(ភ្នំពេញ)៖ នារដូវប្រាំងដែលទើបឈានមកដល់នេះ អង្គការ WWF បានថតជាប់ខ្លាឃ្មុំតូចមួយក្បាលតាមរយៈកាមេរ៉ាស្វ័យប្រវត្តិ នៅក្នុងដែនជម្រកសត្វព្រៃភ្នំព្រេច ក្នុង ខេត្ត មណ្ឌលគិរី ។ គួរបញ្ជាក់ថានៅកម្ពុជា «ខ្លាឃ្មុំតូច» មានជាមធ្យម នៅភូមិភាគឦសាន និរតី និងភូមិភាគខាងជើង។ ខ្លាឃ្មុំតូច អាចរស់នៅតាមព្រៃស្រោង និងព្រៃពាក់កណ្តាលស្រោង ។ អង្គការ WWF បានឱ្យដឹងថា ខ្លាឃ្មុំតូច ឬ ខ្លាឃ្មុំព្រះអាទិត្យ គឺជាសត្វខ្លាឃ្មុំ មួយប្រភេទក្នុងចំណោយខ្លាឃ្មុំដែលមានជីវិតទាំងប្រាំបីរបស់ពិភពលោក។ ពួកវាគឺជាអ្នកឡើងភ្នំដ៏ចំណាន ហើយ ពួកវាចំណាយពេលយ៉ាងច្រើននៅលើ ដើមឈើដើម្បីរក ផ្លែឈើផ្អែម ទឹកឃ្មុំ ដងតូចៗ បក្សី សត្វកណ្ដៀរ និងសត្វល្អិតផ្សេងៗទៀត ។ គួរបញ្ជាក់ថា ដែនជម្រកសត្វព្រៃភ្នំព្រេច មានទីតាំងស្ថិតនៅចន្លោះដែនជម្រកសត្វព្រៃស្រៃពក និងដែនជម្រកសត្វព្រៃកែវសីមា ស្ថិតនៅខេត្ត មណ្ឌលគិរីហើយដែនជម្រកដែលមានផ្ទៃដី ២៦២៦៤២ហិកតា ត្រូវបានបង្កើតឡើងដោយព្រះរាជ្យក្រឹត្យនៅឆ្នាំ១៩៩៣ ។ នៅដែនជម្រកសត្វព្រៃភ្នំព្រេចមានសត្វព្រៃដែលកំពុងលាក់ខ្លួនជាច្រើនរួមមាន ដំរីអាស៊ី ខ្លារខិន ខ្លាពពក ឆ្មាព្រៃ ឆ្មាដាវ ខ្លាភ្ញីថ្មកែវ…

(ភ្នំពេញ)៖ ខណៈដែលព្រឹត្តិការណ៍ «សាទរកម្ពុជា» កាន់តែកៀកឈានចូលមកដល់ គ្រប់ផ្នែកនៃការងារ បានត្រៀមខ្លួនរួចជាស្រេច ក្នុងការចូលរួមបង្ហាញនៅក្នុង ក្បួនព្យុហយាត្រា ដើម្បីបង្ហាញសិល្បៈវប្បធម៌សំបូរបែប ក្នុងថ្ងៃទី៣១ ខាងមុខនេះ។ ជាក់ស្តែងរសៀលថ្ងៃទី ២៧ ខែធ្នូ ឆ្នាំ២០២៤ ទៅតាមតម្រាយផ្លូវដែលបានត្រៀមទុក ក្បួនដង្ហែ «សាទរកម្ពុជា» ជាក្បួនដង្ហែរសាកល្បង មានអ្នកចូលរួមប្រមាណ ៣០០០នាក់ ដែលនឹងចាប់ផ្តើមចេញ ដំណើរពីចំណុចកែងរវាងវិថីព្រះអង្គហស្សកណ្ឌ (ផ្លូវ១៤៤) និង តីរវិថីព្រះស៊ីសុវត្ថិ មកកាន់សួនច្បារមុខព្រះ បរមរាជវាំង។ ក្បួនដង្ហែ បែបវប្បធម៌ប្រពៃណី តន្ត្រីប្រជាប្រិយ ក្បួនដង្ហែសាទរកម្ពុជា រួមទាំងកម្មវិធីកម្សាន្តចម្រុះជាច្រើនទៀត អមជាមួយទីងមោង