(ភ្នំពេញ)៖មន្ត្រីរាជការ អាជ្ញាធរមូលដ្ឋាន ប្រជាពលរដ្ឋ និងសិស្សា សិស្ស សរុប ១២ ០៥៥ នាក់ បានចូលរួមសកម្មភាពសម្អាតផ្លូវជាតិនៅតាមបណ្តាឃុំ-សង្កាត់ តាមដងផ្លូវជាតិ លេខ៣ លេខ៤ លេខ៤១ និងលេខ៥១ ដើម្បីបង្កើនភាពស្អាត និងសោភ័ណភាព គ្មានសំរាមនិងថង់ប្លាស្ទិកនៅតាមផ្លូវជាតិ ដែលកំណត់នៅឆ្នាំ២០២៥។ ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានឲ្យដឹងថា ក្រសួងបរិស្ថាន សហការជាមួយអាជ្ញាធរមូលគ្រប់លំដាប់ថ្នាក់ និងប្រជាពលរដ្ឋ បាននិងកំពុងអនុវត្តសកម្មភាពសម្អាតផ្លូវជាតិនៅតាមបណ្តាឃុំ-សង្កាត់ តាមដងផ្លូវជាតិជាបណ្តើរៗ។ គិតត្រឹមថ្ងៃទី ២៨ ខែវិច្ឆិកា ឆ្នាំ២០២៤ ឃុំ-សង្កាត់៨១ នៃចំនួន ឃុំ-សង្កាត់ សរុប ១១៩ (៦៨,១%) បានចូលរួមអនុវត្តសកម្មភាពសម្អាតតាមដងផ្លូវជាតិ ដោយគិតជាប្រវែងផ្លូវជាតិបានសម្អាត ២៥៤ គ.ម. នៃប្រវែងផ្លូវសរុប ៦៣៦គ.ម. (៣៩,៨%) និងប្រមូលសំរាមសំណល់ប្លាស្ទិកបាសរុប ២៨ ៧៣២ គ.ក្រ។ អ្នកនាំពាក្យក្រសួងបរិស្ថាន បានឲ្យដឹងថា ឆ្លើយតបទៅនឹង «យុទ្ធសាស្រ្តចក្រាវិស័យបរិស្ថាន»…

(កំពង់ឆ្នាំង)៖ រដ្ឋបាលស្រុកបរិបូរណ៍ ខេត្តកំពង់ឆ្នាំងសហការជាមួយ និងក្រសួងបរិស្ថាន នៅព្រឹកថ្ងៃទី២៨ ខែវិច្ឆិកា ឆ្នាំ២០២៤នេះ បានបើក យុទ្ធនាការ«កម្ពុជាស្អាតខ្មែរធ្វើបាន» ដោយមានការអញ្ជើញចូលរួមពីឯកឧត្តម ទូច ភាព និងឯកឧត្តម ឈរ រតនៈ អនុរដ្ឋលេខាធិការក្រសួងបរិស្ថាន តំណាង អគ្គនាយកដ្ឋានគោលនយោបាយនិងគាំពារបរិស្ថាន រដ្ឋបាលស្រុក និងអាជ្ញាធរមូលដ្ឋាន សិស្សានុសិស្សប្រមាណជា៨១៣នាក់។ ឯកឧត្តម ទូច ភាព បញ្ជាក់ថា យុទ្ធនាការថ្ងៃនេះ ផ្តើមចេញពីភាពជោគជ័យនៃ យុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ក្រសួងបរិស្ថានបានដាក់ចេញនូវយុទ្ធនាការថ្មី ១ បន្ថែមទៀតគឺយុទ្ធនាការ “កម្ពុជា ស្អាត ខ្មែរធ្វើបាន» គឺជាយុទ្ធនាការសុំឱ្យសិស្សានុសិស្ស បងប្អូនប្រជាពលរដ្ឋមួយភូមិ ឬ មួយឃុំ ឬ មួយស្រុក ឬ មួយខេត្ត ចេញមកទាំងអស់រួមគ្នាសំអាតអនាម័យបរិស្ថាន នៅតាមបរិវេណផ្ទះ សាលារៀន វត្តអារាម និង តាមទីសាធារណៈ ១ថ្ងៃក្នុង ១សប្តាហ៍ ដោយធ្វើការប្រមូល និង…

