(ភ្នំពេញ)៖ យើងខ្ញុំទាំងអស់គ្នាជាថ្នាក់ដឹកនាំ និង មន្រ្តី​រាជ​ការនៃក្រសួងប្រៃសណីយ៍និងទូរគមនាគមន៍​សូម​ធ្វើ​ការប្រកាសថ្កោលទោសយ៉ាងម៉ឺងម៉ាត់បំផុតចំពោះការប្រើប្រាស់អំពើហិង្សាដោយប្រដាប់អាវុធ ដែលបង្កឡើង​ដោយកងកម្លាំងប្រដាប់អាវុធថៃ កាលពីល្ងាច ថ្ងៃទី១២ ខែវិចិ្ឆកា ឆ្នាំ២០២៥ មកលើប្រជាពលរដ្ឋស៊ីវិលស្លូត​ត្រង់​របស់កម្ពុជា នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយបណ្តាលឱ្យពលរដ្ឋ ១រូប បាត់បង់ជីវិត និង ៣រូបទៀត រងរបួស។ ទង្វើអមនុស្សធម៌បែបនេះ គឺជាការរំលោភបំពានយ៉ាង​គឃ្លើន​លើអធិបតេយ្យភាពនិងបូរណភាពទឹកដីកម្ពុជា ក៏ដូចជាការរំលោភបំពានយ៉ាងធ្ងន់ធ្ងរលើច្បាប់មនុស្សធម៌អន្តរជាតិ ធម្មនុញ្ញអង្គការសហប្រជាជាតិ ធម្មនុញ្ញអា​ស៊ាន និងសន្ធិសញ្ញាមិត្តភាព និងកិច្ចសហប្រតិបត្តិការ​នៅអាស៊ីអាគ្នេយ៍ (TAC) ជាពិសេសថែមទាំងប្រព្រឹត្តផ្ទុយ​ពីសេចក្តីថ្លែងការណ៍រួម ស្តីពី កិច្ចព្រមព្រៀងសន្តិភាព ដែលនាយករដ្ឋមន្រ្តី នៃព្រះរាជាណាចក្រកម្ពុជា និង​នាយករដ្ឋមន្រ្តី នៃព្រះរាជាណាចក្រថៃឡង់ដ៏ បានចុះ​ហត្ថលេខាកាលពីថ្ងៃទី២៦ ខែតុលា ថ្មីកន្លងទៅនេះ ក៏ដូចជាការឯកភាពគ្នាកន្លងមកក្នុងការដោះស្រាយបញ្ហាព្រំដែនដោយសន្តិវិធី និងការឯកភាពឱ្យយន្តការ​គណៈ​កម្ម​ការ​ចម្រុះព្រំដែន (JBC) ចុះវាស់វែង និងបោះ​បង្គោល​បណ្តោះអាសន្ន និងត្រូវរក្សាស្ថានភាពដើម ដដែលរហូត​ដល់ការវាស់វែងត្រូវបានបញ្ចប់ និងរង់ចាំការសម្រេច​ដោយ JBC ស្របពេលដែលកម្ពុជាគោរពយ៉ាង​ពេញ​លេញ​នូវគោលការណ៍សន្តិភាព និងភាពជាអ្នកជិតខាង​ល្អ​។ ជាមួយគ្នានេះ យើងខ្ញុំទាំងអស់គ្នា សូមចូលរួមរំលែក​មរណ​ទុក្ខជាមួយក្រុមគ្រួសារនៃសព និងសូមអំពាវនាវ​ឱ្យមានការចូលរួមពីភាគីបរទេស ដើម្បីបើកការស៊ើប​អង្កេតដោយឯករាជ្យ ក្នុងន័យស្វែងរកការពិត…

(ភ្នំពេញ)៖ រាជរដ្ឋាភិបាល បានសង្កេតឃើញមានការរីក​រាល​ដាល​ការនាំចូលលក់ចែកចាយ និងការប្រើប្រាស់ ឧបករណ៍ អេឡិចត្រូនិក និង សារធាតុគីមី សម្រាប់ជក់ និង ស៊ីស្សា ឬហៅកាត់ថាបារីអេឡិចត្រូនិក ក្នុងចំណោម កុមារ និងយុវជន ធ្វើឱ្យប៉ះពាល់ដល់សណ្តាប់ធ្នាប់ សង្គម និង សុខភាព សាធារណៈ ។ ​កាល​ពី​ថ្ងៃទី២១ ខែតុលា ឆ្នាំ២០២៥ រដ្ឋាភិបាល​កម្ពុជា​បាន ដាក់ចេញបទបញ្ជា ស្ដីពី ការដាក់ចេញវិធានការ​ហាមឃាត់ការនាំចូល ការចែកចាយ ការលក់ ការផ្សព្វ​ផ្សាយពាណិជ្ជកម្ម ការប្រើប្រាស់ ការកាន់កាប់ ការផលិត និងការស្តុកទុកឧបករណ៍អេឡិចត្រូនិកសម្រាប់ជក់ និង​ស៊ីស្សា ។ ជាមួយគ្នានេះដើម្បីបញ្ជ្រាបបន្ថែម ពីកផលប៉ះពាល់ការ​ប្រើ​ប្រាស់ផលិតផលទាំងនេះ ក្រសួងអធិការកិច្ច សហការ​ជាមួយ ក្រសួងអបរំយុវជននិងកីឡា នាព្រឹកថ្ងៃទី១២ ខែវិច្ឆកា ឆ្នាំ២០២៥នេះ បានរៀបចំវេទិកាសុខភាព​ផ្សព្វ​ផ្សាយ ទប់ស្កាត់ហានិភ័យ ការប្រើប្រាស់និងចែកចាយ​បារី​អេឡិចត្រូនិចនិងសារធតុគីមីសម្រាប់ជក់ នៅទី​ស្តី​ការក្រសួងអធិការកិច្ច។ លោកវេជ្ជបណ្ឌិត មុំ គង់ នាយកប្រតិបត្តិអង្គការ​ចលនា​ដើម្បីសុខភាពកម្ពុជា បានធ្វើបទបង្ហាញ ពីផលប៉ះពាល់​នៃបារីអេឡិចត្រូនិកលើសុខភាព…

(ភ្នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រ​សួង​សុខាភិបាល នាព្រឹកថ្ងៃពុធ ទី១២ ខែវិច្ឆិកា ឆ្នាំ២០២៥ បានអញ្ជើញ ប្រកាសដាក់ឱ្យអនុវត្តជាផ្លូវការ​នូវ «យុទ្ធសាស្ត្រជាតិ ស្តីពីសុខភាពបន្តពូជ និងសិទ្ធឆ្នាំ ២០២៥-២០៣ និងនិយាមបែបទប្រតិបត្តិ សម្រាប់​បង្ការការចម្លងមេរោគអេដស៍ ស្វាយ និងរលាកថ្លើម ប្រភេទបេ ពីម្តាយទៅកូនក្នុងសេវាឯកជន»។ ពិធីនេះ មានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំក្រសួង លោក លោកស្រីតំណាងអង្គការ​សុខ​ភាពពិភពលោក សាកលវិទ្យាល័យ, UNFPA និងវិស័យ​ឯកជន សរុប២៤៥នាក់ ព្រមទាំងតាមប្រព័ន្ធ Zoom នូវមន្ទីរពេទ្យបង្អែកស្រុក ខេត្ត , ប្រធានផ្នែកប្រពោធន​កម្ម​, ផ្នែកថែទាំទារក, ជំងឺកុមារ, ផ្នែកសម្ពព និង​មណ្ឌលសុខភាព វិស័យឯកជន សរុបចំនួន ១៧៧០នាក់។ យុទ្ធសាស្ត្រជាតិស្តីពីសុខភាពផ្លូវភេទ និងបន្តពូជ និង​សិទ្ធនៅកម្ពុជា ២០២៥-២០៣០ គឺជាយុទ្ធសាស្ត្រ​ទី៤ ដែលក្រសួងសុខាភិបាលរៀបចំ ឡើងដោយហ្មត់ចត់ និងគ្រប់ជ្រុងជ្រោយផ្នែកលើទិន្នន័យច្បាស់លាស់របស់ប្រទេសកម្ពុជា និងស្ថាប័នអន្តរជាតិនានា ដូចជា…

(ភ្នំពេញ)៖ ក្រសួងបរិស្ថានបានចេញសេចក្តីប្រកាស​ព័ត៌មាន​មួយដោយបញ្ជាក់ថាថ្ងៃទី១២ ខែវិច្ឆិកា ឆ្នាំ២០២៥ ក្រសួងបរិស្ថានបានកត់សម្គាល់ឃើញ​មានការផ្សព្វផ្សាយ និង ចែករំលែកនូវព័ត៌មានមិនពិត អំពីករណីគុណភាពខ្យល់នៅកម្ពុជា ធ្វើឱ្យមានការភាន់​ច្រឡំថាហាក់បីដូចជា ប្រទេសកម្ពុជារងការបំពុល​បរិយា​កាស។ ក្រសួងបរិស្ថានស្នើឱ្យម្ចាស់ផេក Nimol Felix និងអ្នក ផ្សព្វផ្សាយបន្ត ធ្វើការលប់ព័ត៌មានមិនពិតនេះ​ចេញ និងបញ្ឈប់ការផ្សព្វផ្សាយព័ត៌មាន ដែលជំរុញឱ្យ សាធារណជន មានការភាន់ច្រឡំ លើគុណភាពខ្យល់​នៅ​កម្ពុជានាពេលបច្ចុប្បន្ន។ ជុំវិញបញ្ហានេះក្រសួងបរិស្ថានបញ្ជាក់ថា ក្រសួងបាន​តម្លើងឧបករណ៍តាមដានបរិមាណខ្យល់ រយៈពេល ២៤ម៉ោងក្នុង១ថ្ងៃ ចំនួន៦០ កន្លែង នៅទូទាំងប្រទេស ក្នុងនោះឧបករណ៍ក្នុង៨ទីតាំងនៅរាជធានីភ្នំពេញ បានបង្ហាញទិន្នន័យគុណភាពខ្យល់នៅកម្ពុជា មានភាពល្អប្រសើរ ពោលគឺស្ថិតនៅក្រោមបន្ទាត់​ក្រហម។ ដូច្នេះបងប្អូនប្រជាពលរដ្ឋកុំព្រួយបារម្ភ និងកុំជឿលើការផ្សព្វផ្សាយនិងការចែកចាយលើណ្តាញសង្គម មួយចំនួនខាងលើឱ្យសោះ ខណៈក្រុមការងារ​បច្ចេកទេសរបស់ក្រសួងបរិស្ថាន បាននិងកំពុងតាមដាន គុណភាពខ្យល់នៅកម្ពុជាជាប់ជាប្រចាំ។ ជាមួយគ្នានេះក្រសួងបរិស្ថានបញ្ជាក់ថាស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី១២ ខែវិច្ឆិកា ឆ្នាំ២០២៥ ចាប់ពីម៉ោង ៧ ព្រឹក ដល់ម៉ោង ៧ ព្រឹក ថ្ងៃទី១៣ ខែវិច្ឆិកា ឆ្នាំ២០២៥ ដែលមានកំហាប់ភាគ ល្អិតនិចលគិតជាមធ្យមស្មើនឹង ១២.៣៦ µg/m3…

