(ភ្នំពេញ)៖ អ្នកជំនាញលើកឡើងថា ការចុះហត្ថលខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការកសាងផ្លូវសិក្សាជំនាញពេញមួយជីវិតក្នុងវិស័យរថយន្តអគ្គិសនី និងវិស័យពាក់ព័ន្ធនានា រវាងក្រសួងការងារ និងបណ្តុះបណ្តាលវិជ្ជាជីវៈកម្ពុជា និងវិទ្យាស្ថាន Bendigo Kangan (BKI) នៃប្រទេសអូស្ត្រាលី គឺជាការឆ្លើយតបទៅនឹងយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជាក្នុងការអភិវឌ្ឍមូលធនមនុស្ស។ លោកបណ្ឌិត ឈាង វណ្ណារិទ្ធ ស្ថាបនិក និងជានាយកឧទ្យាននវានុវត្តន៍សង្គមអង្គរ(ASIP) បានគូសបញ្ជាក់ថា កិច្ចសហប្រតិបត្តិការកសាងផ្លូវសិក្សាជំនាញពេញមួយជីវិតក្នុងវិស័យរថយន្តអគ្គិសនី រវាងកម្ពុជាដែលមានក្រសួងការងារ ជាមួយប្រទេសអូស្ត្រាលី គឺមានសារសំខាន់ណាស់ក្នុងនាមភាពជាដៃគូដើម្បីធ្វើឱ្យកាន់តែប្រសើរឡើងលើការបណ្តុះបណ្តាលកម្លាំងជំនាញនៅកម្ពុជាជាមួយបណ្តាប្រទេសអភិវឌ្ឍន៍ ជាពិសេសនោះស្របតាមគោលនយោបាយរបស់រាជរដ្ឋាភិបាលកម្ពុជាលើការពង្រឹងមូលធនធានមនុស្សនៅកម្ពុជា និងលើកម្មវិធីបណ្តុះបណ្តាលជំនាញវិជ្ជាជីវៈ ដើម្បីឆ្លើយតបការអភិវឌ្ឍសង្គមសេដ្ឋកិច្ចកម្ពុជាក្នុងបរិបទទំនើបបែបថ្មី។ លោកបណ្ឌិតមើលឃើញថា ប្រទេសអូស្រ្តាលីគឺជាប្រទេសមួយដែលមានសក្តានុពល សមត្ថភាព ធនធាន ចំណេះដឹងខ្ពស់ និងបច្ចេកវិជ្ជាទំនើបៗជាច្រើនលើការបណ្តុះបណ្តាលជំនាញជាពិសេស ជំនាញក្នុងវិស័យយានយន្តនេះតែម្តង ដូច្នេះប្រទេសកម្ពុជាអាចធ្វើការស្រូបផលប្រយោជន៍បានយ៉ាងច្រើនលើកិច្ចសហប្រតិបត្តិការមួយនេះ ដើម្បីពង្រីកកម្លាំងជំនាញមួយយ៉ាងមានប្រសិទ្ធភាពដើម្បីត្រៀមខ្លួនចូលទៅក្នុងការប្រកួតប្រជែងលំហូរវិនិយោគបែបថ្មី លើវិស័យឧស្សាហកម្មធំនាពេលអនាគតដ៏ខ្លីខាងមុខ។ សម្រាប់វិស័យកម្មន្តសាល និងយានយន្ត លោកបណ្ឌិតសង្កត់ធ្ងន់ថា ប្រទេសកម្ពុជាត្រូវតែពង្រឹងលើកម្លាំងជំនាញប្រភេទនេះ ពីព្រោះ វាជាវិស័យដែលមានសក្តានុពលបំផុតនាពេលបច្ចុប្បន្ននេះ ហើយប្រទេសកម្ពុជាគឺបានក្លាយជាទីតាំងមួយសម្រាប់ដំឡើងរថយន្ត និងគ្រឿងបង្គុំឡានផ្សេងៗទៀតដែលរាជរដ្ឋាភិបាលបានកៀរគរអ្នកវិនិយោគក្នុងរយៈកាលចុងក្រោយនេះ ដូច្នេះការពង្រឹងធនធានមនុស្សផ្នែកជំនាញប្រភេទនេះគឺមានសារសំខាន់ណាស់សម្រាប់កម្ពុជា ដើម្បីស្វាគមន៍ការវិនយោគលើវិស័យដំឡើងយាន្តយន្ត និងផ្គត់ផ្គត់គ្រឿងបន្លាស់ធំៗក្នុងទីផ្សារអន្តរជាតិ និងក្នុងស្រុកផងដែរ។ សូមបញ្ជាក់ថា អនុស្សរណៈនៃការយោគយល់គ្នាដែលចុះហត្ថលេខា កាលពីថ្ងៃពុធ ទី២៧ ខែវិច្ឆិកា ឆ្នាំ២០២៤ រវាងក្រសួងការងារ…

(ភ្នំពេញ)៖ ដៃស្នា គឺជាសមាសធាតុម្យ៉ាងក្នុងស្ថាបត្យកម្មដែលគេប្រើវាសម្រាប់ទ្រដំបូលផង និងជាសោភ័ណ្ឌភាពផង ហើយវាអាចដាក់នៅតាមសសរ ឬជញ្ជាំងសម្រាប់ជាទម្រ។ ដៃស្នាផលិតពី ឈើ ដែក ស៊ីម៉ង់ត៍ ឬថ្ម ទៅតាមរចនាបថស្ថាបត្យកម្មផ្សេងៗ ព្រោះអាស្រ័យតាមភាពច្នៃប្រឌិតរបស់ស្ថាបត្យករដែលមានគំនិតក្នុងការច្នៃក្នុងទម្រង់រូបរាងផ្សេងៗ។ ក្រសួងរៀបចំដែនដីនគររូបនីយកម្ម និងសំណង់បានចុះផ្សាយ និង បង្ហាញពីតួនាទីរបស់ដៃស្នាក្នុងស្ថាបត្យកម្មខ្មែររួមមានដូចជា៖ ១. ទម្រគ្រឿងបង្គុំ៖ វាមាននាទីជួយទ្រគ្រឿងបង្គុំបន្ថែម ដែលយើងស្វែងរកវាបន្ថែមតាមដំបូល ឬស្លាបដំបូលនានាដោយវានៅជាប់សសរ និងជ្រែងទប់នឹងផ្ទោង។ ២. ពង្រឹងបន្ថែមតំណភ្ជាប់៖ ក្រៅពីទប់កម្លាំង វាជួយក្នុងការពង្រឹងកម្លាំងសង្កត់បន្ថែមត្រង់ចំណុចភ្ជាប់រវាងសសរ ជញ្ជាំង ធ្នឹម ឬដំបូល។ ៣. តុបតែងលម្អ៖ វាមិនត្រឹមតែជាអ្នកជួយទប់កម្លាំងសង្កត់ទេ តែវាក៏ជួយលើកសម្រស់របស់អគារ ឬលំនៅដ្ឋានបន្ថែម ភាគច្រើននៅតាមសសរ។ ៤. សារៈសំខាន់នៃវប្បធម៌៖ ពេលខ្លះវាត្រូវបានប្រើប្រាស់ជាអត្តសញ្ញាណនៃអគារទៅតាមរចនាបថស្ថាបត្យកម្ម។ យើងអាចស្វែងរកដៃស្នាក្នុងស្ថាបត្យកម្មវត្តអារាម គឺជាឍរា កេន្នរ ។ល។ ៥. ប្រវត្តិសាស្ត្រ៖ គេអាចកត់សម្គាល់វាបានទៅតាមរចនាបថដៃស្នា ដែលគេអាចសន្មត់ទៅតាមអាយុកាល នោះគេអាចយល់ពីរចនាបថរបស់តំបន់ប្រវត្តិសាស្ត្រណាមួយ។ គួរបញ្ជាក់ថា ពាក្យ ដៃស្នា និង ស្នាដៃ ខុសគ្នារវាងពាក្យខ្មែរយើងផងដែរក្នុងនេះពាក្យ«ដៃស្នា» ដែលមានន័យ…

