(ភ្នំពេញ)៖ ដើម្បីបង្កើនភាពទាក់ទាញលើវិស័យទេសចរណ៍នៅកម្ពុជា អ្នកសារព័ត៌មាន ត្រូវបង្កើនធ្វើការផ្សព្វផ្សាយលើសក្តានុពលទេសចរណ៍​កម្ពុជា​ឱ្យបានកាន់តែទូលំទូលាយបន្ថែមទៀត ដែលទាំងនេះមិនត្រឹមតែ​ទាក់ទាញ​ភ្ញៀវទេសចរក្នុងស្រុកទេ តែវាក៏ទាក់ទាញដល់ភ្ញៀវទេសចរ​បរទេស ពិសេសប្រទេសចិនដែលជាឆ្នាំ នៃការលើកកម្ពស់វិស័យ​ទេសចរ​ណ៍​រវាងកម្ពុជា-ចិន ។ នេះជាការថ្លែងបញ្ជាក់ពីសំណាក់ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន ។ ថ្លែងក្រោយបញ្ចប់ពិធីបើក វេទិការស្តីពីការផ្សព្វផ្សាយឆ្លាតវៃនៃប្រព័ន្ធ​ផ្សព្វផ្សាយកម្ពុជា-ចិន ឆ្នាំ២០២៤ ដែលបានរៀបចំឡើងនាសណ្ឋានគារ សូហ្វីតែល ក្នុងរាជធានីភ្នំពេញនាព្រឹកថ្ងៃទី ១៣ ខែធ្នូ ឆ្នាំ២០២៤នេះ ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានឱ្យដឹងថា៖បន្ទាប់ពី​ឆ្នាំ២០២៤ ដែលការផ្សារភ្ជាប់រវាងប្រជាជន និង ប្រជាជន រវាងកម្ពុជា-ចិន ក្រសួងព័ត៌មាន បានធ្វើសកម្មភាពមួយចំនួនធំ​ក្នុងការ​ផ្សព្វផ្សាយអំពី​សក្តានុពលទេសចរណ៍ក៏ដូចជាកាលានុវត្តភាពផ្សេងៗទៀតនៅប្រទេសកម្ពុជារបស់យើង ពិសេសទាក់ទិននឹងសង្គម សេដ្ឋកិច្ចតែម្តង។ តាមរយៈនេះគឺអាចធ្វើឱ្យប្រជាជនចិនបានទទួលព័ត៌មានពីសក្តានុពលទេសចរណ៍នៅកម្ពុជា។ឆ្នាំ២០២៥គឺជាឆ្នាំលើវិស័យទេសចរណ៍រវាងកម្ពុជា-ចិន ក្រសួងព័ត៌មានក៏ដូចជាអ្នកសារព័ត៌មានរបស់កម្ពុជា ត្រូវបង្កើនការ​ផ្សព្វ​ផ្សាយអំពីសក្តានុពលវិស័យទេសចរណ៍ដែលជាឱកាសក្នុងការផ្សព្វផ្សាយនូវអ្វីដែលកម្ពុជាយើងមានស្រាប់ហើយ ។ ឯកឧត្តម រដ្ឋមន្រ្តីបានបញ្ជាក់ថា”យើងត្រូវបង្កើនឱ្យបានជ្រួតជ្រាបលើ​ស្រទាប់​ពលរដ្ឋប្រជាជនចិន ក៏ដូចជាប្រទេសដទៃទៀតក្នុងការធ្វើដំណើរ​មកកម្សាន្តនៅប្រទេសកម្ពុជា ក្នុងនេះដូចជាតំបន់ទេសចរណ៍ថ្មីៗ​ទើប​បង្កើតឡើង កន្លែងតំបន់ទេសចរណ៍ដ៏ទាក់ទាញ និងក្រៅពីនេះក៏ត្រូវ​ផ្សព្វ​ផ្សាយផងដែរនូវមុខម្អូបប្រពៃណី ទំនៀមទំលាប់ពលរដ្ឋរស់នៅ​តំបន់​សហគមន៍ ជាដើមដែលទាំងអស់នេះសុទ្ធសឹងជាផ្នែកមួយទាក់ទាញ​ការចាប់អារម្មណ៍របស់បងប្អូនប្រជាពលរដ្ឋចិនក្នុងការធ្វើដំណើរមកទស្សនា និងកម្សាន្តនៅកម្ពុជា”។ ឯកឧត្តមរដ្ឋមន្រ្តីបានមានប្រសាសន៍ថា”ទាំងអស់នេះហើយគឺជាតួនាទីរបស់អ្នកសារព័ត៌មានក្នុងការសរសេរព័ត៌មានផ្សព្វផ្សាយ ក៏ដូចជាផ្តិត​យករូប​ភាព ឯកសារផ្សេងៗក្នុងការជួយផ្សព្វផ្សាយពីប្រទេសកម្ពុជា ។កាលណា​ផ្សព្វផ្សាយបានទូលំទូលាយនោះហើយគឺជាការទាក់ទាញយ៉ាងសំខាន់ទៅដល់ភ្ញៀវទេសចរមកកម្សាន្តនៅប្រទេសកម្ពុជារបស់យើង “។…

(ភ្នំពេញ)៖ សមាគមដើម្បីការអភិវឌ្ឍ និងការគាំទ្រឧស្សហកម្មច្នៃប្រតិដ្ឋ​នៃកម្ពុជា (សមាគមស៊ីកាដា) បានរៀបចំ «សន្និសីទ សារព័ត៌មាន ស្តីពី យុទ្ធនាការកៀរគរការគាំទ្រ ដល់សិល្បករ និងប្រតិបត្តិករវប្បធម៌» តាម​រយៈការណែនាំនូវ សំណៅពិគ្រោះ «នៅពីក្រោយឆាក និងវាំងនន៖ ភាព​ងាយរងគ្រោះ ការរើសអើង យេនឌ័រ និងការបៀតបៀនក្នុងវិស័យ​វប្បធម៌​និងឧស្សាហកម្ម ច្នៃប្រតិដ្ឋនៅកម្ពុជា»។ សន្និសីទសារព័ត៌មាននេះ មានចូលរួមដោយ សិល្បករ និងអ្នកធ្វើការ ក្នុងវិស័យវប្បធម៌ និងច្នៃប្រតិដ្ឋ មកពីតាមបណ្តាខេត្ត និងរាជធានី វិស័យ​រដ្ឋាភិបាល អង្គការ សមាគម សង្គមស៊ីវិល ស្ថានទូត និងស្ថាប័ន​ម្ចាស់​ជំ​នួយ ប្រមាណជា ៨០នាក់ រៀបចំឡើងនៅ ថ្ងៃទី១៣ ខែធ្នូ ឆ្នាំ២០២៤ នៅវិទ្យាស្ថានបារាំង។ លោកស្រី លឹម សូលីន សមាជិកគណៈកម្មការនាយក សមាគមសីកាដា បញ្ជាក់ថា សមាគមស៊ីកាដា បង្កើតឡើងក្នុងឆ្នាំ ២០២២ ដោយមាន គោលបំណងធ្វើជាតំណាង និងស្វែងរក ការគាំទ្រដល់ឧស្សាហកម្ម​ច្នៃប្រ​តិដ្ឋ និងវប្បធម៌ដើម្បីអភិវឌ្ឍប្រកបដោយនិរន្តរភាព…

ភ្នំពេញ ៖ អ្នកតំណាងសហគ្រិនឆ្នើមៗមកពីប្រទេសចិន ដែលដឹកនាំដោយលោក Cui Jianhua ប្រធានសភាពាណិជ្ជករទីក្រុង Ru gao នៅថ្ងៃទី១២ ខែធ្នូ ឆ្នាំ២០២៤ បានចុះបំពេញទស្សនកិច្ចនៅរាជធានីភ្នំពេញ ដែលជាបេះដូងរបស់ព្រះរាជាណាចក្រកម្ពុជា ស្ថិតក្នុងគោលបំណងស្វែងយល់ពីសក្តានុពល និងឱកាសបោះទុនវិនិយោគ។ នៅក្នុងជំនួបពិភាក្សាការងារជាមួយក្រុមអ្នកវិនិយោគចិន អ្នកឧកញ៉ា លីម ហួរនីតូ (Neak Oknha lim hour Nito) បានមានប្រសាសន៍ថា កម្ពុជា និងចិនមានគោលនយោបាយផ្សេងៗគ្នា តែអ្នកឧកញ៉ាសង្ឃឹមថា គ្រប់គ្នាអាចទទួលបានដៃគូសហការល្អៗ ក្នុងអំឡុងពេលបំពេញទស្សនកិច្ចនៅកម្ពុជា