(ភ្នំពេញ)៖ «សួនរុក្ខជាតិអង្គរ» ជារមណីយដ្ឋាន កែច្នៃ​មួយ ក្នុងក្រុងសៀមរាប ខេត្តសៀមរាប ដែលមាន​រុក្ខ​ជាតិ​ប្រ​មាណ​ជាង ៥០០ប្រភេទ និងសត្វជាច្រើន​ប្រ​ភេទ​សម្រាប់ទស្សនាមិនឱ្យនឿយណាយ។ អាជ្ញាធរជាតិអប្សរា បានឱ្យដឹងថា៖ក្រោយពីបានបើក​សម្ពោធ​ដាក់ឱ្យដំណើរការចាប់តាំងពីថ្ងៃទី១៩ ខែ​ឧសភា ឆ្នាំ២០២២មក សួនរុក្ខជាតិអង្គរ ឬដែលគេ​ស្គាល់​ជា​ភាសា​អង់គ្លេសថា Angkor Botanical Garden ត្រូវបានអាជ្ញាធរជាតិអប្សរាខិតខំយកចិត្តទុក​ដាក់ក្នុងការថែទាំ អភិវឌ្ឍន៍ និងបង្កើនភាពទាក់ទាញ​ជាបន្ត​បន្ទាប់ ហើយបានប្រែក្លាយជាគោលដៅ​ទេសចរណ៍បន្ថែមដ៏ពេញនិយម សម្រាប់​ការ​ទស្សនា​ក្រៅពីប្រាង្គប្រាសាទនានា។ អាជ្ញាធរជាតិអប្សរាបានឱ្យដឹងថាសួនរុក្ខជាតិនេះបើកឱ្យចូលទស្សនាដោយឥតបង់ថ្លៃសម្រាប់សាធារណជនទូទៅ មិនថាក្មេងចាស់ប្រុសស្រី បរទេសឬខ្មែរ ក្នុងគោល​ដៅចូលរួមចំណែកលើកកម្ពស់វិស័យទេសចរណ៍ និង​គិតគូរដល់សុខមាលភាពរបស់ប្រជាជន និងទេសចរ ឱ្យមានកន្លែងបៃតងដ៏ធំទូលំទូលាយ ខ្យល់អាកាសបរិ​សុទ្ធ​ដកដង្ហើម សម្រាប់ជាកន្លែងដើរកំសាន្ត ហាត់​ប្រាណ និងទទួលបាននូវចំណេះដឹងពីធម្មជាតិ និង​ជីវសាស្រ្តចម្រុះនៃប្រទេសកម្ពុជា។ ក្នុងរយៈពេល ៣ឆ្នាំមកនេះ សួន ដែលមានលក្ខណៈ​ធម្មជាតិ ដោយបានលាតសន្ធឹងលើផ្ទៃដីជិត ២០០ ហិកតា ក្នុងតំបន់រមណីយដ្ឋានអង្គរ បេតិកភណ្ឌពិភព​លោក និងមានទំហំធំជាងគេបំផុតក្នុងព្រះរាជាណាចក្រ​កម្ពុជា បានឆក់យកបេះដូងភ្ញៀវជាតិ និងអន្តរជាតិ ចំនួន​ប្រមាណ ៦០ ម៉ឺននាក់ឱ្យមកដើរគយគន់ ទស្សនា និងសិក្សាស្វែងយល់ពីប្រភេទរុក្ខជាតិ និងសត្វដ៏សម្បូរ​បែប​របស់ប្រទេសយើង៕ ដោយ ៖…

(ភ្នំពេញ)៖ អាជ្ញាធរខណ្ឌចំការមន បើកការដ្ឋានស្ថាបនា​ប្រព័ន្ឋលូ គម្រោងអភិវឌ្ឍន៍សង្កាត់ ឆ្នាំ២០២៥ ប្រវែង ៣១៤ម៉ែត្រ និងផ្លូវបេតុង ក្នុងភូមិ១២ សង្កាត់ទន្លេ​បា​សាក់ នៅព្រឹកថ្ងៃទី១២ ខែវិច្ឆិកា ឆ្នាំ២០២៥ ក្រោមវត្ត​មាន​លោក កៀង ល័ក្ស អភិបាលខណ្ឌចំការមន, លោក ខាត់ ណារិទ្ធ សង្កាត់ទន្លេបាសាក់ ខណៈប្រជាពលរដ្ឋ សង្ឃឹមថា ក្រោយអាជ្ញាធរ ស្ថាបនាប្រព័ន្ធលូថ្មីរួចរាល់ នឹងលែងមានការលិចទឹកនៅពេលភ្លៀងម្ដងៗ ។ លោកអភិបាលខណ្ឌ បានឱ្យដឹងថា នៅតំបន់នេះ ក្រោយ​ពីដំណើរការដាក់ប្រព័ន្ឋលូរួចរាល់ នឹងលែងព្រួយ​បារម្ភ ពីបញ្ហាលិចលង់ដោយជំនន់ទឹកភ្លៀង ឬទឹកភ្លៀង​ហូរ​លិចដក់នៅលើផ្លូវ ឬលំនៅបងប្អូនរស់នៅសងខាង​ផ្លូវទៀតហើយ នារដូវវស្សា ។ ជាមួយគ្នានេះ លោកអភិបាលខណ្ឌ បានធ្វើការណែនាំ​អ្នក​ម៉ៅ​ការ ទទួលស្ថាបនាដាក់ប្រព័ន្ធលូ ធ្វើយ៉ាងណា អនុវត្តគម្រោងឱ្យហើយរួចរាល់តាមផែនការ និងត្រឹមត្រូវ​តាម​លក្ខណៈបច្ចេកទេស ធានាពីគុណភាពប្រើប្រាស់​បានយូរ ។ លោកអភិបាលខណ្ឌ ក៏សូមឱ្យបងប្អូនប្រជាពលរដ្ឋ ត្រូវចូល​រួមតាមដានការអនុវត្តន៍ការងាររបស់​ក្រុម​ហ៊ុន​ទទួលការ ពីព្រោះបងប្អូន គឺជាអ្នកទទួលផលផ្ទាល់​ពីគម្រោងនេះ បើឃើញការអនុវត្តន៍របស់ក្រុមហ៊ុន ខុស​ពីកិច្ចសន្យា ត្រូវរាយការណ៍ជូនលោកចៅសង្កាត់ ឬសា​លាខណ្ឌ…

(បន្ទាយមានជ័យ)៖ ជនសង្ស័យចំនួនចំនួន ៣៧នាក់ ក្នុងនោះ​មានស្រ្តី ០៨នាក់ ត្រូវបានកម្លាំងសមត្ថកិច្ច​ចម្រុះ​ឃាត់ខ្លួន ក្នុងប្រតិបត្តិការចុះត្រួតពិនិត្យឆែកឆេរ កាលពីថ្ងៃទី១១ ខែវិច្ឆិកា ឆ្នាំ២០២៥ នៅទីតាំង​កាស៊ី​ណូម៉ារីណាន ស្ថិតក្នុងបុរីសានហូរ ក្រុងប៉ោយប៉ែត ខេត្ត​បន្ទាយមានជ័យ ក្រោយការស្រាវជ្រាវរបស់ សមត្ថកិច្ច​ជំនាញបាន បង្ហាញ ថាមានការសង្ស័យ មានការលប​លួច​ប្រព្រឹត្តបទល្មើសឆបោកតាមប្រព័ន្ធ បច្ចេកវិទ្យា (Online Scam)។ ជនសង្ស័យដែលបានឃាត់ខ្លួនទាំង ៣៧នាក់នោះ មាន​ជន​ជាតិចិនចំនួន ៥នាក់, ឥណ្ឌូនេស៊ីចំនួន ៣០នាក់ និងជនជាតិខ្មែរ ២នាក់ផងដែរ ត្រូវបានសង្ស័យថា ជាប់ពាក់ព័ន្ធនឹង ការប្រព្រឹត្តសកម្មភាពឆបោកតាម ប្រព័ន្ធបច្ចេកវិទ្យា មានគោលដៅចំពោះពលរដ្ឋនៅក្នុង​ប្រទេសផ្សេងៗ ក្រោមរូបភាពក្លែងបន្លំជាសមត្ថកិច្ច, ការក្លែងបន្លំនិងផ្តល់កម្ចីអនឡាញ, បន្លំជាអាជីវកម្មប្តូរ​ប្រាក់​ខុសច្បាប់ទៅប្រទេសដទៃ និងការប្តូររូបិយប័ណ្ណ​ឌីជីថល។ ក្នុងប្រតិបត្តិការ សមត្ថកិច្ចបានដកហូត​សម្ភារៈជា វត្ថុតាង រួមមានកុំព្យូទ័រចំនួន ៦៥គ្រឿង ទូរសព្ទចំនួន ៦៣គ្រឿង និងអត្តសញ្ញាណបណ្ណសញ្ជាតិ​ថៃចំនួន ២៦កាត ។ ប្រតិបត្តិការនេះ ត្រូវបានអនុវត្តដោយកម្លាំងចម្រុះ នៃអគ្គ​ស្នងការដ្ឋាន នគរបាលជាតិ, គណៈបញ្ជាការ​ឯកភាពខេត្តបន្ទាយមានជ័យ អាជ្ញាធរពាក់ព័ន្ធក្នុងខេត្ត…

(ភ្នំពេញ)៖ ក្នុងដំណើរឈានឆ្ពោះទៅទិវាពិភពលោក​ប្រ​យុទ្ធ​នឹង​ជំងឺអេដស៍១ធ្នូ ក្រោមមូលបទ៖ “យកឈ្នះ​ការរំ​ខាន បរិវត្តកម្មឆ្លើយតបនឹងជំងឺអេដស៍ “Overcoming disruption, transforming the AIDS response” ក្រុមការងារឥស្សរជនឆ្នើមថ្នាក់ជាតិ នៃ​កាកបាទក្រហមកម្ពុជា បានរៀបចំពិធីអប់រំផ្សព្វផ្សាយ​ស្តីពី “កម្ពុជាឆ្ពោះទៅបញ្ចប់អេដស៍ និង ផលប៉ះពាល់​ដោយជំងឺមិនឆ្លង” ជូនដល់សាស្ត្រាចារ្យ គណៈគ្រប់គ្រង បុគ្គលិក យុវជន និស្សិតសាកលវិទ្យាល័យ អាស៊ី អឺរ៉ុប និងសាស្ត្រាចារ្យ និងសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច នាថ្ងៃទី១១ ខែវិច្ឆិកា ឆ្នាំ២០២៥ ។ លោក សាត ចន្ទ្រា ប្រធានក្លឹប បានឱ្យដឹងថា ក្លឹប​យុវ​ជន​កាកបាទក្រហមកម្ពុជា ប្រចាំសាកលវិទ្យាល័យ អាស៊ី អឺរ៉ុប បានបង្កើតនៅឆ្នាំ២០១៥ ដែលមកដល់​ពេលនេះមានយុវជនដែលបានឆ្លងកាត់ក្លឹបមានជាង ២ពាន់នាក់ ហើយបច្ចុប្បន្ន មានចំនួន ២៥០នាក់ ។ ក្រៅពីធ្វើសកម្មភាពអនុវត្តតាមគោលការណ៍គ្រឹះទាំង៧ របស់ចលនាហើយនោះ ក្លឹបបានបង្កើតឱ្យមានក្រុម​បង្គោ​ល​ធ្វើសកម្មភាពមិត្តអប់រំមិត្ត មិត្តជួយមិត្ត ដោយ​យក​អ្នកចេះច្រើន បង្រៀនអ្នកចេះតិច អ្នកខ្លាំងបង្រៀន​អ្នកខ្សោយ។ ឯកឧត្តម…

កំពង់ធំ៖អណ្ដូងទឹកថ្មីចំនួន២១ ជាអំណោយសម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត តាមរយៈ​ឯកឧត្តម ឆាយ រិទ្ធីសែន រដ្ឋមន្ត្រីក្រសួងអភិវឌ្ឍន៍ជនបទសម្រាប់ក្រុមគ្រួសារអតីតយុទ្ធជនកំពុងរស់នៅ​លើដីសម្បទាន​សង្គមកិច្ច ស្ថិតនៅក្នុងឃុំក្រយា ស្រុកសន្ទុក