធ្វើអង្កេតបុរាណវិទ្យា ការស្រាវជ្រាវដោយ​បច្ចេក​វិទ្យា (LIDAR) និងការសិក្សាប្រវត្តិសាស្ត្រ។ កិច្ច​ខិត​ខំប្រឹងប្រែង ទាំងនេះបានរួមចំណែកផងដែរ​ដល់ការរៀបចំឯកសារដាក់បញ្ចូលរមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌ…

កែប៖ឯកឧត្តម ម៉ម អំណត់ រដ្ឋលេខាធិការក្រសួងប្រៃសណីយ៍និងទូរគមនាគមន៍ កាលពីថ្ងៃទី២០ ខែវិច្ឆិកា ឆ្នាំ២០២៥ បានអញ្ជើញជាអធិបតីក្នុងសិក្ខាសាលាពិគ្រោះយោបល់លើសេចក្តីព្រាងផែនការយុទ្ធសាស្ត្រ និងផ្សព្វផ្សាយអំពីប្រព័ន្ធ ឌីជីថលសម្រាប់សេវាប្រៃសណីយ៍ ដោយមានការអញ្ជើញចូលរួមពីថ្នាក់ដឹកនាំក្រសួង ប្រធានមន្ទីរប្រៃសណីយ៍ និង ទូរគមនាគមន៍ និងមន្ត្រីរាជការទាំង២៤ខេត្ត តំណាងប្រតិបត្តិករ និងមន្ត្រីជំនាញពីអង្គភាពពាក់ព័ន្ធនៅសណ្ឋាគារ រ៉ករ៉ូយ៉ាល់ និងរីស៊ត ខេត្តកែប។ អ្នករៀបចំកម្មវិធីបានបញ្ជាក់ថា សិក្ខាសាលានេះ រៀបចំឡើងក្នុងគោលបំណងទទួលយកនូវគំនិតយោបល់ និងប្រមូល​ធាតុចូលដ៏មានសារៈសំខាន់ សម្រាប់រៀបចំផែនការយុទ្ធសាស្ត្រ និងដើម្បីចូលរួមដោះស្រាយបញ្ហាប្រឈមនានាក្នុង​វិស័យប្រៃសណីយ៍ និង ផ្សព្វផ្សាយអំពីប្រព័ន្ធឌីជីថលសម្រាប់សេវាប្រៃសណីយ៍ ក្នុងការជំរុញការផ្តល់សេវាប្រៃសណីយ៍ ប្រកបដោយគុណភាព ភាពជឿទុកចិត្ត ការធ្វើទំនើបកម្មសេវាប្រៃសណីយ៍ ព្រមទាំងការប្រើប្រាស់បច្ចេកវិទ្យាឌីជីថល៕ ដោយ៖ង៉ាន់ ទិត្យ

ភ្នំពេញ៖ការអភិរក្សគឺជាសកម្មភាព នៃការថែរក្សា ការពារ គ្រប់គ្រង និងស្តារឡើងវិញនូវមរតកបុរាណ ដើម្បីរក្សាទុកកុំ ឱ្យបាត់បង់ ការបំផ្លាញ ឬរឹចរិលដោយប្រការផ្សេងៗ។ជាមួយគ្នាននេះការចងក្រងទុកឯកសារនោះក៏បានចូលរួមយ៉ាង សំខាន់មួយទៀតមិនអាចខ្វះបានដូចគ្នាផងដែរ។ លើបណ្ដាញសង្គមហ្វេសប៊ុកផ្លូវនៅថ្ងៃទី២១ ខែវិច្ឆិកា ឆ្នាំ២០២៥ អាជ្ញាធរជាតិអប្សរាបានអធិប្បាយថាគោលដៅ​នៃការ​អភិរក្ស គឺធានាការប្រើប្រាស់កេរមរតកដូនតាប្រកបដោយនិរន្តរភាព ដើម្បីបំពេញតម្រូវការមនុស្សបច្ចុប្បន្ន និងអ្នក​ជំនាន់​​ក្រោយ។ ឧទាហរណ៍ ការអភិរក្សសំណង់ប្រវត្តិសាស្ត្រ គឺថែរក្សាមរតករូបី ដូចជាប្រាសាទ បារាយណ៍ ស្ពានថ្នល់​បុរាណ និងអរូបី ដោយផ្តោតលើចំណេះដឹង ទំនៀមទម្លាប់ប្រពៃណី និងទំនាក់ទំនងជាដើម។ ដូច្នេះការចងក្រង​ឯកសារទាំងមុន និងក្រោយជួសជុលសំណង់ប្រាសាទបុរាណ គឺជាកត្តាដ៏សំខាន់នៅក្នុងផ្នែកនេះ។ លោក ជា សារិទ្ធិ បុរាណវិទូ និងជាអ្នកគ្រប់គ្រងកិច្ចការអភិរក្សនៅប្រាសាទបន្ទាយប្រី បានបញ្ជាក់ថា ការអភិរក្ស គឺថែរក្សា និងប្រើប្រាស់មរតកបុរាណដោយភាពឈ្លាសវៃ និងប្រុងប្រយ័ត្នខ្ពស់។ការចងក្រង និងរក្សាទុកឯកសារ គឺមានសារសំខាន់ខ្លាំងចំពោះវិស័យអភិរក្សធនធានវប្បធម៌។ លោកបុរាណវិទូដដែលបានចង្អុលទៅកិច្ចការខាងលើថាមានដូចជា កំណត់អត្តសញ្ញាណសំណង់បុរាណ,រៀបចំផែនការជួសជុល និងថែទាំ, អ្នកអភិរក្សត្រូវមានវិជ្ជាជីវៈ ក្រមសីលធម៌ និងការទទួលខុសត្រូវខ្ពស់ដើម្បីធានាថា ការជួសជុលសំណង់បុរាណអាចរក្សាបាននូវភាពដើម, តម្លាភាព និងការផ្ទេរចំចំណេះដឹង របាយការណ៍ រូបថតមុន និងក្រោយជួសជុល ព្រមទាំងបញ្ជីសម្ភារ…

