ស្ទឹងត្រែង៖មន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង កាលពី​​ថ្ងៃទី៥ ខែមករា ឆ្នាំ​២០២៥ បានរៀបចំ​កិច្ចប្រជុំបូក​សរុប​លទ្ធផលការងារឆ្នាំ២០២៤ និងលើកទិសដៅការងារឆ្នាំ​២០២៥​ក្រោមអធិបតីភាពឯកឧត្តម សេន សុវណ្ណ រដ្ឋលេខា​ធិការក្រសួង​កសិកម្ម រុក្ខាប្រមាញ់ និងនេសាទ ឯកឧត្តម ចាន់ សារុទ្ធ អនុរដ្ឋលេ​ខាធិការ លោក ព្រំ វណ្ណៈ អភិបាលរងខេត្ត​ស្ទឹងត្រែង និង ថ្នាក់ដឹកនាំ មន្រ្តីនៃមន្ទីរកសិកម្មខេត្តស្ទឹងត្រែង។ លោក ទុំ នីរ៉ូ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តស្ទឹង​ត្រែង​បានបង្ហាញលទ្ធផលថា រយៈពេល មួយ​ឆ្នាំ​កន្លង​មកនេះ លើការបង្កបង្កើនផលដំណាំស្រូវសម្រេចបាន ២៨ ៥៩២ហិកតា ដំណាំសាកវប្បកម្មអនុវត្តបាន ៥ ៩៤០ហិតា ដំណាំឧស្សាហកម្មចំនួន ៤៤ ៥១៣ហិកតា ។ចំណែកទិន្នផលស្រូវផលិតបានក្នុងបរិមាណ​គ្រប់គ្រាន់តម្រូវការប្រជាជន ១៨៣ ៤៧៧នាក់ និងមានតុល្យភាព​ស្បៀងប្រមាណ ២៦ ២៣៧តោន គិតជា អង្ករ ស្បៀងនៅសល់ ១៧ ៤០៩តោន។ ដោយឡែកចំពោះវិស័យព្រៃឈើ បានអនុវត្តតាមច្បាប់ស្តីពីព្រៃឈើ លិខិតបទដ្ឋានគតិយុត្តិ…

កំពង់ធំ៖ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំនិងសហការីនៃក្រុមការងារប្រឡង ប្រណាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ កាលពីថ្ងៃទី៥ ខែមករា ឆ្នាំ២០២៥​បានអញ្ជើញ​ពិនិត្យ​សកម្ម​ភាពការងារបង្កបង្កើនផល ចិញ្ចឹមសត្វ លើក របស់កងទ័ពបន្ថែមលើគោលរបប ដែលក្រសួងការពារជាតិ បានកំណត់ នៅ​ទីបញ្ជាការកងវរសេនា តូចលេខ១ នៅភូមិតាឡែក ឃុំសាលា វិស័យ ស្រុកប្រាសាទបល្ល័ង្ក ខេត្តកំពង់ធំ ។ លោកវរសេនីយ៍ទោ ថនស៊ី សក្តា មេបញ្ជាការកងវរសេនាតូចលេខ១ បានរាយការណ៍ថា ក្នុងការអនុវត្តចលនា​ប្រឡង​ប្រណាំងនេះ អង្គភាពកងវរសេនាតូចលេខ១ បានចិញ្ចឹមគោចំនួន៣៥ក្បាល ត្រីប្រមាណជាង៥ពាន់ក្បាល មាន់ទា ជាង២០០ ក្បាល និងបន្លែបមួយចំនួន សម្រាប់ផ្ដល់ជូនផ្ទះបាយសម្រាប់ធ្វើម្ហូបប្រចាំថ្ងៃក្នុងអង្គភាព ។ ក្នុងឱកាសនេះឧត្តមសេនីយ៍ទោ សោម ស៊ុន បានកោតសរសើរចំពោះមេបញ្ជាការកងវរសេនាតូចលេខ១ ព្រមទាំង​នាយ​ទាហាន នាយទាហានរង និងពលទាហានទាំងអស់ក្រៅពីការងារស្នូល ការងារហ្វឹកហ្វឺនរៀនសូត្រ ការសហការចូល​រួម​អនុវត្តនូវគោល នយោបាយភូមិ.ឃុំ មានសុវត្ថិភាព និងការកសាងអង្គភាពរឹងមាំ ,អង្គភាពកងវរសេនាតូចលេខ១ ក៏បាន​ចូល​រួមក្នុងការការពារ ទប់ស្កាត់ និងបង្ក្រាបបទល្មើសធនធានធម្មជាតិ ដែលថ្នាក់ដឹកនាំបានប្រគល់ជូន និងបានខិតខំ​យក​ចិត្តទុកដាក់ក្នុងការងារបង្កបង្កើនផលចិញ្ចឹមសត្វ បង្កើនជីវភាពរស់នៅដល់កងទ័ព…

