(ស្វាយរៀង)៖ អនុគម្រោងសាងសង់ទីលានទុកដាក់សំរាមក្រុងបាវិត នៃគម្រោងទីក្រុងគួរឲ្យចង់រស់នៅ ស្ថិតនៅភូមិច្រកម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង ត្រូវបានបេីកការដ្ឋានសាងសង់ នាព្រឹកថ្ងៃទី៣១ ខែមករា ឆ្នាំ២០២៥ ។ លោក ពូ ម៉ានិត អគ្គនាយករង នៃ អគ្គនាយកដ្ឋានប្រព័ន្ធចម្រោះទឹកកខ្វក់ នៃក្រសួងសាធារណការ និងដឹក ជញ្ជូន និងជាអនុប្រធានគម្រោង បានឲ្យដឹងថា ក្រោមការយកចិត្តទុកដាក់របស់រាជរដ្ឋាភិបាលកម្ពុជា បានចុះហត្ថលេខាជាមួយ ADB លើកិច្ចព្រមព្រៀងឥណទានសម្បទានសម្រាប់គម្រោងនេះ នៅថ្ងៃទី៨ ខែធ្នូ ឆ្នាំ២០២១ មានចំនួន ១៩៣,២០លានដុល្លារអាមេរិក ក្នុងនោះមាន ឥណទានសម្បទានពី ADB ចំនួន ១៨០លានដុល្លារអាមេរិក និងការចូលរួមជាបដិភាគ របស់រាជរដ្ឋាភិបាលកម្ពុជាចំនួន ១៣,២០ លានដុល្លារអាមេរិក ហេីយមានរយៈពេលអនុវត្តជាង ៦ឆ្នាំ ចូលជាធរមាននៅថ្ងៃទី២៤ ខែកុម្ភៈ ឆ្នាំ២០២២ ហើយគ្រោងបញ្ចប់នៅថ្ងៃទី៣១ខែឧសភា ឆ្នាំ២០២៨។ ទន្ទឹមនេះ សម្រាប់គម្រោងអភិវឌ្ឍន៍ទីក្រុងគួរឲ្យចង់រស់នៅ គឺជាក្រសួងសាធារណការ និងដឹកជញ្ជូន ដែលត្រូវអនុវត្ត ក្នុងនោះ ២អនុគម្រោងស្ថិតក្នុងក្រុងបាវិត និង ២អនុគម្រោងទៀតស្ថិតក្នុងក្រុងប៉ោយប៉ែត…

ស្វាយរៀង៖ ក្នុងរយៈពេលមិនយូរឆ្នាំប៉ុន្មាន ក្រុងបាវិត ខេត្តស្វាយរៀង នឹងមានទីលានទុកដាក់សំរាមធំបង្គួរ​មួយដែលមាន​លក្ខណៈ​ស្ដង់ដារ​តម្លៃជាង១២លានដុល្លារអាមេរិក បន្ទាប់ពីការដ្ឋានសាងសង់បានបើកជាផ្លូវការកាលពីព្រឹកថ្ងៃទី៣១ ខែមករា ឆ្នាំ២០២៥ក្រោមការ​អញ្ជើញចូលរួមពីឯកឧត្តម ប៉េង ពោធិសា​អភិបាលខេត្តស្វាយរៀង ។ទីលានទុកដាក់សំរាម​ក្រុងបាវិតដែលជាអនុគម្រោង​ នៃគម្រោងទីក្រុងគួរឱ្យចង់រស់នៅ​ ដែលគាំទ្រដោយថវិការបស់ធនាគារអភិវឌ្ឍន៍​អាស៊ី​(ADB)និងថវិកាបដិភាគរបស់រាជរដ្ឋាភិបាល។ ទីលានទុកដាក់សំរាមដែលនឹងត្រូវធ្វើការសាងសង់ស្ថិតនៅភូមិច្រកម្ទេស​ សង្កាត់ច្រកម្ទេស​ ក្រុងបាវិត​ ខេត្តស្វាយ​រៀង។ លោក ពូ ម៉ានិត អគ្គនាយករងនៃអគ្គនាយកដ្ឋានប្រពន្ធ័ចម្លោះទឹកកខ្វក់ នៃក្រសួងសាធារណការ និងដឹកជញ្ជូន និងជាអនុ​ប្រធានគម្រោងបានឱ្យដឹងថា​ ទីលានទុកដាក់សំរាមដែលគ្រោងនឹងសាងសង់នេះមានផ្ទៃដីទំហំ ២១ ហិកតា ។គម្រោង​នឹងបែងចែកដីប្រើប្រាស់ជា២ផ្នែកធំៗ។ គឺផ្នែកទី១. សាងសង់រណ្តៅចាក់សំរាមចំនួន៥ រណ្តៅ និងប្រព័ន្ធគ្រប់គ្រងទឹក​កខ្វក់ចេញពីសំណល់ ។ផ្នែកទី២.