រតនគិរី៖នៅសាលាខេត្តរតនគិរី កាលពីរសៀលថ្ងៃទី២៥ ខែធ្នូ ឆ្នាំ២០២៤បានរៀបចំពិធីប្រកាសចូលកាន់តំណែងក្នុង​រដ្ឋបាលខេត្តចំនួន៤រូបក្រោមអធិបតីភាព ឯកឧត្តម ញ៉ែម សំអឿន អភិបាលខេត្តរតនគិរី និងមន្រ្តីថ្នាក់ដឹកនាំខេត្តជាច្រើនរូប ។ សូមជម្រាបថាទី១. លោក ម៉ឹង ស៊ីនាថ ត្រូវបានតែងតាំងនាយក​រដ្ឋបាលសាលាខេត្តរតនគិរី,២.លោក មួង មករា ជានាយក​រង​រដ្ឋបាលសាលាខេត្ត,៣.លោក វ៉ាន់ ជាលី ជានាយកទីចាត់​ការ​គ្រប់គ្រងធនធានមនុស្សនិងទី៤.លោក ឈាង សុភ័ក្ត្រ ជា​ប្រធាន​ការិយាល័យគ្រប់គ្រងបុគ្គលិក ចំណុះរចនាសម្ព័ន្ធទីចាត់ការ​គ្រប់​គ្រងធនធានមនុស្ស សាលាខេត្តរតនគិរី។ ក្នុងឱកាសនេះឯកឧត្តម ញ៉ែម សំអឿន អភិបាលខេត្តរតនគិរីបាន​ធ្វើការផ្តាំផ្ញើដល់មន្រ្តីចូលកាន់តំណែងថ្មីលើការងារអាទិភាព​មួយចំនួន ពិសេលគឺការរួមសហការគ្នាអនុវត្តការងារដោយរលូន និងរក្សាបាន​នូវសាមគ្គីភាពផ្ទៃក្នុង ក៏ដូចជា​មួយមន្ទីរ អង្គភាព អាជ្ញាធរមូលដ្ឋាន និងអ្នកពាក់ព័ន្ធ ៕ ដោយ៖ គតិ យុត្ត

បន្ទាយមានជ័យ៖ មន្រ្តីជាន់ខ្ពស់រដ្ឋបាលខេត្តបន្ទាយមានជ័យបានណែនាំដល់មន្រ្តីជំនាញពាក់ព័ន្ធ​ឱ្យយកចិត្តទុកដាក់លើ​ការគ្រប់គ្រង វត្ថុសិល្បៈចម្លង ការថែរក្សារចនាបទខ្មែរ ប្រយោជន៍ក្នុងការរក្សា​នូវអត្តសញ្ញាណជាតិ​ឱ្យបានគង់វង្ស។ អាន៖ក្នុងកិច្ចប្រជុំស្តីពីការគ្រប់គ្រងវត្ថុសិល្បៈចម្លង ការថែរក្សារចនាបទខ្មែរ នៅសាលប្រជុំមន្ទឺរវប្បធម៌ វិចិត្រសិល្បៈ​ខេត្តបន្ទាយ​មានជ័យកាលពីថ្ងៃទី២៥ ខែធ្នូ ឆ្នាំ២០២៤ លោក ឃឹម សំណាង អភិបាលរងខេត្តក្នុងនាមឯកឧត្តម អភិបាល​ខេត្តបន្ទាយ​មានជ័យបានបញ្ជាក់ថា សិល្បៈចម្លាក់ខ្មែរនៅតែរស់រវើករហូតដល់បច្ចុប្បន្ន ។រាល់ការកសាងរូបសំណាក សំណង់​អគារ​នានា ជាពិសេសសំណង់សាសនា និងអគារស្កឹមស្កៃ ជាច្រើនទៀតតែងតែបញ្ចូលនូវក្បាច់រចនាជារចនាបទខ្មែរ ដោយ​យកលំនាំតាមសិល្បៈបុរាណខ្មែរ ដែលមានដាប់ឆ្លាក់នៅតាមប្រាសាទនានា ​ដែលបានបង្ហាញពី​អត្តសញ្ញាណជាតិ​របស់យើង ។ លោក ឃឹម សំណាង៉ បានបន្ថែមទៀតថា ដើម្បីថែររក្សានូវអត្តសញ្ញាណរបស់ជាតិឱ្យបានស្ថិតស្ថេរគង់វង្ស ស្របតាម​គោលដៅ​អភិរក្ស និងអភិវឌ្ឍន៍វប្បធម៌ជាតិ ចាំបាច់ជំរុញឱ្យមានការពង្រឹងនូវក្បួនខ្នាត ក្បូរក្បាច់រចនាបទខ្មែរ ជៀសវាង ការបញ្ចូលរចនាបទបរទេសជាពិសេសប្រទេសជិតខាង ដែលធ្វើឱ្យមានការភាន់ច្រឡំថាជារបស់ពួកគេ។លោក​បន្តថា ជៀសវាងការនាំយកវត្ថុសិល្បៈចម្លងដូច ចេញទៅក្រៅប្រទេសដោយគ្មានការត្រួតពិនិត្យពីមន្ត្រីជំនាញ។ លោក ញាណ ឡាដា មន្ត្រីសិល្បៈសូនរូប បាននិយាយថា សិល្បករផ្នែកសិល្បៈសូនរូប និងសិល្បៈសិប្បកម្ម ដែលបាន​មកចូលរួមប្រជុំពេលនេះ ដើម្បីទទួលបានចំណេះដឹងនូវរចនាបទខ្មែរកាន់តែច្បាស់លាស់បន្ថែមទៀត។ជាជំនាញច្បាស់​លាស់ មិនមែនជំនាញចេះតៗគ្នា៕ ដោយ៖ គៀន ច័ន្ទហ៊ីន

កំពង់ឆ្នាំង៖លោក ហ៊ីង ភ័ព្វមិនា អភិបាលក្រុងកំពង់ឆ្នាំងបានឱ្យដឹងថា ក្នុងក្រុងកំពង់ឆ្នាំងមានប្រជាពលរដ្ឋរស់នៅ​ប្រមាណ​ជាងមួយម៉ឺនខ្នងផ្ទះ ប៉ុន្តែអ្នកទទួលភ្ជាប់សេវាបង់សំរាម មានតែជាង ២ពាន់ខ្នងផ្ទះប៉ុណ្ណោះ ។ហេតុនេះហើយ​សម្រាម​ដែល​នៅសេសសល់ ត្រូវបានយកទៅ​បោះ​ចោលនៅក្នុងសួនសាធារណៈ តាមមាត់ទន្លេ តាមក្រោមផ្ទះ ក្រោយផ្ទះ ឬដុត​ចោល ដែលតាមការប្រមាណក្នុងមួយថ្ងៃមានសំរាមប្រមាណ ៤០តោន ត្រូវបានបោះចោលជាសាធារណៈ ។ ក្នុងចំនួនដ៏សម្បើមនេះនិងដើម្បីគ្រប់គ្រងសំណល់រឹង កាលពីថ្ងៃទី២៥ ខែធ្នូ លោកអភិបាលក្រុងកំពង់ឆ្នាំងបាន​អំពាវនាវដល់​ប្រជាពលរដ្ឋ​ក្នុងក្រុង​​ សូមចូលរួមទទួលសេវាប្រមូលសម្រាមឱ្យបានគ្រប់ៗគ្នា ព្រោះថាតម្លៃប្រមូលសំរាមមិនថ្លៃដូចការ​លើកឡើងនោះ​ទេ។ អភិបាលក្រុងកំពង់ឆ្នាំង បានបញ្ជាក់ថា ដោយទទួលបានការណែនាំពី ឯកឧត្តមអភិបាលខេត្ត ក្នុងការអនុវត្តថ្លៃប្រមូលសំរាម គឺត្រូវអនុវត្ត​តាមគោលការណ៍សមធម៌ មិនអាចអនុវត្តទៅតាមសមភាពបានទេ។លោកបន្តថា យើងអនុវត្តតាមគោលការណ៍​​កំណត់ពិតណាស់​ប្រជាពលរដ្ឋ  អ្នករកស៊ីតូចតាច មិនអាចទទួលសេវានេះបានឡើយ ។ឧទាហរណ៍ អ្នកលក់ទឹកអំពៅ អ្នក​លក់ដូង អ្នកលក់គ្រឿងទេស ពួកគាត់មានចំណូលតិច តែមានសំរាមច្រើន ដែលខុសប្លែកពីធនាគារ មីក្រូហិរញ្ញវត្ថុ តាម​មន្ទីរសាធារណៈ និងស្ថានីយប្រេងឥន្ធនៈ មាន​សម្រាម​តិចតែ មុខរបរធំ ។ជាមួយគ្នានេះ អាជីវកម្មខ្នាតតូច មួយចំនួន​ដែលមិនមានដំណើរការក៏រដ្ឋបាលក្រុងកំពង់ឆ្នាំងជំរុញឱ្យពួកគាត់ទទួលសេវាទាបស្មើនឹងទំហំខ្នងផ្ទះធម្មតា មានតម្លៃ​ត្រឹមតែ១១ ៥០០រៀល ប៉ុណ្ណោះ។ លោកអភិបាលក្រុងបន្ថែមថា ក្នុងក្រុងកំពង់ឆ្នាំងដដែល​មានជាប្រភេទ​ដីឡូត៍​ដែលមានទំហំធំៗ ដូច្នេះ​អាជ្ញាធរក្រុង​ក៏បាន​ទម្លាក់តម្លៃមក​ស្មើនឹងខ្នងផ្ទះតូចៗដែ។រ…

ភ្នំពេញ៖កាលពីថ្ងៃទី២៥ ខែធ្នូ ឆ្នាំ ២០២៤ ការិយាល័យដែន​ជម្រកសត្វព្រៃ ដែនជម្រកសត្វព្រៃតាតៃ ស្នាក់ការល្បាត​វាលពីរ មន្រ្តីឧទ្យានុរក្ស បានសហការជាមួយកម្លាំងកងរាជអាវុធ​ហត្ថលើ​ផ្ទៃប្រទេស និងអង្គការសម្ព័ន្ធមិត្តសត្វព្រៃ នៅ​ចំណុច​និយាមកា (៣០៥៨៣៩-១២៨១៨៩៧) ស្ថិតនៅស្ថិតនៅភូមិអន្លង់វ៉ាក់ ឃុំតាតៃ ស្រុកកោះកុង ខេត្តកោះកុង ក្នុងដែនជម្រកសត្វព្រៃតាតៃ បានឃាត់​ចាប់រថយន្តមួយគ្រឿង មានដឹកវល្លិ៍រមៀតចំនួន​២០បាវស្មើ​នឹង១៣០០គីឡូក្រាម និងឃាត់ខ្លួនជនសង្ស័យចំនួន ២នាក់។ ប្រភពក្រសួងបរិស្ថានបានឱ្យដឹងនៅព្រឹកថ្ងៃទី២៦ ខែធ្នូឆ្នាំ២០២៤​នេះបានឱ្យដឹងថា ក្នុងប្រតិបត្តិការសមត្ថកិច្ច​ប្រមូល​បានវត្ថុតាង​រួមមាន៖ឡានម៉ាក់សាំយ៉ុងចំនួន១គ្រឿង ពណ៌ទឹកប្រាក់ ពាក់ស្លាក​លេខ ភ្នំពេញ 2AL-7350និង វល្លិរមៀត​ចំនួន២០បាវ ស្មើ១៣០០​គីឡូក្រាម។វត្ថុតាងទាំងនេះរក្សាទុកនៅស្នាក់ការវាល​ពីរជាបណ្តោះ​អាសន្ន។ ដោយឡែកជនសង្ស័យក្រុមការងារបានបញ្ជូនមកមន្ទីរបរិស្ថានខេត្ត ដើម្បីចាត់ការតាមនីតិវិធី។សូមជម្រាបថា វល្លិ៍រមៀតគឺជាអនុផលព្រៃឈើដែលត្រូវហាមឃាត់៕ ដោយ៖ដេប៉ូ

