(ភ្នំពេញ)៖ ក្រសួងកសិកម្មបាន និងកំពុងត្រៀមរៀបចំកម្មពិធីប្រឡងចៀរជ័រកៅស៊ូ និងពិធីប្រារព្ធខួប ១០០ឆ្នាំ ដើមកៅស៊ូចាស់ជាងគេនៅកម្ពុជានៅអំឡុងពាក់កណ្តាលខែធ្នូខាងមុខ ។ ក្រសួងកសិកម្មរុក្ខាប្រមាញ់ និង នេសាទបានឱ្យដឹងនៅថ្ងៃទី០៤ ខែ ធ្នូ ឆ្នាំ ២០២៤ថា៖ មន្រ្តីជាន់ខ្ពស់ក្រសួងកសិកម្មជាច្រើនរូបក្នុងនេះរួមមាន ឯកឧត្តម ប្រាក់ ដាវីដ រដ្ឋលេខាធិការ លោកជំទាវ អ៊ឹម រចនា អនុរដ្ឋលេខាធិការ លោក ឃុន កក្កដា អគ្គនាយកស្តីទីនៃអគ្គនាយកដ្ឋានកៅស៊ូ និងសហការី បានចុះពិនិត្យទីតាំងឡូតិ៍កៅស៊ូសម្រាប់ររៀបចំកម្មវិធីប្រឡងចៀរជ័រ និងទីតាំងពិធីប្រារព្ធខួប១០០ឆ្នាំ ដើមកៅស៊ូចាស់ជាងគេនៅកម្ពុជា ដែលស្ថិតនៅចម្ការកៅស៊ូជប់ ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ។ ក្នុងដំណើរបេសកកម្មនេះ ឯកឧត្តមបានពិនិត្យវឌ្ឍនភាពការងារបានរៀបចំកន្លងមក ការសាងសង់ស្លាកចារឹកឈ្មោះ ការកំណត់ទីតាំងវេទិកាពិធី លំដាប់លំដោយការងារ និងការត្រៀមថតផ្សព្វផ្សាយកម្មវិធីប្រឡងចៀរជ័រ និងពិធីប្រារព្ធខួប១០០ឆ្នាំ ចម្ការកៅស៊ូចាស់ជាងគេនៅកម្ពុជា ដែលនឹងរៀបចំនៅសប្តាហ៍ទី២ នៃខែធ្នូ ឆ្នាំ២០២៤ ខាងមុខនេះ។ គួរបញ្ជាក់ថា គិតត្រឹមឆ្នាំ២០២៤ ចម្ការកៅស៊ូជាប្រវត្តិសាស្រ្តនេះ មានអាយុ១០០ឆ្នាំហើយ ជាចម្ការកៅស៊ូមានអាយុចាស់ជាងគេនៅកម្ពុជា និងមានចំនួនដើមកៅស៊ូចាស់នៅរស់ច្រើនជាងគេបំផុតនៅក្នុងពិភពលោក រហូតដល់ ៤៤៨ដើមលើផ្ទៃដីប្រមាណ…

ភ្នំពេញ៖​ មិនមានការប្រែប្រួលទេទាក់ទងនឹងការប្រារព្ធបុណ្យ​ឆ្នាំ២០២៤ ក្រសួងទេសចរណ៍បានជូនដំណឹងជាផ្លូវការថា ដោយទទួលបានការអនុញ្ញាតដ៏ខ្ពង់ខ្ពស់ពីរាជរដ្ឋាភិបាលកម្ពុជា ក្រសួងទេសចរណ៍ រួមសហការជាមួយនឹងក្រសួងវប្បធម៌ និង​វិចិត្រសិល្បៈ ក្រសួង ពាណិជ្ជកម្ម រដ្ឋបាលខេត្តកំពត គណៈ​កម្មាធិការជាតិអូឡាំពិកកម្ពុជា សភាពាណិជ្ជកម្មខេត្តកំពត ក្រសួង ស្ថាប័នពាក់ព័ន្ធ និង ផ្នែកឯកជន នឹងរៀបចំពិធីបុណ្យសមុទ្រ​លើកទី១១ ជុំទី៣ ក្រោមប្រធានបទ “អបអរបេតិកភណ្ឌ និងចីរភាពនៃតំបន់ឆ្នេរ” ដែលនឹងប្រព្រឹត្តទៅចាប់ពីថ្ងៃសុក្រ ១៣កើត ដល់ថ្ងៃអាទិត្យ ១៥កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ដល់ ថ្ងៃទី១៥ ខែធ្នូ ឆ្នាំ២០២៤ នៅខេត្តកំពតក្រោម​អធិបតីភាពដ៏ខ្ពង់ខ្ពស់ សម្តេចមហា​បវរ​ធិបតី ហ៊ុន ម៉ាណែត នាយក​រដ្ឋមន្ត្រីនៃ ព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។ ព្រឹត្តិការណ៍ដ៏អធិកអធមនេះត្រូវ​បាន​រៀបចំ​ឡើងក្នុង​គោលបំណងជំរុញការលើកតម្លៃផលិតផល និងផ្សព្វផ្សាយសក្តានុពល​ទេសចរណ៍ ពិសេសការអបអរបេតិកភណ្ឌ និង អេកូទេសចរណ៍ និងនៅតំបន់ឆ្នេរសមុទ្រកម្ពុជា។ ក្រសួងទេសចរណ៍បានឱ្យដឹងទៀតថា ដើម្បីញ៉ាំងឱ្យពិធីបុណ្យ​សមុទ្រលើកទី១១ ជុំទី៣នេះ ប្រព្រឹត្តទៅដោយសេចក្តីសោ​ម​នស្សរីករាយ ព្រមទាំងអធិកអធមផងនោះ…

កំពង់ឆ្នាំង៖ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងមន្រ្តីជំនាញនៅថ្ងៃទី៣ ខែធ្នូ ឆ្នាំ២០២៤នេះ បានអញ្ជើញ​ពិនិត្យសកម្មភាពជួសជុលផ្លូវចំនួនបីខ្សែក្នុងក្រុងកំពង់ឆ្នាំង។ លោក ហែ ពុធភក្តី ប្រធានអង្គភាពលទ្ធកម្មសាលាខេត្តបានឱ្យដឹងថា ផ្លូវបីក្នុងក្រុងកំពង់ឆ្នាំងដែលជួសជុល ក្រាលកៅស៊ូ អេស៊ី​(AC)មាន៖ ផ្លូវទី១.ក្នុងសង្កាត់កំពង់ឆ្នាំង តភ្ជាប់ពីផ្លូវជាតិលេខ៥ មកទល់និង​សង្កាត់ប្អេរ, ខ្សែទី២. តភ្ជាប់ពីសង្កាត់​កំពង់ឆ្នាំងទៅសង្កាត់ប្អេរ ។ផ្លូវទាំង២ខ្សែនេះមានប្រវែង១ ៣១០ម៉ែត្រ និងខ្សែទី៣. តភ្ជាប់ពីផ្លូវ​ជាតិលេខ៥ ទៅផ្លូវលេខ១​ស្ថិតនៅក្នុងសង្កាត់ខ្សាម មានប្រវែង ៨៥០ម៉ែត្រ ។នេះជាគម្រោងអភិវឌ្ឍន៍របស់រដ្ឋបាលខេត្តកំពងឆ្នាំង ។ ក្នុងពេលពិនិត្យជាក់ស្តែងឯកឧត្តមអភិបាលខេត្តកំពង់ឆ្នាំងបានបញ្ជាក់ថា ដោយ​មើលឃើញផ្លូវទាំងបីខ្សែមានការខូចខាតខ្លាំងលំបាក​ក្នុង​ការធ្វើដំណើរ រដ្ឋបាលខេត្តបានស្នើសុំរាជរដ្ឋាភិបាលស្ថាបនាផ្លូវ​ទាំង​នេះ។នាពេលខាងមុខខេត្តគ្រោងនឹង​ចាក់ផ្លូវអេស៊ី​ចំនួន​១២ខ្សែ​បន្ថែមទៀត ដើម្បីកែលម្អផ្លូវក្នុងក្រុងឱ្យកាន់តែល្អប្រសើរនិងទាក់ទាញ​ភ្ញៀវជាតិ អន្តរជាតិផងដែរ៕ ដោយ៖សុខ គឹមសៀន

