(ភ្នំពេញ)៖ ដើម្បីរក្សាបាននូវសន្តិសុខ សុវត្ថិភាព សណ្តាប់ធ្នាប់ និង​របៀប​រៀបរយសាធារណៈ ក្នុងឱកាសបុណ្យ ចូលឆ្នាំថ្មីប្រពៃណីចិន និងវៀតណាម ដែលនឹងប្រព្រឹត្តទៅចាប់ពីថ្ងៃទី២៨ ដល់ថ្ងៃទី៣១ ខែមករា ឆ្នាំ២០២៥ ខាងមុខនេះ រដ្ឋបាលរាជធានីភ្នំពេញសូម​ធ្វើការ​ណែនាំដល់មន្ទីរ អង្គភាព ខណ្ឌ សង្កាត់ សមាគម អង្គការ មិនមែន​រដ្ឋាភិបាល រោងចក្រ សហគ្រាស ក្រុមហ៊ុន និងសាធារណជន​ក្នុង​រាជធានីភ្នំពេញដូចតទៅ៖ ១- ហាមដាច់ខាតមិនឱ្យមានការ​ដុតផាវ កាំជ្រួច ឬបង្កសម្លេងផ្ទុះ​គ្រប់​ប្រភេទ​ក្នុងឱកាសពិធីបុណ្យនេះ ២- នៅគ្រប់ទីកន្លែងកម្សាន្តសប្បាយនានា មន្ទីរអង្គភាព សមាគម អង្គការមិនមែនរដ្ឋាភិបាល រោងចក្រ សហគ្រាស ក្រុមហ៊ុន គេហដ្ឋាន ត្រូវរក្សាសន្តិសុខ សុវត្ថិភាព សណ្តាប់ធ្នាប់សាធារណៈ សេចក្តីថ្លៃថ្នូរ និងត្រូវប្រុងប្រយ័ត្នក្នុងការអុជទៀនធូប ក្រដាសសែន ភ្លើងចង្ក្រាន ចរន្តអគ្គិសនី ដែលអាចបង្កឱ្យមានគ្រោះអគ្គិភ័យកើតឡើង​ជាយថាហេតុ។ ដោយឡែកការដុតក្រដាសសែន ត្រូវប្រើធុងដែក ឬឆ្នាំងដី ដើម្បីធ្វើការដុត ហាមដាច់ខាតមិនឱ្យដុតលើចិញ្ចើមផ្លូវ ឬទ្រូងផ្លូវ សាធារណៈឡើយ។ ៣- ចាប់ពីពេលនេះតទៅអាជ្ញាធរមានសមត្ថកិច្ចគ្រប់លំដាប់ថ្នាក់​ត្រូវចាត់វិធានការឱ្យបានម៉ឺង…

(រតនគិរី)៖ រាល់សមិទ្ធិផលទាំងអស់នៅក្នុងខេត្តរតនគិរីកើតចេញពីតម្លៃ នៃ​សន្តិភាព និងស្ថេរភាពនយោបាយ។ដោយឡែក វិស័យហេដ្ឋារចនាសម្ព័ន្ធ​ផ្លូវ​គមនាគមន៍ក្នុងខេត្តដែលមានមន្ទីរសាធារណការ និងដឹកជញ្ជូន​ជាសេនាធិការបាននិងកំពុងខិតខំប្រឹងប្រែងក្នុងការកសាងហេដ្ឋារចនា​សម្ព័ន្ធ​ផ្លូវក្នុងក្រុង និងទៅតាមបណ្តាស្រុកនានាមានការរីកចម្រើនគួរអោយមោទន។ ជាក់ស្តែងផ្លូវខេត្តលេខ៣៧៨៣ ប្រវែង៣៦គីឡូម៉ែត្រ តភ្ជាប់ពីផ្លូជាតិ​លេខ៧៨ ក្នុងភូមិសាស្រ្តសង្កាត់កាចាញ ក្រុងបានលុងឆ្ពោះទៅឃុំហាត់ប៉ក់ ស្រុកវើនសៃ មន្ទីរសាធារណការនិងដឹកជញ្ជូនខេត្តបាន