(ភ្នំពេញ)៖ ដើម្បីរួមគ្នាក្នុងយុទ្ធនាការ”កម្ពុជាស្អាតខ្មែរធ្វើបាន” ដែលដាក់ចេញដោយក្រសួងបរិស្ថាន អាជ្ញាធរ ប្រជាពលរដ្ឋ និងសិស្សានុសិស្ស បានរួមគ្នាធ្វើសកម្មភាពសម្អាតផ្លូវជាតិនៅតាមបណ្តាឃុំ-សង្កាត់ តាមដងផ្លូវជាតិ លេខ៣ លេខ៤ លេខ៤១ និងលេខ៥១ គិតត្រឹមថ្ងៃទី២៨ ខែវិច្ឆិកា ឆ្នាំ២០២៤ បាននិងកំពុងអនុវត្តជាបណ្តើៗ ។ យុទ្ធនាការកម្ពុជាស្អាតខ្មែរធ្វើបាន គិតត្រឹមថ្ងៃទី២៨ ខែវិច្ឆិកា ឆ្នាំ២០២៤ នេះមាន ៨១ ឃុំ-សង្កាត់ នៃចំនួន ឃុំ-សង្កាត់ សរុប ១១៩ (៦៨,១%)បានចូលរួម សម្អាតនៅតាមផ្លូវជាតិបានប្រវែង ២៥៤ គ.ម. នៃប្រវែងផ្លូវសរុប ៦៣៦,៦៥ គ.ម. (៣៩,៨%) ដោយក្នុងនោះមានអ្នកចូលរួមសរុប៖ ១២ ០៥៥នាក់ ហើយសំរាម សំណល់ប្លាស្ទិកប្រមូលបានសរុប៖ ២៨ ៧៣២ គ.ក្រ. និងដោយសំអាតតាមគំនរសំរាមអនាធិបតេយ្យបានសម្អាត៖ ២១៦ ទីតាំង ។ គួរបញ្ជាក់ថា យុទ្ធនាការ«កម្ពុជាស្អាតខ្មែរធ្វើបាន» ជាយុទ្ធនាការដាក់ចេញដោយ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន…

ស្វាយរៀង៖ ឯកឧត្តមបណ្ឌិត សោម រតនា អនុរដ្ឋលេខាធិការ ក្រសួង​អប់រំ យុវជន និងកីឡា ជាប្រធានក្រុមប្រឹក្សាភិបាលនៃ សាកល​វិទ្យាល័យ​ស្វាយរៀង និងឯកឧត្តមសាស្ត្រាចារ្យ ទុំ សារាវុធ សាកល​វិទ្យា​ធិការនៃសាកលវិទ្យាល័យស្វាយរៀង​បានអញ្ជើញ​ចុះហត្ថលេខាលើ​អនុស្សរណៈយោគយល់ រវាងសាកលវិទ្យាល័យស្វាយរៀង ជាមួយក្រុម​ហ៊ុនកាត់ដេរ លូ ថៃនិង វិទ្យាស្ថានវិជ្ជាជីវៈ​សានតុង (Shandong) នៃឧស្សាហកម្មធុនស្រាល។ ពិធីចុះហត្ថលេខាមានការចូលរួមពីលោក លីវ ជីពីន អគ្គនាយក​សម្ព័ន្ធក្រុមហ៊ុន លូ ថៃ គ្រុប និងប្រតិភូ ,លោក សោ ផឹង  តំណាង ក្រុមហ៊ុនកាត់ដេរសំលៀកបំពាក់ផូឡារីស,លោក ហ្វាន គួយជីន  