(ភ្នំពេញ)៖ ភាពភ្ញាក់ផ្អើលនៃពលរដ្ឋខេត្តបាត់ដំបងដោយសារការប្រទះឃើញ​ក្រពើ​ងាប់អណ្តែតទឹកក្នុងស្ទឹងសង្កែជាច្រើនក្បាល ត្រូវបានមន្រ្តីមន្ទីរកសិកម្ម​រុក្ខា​ប្រមាញ់ និងនេសាទខេត្ត ប្រញ៉ាប់បកស្រាយបំភ្លឺតបវិញ ។ សូមបញ្ជាក់ថា នៅថ្ងៃទី២០ ខែមករា ឆ្នាំ២០២៥ នៅក្នុងស្ទឹងសង្កែ ខេត្តបាត់ដំបង ត្រង់​ចំណុ​ចចំណតទូកដរមុខវត្តក្តាំងងារ ភូមិខ្វិត ឃុំព្រែកខ្ពប ស្រុកឯកភ្នំ មាន​ករណីភ្ញាក់ផ្អើលមួយ ដោយប្រជាពលរដ្ឋបានប្រទះឃើញក្រពើជាច្រើ​នក្បាល​បានងាប់ហើមពោះអណ្តែតក្នុងទឹកស្ទឹង ។ ក្រោយឃើញករណីនោះ ប្រជា​ពល​រដ្ឋដែលរស់នៅតាមដងស្ទឹងបានមានក្តីបារម្ភពីវត្តមាននៃសត្វក្រពើ​នៅក្នុងស្ទឹងសង្កែ ដែលមានពលរដ្ឋជាច្រើនគ្រួសាររស់នៅអមសង​ខាងនៃស្ទឹងនោះ។ នៅជាមួយគ្នានោះដែរប្រជាពលរដ្ឋខ្លះដែលមានជំនឿ បានសំដែងក្តីបារម្ភ និងជឿថា ករណីមានសត្វក្រពើស្ទឹងងាប់ជាច្រើន​ក្បាលនៅដើមឆ្នាំបែបនេះ អាចជាប្រផ្នូលមិនល្អឡើយ ។ នៅទន្ទឹមនឹងមានភាពភ័យបារម្ភទាំងនោះ នាយខណ្ឌរដ្ឋបាលជលផល​ខេត្តបាត់ដំបង លោក ជួង សុភា បានបកស្រាយថា ក្រពើទាំងនោះ​មិន​មែនជាក្រពើដែលរស់នៅក្នុងស្ទឹងធម្មជាតិឡើយ ប៉ុន្តែគឺជាក្រពើដែល​ងាប់ស្រាប់ ក្នុងកសិដ្ឋាន និងត្រូវបានគេយកមកចោលក្នុងស្ទឹងសង្កែនោះ។ លោកបានបញ្ជាក់ទៀតថា មន្ត្រីជំនាញ និងសមត្ថកិច្ចពាក់ព័ន្ធ ក្រោយទទួល​បានព័ត៌មានពីប្រជាពលរដ្ឋភ្លាម បានចុះពិនិត្យជាក់ស្តែង និងសាកសួរ​ប្រជាពលរដ្ឋដល់ទីតាំងកើតហេតុ និងបានរកឃើញថា ពិតជាមានកសត្វ​ក្រពើ​ចំនួន ៩ក្បាល បានងាប់អណ្តែតក្នុងទឹកស្ទឹងមកទើនៅមាត់ច្រាំង​ពិតប្រាកដមែន ។ ក្រពើទាំងនោះមានប្រវែងពី ១,៥០ម៉ែត្រ ទៅ១,៧០ម៉ែត្រ មានសភាពហើមរលួយ ជាហេតុមិនអាចសម្គាល់ដឹងថា ជាក្រពើញឺ…

