(ភ្នំពេញ)៖ ក្នុងរចនាសម្ពន្ធនៃបណ្ណាល័យខាងត្បូង នៅរួតទី២របស់ប្រាសាទអង្គរវត្ត មានអាយុកាលជិត១ពាន់ឆ្នាំ ដែលរងការខូចខាត បានរឹងមាំឡើងវិញហើយ បន្ទាប់ពីក្រុមអ្នកជំនាញនៃអាជ្ញាធរជាតិអប្សរាជួសជុលអស់រយៈពេល ៥ខែមក ។ អាជ្ញាធរជាតិ អប្សរាបានឱ្យដឹងនៅថ្ងៃទី៣ ខែ មករា ថា ៖ កាលពីមុនពេលជួសជុលបណ្ណាល័យខាងត្បូង នៅរួតទី២របស់ប្រាសាទអង្គរវត្ត មានសភាពទ្រុឌទ្រោមខ្លាំងដូចជា សសរថ្មនៅផ្នែកខាងត្បូងឆៀងខាងកើតបានពុក និងប្រេះបែកតាំងពីលើរហូតដល់ក្រោម រីឯជញ្ជាំងរបស់បណ្ណាល័យក៏ហែកចេញពីគ្នាខុសពីសភាពដើម ព្រមទាំងធ្វើឱ្យពាក់ព័ន្ធដល់ធ្នឹម និងដំបូលខាងលើផង ។ លោក ឃាម មុនី ប្រធានគ្រប់គ្រងការដ្ឋានជួសជុលបណ្ណាល័យខាងត្បូងឱ្យដឹងថា បច្ចុប្បន្ននេះបណ្ណាល័យខាងត្បួង នៅរួតទី២នៃប្រាសាទអង្គរវត្តបានជួសជុលពង្រឹងរចនាសម្ពន្ធដូចជា សសរនៅផ្នែកខាងត្បូងឆៀងខាងកើត ជញ្ជាំង កម្រាល និងគ្រឹះរួចរាល់ហើយ។ ក្រុមអ្នកជំនាញបានចាប់ផ្ដើមជួសជុលតាំងពីដើមខែកក្កដាឆ្នាំ២០២៤ ហើយបច្ចុប្បន្នការងារដ៏ពិបាកនេះ បានទទួលជោគជ័យនិងបញ្ចប់ជាស្ថាពរ។ លោក ឃាម មុនី បញ្ជាក់ទៀតថា ក្រុមការងារដែលជួសជុលបណ្ណាល័យខាងត្បួង នៅរួតទី២នៃប្រាសាទអង្គរវត្តនេះ គឺអនុវត្តទៅតាមអនុសាសន៍គណៈកម្មការអាយស៊ីស៊ីអង្គរ និងសំបូរព្រៃគុក ដែលបានចុះពិនិត្យយ៉ាងត្រឹមត្រូវ។ ការជួសជុលបានដាក់ថ្មថ្មីមួយចំនួនដើម្បីទ្រទ្រង់រចនាសម្ពន្ធរបស់បណ្ណាល័យទាំងមូល។ ចំណែកកម្រាល ក៏បានបន្ថែមថ្មថ្មីខ្លះៗ សម្រាប់ការពារកុំឱ្យងាកក្រៀកបន្តទៅទៀត។ ចំពោះសសរចាស់មួយចំនួននៅផ្នែកខាងកើត ក៏បានពង្រឹងបន្ថែមបំណែកថ្មនៅតាមកន្លែងដែលពុកផុយប្រហែល១ភាគ៤ ចំណែកសសរនៅផ្នែកខាងក្នុងដោយសារតែថ្មមានសភាពពុកផុយ ក៏បានដូរថ្មថ្មីពាក់កណ្ដាល ដើម្បីឱ្យជួយពង្រឹងរចនាសម្ពន្ធដំបូល…

