(ភ្នំពេញ)៖ ក្រសួងបរិស្ថាន តាមរយៈក្រុមការងារ​អធិ​ការកិច្ច នៃអគ្គនាយកដ្ឋានគាំពារបរិស្ថាន សហការ​ជា​មួយ មន្ទីរបរិស្ថានខេត្តតាកែវ និងអាជ្ញាធរមូលដ្ឋាន នៅថ្ងៃទី១០ ខែវិច្ឆិកា ឆ្នាំ២០២៥ បានរកឃើញ រោង​ចក្រកាត់ដេរ Perfect Vision Fashion (Cambodia) ​Co., Ltd ស្ថិននៅភូមិកំប៉ោ ឃុំបឹងត្រាញ់​ខាងត្បូង ស្រុកសំរោង ខេត្តតាកែវ បានដុតកម្ទេចក្រ​ណា​ត់ និងប្រេងម៉ាស៊ូត លាយជាមួយអុស ​ក្នុងឡ ដោយ​បានបញ្ចេញផ្សែងខ្មៅនិងក្លិនឈ្ងៀម ប៉ះពាល់ដល់ជីវភាពរស់នៅរបស់ប្រជាពលរដ្ឋនៅក្នុងមូលដ្ឋាន។ ករណីនេះ គឺល្មើសនឹងមាត្រា ១៦១ និង​មាត្រា ៦៩៤ នៃក្រមបរិស្ថាន និង ធនធានធម្មជាតិ ។ លើសពីនេះ​ រោងចក្រពុំបានរៀបចំរបាយការណ៍​អង្កេត​តាមដានបរិស្ថាន ក្នុងរយៈពេល ៦ខែម្តង ដូចមានចែង​ក្នុង​កិច្ចសន្យាការពារបរិស្ថាន គឺល្មើសនឹងមាត្រា ៦៩៤ នៃក្រមបរិស្ថាន និង ធនធានធម្មជាតិ។ ក្រសួងបរិស្ថានបានដាក់ចេញវិធានការអនុវត្តចំពោះក្រុមហ៊ុននេះ តម្រូវឲ្យបញ្ឈប់ជាបន្ទាន់ នូវការយក កម្ទេច​ក្រ​ណាត់ ទៅដុតក្នុងឡ និងតម្រូវឲ្យរៀបចំតបំពង់ផ្សែង​ឡ ឲ្យបានខ្ពស់ផុតឡើងលើថែមទៀត ដើម្បីកុំឱ្យផ្សែង​ហុយធ្លាក់ទៅលើលំនៅឋានប្រជាពលរដ្ឋទៀត។…

កំពត៖រដ្ឋបាលខេត្តកំពតបានសម្រេចសាងសង់ផ្លូវ និងស្ពានក្រវាត់ក្រុងកំពតប្រវែងជិត១០គីឡូម៉ែត្រ ដោយកាត់​តាមឆ្នេរកោះស្មៅ។ការដ្ឋាននេះមានស្ពានអាកាសរំលងផ្លូវ និងដងព្រែក ប្រវែងជិត៤០០ម៉ែត្រ។ជាមួយនឹងស្ពានក៏មានការរៀបចំទីធ្លាសម្រាប់ប្រជាពលរដ្ឋ និងភ្ញៀវទេសចរថតរូបអនុស្សាវរីយ៍ផងដែរ។ (រាយការណ៍ដោយ រ័ត្ន ចរិយា) អាន៖ឯកឧត្តម ម៉ៅ ធនិន អភិបាលខេត្តកំពតបានថ្លែងក្នុងពិធីបើកការដ្ឋានសាងសង់ផ្លូវ និងស្ពានក្រវាត់ក្រុងកំពត ដែលបានរៀបចំនៅឆ្នេរកោះស្មៅកាលពីព្រឹកថ្ងៃទី១១ ខែវិច្ឆិកា ឆ្នាំ២០២៥ ថា ផ្លូវ និងស្ពានក្រវាត់ក្រុង​ដែលមាន​ប្រវែងជិត ១០គីឡូម៉ែត្រនេះ ជាអំណោយ និងកេរដំណែលជាអមតៈរបស់ប្រមុខរាជរដ្ឋាភិបាលផ្តល់ជូនដល់​ប្រជាពលរដ្ឋ​ខេត្តកំពត។សមិទ្ធផលនេះនឹងរួមចំណែកលើកកម្ពស់វិស័យទេសចរណ៍នៅខេត្តកំពត