(ភ្នំពេញ)៖ក្រុមអ្នកជំនាញរបស់អាជ្ញាធរជាតិអប្សរាដែលបានដំណើរការ និង ជួសជុលប្រាសាទឥដ្ឋនៅជ្រុងឦសាននៃប្រាសាទភ្នំក្រោមរយៈពេលជាង៥ខែមកហើយមកនេះ គ្រោងនឹងបញ្ចប់ការជួសជុលនៅចុងឆ្នាំ២០២៤ខាងមុខ។នេះបើតាមការឱ្យដឹងពីសំណាក់ អាជ្ញាធរជាតិអប្សរា ។ លោក រស់ វិសុទ្ធ អ្នកគ្រប់គ្រងការដ្ឋានជួសជុលប្រាសាទភ្នំក្រោម បានបញ្ជាក់ឱ្យដឹងថា ដំណើរការងារដំបូង ក្រុមការងារបានធ្វើសម្រង់ប្លង់ រៀបចំឯកសារ ជួសជុលពង្រឹងគ្រឹះជុំវិញ ជួសជុលពង្រឹងទីតាំងដែលឥដ្ឋពុកផុយរលុះ មានសសរផ្អោប ជញ្ជាំង ជើងខឿន ក្បាលជញ្ជាំង។ ជាពិសេសជ្រុងពាយ័ព្យដែលមានស្ថានភាពរលុះឥដ្ឋធ្ងន់ធ្ងរ ត្រូវបានជួសជុលពង្រឹងបានរឹងមាំឡើងវិញ។ បច្ចុប្បន្នក្រុមការងារបានបន្តជួសជុលនៅផ្នែកកំពូលដំពូលខាងលើនៃតួប្រាសាទ ដែលសម្រេចបាន៩០ភាគរយ គ្រោងនឹងបញ្ចប់នៅចុងឆ្នាំ២០២៤នេះ ។ បើតាមអ្នកជំនាញរូបនេះ បញ្ជាក់ថា ប្រាសាទឥដ្ឋនៅជ្រុងឦសាននៃប្រាសាទភ្នំក្រោមនេះ បើមើលពីខាងក្រៅ ឃើញថាមានការខូចខាតតិចតួច។ ប៉ុន្តែបើការសិក្សាស៊ីជម្រៅ ប្រាសាទនេះ មានការខូចខាតធ្ងន់ធ្ងរប្រឈមនឹងការរលំនៅជ្រុងពាយ័ព្យ និងផ្នែកដំបូល។ ការជួសជុល បានសង្គ្រោះប្រាសាទនេះឱ្យរួចផុតពីហានិភ័យ ទប់ស្កាត់ការខូចខាតបានទាន់ពេលវេលា ហើយបច្ចុប្បន្នប្រាង្គ មានភាពរឹងមាំឡើងវិញ និងរក្សាបានទម្រង់ដើមស្ទើរតែទាំងស្រុង ដោយក្រុមការងារបានខិតខំធ្វើយ៉ាងណាបំពេញការងារបានទាន់ពេលវេលា មានភាពរឹងមាំ និងត្រឹមត្រូវតាមលក្ខណៈបច្ចេកទេស បន្តអាយុកាលយូរអង្វែងដល់កូនខ្មែរជំនាន់ក្រោយ ៕ ដោយ ៖ ម៉ាដេប៉ូ

(ភ្នំពេញ)៖ កម្ពុជាបានអបអរសាទរខួបលើកទី៩ នៃការដាក់បញ្ចូលល្បែងទាញព្រ័ត្រ ក្នុងបញ្ជីបេតិកភណ្ឌវប្បធម៌អរូបីនៃ មនុស្សជាតិ របស់អង្គការយូណេស្កូ ។ ថ្ងៃទី២ ខែធ្នូ ឆ្នាំ២០២៤នេះ គឺជាខួបលើកទី៩ នៃការដាក់បញ្ចូលល្បែងទាញព្រ័ត្រក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ ។ នៅលើផេកហ្វេសប៊ុកផ្លូវការសម្តេចតេជោ ហ៊ុន សែន ប្រធានព្រឹត្តសភា, សម្តេចធិបតី ហ៊ុន ម៉ាណែត នាយករដ្ឋមន្ត្រីនៃប្រទេសកម្ពុជា ព្រមទាំងរដ្ឋមន្ត្រីតាមបណ្តាក្រសួង និងថ្នាក់ដឹកនាំស្ថាប័ននានា ត្រូវគេឃើញបានបង្ហោះឡើងថ្លែងអបអរសាទរខួបលើកទី៩ នៃការដាក់បញ្ចូលល្បែងទាញព្រ័ត្រ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ នៅជាហូរហែរ ។ «ល្បែងទាញព្រ័ត្រ» របស់កម្ពុជា បានដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិកាលពីថ្ងៃទី២ ធ្នូ ឆ្នាំ២០១៥ នៅទីក្រុងវិនឌុក នៃប្រទេសណាមីប៊ី។ សម្តេចតេជោ ហ៊ុន សែន ក្នុងសំណេរអបអរសាទរ បានថ្លែងថា «កិច្ចការពារសម្បត្តិបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប ដើម្បីថែរក្សាសម្បត្តិវប្បធម៌ខ្មែរឱ្យបានគង់វង្សសម្រាប់មនុស្សជំនាន់ក្រោយបន្តទៀត » ។ ល្បែងទាញព្រ័ត្រ ជាល្បែងដ៏មានប្រជាប្រិយភាពមួយ ដែលប្រជាជនខ្មែរនិយមលេងកម្សាន្ត ក្នុងពិធីផ្សេងៗ ដើម្បីបង្ហាញពីសាមគ្គីភាពជាធ្លុងមួយ ក្នុងការយកឈ្នះក្រុមដៃគូរប្រកួតជាលក្ខណៈកម្សាន្តសប្បាយ ។ មួយវិញទៀត ការល្បែងទាញព្រ័ត្រនេះ…

(ភ្នំពេញ)៖ ឯកឧត្តម ទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ តំណាងសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងក្នុងទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៤ នៅសាលសន្និសីទចតុមុខថា ជារៀងរាល់ឆ្នាំ ដូចបណ្តាប្រទេសនានាក្នុងពិភពលោក ក្នុងនាមរាជរដ្ឋាភិបាល អាជ្ញាធរជាតិប្រយុទ្ធ នឹងជំងឺអេដស៍ តែងប្រារព្ធទិវាពិភពលោក ប្រយុទ្ធនឹងជំងឺអេដស៍ ថ្ងៃទី១ធ្នូ ជាទៀងទាត់។ ការប្រារព្ធទិវានេះ ធ្វើឡើងក្នុងគោលបំណងបង្ហាញ ការប្តេជ្ញាចិត្តដ៏មុតស្រួចរបស់រាជរដ្ឋាភិបាលកម្ពុជា ក្នុងការប្រយុទ្ធនឹងការរីករាលដាលមេរោគអេដស៍ ឈានទៅបញ្ចប់អេដស៍ និងចីរភាពកម្មវិធីអេដស៍ នៅកម្ពុជា។ ទិវានេះ ក៏បានរំលឹកពីការផ្តល់នូវការគាំទ្រ ដល់អ្នកផ្ទុកមេរោគអេដស៍ រំលឹកដល់ការបាត់បង់ និងការស្លាប់ដោយសារជំងឺអេដស៍ ព្រមទាំងក្រើនរំលឹក ដល់ប្រជាពលរដ្ឋទូទាំងប្រទេស ឱ្យចងចាំពីគ្រោះថ្នាក់ នៃការឆ្លងមេរោគអេដស៍ ដើម្បីទាំងអស់គ្នា ឈានទៅបញ្ចប់ការឆ្លងរាលដាលមេរោគអេដស៍ អេដស៍ រួមចំណែកក្នុងការអភិវឌ្ឍមនុស្សជាតិ ដោយភាព សុខដុម។ ឯកឧត្តម ទេសរដ្ឋមន្ត្រី បានបន្តថា ទន្ទឹមនឹងនេះ យើងលើកកម្ពស់ការយល់ដឹងអំពីជំងឺអេដស៍ ដោយបង្ហាញពីសារៈសំខាន់ នៃចំណេះដឹង ស្តីពីវិធានការបង្ការ និងគ្រប់គ្រងជំងឺអេដស៍ ដោយមកដល់ពេលនេះ…