តាកែវ៖រដ្ឋបាលខេត្តតាកែវមានគម្រោងសាងសង់ប្រាសាទតម្លៃជាង​ពីរ​លានដុល្លារអាមេរិកស្ថិតនៅចំកណ្ដាលផ្ទៃបឹងតាកែវ នៃទីរួមខេត្តតាកែវ​ដើម្បី​ទុកជាទីសកា្ករៈគោរពបូជា និងសម្រាប់ទាក់ទាញភ្ញៀវទេសចរ។ តាមពិតទៅកណ្ដាលបឹងតាកែវ​ដែលជាបេះដូងនៃខេត្តនិរតីប្រទេស​មួយនេះ កន្លងទៅប្រមាណកន្លះសតវត្សរ៍មុននេះធ្លាប់មានប្រាសាទ​មួយរួចមកហើយតែត្រូវបានខូចខាតដោយសង្រ្គាម។ ផែនការសង់ប្រាសាទឡើងវិញនេះ ត្រូវបានលើកយកបង្ហាញក្នុង​កិច្ចប្រជុំគណៈកម្មការគ្រប់គ្រងដីរដ្ឋថ្នាក់ខេត្ត នៅសាល​ប្រជុំសាលាខេត្ត​កាលពីព្រឹកថ្ងៃទី១០ ខែកុម្ភៈ ឆ្នាំ២០២៥ ។ឯកឧត្តម វ៉ី សំណាង អភិបាលខេត្តតាកែវ និងមន្រ្តីជំនាញបាន​ពិភាក្សាគ្នានិងឱ្យសិក្សា​លើគម្រោងសាងសង់ប្រាសាទមស្ថិតនៅចំកណ្ដាលផ្ទៃបឹងតាកែវ ។ គម្រោងសាងសង់ប្រាសាទនៅកណ្ដាលផ្ទៃបឹងតាកែវ គ្រោងនឹង​ចំណាយ​ប្រមាណជាង ២លានដុល្លារ ។ឯកឧត្តម​អភិបាលខេត្តតាកែវបញ្ជាក់ថា ការចំណាយមិនប្រើប្រាស់ថវិកាជាតិទេ ។តែជាថវិកាដែល​បានមកពីការ​ចូលរួម​របស់​សប្បុរសជនជិតឆ្ងាយក្នុង និងក្រៅប្រទេស ។គោលបំណង​នៃ​​ការកសាងប្រាសាទនេះ គឺដើម្បីទុកជាទីសកា្ករៈគោរពបូជា និងបម្រើ​ឱ្យវិស័យទេសចរណ៍ផងដែរ។លើសពីនេះទុកជាកេរ្ដិ៍ដំណែលសម្រាប់កូន​ចៅ​ជំនាន់ក្រោយ។ បើតាមឯកឧត្តម វ៉ី សំណាង ក្រៅតែពីគម្រោងសង់ប្រាសាទនៅ​កណ្ដាលបឹង រដ្ឋបាល​ខេត្ត​នឹងរៀបចំផ្លូវក្រវាត់​បឹងតាកែវ អមដោយ​សួនច្បារ និងដើមឈើអមសងខាងផ្លូវ ដែលមានប្រវែងប្រមាណ​ជាង១០គីឡួម៉ែត្រ សម្រាប់ធ្វើជាទីលំហែ និងហាត់ប្រាណផងដែរ៕ដោយ៖តាកែវ

(ភ្នំពេញ)៖អាជ្ញាធរជាតិអប្សរាបានធ្វើការច្រានចោលអំពីការចោទប្រកាន់ថាដែលថា កន្លងមកនេះអាជ្ញាធរជាតិអប្សរាបានរំលោភលើដីឯកជនរបស់ប្រជាពលរដ្ឋ ហើយថានេះខុសពីការពិតទាំងស្រុង។ តាមរយៈទំព័រហ្វេសប៊ុកនៅថ្ងៃទី១១ ខែ កុម្ភៈ ឆ្នាំ២០២៥នេះ អាជ្ញាធរ ជាតិអប្សរា