ភ្នំពេញ៖យុទ្ធនាការជំរឿននាពេលនេះ គឺជាលើកទី៤ ។យុទ្ធនាការនេះមានគោលបំណង ក្នុងការកំណត់ឱ្យបាន​ច្បាស់​លាស់នូវរចនាសម្ព័ន្ធគ្រប់កម្រិត គ្រប់ប្រភេទ មន្ត្រីដែលកំពុងបម្រើការងារជាក់ស្តែង និងធ្វើបច្ចុប្បន្នភាព និងការអភិវឌ្ឍ​ទិន្នន័យក្នុងប្រព័ន្ធព័ត៌មានវិទ្យា និងកែលម្អឱ្យកាន់តែល្អប្រសើរឡើងនៃប្រព័ន្ធបើកផ្តល់បៀវត្ស​ដល់មន្ត្រីដែល​កំពុង​បំពេញ​ការងារជាក់ស្តែង។នេះជាការបញ្ជាក់របស់ឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្រ្តីក្រសួង​មុខងារ​សាធារណៈ​កាលពីរសៀលថ្ងៃទី១៨ ខែវិច្ឆិកា ឆ្នាំ២០២៥ ក្នុងឱកាសអញ្ជើញដឹកនាំកិច្ចប្រជុំគណៈកម្មការធ្វើបច្ចុប្បន្ន​ភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធនៃគ្រឹះស្ថានសិក្សាសាធារណៈ អង្គភាពសុខា​ភិបាល​មូលដ្ឋាន និងក្រសួង ស្ថាប័នចំណុះអង្គការនីតិប្រតិបត្តិ ។ ឯកឧត្តម ហ៊ុន ម៉ានី បានថ្លែងបន្តថា តាមការរំពឹងទុក ការធ្វើជំរឿននាពេលនេះ គឺដើម្បីទទួលបានទិន្នន័យមួយ​ដែលច្បាស់លាស់។មានការឯកភាពគ្នា និងប្រើប្រាស់រួមគ្នាតែម្តង។ ឯកឧត្តមបញ្ជាក់បន្ថែមថា “ដើម្បីសម្រេចបាន​នូវគោលដៅរួមរបស់យើង ក្នុងការងារជំរឿនរចនាសម្ព័ន្ធ និងមន្ត្រីជាក់ស្តែង ឈានទៅបាននូវទិន្នន័យមួយ​មានភាព​ច្បាស់លាស់ មានការឯកភាពគ្នា និងប្រើប្រាស់រួមគ្នានេះ ចាំបាច់ត្រូវការទំនាក់ទំនងគ្នា និងសហការគ្នាឱ្យ​បានស្អិត​រមួតជាប្រចាំ ហើយក្រសួងមុខងារសាធារណៈ បានត្រៀមខ្លួនរួចជាស្រេចក្នុងការចូលរួមសហការជាមួយគ្រប់ក្រសួង ស្ថាប័ន។ ទាក់ទងនឹងកិច្ចប្រជុំវិញ គឺដើម្បីពិនិត្យ និង​ពិភាក្សាលើស្ថានភាពទូទៅ និងដំណើរការនៃការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង ក៏ដូចជា​កំណត់ការងារបន្តក្នុងការអនុវត្ត។នៅក្នុងកិច្ចប្រជុំនេះ មានការធ្វើបទបង្ហាញចំនួន២ របស់ថ្នាក់ដឹកនាំនៃក្រសួងមុខងារសាធារណៈ រួមមាន៖ បទបង្ហាញទី១. ដោយលោកជំទាវ ឈី វិជ្ជរ៉ា រដ្ឋលេខាធិការ ពាក់ព័ន្ធនឹងដំណើរការនៃការធ្វើជំរឿនរចនាសម្ព័ន្ធ…