កំពង់ធំ៖ កាលពីព្រឹកថ្ងៃទី១៨ ខែមករា ឆ្នាំ ២០២៥ ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញជាគណៈអធិបតីក្នុងពិធីបើកប្រធានវិញ្ញាសា ប្រឡងយកវិញ្ញាបនបត្រពុទ្ធិកបឋមសិក្សាបាលីរង ស្ថិតនៅវត្តឥន្រ្ទីយ៍សំវរៈ (ហៅវត្តកំពង់ធំ) សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ សម្រាប់សម័យប្រឡងថ្ងៃទី ១៨-១៩ ខែមករា ឆ្នាំ ២០២៥ (ពុទ្ធសករាជ ២៥៦៨)។ ក្នុងឱកាសនេះ ឯកឧត្តម នួន ផារ័ត្ន បានលើកទឹកចិត្តដល់បេក្ខសមណសិស្ស-សិស្សទាំងអស់ឱ្យប្រឹងប្រែងឱ្យអស់ពីសមត្ថភាព ដើម្បីជាប់ការប្រឡង។ ឯកឧត្តមក៏បានលើកឡើងអំពីសារៈសំខាន់នៃការគោរពបទប្បញ្ញត្តិ និងបទបញ្ជានៃការប្រឡង ដោយបង្កាន់ដៃលើគោលការណ៍មិនលួចចម្លង មិនមើលគ្នា មិនពិភាក្សាគ្នា មិនត្រូវប្រើសញ្ញាសម្គាល់លើក្រដាសវិញ្ញាសា និងមិនអនុញ្ញាតឱ្យប្រើប្រាស់ឧបករណ៍អេឡិចត្រូនិច។ លោក តាន់ តៃជ្រាន់ ប្រធានមន្ទីរធម្មការ និងសាសនាខេត្តកំពង់ធំ បានអោយដឹងថា សមាសភាពបេក្ខសមណសិស្ស-សិស្សសរុបចំនួន ៣១៤អង្គ/នាក់។ ក្នុងនោះមានគ្រហស្ថចំនួន ១៥នាក់ (ប្រុស ៥នាក់ ស្រី ១០នាក់)។ ការប្រឡងត្រូវបានចែកចេញជាបន្ទប់ ១៣បន្ទប់ ៕ដោយ ៖​ ប៊ុន…

តាកែវ៖ ក្នុងឱកាសអញ្ជើញកាត់ស្រោមវិញ្ញាសារប្រឡងវិញ្ញាបនបត្រពុទ្ធិកបឋមសិក្សា(សាលាបាលីរង) សម្រាប់ឆ្នាំសិក្សា២០២៤-២០២៥ ទូទាំងខេត្តតាកែវមណ្ឌលសាលាបឋមអង្គមេត្រី ស្ថិតនៅភូមិព្រៃព្រហ្ម សង្កាត់រកាក្នុង ក្រុងដូនកែវ ខេត្តតាកែវកាលពីព្រឹកថ្ងៃទី១៨ ខែមករា ឆ្នាំ២០២៥នេះ លោក ស៊ុត ខុន អភិបាលរងខេត្តតាកែវ មានប្រសាសន៍ថា ដើម្បីធានាឱ្យបានប្រសិទ្ធភាពក្នុងការប្រឡងធម្មវិន័យ បេក្ខសាមណៈទាំងអស់ត្រូវខិតខំប្រឹងប្រែង និងបញ្ចេញឱ្យអស់ពីសមត្ថភាពដែលខ្លួនមាន ហើយពិសេសត្រូវ រក្សាឱ្យបានសណ្តាប់ធ្នាប់ក្នុងពេលប្រឡង ពិសេសគោរពបទបញ្ជាក្នុងការប្រឡង។ លោក ស៊ុត ខុន ក៏បានរំលឹកដល់គណៈកម្មការប្រឡង អនុរក្ស លោកគ្រូ អ្នកគ្រូ ក៍ឲ្យយកចិត្តទុកដាក់ឱ្យបានខ្ពស់ ចំពោះសកម្មភាពរបស់បេក្ខសមណៈ ពិសេសត្រូវពិនិត្យរាល់ ការប្រឡង។លោក ស៊ុត ខុន អភិបាលរងខេត្តបន្តទៀតថា តាមរយៈការសិក្សានិងប្រឡងធម្មវិន័យនេះ ប្រទេសជាតិទទួលបាននូវអ្នកមាន ចំណេះដឹងជាច្រើន ជាពហុសូត្រ ដែលជាសរសទ្រូងដ៏រឹងមាំ ក្នុងការរួមចំណែក ថែរក្សាការពារវប្បធម៌ ប្រពៃណី អរិយធម៌ តាមគន្លងព្រះពុទ្ធសាសនា ដែលជាអត្តសញ្ញាណជាតិ៕ដោយៈ តាកែវ