ភ្នំពេញ៖ធាតុអាកាសនៅកម្ពុជានឹងចាប់ចុះត្រជាក់ដល់ក្រោម ២០អង្សាសេពីថ្ងៃនេះ រហូតដល់ចុងខែវិច្ឆិកា ខណៈពេលនេះភាពត្រជាក់ត្រូវបានកត់សម្គាល់ថា បានចាប់ផ្តើមនារយៈពេលប៉ុន្មានថ្ងៃចុងក្រោយ។ ក្នុងសេចក្តីជូនដំណឹងរបស់ក្រសួងធនធានទឹក និងឧតុនិយមបានប្រាប់ឱ្យដឹងពីស្ថានភាពធាតុអាកាសចុះត្រជាក់ ចាប់ពីថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ ។របបខ្យល់មូសុងឦសាន មានឥទ្ធិពលខ្លាំង ហើយបក់លើ សមុទ្រចិនខាងត្បូង អាងទន្លេ​មេគង្គ សមុទ្រកម្ពុជា សមុទ្រអានដាមម៉ែន និងលើព្រះរាជាណាចក្រ កម្ពុជា។ ស្ថានភាពបែបនេះ នឹងធ្វើឱ្យធាតុអាកាស ចាប់ពីថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ នៅតំបន់វាលទំនាប អាចមានធាតុអាកាសចុះត្រជាក់ និងមាន​សីតុណ្ហភាព​មធ្យមអប្បបរមា ២០អង្សាសេ និងសីតុណ្ហភាពមធ្យមអតិបរមា ២៩អង្សាសេ ហើយខ្យល់បក់មកពី​ទិសឦសាន និងទិសបូព៌ក្នុងល្បឿនមធ្យម ៥ម៉ែត្រ/វិនាទី។ តំបន់ខ្ពង់រាបអាចមានធាតុអាកាសចុះត្រជាក់ និងមានសីតុណ្ហភាពមធ្យមអប្បបរមា១៨អង្សាសេ និងសីតុណ្ហភាពមធ្យម​អតិបរមា២៨អង្សាសេហើយខ្យល់បក់មកពីទិសឦសាន និងទិសបូព៌ក្នុងល្បឿនមធ្យម ៤ម៉ែត្រ/វិនាទី ។ តំបន់មាត់សមុទ្រ អាចមានធាតុអាកាសចុះត្រជាក់ និងមានសីតុណ្ហភាពមធ្យម អប្បបរមា២១ អង្សាសេ និងសីតុណ្ហ​ភាព​មធ្យមអតិបរមា៣១អង្សាសេ ហើយខ្យល់បក់មកពីទិសនិរតី និងទិសអាគ្នេយ៍ក្នុងល្បឿនមធ្យម ៤ម៉ែត្រ/វិនាទី។ រលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ១,៥០ម៉ែត្រ ។…