(ភ្នំពេញ)៖ គម្រោងពង្រីក និងលើកកម្រិតផ្លូវជាតិ​លេខ​៧ ជាបួនគន្លង ចាប់ពីទីប្រជុំជនស្គន់ រហូត​ដល់​ក្រុងកំពង់ចាម ខេត្តកំពង់ចាម កំពុងលេច​ចេញ​វឌ្ឍនភាពយ៉ាងឆាប់រហ័ស ដោយបច្ចុប្បន្ន​ការដ្ឋានកំពុងសម្រុក បន្ទាប់ពីភ្លៀងបានថមថយ។គិតត្រឹមពាក់កណ្តាលខែវិច្ឆិកា ឆ្នាំ២០២៥នេះ គម្រោងពង្រីក និងលើកកម្រិតផ្លូវជាតិលេខ៧ជា​បួន​គន្លង(ស្គន់-កំពង់ចាម)ប្រវែង ៤៥,៥០៤ គីឡូម៉ែត្រ (PK000+000 – PK45+502.84) ចាប់​ផ្តើមពីស្រុកជើងព្រៃ ខេត្តកំពង់ចាម រហូត​ដល់ ក្រុងកំពង់ចាម ខេត្តកំពង់ចាម សម្រេច​លទ្ធផលជារួម ៧០%ហើយ។ ផ្អែកលើល្បឿន នៃសកម្មភាពការដ្ឋាន គម្រោងនេះអាចបញ្ចប់នៅ​អំឡុង​ឆ្នាំ២០២៦ខាងមុខ ដែលមានន័យថា លឿន​ជាងផែនការក្នុងគម្រោង។ នេះបើយោងតាមការបញ្ជាក់ពីឯកឧត្តម ផន រឹម រដ្ឋលេខាធិការ និងជាមន្រ្តីអ្នកនាំពាក្យក្រសួង​សារធារណការ និងដឹកជញ្ជូន នៅលើបណ្តាញ​សង្គម នៅថ្ងៃទី១៩ ខែវិច្ឆិកា ឆ្នាំ២០២៥នេះ ។ គម្រោងពង្រីក និងលើកកម្រិតផ្លូវជាតិលេខ៧ ត្រូវធ្វើឡើងជាប្រភេទ AC (Asphalt concrete) កម្រាស់៩សង់ទីម៉ែត្រ ទទឹងផ្លូវ ២៤,៥ម៉ែត្រ​(៤គន្លង) ដោយត្រូវសាងសង់ស្ពានថ្មីតូច-ធំ ចំនួន៨ (ស្មើប្រវែងសរុប ១៥៦ម៉ែត្រ), ជួសជុល​ស្ពានតូច-ធំ(ចាស់)ចំនួន…

(ភ្នំពេញ)៖ចាប់តាំងពីថ្ងៃ ថ្ងៃទី១៨ ខែវិច្ឆិកា ឆ្នាំ​២០២៥ កសិករសមាជិកនៃ «សហគមន៍​កសិកម្ម​ទំនើបស្រូវនាងអំ» បានចាប់ផ្តើមប្រមូល​ផលស្រូវ​នាងអំរបស់ខ្លួនតាមរយៈផលិតកម្មកសិកម្មតាមកិច្ចសន្យា ក្នុងតម្លៃ៨៥០រៀលក្នុងមួយគីឡូ​ក្រាម។ នាងអំ ជាឈ្មោះអង្ករ មួយប្រភេទ​ដែលមានប្រភព និងបង្កាត់ពូជដាំដុះ ដោយស្ត្រីចំណាស់ម្នាក់ដែល​មាន​ឈ្មោះថា «អំ» នៅឃុំស្វាយជ្រះ ស្រុកស្នួល ខេត្តក្រចេះ។ តាមការចុះផ្សាយ​របស់​ក្រ​សួង​កសិកម្ម រុក្ខប្រមាញ់ និងនេសាទ បានឱ្យដឹង​ពីប្រវត្តិអង្ករនាងអំនេះថា ក្នុងអំឡុងទសវត្សរ៍ទី ៨០ ក្រោយការប្រមូលផល​ស្រូវចម្ការអស់ហើយ នាងអំ ឬយាយអំ បាន​ឃើ​ញ​​ស្រូវ ១ គុម្ពនៅក្បែរចម្ការ ដោយមានគ្រាប់ប្លែក​ពី​ស្រូវដែលបានច្រូតហើយ គាត់ក៏បូតយកគ្រាប់​ស្រូវ​នោះ បានប្រមាណ ១ ទូកដៃ ខ្ចប់នឹង ក្រណា​ត់​តូចយ៉ាងស្អាតយកទៅរក្សាទុក ហើយធ្វើ​ការដាំ​ដុះ​រហូតល្បីល្បាញឈ្មោះដល់សព្វថ្ងៃ។ អង្ករ​នាង​អំ មានក្លិនក្រអូបប្រហើរ និងមានរស់ជាតិឆ្ងាញ់​ក្រអួន ហើយមានទម្ងន់ធ្ងន់ជាងអង្ករនានា ។ អ្នកនាំពាក្យក្រសួងកសិកម្មរុក្ខាប្រមាញ់ និង​នេ​សាទ ឯកឧត្តម ឃឹម ហ្វីណង់បានបញ្ជាក់​តាម​បណ្តាញសង្គមឱ្យដឹងថាបើទោះបីជាតម្លៃដែលបានចុះកិច្ចសន្យាសម្រាប់ឆ្នាំនេះទាបជាងតម្លៃដែលទទួលបានកាលពីឆ្នាំ២០២៤ ក៏ដោយ ក៏តម្លៃនេះ​នៅតែខ្ពស់ជាងតម្លៃទីផ្សារស្រូវនាងអំក្រៅសហគមន៍នាពេលបច្ចុប្បន្នដល់ទៅ ២៥០រៀលដដែល។ មន្រ្តីអ្នកនាំពាក្យក្រសួងកសិកម្មបានលើកឡើងដែរថាផលិតកម្មតាមកិច្ចសន្យាការពារកសិករជាសមាជិកសហគមន៍ពីហានិភ័យនៃការប្រែប្រួលថ្លៃទីផ្សារបានប្រកបដោយប្រសិទ្ធភាព។ ដោយឡែកនៅថ្ងៃទី ១៩ ខែវិច្ឆិកា ឆ្នាំ២០២៥នេះ…

(ភ្នំពេញ)៖ សហគមន៍ខ្មែរនៅប្រទេសជប៉ុន ទាំង អស់ នៅថ្ងៃទី១៩ ខែវិច្ឆិកា ឆ្នាំ២០២៥នេះ បាន ចេញញត្តិប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ព្រៃផ្សៃយង់ឃ្នង របស់ ក្រុម ទាហានឈុតខ្មៅថៃដែលបានធ្វើមកលើ ក្រុម​ពលករទេសន្តរប្រវេសន៍ខ្មែរចំនួន ១៣នាក់ និងអំពើថោកទាបជាករណីរំលោភសេពសន្ថវៈយ៉ាងព្រៃផ្សៃ។ តាមរយៈញត្តិថ្កោលទោសសហគមន៍ខ្មែរនៅជប៉ុន លើកឡើងថា ទាហានឈុតខ្មៅថៃបានប្រើអំពើ​ហិង្សាយ៉ាងសាហាវឃោរឃៅក្នុងរូបភាពប្រើអំពើហិង្សាជាការវាយដំ ទាត់ធាក់ អុកស្វាយកាំភ្លើង ជំរិតទារប្រាក់ និងករណីរំលោភសេពសន្ថវៈ (រំលោភបូក) ដោយទាហានឈុតខ្មៅថៃចំនួន ៧នាក់ ទៅលើពលករខ្មែរជាស្ត្រី ១នាក់។ សហគមន៍ខ្មែរនៅជប៉ុនបញ្ជាក់ថា ករណីអំពើ​ព្រៃផ្សៃនេះបានកើតឡើងនៅក្នុងខេត្ដចាន់បុរី នៃប្រទេសថៃ ជាប់ព្រំប្រទល់ស្រុកកំរៀង ខេត្ត​បាត់ដំបង នៃប្រទេសកម្ពុជា នៅពេលដែល​ពលករខ្មែរបានធ្វើដំណើរ ចេញពីប្រទេសថៃ​ត្រឡប់មកប្រទេសកម្ពុជា កាលពីថ្ងៃទី១៥ ខែវិច្ឆិកា ឆ្នាំ២០២៥ ខណៈពេលដែលច្រក​ព្រំដែនគោកកម្ពុជា-ថៃត្រូវបានបិទដោយឯកតោ​ភាគីពីភាគីថៃ។ ជាមួយគ្នានេះ សហគមន៍ខ្មែរនៅជប៉ុនបានទទូច​ដល់សហគមន៍អន្តរជាតិ ជាពិសេស