និងស្វែងយល់បន្ថែមអំពីគោលនយោបាយវិនិយោគជាក់ស្តែង ដើម្បីស្វែងរកវិស័យដែលពួកគេចង់វិនិយោគនៅកម្ពុជា។ មានឱកាសវិនិយោគជាច្រើននៅកម្ពុជាបន្ទាប់ពីជំងឺកូវីដ១៩ មានដូចជាវិស័យអចលនទ្រព្យ សណ្ឋាគារ ភោជនីយដ្ឋាន និងការអភិវឌ្ឍន៍កសិកម្មជាដើម។ អ្នកឧកញ៉ាសង្ឃឹមថា យើងម្នាក់ៗអាចរក្សារទំនាក់ទំនងបាន កាន់តែច្រើននាពេលអនាគត ហើយយើងនឹងប្រឹងប្រែងឱ្យអស់ពីសមត្ថភាព ដើម្បីជួយអ្នកគ្រប់គ្នា និងបង្កើតបរិយាកាសវិនិយោគដ៏ល្អជាមួយគ្នា។ លោក lizhen ប្រធានសមាគមយុវជនឌីជីថលកម្ពុជា-ចិនបានលើកឡើងថា សមាគមរបស់លោកបានប្តេជ្ញាចិត្តជាចម្បង ចំពោះកិច្ចសហប្រតិបត្តិការ និងការផ្លាស់ប្តូរផ្នែកវប្បធម៌ ទេសចរណ៍ និងការវិនិយោគរវាងប្រជាជនចិន និងកម្ពុជា។ ពួកយើងសង្ឃឹមថា តាមរយៈសមាគមយុវជនឌីជីថលកម្ពុជា-ចិន…

សៀមរាប៖រដ្ឋបាលខេត្តសៀមរាបបានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ គោលដៅទី២ នៅបរិវេណវត្តបូរណ៌ខ្នាតេជោ ស្ថិតក្នុងឃុំចន្លាសដៃ ស្រុកក្រឡាញ់ ខេត្តសៀមរាបកាលពីថ្ងៃទី១២ ខែធ្នូក្រោមវត្តមាន​ឯក​ឧត្តម លី សំរិទ្ធ ប្រធានក្រុមប្រឹក្សាខេត្ត និងលោក លី សារី អភិបាលរងខេត្ត​តំណាងឯកឧត្តម ប្រាក់ សោភ័ណ អភិបាលខេត្តសៀមរាប។ ថ្លែងទៅកាន់ប្រជាពលរដ្ឋចូលរួមជាច្រើនរយនាក់ ឯកឧត្តម លី សំរិទ្ធ បានប្រាប់ វេទិកានេះផ្តោតលើការផ្តល់ឱកាសដល់​ប្រជាពលរដ្ឋ​ក្នុងការទាក់ទងផ្ទាល់ជាមួយរដ្ឋបាលខេត្ត ស្រុក និងឃុំ ដើម្បីចែក​រំលែកបទពិសោធន៍ និងដោះស្រាយ​បញ្ហា​ប្រឈមជាក់ស្តែង។ វាជាវិធីសាស្រ្តដ៏សំខាន់សម្រាប់ការផ្តល់ប្រឹក្សាអំពីអាទិភាពក្នុងការអភិវឌ្ឍខេត្តប្រកបដោយចីរភាព និងប្រសិទ្ធភាព។ ក្នុងអំឡុងនៃវេទិកាអ្នកសម្របសម្រួលបានឆ្លើយតបនឹងសំណើ និងសំណូមពររបស់ប្រជាពលរដ្ឋជាក់ស្ដែង។ លោក លី សារី អភិបាលរងខេត្ត បានសរសើរដល់ពលរដ្ឋក្នុងស្រុកក្រឡាញ់​ដែលបានបង្ហាញជំនឿទុកចិត្តលើរដ្ឋបាល​តាមរយៈការលើក​ឡើង​សំណើយ៉ាងច្បាស់លាស់។ សូមជម្រាបថា វេទិកានេះមានការដាក់សំណួរដោយផ្ទាល់ចំនួន១២ និងជាលាយលក្ខណ៍អក្សរចំនួន២ទាក់ទងនឹងវិវាទដីធ្លី ,​បញ្ហាប្រាក់​ឈ្នួលពលកម្ម ការធ្វើប្រព័ន្ធធារាសាស្រ្ត ការផ្សព្វផ្សាយទឹកស្អាត ការធ្វើផ្លូវ និងការស្នើសុំដីសម្រាប់​ប្រើប្រាស់​ក្នុងសហគមន៍។ ឯកឧត្តម លី សំរិទ្ធ ប្រធានក្រុមប្រឹក្សាខេត្តបានផ្តាំផ្ញើដល់ថ្នាក់ដឹក​នាំរដ្ឋបាលថ្នាក់ក្រោម ត្រូវបន្តខិតខំបន្ថែមទៀត​ក្នុងការ​ដោះ​ស្រាយបញ្ហាប្រឈម និងសេវាសាធារណៈជូនប្រជាពលរដ្ឋ​ឱ្យបានឆាប់រហ័ស៕ដោយ៖​ប៊ុន​រដ្ឋា

កំពង់ធំ៖ដោយមិនធ្វេសប្រហែសនិងយកចិត្តទុកដាក់ចំពោះកង​កម្លាំង​ចម្រុះ ឧត្តមសេនីយ៍ទោ សោម ស៊ុន មេបញ្ជាការ​តំបន់ប្រតិបត្តិការ​សឹករង អនុប្រធានអចិន្ត្រៃយ៍គណៈកម្មការការពារទប់ស្កាត់ និងបង្ក្រាប​បទល្មើសធនធានធម្មជាតិ ខេត្ត​កំពង់ធំ​កាលពីថ្ងៃទី១២ ខែធ្នូ បានអញ្ជើញ​សាកសួរសុខទុក្ខកងកម្លាំងចម្រុះ ដែលកំពុង​បំពេញ​ភារកិច្ច​ការពារទប់ស្កាត់ និងបង្ក្រាបបទល្មើសធនធានធម្មជាតិនៅទី​បញ្ជាការស្រាលតំបន់ជាំក្របី ស្ថិតនៅក្នុងដែនជម្រក សត្វព្រៃបឹងពែរ ឃុំសាគ្រាម ស្រុកប្រាសាទបល្ល័ង្ក។ នៅទីជម្រកសមរម្យមួយទោះជានៅឆ្ងាយពីទីប្រជុំជន​លោក អ៊ី វិចអុល មន្ត្រីឧទ្យានុរៈបរិស្ថាន និងជាប្រធានទីបញ្ជាការ​ស្រាលតំបន់ជាំក្របី បានជម្រាបអំពីស្ថានភាពរួមនៃការរស់នៅ និងការបំពេញភារកិច្ច​របស់កង​កម្លាំងទាំងអស់នៅទី​បញ្ជាការស្រាល ដែលអនុវត្តយ៉ាង​ម៉ឹងម៉ាត់តាមបទបញ្ជារបស់​ឯកឧត្តម នួន ផារ័ត្ន អភិបាលខេត្ត និងប្រធានគណៈ​បញ្ជាការឯកភាពរដ្ឋបាលខេត្តកំពង់ធំ ។ ឧត្តមសេនីយ៍ទោ សោម ស៊ុន បានកោតសរសើរដល់​កងកម្លាំងចម្រុះ ដែលសហការគ្នាល្អក្នុងការបំពេញ​ភារកិច្ចក្នុង​រយៈពេលជាង៧​ខែកន្លងមកនេះ ទទួលបានជោគជ័យ ពោលមិន​មានការលួច​កាប់ទន្ទ្រានព្រៃឈើ​យកដី​រដ្ឋធ្វើជា​កម្មសិទ្ធិជាថ្មី និងរក​ឃើញ​ផ្ទៃដីដែល​លួចកាប់បន្ទ្រានកន្លងមកជាង២ ៥០០ ហិកតា ដែលបច្ចុប្បន្ន​បានគ្រប់គ្រង និងស្រាវជ្រាវ​វែករកមុខជនសង្ស័យ ដើម្បីកសាងសំណុំ​រឿងបញ្ជូនទៅកាន់តុលាការ ។ចំណែកដីបានដាំស្ដារ​ព្រៃឈើឡើង​វិញជាង៥ម៉ឺនដើម។ ក្នុងឱកាសនេះក្រៅពីការសាកសួរសុខទុក្ខ ការលើកទឹកចិត្តឱ្យ​បំពេញភារកិច្ចកាន់តែល្អប្រសើរ​លោកមេបញ្ជាការតំបន់​ប្រតិបត្តិការ​សឹករង អំណោយមួយចំនួនដល់ទីបញ្ជា​ការ​ស្រាលតំបន់ជាំក្របី មាន ប្រេងសាំង អង្ករ មី ត្រីខកំប៉ុង ទឹកត្រី ទឹកស៊ីអ៊ីវ ថ្នាំពេទ្យ និងថវិកា​មួយចំនួន…