រតនគិរី៖រដ្ឋបាលខេត្តរតនគិរី បានបើកកិច្ច​ប្រជុំស្តីពីការផ្សព្វផ្សាយ​វឌ្ឍនភាពទិន្នន័យអត្តសញ្ញាណគ្រួសារក្រីក្រ និងគ្រួសារ​ងាយរង​ហានិភ័យនៅសាលប្រជុំមន្ទីរផែនការខេត្តរតនគិរី ដោយមានការ​អញ្ជើញចូលរួមពីប្រធានមន្ទីរ អនុប្រធានមន្ទីរ​ជុំវិញខេត្ត អភិបាលក្រុង ស្រុកទាំងប្រាំបួន ។ កិច្ចប្រជុំបានប្រព្រឹត្តទៅក្រោមវត្តមានលោក មួង ប៉ាង អភិបាល​រងខេត្តរតនគិរី។លោកអភិបាលរងបានប្រាប់កិច្ចប្រជុំថា រាជរដ្ឋា​ភិបាលកម្ពុជាបានប្តេជ្ញាចិត្តយ៉ាងមុតមាំ និងកំពុងយកចិត្តទុកដាក់​​​យ៉ាងខ្លាំងចំពោះគ្រួសារក្រីក្រ និង គ្រួសារងាយ​រងហានិភ័យ និង​គាំទ្រយ៉ាងពេញទំហឹងចំពោះកម្មវិធីអត្តសញ្ញាណកម្មគ្រួសារក្រីក្រ និងបានចាត់ទុកថា កម្មវិធីនេះជា​ឧបករណ៍​ដ៏មាន​សារៈសំខាន់ក្នុងកា​រជួយជំរុញល្បឿនកាត់បន្ថយភាពក្រីក្រឱ្យបាន ឆាប់រហ័ស និង​ឈានទៅការ​លុបបំបាត់ភាពក្រីក្រជាពិសេសនៅតាមតំបន់ជន​បទដែលមានភាពក្រីក្រកម្រិតខ្ពស់ ។ កិច្ចប្រជុំនេះក្នុងគោលដៅបញ្ជ្រាបទៅដល់មូលដ្ឋានភូមិ ឃុំអំពី​ដំណើរការអនុវត្តនីតិវិធីអត្តសញ្ញាណកម្មគ្រួសារក្រីក្រនិង គ្រួសាររងហានិភ័យប្រព្រឹត្តិទៅទទួលបានលទ្ធផលល្អ និងមាន​ភាពសុក្រឹត្យ។សំដៅទៅដល់ថ្នាក់ភូមិ កិច្ចប្រជុំបានណែនាំថា មេភូមិសូមដាក់បញ្ចូលកម្មវិធីអត្តសញ្ញាណកម្មគ្រួសារក្រីក្រនេះ ទៅក្នុងរបៀបវារៈនៃកិច្ចប្រជុំប្រចាំ សប្តាហ៍ឬប្រចាំខែ ដើម្បីពិនិត្យ​មើលវឌ្ឍនភាពការងារ និងផ្តល់ការណែនាំដល់អ្នកពាក់ព័ន្ធដើម្បីធានា​ឱ្យការអនុវត្តត្រឹមត្រូវតាមនីតិវិធី៕ ដោយ៖ គតិ យុត្ត