បន្ទាយមានជ័យ៖ឯកឧត្តម អ៊ុ រាត្រី អភិបាលខេត្តបន្ទាយមានជ័យបាន បានកត់សម្គាល់នូវការចូលរួម​សមាគមខ្មែរ​ចិន​ខេត្ត និងសភាពាណិជ្ជ​កម្មខេត្តបន្ទាយមានជ័យ ក្នុងសកម្មភាពមនុស្សធម៌ ការងារសង្គម និងការកសាងហេដ្ឋារចនាសម្ព័ន្ធនានា​ក្នុងខេត្តបន្ទាយមានជ័យ។ ក្នុងឱកាសអញ្ជើញចូលរួមក្នុងពិធីសែនរបស់បងប្អូនខ្មែរ សែស្រឡាយចិន ប្រារព្ធ​នៅបរិវេណសាលារៀនចិនផីឆឹង ខេត្តបន្ទាយមានជ័យ​ ឯកឧត្ដម អ៊ុ រាត្រី អភិបាលខេត្តបន្ទាយមានជ័យថ្លែងទៅកាន់សភាពាណិជ្ជកម្ម និងសមាគមខ្មែរចិន អាជីវករ បងប្អូនខ្មែរ សែស្រឡាយចិនដែលចូលរួមក្នុងពិធីនេះដោយបញ្ជាក់ពី​ការគាំទ្រសកម្មភាព​សមាគមខ្មែរចិន​ខេត្ត​និងសភាពាណិជ្ជកម្មខេត្តបន្ទាយមានជ័យ ។លោកក៏បានកត់សម្គាល់នូវចូលរួមការងារសប្បុរសធម៌ និងកសាងហេដ្ឋា​រចនាសម្ព័ន្ធក្នុងមូលដ្ឋានជាមួយអាជ្ញាធរដែនដី ។ លោក ឆាន់ ប៊ុន ម៉ាន់ ប្រធានសមាគមខ្មែរ ចិន ខេត្តបន្ទាយមានជ័យ បានរំលឹកផងដែរ អំពីទំនាក់ទំនាក់ចំណង​មិត្តភាព​ដ៏ល្អ រវាងកម្ពុជា និងសាធារណរដ្ឋប្រជាមានិតចិនតាំងពីជំនាន់សម្ដេចតា ហើយបច្ចុប្បន្ន បានបន្តបង្កើនមិត្តភាព​ចិនតែ​មួយពីសំណាក់ប្រមុខថ្នាក់ដឹកនាំរាជរដ្ឋាភិបាលបាននាំឱ្យមានកិច្ចអភិវឌ្ឍទាំងវិស័យការទូត វិស័យសង្គម ពិសេស​វិនិយោគ។ទន្ទឹមនេះបានជួយបណ្ដុះបណ្ដាលធនធានចំណេះដឹងដល់សិស្សានុសិស្ស យុវជនមានជីវភាពខ្វះខាត។ ម៉្យាងសមាគមក៏មានកិច្ចសហការជាមួយសមាគមគមចិនក្រៅប្រទេសមកជួយលើកស្ទួយ ការងារអប់រំ និងការស្វែងយល់ពីវប្បធម៌ទំនៀមទម្លាប់ នាមប្រទេសក្នុងតំបន់ដូចគ្នា។ ឧកញ្ញ៉ា អ៊ឹង វណ្ណម៉ៅ ប្រធានសភាពាណិជ្ជកម្មខេត្តបន្ទាយមានជ័យ សភាពាណិជ្ជកម្មកន្លងមកក៏ដូចជាពេលនេះ បានរក​ដៃគូវិនិយោគផ្នែកអាជីវកម្មពីខាងក្រៅមានចិនជាដើមឱ្យមកវិនិយោគក្នុងខេត្តបន្ទាយមានជ័យដែលបានផ្ដល់ការងារ និងបន្ថែមប្រាក់ចំណូលដល់ពលរដ្ឋ ហើយក៏បានជួយផ្ដល់ចំណូលថវិកាខេត្តនិងកំណើនសេដ្ឋកិច្ចជាតិផងដែរ។ សូមជម្រាបថា ថ្ងៃទី២៨ ខែមករា…

