(ភ្នំពេញ)៖ ក្រសួងប្រៃសណីយ៍និងទូរគមនាគមន៍ សូមអបអរសាទរ កញ្ញា ហ៊ុត ម៉ីឡាង និស្សិតនៃសាកលវិទ្យាល័យអាមេរិកាំងភ្នំពេញ (American University of Phnom Penh – AUPP) និងជាអតីតជ័យលាភី Huawei’s Seeds for the Future កម្ពុជាឆ្នាំ២០២៤ ដែលត្រូវបានជ្រើសរើសជា ទូតសុឆន្ទៈពិភពលោក (Global Ambassador) នៃតំបន់អាស៊ីប៉ាស៊ីហ្វិក បន្ទាប់ពីបានឆ្លងកាត់ការប្រកួតប្រជែងដែលមានការវាយតម្លៃយ៉ាងម៉ត់ចត់ និងឈានដល់ការប្រកួតប្រជែងវគ្គផ្តាច់ព្រ័ត្រជាមួយបេក្ខជនមកពីបណ្តាប្រទេសក្នុងតំបន់អាស៊ីប៉ាស៊ីហ្វិក។ កញ្ញា ហ៊ុត ម៉ីឡាង ត្រូវបានប្រកាសជា ទូតសុឆន្ទៈពិភពលោក មួយរូប ក្នុងចំណោម ១២ រូប មកពីតំបន់នានាជុំវិញពិភពលោក សម្រាប់ឆ្នាំ២០២៥។ ក្នុងតួនាទីជា ទូតសុឆន្ទៈពិភពលោក នេះ កញ្ញា ហ៊ុត ម៉ីឡាង មានបេសកកម្មជាតំណាងយុវជនតំបន់អាស៊ីប៉ាស៊ីហ្វិក ក្នុងការដឹកនាំនិងចូលរួមកិច្ចការសហគមន៍ ចែករំលែកចំណេះដឹងក្នុងព្រឹត្តិការណ៍ឬវេទិកាអន្តរជាតិ និងជំរុញទំនាក់ទំនងជាមួយតំបន់នានា ដើម្បីបញ្ជ្រាបការធ្វើបរិវត្តកម្មឌីជីថលលើពិភពលោក ។ កញ្ញា ហ៊ុត ម៉ីឡាង ជាអតីតសិស្សនិទ្ទេស…

ភ្នំពេញ៖ក្នុងសប្ដាហ៍នេះស្ថានទូតបារាំងប្រចាំកម្ពុជាបានប្រកាសបើកទទួល ពាក្យសុំអាហារូបករណ៍ «France Excellence» សម្រាប់ឆ្នាំសិក្សា​២០២៥-២០២៦។កម្មវិធីអាហា​រូបករណ៍​នេះបើកទូលាយសម្រាប់និស្សិត និងអ្នក​ស្រាវជ្រាវវ័យក្មេងកម្ពុជាទាំងអស់ ដែលមានបំណងទៅបន្តការ​សិក្សានៅ​ប្រទេសបារំាង ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត ដោយសិក្សាជាភាសា បារាំងក៏បាន ឬភាសាអង់គ្លេសក៏បាន។ យោងតាមសេចក្តីប្រកាសរបស់ស្ថានទូតបារាំងប្រចាំកម្ពុជាបានឱ្យដឹងថា អាហារូបករណ៍ប្រមាណ៦០នឹងត្រូវផ្តល់ជូនក្នុង​ក្របខ័ណ្ឌនៃអាហារូប ករណ៍ ឆ្នាំនេះ (ទាំងអាហារូបករណ៍សម្រាប់ជ័យលាភីថ្មី និងការបន្តអាហារូបករណ៍ដល់​អ្នក​ដែលធ្លាប់បានទទួលកន្លងមក)។កាលពីឆ្នាំសិក្សា២០២៤-២០២៥ និស្សិតកម្ពុជា៥៦នាក់បានទទួលអាហារូបករណ៍​ពីកម្មវិធីនេះ។ បេក្ខជនអាចដាក់ពាក្យសុំអាហារូបករណ៍សម្រាប់គ្រប់មុខជំនាញទាំងអស់ ប៉ុន្តែស្ថានទូតនឹងផ្តោតការយក​ចិត្តទុកដាក់ជាពិសេសលើមុខជំនាញនីតិសាស្រ្ត វិទ្យាសាស្រ្តមនុស្សសាស្រ្ត និងសង្គម សុខាភិបាល កសិអេកូឡូហ្ស៊ី និងបរិស្ថាន វិទ្យាសាស្រ្តវិស្វករ និងសិល្បៈ។ ក្រៅពីនេះ ស្ថានទូតបារំាងក៏បានបង្កើតសហ ហិរញ្ញប្បទានអាហារូបករណ៍​ជាមួយស្ថាប័នកម្ពុជាផងដែរ ក្នុងនោះមានការ ផ្តល់អាហារូបករណ៍ដែលទទួលសហហិរញ្ញប្បទានជាមួយក្រសួងអប់រំ យុវជន និងកីឡា និងជាមួយបណ្ឌិត្យសភាបច្ចេកវិទ្យាឌីជីថលកម្ពុជា(CADT) ដើម្បី បណ្តុះបណ្តាលនិស្សិត និងអ្នកស្រាវជ្រាវកម្ពុជា ក្នុងវិស័យវិទ្យាសាស្រ្ត បច្ចេកវិទ្យា វិស្វកម្ម គណិតវិទ្យា (STEM) ក៏ដូចជាព័ត៌មានវិទ្យា និងទូរគមនាគមន៍។ ប្រភពដដែលបន្តថានិសិ្សតកម្ពុជាជាង១៧០នាក់កំពុងទទួលការបណ្តុះបណ្តាលនៅប្រទេសបារាំងតាមរយៈយន្តការនៃការផ្តល់​អាហារូបករណ៍ និង ហិរញ្ញប្បទានពីប្រភពនានា រួមមានអាហារូបករណ៍ France Excellence, អាហារូបករណ៍ France Excellence…

(កែប)៖ លោក ប៊ុន យោង អភិបាលរងខេត្តកែប រួមជាមួយអាជ្ញាធរពាក់ព័ន្ធ និងមន្ដ្រីជំនាញ បានចុះតាមទីតាំង ឱសថស្ថាន ចំនួន ៥ ក្នុងភូមិសាស្ត្រ​ក្រុងកែប ដើម្បីត្រួតពិនិត្យគុណភាពថ្នាំ និងបំបាត់ឱសថក្លែងក្លាយ ការចុះ​ពិនិត្យទីតាំងទាំង ៥កន្លែងនេះ ធ្វើឡើងនៅរសៀលថ្ងៃទី៨ ខែមករា ឆ្នាំ២០២៥ មានឱសថចំនួន ១៤មុខ ត្រូវបានដកហូត បន្ទាប់ពីរកឃើញមិន​មានបញ្ជីការ និងហួសសុពលភាព ក្នុងនោះអាជ្ញាធរបានឲ្យម្ចាស់ឱសថស្ថាន​នោះ​ធ្វើកិច្ចសន្យាផងដែរ ។ លោក ប៊ុន យោង អភិបាលរងខេត្តកែប បានឱ្យដឹងថា ការបន្តចុះត្រួតពិនិត្យ​នេះ ដើម្បីពង្រឹងគុណភាពសេវាសុខាភិបាល នៅក្នុងមូលដ្ឋានឱ្យកាន់​តែប្រ​សើរ ក្នុងនោះរដ្ឋបាលខេត្តកែប ក្រោមការដឹកនាំរបស់ ឯកឧត្តម សោម ពិសិដ្ឋ អភិបាលខេត្តកែប បានយកចិត្តទុកដាក់ខ្ពស់ក្នុងការពង្រឹង ការផ្តល់​ឱសថនៅតាមឱសថស្ថានឯកជន និងរដ្ឋ ដោយទប់ស្កាត់នូវការលក់ឱសថ​ក្លែងក្លាយ ឱសថគ្មានបញ្ជីការ ដែលធ្វើឱ្យប៉ះពាល់ដល់សុខភាពរបស់ប្រជា​ពលរដ្ឋ​ដែលទិញយកទៅប្រើប្រាស់។ លោក ប៊ុន យោង បានណែនាំដល់ម្ចាស់ឱសថស្ថានទាំង ៥ទីតាំង ត្រូវតែ​ប្រកាន់ខ្ជាប់នូវក្រមសីលធម៌ និងវិជ្ជាជីវៈជូនដល់ប្រជាពលរដ្ឋ ព្រមទាំ​ងអនុវត្តអោយបានត្រឹមត្រូវតាមការណែនាំរបស់ក្រសួងសុខាភិបាល និងច្បាប់ដែលបានកំណត់ផងដែរ៕…

(ភ្នំពេញ)៖ លោកស្រី ហ៊ឺ ផានិន អគ្គនាយករងអាជីវកម្ម/ប្រតិបត្តិការ កំពង់ផែស្វយ័តភ្នំពេញ បានថ្លែងចាត់ទុកការជំរុញដល់ការអប់រំលើផ្នែកបច្ចេកវិទ្យា និងឌីជីថល ពិតជាមានសារៈសំខាន់ ដែលយើងទាំងអស់គ្នា ត្រូវចូលរួមសិក្សាស្វែងយល់ និងបង្កើនសមត្ថភាពឱ្យ កាន់តែប្រសើរឡើង ស្របតាមការផ្លាស់ប្តូរ នៃបរិយាកាសសង្គម សេដ្ឋកិច្ច និងបច្ចេកវិទ្យាព័ត៌មានវិទ្យា ។ លោកស្រីបានលើកឡើងដោយកត់សម្គាល់ឃើញថា ជានិន្នាការទៅមុខ ប្រទេសនានា នៅលើពិភពលោក ផ្តោតអាទិភាពជាចម្បងលើវិស័យពាក់ព័ន្ធសំខាន់ៗ តាមរយៈការជំរុញការធ្វើឌីជីថលភាវូបនីយកម្ម និងបរិវត្តកម្មឌីជីថល ដោយផ្តោតអាទិភាពលើការកសាងរដ្ឋាភិបាល សេដ្ឋកិច្ច និងសង្គមឌីជីថល ដើម្បីបង្កើនផលិតភាព និងកសាងភាពធន់នៃការអភិវឌ្ឍសង្គម-សេដ្ឋកិច្ច ។ ហេតុដូចនេះ ដើម្បីចូលរួមជាមួយរាជរដ្ឋាភិបាល និងលោកគ្រូ អ្នកគ្រូទាំងអស់ នៃវិទ្យាល័យប្រមូលព្រហ្ម និងវិទ្យាល័យមិត្តភាព ខ្មែរ-ជប៉ុន, ថ្នាក់ដឹកនាំ និងក្រុមការងាររាជរដ្ឋាភិបាលចុះមូលដ្ឋានស្រុកព្រះស្ដេច ខេត្តព្រៃវែង ក៏បានយកចិត្តទុកដាក់ខ្ពស់ដល់សិស្សានុសិស្សទាំងអស់ តាមរយៈការផ្តល់ជូនកុំព្យូទ័រ សម្រាប់ផ្គត់ផ្គង់ដល់វិទ្យាល័យ ក៏ដូចជាការចូលរួមផ្តល់ឱកាសដល់សិស្សានុសិស្សទាំងអស់ បានប្រើប្រាស់កុំព្យូទ័រទាំងនេះ ដើម្បីជាមធ្យោបាយសិក្សារៀនបន្ថែមអំពីបច្ចេកវិទ្យា-ឌីជីថល ឱ្យកាន់តែមានប្រសិទ្ធភាពខ្ពស់ និងដើម្បីក្លាយខ្លួនជាធនធានដ៏មានគុណភាពខ្ពស់នៅក្នុងតំបន់ និងបង្កើតវិស័យសេដ្ឋកិច្ចថ្មីៗ ដូចជា អេឡិចត្រូនិច កសិឧស្សាហកម្ម ឡូជីស្លីក នៅក្នុងយុគឌីជីថល…