បានលើកឡើងថា”អាជ្ញាធរជាតិអប្សរាសូមច្រានចោលការផ្សាយព័ត៌មានមិនពិតអំពីការផ្សាយនៅលើទំព័របណ្ដាញសង្គមហ្វេសប៊ុកបានរំលោភលើដីឯកជនរបស់ប្រជាពលរដ្ឋ”។ អាជ្ញាធរជាតិអប្សរាបានលើកឡើងទាក់ទិនក្នុងរឿងនេះដែរថា ៖ដោយតាមពិត សកម្មភាពនេះបានកើតឡើងនៅថ្ងៃទី១៨ ខែវិច្ឆិកា ឆ្នាំ២០២៤ នៅពេលក្រុមការងាររបស់អាជ្ញាធរជាតិអប្សរា ចុះទប់ស្កាត់សកម្មភាពរបស់ប្រជាពលរដ្ឋរំលោកលើក្បាលដីរដ្ឋលេខ ៧៣៨ ដែលគ្រប់គ្រងដោយអាជ្ញាធរជាតិអប្សរា”។ ជាមួយគ្នានេះអាជ្ញាធរជាតិអប្សរា បានស្នើឱ្យបញ្ឈប់ការផ្សាយព័ត៌មានដែលមិនមែនជាការពិតទាំងនេះ ដែលអាចនាំឱ្យមានការយល់ច្រឡំ និងបង្កបញ្ហានៅក្នុងសង្គម៕ ដោយ ៖ ម៉ាដេប៉ូ

កំពត៖ព្រឹកថ្ងៃទី១០ ខែកុម្ភៈ ឆ្នាំ២០២៥ ជាថ្ងៃបើកទទួលពាក្យស្នើសុំ​ការដោះស្រាយដំបូងរវាងប្រជាពលរដ្ឋ​ពាក់ព័ន្ធ​នឹង​ក្រុមហ៊ុន ជា សារ៉ន ។ទន្ទឹមនឹងការចាប់ផ្តើមនេះ ឯកឧត្តម ម៉ៅ ធនិន អភិបាលខេត្តកំពត បានជួបជាមួយប្រជាពលរដ្ឋដែលរងគ្រោះ និងបង្ហាញនូវ​យន្តការ​ការ​ដោះស្រាយជំហានទី១ ដល់ប្រជាពលរដ្ឋ។នៅថ្ងៃដដែលនា​សាល​មហាជន សាលាខេត្តកំពត មានប្រជាពលរដ្ឋជាង ២ពាន់នាក់​បាន​មកដាក់ពាក្យស្នើសុំទទួលយកតាមដំណោះស្រាយ​របស់អាជ្ញាធរ​ខេត្ត។ ថ្លែងទៅកាន់ប្រជាពលរដ្ឋនាឱកាសនេះឯកឧត្តម ម៉ៅ ធនិន អភិបាល​ខេត្តកំពត បានលើកឡើងថា នៅខេត្តកំពតមាន​ប្រជាពលរដ្ឋជាច្រើន​គ្រួសារ​បានរងគ្រោះដោយសារការភូតកុហកពីសំណាក់ក្រុមហ៊ុន ជា សារ៉ន ។ក្នុងរឿងនេះសម្តេច​មហាបវរធិបតី ហ៊ុន ម៉ាណែត នាយករដ្ឋមន្រ្តី​បានគិតគូរជានិច្ច និងចង្អុលការដល់ក្រសួងយុត្តិធម៌​ឱ្យធ្វើការ​ស្រាវជ្រាវ រហូតឈានដល់ដាក់ចេញនូវយន្តការដោះស្រាយជំហានទី១នេះ។ ឯកឧត្តមអភិបាលខេត្តបានបន្តថា សម្រាប់យន្តការ​ជំហានទី១នេះ គឺសំដៅទៅលើបងប្អូនប្រជាពលរដ្ឋដែលបានទិញដីបង់លុយរួច ទិញតូបបង់លុយរួច ត្រូវធ្វើសំណើ និងសុំកាត់ប្លង់កម្មសិទ្ធិជូន ។ចំពោះអ្នកមិនទាន់បង់គ្រប់បន្តការបង់លុយចូលគណនីសាលាដំបូងខេត្តកំពត។ ឯកឧត្តមអភិបាលខេត្តបានពន្យល់ប្រជាពលរដ្ឋថា