ពិសេសជីវភាពប្រជាជននៅខេត្តកំពតតែម្តង។ ចំណែកប្រជាពលរដ្ឋខេត្តកំពតក្នុងពិធីបើកការដ្ឋាន បានបង្ហាញនូវទឹកចិត្តត្រេកអរ ជាមួយនឹងការកត់សម្គាល់ថា ក្រោមការដឹកនាំរបស់​ឯកឧត្តមបណ្ឌិត ម៉ៅ ធនិន ខេត្តកំពតរីកចម្រើនខ្លាំង ពិសេសសមិទ្ធផលទេសចរណ៍ល្អ​ឯកជា​ច្រើន។ជាក់ស្តែង តំបន់​កោះស្មៅ ពីមុនគ្មានឆ្នេរកម្សាន្តទេ ប៉ុន្តែថ្ងៃនេះក្រោមការច្នៃប្រឌិតឯកឧត្តមអភិបាលខេត្ត តំបន់កោះស្មៅមាន​ឆ្នេរខ្សាច់​កម្សាន្តដ៏ស្រស់ស្អាត ថែមទាំងនឹងមានស្ពានដ៏ទាក់ទាញមួយបន្ថែមទៀត ។ ឯកឧត្តមអភិបាលខេត្តបានប្រាប់អ្នកចូលរួមក្នុងពិធីបើកការដ្ឋានថា គម្រោងស្ថាបនាផ្លូវ និងស្ពានក្រវាត់ក្រុងនេះ​នឹងចំណាយពេលសាងសង់មួយឆ្នាំ។ឯកឧត្តមរំពឹងថា ពិធីសម្ពោធដាក់ឱ្យប្រើប្រាស់ផ្លូវនិងស្ពាននេះ នៅទីតាំងដដែល និងថ្ងៃ ខែដដែល នាឆ្នាំ២០២៦៕ដោយ៖ សិលា សារិន

បាត់ដំបង៖មិនខុសពីប្រជាពលរដ្ឋដែលធ្លាប់ធ្វើដំណើរឆ្លងកាត់ និងកំពុងប្រើប្រាស់កំណាត់ផ្លូវនេះ ,ប្រជា​ពលរដ្ឋ​ឃុំស៊ុង ស្រុកសំឡូត ខេត្តបាត់ដំបងបានបង្ហាញអារម្មណ៍ត្រេកអរ ដោយសារតែមានផ្លូវកៅស៊ូមួយ​ខ្សែឆ្លងកាត់ឃុំ​របស់ខ្លួន។ ក្រសួងអភិវឌ្ឍន៍ជនបទ តាមរយ:មន្ទីរអភិវឌ្ឍន៍ជនបទខេត្តបាត់ដំបង បានសាងសង់ផ្លូវក្រាលកៅស៊ូ​មួយខ្សែជា​ដំណាក់​កាលៗដោយតភ្ជាប់ពីផ្សាររ៉ែដែកនៃឃុំសំឡូត ឆ្លងកាត់ឃុំស៊ុង ឆ្ពោះទៅកាន់ឃុំតាសាញ ស្រុកសំឡូត ។ការដ្ឋាននេះកំពុង​ដំណើរការ។ ជាមួយនឹងសសៃរឈាមថ្មីល្អប្រសើរជាងមុន ប្រជាពលរដ្ឋដែលធ្វើដំណើរឆ្លងកាត់ ពិសេស​ប្រជាពលរដ្ឋនៅនឹងមូលដ្ឋាននេះតែម្តងយល់ថា កំណាត់ផ្លូវមួយនេះជួយសម្រួលដល់ការធ្វើដំណើរ ការដឹកជញ្ជូន​កសិផល បានលឿន និងកាន់តែឆាប់រហ័ស ។ ពាក់ព័ន្ធនឹងផ្លូវកៅស៊ូមួយខ្សែដែលកំពុងស្ថាបនា លោក វ៉ឹក រ៉េត មេឃុំស៊ុង​បាននិយាយដោយរំភើប​ថា​ នេះជាក្ដីស្រមៃ​របស់ប្រជាពលរដ្ឋ ឥឡូវបានក្លាយជាការពិតនៅពេលការដ្ឋាននឹងបញ្ចប់នៅពេលឆាប់ៗ ខាងមុខ។ ផ្លូវកៅស៊ូដែលកំពុងសាង់សង់ឆ្លងកាត់ឃុំស៊ុងមានប្រវែង៤គីឡូម៉ែត្រ ។បច្ចុប្បន្នក្រុមការងារសាងសង់ផ្លូវបានបញ្ចប់​ដំណាក់កាលទី១កាលពីប៉ុន្មានថ្ងៃមុននេះ ដោយបានចាក់ក្រាលកៅស៊ូស្រទាប់ទី១និងត្រៀមក្រាល​កៅស៊ូស្រទាប់ទី២​នៅក្នុងពេលដ៏ខ្លីខាងមុខ។ ជាមួយនឹងសមិទ្ធផលថ្មី ប្រជាពលរដ្ឋឃុំស៊ុង បានថ្លែងអំណរគុណដល់រាជរដ្ឋាភិបាល ក្រសួងអភិវឌ្ឍន៍​ជនបទ និងមន្ទីរអភិវឌ្ឍន៍ជនបទខេត្តបាត់ដំបង ។ប្រជាពលរដ្ឋរំពឹងថា កំណាត់ផ្លូវនេះនឹងរួមចំណែកលើកកម្ពស់ជីវភាពពួកគាត់បន្ថែមទៀត។ គប្បីជម្រាបជូនថា ស្រុកសំឡូតជាអតីតសមរភូមិប្រយុទ្ធដ៏ក្ដៅគគុក នៅក្នុងជម្លោះសង្គ្រាមស៊ីវិល និងមានភូមិសាស្រ្ត​ជាប់ព្រំប្រទល់ ជាមួយនិងប្រទេសថៃ។ក្រោយទទួលបានសន្តិភាពពេញលេញ​ក្រោមគោលនយោបាយ ឈ្នះ ឈ្នះ… ភូមិ ឃុំ នៃស្រុកសំឡូតរួមទាំងស្រុកសំឡូតផង បានប្រែមុខមាត់ថ្មី ក្លាយជាស្រុកមានសក្ដានុពលកសិ- ទេសចរនិង ធម្មជាតិ កសិ-ឧស្សាហកម្មចម្រុះ។ប្រជាពលរដ្ឋភាគច្រើនប្រកបរបរកសិកម្មដោយធ្វើការដាំដុះដំណាំ​ពោត ដំឡូងមី…

(ពោធិ៍សាត់)៖ តំណាងមន្ទីរ ស្ថាប័នពាក់ព័ន្ធនានា​ជុំវិញ​ស្រុក គ្រឹះស្ថានឯកជន សមាគម ប្រតិបត្តិករ​វិស័យ​ដឹក​ជញ្ជូន និងសាធារណជន ក្នុងស្រុកបាកាន ខេត្តពោធិ៍​សាត់ បានទទួលការផ្សព្វផ្សាយស្តីពី «ផលិតផលធានា​រ៉ាប់​រង​ខ្នាតតូចលើដំណាំកសិកម្ម» ដែលរៀបចំឡើង​ដោយ​និយ័តករធានារ៉ាប់រងកម្ពុជា (ន.ធ.ក.) នាព្រឹក​ថ្ងៃទី១១ ខែវិច្ឆិកា ឆ្នាំ២០២៥ នេះ ។ សិក្ខាសាលាផ្សព្វផ្សាយនេះមានការអញ្ជើញចូលរួមពីលោក ទូច ម៉េងឡេង ប្រធាននាយកដ្ឋានអភិវឌ្ឍន៍​ទី​ផ្សារ តំណាង ឯកឧត្តម ប៊ូ ច័ន្ទភីរូ អគ្គនាយក នៃ​និយ័តករ​ធានារ៉ាប់រងកម្ពុជា និងលោក ជា ហេងឡុង អភិបាលរងនៃគណៈស្រុកបាកាន ព្រមទាំង​អាជ្ញាធរ​មូលដ្ឋាន ក្រុមហ៊ុនធានារ៉ាប់រងហ្វតតេកម្ពុជា និងប្រ​ជាពលរដ្ឋមូលដ្ឋានស្ថិតក្នុងស្រុកបាកាន។ លោក ទូច ម៉េងឡេង ប្រធាន​នាយកដ្ឋានអភិវឌ្ឍន៍​ទី​ផ្សារ នៃនិយ័តករធានារ៉ាប់​រងកម្ពុជា