គោមយក្សដ៏ធំ ពោងយក្ស និង ទស្សនីយភាពជាច្រើន នៅបរិវេណសួនច្បារមុខព្រះបរមរាជវាំង រាជធានីភ្នំពេញ ។ ប្រជាពលរដ្ឋ គ្រប់ស្រទាប់វណ្ណៈទាំងជាតិ និងអន្តរជាតិ ដែលបានមកឈរមើលការសមលើកដំបូងនៃក្បួនដង្ហែរបស់ព្រឹត្តិការណ៍ “សាទរកម្ពុជា” មុនការដង្ហែជាផ្លូវការនៅថ្ងៃទី៣១ ខែធ្នូ ខាងមុខព្រះបរមរាជវាំង ដែលនឹងមានអ្នកចូលរួមប្រមាណជាង ៣០០០នាក់ដើរដង្ហែ រួមទាំងការសម្តែងទស្សនីយភាពចម្រុះគ្រប់ទម្រង់ បង្ហាញពីភាពអស្ចារ្យនៃប្រទេសកម្ពុជា ។ សូមជម្រាបជូនថា…

(ភ្នំពេញ)៖ ឯកឧត្ដម ឃួង ស្រេង ណែនាំដល់អាជ្ញាធរខណ្ឌទាំង ១៤ត្រូវអនុវត្តឱ្យបានម៉ឺងមាត់ហ្មត់ចត់ ក្នុងការទប់ស្កាត់បង្ក្រាបក្រុមក្មេងទំនើងនៅក្នុងមូលដ្ឋាន ។ ឯកឧត្តម ឃួង ស្រេង អភិបាល និងជាប្រធានគណៈបញ្ជាការឯកភាព រាជធានីភ្នំពេញ បានថ្លែងបែបនេះ នៅក្នុងកិច្ចប្រជុំគណៈបញ្ជាការឯកភាពរាជធានីភ្នំពេញនារសៀលថ្ងៃទី ២៦ធ្នូ ២០២៤ នៅសាលារាជធានីភ្នំពេញ ។ ឯកឧត្តម បានណែនាំដល់អាជ្ញាធរខណ្ឌទាំង១៤ និងសង្កាត់ទាំង ១០៥ត្រូវយកចិត្តដាក់ឱ្យបាន ម៉ឹងមាត់ហ្មត់ចត់បំផុតក្នុងការទប់ស្កាត់ និងបង្ក្រាបក្រុមក្មេងទំនើងនៅក្នុងមូលដ្ឋានកុំឱ្យក្រុមក្មេងទំនើងបង្ក ភាពចលាចលបាត់សណ្តាប់ធ្នាប់ក្នុងសង្កម ។ ការលើកឡើងរបស់ ឯកឧត្តម ឃួង ស្រេង ស្របពេលដែលសកម្មភាពរបស់ក្រុមក្មេងទំនើងហាក់កម្រើកឡើងវិញក្នុងរយៈពេលថ្មីៗនេះតាមមូលដ្ឋាន និងបានឱ្យបង្កើតគណៈប្រចាំការ ចាំបញ្ជាមួយតាមខណ្ឌដោយមានអភិបាលរងខណ្ឌម្នាក់ដឹកនាំ និងមានអធិការរងនគរបាលម្នាក់មេបញ្ជាការរងកងរាជអាវុធហត្ថខណ្ឌម្នាក់ត្រូវដាក់កម្លាំងអន្តរាគមន៍បង្ក្រាបក្មេងទំនើង។ ដោយក្នុងខណ្ឌនិមួយៗមានអភិបាលរងខណ្ឌ ៦នាក់ ត្រូវបែងចែកគ្នាមើលឱ្យសព្វគ្រប់កិច្ចការពិសេសក្មេងទំនើងនេះ ។ជាមួយគ្នានេះយើងត្រូវធ្វើឱ្យដល់ឬសគល់នៃអំពើល្មើសរាប់តាំងពីល្បែងស៊ីសងតាមអនឡាញ,ឆ្នោតឡូតូ,កន្ទុយលេខ ល្បែងជល់មាន់ជាដើម ។ ឯកឧត្តមអភិបាល ក៏បានណែនាំឱ្យអាជ្ញាធរខណ្ឌត្រូវធ្វើកិច្ចសហការជាមួយលោកគ្រូអ្នកគ្រូដើម្បីអាជ្ញាធរយើងចូលទៅឆែកតាមម៉ូតូសិស្សតាមអនុវិទ្យាល័យ និងវិទ្យាល័យនៅពេលយកម៉ូតូមកផ្ញើរបើមានការសង្ស័យចំពោះសិស្សទំនើងតាមគ្រឹះស្ថានទាំងរដ្ឋ និង ឯកជន ។ យើងអនុវត្តការទប់ស្កាត់បទល្មើសនានាគឺយើងត្រូវធ្វើជាប្រចាំឥតឈប់ទេ ។ ឯកឧត្តម ឃួង ស្រេង អភិបាលរាជធានីភ្នំពេញ ក៏បានលើកឡើងចំពោះករណី…

(ភ្នំពេញ)៖ ស្របពេលដែលរដូវប្រាំងឈានមកដល់ និងអណ្តើកព្រេចកំពុងរកពងក្រុមការងាររបស់មជ្ឍមណ្ឌលអង្គរសម្រាប់ការអភិរក្សជីវៈចម្រុះ (ACCB)កំពុងយកចិត្តទុកដាក់យ៉ាងខ្លាំងដើម្បីស្វែងរកសំបុកដើម្បីថ្លឹង និង វាស់ទំហំពងនីមួយៗយ៉ាងប្រុងប្រយ័ត្នបំផុតដើម្បីឱ្យវាញាស់នៅថ្ងៃខាងមុខ ។ គួរបញ្ជាក់ថា អណ្តើកព្រេច ជាប្រភេទល្មូនស៊ីសាច់ និងរុក្ខជាតិ ជាអាហារ។អាហារចម្បងរបស់សត្វអណ្តើកនេះ មានដូចជា ស្លឹកឈើ ផ្លែឈើ ផ្សិត និងសត្វឥតឆ្អឹងខ្នងជាដើម ។ អណ្តើកព្រេច ភាគច្រើនចំណាយពួកវាពេលសម្រាកនៅក្នុងគំនរស្លឹកឈើ និងកម្រនឹងចេញត្រូវពន្លឺព្រះអាទិត្យដោយផ្ទាល់ ហើយភាគច្រើនវាធ្វើសកម្មភាពនៅពេលព្រឹកព្រលឹមឬពេលព្រលប់។ ដោយឡែក ក្នុងរដូវវស្សា សត្វប្រភេទនេះតែងតែសកម្មជាងធម្មតា ។ ACCBបានឱ្យដឹងថា៖”សំបុក ដែលបានជ្រើសរើសរួចហើយ ពួកយើងបានដាក់ឧបករណ៍កំណត់សីតុណ្ហភាពដើម្បីតាមដាននូវរបៀបលក្ខខណ្ឌនៃការញាស់។ ដើម្បីការពារពងដែលភ្ញាស់តាមបែបធម្មជាតិ ពួកយើងបានរៀបចំបង្កើតឧបករណ៍ការពារសំបុក សម្រាប់ការពារពីពពួកសត្វរំពា កាយពងអណ្តើកស៊ី ដូចជាសត្វស្កាតូច និងសត្វត្រកួត ក៏ដូចជាការរំខាន ឬធ្វើអោយបែកពងដោយចៃដន្យណាមួយពីសំណាក់អណ្តើកញីផ្សេងៗទៀត”។ គួរបញ្ជាក់ថា សត្វអណ្តើកព្រេចឬអណ្តើកភ្នំ ដែលជាប្រភេទរងគ្រោះជិតផុតពូជបំផុតដែលមានដើមកំណើតនៅក្នុងប្រទេសកម្ពុជា ត្រូវបានថែទាំស្ថិតក្រោម មជ្ឍមណ្ឌលអង្គរសម្រាប់ការអភិរក្សជីវៈចម្រុះ (ACCB) តាមរយៈនីតិវិធីការរក្សាស្តុកទុក និងធានាឱ្យបាននូវចំនួនប្រជាសាស្ត្រសត្វអណ្តើកព្រេចរបស់ពួកយើងកុំឱ្យផុតពូជ ដែលត្រូវបានសង្គ្រោះពីការជួញដូរសត្វព្រៃខុសច្បាប់។ នៅពេលសត្វអណ្តើកព្រេចដែលបានបង្កាត់ពូជ ទាំងនោះមានអាយុប្រហែលជាប្រាំមួយឆ្នាំ ពួកវានឹងត្រូវបានលែងចូលទៅក្នុងតំបន់ការពារធម្មជាតិវិញ ដើម្បីជួយស្តារចំនួនប្រជាសាស្ត្រសត្វព្រៃ និងការពារសុវត្ថិភាពរបស់ពួកវានាពេលអនាគត ៕ ដោយ ៖ ម៉ាដេប៉ូ