(ភ្នំពេញ)៖ កេសរកូលឬហៅថា(អរគីដេ)ពីងពាងព័ទ្ធសម្បុក ដែលមានឈ្មោះតាមវិទ្យាសាស្រ្តថា Arachinis labrosa គេច្រើនប្រទះឃើញ មានវត្តមាននៅក្នុងឧទ្យានជាតិព្រះមុនីវង្ស “បូកគោ” ឧទ្យានជាតិជួរភ្នំក្រវាញ និងឧទ្យានជាតិព្រះសុរាម្រិត-កុសុមៈ “គិរីរម្យ”ជាដើម។ ឯកឧត្តម បណ្ឌិត សាមអ៊ីន រដ្ឋលេខាធិការក្រសួងបរិស្ថានបានឱ្យដឹងថា ៖ ពីងពាងព័ទ្ធសម្បុក ជាប្រភេទកេសរកូលដុះតោងជាប់នឹងដើមឈើ ជួនកាលដុះជាប់នឹងថ្ម។ វាមានតួដើមវែងស្រដៀងវល្លិ មានស្លឹកច្រើនដុះជិតគ្នាជា២ជួរ ហើយស្លឹកមានស្ទប គ្មានរោម។ រុក្ខជាតិប្រភេទនេះគេអាចសង្កេតឃើញកេសរកូលពីងពាងព័ទ្ធសម្បុកចេញផ្កានៅចុងរដូវប្រាំង។ ផ្កាមានលក្ខណៈកញ្ចុំផ្កាចំហៀងជាចង្កោម និងមានផ្កាដុះឃ្លាតពីគ្នា។ កេសរកូលប្រភេទនេះគេច្រើនឃើញ ដុះនៅលើដើមឈើធំៗ និងលើថ្ម ក្នុងព្រៃតូចៗ ក្នុងរយៈកម្ពស់ពី ៨០០ ដល់ ១៧០០ម៉ែត្រ។ បើយោតាមសៀវភៅមគ្គទេសក៍ ស្តីពី កេសរកូលព្រៃកម្ពុជាវិញបានឱ្យដឹងថា៖កេសរកូល ពីងពាងព័ទ្ធសម្បុក មានដើមកំណើតផងដែរនៅឥណ្ឌា ភូមា ថៃ ចិន តៃវ៉ាន់ វៀតណាម និងប៉ូតង់ ។ គួរបញ្ជាក់ថា រដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទបានឱ្យដឹងនាថ្មីៗមកនេះថា តាមរយៈការសិក្សាស្រាវជ្រាវទៅលើប្រភេទរុក្ខជាតិ រួមទាំងកេសរកូលព្រៃ អស់រយៈពេលជាច្រើនទសវត្សមកហើយ ដោយបានរកឃើញកេសរកូលព្រៃជាង…

កំពង់ចាម៖ក្នុងឱកាសបុណ្យឆ្នាំថ្មី ឆ្នាំសកល២០២៥ នៅខេត្ត​កំពង់ចាម​ថ្ងៃទី៣១ ខែធ្នូ ឆ្នាំ២០២៤ ដែលជាថ្ងៃឆ្លងឆ្នាំ​នៅខេត្តកំពង់​ចាម​មានភ្ញៀវទេសចរជាតិ អន្តរជាតិជាង ១០ ម៉ឺននាក់ បានមកកម្សាន្ត​នៅខេត្តជាប់ដងទន្លេមេគង្គរបស់កម្ពុជាមួយនេះ ។នេះបើតាមការ​បញ្ជាក់​របស់មន្រ្តីជាន់ខ្ពស់នៃមន្ទីរទេសចរណ៍ខេត្ត។ លោក ស៊ាន សុគុន ប្រធានមន្ទីរទេសចរណ៍ខេត្តកំពង់ចាម​បានឱ្យដឹង​ថា ក្នុងថ្ងៃឆ្លងឆ្នាំសកលដែលទើបបញ្ចប់ ខេត្ត មានភ្ញៀវជាតិ អន្តរជាតិចំនួនជាង១០ម៉ឺននាក់បានធ្វើដំណើរកម្សាន្តនៅកតំបន់រមណីយដ្ឋាននានា