(ភ្នំពេញ)៖ បេក្ខជនចំនួន ៨០៩ នាក់ ដែលមានសិទ្ធចូលរួមប្រឡងប្រជែងជ្រើសរើសមន្រ្តីរាជការ បម្រើការងារនៅមន្ទីរពេទ្យបង្អែកកម្រិត១ ប៊ុនរ៉ានី ហ៊ុនសែន រុនតាឯក នៃរដ្ឋបាល ខេត្តសៀមរាប ក្នុងក្របខណ្ឌក្រសួងសុខាភិបាល នៅថ្ងៃទី២៣ ខែធ្នូ ឆ្នាំ២០២៤នេះ បានចូលរួមប្រឡងប្រជែង ក្រោមការរៀបចំដោយក្រសួងមុខងារសារធារណៈ ។ បេក្ខជនដែលមានសិទ្ធិប្រឡងប្រជែង សរុបចំនួន ៨០៩ (ស្រី ៤៧០ នាក់) ហើយបេក្ខជនដែលត្រូវជ្រើសរើសសរុបចំនួន ៣៦ កន្លែង ក្នុងនោះប្រភេទក្របខណ្ឌ “ក” ចំនួន ១២នាក់ ក្របខណ្ឌ”ខ” ចំនួន ២៤នាក់ ។ ការប្រឡងជ្រើសរើសមន្ត្រីរាជការ ឱ្យបម្រើការងារនៅមន្ទីរពេទ្យបង្អែកកម្រិត១ ប៊ុនរ៉ានី ហ៊ុនសែន រុនតាឯក នៃរដ្ឋបាល ខេត្តសៀមរាប ក្នុងក្របខណ្ឌក្រសួងសុខាភិបាល ធ្វើឡើង ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រីរដ្ឋមន្រ្តីក្រសួងមុខងារសារធារណៈ បានអញ្ជើញចូលរួមបើកវិញ្ញាសារប្រឡងជានិមិត្តរូប។ តាំងពីព្រឹកគណៈកម្មការមេប្រយោគ ដំណើរការរៀបចំ និងតាក់តែងវិញ្ញាសាសម្រាប់បេក្ខជនប្រឡងប្រជែង រហូតដល់ដំណើរការប្រឡង ក្រុមការងារគ្រប់ផ្នែកនីមួយៗកំពុងបំពេញកិច្ចការយ៉ាងសស្រាក់សស្រាំ…

(ភ្នំពេញ)៖ ក្រុមការងារចាក់បញ្ចាំងភាពយន្តចល័តកម្ពុជា-ចិនដ៏ឆ្នើម លើកទី៨ ឆ្នាំ២០២៤ បានរៀបចំការចាក់បញ្ចាំងនៅក្នុងខេត្តកណ្តាល កាលពីចុងសប្តាហ៍កន្លងទៅ ក្រោមកិច្ចសហការ ជាមួយមន្ទីរវប្បធម៌ និងវិចិត្រសិល្បៈខេត្ត រដ្ឋបាលខេត្ត រដ្ឋបាលក្រុង/ស្រុក ព្រមទាំងអាជ្ញាធរពាក់ព័ន្ធ ជូនបងប្អូនប្រជាពលរដ្ឋបានទស្សនា កំសាន្តនាពេលរាត្រី ។ ការចាក់បញ្ចាំងនៅខេត្តកណ្តាល នៅទីតាំងចំនួន ៦រួមមាន ៖ ១- នៅបរិវេន សាលាឃុំគោកត្រប់ ស្រុកកណ្តាលស្ទឹង។ ២- នៅបរិវេន សាលាឃុំព្រះពុទ្ធ ស្រុកកណ្តាលស្ទឹង ។ ៣-នៅសួនច្បារព្រែកតាម៉ាក ស្រុកខ្សាច់កណ្តាល។ ៤-នៅសួនច្បារម៉ាត់ទន្លេតាខ្មៅ ក្រុងតាខ្មៅ។ ៥-នៅបរិវេនវត្តឈូងលៀប ក្រុងតាខ្មៅ និង៦-នៅវិទ្យាល័យហ៊ុន សែន ស្អាង ស្រុកស្អាង ខេត្តកណ្តាល ។ លោក ស៊ុន រតន: អនុប្រធានការិយាល័យផលិត នៃមន្ទីរក្រសួងវប្បធម៌ និងវិចិត្រសិល្បៈ បានអោយដឹងថា ខ្សែភាពយន្តបានដើរតួនាទីយ៉ាងសំខាន់ ក្នុងការផ្តល់ចំណេះដឹងអប់រំបន្ថែម ពីវប្បធម៌ទំនៀមទម្លាប់ ប្រពៃណី និងជីវភាពរស់នៅរបស់ប្រជាជន និងការរីកចំរើន នៃប្រទេសទាំង២ កម្ពុជា…