(ខេត្តកណ្ដាល)៖ កងកម្លាំងទាំងបី គណៈបញ្ជាការឯកភាពរដ្ឋបាលក្រុង-ស្រុក ត្រូវយកចិត្តទុកដាក់ក្នុងករណីមានក្រុមក្មេងទំនើងកើតឡើងនៅក្នុងមូលដ្ឋានរបស់ខ្លួន ត្រូវអន្តរាគមន៍ឱ្យទ្រង់ទ្រាយធំ ក្នុងន័យសម្លុតគម្រាមឱ្យពួកគេមានការភ័យខ្លាច បំបាក់ស្មារតី និងមិនឱ្យមានការងើបឡើងវិញឡើយ។ នេះជាប្រសាសន៍ណែនាំរបស់ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល នារសៀលថ្ងៃទី២៦ ខែធ្នូ ឆ្នាំ២០២៤ ក្នុងឱកាសអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តកណ្ដាល ដោយមានការអញ្ជើញចូលរួមពី សាលាដំបូងខេត្ត ព្រះរាជអាជ្ញាអមសាលាដំបូងខេត្ត កងកម្លាំងទាំងបី និងអភិបាលក្រុង-ស្រុកទាំង១៣ ជាការអនុវត្តតាមបទបញ្ជាយ៉ាងម៉ឺងម៉ាត់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ។ ឯកឧត្តមអភិបាលខេត្តកណ្ដាល បន្តថា ករណីក្មេងទំនើងដែលបានបង្ករបួសស្នាម ឬបង្កឱ្យខូចខាតនៅទ្រព្យសម្បត្តិផ្សេងៗ អាជ្ញាធរទាំងអស់ត្រូវខិតខំស្វែងរក ស្រាវជ្រាវ មិនដកដៃឡើង ដើម្បីចាប់យកមកដន្ទាទោសតាមច្បាប់ឱ្យខានតែបាន។ ទន្ទឹមនឹងនោះទៅធ្វើការផ្សព្វផ្សាយឱ្យបានទូលំទូលាយ គ្រប់សកម្មភាពដែលក្មេងទំនើងបង្កភាពអសន្តិសុខ និងទោសទាន់ដែលពួកគេបានប្រព្រឹត្ត ធ្វើយ៉ាងណាឱ្យពួកគេមានការភ័យខ្លាច កែខ្លួនកុំឱ្យមានការភ្លើតភ្លើន ដែលឈានឱ្យមានទោសទនៅថ្ងៃខាងមុខ។ ឯកឧត្តមអភិបាលខេត្ត បានដាក់បទបញ្ជាយ៉ាងម៉ឺងម៉ាត់ បន្ថែមថា៖ គ្រប់ល្បែងស៊ីសងទាំងអស់ រួមមានការលេងឆ្នោត ជល់មាន់ និងល្បែងផ្សេងៗទៀត ត្រូវតែបង្ក្រាបឱ្យអស់ក្នុងភូមិសាស្ត្រខេត្តកណ្ដាល ជាមួយគ្នានេះដែរ ឯកឧត្តមបានបញ្ជាក់បន្ថែមថា មន្ត្រីរាជការ ឬសមត្ថកិច្ចទាំងឡាយណាដែលមានពាក់ព័ន្ធជាមួយល្បែងស៊ីសង…