បន្ទាយមានជ័យ៖ឯកឧត្តម អ៊ុ រាត្រី អភិបាលខេត្តបន្ទាយមាន​ជ័យបាន​មានប្រសាសន៍ថា ការអប់រំតាមវិស័យពុទ្ធិកសិក្សា ពិតជាបាន​ចូល​​រួមចំណែក​ក្នុង​ការអប់រំប្រជាពលរដ្ឋកម្ពុជាឱ្យសាងអំពើល្អ និងឱ្យយល់​ច្បាស់ពីទ្រឹស្ដីព្រះពុទ្ធសាសនា។ មានប្រសាសន៍ក្នុងពិធីប្រឡងវិញ្ញាបនបត្រធម្មវិន័យថ្នាក់ត្រី-ថ្នាក់ទោ-និង ឯកឆ្នាំសិក្សា ២០២៤- ២០២៥ នៅវិទ្យា​ល័យសិរីសោភ័ណ ខេត្ត​បន្ទាយមានជ័យ កាលពីថ្ងៃទី៥ ខែមករា ឆ្នាំ២០២៥ ឯកឧត្តម អ៊ុ រាត្រី អភិបាលខេត្តបន្ទាយ​មានជ័យបានបញ្ជាក់ថា ការអប់រំតាមវិស័យពុទ្ធិក​សិក្សា ជាបានរួមចំណែកក្នុងការអប់រំ​ប្រជាពលរដ្ឋ​ឱ្យកសាងអំពើល្អ និងយល់ច្បាស់ពីទ្រឹស្ដីព្រះពុទ្ធសាសនា ដើម្បីកែប្រែជំនឿមួយចំនួន​ដែល​ពុំសមហេតុផល ឱ្យក្លាយជាជំនឿដ៏ត្រឹមត្រូវ ។ឯកឧត្តមបានបន្តថា រាជរដ្ឋាភិបាលបានយកចិត្តទុកដាក់លើកស្ទួយ​ និងការអភិវឌ្ឍវិស័យ​អប់រំពុទ្ធិកសិក្សា ក្នុងវិស័យ​ពុទ្ធចក្រ ។ការបណ្តុះបណ្តាលធនធានព្រះ​សង្ឃ ។ លោក បៀវ ថាន ប្រធានមន្ទីរធម្មការសាសនាខេត្តបន្ទាយ​មានជ័យ​បានបញ្ជាក់ថា ការប្រឡងលើកនេះជាឆ្នាំលើកទី៣២ នៃការប្រឡង​ធម្មវិន័យថ្នាក់ត្រី ថ្នាក់ទោ និងថ្នាក់ឯក ដែលមានបេក្ខសមណៈ-បេក្ខជន ដាក់ពាក្យប្រឡងចំនួន ១ ៦៨៤ អង្គ/នាក់ ក្នុងនោះមាន បព្វជិត ១ ៥១៧ អង្គ និងគ្រហស្ថ ១៦៧ នាក់ ដែលមកពីតាម​បណ្តាវត្តនានា ក្នុង​ស្រុក​​ក្រុងទាំង ៩ទូទាំងខេត្ត។ការប្រឡងមាន​រយៈពេលមួយថ្ងៃមាន…

ស្ទឹងត្រែង៖ ចង្ក្រានបង្កើនថាមពលដែលជាជំនួយរបស់ក្រុមហ៊ុន គ័ង ចូវអាយស្បឺត ត្រូវបានចែកជូនប្រជាពលរដ្ឋ ៨៥៧​គ្រួសារ នៅក្នុង​សង្កាត់ ៤ក្នុងក្រុងស្ទឹងត្រែងក្រោមវត្តមានឯកឧត្តម សរ សុពុត្រា អភិបាលខេត្តស្ទឹងត្រែង និងមានការចូលរួម​ពីមន្ត្រីក្រោមឱវាទផងដែរ កាលពីថ្ងៃទី៥មករា២០២៥ នៅក្នុងបរិវេណ «វិទ្យាល័យព្រះរាជ​បូជនីយកិច្ច» ខេត្តស្ទឹងត្រែង។ លោក សាយ កុសល អភិបាលក្រុងស្ទឹងត្រែងបានឱ្យដឹងថា ប្រជាពលរដ្ឋដែលទទួល​បានចង្ក្រាន​ថាមពលពីអាជ្ញាធរ​នៅពេលនេះ មកពីសង្កាត់ ៤ក្នុងក្រុង ក្នុងនោះ សង្កាត់ស្ទឹងត្រែង ទទួលបាន ២៥៩ចង្រ្កាន សង្កាត់ស្រះឫស្សី ទទួលបាន ២០៧ចង្ក្រាន សង្កាត់ព្រះបាទ ១៩១ចង្រ្កាន និងសង្កាត់សាមគ្គី ២០០ចង្រ្កាន។ ក្នុងឱកាសនេះអភិបាលខេត្តស្ទឹងត្រែង ឯកឧត្តម សរ សុពុត្រា