តាកែវ៖ស្នងការនគរបាលខេត្ដតាកែវលោកឧត្ដមសេនីយ៍ទោ ម៉ែន លី  បានត្រៀមកម្លាំងជាងមួយពាន់នាក់ដើម្បីការពារសន្តិសុខ សណ្ដាប់ធ្នាប់ក្នុងឱកាសពិធីបុណ្យចូលឆ្នាំប្រពៃណីជាតិចិន ។ គោលដៅនៃសមត្ថកិច្ចគឺ ល្បាតក្នុងភូមិសាស្ត្រខេត្ដ ,ហាមឃាត់បងប្អូនប្រជាពលរដ្ឋ​នៅតាមមូលដ្ឋានមិនឱ្យ​មានការដុត​គ្រឿងផ្ទុះ(ផាវ) ឬដាក់តាំងលក់នៅតាមទីផ្សារ ។កងកម្លាំងនគរបាលត្រៀមការពារជាប់ជាប្រចាំនៅតាមគោលដៅ ជាពិសេសក្នុងការសម្រួលចរាចរណ៍ដល់ការធ្វើដំណើររបស់ប្រជាពលរដ្ឋ មកលេងកម្សា​ន្ដជួបជុំសាច់ញា​តិនៅតាម​ស្រុកកំណើត។ នេះជាការបញ្ជាក់របស់លោកឧត្ដមសេនីយ៍ទោ ម៉ែន លី ក្នុងពេលបើកកិច្ចប្រជុំមួយជាមួយលោក លោកស្រីស្នងការរង នាយការិយាល័យ អធិការនគរបាលក្រុងស្រុក និងនាយប៉ុស្តិ៍នគរបាលរដ្ឋបាល នៅសាលប្រជុំស្នងការដ្ឋាននគរបាលខេត្ដ​តាកែវ កាលរសៀលថ្ងៃទី២៧ ខែមករា ឆ្នាំ២០២៥ ។លោកឧត្ដមសេនីយ៍ទោ ម៉ែន លី បានណែនាំឱ្យកងកម្លាំងបន្តរឈរជើងការពារជាប់ នៅប៉ុស្តិ៍ប្រចាំការ ២៤ម៉ោងលើ២៤​ម៉ោង ៕ដោយ៖តាកែវ

ភ្នំពេញ ៖ មូលនិធិកូកា-កូឡា (TCCF) និងកម្មវិធីអភិវឌ្ឍន៍សហប្រជាជាតិ (UNDP) នៅថ្ងៃទី ២៧ ខែមករា ឆ្នាំ ២០២៥ បានសហការគ្នាដើម្បីជួយដោះស្រាយបញ្ហាប្រឈមដែលកំពុងកើនឡើងនៃការគ្រប់គ្រងសំណល់ប្លាស្ទិកនៅអាស៊ី រួមទាំងប្រទេសកម្ពុជាផងដែរ។ កាកសំណល់ប្លាស្ទិករបស់ពិភពលោកមួយផ្នែកធំ បានហូរធ្លាក់ចូលទៅក្នុងមហាសមុទ្រតាមរយៈផ្លូវទឹកក្នុងទ្វីបអាស៊ី ដែលបង្កការគំរាមកំហែងយ៉ាងធ្ងន់ធ្ងរដល់ប្រព័ន្ធអេកូឡូស៊ីសមុទ្រ សុខភាពមនុស្ស និងជីវភាពរស់នៅរបស់មនុស្សសត្វជាច្រើន។ ទន្លេចំនួន ១៦ ក្នុងចំណោមទន្លេចំនួន ២០ នៅលើពិភពលោក ស្ថិតនៅក្នុងទ្វីបអាស៊ី ដែលមានបរិមាណប្លាស្ទិកច្រើនលើសពី ២ ភាគ ៣ នៃប្លាស្ទិកប្រចាំឆ្នាំជាសកល ដែលហូរចូលទៅក្នុងមហាសមុទ្ររបស់ពិភពលោក។ ដើម្បីឆ្លើយតបទៅនឹងបញ្ហាបន្ទាន់នេះ មូលនិធិកូកា-កូឡា (TCCF) និងអង្គការកម្មវិធីអភិវឌ្ឍន៍សហប្រជាជាតិ (UNDP) កំពុងបង្កើនកិច្ចខិតខំប្រឹងប្រែងនៅក្នុងប្រទេសអាស៊ីចំនួនប្រាំបួន ដូចជា បង់ក្លាដែស ប៊ូតាន កម្ពុជា ឥណ្ឌា ម៉ាល់ឌីវ នេប៉ាល់ ហ្វីលីពីន ស្រីលង្កា និងវៀតណាម ដែលគាំទ្រដោយជំនួយឥតសំណងចំនួន ១៥ លានដុល្លារពីមូលនិធិកូកា-កូឡា (TCCF) ដើម្បីគាំទ្រដល់គំនិតផ្តួចផ្តើមនៅទូទាំងតំបន់របស់អង្គការ UNDP ។ កម្មវិធីពហុប្រទេសរយៈពេលបីឆ្នាំដែលបានចាប់ផ្តើមនៅក្នុងប្រទេសឥណ្ឌានៅថ្ងៃនេះ នឹងជួយកែលម្អការគ្រប់គ្រងសំណល់ប្លាស្ទិក…