កំពង់ធំ​៖ឯកឧត្តម នួន ផារ័ត្ន អភិបាលខេត្តកំពង់ធំកាលពីព្រឹកថ្ងៃទី២០ ខែធ្នូ ក្រោមការរៀបចំដោយមន្ទីរសង្គមកិច្ច អតីត​យុទ្ធជន និងយុវនីតិ​សម្បទា បានផ្តល់អំណោយរបស់រាជរដ្ឋាភិបាលជូនប្រជាពលរដ្ឋ​ដែល​មានជីវភាពលំបាកចំនួន២៥០ គ្រួសារ នៅ​សង្កាត់​ដំរីជាន់ខ្លា និង​សង្កាត់​កំពង់រទេះ ក្នុងក្រុងស្ទឹងសែន។ អំណោយមាន អង្ករ ត្រីខ ភួយ និងទឹកស៊ីអ៊ីវ ។ក្នុងពេលជួបសំណេះ​សំណាល និងចែកអំណោយឯកឧត្តម នួន ផារ័ត្ន បានថ្លែងអំណរគុ​ណ​ដល់ក្រុមការងារ ដែលបានប្រឹងប្រែងក្នុងការសហការចែកចាយ​អំណោយ​ដល់ប្រជាពលរដ្ឋ។ ការចែកអំណោយនេះបង្ហាញ​ពីស្មារតីសាមគ្គីភាព និងការប្រឹងប្រែងរបស់អាជ្ញាធរដើម្បីរួមដោះ​ស្រាយបញ្ហាសង្គម៕ដោយ៖​ប៊ុន​រដ្ឋា

សៀមរាប៖នៅបរិវេណពុទ្ធមណ្ឌលវិសបស្សនាអន្តរជាតិ កម្ពុជា  ឃុំ​លាងដៃ ស្រុកអង្គរធំ ខេត្តសៀមរាប កាលពីព្រឹក​ថ្ងៃ​ទី២០ ខែធ្នូ ឆ្នាំ​២០២៤​រៀបចំវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សា​ខេត្ត អាណត្តិទី៤ គោលដៅទី៨ ក្រោមអធិបតីភាពឯកឧត្តម លី សំរិទ្ធ ប្រធានក្រុមប្រឹក្សាខេត្ត និងលោក លី សារី អភិបាលរងខេត្តតំណាង​ឯកឧត្តម ប្រាក់ សោភ័ណ អភិបាលខេត្តសៀមរាប ដោយមានអ្នកចូល​រួមយ៉ាងច្រើនកុះករ ។ នៅក្នុងវេទិកាផ្សព្វផ្សាយ និងពិគ្រោះយោបល់ ប្រជាពលរដ្ឋបានលើក​ឡើងពីទុក្ខកង្វល់ លើបញ្ហាដីធ្លីក្នុងតំបន់១និងតំបន់២ (តំបន់រមណីយ​ដ្ឋានអង្គរ)ផ្តោតលើការផ្ទេរកេរ្តិ៍មរតកដីធ្លី ពីឪពុកម្តាយ ជីដូនជីតាមក​ឱ្យកូនចៅ ,ការស្មើសុំធ្វើបណ្ណ(ប.ស.ស)បណ្ណសមធម៌ , អំពីតម្លៃក​សិ​ផល (ស្រូវ និង ដំឡូង ) និងសុំបញ្ចុះតម្លៃសេវាព្យាបាល ដែលជាតម្រូវ​ការរបស់ប្រជាពល​រដ្ឋរស់នៅស្រុកអង្គរធំ ។ ឆ្លើយតបទៅនឹងសំណើរ និងសំណូមពររបស់ប្រជាពលរដ្ឋ ឯកឧត្តម​ប្រធាន​ក្រុមប្រឹក្សាខេត្ត និង លោកអភិបាលរងខេត្ត និងមន្រ្តីនៃមន្ទីរ អង្គភាពពាក់ព័ន្ធ អាជ្ញាធរមូលដ្ឋាន បានធ្វើការបំភ្លឺចំពោះសំណួរ សំណូមពរនិងក្តីកង្វល់ដែលប្រជាពលរដ្ឋ​លើកជាក់ស្ដែងចំនួន ១៤ ។ ដោយឡែកចំពោះសំណួរសំណូមពរជាលាយលក្ខណ៍អក្សរចំនួន…

កំពង់ស្ពឺ៖ក្រសួងបរិស្ថានបានសម្រេចឱ្យក្រុមហ៊ុនជីងលូ យ័ន បញ្ឈប់​ការបង្ហូរកាកសំណល់រាវ(ទឹកកខ្វក់)ចូលទៅក្នុង​ប្រឡាយ៦១ជា​បណ្តោះ​អាសន្ន ដើម្បីរៀបចំឧបករណ៍បច្ចេកទេសតាមដានជាថ្មី ពិសេស​បញ្ជៀស​ផលប៉ះពាល់ធ្ងន់ធ្ងរដល់​សុខភាពប្រជាពលរដ្ឋរស់នៅតាម​បណ្តោយសណ្តស្ទឹងព្រែកត្នោត និងជីវចម្រុះ ។ ការសម្រេចបែបនេះធ្វើឡើងក្រោយមានការចុះត្រួតពិនិត្យប្រព័ន្ធប្រព្រឹត្តិកម្មទឹកកខ្វក់ក្នុងរោងចក្រនិងប្រព័ន្ធលូបង្ហូរកាកសំណល់រាវចេញពីរោងចក្រទៅក្នុងប្រឡាយលេខ៦១ ហើយបន្តធ្លាក់ចូលទៅក្នុងស្ទឹងតូច ស្ថិតក្នុងភូមិក្រាំងទ្រា ឃុំព្រះនិព្វាន ស្រុកគងពិសី ខេត្តកំពង់ស្ពឺកាល​ពីថ្ងៃទី១៩ ខែធ្នូ ឆ្នាំ២០២៤។ លោក សារុន សំបូរ ប្រធាននាយកដ្ឋានបរិស្ថានបានរៀបរាប់ថា ក្រុមការងារក្រសួងបរិស្ថានបានចុះ​ពិនិត្យតាមដាន​ការ​អនុវត្តវិធាន​ការកែប្រែបច្ចេកទេសលើការគ្រប់គ្រងសំណល់រាវ និងទឹកកខ្វក់​របស់សួនឧស្សាហកម្ម JIN LU YAUN ENERGY ENVIRONMENT PROTECTION CO.,LTD ដែលកំពុងបង្កផលប៉ះពាល់យ៉ាង​ធ្ងន់ធ្ងរដល់​ប្រជាពលរដ្ឋ​រស់នៅ​ក្នុងឃុំចំនួន១២ ក្នុងស្រុកកណ្តាលស្ទឹង ខេត្តកណ្តាល ។ប្រជាពលរដ្ឋបានបញ្ជាក់ថាមានការបង្ហូរកាកសំណល់​រាវ​​​​(ទឹកកខ្វក់)ចូលទៅក្នុងប្រឡាយទឹក និងស្ទឹង ពិសេសនៅពេលយប់ ។ប្រជាពលរដ្ឋ​បានសុំឱ្យមានការ​អន្តរាគមន៍​បន្ទាន់​ពីសំណាក់សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជាថែមទៀតផង។ មន្ត្រីដដែលបន្តទៀតថា ក្រោយពីមានការស្នើសុំនេះ សម្តេចធិបតី ហ៊ុន ម៉ាណែត ក៏បានដាក់បទបញ្ជាទៅដល់អាជ្ញាធរ​ខេត្តកំពង់ស្ពឺ និងខេត្ត​កណ្តាល ពិសេសក្រសួងបរិស្ថានត្រូវចុះបន្ទាន់ទៅដល់ទីតាំងរោងចក្រ ។នៅពេលក្រុមការងារចម្រុះ​នៃអាជ្ញាធរខេត្ត និងស្រុកទាំងពីរ ដឹកនាំ​ដោយក្រសួងបរិស្ថានចុះ​ពិនិត្យ​ជាក់ស្តែង​ បានរកឱ្យឃើញនូវមូលហេតុ​ដែលបង្ក​ឱ្យ​ទឹកមានពណ៌ក្រមៅ និងមានក្លិនស្អុយខ្លាំង មិនអាច​ប្រើប្រាស់​ក្នុងការស្រោចស្រពដំណាំកសិកម្មបាន ពិសេសការប្រើប្រា​ស់​ប្រចាំថ្ងៃរបស់មនុស្ស ព្រមទាំងសត្វផង ។…