(ពោធិ៍សាត់)៖ តំបន់ការពារធម្មជាតិ មិនត្រឹមតែជាជម្រកដ៏សុខ​សាន្ត សម្រាប់ធនធានព្រៃឈើ និងសត្វព្រៃនោះទេ ក៏មានសក្តា​នុពលតំបន់ទេសចរណ៍ធម្មជាតិ ដែលសម្រាប់ការលំហែបៃតង។ នៅក្នុងភូមិសាស្រ្តខេត្តពោធិ៍សាត់ បានបង្កប់នូវតំបន់សក្តា​នុពល​ទេសចរណ៍ សម្រាប់គោលដៅលំហែបៃតង ដូចជា ភ្នំខ្នងព្រះ ភ្នំច្រមុះបារាំង និងខ្នងថ្មទា ស្ថិតក្នុងដែនជម្រកសត្វព្រៃភ្នំសំកុស ក្នុងភូមិសាស្ត្រឃុំថ្មដា ស្រុកវាលវែង ខេត្តពោធិ៍សាត់ មានកម្ពស់១៦៣៥ម៉ែត្រ ពីនីវ៉ូទឹកសមុទ្រ។ បើតាមមន្រ្តីអ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានថ្លែងឱ្យដឹងនៅថ្ងៃទី០៨ ខែកុម្ភៈ ឆ្នាំ ២០២៥នេះថា បើអ្នក​ទេសចរចង់ធ្វើដំណើរទៅកម្សាន្តតំបន់ទេសចរណ៍ដ៏ល្អប្រណិតទាំងនេះ យើងត្រូវធ្វើដំណើរពីភ្នំពេញ ទៅកាន់ខេត្តពោធិ៍សាត់ រួចបន្ត​ដំណើរទៅកាន់ភ្នំ១៥០០ តាមផ្លូវជាតិលេខ៥៥ ចម្ងាយ​ប្រហែល ៣៤០គ.ម ដើម្បីទៅដល់សហគមន៍ភ្នំព្រះ ក្នុងឃុំស្ទឹង​កាច់ ស្រុកវាលវែង ខេត្តពោធិ៍សាត់។ ឯកឧត្តម ខ្វៃ អាទិត្យា បានបញ្ជាក់ដែរថា អ្នកទេសចរគ្រប់រូបដែល​ចង់​ធ្វើដំណើរកម្សាន្តបែបទេសចរណ៍ផ្សង​ព្រេងមួយនេះ​ត្រូវដំ​ណើរ​ឡើងលើភ្នំគឺ មានចម្ងាយប្រហែលជាង ៨គីឡូម៉ែត្រ ពីភ្នំ​១៥០០ ដោយធ្វើដំណើថ្មើជើងប្រហែលជា ៥ទៅ៦ម៉ោង​អាស្រ័យ​ទៅលើអ្នកដំណើរដើរយឺត ឬដើរលឿន។ ដោយឡែកទាក់ទិនក្នុងរឿងនេះដែរ លោក អេង រស្មី ប្រធាន​មន្ទីរ​បរិស្ថាន…

បន្ទាយមានជ័យ៖គម្រោងស្ថាបនាផ្លូវកៅស៊ូពីរខ្សែប្រវែងជាង២៥គីឡូម៉ែត្រ ក្នុង​នេះ ខ្សែទី១.ផ្លូវជ្រាប់ចាស់-ជ្រាប់ថ្មី ចាប់ពី​ផ្លូវជាតិលេខ៦ ភូមិកក់ ដល់ភូមិជ្រាប់ថ្មី ឃុំជប់វ៉ារី ស្រុកព្រះនេត្រព្រះ ប្រវែងជាង១២គីឡូម៉ែត្រនិង​ខ្សែទី២.