ព្រឹត្តិការណ៍ក្បួនដង្ហែ «ឈីងហ្គេ» ២០២៥ នឹងប្រារព្ធឡើងក្រោមប្រធានបទ «JOY» ដែលប្រធានបទនេះ រៀបចំឡើងដើម្បីបង្ហាញពីសុភមង្គល ភាពកក់ក្តៅ បង្កើតជាពិធីជួបជុំមួយប្រកបដោយស្នាមញញឹម និងភាពរីករាយតាមរយៈម្ហូបអាហារ។ នៅក្នុងឆ្នាំនេះ កម្ពុជានឹងនាំយកទស្សនីយភាពមួយក្រោមចំណងជើងថា «ជីវិត» ដែលទស្សនីយភាពនេះនឹងបង្ហាញអំពីដំណើរនៃការរីកលូតលាស់របស់ដំណាំស្រូវខ្មែរ ដែលជាប្រភពអាហារសម្រាប់ប្រជាជនខ្មែរដោយមិនអាចខ្វះបាន។ ជាពិសេសនាំយកភាពស្រស់បំព្រងនៃស្រូវខ្មែរទៅតាមដំណាក់កាលនៃការរីកលូតលាស់ រួមមានស្រូវទុំពណ៌មាសច្រាល អមដោយសំណាបពណ៌ខៀវស្រងាត់។ តួអង្គទេពព្រះមេ គឺជាតួរអង្គសំខាន់មួយនៅក្នុងទស្សនីយ៍ភាពនេះព្រោះថា ទេពព្រះមេ គឺជាទេពដែលតាមថែរក្សាភោគផលដំណាំពូជស្រូវទាំងអស់ឱ្យរីកលូតលាស់ នាំមកនូវសេចក្តីសុខ សម្បូរសប្បាយ ទទួលយកអ្វីៗគ្រប់យ៉ាងដោយ សោមន្ស និងជួយកាត់បន្ថយនូវទុក្ខវេទនារបស់មនុស្ស។

(ខេត្តកំពង់ស្ពឺ)៖ តួនាទីភារកិច្ច និងសារៈសំខាន់ថ្នាក់កងអនុសេនាតូច កងអនុសេនាធំ និងភារកិច្ចកងការពារព្រំដែននៅក្នុងពេលអនុវត្តន៍ការងារ ក៏ដូចពេលប្រយុទ្ធ ជាមូលដ្ឋានចាំបាច់បំផុតក្នុងការដឹកនាំបញ្ជាទាមទារឲ្យសិក្ខាកាមខិតខំយកចិត្តទុកដាក់សិក្សារៀនសូត្រ ។ នេះគឺជាការលើកឡើងរបស់ ឯកឧត្តមឧត្តមសេនីយ៍ឯក អ៊ួន សារឿន មេបញ្ជាការរងកងទ័ពជើងគោក ក្នុងវគ្គហ្វឹកហ្វឺនបំប៉ននាយទាហានគ្រប់គ្រងកងអនុសេនាតូច កងអនុសេនាធំ ដល់កងការពារព្រំដែន នៅមជ្ឈមណ្ឌលហ្វឹកហ្វឺនកងទ័ពជើងគោក នាថ្ងៃទី២៧ ខែមករា ឆ្នាំ២០២៥ ។ តាងនាម ឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ឧត្តមសេនីយ៍ឯក អ៊ួន សារឿន បានសំណូមពរដល់គ្រូយោធាចារ្យត្រូវរិះរកយុទ្ធសាស្ត្រ និងវិធីសាស្ត្រធ្វើយ៉ាងណាឲ្យសិស្សសិក្សាងាយយល់ ។ ហើយសង្ឃឹមថា ពេលបញ្ចប់វគ្គ សិក្ខាកាមទទួលបានលទ្ធផលល្អប្រសើរ តាមការរំពឹងទុក ។ ឧត្តមសេនីយ៍ឯក អ៊ួន សារឿន បានផ្តាំផ្ញើដល់សិក្ខាកាមទាំងអស់ត្រូវយកចិត្តដាក់រៀនសូត្រ មានវិន័យខ្ពស់ ត្រូវគោរពវិន័យបទបញ្ជាផ្ទៃក្នុងវគ្គ មានសាមគ្គីផ្ទៃក្នុងល្អ និងគោរពពេលវេលារៀនសូត្រអោយបានទៀងទាត់ មានអត្តចរិកល្អស័កសមជាកងយោធពលខេមរភូមិន្ទ និងត្រូវចៀសឲ្យឆ្ងាយពីគ្រឿងញឿន សង្ឃឹមថា ពេលបញ្ចប់វគ្គទទួលលទ្ធផលល្អ នុិងប្រកាសបើកវគ្គហ្វឹកហ្វឺនបំប៉នជំនាញ នាយទាហានគក្រប់គ្រង កងអនុសេនាតូច…