បានថ្លែងអំណរគុណក្រុមហ៊ុន គ័ង ចូវអាយស្បឺត ដែល​បានផ្តល់​ចង្ក្រានថាមពលជូនដល់ប្រជាពលរដ្ឋជាង ៨០០គ្រួសារ ដែលជួយ​លើការងារបរិស្ថាន ការបន្ថយការប្រើប្រាស់អុស និងបានរួមចំណែក​ជួយដល់បងប្អូនជនពិកានៅខេត្តកំពង់ឆ្នាំង ដែលទទួលបានប្រាក់​ចំណូលពីការផលិតចង្រ្កាននេះ មានគុណភាពប្រើប្រាស់បានរហូតដល់ ៣ឆ្នាំ ខុសពីចង្រ្កានប្រភេទផ្សេងៗ ប្រើប្រាស់យ៉ាងយូបំផុតបានត្រឹមតែ ១ឆ្នាំ​ប៉ុណ្ណោះ។លោក សាខុន ប៉ូរិន តំណាងក្រុមហ៊ុន…

កំពង់ធំ៖ ដោយមើលឃើញពីសារៈសំខាន់នៃដំណើរទស្សនកិច្ចសិក្សាមានភាពចាំបាច់ចំពោះការអប់រំដល់សិស្សានុសិស្សបន្ថែមពីការសិក្សានៅក្នុងសាលារៀន ដែលជាចំណេះដឹងនៅក្រៅសាលារៀន ផ្តល់នូវបទពិសោធន៍ ពង្រឹងភាពរឹងមាំ សេចក្តីក្លាយហានមុះមុត និងមានទំនូលខុសត្រូវខ្ពស់ ពិសេស បានជួយឱ្យសិស្សដែលជាកូនខ្មែរជំនាន់ក្រោយបានយល់ដឹងអំពីប្រវត្តិសាស្រ្តរបស់ខ្លួនបានកាន់តែច្បាស់ សាលា ហ្គោលដិន វ៉ាលី អាកាដឺមី អហ្វហូប វើលវ៉ាយ ហៅកាត់ថា GVA បានដឹកនាំសិស្សានុសិស្សថ្នាក់អនុវិទ្យាល័យពីថ្នាក់ទី៧ដល់ទី៩ចំនួន១៨៣នាក់ និងគណៈគ្រប់គ្រង លោកគ្រូអ្នកគ្រូជាបុគ្គលិក ធ្វើដំណើរទស្សនកិច្ចសិក្សាស្វែងយល់រយៈពេល១យប់២ថ្ងៃ នៅប្រាសាទសំបូរព្រៃគុក ក្នុងទឹកដីខេត្ត កំពង់ធំ។ដំណើរទស្សនកិច្ចសិក្សានេះ សិស្សានុសិស្សបានសិក្សាស្វែងយល់យ៉ាងស៊ីជម្រៅនិងច្បាស់លាស់អំពីជីវៈប្រវត្តនៃដំណើរកកើតប្រាសាទសំបូរព្រៃគុក ក្រោមការពន្យល់ពីមគ្គុទេសទេសចរណ៍ជំនាញ។លោក អន ប៊ុនណ្ណា គ្រូបង្រៀនផ្នែកសិល៍ធម៌ពលរដ្ឋវិជ្ជា និងអ្នកគ្រូ លី សុខណៃ គ្រូគីមីវិជ្ជា សាលារៀន ហ្គោលដិន វ៉ាលី អាកាដឺមី អហ្វហូប វើលវ៉ាយ បានចូលរួមក្នុងដំណើរទស្សនកិច្ចសិក្សា បានថ្លែងពន្យល់ថា ទស្សនកិច្ចដែលបានបង្កើតឡើងដោយសាលាមកកាន់ប្រាសាទសំបូរព្រៃគុក ក្នុងទឹកដីខេត្ត កំពង់ធំនាពេលនេះ គឺសាលាមានគោលបំណងចង់ឱ្យសិស្សានុសិស្សបានយល់ដឹងបន្ថែម ពីការសិក្សានៅក្នុងសាលារៀន ។ ទស្សនកិច្ចសិក្សានៅក្រៅសាលាដោយការចុះមកដោយផ្ទាល់ នៅតាមតំបន់ប្រវត្តិសាស្រ្ត ដូចជាប្រាសាទបុរាណនេះ បានជួយឱ្យសិស្សបានយល់ដឹងកាន់តែច្បាស់អំពីប្រវត្តិសាស្រ្តរបស់ខ្លួន ពិសេស បានជួយឱ្យសិស្សដែលជាកូនចៅជំនាន់ក្រោយ មានផ្នត់គំនិត ចេះចូលរួមថែរក្សានិងអភិរក្សការពារផ្សព្វផ្សាយអ្វីដែលជាកេរ្តិ៍ដំណែលមរតកដូនតាជំនាន់មុនឱ្យកាន់តែល្បីល្បាញទៅកាន់ឆាកជាតិនិងន្តរជាតិ។ក្រៅពីយល់ដឹងអំពីប្រវត្តិសាស្រ្តរបស់ខ្លួន…