ភ្នំពេញ៖ នៅថ្ងៃទីពុធទី១៥ ខែមករា ឆ្នាំ២០២៥ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្រ្តីក្រសួងមុខងារសារធារណៈ បានអញ្ជើញជួបសំណេះសំណាលជាមួយសិស្សមន្រ្តីដែលទើបប្រឡងជាប់ និងត្រៀមខ្លួនចូលរៀននៅសាលាភូមិន្ទរដ្ឋបាល ចំនួន២៣០នាក់ (ស្រី ៦៥នាក់)។ ក្នុងឱកាសនេះឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ និងជានាយកសាលាភូមិន្ទ​រដ្ឋបាល បានធ្វើសេចក្តីរាយការណ៍ជូនអង្គពិធីពីជ្រាបអំពីប្រវត្តិសង្ខេបសាលាភូមិន្ទរដ្ឋបាល និងការវិវត្តរបស់សាលាភូមិន្ទ​រដ្ឋបាល នៅក្នុងក្របខណ្ឌនៃការរួមចំណែកក្នុងការបណ្តុះបណ្តាលមន្ត្រីរាជការនៅតាមក្រសួង ស្ថាប័ន របស់រាជរដ្ឋាភិបាល។ ឯកឧត្តមបន្តថា ចាប់ពីឆ្នាំ១៩៩៥ ដល់ឆ្នាំ២០២៤ កន្លងមក ស.ភ.រ បានជ្រើសរើស និងបណ្តុះបណ្តាល៖ សិស្សមន្ត្រី​ជាន់ខ្ពស់ ១២ជំនាន់ មានចំនួនសរុប ៦៤១នាក់ (ស្រី១៥៣នាក់) និងសិស្សមន្ត្រីក្រមការ ១០ជំនាន់ មានសរុបចំនួន ៧៩៤នាក់ (ស្រី២១០នាក់)។ សិស្សមន្ត្រីទាំងអស់នោះ បាន និងកំពុងបម្រើការងារនៅតាមក្រសួង ស្ថាប័ន ថ្នាក់ជាតិ និងរដ្ឋបាលថ្នាក់ក្រោមជាតិ។ ឯកឧត្តមបញ្ជាក់ថា ចំនួនបេក្ខជនដាក់ពាក្យប្រឡងចូលរៀនសាលាភូមិន្ទរដ្ឋបាល មានការកើនឡើងជាលំដាប់ពីមួយឆ្នាំ​ទៅមួយឆ្នាំ ដែលនេះគឺដោយសារតែការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ និងបន្តមក​សម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា ដែលបានកំណត់ឱ្យមានការកែទម្រង់លើគ្រប់វិស័យ…

ភ្នំពេញ៖ក្រសួងបរិស្ថាននៃប្រទេសកម្ពុជា និងអង្គការយូនីសេហ្វប្រចាំកម្ពុជាបានរួមគ្នាប្រកាសដាក់ឱ្យប្រើប្រាស់ជាផ្លូវការនូវ ឯកសារសន្ទស្សន៍ហានិភ័យអាកាសធាតុលើកុមារសម្រាប់កម្ពុជា (CCRI) ជាលើកដំបូងកាលពីរសៀលថ្ងៃទី១៤ ខែមករា ឆ្នាំ២០២៥ ។ ពាក់ព័ន្ធនឹងការដាក់ឱ្យប្រើប្រាស់ជាផ្លូវការនូវឯកសារសន្ទស្សន៍ហានិភ័យអាកាសធាតុលើកុមារសម្រាប់កម្ពុជាឯកឧត្តម​បណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានបញ្ជាក់ថា “ព័ត៌មានសន្ទស្សន៍ហានិ ភ័យអាកាសធាតុ​សម្រាប់កុមារ មានសារៈសំខាន់ក្នុងការផ្តល់ជាផែនទីបង្ហាញផ្លូវបន្ថែមទៀតសម្រាប់រាជរដ្ឋាភិបាល ក៏ដូចជាក្រសួងបរិស្ថាន និងក្រសួង-ស្ថាប័នពាក់ព័ន្ធ ក្នុងការកំណត់សកម្មភាពអាទិភាពគិតគូរ ដល់សុខមាលភាព និងកិច្ចការពារកុមារដែល​ងាយ​រងគ្រោះបំផុត ដោយធានាថាការកាត់បន្ថយហានិភ័យ គ្រោះមហន្តរាយ និងយុទ្ធសាស្ត្របន្សំនឹងការប្រែប្រួលអាកាសធាតុ គឺត្រូវបាន​បញ្ចូល និងផ្តោតលើតម្រូវការរបស់កុមារ និងយុវជន”។ ចំណែកលោកបណ្ឌិត វីល ផាកស៍ នាយកយូនីសេហ្វប្រចាំប្រទេសកម្ពុជាបានសាទរនិងចាត់ទុកការ ប្រកាសដាក់ឱ្យ​ប្រើប្រាស់​នូវឯកសារមួយ ដែលលើសពីរបាយការណ៍។ លោកថា សន្ទស្សន៍ហានិភ័យអាកាសធាតុលើ កុមារសម្រាប់កម្ពុជា គឺជាឧបករណ៍ដ៏មានអានុភាពមួយដើម្បីសកម្មភាពរួម ផ្តល់សិទ្ធិអំណាចដល់អ្នកដឹកនាំ សហគមន៍ និងជាពិសេស យុវជន និងកុមារ ក្នុងការចាត់វិធានការជាក់ស្តែងដើម្បីកាត់បន្ថយ និងដោះស្រាយ ផលប៉ះពាល់នៃការប្រែប្រួលអាកាសធាតុ។លោកបន្តថា យោងតាមសន្ទស្សន៍ហានិភ័យអាកាសធាតុសម្រាប់កុមារសកល ប្រទេសកម្ពុជាស្ថិតក្នុងចំណោមប្រទេស ដែលកុមារប្រឈមនឹងហានិភ័យខ្ពស់បំផុតទៅនឹងផលប៉ះពាល់នៃការប្រែប្រួលអាកាសធាតុ។ សូមជម្រាបថា ស្របជាមួយការដាក់ប្រើប្រាស់ជាផ្លូវការនូវ ឯកសារសន្ទស្សន៍ហានិភ័យអាកាសធាតុលើកុមារសម្រាប់កម្ពុជា​ក៏ការចុះហត្ថលេខាលើសេចក្តីប្រកាសរបស់យូនីសេហ្វស្តីពីកុមារ យុវជន និងសកម្មភាពអាកាសធាតុកម្ពុជា ។សេចក្តី​ប្រកាស​នេះបង្ហាញថា យុវជនកម្ពុជា​បាន​ដើរតួនាទីជាអ្នកដឹកនាំក្នុងតំបន់អាស៊ាន…

(កំពង់ធំ)៖ នៅថ្ងៃទី ១២ ខែមករា ឆ្នាំ ២០២៥ លោក ឡង គីសឹង អភិបាលស្រុកសន្ទុក បានអញ្ជើញបើកកម្មវិធីនេសាទត្រីប្រពៃណីរបស់សហគមន៍ឃុំទីពោ នៅបឹងសហគមន៍ពោរ។ កម្មវិធីនេះបានក្លាយជាទំនៀមទម្លាប់ប្រចាំឆ្នាំ ដែលប្រជាពលរដ្ឋនៅក្នុងមូលដ្ឋានចូលរួមយ៉ាងសកម្ម