លេខាគណៈកម្មាធិការបក្សនៃវិទ្យាស្ថានវិជ្ជាជីវៈ សាន តុង ឧស្សាហ​កម្មធុនស្រាល,កញ្ញា លី ឈីនអ៊ុង ប្រធានមហាវិទ្យាល័យម៉ូដអន្តរជាតិ និង ជាប្រធាននាយកដ្ឋានវិស្វកម្មវាយនភណ្ឌ និងក្រុមការងារព្រមទាំង លោក លោកស្រី ដែលជាសាស្ត្រាចារ្យនៃសាកលវិទ្យាល័យស្វាយ​រៀងជាច្រើនរូបទៀតផងដែរ។ ក្នុងឱកាសនេះឯកឧត្តម បណ្ឌិតសោម រតនា បានថ្លែងអំណរគុណ​ចំពោះ​ដៃគូទាំងអស់ដែលមានក្រុមការងារ សាកលវិទ្យាល័យ​ស្វាយរៀង ក្រុមហ៊ុន…

សៀមរាប៖ ការត្បាញសូត្រ គឺជាសិល្បៈប្រពៃណីដ៏មានតម្លៃរបស់​ជនជាតិខ្មែរ​ដែលមានអាយុកាលជាច្រើនសតវត្សមកហើយ។ វាគឺជា​ស្នាដៃសិល្បៈដ៏ល្អឥតខ្ចោះដែលត្រូវបានចងក្រង និងអភិវឌ្ឍន៍​តាមរយៈ​វិទ្យាស្ថានវាយនភណ្ឌប្រពៃណីខ្មែរ( Institute for Khmer Traditional Textiles ,IKTT) ។ប្រពៃណីមួយនេះក៏បានផ្តល់ឱកាស​ការងារដល់ស្ត្រីជនបទ និង ជួយលើកកម្ពស់ជីវភាព រក្សាបរិស្ថាន​ប្រមាណ៧០នាក់ដែលមានទីតាំងនៅក្នុងភូមិជប់សោម ច្បាមន ឃុំពាក់ស្នែង ស្រុកអង្គរធំ ខេត្តសៀមរាប ។ វិទ្យាស្ថានវាយនភណ្ឌប្រពៃណីខ្មែរ(Institut des Textiles Traditionnels Khmers)ស្ថិតនៅក្នុងខេត្តសៀមរាប។វិទ្យាស្ថាននេះ​បានចូលរួម​ជួយ​សង្រ្គោះ និងអភិរក្សសិល្បៈត្បាញសូត្របែបប្រពៃណី​របស់ខ្មែរ។ លោក មូរីម៉ូតូ គីគូអូ (Morimoto Kikuo) គឺជាបុគ្គល​សំខាន់​ដែលបានបង្កើត IKTT នៅឆ្នាំ១៩៩៦ដោយមានគោលបំណង​ស្តារ​វប្បធម៌​​ខ្មែរតាមបែបបុរាណ ពិសេស​ត្បាញសូត្រ ដោយបាន​ប្រមូលអ្នកជំនាញមកពីតាមបណ្តាខេត្តផ្សេងៗ ។ជាអ្នកដែលមាន​ជំនាញអំពីត្បាញសូត្រ មានបច្ចេកទេស ត្បាញ ជ្រលក់ពណ៌ ជាដើម។ លោកស្រីអ្នកគ្រប់គ្រងក៏បានលើកឡើងពីបញ្ហាប្រឈមដែលវិទ្យាស្ថានតែងជួបប្រទះ គឺនៅចន្លោះខែមីនា ខែមេសា និងខែឧសភា ដែល​ជារដូវប្រាំងការចិញ្ចឹមដង្កូវនាងមិនសូវទទួលបានលទ្ធផលល្អទេ ។ លោកស្រីបានគូសរំលេចថា សិល្បៈត្បាញសូត្របែបប្រពៃណីខ្មែរ ជាស្នាដៃសិល្បៈដ៏មានតម្លៃដែលបង្ហាញ ពីភាពច្នៃប្រឌិត និងភាព​រឹងមាំនៃវប្បធម៌ខ្មែរ និងជារូបមន្តដែលសំខាន់សម្រាប់ការរក្សា និងផ្សព្វផ្សាយសិល្បៈខ្មែរទៅកាន់សកលលោក ។បើយើងចូលរួម​ប្រើប្រាស់ផលិតផលនេះ…