បានលើកឡើងថា សិក្ខាសាលាថ្ងៃនេះ ត្រូវបានរៀបចំឡើងក្នុងគោល​បំ​ណង ដើម្បីលើកកម្ពស់​ការ​យល់ដឹងរបស់ប្រជាពលរដ្ឋ​អំពីផលិតផលធានា​រ៉ាប់​រងខ្នាតតូចលើដំណាំកសិកម្ម។ លោកបានលើកឡើងបន្ថែមទៀតថា ទីផ្សារធានារ៉ាប់រង​កម្ពុជា បាននឹងកំពុងរីកចម្រើនយ៉ាងឆាប់រហ័ស​ជាមួយ​នឹងកំណើនជាមធ្យមប្រចាំឆ្នាំប្រមាណ ៧% ក្នុង​រយៈ​ពេល ៥ ឆ្នាំចុងក្រោយនេះ។ បច្ចុប្បន្ន ទំហំទីផ្សារធានា​រ៉ាប់រងកើនឡើងដល់ប្រមាណ ៣៥៧លានដុល្លារ​អាម៉េ​រិក ក្នុងឆ្នាំ២០២៤។…

បាត់ដំបង៖អភិបាលខេត្តបាត់ដំបងនិងជាប្រធានគណៈកម្មាធិការសាខាកាកបាទក្រហមកម្ពុជា​ខេត្តឯកឧត្តម សុខ លូបានអំពាវនាវដល់ប្រជាពលរដ្ឋទូទៅបង្កើនការប្រុងប្រយ័ត្នចំពោះហានិភ័យនានាដែលបង្កឡើងដោយគ្រោះធម្មជាតិ។ ក្នុងឱកាសអញ្ជើញចុះជួបសំណេះសំណាល និងចែកអំណោយមនុស្សធម៌ជូនដល់ប្រជាពលរដ្ឋ​ដែលងាយរងគ្រោះ​បំផុតដែលមាន​ចាស់ជរាគ្មានទីពឹង ស្ត្រីមេម៉ាយមានកូនច្រើន កុមារកំព្រា ជនពិការ និងគ្រួសារពលករ ចំនួន១៧១​គ្រួសារមកពីភូមិចំនួន១៥ ក្នុងឃុំក្តុលតាហែន ស្រុកបវេលកាលពីថ្ងៃទី១០ ខែវិច្ឆិកា ឆ្នាំ២០២៥ឯកឧត្តម សុខ លូ បន្ទាប់ពីលើកឡើងនូវប្រសាសន៍ផ្តាំផ្ញើសាកសួរសុខទុក្ខ និងក្តីនឹករលឹកការអាណិតអាសូរពីសំណាក់​សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធានកាកបាទក្រហមកម្ពុជា ឯកឧត្តមក៏បានអំពាវនាវដល់ប្រជាពលរដ្ឋឱ្យស្វែង​យល់​បន្ថែម​ពីភាពរឹងមាំនៃលំនៅឋានរបស់ខ្លួន ដើម្បីបង្ការ និងការពារពីហានិភ័យដែលបង្កដោយគ្រោះធម្មជាតិ ពីព្រោះ​នៅពេលមានភ្លៀងធ្លាក់តែងភ្ជាប់មកជាមួយនឹងខ្យល់កន្រ្តាក់លាយឡំនឹងផ្គររន្ទះអាចបង្កជាគ្រោះថ្នាក់​បំផ្លិច​បំផ្លាញ​ដល់ផ្ទះសម្បែង ទ្រព្យសម្បត្តិ អាយុជីវិតមនុស្ស សត្វ ដែលតម្រូវឱ្យប្រជាពលរដ្ឋគ្រប់រូបមានការប្រុង​ប្រយ័ត្នឱ្យ​បាន​គ្រប់ៗគ្នា។ជាមួយគ្នានេះក៏ត្រូវបង្កើន​ការប្រុងប្រយត្ន័​ចំពោះគ្រោះអគ្គិភ័យផងដែរ ខណៈរដូវរំហើយនិងរដូវក្តៅបានចូលមកដល់៕ អត្ថបទ-រូបភាព៖អ៊ុក សំអាន បប.

