(ភ្នំពេញ)៖ ក្រុមបាល់ទាត់ពិធីករកីឡាកម្ពុជានឹងរៀបចំព្រឹត្តិការណ៍បរិច្ចាគឈាមទ្រង់ទ្រាយធំជាលើកទី៣ ក្រោមប្រធានបទ «យើងផ្ដល់ឈាម ផ្ដល់ក្ដីស្រលាញ់ សម្រាប់កម្ពុជា » ដែលគ្រោងនឹងរៀបចំនៅថ្ងៃទី១៤ និង១៥ ខែ វិច្ឆិកា ឆ្នាំ២០២៥ នៅវិមាននៃពហុកីឡដ្ឋានជាតិអូឡាំពិក ចាប់ពីម៉ោង៧:០.០នាទីព្រឹករហូតដល់ម៉ោង៥ល្ងាច ។ នេះបើយោងតាម ការបញ្ជាក់ លោក គុជ ឆៃយ៉ា អ្នកចាត់ការទូទៅក្រុម បាល់ទាត់ពិធីករកីឡាកម្ពុជា ថ្លែង ប្រាប់ទូរទស្សន៍AMS អប្សរា នាព្រឹកថ្ងៃទី៧ ខែ វិច្ឆិកា ឆ្នាំ២០២៥។ លោកថា កម្មវិធីបរិច្ចាគឈាមដែលផ្តួចផ្តើមដោយក្រុមបាល់ទាត់ពិធីករកីឡាកម្ពុជាដែលមានឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ជាប្រធានកិត្តិយស នឹងធ្វើឡើងរយៈពេល២ថ្ងៃ .ថ្ងៃទី១៤ដល់១៥ ខែ វិច្ឆិកា ឆ្នាំ២០២៥។ វាជាលើកទី៣ហើយ បន្ទាប់កម្មវិធីបរិច្ចាគឈាមធំៗ២លើកកន្លងមកទទួលបានជោគជ័យលើសការរំពឹងទុកទៅទៀត។ កម្មវិធីបរិច្ចាគឈាមនេះ ក្រោមប្រធានបទ«យើងផ្ដល់ឈាម ផ្ដល់ក្ដីស្រលាញ់ សម្រាប់កម្ពុជា គឺអនុញាតឱ្យសាធារណៈជនគ្រប់ស្រទាប់វណ្ណៈចូលរួមបរិច្ចាគឈាម ដោយសេរី គឺគោលដៅយកឈាមដែលទទួលបានពីការបរិច្ចាគមនុស្សធម៌ទាំងអស់យកទៅជួយដល់ជនរងគ្រោះដែលត្រូវការឈាមដើម្បីជួយសង្រ្គោះអាយុជីវិត។ អ្នកចាត់ការទូទៅក្រុម បាល់ទាត់ពិធីករកីឡាកម្ពុជា បានរំលេចទៀតថា ក្រៅពីកម្មវិធីបរិច្ចាគឈាម នៅល្ងាចថ្ងៃទី១៥ ខែវិច្ឆិកា…

(កំពង់ស្ពឺ)៖ តាមរយៈការប្រកបមុខរបរបន្ទាប់បន្សំ គឺការតម្បាញរំពាក់ ធ្វើបង្គី កញ្ជើ ល្អី និងរបស់ប្រើប្រាស់ផ្សេងៗទៀតដែលជាសម្ភារៈប្រើប្រាស់របស់ដូនតាខ្មែរបានជួយ ក្នុង ការរកចំណូលរបស់ ប្រជាកសិករ តាមភូមិមួយចំនួនដែលឆ្លៀតពេលទំនេរពីការប្រកបរបរធ្វើស្រែចំការ។ បច្ចុប្បន្នប្រជាកសិករបានបោះបង់មុខរបរ នេះស្ទើរអស់ហើយ ដោយពុំមានអ្នកណាទៅបោចរពាក់ និងអ្នកត្បាញរពាក់ ធ្វើបង្គី កញ្ឆើទៀតឡើយ។ក្នុងគ្រួសារនីមួយៗគេបានទៅចាប់ មុខរបរលក់ដូរ ឬ ទៅធ្វើការនានា ហើយមួយចំនួនធំមិនបាននឹងនា ឬប្រកាន់យករបរនេះទៀតឡើយ។ ផ្ទុយពីប្រជាកសិករដទៃទៀត លោក ឈួង ចាន់នី រស់នៅភូមិ ដំបូក ស ឃុំ ក្សេមក្សាន្ត ស្រុក ឧដុង្គ ខេត្តកំពង់ស្ពឺ ដែលបានប្រកាន់យកមុខរបរត្បាញសម្ភារៈប្រើប្រាស់បុរាណខ្មែរនេះដើម្បីលក់នៅតាមស្រុកភូមិរបស់ខ្លួន។ក្នុងការប្រកបរបរនេះទើបតែរយៈពេលមិនដល់មួយឆ្នាំផងទេ តែសម្ភារៈរបស់លោកដែលធ្វើបានតែងលក់អស់ៗដោយអ្នកភូមិ ឬអ្នកធ្វើដំណើរតាមផ្លូវគេតែងចុះទិញយកទៅប្រើប្រាស់ជាបន្តបន្ទាប់។ ក្នុងវ័យ ៣៩ឆ្នាំ ដែលបានរៀនចេះចាំយ៉ាងស្ទាត់ពីការត្បាញសម្ភារៈដូនតាខ្មែរជាមួយសាច់ញាតិបងប្អូនតាំងតែពីវ័យក្មេងៗមកនោះ លោក ឈួន ចាន់នី បានប្រាប់ថា លោកទើបតែសម្រេចចិត្តចាប់ផ្តើមត្បាញសម្ភារៈប្រើប្រាស់បុរាណខ្មែរយើងនេះទេ ដែលជាការងារទំនេរពីធ្វើស្រែចំការ។សម្ភារៈដែលលោកត្បាញបានលក់អស់ៗមិនសូវសល់ទេពោលគឺបងប្អូនខ្មែរយើងគាំទ្រច្រើន។ បើតាមបុរសអ្នកត្បាញសម្ភារៈប្រើប្រាស់បុរាណខ្មែរសម្រាប់លក់រូបនេះបានប្រាប់ថាសម្ភារៈដែលធ្វើពី ដើមរពាក់នេះលោក ធ្វើបានមាន មួក ឈ្នាង បង្គី កញ្ជើ ជាដើម។សម្រាប់បង្គីលោកធ្វើធំល្អ តម្លៃមួយ១០០០០រៀល…

កំពង់ធំ៖ លោក ហាក់ ម៉ុងហួត អភិបាលស្រុកតាំងគោក កាលពីថ្ងៃទី២ ខែវិច្ឆិកា ឆ្នាំ២០២៥ និងក្រុមការងារចុះពិនិត្យសកម្មភាពចិញ្ចឹមកណ្ដូបរបស់ប្រជាកសិករចំនួន ៥៣ គ្រួសារ នៅក្នុងភូមិទោង ឃុំស្រឡៅ ស្រុកតាំងគោក ខេត្តកំពង់ធំ។ ការចុះពិនិត្យនេះក្នុងគោលបំណងជំរុញនិងធានាដល់ដំណើរការចិញ្ចឹម ក៏ដូចជាជួយពង្រឹងទីផ្សារ ដើម្បីឱ្យប្រជាពលរដ្ឋអាចរកចំណូលបន្ថែមពីលើមុខរបរធ្វើស្រែចម្ការប្រចាំថ្ងៃរបស់ពួកគាត់។ ប្រជាកសិករទាំង ៥៣ គ្រួសារនេះ បានងាកមកចាប់យកមុខរបរចិញ្ចឹមកណ្ដូបជាមុខរបរបន្ទាប់បន្សំ ដោយបានសាងសង់ទ្រុងចិញ្ចឹមរហូតដល់ជិត ១០០ ទ្រុង។តាមការបញ្ជាក់ពីប្រជាពលរដ្ឋចិញ្ចឹមកណ្ដូបឳ្យដឹងថា ពួកគាត់អាចរកប្រាក់ចំណូលបានយ៉ាងតិចចន្លោះពី ១ លានរៀល ទៅ ១,៥លានរៀល ក្នុងមួយខែ ។ ចំណែកលោក សែម ចាន់ធី ជាកសិករចិញ្ចឹមកណ្ដូប និងជាឈ្មួញកណ្ដាលផងនោះ បាននិយាយថា ការចិញ្ចឹមកណ្ដូបមិនមានភាពលំបាកទេ ហើយមានទីផ្សារល្អ។កណ្ដូបដែលចិញ្ចឹមតាមបែបធម្មជាតិ អាចលក់ចេញក្នុងតម្លៃចន្លោះពី ២០.០០០ រៀល ទៅ ២៥.០០០ រៀល ក្នុងមួយគីឡូក្រាម។ លោកអាចប្រមូលទិញពីប្រជាពលរដ្ឋប្រមាណ ៥០ គីឡូក្រាម ទៅ ១០០ គីឡូក្រាម ក្នុងមួយថ្ងៃ ហើយបន្តលក់ទៅឱ្យឈ្មួញនៅរាជធានីភ្នំពេញ…

កំពង់ធំ ៖ ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ តំណាងគណៈកម្មាធិការសមាគមអតីតយុទ្ធជន និងនិវត្តន៍ជនកម្ពុជា ខេត្តកំពង់ធំ និងលោក វណ្ណៈ សោភានិត អភិបាលស្រុក ប្រធានសមាគមអតីតយុទ្ធជន និងនិវត្តន៍ជនកម្ពុជា ស្រុកប្រាសាទបល្ល័ង្ក បានអញ្ជើញប្រគល់ផ្ទះថ្មី មួយខ្នងជូនគ្រូសារអតីតយុទ្ធជនពលី ដែលកន្លងមកមានដី តែមានជម្រករស់នៅមិនសមរម្យ នៅភូមិថ្នល់ ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ កាលព្រឹកថ្ងៃទី៣ ខែវិច្ឆិកា ឆ្នាំ២០២៥ ។ ស្រ្តីឈ្មោះ គល់ វួន អាយុ ៦៦ ឆ្នាំ មានកូន និងចៅចំនួន ៥នាក់ នៅក្នុងបន្ទុក បានឳ្យដឹងថា ស្វាមីលោកស្រីឈ្មោះ រិទ្ធ រឿន ចូលបម្រើការនៅអង្គភាពយោធាស្រុកកំពង់ស្វាយ ខេត្តកំពង់ធំ បានពលីនៅក្នុងសមរភូមិនិពេជ ស្រុកកំពង់ស្វាយខេត្តកំពង់ធំ ។បច្ចុប្បន្នរស់នៅផ្ទះតូចចង្អៀត ដោយប្រកបរបរលក់ឱសថបុរាណបន្តិចបន្តួច ។រីឯកូនស៊ីឈ្នួលនៅខេត្តព្រះវិហារ ដើម្បីដោះស្រាយជីវភាពប្រចាំថ្ងៃ ។ លោក វណ្ណៈ សោភានិត…

កែប៖ “ភាពស្អាត បៃតង និងចីរភាព” គឺជាយុទ្ធសាស្ត្រសំខាន់មួយរបស់ក្រសួងបរិស្ថាន ដែលមានគោលបំណងលើកកម្ពស់ការគាំពារធនធានធម្មជាតិ និងការអភិវឌ្ឍប្រកបដោយអព្យាក្រឹត្យកាបូន នៅឆ្នាំ២០៥០ ។នេះជាការបញ្ជាក់របស់ ឯកឧត្តម សាបូ អូហ្សាណូ រដ្ឋលេខាធិការក្រសួងបរិស្ថានក្នុងពិធីអបអរសាទរ ទិវាអនាម័យបរិស្ថានជាតិ ២៣ វិច្ឆិកា ឆ្នាំ២០២៥ និងបើកយុទ្ធនាការ “សម្អាតអនាម័យបរិស្ថាន ព្រមទាំងចែកធុងសំរាម” កាលពីព្រឹកថ្ងៃទី៣ ខែវិច្ឆិកា ឆ្នាំ២០២៥ នាសាលាខេត្តកែប ។ពិធីនេះក៏បានការចូលរួមពីលោកស្រី អ៊ុល ភីរុណ អភិបាលខេត្តស្តីទី ផងដែរ។ ឯកឧត្តម សាបូ អូហ្សាណូ បានបន្តថា ភាពស្អាតរបស់បរិស្ថានមិនមែន ជាការទទួលខុសត្រូវរបស់មនុស្សតែម្នាក់ឬអង្គភាពតែមួយទេ ប៉ុន្តែវាជាការចាប់ផ្តើមពីយើងទាំងអស់គ្នា ហើយ ប្រសិនបើយើងម្នាក់ៗចាប់ផ្តើមពីការរក្សាអនាម័យតូចៗក្នុងជីវិតប្រចាំថ្ងៃ នោះកែបនឹងក្លាយជាទីក្រុងស្អាត និងបៃតងជារៀងរហូត។” លោកស្រី អ៊ុល ភីរុណ អភិបាលខេត្តស្តីទីមានប្រសាសន៍ដែរថា ខេត្តកែបជាខេត្តទេសចរណ៍មួយក្នុងចំណោមរាជធានីខេត្តទាំង២៥ គឺជាខេត្តទទួលបានផ្ការំដួល៣ទង ។ក្នុងឱកាសនេះដែរ ក្រសួងបរិស្ថានបានប្រគល់ធុងសំរាមចំនួន ១៥៤ ធុង ដល់សាលារៀន វត្តអារាម មន្ទីរពេទ្យ បណ្ឌលសុខភាព សាលាឃុំ សង្កាត់ទូទាំងខេត្ត…

ព្រះវិហារ៖ អភិបាលខេត្តព្រះវិហារឯកឧត្តម គីម រិទ្ធី ,សមាជិកក្រុមប្រឹក្សាខេត្ត ឯកឧត្តម ខូយ ឃុនហ៊ តំណាងឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ បានដឹកនាំមន្ត្រីរាជការគ្រប់លំដាប់ថ្នាក់ សាលាដំបូងខេត្ត មន្ទីរ អង្គភាព កងកម្លាំងទាំង៣ រដ្ឋបាលក្រុង/ស្រុកទាំង៨ អតីតយុទ្ធជន និវត្តន៍ជន លោកគ្រូ អ្នកគ្រូ សិស្សានុសិស្ស យុវជនកាយរឹទ្ធិ និងយុវជនកាកបាទក្រហមកម្ពុជា នាថ្ងៃទី៣ ខែវិច្ឆិកា ឆ្នាំ២០២៥ នៅស្តូបវិមានឯករាជ្យ មក្រុងព្រះវិហារ ប្រារព្ធខួបអនុស្សាវរីយ៍លើកទី៧២ នៃទិវាបុណ្យឯករាជ្យជាតិ«៩ វិច្ឆិកា១៩៥៣-៩ វិច្ឆិកា២០២៥» និងព្រះរាជពិធីគ្រងព្រះបរមរាជសម្បត្តិ ខួបលើកទី២១ ព្រះវស្សារបស់ ព្រះករុណា ព្រះបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ។នៅក្នុងឱកាសនោះ អភិបាលខេត្តរំលឹកពីព្រឹត្តិការណ៍ដ៏មានសារសំខាន់ទាំងពីរនេះ។អង្គពិធីបានគោរពព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋ និងលែងសត្វព្រាប និងបង្ហោះប៉ោងប៉ោង ផងដែរ៕ ដោយ:ឡុង សំបូរ