ខេត្តកំពង់ធំ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាតំណាងគណៈកម្មាធិការសមាគម​អតីត​យុទ្ធជន និងនិវត្តន៍ជនកម្ពុជាខេត្តកំពង់ធំបានថ្លែងថា​សម្ដេចធិបតី ហ៊ុន ម៉ាណែត និងលោកជំទាវបណ្ឌិត និង​ឯកឧត្តម ឆាយ រិទ្ធីសែន បានជួយជាអណ្តូងទឹកគិតមកដល់បច្ចុប្បន្ន ក្រុមគ្រួសារអតីតយុទ្ធជនចំនួន ២០៦គ្រួសារ បាន​ទទួលអណ្ដូងទឹកស្អាតចំនួន ៥៧អណ្ដូងរួចមកហើយ ហើយនិងគ្រោងទទួលបានចំនួន ២០ អណ្តូងបន្ថែមទៀត​នៅពេល​ខាងមុខនេះ ៕ដោយ៖ប៊ុន រដ្ឋា

(ភ្នំពេញ)៖ មន្រ្តីជាន់ខ្ពស់ ក្រសួងប្រៃសណីយ៍ ឯកឧត្តម ខាយ ឃុនហេង បានមានប្រសាសន៍ថា ក្រោមការ​យក​ចិត្តទុកដាក់របស់ឯកឧត្តមរដ្ឋមន្ត្រី ជា វ៉ាន់ដេត ក្រសួង​បានចូលរួមសកម្មភាពប្រយុទ្ធប្រឆាំងគ្រឿងញៀន។ ឯកឧត្តម បានផ្តាំផ្ញើឱ្យបណ្តាប្រតិបត្តិករទូរសព្ទចល័ត​បន្តសកម្មភាពផ្សព្វផ្សាយអប់រំសារពាក់ព័ន្ធនឹងបញ្ហាអេដស៍និងគ្រឿងញៀនបន្តទៀត ។ ចំពោះប្រតិបត្តិករប្រៃសណីយ៍ សូមបន្តចូលរួមយ៉ាង​សកម្ម​​បំផុត​ក្នុងការទប់ស្កាត់ការចរាចរគ្រឿងញៀន ព្រមទាំងគោរពតាមការអនុវត្តតាមបទបញ្ជា របស់​រាជរដ្ឋាភិបាល លេខ ០២ បប ចុះថ្ងៃទី២១ ខែតុលា ឆ្នាំ២០២៥ ស្តីពីការដាក់ចេញវិធានការហាមឃាត់ការ​នាំចូល ការចែកចាយ ការលក់ ការផ្សាយពាណិជ្ជកម្ម ការប្រើប្រាស់ ការកាន់កាប់ ការផលិត និងការស្តុកទុក​ឧបករណ៍អេឡិចត្រូនិកនិងសារធាតុគីមីសម្រាប់ជក់ និងស៊ីស្សា។ ចំពោះប្រតិបត្តិករផ្តល់សេវាប្រៃសណីយ៍ ត្រូវពង្រឹងការត្រួតពិនិត្យទប់ស្កាត់ការចរាចរបញ្ញើហាមឃាត់ ជាពិសេសបញ្ញើដែលសង្ស័យបង្កប់សារធាតុគីមី ឬថ្នាំញៀន និង ឧបករណ៍ សម្រាប់ជក់ ប្រើប្រាស់ សារធាតុខុសច្បាប់ទាំងនេះ ។ ប្រសាសន៍ ឯកឧត្តម ខាយ ឃុនហេង រដ្ឋលេខាធិការ និងជាប្រធានគណៈកម្មាធិការប្រយុទ្ធនឹងជំងឺអេដស៍ និងប្រយុទ្ធប្រឆាំងគ្រឿងញៀនខុសច្បាប់ក្រសួងប្រៃសណីយ៍និងទូរគមនាគមន៍ កាលពីថ្ងៃទី១០ ខែវិច្ឆិកា ឆ្នាំ២០២៥ ក្នុងឱកាសអញ្ជើញផ្សព្វផ្សាយបទបញ្ជា របស់រាជរដ្ឋាភិបាល…