អង្គការ​អន្តរ​ជាតិខាងការងារ (ILO) អង្គការអន្តរជាតិ​ទេសន្ត​រប្រវេសន៍ (IOM) ការិយាល័យឧត្តមស្នងការ​អង្គការ​សហប្រជាជាតិទទួលបន្ទុកសិទ្ធិមនុស្ស (OHCHR) ភ្នាក់ងារសហប្រជាជាតិលើកកម្ពស់​សមភាពយេនឌ័រ និងបង្កើនភាពអង់អាចស្ត្រី (UN Women) និងអង្គការអន្តរជាតិពាក់ព័ន្ធ សូមផ្តោត​ការយកចិត្តទុកដាក់ជាពិសេសក្នុងការតាមដាន…

(ភ្នំពេញ)៖ គណៈកម្មការរៀបចំការប្រឡងប្រជែង នៃក្រសួងមុខងារសារធារណៈ បានឱ្យដឹងថា គណៈកម្មការនឹងរៀបចំការប្រឡងប្រជែងជ្រើសរើសសិស្សមន្ត្រីក្រមការ ជំនាន់ទី១២ នៃសាលា​ភូមិន្ទ​រដ្ឋបាល ដើម្បីផ្តល់ក្របខ័ណ្ឌ​ជូនរដ្ឋបាល​ក្រុង ស្រុក ខណ្ឌ ចំនួន ២០៥កន្លែង។ នេះបើយោងតាមសេចក្តីជូនដំណឹង ស្តីពីការ​ប្រឡងប្រជែងជ្រើសរើសសិស្សមន្ត្រីក្រមការ ជំនាន់ទី១២ នៃសាលាភូមិន្ទរដ្ឋបាល នៅថ្ងៃទី១៨ ខែវិច្ឆិកា ឆ្នាំ២០២៥។ សាធារណជន អាចបំពេញព័ត៌មាន សុំសិទ្ធិ​ប្រឡង​ប្រជែង ចាប់ពីថ្ងៃទី១៨ ខែវិច្ឆិកា ឆ្នាំ២០២៥ រហូតដល់ថ្ងៃទី១៧ ខែធ្នូ ឆ្នាំ២០២៥ វេលាម៉ោង ១៧:០០នាទី ជាកំហិត តាមរយៈ QR Code ឬ https://go.gov.kh/era/mcskkr សម្រាប់សាធារណជនដែលមានបំណងដាក់ពាក្យចូលរួមប្រឡងប្រជែង សូមអានព័ត៌មានលម្អិតក្នុង សេចក្តីជូនដំណឹង និងតារាងឧបសម្ព័ន្ធដែលមាន ជូន ភ្ជាប់ខាងក្រោម…. ៕ ដោយ ៖ ង៉ាន់ ទិត្យ

(ភ្នំពេញ)៖ កម្ពុជាត្រៀមខ្លួនជាស្រេចដើម្បីបន្ត​ចូល​​​រួម​ចំ​ណែក​ចែករំលែកបទពិសោធន៍ និង​ស្វែងយល់ពីប្រទេស​នានា ដើម្បីពន្លឿនការផ្លាស់​ប្តូរប្រព័ន្ធស្បៀងអាហារ ធ្វើឱ្យមានភាពធន់ និង​បញ្ចេញកាបូនទាប។ យើងអាច​ធានា​ថាប្រព័ន្ធ​ស្បៀងអាហារក្លាយជាមូលដ្ឋានគ្រឹះ​នៃ​សកម្មភាព​អាកាសធាតុ និងការអភិវឌ្ឍប្រកបដោយ​ចីរភាព​។ នេះជាប្រសាសន៍របស់ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ក្នុងឱកាស​អញ្ជើញ​ថ្លែងសន្ទរក​ថា​គន្លឹះនៅក្នុងកិច្ចប្រជុំ “សម្ព័ន្ធនៃជើងឯក​សម្រាប់ការ​ផ្លាស់ប្តូរប្រព័ន្ធ​ចំណីអាហារ (ACF)” ក្នុងក្រប​ខណ្ឌ​នៃសន្និសីទ​កំពូល លើកទី៣០ នៃរដ្ឋភាគី នៃអនុ​សញ្ញអង្គការ​សហប្រជាជាតិស្តីពីការប្រែប្រួលអាកាសធាតុ COP30 នៅទីក្រុងBelem ប្រទេសប្រេស៊ីល នាថ្ងៃទី​១៨ ខែវិច្ឆិកា ឆ្នាំ២០២៥។ ឯកឧត្តមរដ្ឋមន្រ្តីបានថ្លែងបន្ថែមថា ប្រទេសកម្ពុជា​ទទួល​ស្គាល់ថា ការផ្លាស់ប្តូរប្រព័ន្ធចំណីអាហារ គឺជាចំណុច​កណ្តា​ល​នៃការសម្រេចបាន ទាំង​គោល​ដៅ​អាកាសធាតុ និងការអភិវឌ្ឍប្រកប​ដោយចីរភាព។ ជាមួយគ្នានេះ ឯកឧត្តមបានលើក​ឡើងថា ផែនការរួមចំណែកជាតិ​លើកទី៣ NDC 3.0 របស់កម្ពុជា បានរួមបញ្ចូល​ការ​ផ្លាស់​ប្តូរប្រព័ន្ធ​ចំណីអាហារ ដែលជាផ្លូវស្នូលសម្រាប់​ការកាត់​បន្ថយ ការសម្របខ្លួន និងកសាងភាព​ធន់​នឹង​អាកាសធាតុ។ កម្ពុជា បានចាត់ទុកអាទិភាពសំខាន់ៗ​រួមមាន៖ ការ​លើក​កម្ពស់របបអាហារប្រកបដោយចីរភាព និងមាន​សុខ​ភាព​ល្អ, ការពង្រីកកសិកម្មឆ្លាតវៃ ធន់នឹងអាកាសធាតុ, ការជំរុញការស្តារតំបន់​ការពារទេសភាព និងវិធីសាស្រ្ត​ផ្អែកលើប្រព័ន្ធ​អេកូឡូស៊ី, ការកាត់បន្ថយសំណល់​ចំណី​អាហារ, និងការបញ្ចូលសមភាពយេនឌ័រទៅក្នុង​សកម្ម​ភាព​ទាំងអស់។ លើសពីនេះ អាទិភាពទាំងនេះត្រូវ​បាន​​ចង្អុល​បង្ហាញ ក្នុងផែនទីបង្ហាញផ្លូវចំនួនពីរ របស់កម្ពុជា…

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ នឹងបន្តរៀបចំពិព័រណ៍ការងារ សន្តិសុខសង្គម និង បណ្តុះបណ្តាលវិជ្ជាជីវៈ ដោយនាំយកឱកាសការងារ រាប់ម៉ឺនកន្លែងសម្រាប់បងប្អូនអតីតពលករដែលត្រឡប់មកពីថៃ យុវជន និងអ្នកស្វែងរកការងារ នៅខេត្តបន្ទាយ​មាន​ជ័យ រយៈពេល២ថ្ងៃនាចុងសប្តាហ៍នេះ នៅថ្ងៃទី​២២ និងទី ២៣ ខែវិច្ឆិកា ឆ្នាំ២០២៥។ ទីភ្នាក់ងារជាតិមុខរបរ និងការងារ (NEA) នៃក្រសួង​ការ​ងារ និងបណ្តុះបណ្តាលវិជ្ជាជីវៈ បានឱ្យដឹងថា រយៈ​ពេល ២ថ្ងៃនៃពិព័រណ៍ការងារ សន្តិសុខសង្គម និងបណ្តុះ​បណ្តា​ល​វិជ្ជាជីវៈ នៅខេត្តបន្ទាយមានជ័យ អ្នកចូល​រួម​អាចដាក់ពាក្យ និងសម្ភាស​ការងារភ្លាមៗដោយផ្ទាល់​នៅទីតាំងចំនួន២គឺ៖ នៅថ្ងៃសៅរ៍ ទី២២ ខែវិច្ឆិកា ឆ្នាំ២០២៥ នៅផ្សារចំការតាដោក ស្រុកមង្គលបូរី និង នៅថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ នៅសាលា​ស្រុក​ព្រះនេត្រព្រះ ស្រុកព្រះនេត្រព្រះ ចាប់ពីម៉ោង ៨ព្រឹក ដល់ម៉ោង ៥ល្ងាច។ ប្រភពដដែលបានឱ្យដឹងទៀតថា បងប្អូនពលករដែល​ត្រឡប់មកពីថៃ យុវជន និងអ្នកស្វែងរកការងារធ្វើ​នៅ​ខេត្តបន្ទាយមានជ័យ ដែលទៅចូលរួម ពិព័រណ៍នេះ នឹងទទួល​បានការដឹកជញ្ជូនចូលរួមកម្មវិធី​ដោយឥត​គិតថ្លៃ…