(ភ្នំពេញ)៖ នាថ្មីៗមកនេះមានវត្តមានសត្វខ្ទីងដែលជាសត្វដ៏កម្រ និង ងាយរងគ្រោះជិតផុតពូជបានបង្ហាញវត្តមានសារជាថ្មីនៅក្នុងដែនជម្រកសត្វព្រៃ”ព្រៃឡង់” ក្នុងភូមិសាស្រ្ត ខេត្តព្រះវិហារ ។ ពួកវាតែងមកប្រលែងលេង និងរកចំណីជាមួយគោអ្នកភូមិ ។ ក្រុមមន្រ្តីឧទ្យានុរក្សប្រចាំនៅក្នុងតំបន់ដែនជម្រកសត្វព្រៃ “ព្រៃឡង់”ក្នុងភូមិសាស្រ្ត ខេត្ត ព្រះវិហារ បានប្រាប់ឱ្យដឹងថាសត្វខ្ទីងមេកូន និងហ្វូងសត្វខ្ទីងខ្លះទៀតពួកវាតែងបង្ហាញវត្តមាន នៅក្នុង ភូមិ ភ្ញាក់រលឹក ឃុំធ្មា ស្រុកជ័យសែន ខេត្ត ព្រះវិហារ។ឆ្នាំ២០២៤កន្លងមក ពួកវាបានមកលេងជាមួយគោអ្នកភូមិប្រមាណ៣ដងហើយ ដែលស្ទើរក្លាយជារឿងធម្មតាទៅហើយ។ បើតាមមន្រ្តីឧទ្យានុរក្សប្រចាំនៅតំបន់មួយនេះបានបញ្ជាក់ប្រាប់ថាតាមរយៈការកត់សម្គាល់នៃវត្តមានរបស់សត្វខ្ទីង ដែលក្នុងនេះមានមេ និងកូនបានបង្ហាញវត្តមានក្នុងភូមិរបស់ប្រជាសហគមន៍ដែលនៅក្បែរដែនជម្រកសត្វព្រៃ “ព្រៃឡង់” ដែលក្នុងនេះវាបានមកចូលក្នុងហ្វូងរបស់គោរបស់អ្នកភូមិ។ ទាក់ទិនក្នុងរឿងនេះអ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានថ្លែងប្រាប់ទូរទស្សន៍អប្សរា ដោយធ្វើការវាយតម្លៃខ្ពស់ចំពោះការរីកចម្រើននៃជីវចម្រុះ ដែលទាំងនេះដោយសារតែការចូលរួមពីគ្រប់ភាគីក្នុងកិច្ចការពារជីវចម្រុះនៅកម្ពុជាពិសេសនៅក្នុងដែនជម្រកសត្វព្រៃ “ព្រៃឡង់”។ ជាមួយគ្នានេះអ្នកនាំពាក្យក្រសួងបរិស្ថានបានសំណូមពរឱ្យចូលរួមការពារធនធានធម្មជាតិ ដែលជាផ្នែកមួយសំខាន់មិនត្រឹមតែលើកកម្ពស់ជីវចម្រុះនៅកម្ពុជាទេ តែវាក៏ជាផ្នែកមួយសំខាន់ក្នុងការលើកស្ទួយវិស័យទេសចរណ៍ក្នុងការរកចំណូលដល់ប្រជាសហគមន៍ថែមទៀត។កិច្ចការពារបាននៃជីវចម្រុះ ជួយឱ្យរក្សាបាននូវលំនឹងបរិស្ថានក្នុងតំបន់ ជាពិសេសរក្សាបានសត្វព្រៃ ក្នុងតំបន់ធម្មជាតិ ដែលនេះវាក៏ជាការបន្សល់ទុកនូវកេរ្តិ៍មរតកដល់មនុស្សជំនាន់ក្រោយ ជារបស់ដ៏មានតម្លៃមហាសាលមិនអាចកាត់ថ្លៃបានសោះឡើយ។ តាមឯកសារស្រាវជ្រាវបានបញ្ជាក់ថា «ខ្ទីងរស់នៅក្នុងតំបន់មួយចំនួននៃប្រទេសកម្ពុជា ក្នុងនោះមានដូចជា ភូមិភាគឦសាន និងខាងជើង ខេត្តកោះកុង ពោធិ៍សាត់(ជួរភ្នំក្រវាញ) និងកំពង់ស្ពឺ។ សូមបញ្ជាក់ថា…