ផ្លូវកក់-ភាសត្បូង ចាប់ពីភូមិកក់ ឃុំជប់រី ស្រុកព្រះនេត្រព្រះ ដល់ភូមិភាសត្បូង ឃុំសារង្គ ស្រុកស្វាយចេក ប្រវែងជាង១២គីឡូម៉ែត្រ ត្រូវបានលើកយកមកប្រជុំផ្សព្វផ្សាយជូនប្រជាពលរដ្ឋ​នៅ​បរិវេណវ​ត្តប្រាសាទស្រះកណ្ដាលហៅវត្តខ្ចាស់ កាលពីថ្ងៃទី៦ ខែកុម្ភៈ ឆ្នាំ២០២៥។ លោក ទូច ស៊ីផាត អគ្គនាយករងរដ្ឋបាល និងហិរញ្ញវត្ថុ ក្រសួងអភិវឌ្ឍន៍​ជនបទ និងជាប្រធានគ្រប់គ្រងគម្រោងគាំទ្រ​និរន្តរ​ភាពហេដ្ឋា​រចនា​សម្ព័ន្ធ​ជនបទដើម្បីទីផ្សារកសិករ និងពាណិជ្ជូបនីយកម្មកសិកម្ម (SAAMBAT)​,លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ លោក ហោ ញ៉េប នាយករងរដ្ឋបាលខេត្ត និងតំណាងស្រុក ឃុំ ភូមិ មន្ត្រី​នៃអង្គភាព​គ្រប់គ្រងគម្រោង និងទីប្រឹក្សាគម្រោង តំណាងក្រុមហ៊ុនសាងសង់ (SP1)បាន​ចូលរួមក្នុងកិច្ចប្រជុំ​ផ្សព្វផ្សាយ​នេះដែរ។ លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបញ្ជាក់ថា គម្រោងផ្លូវពីរ​ខ្សែនេះ នឹងបើក ការដ្ឋាននាពេល​ដ៏ខ្លីខាង​មុខ។ចំណែកលោក ទូច ស៊ីផាត បានសំណូមពរដល់ប្រជាពលរដ្ឋដែលរស់នៅសងខាងផ្លូវសូមចូលរួមថែរក្សាសមិទ្ធផល ដែលទទួលបានថ្មីនេះ តាមរយៈការសម្អាតបរិស្ថានតាមដងផ្លូវកុំ​ឱ្យមាន​​ដក់ទឹក…

សៀមរាប៖ បន្ទាប់ពីរាជរដ្ឋាភិបាលបានប្រកាសដាក់ឱ្យអនុវត្តជាផ្លូវការ​នូវប្រព័ន្ធ​លក់សំបុត្រ និងការត្រួតពិនិត្យសំបុត្រចូល​ទស្សនា​រមណីយដ្ឋាន​អង្គរតាមប្រព័ន្ធឌីជីថលចាប់ពីថ្ងៃទី៣០ ខែមករាកន្លងទៅនេះ មគ្គុទេ្ទសក៍​ទេសចរ និងទេសចរបរទេស​បាន បង្ហាញនូវទឹកចិត្តរីករាយ ពីព្រោះទម្រង់ថ្មី​នេះ បង្កភាពងាយស្រួល និងចំណេញពេលវេលាដល់ដំណើរកម្សាន្ត។ លោក ជ្រុន គឹមសេង ប្រធានសមាគមមគ្គុទេ្ទសក៍ទេសចរណ៍កម្ពុជា បាន​បង្ហាញនូវការពេញចិត្តថា ការដាក់ឱ្យ​អនុវត្តនូវ​ថ្នាលឌីជីថលរបស់គ្រឹះស្ថាន​អង្គរ ជាសមិទ្ធផលថ្មីមួយទៀតរបស់រាជរដ្ឋាភិបាល ក្នុងកិច្ចប្រឹងប្រែងធ្វើឱ្យ​ប្រសើរ​ឡើង នូវការផ្តល់សេវាជូនដល់ភ្ញៀវទេសចរអន្តរជាតិ ។ទាក់ទាញ​ទេសចរបរទេស ។ពោលគឺបង្កភាពងាយស្រួលដល់ភ្ញៀវ​និង​ចំណេញ​ពេល​វេលាដល់ដំណើរកម្សាន្ត។ សូមជម្រាបថា ទម្រង់នៃការលក់សំបុត្រចូលទស្សនារមណីយដ្ឋានអង្គររួមមាន ៖ ទិញសំបុត្រនៅ​តាម​បញ្ជរគ្រឹះស្ថាន​អង្គរ, ទិញតាមប្រព័ន្ធអនឡាញ និងអេប​(APP) របស់គ្រឹះស្ថានអង្គរ និងទិញតាមម៉ាស៊ីនស្វ័យប្រវត្ដិដែលដាក់នៅទីតាំង​រមណីយដ្ឋាន ។ យោងតាមរបាយការណ៍របស់គ្រឹះស្ថានអង្គរ ស្ដីពីទិន្ន័យនៃការលក់សំបុត្រ​ក្នុងខែមករាកន្លងទៅបានបង្ហាញថា ភ្ញៀវទេសចរ​ទិញបណ្ណតាមបញ្ជរ​លក់សំបុត្រមានចំនួនជាង១០ម៉ឺននាក់ស្មើនឹងជាង៧៤ភាគរយ ,ភ្ញៀវទេសចរ​ទិញសំបុត្រតាមម៉ាស៊ីនស្វ័យប្រវត្ដិជាង២ពាន់នាក់ ដែលស្មើជាងមួយភាគរយ ,ភ្ញៀវទេសចរទិញសំបុត្រតាមអនឡាញជាង២ ៦០០នាក់ ស្មើជិត​២០​ភាគរយ​និងទិញសំបុត្រតាមម៉ូបាលអេបជាង៨ ០០០ពនាក់ ដែលស្មើនឹងជាង៥​ភាគរយ ខណៈដែលភ្ញៀវ​ទេសច​រទិញ​បណ្ណមិនប្រើរូបថតមានជាង៦៤ ០០០​នាក់ និងមិនប្រើរូបថតមានជាង២២ ០០០នាក់ ។ ចំពោះទម្រង់លក់ ទិញ សំបុត្រចូលទស្សនារមណីយដ្ឋានអង្គរ ក្នុងការផ្តល់​បទសម្ភាសនៅដើមខែកុម្ភៈនេះ បានបង្ហាញ​នូវស្នាមញញឹម ខណៈបានឃើញ​កម្ពុជាមានការអភិវឌ្ឍផ្នែកវិស័យទេសចរ ពិសេសការលក់សំបុត្រដោយប្រព័ន្ធ​ឌីជីថល ។ការលក់សំបុត្របែបនេះ ចំណេញពេលវេលាច្រើននិងលឿនរហ័ស។ពួកគេក៏បានកោតសរសើរពីប្រាសាទអង្គរវត្ដ ដែលជាទីកន្លែងទេសចរណ៍ដ៍​ល្បីល្បាញនៅលើពិភពលោក៕អត្ថបទនិងរូបភាព៖ប៊ុន…

កំពង់ចាម៖មន្ទីរសុខាភិបាលខេត្តកំពង់ចាមបានបិទបញ្ចប់សន្និបាតបូកសរុបលទ្ធផលការងារប្រចាំ ឆ្នាំ២០២៤ និង​ទិសដៅ​ការងារ ឆ្នាំ២០២៥ កាលពីរសៀលថ្ងៃទី៧ ខែកុម្ភៈក្រោមអធិបតីភាពឯកឧត្តម អ៊ុន ចាន់ដា អភិបាលខេត្តកំពង់ចាម ។ ក្នុងឱកាសនោះឯកឧត្តម អ៊ុននចាន់ដា អភិបាលខេត្ត បានថ្លែងនូវការកោតសរសើរ ចំពោះកិច្ចខិតខំប្រឹងប្រែង​របស់ថ្នាក់​ដឹកនាំ និងមន្ត្រីរាជការ របស់មន្ទីរសុខាភិបាលនៃរដ្ឋបាលខេត្ត ដែលបានប្តេជ្ញាចិត្តរួមគ្នាក្នុងការបំពេញតួនាទីភារកិច្ច