សៀមរាប៖ វត្តសុវណ្ណសាគរ ហៅវត្តកោះខ្សាច់ ស្ថិតនៅមាត់បឹងទន្លេសាបនៃសង្កាត់ចុងឃ្នៀស ក្រុងសៀមរាប ខេត្តសៀមរាបបានទទួលបានកឋិនទានមហាសាមគ្គីជាមួយបច្ច័យជាង ៥៦ លានរៀល កាលពីរសៀលថ្ងៃទី៣ ខែវិច្ឆិកា ឆ្នាំ២០២៥។ អង្គកឋិនទាននេះរៀបចំឡើងដោយការមូលមតិគ្នាជាឯកច្ឆន្ទពីសំណាក់គណៈកម្មការ អាចារ្យ និងពុទ្ធបរិស័ទចំណុះជើងវត្ត ព្រមទាំងពុទ្ធបរិស័ទជិតឆ្ងាយ ។ ព្រះគ្រូបញ្ញាវិសុទ្ធីរង្សី អក្កធម្មោ ម៉ៃ ភីរុណ ព្រះចៅអធិការវត្តកោះខ្សាច់ មានសង្ឃដីការក្រោយបញ្ចប់ពិធីថា ថវិកាបរិវារកឋិនទានសរុបជាង ៥៦លានរៀលនេះ នឹងត្រូវបែងចែកមួយចំនួនតូចសម្រាប់ផ្គត់ផ្គង់ចតុបច្ច័យ និងចង្ហាន់ប្រចាំថ្ងៃព្រះសង្ឃ។ ចំណែកឯ ថវិកាភាគច្រើន នឹងត្រូវយកទៅប្រើប្រាស់ក្នុងការជួសជុលផ្លូវបេតុង ដែលមានប្រវែងជាង៣ គីឡូម៉ែត្រមចាប់ពីចំណុចកន្ធាយគម រហូតដល់វត្ត។ ផ្លូវបេតុងនេះ បានសាងសង់យូរឆ្នាំមកហើយ ហើយបានរងការ ស្រុត និងខូចខាតជាច្រើនកន្លែង ជាពិសេសដោយសារតំបន់នេះស្ថិតនៅជាប់នឹងបឹងទន្លេសាប ហើយមានទឹកដក់យូរខែទម្រាំដល់រដូវសម្រកទៅវិញ។ ព្រះតេជគុណ ម៉ៃ ភីរុណ ក៏បានឆ្លៀតឱកាសអំពាវនាវដល់សប្បុរសជនជិតឆ្ងាយទាំងអស់ សូមមេត្តាជួយបរិច្ចាគធនធាន ថវិកា ឬសម្ភារៈទៅតាមលទ្ធភាព ដើម្បីឱ្យផ្លូវនេះអាចជួសជុលបានល្អឡើងវិញ សម្រួលដល់ការធ្វើដំណើររបស់ញាតិញោមក្នុងការទៅបំពេញបុណ្យ និងប្រកបមុខរបរផ្សេងៗ៕ ដោយ :ប៊ុន រដ្ឋា

(ភ្នំពេញ)៖ អគារសាលាពុទ្ធិកបឋមសិក្សា ហ៊ុន ម៉ានី វត្តព្រៃច្រាប ក្រោមគំនិតផ្តូចផ្តើមកសាងដោយ ឯកឧត្តម ហ៊ុន ម៉ានី ដឹកនាំកសាងដោយ ឯកឧត្តម លី ច័ន្តតុលា និងលោកជំទាវ ឈីវ ភីរម្យ ដោយចំណាយអស់ថវិកា ចំនួន ៤៩,០៣៤.