និងកំពុងមមាញឹកកសាងស្ថាបនាកៅស៊ូ ប្រភេទ DBSTដើម្បីបម្រើ​ដល់ផលយោជន៍ប្រជាពលរដ្ឋក្នុងខេត្តដែលមានទទឹង ៧ម៉ែត្រ។ក្នុងឆ្នាំ២០២៤កន្លងទៅផ្លូវខេត្តមួយខ្សែនេះកសាងស្ថាបនាបាន២,៧០០ម៉ែត្រនិងនៅឆ្នាំ២០២៥គ្រោងកសាងស្ថាបនា ២៩០០ម៉ែត្រ បន្ថែមទៀត។ អនាគតខាងមុខសមិទ្ធផលថ្មីនេះគឺជាផ្នែកមួយដ៏សំខាន់ក្នុងការជួយលើកកម្ពស់ជីវភាពរស់នៅរបស់ប្រជាពលរដ្ឋនៅទីនេះផ្ទាល់ តាមរយៈការសម្រួលដល់​ការធ្វើដំណើរ ឬប្រកបកិច្ចការផ្សេងៗ ជួយកាត់បន្ថយនូវការចំណាយ និង​បង្កើនប្រសិទ្ធភាពនៃការដឹកជញ្ជូនកសិផលរបស់ប្រជាពលរដ្ឋកាន់តែប្រសើរទៅកាន់ទីផ្សារ។ ជាពិសេសរមណីដ្ឋានទឹកជ្រោះចាអ៊ុង ស្រូបទាញភ្ញៀវ​ទេសចរណ៍ជាតិ អន្តរជាតិមកលេងកំសាន្តកាន់តែច្រើនថែមទៀត។ សូមបញ្ជាក់ថា បច្ចុប្បន្នភាពវិស័យ សាធារណការ និងដឹកជញ្ជូន​ខេត្តរតនគិរី ក្នុងឆ្នាំ២០២៤ ផ្លូវជាតិ ផ្លូវខេត្តចំនួន១១ ខ្សែមានប្រវែងសរុប ៣០០.៦០គ.ម ក្នុងនោះបានក្រាលកៅស៊ូគ្រប់ប្រភេទDBSTមានប្រវែង ២៩៣.៨៧ គ.ម ។ ផ្លូវជាតិក្នុងដែនសមត្ថកិច្ចមន្ទីរសាធារណការ ចំនួន០៤ខ្សែដូចជា ៖ទី១ កំណាត់ផ្លូវជាតិលេខ ៧៦ មានប្រវែងសរុប ៦០.៧៣ គម។ទី២ កំណាត់ផ្លូវជាតិលេខ៧៨មានប្រវែងសរុប១២៥.៤៤គម។ទី៣ កំណាត់ផ្លូវជាតិលេខ ៧៨C មានប្រវែងសរុប ៦០.៦៣ គម.…

(ខេត្តឧត្តរមានជ័យ)៖ បុគ្គលិកបោសសម្អាតមីនពីររូប នៃមជ្ឈមណ្ឌល​សកម្ម​ភាព​កំចាត់មីនកម្ពុជា បានស្លាប់បាត់បង់ជីវិតក្នុងហេតុការផ្ទុះមីនតោន នៅ​ក្នុងប្រតិបត្តិការបោសសម្អាតមីន នាម៉ោង ៧ និង ៤៥នាទីព្រឹក ថ្ងៃទី១៦ ខែមករា ឆ្នាំ២០២៥ ស្ថិតក្នុងភូមិត្រពាំងប្រិយ៍ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ ។ តាមសេចក្តីរាយការណ៍បានឱ្យដឹងថា បុរសជនរងគ្រោះទាំងពីរនាក់ ដែលបានបាត់បង់ក្នុងពេលចុះបំពេញភារកិច្ចដោះមីននោះ គឺ ១-ឈ្មោះ អឿន ចាន់ដារ៉ា និង ២-ឈ្មោះ ពៅ នេពីន