ក្នុងភូមិសាស្ត្រខេត្ត​កំពង់ចាម ពិសេសនៅតំបន់ប្រារព្ធ​ពិធីបុណ្យឆ្លងឆ្នាំនាដងទន្លេមេគង្គលើ។ក្នុងនោះមានភ្ញៀវជាតិប្រមាណ ១០៦ ៦៦២នាក់ និងអន្តរជាតិចំនួន ១៧០នាក់ ។ លោកប្រធានមន្ទីរបានបង្ហាញនូវការកត់សម្គាល់ថា ក្នុងថ្ងៃឆ្លងឆ្នាំសកល សមត្ថកិច្ចបានរក្សាសន្តិសុខ សុវត្ថិភាព សណ្ដាប់​ធ្នាប់បានល្អ ដែល​ធ្វើឱ្យភ្ញៀវសប្បាយរីករាយ និងធ្វើដំណើរគ្រប់ច្រកល្ហក​ដោយពុំមាន​ការព្រួយបារម្ភ។ ទាក់ទងនឹងព្រឹត្តិការណ៍ឆ្លងឆ្នាំសកលនេះដែរ ក្រសួងទេសចរណ៍បាន​ឱ្យដឹងថា ទេសចរជាតិ និងអន្តរជាតិបានធ្វើ​ដំណើរ​កម្សាន្ត​ទូទាំង​ប្រទេស​ក្នុងឱកាសឆ្លងឆ្នាំ​សកលនៅតាមបណ្ដារាជធានី-ខេត្ត ចាប់ពីថ្ងៃទី៣០-៣១ ខែធ្នូ ឆ្នាំ២០២៤​មានចំនួន ៣ ៥៣៥ ៣២៥នាក់ ក្នុងនោះ​ទេសចរជាតិប្រមាណ ៣ ៤៨៨ ០៦៥ នាក់ និងទេសចរ​អន្តរជាតិ​ប្រមាណ ៤៧ ២៦០នាក់ ៕ ដោយ៖នុត នាង

ភ្នំពេញ ៖ Smart Axiata ដែលជាក្រុមហ៊ុនផ្ដល់ដំណោះស្រាយបច្ចេកវិទ្យា និងទូរគមនាគមន៍ បានធ្វើការចុះអនុស្សរណៈនៃការយោគយល់គ្នា ជាមួយនឹង ក្រសួងបរិស្ថាននៃព្រះរាជាណាចក្រកម្ពុជាដើម្បីជម្រុញការធ្វើសកម្មភាពបរិស្ថាននៅទូទាំងប្រទេស។ ពិធីចុះអនុស្សររណៈនេះដែរ ត្រូវបានប្រព្រឹត្តឡើងនៅក្រសួងបរិស្ថាន ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីនៃក្រសួងបរិស្ថាន ដោយមានការចូលរួមពីសំណាក់នាយកប្រតិបត្តិនៃក្រុមហ៊ុន Smart Axiata លោក Ziad Shatara ផ្ទាល់ រួមជាមួយនឹងមន្ត្រីរាជការ និងភ្ញៀវកិត្តិយសផ្សេងទៀត មកពីស្ថាប័នទាំងពីរផងដែរ។ ការចុះអនុស្សរណៈនេះ ពិតជាមានសារៈសំខាន់ក្នុងការលើកកម្ពស់កិច្ចសហការរវាងស្ថាប័នរដ្ឋ និងស្ថាប័នឯកជន ក្នុងការដោះស្រាយបញ្ហាដែលបង្កឡើងដោយបម្រែបម្រួលអាកាសធាតុ។ ក្រុមហ៊ុន Smart Axiata បាននិងកំពុងគាំទ្រយ៉ាងពេញទំហឹងទៅលើព្រឹត្តិការណ៍សំខាន់ៗទាក់ទងនឹងបរិស្ថាន ដូចជាកម្មវិធី