៩៦ ដុល្លារអាមេរិក ដើម្បីបម្រើដល់ការអប់រំតាមបែបព្រះពុទ្ធសាសនា ត្រូវដាក់សម្ពោធឱ្យប្រើប្រាស់ជាផ្លូវការ កាលពីថ្ងៃទី៣ ខែវិច្ឆិកា ឆ្នាំ២០២៥ ស្ថិតនៅក្នុងបរិវេនវត្តព្រៃច្រាប សង្កាត់វាលពង់ ក្រុងឧដុង្កម៉ែជ័យ ខេត្តកំពង់ស្ពឺ ក្រោមអធិបតីភាព ឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ និងលោកជំទាវ ឈីវ ភីរម្យ និងដោយមានការអញ្ជើញចូលរួមពី ឯកឧត្តមបណ្ឌិត ជាម ច័ន្ទ សោភ័ណ អភិបាល នៃគណៈអភិបាលខេត្តកំពង់ស្ពឺ ក្រុមការងារចុះមូលដ្ឋាន សង្កាត់វាលពង់ អាជ្ញាធរមូលដ្ឋាន ព្រះសង្ឃ…

(ប្រទេសសិង្ហបុរី)៖ ឯកឧត្តម សំ សិទ្ធិសិរី អគ្គនាយកនៃអគ្គនាយកដ្ឋានបច្ចេកវិទ្យា គមនាគមន៍និងព័ត៌មាន នៃក្រសួងប្រៃសណីយ៍និងទូរគមនាគមន៍ កាលពីថ្ងៃទី២៨ ខែតុលា ឆ្នាំ២០២៥ បានដឹកនាំក្រុមធុរកិច្ចថ្មីឌីជីថលចំនួន ៨ ក្រុមដែលត្រូវបានជ្រើសរើសចេញពីកម្មវិធី Plug and Play Cambodia Accelerator batch 1 ដើម្បីចូលរួមកម្មវិធី APAC Summit 2025 ដែលរៀបចំដោយ Plug and Play Asia Pacific នៅប្រទេសសិង្ហបុរី។ កម្មវិធីនេះមានការចូលរួមពីបណ្ដាក្រុមធុរកិច្ចថ្មីល្អៗជាង ៥០ ក្រុមមកពីប្រទេសផ្សេងៗក្នុងតំបន់អាស៊ីប៉ាសុីហ្វិក និងបានទាក់ទាញការចូលរួមពីអ្នកវិនិយោគ និងសហគមន៍ធុរកិច្ចថ្មីឌីជីថល ក្រុមហ៊ុនបច្ចេកវិទ្យាឌីជីថលអន្តរជាតិប្រហែល ៧០០នាក់។ កម្មវិធីនេះគឺជាវេទិកាដ៏សំខាន់មួយ ដែលផ្តល់ឱកាសដល់ធុរកិច្ចថ្មីឌីជីថលកម្ពុជាបានធ្វើបទបង្ហាញ (Pitching) ណែនាំពីផលិតផលឬសេវាកម្ម, សមត្ថភាពនវានុវត្ត, តម្រូវការវិនិយោគរបស់ខ្លួនទៅកាន់អ្នកវិនិយោគ ដើម្បីអាចពង្រីកខ្លួនទៅកាន់ថ្នាក់តំបន់ និងអន្ដរជាតិឱ្យកាន់តែទូលំទូលាយ។ ការចូលរួមរបស់ក្រុមធុរកិច្ចថ្មីឌីជីថលកម្ពុជានៅក្នុងកម្មវិធី APAC Summit មិនត្រឹមតែបង្ហាញពីសមត្ថភាពនៃសហគ្រិនកម្ពុជានៅលើវេទិកាអន្តរជាតិទេ ប៉ុន្តែថែមទាំងជាផ្នែកមួយយ៉ាងសំខាន់នៃការអភិវឌ្ឍប្រព័ន្ធអេកូឡូស៊ីធុរកិច្ចថ្មីឌីជីថលរបស់កម្ពុជា ដែលក្រសួងកំពុងពង្រឹងជាបន្តបន្ទាប់។ ក្រសួងប្រៃសណីយ៍និងទូរគមនាគមន៍ សូមជូនពរដល់ក្រុមធុរកិច្ចថ្មីទាំង ៨…