មុនថ្ងៃនៃការទទួល​ពាក្យស្នើសុំការដោះស្រាយពីប្រជាពលរដ្ឋ ក៏មាន​ជនឆ្លៀតឱកាសមួយ​ចំនួន​បានផ្សព្វផ្សាយព័ត៌មានមិនពិតពាក់ព័ន្ធនឹងយន្តការដោះស្រាយនេះ ដែលធ្វើឱ្យបងប្អូនប្រជា​ពលរដ្ឋមួយចំនួនមានភាពមិនច្បាស់លាស់ ។ដូច្នេះឯកឧត្តម​ស្នើដល់ប្រជាពលរដ្ឋទាំងអស់ត្រូវមកសាលាខេត្តជួប​ក្រុម​ការងារដោយផ្ទាល់ ដើម្បីទទួលបានព័ត៌មានច្បាស់លាស់និង​ពិត​ប្រាកដ។ ប្រជាពលរដ្ឋដែលបានមកដាក់ពាក្យពាក្យស្នើសុំទទួលយកដំណោះស្រាយពីអាជ្ញាធរខេត្តកំពត ក៏បានសំដែង​ក្តីសប្បាយ​រីករាយ និងថ្លែងអំណរ​គុណដល់ប្រមុខរាជរដ្ឋាភិបាលដែលបានយកចិត្តទុកដាក់ និងគិតគូរ​រកដំណោះស្រាយជូន​ពួក​គាត់។ ទន្ទឹមនឹងនោះពួកគាត់ក៏ថ្លែងអំណរ​គុណដល់ឯកឧត្តម ម៉ៅ ធនិន អភិបាលខេត្តកំពត ដែលបានយក​ចិត្តទុកដាក់​ចំពោះ​ប្រជាពលរដ្ឋក្នុងខេត្តដែលទទួលរងគ្រោះដោយ​សារក្រុមហ៊ុន ជា សារ៉ន…

ភ្នំពេញ៖ក្នុងដំណើរបំពេញបេសកកម្មនៅលើទឹកដីនៃខេត្តស្ទឹងត្រែង លោក​ជំទាវ ពុំ ចន្ទីនី អគ្គលេខាធិការ កាកបាទ​ក្រហម​កម្ពុជា បានដឹកនាំក្រុម​ការងារអញ្ជើញចុះសួរសុខទុក្ខ និងនាំយក អំណោយមនុស្សធម៌របស់ សម្តេចកិត្តិព្រឹត្តិបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ចែកជូនក្រុមគ្រួសារក្រីក្រ ជនចាស់ជរាឥតទីពឹង ស្រ្តីមេម៉ាយកូនច្រើន និងអ្នកផ្ទុក​មេរោគអេដស៍ ដល់ផ្ទះចំនួន២១គ្រួសារ ស្ថិតក្នុងខេត្តក្រចេះ និងខេត្តស្ទឹងត្រែង។ ក្នុងជំនួបសំណេះសំណាលផ្ទាល់ដោយភាពស្និទ្ធស្នាល និងកក់ក្តៅ លោកជំទាវ ពុំ ចន្ទីនី បានមានប្រសាសន៍ថា ដោយ​មើល​ឃើញពីជីវភាពខ្វះខាតខ្លាំង របស់បងប្អូន ទើបលោកជំទាវនាំយកអង្ករ មី ត្រីខ ឃីត និងថវិកាមួយចំនួន ប្រគល់ជូន​ដោយផ្ទាល់ដៃតែម្តង ដើម្បីជួយសម្រួលការលំបាកដល់ជនដែល​ងាយរងគ្រោះបំផុត ។ជាមួយក្តីអាណិតអាសូរ​លោកជំទាវ​បានរំលឹក​ដល់​ប្រជាពលរដ្ឋទាំង២១គ្រួសារសូមរស់នៅដោយមានអនាម័យ តាមរយៈការហូប​ស្អាត ផឹកស្អាត។ សម្រាក​ត្រូវដាក់មុងជានិច្ច