(ភ្នំពេញ)៖ តាមរយៈវីដេអូពីម៉ាស៊ីនថតស្វ័យប្រវត្តិបង្ហាញវត្តមាន ដំរីអាស៊ីមួយហ្វូង ដើរឆ្លងកាត់តំបន់ការពារនៅតំបន់ជួរភ្នំក្រវាញកណ្តាលនៃប្រទេសកម្ពុជា។ បីក្បាលក្នុងចំណោមដំរីមួយហ្វូងនេះ គឺជាកូនដំរី ដែលមើលទៅហាក់មានសុខភាពល្អ។ ក្រសួងបរិស្ថានបានឱ្យដឹងនៅថ្ងៃទី០៨ ខែមករា ឆ្នាំ២០២៥ថា វត្តមាននៃកូនដំរី បង្ហាញពីក្តីសង្ឃឹមនៃការរស់រាន និងបន្តពូជនៃប្រភេទសត្វដ៏កម្រនេះ។ សត្វដំរីអាស៊ី គឺជាប្រភេទសត្វរងគ្រោះថ្នាក់ជិតផុតពូជ ក្នុងបញ្ជីក្រហមរបស់អង្គការIUCNដែលរងការគំរាមកំហែងពីអន្ទាក់ និងការបាត់បង់ទីជម្រកទូទាំងពិភពលោក។ បើយោងតាមក្រសួងបរិស្ថានបានឱ្យដឹងដែរថា មានដំរីអាស៊ីចំនួនប្រមាណពី ៤០០ ទៅ៦០០ក្បាល នៅកម្ពុជា ហើយភាគច្រើនពួកវារស់នៅក្នុងតំបន់ជួរភ្នំក្រវាញ និងតំបន់ខ្ពង់រាបភាគខាងកើត។ នៅក្នុងធម្មជាតិ សត្វដំរី ដើរតួនាទីជាវិស្វករនៃប្រព័ន្ធអេកូឡូស៊ី ដោយមានមាឌធំសម្បើម ពួកវាត្រួសត្រាយផ្លូវក្នុងព្រៃសម្រាប់សត្វតូចៗដទៃទៀត។ សត្វដំរីក៏ដើរតួនាទីយ៉ាងសំខាន់ផង ក្នុងការបែកខ្ញែកគ្រាប់ពូជនៅក្នុងព្រៃ និងពួកវាត្រូវការជម្រកធម្មជាតិដែលមានទំហំធំសមរម្យដើម្បីចល័ត ស្វែងរកចំណី និងរស់នៅ។ គួរបញ្ជាក់ថា នៅតំបន់ជួរភ្នំក្រវាញកណ្តាល អង្គការអភិរក្សអន្តរជាតិកម្ពុជា ជាមួយរាជរដ្ឋាភិបាលកម្ពុជា មានក្រសួងបរិស្ថាន អាជ្ញាធរ សហគមន៍មូលដ្ឋាន ជនជាតិដើមភាគតិច និងដៃគូពាក់ព័ន្ធ ដោយមានការគាំទ្រពី USAID Morodok Baitang-មរតកបៃតង និង The Legacy Landscapes Fund និង Procter &…

(ភ្នំពេញ)៖ បុរសជាជនជាតិបង់ក្លាដេស ម្នាក់ បានមកយកម៉ូតូ របស់ខ្លួនវិញ ក្រោយពីទុកចោល និងពុំបានចាក់សោរកម៉ូតូ នៅចំណុចលើផ្លូវជាតិលេខ៥ ក្រុមទី៣ ភូមិក សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ។ លោក ហ៊ាង ថារ៉េត អធិការនគរបាលខណ្ឌឫស្សីកែវ បានអោយដឹងនៅរសៀលថ្ងៃទី០៦ ខែមករា ឆ្នាំ២០២៥ ថា កម្លាំងល្បាត ប្រទះឃើញម៉ូតូ ០១គ្រឿង ម៉ាក HONDA CLICK ពណ៌ស ផ្លាកលេខ ភ្នំពេញ 1FG-8519 ទុកចោលនៅចំណុចខាងលើ ទើបសមត្ថកិច្ច យកទៅរក្សាទុកនៅ ប៉ុស្តិ៍នគរបាលរដ្ឋបាលច្រាំងចំរេះទី២។ក្រោយមកសមត្ថកិច្ច ក៏បានធ្វើការស្រាវជ្រាវ រកម្ចាស់ម៉ូតូឃើញវិញ និងបានប្រគល់ឱ្យសាមីខ្លួនវិញ ។ លោកអធិការ បន្តថា ម្ចាស់ម៉ូតូឈ្មោះ HOSSEN MDBELAYET អាយុ ៥០ឆ្នាំ ជនជាតិបង់ក្លាដេស មានទីលំនៅផ្ទះជួល ភូមិក្បាលទំនប់ សង្កាត់បឹងទំពន់ ខណ្ឌមានជ័យ រាជធានីភ្នំពេញ ។ មូលហេតុកូនប្រុសរបស់គាត់…

(ភ្នំពេញ)៖ តាមរយៈការទប់ស្កាត់ និងក៏ដូចជាថែរក្សាធនធានធម្មជាតិក្រុមមន្រ្តីក្រសួងបរិស្ថាន និងអាជ្ញាធរមូលដ្ឋានបានរួមគ្នាចុះកម្ទេចឡធ្យូង នៅភូមិសាស្ត្រភូមិសុខសាន្ត ឃុំសុខសាន្ត ស្រុកកោះញែក ខេត្តមណ្ឌលគីរី។ ក្រសួងបរិស្ថានបានឱ្យដឹងនៅថ្ងៃទី០៦ ខែ មករា ឆ្នាំ ២០២៥ថា៖ការចុះបង្រ្កាបនេះធ្វើឡើងកាលពីថ្ងៃ ទី៥ ខែមករា ឆ្នាំ២០២៥ដោយមន្រ្តីការិយាល័យដែនជម្រកសត្វព្រៃស្រែពក-ណាមលៀរ សហការជាមួយអាជ្ញាធរឃុំសុខសាន្ត បានចុះល្បាតរុះរើឡធ្យូង និងខ្ទម នៅចំណុចជាប់អូរច្បារ ស្ថិតក្នុងភូមិសុខសាន្ត ឃុំសុខសាន្ត ស្រុកកោះញែក ខេត្តមណ្ឌលគីរី បានកម្ទេចឡរធ្យូងចំនួន០៤ឡ នឹងរុះរើខ្ទមចំនួន ០២ខ្ទម ។ គួរបញ្ជាក់ថា ការបង្កើតឡធ្យូងខុសច្បាប់ត្រូវបានក្រសួងបរិស្ថាន និងអាជ្ញាធរមូលដ្ឋានតម្រូវឱ្យបញ្ឈប់ជាបន្ទាន់នូវការធ្វើអាជីវកម្មទាំងនេះ ព្រោះវាជាផ្នែកមួយនៃការធ្វើឱ្យបាត់បង់ធនធានព្រៃឈើជាតិ ៕ ដោយ ៖ ម៉ាដេប៉ូ

(ភ្នំពេញ)៖ ចំនួនសត្វក្រៀលដែលស្ថិតនៅក្នុងតំបន់ការពារទេសភាពចំនួន ២គឺ តំបន់ការពារទេសភាពបឹងព្រែកល្ពៅ ខេត្តតាកែវ និងតំបន់ការពារទេសភាពអន្លង់ព្រីង ខេត្ត កំពត មានការធ្លាក់ចុះ ដែលនេះគឺជាក្តីព្រួយបារម្ភរបស់ក្រុមអង្គការសង្គមស៊ីវិល ។ អង្គការជីវិតធម្មជាតិនៅកម្ពុជា (NatureLife Cambodia) បានឱ្យដឹងថា ៖ អំឡុងពេលកាលពីថ្ងៃទី៣០ និង៣១ ខែធ្នូ ឆ្នាំ២០២៤ អង្គការជីវិតធម្មជាតិនៅកម្ពុជា មន្ទីរបរិស្ថានខេត្តតាកែវ មន្ទីរបរិស្ថានខេត្តកំពត បានសហការគ្នាធ្វើជំរឿនសត្វក្រៀលប្រចាំខែធ្នូ ឆ្នាំ២០២៤ នៅតំបន់ការពារទេសភាពបឹងព្រែកល្ពៅ ខេត្តតាកែវ និងតំបន់ការពារទេសភាពអន្លង់ព្រីង ខេត្តកំពត ។ អង្គការជីវិតធម្មជាតិនៅកម្ពុជាបានឱ្យដឹងដែរថា ៖ ការធ្វើជំរឿននេះ ចាប់ផ្ដើមឡើងនៅរសៀលថ្ងៃទី៣០ ដើម្បីសង្កេតមើលទីតាំងទ្រនំសត្វក្រៀល និងរាប់ចំនួន លុះព្រឹកឡើងថ្ងៃទី៣១ ខែឆ្នាំដដែល យើងត្រូវក្រោកមុនថ្ងៃរះដើម្បីរង់ចាំរាប់ចំនួនក្រៀលដែលហើរចេញពីទ្រនំ និងបូកសរុបចំនួនជាក់ស្ដែង ។ ជាលទ្ធផល សត្វក្រៀលចំនួន ៥២ក្បាល (ជំទង់ ១២) ត្រូវបានកត់ត្រាមានវត្តមាននៅតំបន់ដីសណ្ដរមេគង្គក្រោមប្រទេសកម្ពុជា។ ក្នុងនោះដែរ សត្វក្រៀលចំនួន ៤៤ក្បាល ក្នុងនេះជំទង់ចំនួន ១១ក្បាលមានវត្តមានក្នុងតំបន់ការពារទេសភាពបឹងព្រែកល្ពៅ និងចំនួន៨ក្បាល (ជំទង់១) មានវត្តមានក្នុងតំបន់ការពារទេសភាពអន្លង់ព្រីង។…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅថ្ងៃទី៦ ខែមករា ឆ្នាំ២០២៥ បានអញ្ជើញជាអធិបតីដ៏ខ្ពង់ខ្ពស់ ក្នុងសិក្ខាសាលាស្តីពី «ការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួងធនធានទឹក និងឧតុនិយម» ដោយមានវត្តមានអញ្ជើញចូលរួមដោយ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ។ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានជម្រាបជូនអង្គសិក្ខាសាលាថា “ក្នុងដំណើរការកំណែទម្រង់អង្គភាពទាំងបីនេះ បានបន្តធ្វើកិច្ចការចំនួន៣ ចម្បងរួមមាន៖ ១).ការពិនិត្យនិងធ្វើបច្ចុប្បន្នភាពទិន្នន័យមន្ត្រីរាជការ ២).ការពិនិត្យឡើងវិញ និងការវិភាគលើមុខងារ តួនាទី ភារកិច្ច និងរចនាសម្ព័ន្ធ និង ៣).ការត្រួតពិនិត្យវត្តមានមន្ត្រីរាជការ ដែលតម្រូវឱ្យមន្ត្រីរាជការត្រូវមានវត្តមាន និងចុះហត្ថលេខាជាប្រចាំថ្ងៃ។ ជាមូលដ្ឋាន ក្រសួងបានសំយោគធាតុចូល និងជាពុទ្ធិបន្ថែមក្នុងការពិនិត្យកែសម្រួលមុខងារ និងរចនាសម្ព័ន្ធឱ្យកាន់តែប្រសើរ មុតស្រួច និងពេញលេញ ទាំងបច្ចេកទេស ទាំងគតិយុត្ត ស្របតាមបរិបទនៃការវិវត្តរបស់សង្គម និងធម្មជាតិ។” ឯកឧត្តមរដ្ឋមន្ត្រី បានបញ្ជាក់បន្ថែមថា “បន្ទាប់ពីដំណើរការពិនិត្យ និងវិភាគនេះ…