ដោយប្រើប្រាស់ឧបករណ៍នេសាទបុរាណដូចជា សំណាញ់ អង្រុត ទ្រូ និងអួន។ លោក ឡង គីសឹង បានរំលឹកថា កម្មវិធីនេះគឺជាប្រពៃណីតាំងពីបុរាណ ដែលមានគោលបំណងមិនត្រឹមតែឱ្យប្រជាជនសប្បាយរីករាយ និងរកស៊ីត្រីសម្រាប់ជីវភាពប៉ុណ្ណោះ ប៉ុន្តែអំពាវនាវឱ្យប្រជាជនថែរក្សា និងការពារធនធានធម្មជាតិមច្ឆាជាតិឱ្យបានរឹងមាំ។ ការចូលរួមនេះក៏ជាវិធីសាស្រ្តក្នុងការបង្រៀនក្មេងជំនាន់ក្រោយអំពីទំនៀមទម្លាប់ និងជីវភាពបែបសហគមន៍។ ក្នុងឱកាសបើកកម្មវិធី លោកមេឃុំទីពោ បានអំពាវនាវដល់បងប្អូនប្រជាពលរដ្ឋឱ្យចូលរួមសកម្មក្នុងការថែរក្សា និងការពារបឹងសហគមន៍ ពិសេសការពារពូជត្រីដោយមិនប្រើឧបករណ៍នេសាទខុសច្បាប់។ លោក បានស្នើសុំឱ្យថ្នាក់ដឹកនាំ និងអង្គការដៃគូអភិវឌ្ឍន៍ ជួយគាំទ្រ និងឧបត្ថម្ភដល់សហគមន៍នេះ ដើម្បីរក្សាពូជត្រីឱ្យបានបន្តពូជ និងធ្វើឱ្យបឹងសហគមន៍ក្លាយជាទីកន្លែងទំនៀមទម្លាប់ និងធនធានធម្មជាតិរបស់សហគមន៍ស្រុកសន្ទុក ។ កម្មវិធីនេះបានបញ្ជាក់ពីសារៈសំខាន់នៃទំនៀមទម្លាប់ក្នុងការរួមចំណែកបង្កើតសហគមន៍ប្រកបដោយសន្តិភាព និងការអភិវឌ្ឍយាងទៅមុខ ៕ ដោយ​ ៖ ប៊ុន​រដ្ឋា

(ភ្នំពេញ)៖ នៅរសៀលថ្ងៃទី១១ ខែមករា ឆ្នាំ២០២៥ មានការប្រឡងចម្រៀង សិល្បៈជាច្រើនប្រភេទ ដែលប្រព្រឹត្តទៅនៅមជ្ឈមណ្ឌលសន្និបាត និងពិព័រណ៍កោះពេជ្រ ដែលមានការអញ្ជើញចូលរួម ជាគណៈកម្មការកិត្តិយស ក្នុងការជ្រើសរើសបេក្ខជនជ័យលាភីដោយ នាយ ចឺម តារាចម្រៀងដ៏ល្បីពេញនិយមសម្រាប់យុវវ័យ និងមានប្រជាប្រិយភាពមួយរូប នៅកម្ពុជា។ នាយ ចឺម បានឲ្យដឹងថា ការប្រឡងចម្រៀង សិល្បៈជាច្រើនប្រភេទ ដើម្បីសម្រិតសម្រាំងរកបេក្ខជនជ័យលាភីដែលមានសមត្ថភាពពិតប្រាកដ ទៅប្រឡងវគ្គផ្ដាច់ព្រ័ត្រ នៅថ្ងៃទី១៤ ខែកុម្ភៈ ឆ្នាំ២០២៥ នៅក្រុមហ៊ុន ឡាក់គី រ៉ូប៊ី ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង។ លោកបានបញ្ជាក់ថា អ្នកទទួលបានជ័យលាភី នៅវគ្គផ្ដាច់ព្រ័ត្រលេខ១ ទទួលបានរង្វាន់ធំទឹកប្រាក់ ៥,០០០ដុល្លារ លេខ២ ទទួលបាន ២,០០០ដុល្លារ និងរង្វាន់លើកទឹកចិត្ត ៣០០ដុល្លារ ក្នុងបេក្ខជនម្នាក់ៗ។ ចំពោះបេក្ខភាពទទួលបានជ័យលាភី នៅវគ្គពាក់កណ្ដាលផ្ដាច់ព្រ័ត្រនេះ គណៈកម្មការសម្រេចជ្រើសរើសយកបេក្ខជនចំនួន ៨រូប ក្នុចំណោមបេក្ខជនសរុប ៦៣រូប ដើម្បីត្រៀមទៅប្រឡងនៅវគ្គផ្ដាច់ព្រ័ត្រ។ បេក្ខជនដែលបានអញ្ជើញចូលរួមប្រឡងចម្រៀង និងសិល្បៈជាច្រើនប្រភេទឱកាសនេះ មកពីគ្រប់ទិសទីតាមបណ្ដារាជធានីខេត្ត គឺចូលរួមបានដោយសេរីប្រកបដោយភាពជឿជាក់…

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នៅព្រឹកថ្ងៃទី១៣ ខែមករា ឆ្នាំ២០២៥ នេះបានអញ្ជើញជាអធិបតីដ៏ខ្ពង់ខ្ពស់ ក្នុងសិក្ខាសាលាស្តីពី «ការពិនិត្យឡើងវិញ និងការវិភាគមុខងារ និងរចនាសម្ព័ន្ធនៃក្រសួងបរិស្ថាន» និងមានវត្តមានចូលរួមដោយ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ព្រមទាំងថ្នាក់ដឹកនាំ និងមន្ត្រីជំនាញនៃក្រសួងទាំង ២ជាច្រើនរូប ។ ក្នុងមតិស្វាគមន៍អង្គសិក្ខាសាលា ឯកឧត្តមបណ្ឌិតរដ្ឋមន្រ្តីក្រសួងបរិស្ថាន បានជម្រាបជូនអង្គសិក្ខាសាលាថា ក្រោយពីក្រសួង បានធ្វើការវិភាគមុខងារស្នូល និងមុខងាររង ដើម្បីបំពេញ និងសម្រេចបេសកកម្មដែលមានចែងក្នុងអនុក្រឹត្យស្តីពី«ការរៀបចំនិងការប្រព្រឹត្តទៅរបស់ក្រសួងបរិស្ថាន»ឆ្នាំ២០២១ ក្រសួងបានកំណត់ មុខងារ និងភារកិច្ចរបស់ក្រសួងចំនួន១៧។ ក្រោយពីក្រុមការងារធ្វើកំណែទម្រង់បន្ថែម ក្រសួងបានធ្វើការពិនិត្យនិងវិភាគឡើងវិញ ដោយបានផ្តុំមុខងារបញ្ចូលគ្នាឱ្យទៅជាមុខងារស្នូលមានចំនួន៣ និងមុខងាររងមានចំនួន១៣។ ឯកឧត្តម បានជម្រាបបន្ថែមថា មុខងារទាំងអស់នេះឆ្លើយតបទៅនឹងបេសកកម្ម ក្រមបរិស្ថាននិងធនធានធម្មជាតិ លិខិតបទដ្ឋានគតិយុត្តពាក់ព័ន្ធ និងយុទ្ធសាស្រ្តចក្រាវិស័យបរិស្ថាន ព្រមទាំងបរិបទជាក់ស្តែងចំពោះមុខ និងទៅអនាគតផងដែរ។ បន្ថែមពីនេះ ឯកឧត្តមបណ្ឌិត អ៊ាង សុផល្លែត បានបង្ហាញពីទិសដៅបន្តចំនួន៣ លើការងារវិភាគមុខងាររបស់ក្រសួងបរិស្ថាន រួមមាន៖ ១).រៀបចំផែនការជំហានបន្ទាប់របស់ក្រសួងបរិស្ថាន ផ្អែកលើផែនការយុទ្ធសាស្រ្ត…

បាត់ដំបង៖ឯកឧត្តម អ៊ុត ក្លឹង អគ្គនាយករដ្ឋាករទឹកបាត់ដំបង បានបញ្ជាក់ថា នៅឆ្នាំ២០២៥រដ្ឋាករទឹកបាត់ដំបង នឹង​ពង្រីកបណ្តាញមេ-មេរងបន្ថែមនៅ​ក្នុងតំបន់សេវាកម្មរបស់ខ្លួនពង្រឹងលើការងារថែទាំ ជួសជុល ប្រព័ន្ធផលិតកម្ម និងរៀបចំ​បង្កើននូវការបំពាក់ក្បាលវ៉ានបាញ់ទឹកសម្រាប់រថយន្តពន្លត់​អគ្គិភ័យបន្ថែមទៀត។ ក្នុងកិច្ចប្រជុំបូកសរុបលទ្ធផលការងាររយៈពេលមួយឆ្នាំរបស់រដ្ឋាករទឹកបាត់ដំបងប្រចាំឆ្នាំ២០២៤ និងលើកទិសដៅ​អនុវត្ត​ការងារបន្តឆ្នាំ២០២៥ កាលពីថ្ងៃទី៩ ខែមករា ឆ្នាំ២០២៥ ឯកឧត្តម អ៊ុត ក្លឹង បានបញ្ជាក់ថា ជាទិសដៅបន្ត រដ្ឋាករ​ទឹកបាត់ដំបង នឹងពង្រីកបណ្តាញមេ-មេរងបន្ថែមនៅក្នុងតំបន់សេវាកម្ម​របស់ខ្លួន​ពង្រឹងលើការងារថែទាំ ជួសជុល ប្រព័ន្ធ​ផលិតកម្ម និងរៀបចំបង្កើន​នូវការបំពាក់ក្បាលវ៉ានបាញ់ទឹកសម្រាប់រថយន្តពន្លត់អគ្គីភ័យបន្ថែមទៀត នៅតាមតំបន់​ទីប្រជុំជន និងថែទាំក្បាលវ៉ានអគ្គិភ័យ ដែលមានស្រាប់ ដើម្បី​ធានាបាន នៅពេលអន្តរាគមន៍បាញ់ពន្លត់អគ្គិភ័យបាន​ទាន់ពេលវេលា ក្នុង​ករណីកើតមានគ្រោះអគ្គិភ័យជាយថាហេតុកើតឡើង។ បច្ចុប្បន្នក្រុមការងារកំពុងតែពន្លឿននូវការសាងសង់ស្ថានីយបូមទឹកឆៅថ្មី និងរោងចក្រប្រព្រឹត្តកម្មទឹកស្អាតថ្មីមួយកន្លែង មានសមត្ថភាពផលិត៥០ ០០០ ម៉ែត្រគូបក្នុង១ថ្ងៃ ដែលមានទីតាំង នៅភូមិកំពង់សីមា សង្កាត់វត្តគរ ក្រុង​បាត់ដំបង និងការងារពង្រីកបំពង់មេទឹកស្អាតប្រវែង ៩៤គីឡូម៉ែត្រ ។ ឯកឧត្តមអគ្គនាយកបានបញ្ជាក់បន្ថែមថា សមត្ថភាពរោងចក្រផលិតទឹកស្អាតថ្មី ខាងលើនេះ​បូករួមជាមួយរោងចក្រផលិត​ទឹក​ស្អាតដែលបាននិងកំពុងដំណើរ​ការប្រចាំថ្ងៃ នាពេលបច្ចុប្បន្ន ចំនួន២ទីតាំង អាចនឹងធ្វើឱ្យរដ្ឋាករទឹកបាត់ដំបង​មាន​សមត្ថភាពក្នុងការផលិតទឹកស្អាត កើនដល់ទៅ ៨៣ ៥២០ម៉ែត្រគូប ក្នុងមួយថ្ងៃ និង បំពង់បណ្តាញទឹកស្អាត…