កំពង់ចាម ៖ អភិបាលនៃគណៈអភិបាលខេត្តកំពង់ចាម ឯកឧត្ដម អ៊ុន ចាន់ដា បានណែនាំដល់មន្រ្តីនៃមន្ទីរ សុខាភិបាលនៃរដ្ឋបាលខេត្ត ត្រូវរៀបចំធ្វើយ៉ាងណាឱ្យមណ្ឌលសុខភាពពាមកោះស្នា មានបុគ្គលិកបម្រើសេវាសុខាភិបាលឱ្យត្រូវតាមស្តង់ដារដោយ មិនអាចខ្វះខាតបានដេីម្បីធានាថាមណ្ឌលសុខភាពបានផ្តល់សេវាប្រកបដោយគុណភាព និង ទាន់ពេលវេលាជូនប្រជាពលរដ្ឋ ។ ការថ្លែងបែបនេះក្នុងឱកាសចុះពិនិត្យវឌ្ឍនភាពនៃការសាងសង់មណ្ឌលសុខភាពពាមកោះស្នា ស្រុកស្ទឹងត្រង់ នាព្រឹកថ្ងៃទី ១៨ ខែមករា ឆ្នាំ ២០២៥ ។ ក្នុងឱកាសនោះដែរ ឯកឧត្ដម អ៊ុន ចាន់ដា អភិបាលខេត្តកំពង់ចាមបានណែនាំដល់ មន្ត្រីពាក់ព័ន្ធក៏ដូចជាអាជ្ញាធរមូលដ្ឋានត្រូវរួមសហការគ្នាដេីម្បីត្រៀម រៀបចំប្រារព្ធពិធី សម្ពោធនូវអគារថ្មី និងសមិទ្ធផលនានានៃមណ្ឌលសុខភាពពាមកោះស្នា ពោលគឺត្រូវ ធ្វើយ៉ាងណាឱ្យកម្មវិធីខាងលើនេះប្រព្រឹត្តទៅដោយរលូន ធានាបាននូវសន្តិសុខសណ្តាប់ធ្នាប់ ។មណ្ឌលសុខភាព ពាមកោះស្នា គ្រោងនឹងសម្ពោធដាក់ឱ្យប្រើប្រាស់ នៅក្នុងចុង ខែ មីនា ២០២៥ ខាងមុខ។ ជាមួយគ្នានោះ ឯកឧត្តមអភិបាលខេត្ត បានណែនាំដល់មន្ទីរសុខាភិបាលនៃរដ្ឋបាលខេត្ត ត្រូវបន្តពង្រឹង និងអភិវឌ្ឍប្រព័ន្ធសុខាភិបាលនៅគ្រប់មូលដ្ឋាន សំដៅលើកកម្ពស់សុខុមាលភាពសង្គម និងការលើកកម្ពស់ការផ្តល់សេវា ប្រកបដោយប្រសិទ្ធភាព ពោលគឺ ត្រូវ ខិតខំប្រឹងប្រែងបម្រើសេវាថែទាំសុខភាព ជូនប្រជាពលរដ្ឋប្រកបដោយស្មារតីទទួលខុសត្រូវ និងដោយការយកចិត្តទុកដាក់ផងដែរ…