(ព្រះសីហនុ)៖ លោក Fu Xian Ting អគ្គនាយក ក្រុមហ៊ុនក្រុមហ៊ុន យិះចៀ ធួរីហ្សឹម ឌីវេឡុបមែន ខមភេនី បានឱ្យដឹងថា ការវិនិយោគអភិវឌ្ឍនៅតំបន់ឆ្នេរមាសឆ្នេរប្រាក់នេះ គឺស្របទៅតាមគោលគំនិតផ្សារភ្ជាប់ជាមួយគោលដៅទេសចរណ៍នៅសៀមរាប-អង្គរ ដោយលោកហៅគោលគំនិតនោះថា «ទៅភាគខាងជើងទទួលបទពិសោធន៍ទេសចរណ៍វប្បធម៌ប្រវត្តិសាស្រ្តនៅប្រាសាទអង្គរវត្ត ចុះមកភាគខាងត្បូងសម្រាកលម្ហែនៅតំបន់ឆ្នេរមាសឆ្នេរប្រាក់»។ គំនិតសេដ្ឋកិច្ចនេះ គឺបានផ្លាស់ប្តូរដំណើរកម្សាន្តរបស់ភ្ញៀវទេសចរ ដែលអាចចំណាយពេល១-៣ថ្ងៃ នៅប្រាសាទអង្គរវត្ត និងចំណាយពេល៧-១៥ថ្ងៃ នៅឆ្នេរមាសឆ្នេរប្រាក់ ។ លោកអគ្គនាយក Fu Xian Ting បានលើកឡើងបែបនេះ ក្នុងពិធីសម្ពោធជាផ្លូវការ សមិទ្ធផលថ្មីៗ របស់ក្រុមហ៊ុន យិះចៀ ធួរីហ្សឹម ឌីវេឡុបមែន ខមភេនី រួមមាន៖ ខ្លោងទ្វារដ៏ធំស្កឹមស្កៃ ផ្លូវថ្នល់និងផ្លូវក្រាលកៅស៊ូដែលមានប្រវែងសរុបជាង ១៣០គីឡូម៉ែត្រ ក្រោមអធិបតីភាព ឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយកនៃអគ្គនាយកដ្ឋានស្រាវជ្រាវចារកិច្ច និងជាមេបញ្ជាការរងកងទ័ពជើងគោក នៃក្រសួងការពារជាតិ តំណាងដ៏ខ្ពង់ខ្ពសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី១២ ខែធ្នូ ឆ្នាំ២០២៤…

(សៀមរាប)៖ នៅក្រុងរុនតាឯកតេជោសែន កាលពីល្ងាចថ្ងៃទី៩ ខែធ្នូ ឆ្នាំ២០២៤ បានរៀបចំកម្មវិធីដាក់បង្គោលអគ្គិសនីដើរដោយថាមពលពន្លឺព្រះអាទិត្យបំភ្លឺផ្លូវនៅក្នុងភូមិតានី សង្កាត់រុនតាឯក ក្រុងរុនតាឯកតេជោសែន ខេត្តសៀមរាប ។ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានថ្លែងថាថា សមាគមបានទទួលជំនួយអំពូលអគ្គិសនីដើរដោយថាមពលពន្លឺព្រះអាទិត្យសម្រាប់បំភ្លឺផ្លូវសាធារណៈពីអង្គការស្រាវជ្រាវនិងផ្សព្វផ្សាយអរិយធម៌អេកូឡូស៊ីរបស់ប្រទេសចិន និង អង្គការផ្សព្វផ្សាយអរិយធម៌អេកូឡូស៊ីស្រុកជាំងនីង ក្រុងណានជីង ដើម្បីដាក់បំភ្លឺផ្លូវ នៅក្នុងក្រុងរុនតាឯក។ លោកបណ្ឌិតបានថ្លែងអំណរគុណដល់លោក អ៊ឹង សុភ័ណ អភិបាលនៃគណៈអភិបាលក្រុងរុនតាឯកតេជោសែន លោក លូ ឈីជឺ អគ្គកុងស៊ុលចិនប្រចាំខេត្តសៀមរាប លោក Liu Zhanguo ប្រធានការិយាល័យមូលនិធិចិនដើម្បីសន្តិភាពនិងការអភិវឌ្ឍប្រចាំកម្ពុជា និងលោក Liu Wenzhi ប្រធានការិយាល័យមូលនិធិចិនPEACELAND ដែលបានគាំទ្រដល់បេសកកម្មរបស់សមាគមលើវិស័យអេកូឡូស៊ី ហើយលើកទឹកចិត្តដល់សមាគមក្នុងការបំពេញបាននូវតម្រូវការជូនដល់ប្រជាជនក្នុងក្រុងរុនតាឯកតេជោសែន។ លោក អ៊ឹង សុភ័ណ អភិបាលនៃគណៈអភិបាលក្រុងរុនតាឯកតេជោសែន បានថ្លែងថាអំពូលសូឡាបំភ្លឺផ្លូវទាំងនេះនឹងរួមចំណែកដល់ការអភិវឌ្ឍក្រុងរុនតាឯក ហើយស្នាក់ការរបស់សមាគមអ្នកស្រាវជ្រាវវឌ្ឍនភាពកម្ពុជា-ចិនដែលគ្រោងនឹងដំណើរការនៅទីនេះ គឺជាវេទិកាដ៏សំខាន់ក្នុងការតភ្ជាប់រវាងប្រជាជននិងប្រជាជន។ ស្នាក់ការនេះជាបណ្ណាល័យសម្រាប់សិស្សនៅពេលយប់ ជាទីតាំងដែលជនពិការបានបំពេញការងារសិប្បកម្មដោយដៃត្បាញស្មុកសម្រាប់បម្រើដល់វិស័យទេសចរណ៍។ លោកអភិបាលក្រុងសង្ឃឹមថា ថ្នាក់ដឹកនាំនិងបុគ្គលិករបស់អង្គការស្រាវជ្រាវនិងផ្សព្វផ្សាយអរិយធម៌អេកូឡូស៊ីរបស់ប្រទេសចិន និង អង្គការផ្សព្វផ្សាយអរិយធម៌អេកូឡូស៊ីស្រុកជាំងនីង ក្រុងណានជីង អាចមកដល់ទឹកដីក្រុងរុនតាឯកឃើញដោយផ្ទាល់ពីផលដែលទទួលបានពីអំពូលសូឡាបំភ្លឺផ្លូវទាំងនេះ ។…

(ខេត្តព្រះវិហារ)៖ ក្នុងពិធីបិទសន្និបាតបូកសរុបការងារឆ្នាំ២០២៤ និង​លើក​ទិសដៅអនុវត្តការងារបន្តឆ្នាំ២០២៥ របស់ស្នងការដ្ឋាននគរបាល​ខេត្ត នារសៀលថ្ងៃទី១០ ខែធ្នូ ឆ្នាំ២០២៤ នៅស្នងការដ្ឋាននគរបាលខេត្ត​ព្រះវិហារ ឯកឧត្តមនាយឧត្តមសេនីយ៍ ខេង សុមេធ អគ្គស្នងការរងនគរ​បាលជាតិ ជំរុញស្នងការដ្ឋាននគរបាលខេត្តព្រះវិហារ បន្តពង្រឹងលើការងារ​រក្សាសន្តិសុខ សណ្តាប់ធ្នាប់សាធារណៈ ទប់ស្កាត់ និងបង្ក្រាបបទល្មើសឆ្លង​ដែនគ្រប់ប្រភេទ ឱ្យបានល្អប្រសើរថែមទៀត ។ អភិបាលខេត្តព្រះវិហារ ឯកឧត្តម គីម រិទ្ធី បានសម្តែងការកោតសរសើរ ចំពោះលទ្ធផលការងារ និងវឌ្ឍនភាពរបស់ស្នងការដ្ឋាននគរ​បាល​ខេត្តព្រះវិហារ លើកិច្ចប្រតិបត្តិការថែរក្សាការពារសន្តិសុខ សណ្តាប់ធ្នាប់ និងការទប់ស្កាត់ការបង្ក្រាបបទល្មើសនានា ក្នុងភូមិសាស្ត្រខេត្ត ក្នុងឆ្នាំ​២០២៤ សម្រេចបានលទ្ធផលជាច្រើនគួរឱ្យកត់សម្គាល់។ នៅក្នុងឱការនោះ ឯកឧត្តមនាយឧត្តមសេនីយ៍ ខេង សុមេធ បានប្រគល់​លិខិតសរសើរ និងថវិកាជូនដល់ស្នងការដ្ឋាននគរបាលខេត្តព្រះវិហារ ព្រម​ទាំងប្រគល់ម៉ូតូចំនួន ១០គ្រឿង ដែលជាអំណោយដ៏ថ្លាំថ្លារបស់ ឯកឧត្តម​អភិ​សន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូន​ដល់កងកម្លាំងវរសេនាតូចនគរបាលការពារព្រំដែនគោកលេខ១០៥ ចំណុះស្នងការដ្ឋាននគរបាលខេត្តព្រះវិហារ ផងដែរ ៕ ដោយ ៖ឡុង សំបូរ

(តាកែវ)៖ លោកឧត្ដមសេនីយ៍ទោ ម៉ែន លី ស្នងការនគរបាលខេត្ដតាកែវ នៅរសៀលថ្ងៃទី ១១ ខែធ្នូ ឆ្នាំ២០២៤ បានប្រជុំរៀបចំផែនការ ការពារ​សន្តិសុខសណ្ដាប់ធ្នាប់សាធារណៈ នៅតាមដងផ្លូវ នាឱកាសពិធីបុណ្យ​សមុទ្រនៅខេត្ដកំពតខាងមុខនេះ ដោយតម្រូវអោយមន្រ្តីនគរបាលចំនួន ៦ស្រុក ត្រូវត្រៀមលក្ខណៈសម្បត្ដិសម្ភារៈអោយបានគ្រប់គ្រាន់ រួមមាន​ស្រុកបាទី, ស្រុកសំរោង, ស្រុកត្រាំកក់, ស្រុកទ្រាំង ,ស្រុកគីរីវង់, និងក្រុង​ដូនកែវ ដាក់ពង្រាយកំលាំងអន្តរាគមន៍ និងនគរបាលចរាចរណ៍គ្រប់​គោល​ដៅ ដើម្បីឈរជើងចាំការពារ សម្រួលចរាចរណ៍ បញ្ចៀសការក៏ស្ទះនៅតាម​ដងផ្លូវ ងាយស្រួលដល់ការធ្វើដំណើររបស់ថ្នាក់នាំ និងបងប្អូនប្រជាពលរដ្ឋ​ទៅ​លេង​កំសាន្តផងដែរ ។ លោកឧត្តមសេនីយ៍ទោ ម៉ែន លី បានមានប្រសាសន៍ថា កងកម្លាំង​នគរបាល​ដែលចុះរៀបចំសណ្តាប់ធ្នាប់នៅគ្រប់គោលដៅឈរជើង​ប្រចាំការទាំងអស់ត្រូវតែ ពង្រឹងលើការងារសន្តិសុខ សណ្តាប់ធ្នាប់ សាធារណៈតាមដងផ្លូវ ដោយពង្រាយកម្លាំងនគរបាលចរាចរណ៍ កងកម្លាំង​អន្តរាគមន៍ ដើម្បីជួយសម្រួលចរាចរណ៍ និង បញ្ជៀសចរាចរណ៍​កុំ​ឲ្យមាន​កក់ស្ទះលើដងផ្លូវ ត្រៀមកម្លាំងនគរបាលខេត្ត ស្រុក ក្រុង ចេញ​ល្បាតច​ល័ត និងត្រួតពិនិត្យតាមគោលដៅ ត្រៀមសម្ភារៈឲ្យបានគ្រប់គ្រាន់​សម្រាប់បម្រើឲ្យការងារចរាចរណ៍មានដូចជា សាជី អាវចំណាំង ពិល​បញ្ជាចរាចរណ៍ រនាំងជាដើម ត្រូវប្រមូលផ្តុំកម្លាំង និងយកចិត្តទុកដាក់​ខ្ពស់តាមគោលដៅដែលខ្លួនទទួលខុសត្រូវផងដែរ…