ពិព័រណ៍ផ្សព្វផ្សាយ និងចែកកូនឈើដោយបាន ឧបត្ថម្ភផ្នែកហិរញ្ញវត្ថុដើម្បីគាំទ្រការបណ្ដុះពន្លកបៃតង ព្រមទាំងចូលរួមផ្សព្វផ្សាយនៅលើបណ្ដាញសង្គមរបស់ Smart ផ្ទាល់ រួមទាំងបានចូលរួមផ្គត់ផ្គង់សម្ភារៈសម្រាប់ប្រើប្រាស់ក្នុងកម្មវិធី ដូចជា អាវយឺត និងថង់បរិស្ថាន។ តាមរយៈកិច្ចសហការនេះ Smart Axiata នឹងបន្តចូលរួមផ្សព្វផ្សាយសកម្មភាពបរិស្ថានថ្នាក់ជាតិបែបនេះជាបន្ទាប់ទៀត ដូចជា យុទ្ធនាការ “កម្ពុជាស្អាត ខ្មែរធ្វើបាន” និង “ថ្ងៃនេះ…

សៀមរាប៖ក្រសួងទេសចរណ៍បានឱ្យដឹងថា រយៈពេល២ថ្ងៃនៃដំណាច់​ឆ្នាំ២០២៤ ឆ្លងចូលឆ្នាំថ្មី ឆ្នាំសកល២០២៥ មាន ភ្ញៀវទេសចរជាតិ អន្តរជាតិ​ធ្វើដំណើរកម្សាន្តទូទាំងប្រទេសជាង៣,៥លាននាក់ ខណៈ​ខេត្ត​សៀមរាប​ប្រកាស​ថា មាន ទេសចរជាតិ អន្តរជាតិជាង៣៣ម៉ឺននាក់​មកកម្សាន្តឆ្លងឆ្នាំនៅទឹកដីទេសចរណ៍វប្បធម៌មួយនេះ។ ក្នុងឱកាសបុណ្យចូលឆ្នាំសកល២០២៥ ក៏ដូចជាបណ្ដាខេត្តដទៃ ពិសេសរាជធានីភ្នំពេញដែលប្រារព្ធ​ព្រឹត្តិការណ៍ ​​​”សាទរ កម្ពុជា”​ដែលជាព្រឹត្តិការណ៍បង្កើតភាពរីករាយ និងទាក់ទាញទេសចរដ៏ធំនោះ នៅខេត្តសៀមរាបឯណោះវិញ​នៅថ្ងៃ​ទី៣១ ខែធ្នូ ឆ្នាំ២០២៤ នៅតំបន់​ទេសចរណ៍សំខាន់ៗពោរពេញទៅដោយមនុស្សម្នាប្រុសស្រីក្មេង ទាំងជាតិ និងអន្តរជាតិ បាន​ធ្វើដំណើរកម្សាន្តនិងទស្សនាទស្សនីយ​ភាពនានាដែលរៀបចំឡើងដោយរដ្ឋបាលខេត្ត ។រាត្រីឆ្លងឆ្នាំ ចំណុច​ដែលទាក់​ទាញបំផុតសម្រាប់ប្រជាពលរដ្ឋ និងទេសចរ មានដូចជា សួនខាងមុខព្រះរាជដំណាក់ តំបន់ដងស្ទឹងប្រវត្តិសាស្រ្ត​សៀមរាប សួនទឹករាំតាមចង្វាក់ភ្លេងទើបបង្កើតថ្មី និងពិសេសជាងគេគឺ វិថីរាត្រី ផាប់ស្រ្ទីត ដែលជាចំណុចនៃការកម្សាន្តពេលរាត្រី។ រយៈពេលចុងក្រោយនេះ ឯកឧត្តម ប្រាក់ សោភ័ណ អភិបាល​ខេត្ត​សៀមរាប ចូលរួមដោយវិស័យឯកជនផង​បាន​បង្កើត​កន្លែងទស្សនា​ថ្មីៗនិងបង្កើតព្រឹត្តិការណ៍ជាច្រើនបន្ថែមទៀត សម្រាប់ប្រជាពលរដ្ឋ ក៏ដូចជាភ្ញៀវទេសចរជាតិ អន្តរជាតិកម្សាន្ត។ តួលេខដំបូងដែលបញ្ជាក់ឱ្យដឹងដោយមន្ទីរទេសចរណ៍ខេត្តសៀមរាបថា នៅថ្ងៃឆ្លងឆ្នាំសកល២០២៤ឈានចូល ឆ្នាំ២០២៥ ខេត្តទទួល​បានភ្ញៀវចំនួន ៣៣៣ ៦៦០ នាក់ ។ចំនួននេះកើន​ឡើងប្រមាណ ៩.