កំពត៖ អភិបាលខេត្តកំពតបានបញ្ជាក់ថា ព្រះសង្ឃដើរតួសំខាន់ណាស់នៅក្នុងការអប់រំ ផ្សព្វផ្សាយពុទ្ធឱវាទដល់ពុទ្ធបរិស័ទ។ ឯកឧត្តមបានលើកទឹកចិត្តដល់សមណសិស្ស ឲ្យយកចិត្តទុកដាក់ប្រឡងឲ្យជាប់ ដើម្បីមានសិទ្ធិអាចបន្តការសិក្សាឲ្យបានកាន់តែខ្ពស់ និងក្លាយជាធនធានមនុស្ស និងធនធានជាតិ នៅពេលអនាគត។ ថ្លែងនៅក្នុងពិធីកាត់វិញ្ញាសាប្រឡងយកវិញ្ញាបនបត្រពុទ្ធិកបឋមសិក្សាប្រចាំឆ្នាំសិក្សា ២០២៣- ២០២៤ នៅក្នុង មណ្ឌលវត្តជុំគ្រៀល ស្រុកទឹកឈូ ខេត្តកំពត នាព្រឹកថ្ងៃទី ១៨ ខែមករា ឆ្នាំ២០២៥  ឯកឧត្តមបណ្ឌិត ម៉ៅ ធនិន អភិបាលខេត្តកំពត បានបញ្ជាក់ថា អាណាចក្រ និងពុទ្ធចក្រត្រូវដើរទន្ទឹមគ្នា មិនអាចខ្វះខាងណាមួយបានទេ។ ហើយនៅក្នុងពុទ្ធចក្រ  ព្រះសង្ឃបានជាតួអង្គសំខាន់ នៅក្នុងការអប់រំ ផ្សព្វផ្សាយនូវពុទ្ធឱវាទដល់ប្រជាពុទ្ធបរិស័ទឲ្យមានសម្បទាជាមនុស្ស (គិតត្រូវ និយាយត្រូវ ធ្វើត្រូវ ចិញ្ចឹមជីវិត្តត្រូវ) រក្សាបាននូវសុខសន្តិភាពនៅក្នុងសង្គម។ ដូច្នេះសមណសិស្សត្រូវខិតខំប្រឡងឲ្យជាប់ ហើយបន្តការសិក្សាឲ្យកាន់តែខ្ពស់ ។ ប្រធានមន្ទីរធម្មការ និងសាសនាខេត្តកំពត លោក នាក់ យិតថូ បានឲ្យដឹងថា ការប្រឡងយកវិញ្ញាបនបត្រពុទ្ធិកបឋមសិក្សាប្រចាំឆ្នាំសិក្សា ២០២៣- ២០២៤ នៅក្នុងមណ្ឌលវត្តជុំគ្រៀល មានសមណសិស្សដាក់ពាក្យប្រឡងចំនួន១៧១អង្គ  ក្នុងនោះខេត្តកំពត ចំនួន១៤៧អង្គ និងនិមន្តមកពី…

(កំពង់ចាម) អគ្គិភ័យ បានឆាតចេះផ្ទះប្រជាពលរដ្ឋ ១ខ្នង នៅថ្ងៃទី ១៧ ខែមករា ឆ្នាំ២០២៥ ស្ថិតនៅភូមិពង្រ ឃុំរកាគយ ស្រុកកងមាស ខេត្តកំពង់ចាម។ លោក ភោគ សាវុធ អភិបាល នៃគណ: អភិបាលស្រុកកងមាស បានឲ្យដឹងថា វេលាម៉ោង ០៧ នឹង ៥៥ នាទី ថ្ងៃកើតហេតុ មានករណីអគ្គីភ័យ (ឆេះផ្ទះរបស់ឈ្មោះ ហំ វណ្ណះ អាយុ ៥៩ឆ្នាំ ប្រពន្ធ ឈ្មោះ ធុក គឹមលី ភេទ ស្រី អាយុ៥៦ ។ ក្រោយពីទទួលព័ត៌មាន លោកវរសេនីយ៍ឯក ជា ជួន អធិការនគរបាលស្រុកកងមាសបានដឹកនាំកម្លាំងអន្តរាគមន៍របស់អធិការដ្ឋាននិងកម្លាំងប៉ុស្តិ៍ ចេញជួយពន្លត់បន្ទាន់នៅកន្លែងកើតហេតុ ។ អគ្គិភ័យត្រូវបានរលត់ ១០០% នៅវេលាម៉ោង ២១ និង២០ នាទី ដោយកម្លាំងប៉ុស្តិ៍នគរបាលរដ្ឋបាល សហការជាមួយកម្លាំងប្រជាការពារនិងប្រជាពលរដ្ឋ ធ្វើការពន្លត់អោយរលត់…