(ភ្នំពេញ)៖ រដ្ឋមន្រ្តីក្រសួងបរិស្ថាន ឯកឧត្តម អ៊ាង សុផល្លែត បានបញ្ជាក់ឱ្យដឹងថា ៖ រាជរដ្ឋាភិបាល​កម្ពុជា​បាន​អនុញ្ញាតឱ្យក្រសួងបរិស្ថានរៀបចំកម្មវិធីចីរភាព ​នៃ​បឹងទន្លេសាបសម្រាប់អនុវត្តរយៈពេល២៥ឆ្នាំ រហូតដល់​ឆ្នាំ​២០៥០ ដោយផ្តោតលើសុខភាពនៃបឹងទន្លេសាប ការ​ពារបរិស្ថានទប់ស្កាត់ការបំពុល ការបង្កើននូវជីវចម្រុះ និង​បច្ឆជាតិ និងការបង្កើនជីវភាពសហគមន៍មូលដ្ឋាន​ដែលធន់ការប្រែប្រួលអាកាសធាតុ។ គួរបញ្ជាក់ថា ការលើកឡើងពីសំណាក់ រដ្ឋមន្រ្តីក្រសួង​បរិស្ថាន​នេះ ធ្វើឡើងនៅក្នុងពេលចូលរួម​សន្និសីទ​បណ្តា​ភាគីលើកទី៣០ នៅទីក្រុង ប៊ែឡឹម ប្រទេសប្រេស៊ីល នាដើមសប្តាហ៍នេះ បានទទួលជួបជាមួយលោកស្រី Mathilde Laurans នាយករងប្រតិបត្តមូលនិធិ​សម្រាប់​ការឆ្លើយតបការបាត់បង់ និងការខូចខាត (Fund for Responding to Loss and Damage-FRLD) សហការី និងតំណាង GGGI ។ នៅក្នុងជំនួបនេះ ឯកឧត្តមបណ្ដិតរដ្ឋមន្ត្រីក្រសួង​បរិ​ស្ថាន​បានស្វាគមន៍ដល់ការបង្កើតមូលនិធិ សម្រាប់ការ​ឆ្លើយ​តប​ការបាត់បង់ និងការខូចខាត (Fund for Responding to Loss and Damage-FRLD) នេះផងដែរ។ លោកស្រី Mathilde Laurans បានថ្លែងអំណរ​គុណ​រាជរដ្ឋាភិបាលកម្ពុជាដែលបានចូលរួមយ៉ាងសកម្មជាមួយសហគមន៍អន្តរជាតិក្នុងការដោះស្រាយការប្រែប្រួលអាកាសធាតុ…

(សៀមរាប)៖ មន្ត្រីក្រសួងអប់រំ ថា ការផលិត ឬការប្រើ​ប្រាស់​រ៉ូបូតក្នុងបរិបទ នៃការអភិវឌ្ឍសាលារៀន ពិតជា​សំ​ខាន់ណាស់ សម្រាប់ការធ្វើទំនើបកម្មប្រព័ន្ធអប់រំ និងការ​បណ្តុះបណ្តាលសិស្សានុសិស្ស សម្រាប់យុគសម័យ​បច្ចេក​​វិទ្យា ។​ថ្លែងក្នុងកម្មវិធីប្រកួតប្រជែងស្នាដៃយុវជនសតវត្សរ៍ទី២១ ឆ្នាំ២០២៥ វគ្គផ្តាច់ព្រ័ត នាថ្ងៃទី១៧ ខែវិច្ឆិកា