៧៣ភាគរយ​បើប្រៀបធៀបនឹង​ឆ្នាំ២០២៣ ដែមានចំនួន៣០៤ ៦៤០នាក់។ក្នុងចំនួនភ្ញៀវជាង៣៣ម៉ឺននាក់…

(ភ្នំពេញ)៖ ថ្ងៃទី១ ខែមករា ឆ្នាំ២០២៥ នៅរាត្រីថ្ងៃទី៣១ ខែធ្នូ មានមនុស្សរាប់ម៉ឺននាក់បានប្រមូលផ្តុំគ្នានៅសួនច្បារសម្តេចតេជោ ហ៊ុន សែន ដើម្បីទស្សនាការប្រគំតន្ត្រីឆ្លងឆ្នាំដ៏អស្ចារ្យដែលរៀបចំឡើងដោយណាហ្គាវើលដ៍ដែលមានការចូលរួមសម្តែងដោយកំពូលតារាចម្រៀង កញ្ញា ពេជ្រ សោភា ក្មេងខ្មែរ លោកព្រីន និងលោក វីនទ្រែប រួមជាមួយពិធីករ-ពិធីការិនី លោកយូហាន និងកញ្ញាវីវៀន ដែលក្នុងអំឡុងពេលស្វាគមន៍ឆ្នាំថ្មី២០២៥ នេះ ណាហ្គាវើលដ៍ក៏មានការបាញ់កាំជ្រួចយ៉ាងភ្លឺចែងចាំងទៅលើអាកាសផងដែរ ។  ចំណែកនៅក្នុងអគារណាហ្គាវើលដ៍ ភោជនីយដ្ឋានជាច្រើនរបស់ណាហ្គាវើលដ៍រួមទាំងភោជនីយដ្ឋាន 2Pangea មានបម្រើជូនអាហារប៊ុហ្វេសុភមង្គល ខណៈភោជនីយដ្ឋានជប៉ុន (The Teppanyaki) ភោជនីយដ្ឋានអ៊ីតាលី (Bistro Romano) និងភោជនីយដ្ឋានបារាំង (Le Gourmet) មានបម្រើជូនអាហារឈុតបែបប្រណីតដែលបានទាក់ទាញអតិថិជនយ៉ាងច្រើន។ ចំណែកឯក្លឹបកម្សាន្តដាលីន ដាលីន ក៏មានភ្ញៀវជាច្រើនចូលរួមរាប់ថយក្រោយស្វាគមន៍ឆ្នាំថ្មីផងដែរ។ នៅពេលពាក់កណ្តាលអធ្រាត្រមកដល់ កំពូលតារាចម្រៀង និងទស្សនិកទាំងអស់បានហ៊ោអបអរឆ្នាំថ្មីអមជាមួយការបាញ់កាំជ្រួចស្វាគមន៍ឆ្នាំថ្មី២០២៥ រយៈពេល ១០ នាទីដ៏ស្រស់ស្អាតទៅក្នុងអាកាសនៅមុខណាហ្គាវើលដ៍ទាំងពីរ ។ គួរបញ្ជាក់ផងដែរថា ណាហ្គាវើលដ៍ នឹងផ្តល់ជូននូវបទពិសោធន៍ថ្មីៗជាច្រើនទៀតខណៈមណ្ឌលកម្សាន្តប្រណីតនេះនឹងរៀបចំខួបលើកទី៣០ របស់ខ្លួននៅក្នុងឆ្នាំ២០២៥ ៕ អត្ថបទ-រូបភាព ចាន់…