ប្រកបដោយការទទូលខុសត្រូវ សម្រេចបាន នូវសមិទ្ធផលជាច្រើន លើវិស័យសុខាភិបាលក្នុងខេត្តកំពង់ចាម។ តាមរយៈ​លទ្ធផលនេះ បានលើកកម្ពស់ និងជំរុញការផ្តល់សេវាថែទាំ សុខភាពជូនប្រជាពលរដ្ឋកាន់តែប្រសើរឡើង ដោយបានកាត់បន្ថយអត្រា ឈឺ និងស្លាប់ ដែលបានរួមចំណែកក្នុងការអភិវឌ្ឍសេដ្ឋកិច្ច និងសង្គមកិច្ច ប្រកបដោយចីរភាព៕ដោយ៖លី ពៅ

(ភ្នំពេញ)៖ ក្រសួងសុខាភិបាល សូមជម្រាបជូនសាធារណជនឱ្យបានជ្រាបថា ការប្រែប្រួលអាកាសធាតុ ផ្តល់លទ្ធភាព ក្នុងការបង្កាត់ពូជ ការកកើតមូស និងការផ្លាស់ទីនៃមូស រួមជាមួយ និន្នាការនៃកើនឡើងចំនួនមូសដែលភាគច្រើន បំផុតជាប្រភេទមូសអង្កាម ក្នុងអំឡុងពេលរដូវប្រាំងគិតចាប់ពីខែវិច្ឆិកា រហូតដល់ខែមេសា។ ជាបន្ថែមក្នុងរដូវប្រាំង រំហូរប្រព័ន្ធលូបង្ហូរទឹកខ្សោយ ឬស្ទះដក់ទឹកក្លិនស្អុយ តាមថ្លុកដក់ទឹកស្អុយ ឬវត្ថុដក់ទឹកយូរមានក្លិនស្អុយដែល ក្លាយជាជម្រកសម្រាប់មូសអង្កាមរស់នៅ និងបង្កបង្កើតកូនចៅនៅកន្លែងដែលមានទឹកដក់ក្លិនស្អុយ។ ទោះជា យ៉ាងណាក៏ដោយ ក្នុងរដូវប្រាំងនេះ ក៏មានវត្តមានមូសខ្លាខ្លះៗ នៅតាមពាង អាង ធុងដាក់ទឹកប្រើប្រាស់ ទឹកថូផ្កា ចានទ្រជើងតុ ទូ ក្រឡ និងពែង ដែលបង្កើតជាប្រភពដក់ទឹក និងជម្រកសត្វមូស ។ ក្រុមការងារឆ្លើយតបរបស់ក្រសួងសុខាភិបាល បាននិងកំពុងផ្តល់អន្តរាគមន៍ឆ្លើយតបដោយសហការ ជាមួយក្រុមការងារមន្ទីរសុខាភិបាលនៃរដ្ឋបាលរាជធានីខេត្ត និងអាជ្ញាធរមូលដ្ឋានគ្រប់លំដាប់ថ្នាក់ តាមដាន ស្ថានភាពជំងឺបង្កដោយមូស និងស្ថានភាពមូស ធ្វើការបាញ់ថ្នាំសំលាប់មូស ផ្សព្វផ្សាយសារអប់រំសុខភាព និង ចលនាសហគមន៍ចូលរួមលុបបំបាត់ប្រភពកកើតមូសនារដូវក្តៅនេះ ដែលដើរតួជាមូសអង្កាម ដែលចូលចិត្ត រស់នៅតាមទឹកស្អុយ ពិសេសទឹកលូស្អុយ ។ អាស្រ័យហេតុនេះ ក្រសួងសុខាភិបាលសូមក្រើនរំលឹកដល់បងប្អូនប្រជាពលរដ្ឋទាំងអស់ សូមបន្តប្រុង ប្រយ័ត្នប្រកបដោយស្មារតីទទួលខុសត្រូវខ្ពស់…