(ភ្នំពេញ)៖តាមរយៈកូនសត្វទោចថ្ពាល់លឿង​ញីមួយ​ក្បាល ជាសត្វគួរឱ្យស្រឡាញ់ ដែលអ្នកស្រុកបានឃើញ​ស្ទើរ​រៀងរាល់ថ្ងៃ ដែលវាមកលេងពេលពួកគាត់មកធ្វើ​ចំការ​នោះ ពេលនេះតំបន់មួយកន្លែងនេះត្រូវបាន​គេ​ដាក់​ឈ្មោះឱ្យតាមកូនសត្វទោច ចាហ៊ូ(Jahoo)​ដែល​អ្នកស្រុកដាក់ឈ្មោះឱ្យវា ហើយមានភាពល្បីល្បាញ​រហូត​មកដល់សព្វថ្ងៃ ។ គួរបញ្ជាក់ថា តំបន់អេកូទេសចរណ៍ ចាហ៊ូ(Jahoo)ស្ថិត​នៅ​ដែនជម្រកសត្វព្រៃកែវសីមា ខេត្ត មណ្ឌលគិរី គឺជា​ទីកន្លែងដ៏ល្បីល្បាញ ក្នុងចំណោម ក្រុម អ្នកទេសចរ កម្សាន្ត សត្វទោច ថ្ពាល់លឿង ដែលជាសត្វកម្របំផុត​មួយលើពិភពលោក។ តំបន់អេកូទេសចរណ៍ សត្វទោច ថ្ពាល់លឿងមួយ​កន្លែង​នេះ​ត្រូវបានអង្គការ WCS បានផ្តួចផ្តើមសម្របសម្រួល​រៀបចំបង្កើតសហគមន៍អេកូទេសចរណ៍អណ្តូងក្រឡឹង ហៅថា «ចាហ៊ូ» Jahoo នៅឆ្នាំ២០១៣ ហើយចាប់ផ្តើម​អនុវត្តគម្រោងនៅឆ្នាំ២០១៤ ដើម្បីទាក់ទាញភ្ញៀវជាតិ និងអន្តរជាតិមកទស្សនាកម្សាន្ត តាមរយៈការដើរក្នុងព្រៃ និងលើកកម្ពស់ការយល់ដឹងនៃការអភិរក្សព្រៃឈើ និងសត្វព្រៃ។ លោក សុខ បញ្ញាវុធ អ្នកស្រាវជ្រាវ នៅ ជំរំ ចាហ៊ូ បានប្រាប់ឱ្យដឹងថា៖ចាហ៊ូតាមពិតជាឈ្មោះកូនទោច​មួយក្បាលដែលអ្នកស្រុកដាក់ឱ្យវាកាលអំឡុងមុនពេលសហគមន៍អេកូទេសចរណ៍អណ្តូងក្រឡឹងបង្កើតឡើង។កាលនោះកូនសត្វទោចញីមួយក្បាលនេះ វាបានមក​លេងជាមួយអ្នកស្រុកធ្វើចំការនៅតំបន់ក្បែរទីកន្លែងជំរំចាហ៊ូ ដែលជាទីកន្លែងសត្វទោចថ្ពាល់លឿងរស់នៅ។ លោក សុខ បញ្ញាវុធ បានប្រាប់ឱ្យដឹងដែរថា ”ជនជាតិ​ភាគ​តិចបានចាត់ទុកសត្វទោចថ្ពាល់លឿង ជាសត្វ​សក្តិសិទ្ធរបស់ពួកគាត់។ពេលកូនសត្វទោចតែងមក​លេង​ពួកគាត់ជាញឹកញាប់ពេលធ្វើចំការនោះទើប​ពួក​គាត់​ស្រឡាញ់សត្វទោចញីថ្ពាល់លឿងនេះខ្លាំងណាស់ ហេតុនេះនៅពេលគេបង្កើតជំរំសត្វទោចនេះឡើងទើបគេដាក់ឈ្មោះឱ្យចាហ៊ូ ពោលគឺគេយកឈ្មោះតាម​កូន​សត្វទោចញីជាទីស្រឡាញ់របស់បងប្អូនជនជាតិភាគតិចនេះតែម្តង។ អ្នកនាង…