ឆ្នាំ​២០២៥ នៅខេត្តសៀមរាប ឯកឧត្តម សេរី ជំនះ រដ្ឋលេ​ខាធិការក្រសួងអប់រំ យុវជន និងកីឡា បានបញ្ជាក់​ថា នៅក្នុងសង្គម ដែលមានការរីកចម្រើនយ៉ាងលឿន​ផ្នែក​បច្ចេកវិទ្យា និងបញ្ញាសិប្បនិម្មិត (AI) ការរៀនរ៉ូបូទិក (Robotics) ជួយឲ្យសិស្សមានមូលដ្ឋានគ្រឹះរឹងមាំ ដើម្បី​ត្រៀមខ្លួន សម្រាប់អាជីពនាពេលអនាគត។ ជាងនេះទៅ​ទៀត រ៉ូបូត និងរ៉ូបូទិក គឺជាមធ្យោបាយដ៏ល្អ ក្នុងការផ្សារ​ភ្ជាប់​មុខវិជ្ជា វិទ្យាសាស្ត្រ (Science), បច្ចេកវិទ្យា (Technology), វិស្វកម្ម (Engineering) និង គណិត​វិទ្យា (Mathematics – STEM) ទៅនឹងការអនុវត្ត​ជាក់​ស្តែង​ផងដែរ។ ហើយការរីកចម្រើនផ្នែក​វិទ្យា​សាស្ត្រ បច្ចេក​វិទ្យា AI និងបរិវត្តកម្មឌីជីថល បាន​ជះឥទ្ធិពល​យ៉ាងខ្លាំង…

(ស្ទឹងត្រែង)៖ ឆ្លើយតបតម្រូវការបន្ទាន់​របស់ប្រជាជន​ងា​យ​​​រងគ្រោះបំផុត និងតាមការស្នើសុំរបស់​សាខាកាក​បាទ​ក្រហមកម្ពុជា ខេត្តស្ទឹងត្រែង សម្តេចកិត្តិព្រឹទ្ធ​បណ្ឌិ​ត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា​ បានចាត់​ឱ្យ ឯកឧត្តម យូ ឡាណា អគ្គលេខាធិការរងទី២ កាក​បា​​ទ​​ក្រ​ហមកម្ពុជា ចុះសំណេះសំណាលសួរសុខទុក្ខ​ និង​ផ្តល់​អំណោយមនុស្សធម៌ជូនប្រជាជនងាយរងគ្រោះបំ​ផុត​ចំនួន ១.០១៥គ្រួសារ រស់នៅស្រុកបុរីអូរស្វាយ​សែន​ជ័យ និងស្រុកសៀមបូក ខេត្តស្ទឹងត្រែង នាថ្ងៃទី១៧ ខែវិច្ឆិកា ឆ្នាំ២០២៥ ។ ឯកឧត្តម យូ ឡាណា បានពាំនាំនូវព្រះរាជសវនីយ៍របស់ សម្តេចព្រះមហាក្សត្រី ព្រះវររាជមាតាជាតិខ្មែរ ព្រះធាន​កិត្តិយស ជាទីគោរពសក្ការៈដ៏ខ្ពង់ខ្ពស់បំផុត និងប្រសា​ស​ន៍​របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តាំ​ផ្ញើសួរសុខទុក្ខ ក្តីនឹករលឹក អាណិត ស្រឡាញ់ដ៏ជ្រាល​ជ្រៅ​ជាមួយលោកយាយលោកតា បងប្អូនប្រជាជនងាយ​រងគ្រោះទាំងអស់ រួមជាមួយការ​គិតគូរអំពីសុខទុក្ខនិង​ជីវភាព​រស់នៅប្រចាំថ្ងៃ គ្រប់ពេល​វេលាគ្រប់ទីកន្លែង ។ សូមបញ្ជាក់ថា គ្រួសារនីមួយៗទទួលបានអំណោយ​រួម​មាន​៖ អង្ករ ៣០គីឡូក្រាម, មី ១កេស, ត្រីខ ១០​កំ​ប៉ុង​, ទឹកស៊ីអ៊ីវ…