ចៀសវាងនូវជំងឺគ្រុនឈាម ។ ដោយមើលឃើញនៅតាមផ្ទះក្រុមគ្រួសារខាងលើ សុទ្ធតែមានពំនូកភ្លើង និងដុតដបប្លាស្ទិក លោកជំទាវបានណែនាំ កុំឱ្យ​ដុតរបស់អស់ទាំងនេះ ព្រោះវានាំឱ្យប៉ះពាល់ដល់សុខភាពផ្លូវដង្ហើមឆ្ងន់ធ្ងរ ជាពិសេសអ្នកដែល​មានជំងឺសួតរុំារ៉ៃ។ គ្រួសារទាំងអស់ដែលបានទទួលអំណោយ បានថ្លែងអំណរគុណយ៉ាង​ជ្រាលជ្រៅបំផុតចំពោះ កាកបាទក្រហមកម្ពុជា ជាពិសេសសម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន…

កំពត៖ ប្រធានសហគមន៍នេសាទត្រពាំងសង្កែ ស្រុកទឹកឈូ ខេត្តកំពត លោក ស៊ឹម ហីម និងប្រជាសហគមន៍ បានបង្ហាញនូវទឹកចិត្តសប្បាយរីករាយ ដោយសារប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដោយមានការសម្របសម្រួលពីឯកឧត្តមម៉ៅ ធនិន អភិបាលខេត្តកំពត បានផ្តល់ផ្លូវបេតុង ចំណតរថយន្ត និងសមិទ្ធផលនានាដើម្បីជំរុញវិស័យទេសចរណ៍នៅសហគមន៍ ។ អាន៖លោក ស៊ឹម ហីម ប្រធានសហគមន៍នេសាទត្រពាំងសង្កែ ស្រុកទឹកឈូ ខេត្តកំពត ក្នុងនាមសហគមនួ៍ដែលទទួលបានការជួយបង្កើតឱកាស និងជំរុញពីក្រុមការងាររាជរដ្ឋាភិបាលចុះមូលដ្ឋានខេត្តកំពត ឯកឧត្តម សាយ សំអាល់ ឧបនាយក​រដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ការ បានលើកឡើងថា កាដូ ដែលផ្តល់ដល់​សហគមន៍នា​ពេលនេះ មានតម្លៃខ្លាំងណាស់ ។ជាការជួយលើកកម្ពស់​ជីវភាពប្រជាពលរដ្ឋតាមរយៈការបង្កើតនិងបង្កើន​ចំណូលដល់​ប្រជាពលរដ្ឋនៅមូលដ្ឋាន។ លោកប្រធានសហគមន៍នេសាទត្រពាំងសង្កែ បានបន្តថា គម្រោងមួយនេះនឹងជួយបង្កើនសេដ្ឋកិច្ចគ្រួសារប្រជានេសាទ ព្រោះវាជាដើមទុនមិនចេះរីងស្ងួត  សម្រាប់ឱ្យប្រជានេសាទអាចបង្កើតមុខរបរបន្ថែមនិងទទួលបានប្រាក់ចំណូលប្រចាំថ្ងៃ។ ភ្ញៀវទេសចរមកពីខេត្តតាកែវដែលបានធ្វើដំណើរកម្សាន្ត បានបង្ហាញនូវការយល់ឃើញចំពោះ​ការអភិវឌ្ឍនៅ សហគមន៍​អេកូទេសចរណ៍ធម្មជាតិត្រពាំងសង្កែ បើមានការជួយបន្ថែមទៀតនៅទីនេះ គឺកាន់តែល្អប្រសើរ និងកាន់តែទាក់ទាញ។…