(ភ្នំពេញ)៖ ក្រសួងបរិស្ថាននឹង និងរៀបចំវេទិកា​កេសរកូលជាតិលើកទី៥ និងកម្មវិធីប្រគួតប្រជែងគំនូរ​កេសរកូល ប្រធានបទ៖ គុណតម្លៃកេសរកូលព្រៃចំពោះ​ប្រព័ន្ធអេកូឡូស៊ី ប្រជាសហគមន៍នៅថ្ងៃទី២៦ ខែវិច្ឆិកា ឆ្នាំ២០២៥ នៅក្នុងអគារមតកតេជោ ទីស្តីការក្រសួង​បរិស្ថាន រាជធានីភ្នំពេញ ។ វេទិកាកេសរកូលជាតិលើកទី៥ រៀបចំឡើងដោយ​មានការ​តាំងបង្ហាញពីប្រភេទកេសរកូលព្រៃ កេសរកូល​បង្កាត់ ប្រភេទប្រទាល និងរុក្ខជាតិលម្អ រួមទាំង​ផលិត​ផល​ជីវៈចម្រុះជាច្រើនផ្សេងទៀត ដើម្បីផ្សព្វផ្សាយ និងលើកកម្ពស់ការយល់ដឹងអំពីនានាភាពនៃប្រភេទកេសរកូលព្រៃកម្ពុជា ប្រភេទប្រទាល និងរុក្ខជាតិលម្អ របៀបដាំដុះ និងថែទាំ ព្រមទាំងគុណតម្លៃ និងអត្ថ​ប្រយោជ​ន៍​នៃរុក្ខជាតិទាំងនោះនៅក្នុងប្រព័ន្ធអេកូឡូស៊ី សំដៅលើកកម្ពស់ការស្រលាញ់ ការចូលរួម អភិរក្សជីវៈ ចម្រុះពីគ្រប់ភាគីពាក់ព័ន្ធ លើកកម្ពស់សេដ្ឋកិច្ចជាតិ និងជីវភាពសហគមន៍តំបន់ការពារធម្មជាតិ ស្របនឹង​យុទ្ធសាស្ត្រចក្រាវិស័យបរិស្ថាន ដែលបានដាក់ចេញ​ផ្តោតលើសសរស្តម្ភ ចំនួន៣គឺ ភាពស្អាត ភាពបៃតង និងចីរភាព។ នេះបើយោងតាមសេចក្តីប្រកាសព័ត៌មាន របស់ក្រសួង​បរិស្ថាន នៅព្រឹកថ្ងៃទី១១ ខែវិច្ឆិកា ឆ្នាំ២០២៥ ។ វេទិកាកេសរកូលជាតិឆ្នាំនេះ នឹងតម្រូវឱ្យមានការប្រកួត​គំនូរ​កេសរកូលផងដែរ។ បេក្ខជន បេក្ខនារី អាចចូលរួម​ប្រកួតគំនូរកេសរកូលតាមលក្ខខណ្ឌដូចខាងក្រោម៖អាយុ៖ ចាប់ពី ១៨ ដល់ ៣៥ ឆ្នាំ…

(ភ្នំពេញ)៖ មន្រ្តីអ្នកនាំពាក្យក្រសួងសារធារណការ ឯកឧត្តម ផន រឹម បានលើកឡើងថា ឃើញជារឿយៗ បងប្អូនតាមបណ្តាញសង្គម Facebook ឬ តេឡេក្រាម ជាដើម បានថតរូបរថយន្តទំនើបធ្វើដំណើរតាមដងផ្លូវ ដាក់ចូល និងវែកញែក ពាក់ព័ន្ធផ្លាកលេខលំដាប់​តួអក្សរទាប ដែលពាក្យពេចន៍ខ្លះខុសក្រមសីលធម៌ ប្រាសចាកសេចក្តីថ្លៃថ្លូរ និងឈានដល់ការរិះគន់ ជេរប្រមាថម្ចាស់រថយន្តថែមទៀត។ នេះបើយោងតាម ឯកឧត្តម ផន រឹម រដ្ឋលេខាធិការ និង​ជា​មន្រ្តី​អ្នកនាំពាក្យក្រសួងសារធារណៈការ និងដឹក​ជញ្ជូន នៅលើបណ្តាញសង្គមផ្លូវការនៅថ្ងៃទី១១ ខែវិច្ឆិកា ឆ្នាំ២០២៥នេះ។ ឯកឧត្តម គូសបញ្ចាក់ថា ត្រង់ចំណុចនេះ ខ្ញុំចង់បញ្ជាក់​ប្រាប់​បងប្អូនជាទីស្រឡាញ់រាប់អានថា ផ្លាកលេខអ្វី​ក៏ដោយ ឲ្យតែស្របច្បាប់ អាចបំពាក់លើរថយន្តបាន ដោយមានតម្លៃផ្លូវច្បាប់ដូចគ្នា។ ពេលខ្លះម្ចាស់រថយន្ត​ស្រលាញ់លំដាប់អក្សរទាប ក៏ជាសេរីភាពស្របច្បាស់ នៃការជ្រើសរើសរបស់គាត់ ឲ្យតែផ្លាកលេខនោះមិន​ទាន់លក់ចេញបំពាក់លើរថយន្តដទៃ។ មុនរិះគន់ ជេរប្រមាថអ្នកដទៃ គួរឈ្វេងយល់ និងមាន​ប្រភព​ព័ត៌មានឲ្យបានច្បាស់លាស់៕ ដោយ៖ង៉ាន់ ទិត្យ

(រតនគិរី)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យមន្ត្រី​ទីស្នាក់​កា​រកណ្តាល និងសាខាកាកបាទក្រហមកម្ពុជា ខេត្ត​រតនគិរី ចុះសួរសុខទុក្ខ និងចែកអំណោយមនុស្សធម៌​ជូនដល់ប្រជាជនងាយរងគ្រោះបំផុតចំនួន ៨៥០គ្រួ​សារ ដែលរស់នៅក្នុង ៤សង្កាត់ នៃក្រុងបានលុង និង ៧ឃុំ នៃស្រុកអូរជុំ ខេត្តរតនគិរី នាថ្ងៃទី១០ ខែវិច្ឆិកា ឆ្នាំ២០២៥ ។ ឯកឧត្តម យូ ឡាណា អគ្គលេខាធិការរងទី២ កាកបាទ​ក្រហមកម្ពុជា បានពាំនាំប្រសាសសន៍ផ្តាំផ្ញើសាកសួរ​សុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងបានពាំនាំនូវសារ​អំពាវនាវពីសម្តេចកិត្តិព្រឹទ្ធបណ្ឌិត ជូនចំពោះបងប្អូន​ប្រជាជនងាយរងគ្រោះទាំងអស់ ជាពិសេសក្មួយៗ ដែលជាស្ត្រីមានផ្ទៃពោះ ស្ត្រីទើបសម្រាលកូនរួច ស្ត្រីដែលមានកូនតូច ត្រូវថែរក្សាអនាម័យឱ្យបានល្អ ហើយទៅពិនិត្យសុខភាពឱ្យបាន៤ដងយ៉ាងតិច ។ ជាពិសេសដែលមានកូនតូចៗនាំកូនទៅចាក់វ៉ាក់សាំងឱ្យបានគ្រប់ចំនួន ដើម្បីការពារសុខភាពកូនយើងផង និងដើម្បីក្លាយជាធនធានមនុស្សដ៏រឹងមាំដែលមានសុខភាពល្អផង។ ជាមួយគ្នានេះត្រូវប្រុងប្រយ័ត្នចំពោះជំងឺមិនឆ្លងចំនួន៤មុខ ជំងឺបេះដូងសរសៃឈាម ជំងឺទឹកនោមផ្អែម ជំងឺ​មហារីក និងជំងឺរលាកផ្លូវដង្ហើមរ៉ាំរៃ ដោយអនុវត្តតាម​សាររបស់ក្រសួងសុខាភិបាល តាមរយៈតិចស្ករ តិចអំបិល តិចខ្លាញ់ និងសូមចូលរួមហាត់ប្រាណ​ទាំងអស់​គ្នាឱ្យបានទៀងទាត់យ៉ាងតិចឱ្យបាន…

(ភ្នំពេញ)៖ មជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB) បានបង្ហាញ​ពីភាពជោគជ័យក្នុងការបង្កាត់ពូជសត្វក្ងោកដែលជាសត្វមួយដ៏កម្ររបស់ពិភពលោកនាពេលបច្ចុប្បន្ន។ ឆ្លងកាត់តាមរយៈការបង្កាត់ពូជកន្លងមក ហើយឈានដល់​ឆ្នាំ២០២៥នេះត្រូវបានបង្កាត់យ៉ាងជោគជ័យ ដោយកូនក្ងោកចំនួន ៧ក្បាល​ត្រូវ​បានញាស់ចេញពីមេរបស់វា។ ក្ងោក ជាប្រភេទសត្វជិតផុតពូជ (EN) លើពិភពលោក ក្នុងបញ្ជីក្រហម IUCN មានវត្តមានពេញមួយឆ្នាំនៅប្រទេសកម្ពុជាយើង ភាគច្រើនរស់នៅតាមតំបន់ ព្រៃល្បោះចម្រុះ តាមមាត់ទឹក ជាយព្រៃ ព្រៃឫស្សី ព្រៃស្រោង និងព្រៃពាក់​កណ្តាលស្រោង ។ សត្វប្រភេទនេះ វាមានបណ្តោយខ្លួនធំ ជើងវែង កវែង ស្លាប និង ខ្លួនពណ៌បៃតងភ្លឺ កំប៉ោយឈរត្រង់ មានកន្ទុយធំវែងមានដៅពណ៌លឿងលាយខៀវដូចភ្នែករាប់រយ សត្វញីស្រដៀងឈ្មោលដែរ តែពណ៌ស្រអាប់ជាង និងមានកន្ទុយខ្លី។ នៅរដូវ​បន្តពូជ សត្វឈ្មោលបើកកន្ទុយវែងដូចផ្លិត ដើម្បីទាក់ទាញសត្វញី ហើយវារក​ចំណីជាហ្វូង និងរស់នៅតាមដើមឈើខ្ពស់ៗ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះ បានឱ្យដឹងថា ”សត្វប្រភេទនេះបាន​បង្កាត់​ពូជ​ប្រកបដោយជោគជ័យអស់រយៈពេលជាច្រើនឆ្នាំមកហើយ ជាផ្នែក​មួយ​នៃកម្មវិធីរក្សាទុករបាយប្រជាសាស្ត្រដែលធានាកុំឱ្យវិនាសផុតពូជ។ ហើយនាពេល​ថ្មីៗនេះ ក្នុងឆ្នាំ២០២៥ ពួកវាបានបង្កាត់ពូជ និងញាស់កូនចំនួន ៧ ក្បាល​ប្រកប​ដោយ​ជោគជ័យផងដែរ”។ គួរបញ្ជាក់ថា ការធ្វើបច្ចុប្បន្នភាពចុងក្រោយរបស់អង្គការ IUCN នៅក្នុងឆ្នាំ២០១៨ ប្រភេទនេះនៅតែជាប្រភេទរងគ្រោះថ្នាក់ជិតផុតពូជដដែល។…