(ភ្នំពេញ)៖ ឯកឧត្តមទេសរដ្ឋមន្រ្តី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានអញ្ជើញបើកសិក្ខាសាលាផ្សព្វផ្សាយ “សេចក្តីអង្កេតសន្និដ្ឋានរបស់គណៈកម្មាធិការ ស្តីពីការបាត់ខ្លួនដោយបង្ខំសម្រាប់កម្ពុជា” ដោយមានការចូលរួមពីតំណាងនៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា (OHCHR) ,សមាជិកនៃគណៈកម្មាធិការស្តីពីការបាត់ខ្លួនដោយបង្ខំ,ព្រឹទ្ធសភា រដ្ឋសភា អង្គទូត ក្រសួង ស្ថាប័ននៃរាជរដ្ឋាភិបាលកម្ពុជា និងអង្គការសង្គមស៊ីវិលទាំងអស់នាព្រឹកថ្ងៃទី២៩ ខែវិច្ឆិកា ឆ្នាំ២០២៤ ។ ឯកឧត្តមទេសរដ្ឋមន្រ្តី កែវ រ៉េមី មានប្រសាសន៍ថា សិក្ខាសាលានាពេលនេះ ត្រូវបានរៀបចំឡើងក្រោមកិច្ចសហប្រតិបត្តិការរវាងគណៈកម្មាធិការសិទ្ធិមនុស្សកម្ពុជា និងការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សប្រចាំកម្ពុជា (OHCHR) ក្នុងគោលបំណង ៣ គឺ ទី(១). លើកកម្ពស់ការយល់ដឹងក្នុងចំណោមអាជ្ញាធរ សង្គមស៊ីវិល និងភាគីពាក់ព័ន្ធដទៃទៀតអំពីអនុសញ្ញាអន្តរជាតិស្តីពីការការពារជនគ្រប់រូបពីការបាត់ខ្លួនដោយបង្ខម និងវិធានការនានាដែលកម្ពុជាបានធ្វើ និងគ្រោងធ្វើដើម្បីបំពេញកាតព្វកិច្ចរបស់ខ្លួនដូចមានចែងក្នុងអនុសញ្ញា ទី(២). ផ្តល់វេទិកាជូនស្ថាប័នរដ្ឋាភិបាលដែលទទួលខុសត្រូវ ចែករំលែកពីផែនការការអនុវត្តអនុសាសន៍ដែលមានក្នុងសេចក្តីអង្កេតសន្និដ្ឋាន និងផ្តល់ឱកាសឱ្យមានកិច្ចពិភាក្សាពីគ្រប់ភាគីពាក់ព័ន្ធ និង ទី(៣). ប្រមូលផ្តុំតំណាងស្ថាប័នរដ្ឋាភិបាល អង្គការសង្គមស៊ីវិល ដៃគូអភិវឌ្ឍន៍ និងភាគីពាក់ព័ន្ធផ្សេងទៀត ដើម្បីពិភាក្សាពីសេចក្តីអង្កេតសន្និដ្ឋាន និងការតាមដាន រួមទាំងយុទ្ធសាស្រ្តនានាក្នុងការអនុវត្តអនុសាសន៍ពីសំណាក់ដៃគូពាក់ព័ន្ធដទៃទៀត។ ឯកឧត្តមទេសរដ្ឋមន្រ្តី កែវ រ៉េមី បានបញ្ជាក់បន្ថែមថា គ្រប់វិស័យសុទ្ធតែមានការពាក់ព័ន្ធនឹងសិទ្ធិមនុស្ស…

កំពង់ធំ៖អំណោយជាគ្រឿងឧបភោគ បរិភោគរបស់សម្ដេចមហា បវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា​និងលោកជំទាវ​បណ្ឌិត ពេជ ចន្ទមុន្នី ព្រមទាំងបច្ច័យមួយចំនួនរបស់ថ្នាក់ដឹកនាំនៃបញ្ជាការ ដ្ឋានតំបន់ប្រតិបត្តិការសឹករងកំពង់ធំ ត្រូវបានឧត្តម​សេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង និងសហការីនាំយកទៅ ប្រគេនព្រះសង្ឃចំនួន៥៥អង្គ ដែលកំពុង​គង់នៅរៀនសូត្រ នៅក្នុងវត្តក្តីអណ្ដែត ហៅវត្តក្តីក្នុង នៅសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ កាលពីព្រឹកថ្ងៃទី២៨ ខែវិច្ឆិកា ឆ្នាំ២០២៤ ។ ឧត្តមសេនីយ៍ទោ សោម ស៊ុន បានបញ្ជាក់ថា អំណោយនេះតប តាមសំណូមពរពីលោកយាយ លោកតាអាចារ្យគណៈកម្មការវត្ត ស្នើសុំជួយដោះស្រាយស្បៀងអាហាគ្រឿងឧបភោគបរិភោគ ដើម្បីផ្គត់ផ្គង់ចង្ហាន់ព្រះសង្ឃប្រចាំថ្ងៃ ដែលកំពុងស្នាក់នៅរៀនសូត្រ និងចាស់ជរាដែលកំពុងស្នាក់អាស្រ័យនៅក្នុងទីអារាមនេះ។ អំណោយមានអង្ករ ៤០០ គីឡូក្រាម ត្រីខកំប៉ុង២កេសធំ ទឹកត្រីទឹកស៊ីអ៊ីវ ១០យួរ ដែលជាអំណោយ​របស់សម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ។ចំណែកបច្ច័យមួយចំនួនរបស់នាយទាហាន នាយទាហានរង នៃបញ្ជាការដ្ឋាន​តំបន់ប្រតិបត្តិការសឹករងកំពង់ធំ ។ ព្រះសីលសោភ័ណ សាំង…

កំពង់ធំ៖លោកជំទាវ យួន ឃុនឌី សមាជិកគណៈកម្មការទី៨ នៃ​ព្រឹទ្ធសភា និងអនុប្រធានកិត្តិយស​នៃសាខាសមាគមនារីកម្ពុជា​ដើម្បីសន្តិភាព និងអភិវឌ្ឍន៍ ខេត្តកំពង់ធំ មានប្រសាសន៍ថា ការចែកធុងចម្រោះទឹកស្អាតជូនប្រជាពលរដ្ឋ គឺជាការចូលរួមសំខាន់​ក្នុងការលើកកម្ពស់ការរស់នៅស្អាត ហូបស្អាត និងមានអនាម័យល្អ នៅតាមតំបន់ជនបទ។ លោកជំទាវបន្តថា អំណោយនេះ​មិនត្រឹមតែជួយប្រជាពលរដ្ឋឱ្យមាន​ទឹកស្អាតប្រើសម្រាប់ការបរិភោគ និងការរស់នៅប្រចាំថ្ងៃ​ប៉ុណ្ណោះទេ ប៉ុន្តែរួមចំណែកកាត់បន្ថយការចំណាយ និងលើកកម្ពស់សុខភាព​ជាសាធារណៈនៅក្នុងសហគមន៍ផងដែរ។ លោកជំទាវ យួន ឃុនឌី បានថ្លែងបែបនេះ ក្នុងឱកាសអញ្ជើញចែកធុង​ចម្រោះទឹកស្អាតចំនួន ៤ ៧៣៥ធុង ជូនប្រជាពលរដ្ឋក្នុង​ស្រុក​បារាយណ៍ ស្រុកប្រាសាទបល្ល័ង្គ និងស្រុកកំពង់ស្វាយ ខេត្តកំពង់ធំ ក្នុងសប្ដាហ៍នេះ។ធុងទាំងនេះ​ត្រូវផ្តល់ជូនស្រុក​បារាយណ៍​ចំនួន ១.៨៥១ធុង,ស្រុកប្រាសាទបល្ល័ង្គ ១.១១៤ធុងនិង ស្រុកកំពង់ស្វាយ ១.៧៧០ធុង។ធុងចម្រោះទឹកស្អាត​នេះ​ដែរផ្តល់ជូន​ដោយក្រុមហ៊ុន SIPCO៕ អត្ថបទនិងរូបភាព៖ប៊ុន រដ្ឋា