អ្នកឯកទេសបោសសម្អាតមីន​របស់អង្គភាព (CMAC) ប្រចាំទិសខេត្តឧត្តរមានជ័យ។ មន្ត្រី (CMAC) ទាំងពីរនាក់ បានពលីជីវិតនៅក្នុងឧបទ្ទវហេតុផ្ទុះមីនតោន ក្នុងពេល​កំពុង​បំពេញប្រតិបត្តិការបោសសម្អាតមីន រំដោះដីស្រែរបស់ប្រជាពលរដ្ឋ នៅក្នុងភូមិ ឃុំកើតហេតុខាងលើ ។ ក្រោយជួបឧបទ្ទវហេតុដ៏គួរឱ្យរន្ធត់នេះ អង្គភាព (CMAC) ទាំងមូល បានសម្តែងការសោកស្ដាយជាពន់ពេក និងបានចូលរួមរំលែកមរណទុក្ខ​ដ៏ក្រៀមក្រំបំផុតនេះ ជាមួយក្រុមគ្រួសារសព លោក ពៅ នេពីន និងលោក អឿន ចាន់ដារ៉ា ដែលបានបាត់បង់ជីវិតនៅក្នុងឧបទ្ទវហេតុផ្ទុះមីនតោន ពេលបំពេញភារកិច្ចរំដោះដីស្រែជូនប្រជាពលរដ្ឋ។…

កំពង់ឆ្នាំង៖ក្នុងពិធីបិទសន្និបាតបូកសរុបការងារប្រចាំឆ្នាំ ២០២៤ និងលើកទិស​ដៅឆ្នាំ ២០២៥ របស់រដ្ឋបាលខេត្តកំពង់​ឆ្នាំងកាលពី​ព្រឹកថ្ងៃទី១៦ ខែមករាឆ្នាំ ២០២៥ ឯកឧត្តមបណ្ឌិតសភាចារ្យ​ អ៊ុក រ៉ាប៊ុន ទេសរដ្ឋមន្ត្រីទទួល​បន្ទុកបេសក​កម្ម​ពិសេស និងជាប្រធានក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ ប្រធានក្រុមការងាររាជរដ្ឋាភិបាលចុះ​មូលដ្ឋាន​ខេត្តកំពង់ឆ្នាំង បានរំលឹកដល់​អាជ្ញាធរខេត្ត ស្រុក ​ក្រុង ឃុំ សង្កាត់ និងកងកម្លាំងប្រដាប់អាវុធបន្តយន្តការ​ទប់ស្កាត់​និង​បង្ក្រាបបទល្មើសគ្រឿងញៀន ល្បែងស៊ីសង គ្រប់ប្រភេទ ក្មេងទំនើងជាដើម ​ដើម្បីឱ្យមូលដ្ឋាន​មានសន្តិសុខ​សណ្ដាប់​ធ្នាប់ សុវត្ថិភាព។ ឯកឧត្តមទេសរដ្ឋមន្ត្រីបានបន្ថែមថាសូមយកចិត្តទុកដាក់,សូមបន្តការអប់រំផ្សព្វផ្សាយឱ្យបានដល់មូលដ្ឋានដើម្បីឱ្យប្រជាពលរដ្ឋ មានទំនុកចិត្ត ចូលរួមក្នុង​ចលនាភូមិឃុំមានសុវត្ថិភាព ។ចូលរួមគោរពច្បាប់ចរាចរណ៍ទាំងអស់គ្នា។ បន្តទប់ស្កាត់រាល់​បទល្មើសនានា​ដូចជាបទល្មើសនេសាទ បទល្មើសកាប់ទន្ទ្រាន​ដីព្រៃលិចទឹក និងបទល្មើសព្រៃឈើ និងការទន្ទ្រាន​យកដី​ភ្នំជាដើម ។សូមផ្តល់​សេវាសាធារណៈតាមច្រកចេញចូលតែមួយ ដើម្បីឱ្យ​ប្រជាពលរដ្ឋងាយស្រួល​ក្នុង​ការទំនាក់ទំនងការងារ ស្របតាមទិសដៅដែលរាជរដ្ឋាភិបាលបានដាក់​ចេញ។ យោងតាមរបាយការណ៍ដែលអានដោយ ឯកឧត្តម ស៊ុន សុវណ្ណារិទ្ធិ អភិបាល​ខេត្តកំពង់ឆ្នាំង បានបញ្ជាក់ថាឆ្នាំ ២០២៤ កន្លងទៅ ខេត្តកំពង់ឆ្នាំងបាន​អនុវត្តនូវ តួនាទីភារកិច្ចដែលរាជរដ្ឋាភិបាលបានដាក់ចេញ ធ្វើឱ្យខេត្តកំពង់ឆ្នាំង មានសុខ​សន្តិភាព ប្រជាពលរដ្ឋរស់នៅ ដោយសុខដុមរមនា បទល្មើសនានា ត្រូវបានបង្ក្រាប ដែលធ្វើខេត្តមានការរីក​ចម្រើនគួរ​កត់សម្គាល់។ទន្ទឹមនឹងសមិទ្ធផលដែលសម្រេចបានក្នុងឆ្នាំកន្លងទៅអង្គសន្និបាតបានរកឃើញនៅបញ្ហាប្រឈមមួយចំនួន​មានជាអាទ៍ បញ្ហាទំនាស់ដីធ្លី នៅតែបន្តកើតមាន…

(ភ្នំពេញ)៖ បេក្ខជន ចំនួន ៣៦១ នាក់ ក្នុងនោះស្រ្តីចំនួន ២០០នាក់ បានប្រឡងជាប់លើវិញ្ញាសាសរសេរលើកទី សម្រាប់ការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារនៅអគ្គនាយកដ្ឋានពន្ធដារ ក្នុងក្របខណ្ឌក្រសួងសេដ្ឋកិច្ច និងហិរញ្ញវត្ថុ ។ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសារធារណៈ បានអញ្ជើញចុះហត្ថលេខាលើលទ្ធផល (វិញ្ញាសាសរសេរលើកទី២) នៃការប្រឡងប្រជែងជ្រើសរើសមន្ត្រីរាជការឱ្យចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ រួចរាល់ ។ គណៈកម្មការរៀបចំការប្រឡងប្រជែង សូមជូនដំណឹងដល់បេក្ខជន ដែលបានប្រឡងជាប់វិញ្ញាសាសរសេរលើក២ សម្រាប់ការប្រឡងប្រជែងជ្រើសរើសមន្ត្រីរាជការឱ្យចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ឱ្យបានជ្រាបថា បេក្ខជនទាំងអស់ត្រូវចូលរួមការប្រឡងលើវិញ្ញាសាសួរផ្ទាល់មាត់ នាសម័យប្រឡងថ្ងៃទី២១-២២ ខែមករា ឆ្នាំ២០២៥ មណ្ឌលប្រឡងសាលាភូមិន្ទរដ្ឋបាល ស្ថិតតាមបណ្តោយវិថីឧកញ៉ាញឹកជូឡុង សង្កាត់ទន្លេបាសាក់ ខណ្ឌ ចំការមន រាជធានីភ្នំពេញ ។ គួរបញ្ចាក់ថា ការប្រឡងជ្រើសរើសមន្ត្រីរាជការ ឱ្យចូលបម្រើការងារនៅអគ្គនាយកដ្ឋានពន្ធដារ ក្នុងក្របខណ្ឌក្រសួងសេដ្ឋកិច្ច គឺបែងចែកជាបីដំណាក់កាលគឺ ដំណាក់កាលវិញ្ញាសាសរសេរលើកទី១(បានប្រឡង និងប្រកាសលទ្ធផលរួចរាល់) ដំណាក់កាលសរសេរលើកទី២ និងដំណាក់កាលសំណួរផ្ទាល់មាត់។ក្រោយឆ្លងកាត់ការប្រឡងទាំង៣ដំណាក់កាល ជំនាញការ នឹងចម្រាញ់យកបេក្ខជនតែ ២៥៧នាក់ប៉ុណ្ណោះ…

តាមរយៈរូបភាពជាច្រើនដែលបានបង្ហាញលើបណ្ដាញសង្គមក្នុងរយៈពេលប៉ុន្មានថ្ងៃចុងក្រោយនេះ បានទាញការចាប់​អារម្មណ៍ពីសាធារណៈជន អ្នកទេសច​រជាតិ អន្តរជាតិដែលបានទស្សនាផ្ទាល់ភ្នែកនូវខ្សែទឹកទន្លេទាំងពីរ ទន្លេមេគង្គ និង​ទន្លេសាប នៃតំបន់ចតុមុខរាជធានីភ្នំពេញដែល​បានរំលេចចេញជាពីរ​ពណ៌ផ្សេងគ្នា និងមិនរលាយចូលគ្នា ។ផ្ទាំងទស្សនីយភាព ក៏ដូចជាទិដ្ឋភាព​ដ៏ប្លែកនេះ ត្រូវបានថតផ្តិតយកនិងធ្វើការចែកចាយ ហើយទទួលនូវការ​ចាប់អារម្មណ៍ខ្លាំងចំពោះបាតុភូតនេះ ។ អាជ្ញាធរទន្លេសាបនៃប្រទេសកម្ពុជានៅថ្ងៃទី១៥ ខែមករា ឆ្នាំ២០២៥ បាន​ធ្វើការពន្យល់ដោយផ្អែកលើកត្តាវិទ្យាសាស្រ្តចំពោះប្លែកនេះ​។លើ​បណ្ដាញ​សង្គមផ្លូវការអាជ្ញាធរទន្លេសាបបានពន្យលថា បើតាមការស្រាវជ្រាវរបស់​អ្នកវិទ្យាសាស្រ្ត បានឱ្យដឹងថា ទឹកទន្លេ គឺមាន​ធាតុផ្សំ និងមានសារធាតុរលាយ​ខុសៗគ្នា ។ មូលហេតុ ដែលទឹកទន្លេមិនរលាយចូលគ្នានេះ គឺបណ្តាលមកពី ទឹកទន្លេមាន​សីតុណ្ហភាពមិនស្មើគ្នា, ដង់ស៊ីតេនៃទន្លេទាំងពីរខុសគ្នា, ទឹក​ទន្លេមានលំហូរបញ្ច្រាសទិសគ្នា និងល្បឿនលំហូរទឹកមាន​លក្ខណៈលឿន ឬយឺតជាងគ្នា ។ ប្រភពដដែលអធិប្បាយថា លំហូរទឹកពីទន្លេមេគង្គនៃផ្ទៃអាងខាងលើ ត្រូវបាន​បង្វែរយ៉ាងខ្លាំងដោយសារលក្ខខណ្ឌ​អាកាស​ធាតុ ដែលកើតឡើងក្នុងរយៈ​ពេលរដូវខ្យល់មូសុងប្រាំង និងវស្សា ។ ជាទូទៅកម្រិតទឹកទន្លេមេគង្គ មានការប្រែប្រួល​ចាប់ពីខែ​កញ្ញា ដល់ខែវិច្ឆិកា ដែលកម្រិតកម្ពស់ទឹកទាប​កើតឡើង​ពីខែកុម្ភៈ ដល់ខែមីនា និងរដូវទឹកជំនន់កើត​ឡើងចាប់ពី​ខែមិថុនា ដល់ខែធ្នូ ប្រមាណ ៨៥-៩៥ភាគរយនៃធារទឹកសរុបប្រចាំឆ្នាំ ។ ទឹកជំនន់​ប្រចាំឆ្នាំតែងតែជន់លិចផ្ទៃដីធំនៃភាគ​ខាងត្បូងប្រទេសកម្ពុជា និងវៀតណាម នៃផ្ទៃអាងខាងក្រោមបឹងទន្លេសាប និងចំណុចប្រសព្វនៃទន្លេមេគង្គ និងទន្លេសាប​​នៅរាជធានីភ្នំពេញ ។ នៅរដូវវស្សា…

សៀមរាប៖មនុស្សចំនួន ១ ២២០នាក់ នឹងចូលរួមប្រកួតប្រជែងសរសេរ​តាមអានក្នុងព្រឹត្តិការណ៍ «សំណេរអង្គរ»លើកទី២ ដែលនឹងរៀបចំឡើង​នៅថ្ងៃទី១៩ ខែមករា ឆ្នាំ២០២៥ ចុងសប្តាហ៍នេះ ។ ព្រឹត្តិការណ៍នេះ​នឹងប្រព្រឹត្តទៅនៅវេលា​ម៉ោង៧ព្រឹក នៅលើស្ពានហាលខាងលិចប្រាសាទអង្គរ ដែលលទ្ធផលនឹងប្រកាសនារសៀលថ្ងៃដដែលនោះតែម្ដង។ «សំណេរអង្គរ» គឺជាវេទិកានៃការប្រកួតសរសេរតាមអានថ្នាក់ជាតិ ដែលត្រូវ​បានបង្កើតឡើងដំបូងក្នុងឆ្នាំ២០២៣ ដើម្បីផ្សារ​ភ្ជាប់គុណតម្លៃនៃរមណីយ​ដ្ឋានអង្គរ ទៅនឹងសំណេរ និងការលើកកម្ពស់អក្សរសាស្រ្តខ្មែរ ហើយនៅ​ឆ្នាំ២០២៥នេះ គឺជា​ឆ្នាំទី២ នៃការរៀបចំព្រឹត្តិការណ៍នេះ។ ការបង្កើតវេទិកានេះ គឺដោយមានការសហការរៀបចំដោយក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ អាជ្ញាធរជាតិអប្សរា រដ្ឋបាលខេត្តសៀមរាប និងសមាគមក្លិបទេសចរណ៍ខេត្ត​សៀមរាប។ ការរៀបចំវេទិការនេះ គឺនៅបន្ទាប់ពីកម្រិតនៃយល់ដឹងលើការសរសេរអក្សរសាស្ត្រខ្មែរ របស់ប្រជាពលរដ្ឋ​ខ្មែរបច្ចុប្នន្ន ត្រូវគេមើលឃើញថា ទាំងអក្ខរាវិរុទ្ធ និងទាំងវេយ្យាករណ៍ ហាក់ដូចជាមានការធ្លាក់ចុះគួរឱ្យបារម្ភ ។ សំណេរអង្គរ ធ្វើឡើងក្នុងគោលបំណងលើកកម្ពស់កម្រិតអក្សរសាស្ត្រ​ខ្មែររបស់ប្រជាពលរដ្ឋខ្មែរទូទៅ ជាពិសេស​យុវជន​ដែលជាសិស្ស និស្សិត ក្នុងយុគសម័យឌីជីថល ឱ្យចេះស្រឡាញ់ និងថែរក្សាអក្សរសាស្ត្រជាតិខ្មែរ ។ លោក លឹម ប៊ុនហុក គណៈកម្មការរៀបចំកម្មវិធីសំណេរអង្គរ បានឱ្យដឹងថា ការប្រកួតសរសេរតាមអានជា​សាធារណៈ​ថ្នាក់ជាតិ «សំណេរអង្គរ» លើកទី២…