សាងសង់ប៉ុស្តិសន្តិសុខ និងស្លាកសញ្ញាគម្រោង ,ធុងស្តុកសំណល់រាវនិងស្ពានថ្លឹងទម្ងន់ និងការិយាល័យ ,ផ្លូវចូលទីតាំងគម្រោងនិងផ្លូវក្នុងទីតាំងគម្រោង ,ប្រព័ន្ធលូបង្ហូរ អណ្តូងត្រួតពិនិត្យគុណភាពទឹក ,កន្លែង​ចំណត ,កន្លែងចែកចាយនិងផ្គត់ផ្គង់អគ្គិសនី ,អគាររដ្ឋបាល ,កន្លែងទទួលអាហារនិងកន្លែងសម្រាក ,កន្លែងញែកសំរាម ,កន្លែងរៀបចំធ្វើជីកំប៉ុស ,ធុងទឹកភ្លៀង ,កន្លែងផលិតហ្គាស ,ស្រះទឹកភ្លៀង ,ទីកន្លែងបន្ថែមសម្រាប់ទីលានញែកសំរា,ម កន្លែងសម្អាតរថយន្ត ,របង និងសួនច្បារដែលមានដាំដើមឈើជាដើម។ លោកពូ ម៉ានិត បានបន្ថែមថា គម្រោងខាងលើនេះ​…

បន្ទាយមានជ័យ៖វេទិកាអប់រំតាមរយៈព្រះពុទ្ធសាសនាផ្សារភ្ជាប់​នឹងការ​បម្រើ​សេវាន​របស់មន្រ្តីសុខាភិបាលនៃមន្ទីរពេទ្យ​ដើម្បី​បំពេញបន្ថែម​ចន្លោះត្រៀមប្រកួតផ្តាច់ព្រ័ត្រនៅមន្ទីរពេទ្យបង្អែកព្រះនេត្រព្រះ កាលពីរសៀលថ្ងៃទី២៩ ខែមករា ឆ្នាំ២០២៥​បានរៀបចំឡើង​ ដោយមានការនិមន្តនិង​អញ្ជើញចូលរួមពីព្រះគ្រូ អ៊ុច សារិទ្ធ ព្រះគ្រូអនុគណស្រុកព្រះនេត្រ​ព្រះ ព្រះធម្មាលង្ការមុនី ចាន់ សុជន ព្រះចៅអធិការវត្ត​ប្រាសាទស្រះកណ្តាល (ហៅវត្តខ្ចាស់)លោក យឹម សំណាង អភិបាលរងខេត្តតំណាងឯកឧត្តម អ៊ុ រាត្រី អភិបាលខេ​ត្តបន្ទាយមានជ័យ លោកវេជ្ជបណ្ឌិត ឡេ ច័ន្ទសង្វាត ប្រធាន​មន្ទីរសុខាភិបាលខេត្ត ។ ក្នុងឱកាសនោះព្រះធម្មាលង្ការមុនី ចាន់ សុជន ព្រះចៅអធិការវត្ត​ប្រាសាទស្រះកណ្តាល(ហៅវត្តខ្ចាស់) បានផ្តល់នៅ​ឱវាទក្នុងនាមជា​គ្រូពេទ្យត្រូវមានសមាធិឱ្យល្អ ក្នុងការបម្រើសេវាកម្មជូនប្រជាពលរដ្ឋ អ្នកជំងឺ លោកគ្រូ អ្នកគ្រូពេទ្យ ត្រូវមានភាពអំណត់អត់ធ្មត់ ក្រមសីលធម៌ ជាពិសេសការអប់រំផ្លូវចិត្ត,ការគោរព,ការសាមគ្គី ទាំងអាកប្បកិរិយា សម្ដី​សំដៅជាដើម គឺជាមូលដ្ឋានសុខាភិបាល ផ្ដល់សេចក្ដីសង្ឃឹម និងទំនុកចិត្ត ផ្នែកសេវាសុខភាពជូនសាធារណជន។ លោក យឹម សំណាង អភិបាលរងខេត្ត មានប្រសាសន៍ថា មន្ត្រីសុខា​ភិបាល​ទាំងអស់នៅក្នុងមន្ទីរពេទ្យ ត្រូវខិតខំយក​ចិត្ត​ទុកដាក់បំពេញតួនាទី និង ភារកិច្ចឱ្យអស់ពីចិត្តពីថ្លើម ដោយឈរលើ​គោលការណ៍​របស់រដ្ឋបាល​ខេត្ត និងក្រសួង​សុខាភិបាល គោរពក្រមសីលធម៌វិជ្ជាជីវៈរបស់ពេទ្យឱ្យបាន​ខ្ជាប់ខ្ជួន។លោក ក៏បានធ្វើការថ្លែងអំណរអរគុណដល់​គ្រូពេទ្យ​ទាំងអស់ដែលបានបម្រើសេវាសុខាភិបាលជួយដល់ប្រជាពលរដ្ឋនៅក្នុងស្រុកព្រះនេត្រព្រះ៕…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅព្រឹកថ្ងៃទី៣០ ខែមករា ឆ្នាំ២០២៥ បានអញ្ជើញជាអធិបតីដ៏ខ្ពង់ខ្ពស់ ក្នុងសិក្ខាសាលាស្តីពី «ការពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងពាណិជ្ជកម្ម» អញ្ជើញចូលរួមដោយ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម។ លោកជំទាវ ចម និម្មល បានថ្លែងថា ក្រសួងពាណិជ្ជកម្មបានគាំទ្រ និងចូលរួមយ៉ាងសកម្មក្នុងការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ប្រកបដោយភាពទទួលខុសត្រូវខ្ពស់ ក្នុងស្មារតីធ្វើឱ្យស្ថាប័នរបស់ខ្លួនក្លាយទៅជាអង្គភាពរដ្ឋបាលសាធារណៈទំនើប ប្រកបដោយសមត្ថភាពខ្ពស់ មានគណនេយ្យភាព ដើម្បីបម្រើនូវផលប្រយោជន៍ជូនប្រជាជនឱ្យកាន់តែប្រសើរ។ ជាលទ្ធផលក្រសួង បានរៀបចំជារបាយការណ៍ និងការវិភាគឡើងវិញនូវមុខងារស្នូល មុខងាររង មុខងារគាំទ្រ និងការធ្វើបច្ចុប្បន្នភាពទិន្នន័យមន្ត្រីរាជការ ព្រមទាំងតារាងឧបសម្ព័ន្ធទាំង៤ ចប់សព្វគ្រប់តាមសេចក្តីណែនាំរបស់រាជរដ្ឋាភិបាល និងបានរៀបចំរបាយការណ៍វឌ្ឍនភាពនៃដំណើរការការពិនិត្យឡើងវិញ ការវិភាគមុខងារនិងរចនាសម្ព័ន្ធ និងការធ្វើបច្ចុប្បន្នភាពទិន្នន័យមន្ត្រីរាជការ របស់ក្រសួងពាណិជ្ជកម្ម សម្រាប់ឆមាសទី១ ឆ្នាំ២០២៤។ បន្ថែមពីនេះ ក្រសួងពាណិជ្ជកម្ម បានរៀបចំសេចក្តីព្រាងអនុក្រឹត្យស្តីពី ការរៀបចំនិងការប្រព្រឹត្តទៅរបស់ក្រសួងពាណិជ្ជកម្ម ដើម្បីដាក់ជូនក្រសួងមុខងារសាធារណៈ ពិនិត្យ និងពិភាក្សា។…