(ភ្នំពេញ)៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល ក្នុងពិធីបើកសិក្ខាសាលា ផ្សព្វផ្សាយការអប់រំសុខភាព ដើម្បីចៀសវាងកត្តហានិភ័យ នៃជំងឺមិនឆ្លង នាព្រឹកថ្ងៃ ទី២៧ ខែវិច្ឆិកា ឆ្នាំ២០២៤ អំពាវនាវដល់សាធារណជនទាំងអស់ ចៀសវាងការប្រើប្រាស់ផលិតផលថ្នាំជក់ និងផលិតផលគ្រឿងស្រវឹង ទទួលទានអាហារដែលមានសុខភាព និងធ្វើលំហាត់ប្រាណឱ្យបានគ្រប់គ្រាន់។ សុខភាពគឺជាអ្វីៗគ្រប់យ៉ាងរបស់យើងទាំងអស់គ្នា មានសុខភាពល្អទើបយើងអាចមានមូលធនមនុស្សសម្រាប់ការអភិវឌ្ឍ គ្រួសារ សង្គម និងប្រទេសជាតិស្របតាមគោលនយោបាយបញ្ចកោណរបស់រាជរដ្ឋាភិបាល ។ ឯកឧត្តមសាស្ត្រាចារ្យរដ្ឋមន្ត្រី បានលើកឡើងថា សិក្ខាសាលានេះពិតជាមានសារៈសំខាន់ណាស់ក្នុងការអប់រំសុខភាព និង យកព័ត៌មានដែលទាក់ទងជំងឺមិនឆ្លង ដើម្បីយកទៅផ្សព្វផ្សាយបន្តនៅតាមមូលដ្ឋាន ក្នុងការជំរុញឱ្យប្រជាជនមានការផ្លាស់ប្តូរឥរិយាបថរស់នៅប្រកបដោយសុខុមាលភាព ព្រមទាំងផ្តល់នូវចំណេះដឹង ជំនាញ អាកប្បកិរិយាដល់បុគ្គលនិងគ្រួសារ និងលើកទឹកចិត្តពួកគាត់ឱ្យផ្លាស់ប្តូរឥរិយាបថជាវិជ្ជមាន ដំណើរឆ្ពោះទៅការការពារជៀសវាងពីការជួយសង្គ្រោះ នូវគ្រោះថ្នាក់ដែលកើតមានឡើង តាមរយៈការចូលរួមពី យើងទាំងអស់គ្នាខិតខំធ្វើឱ្យលើសពីការដែលអាចធ្វើទៅបាន។ ឯកឧត្តមសាស្ត្រាចារ្យរដ្ឋមន្ត្រី បានណែនាំទាក់ទងនឹងការប្រើប្រាស់ផលិតផលគ្រឿងស្រវឹង គឺមិនមានកម្រិតសុវត្ថិភាពនោះទេ ប្រើប្រាស់ផលិតផលគ្រឿងស្រវឹងកាន់តែច្រើន បង្កហានិភ័យដល់សុខភាពកាន់តែច្រើន។ ការប្រើប្រាស់ផលិតផលគ្រឿងស្រវឹង បង្កបញ្ហាសុខភាពនិងជំងឺច្រើនជាង ២០០ប្រភេទ ជាអាទិ៍ ជំងឺក្រិនថ្លើម ជំងឺមហារីក ជំងឺបេះដូងសរសៃឈាម ជំងឺទឹកនោមផ្អែម ជំងឺលើសសម្ពាធឈាម។ ការប្រើប្រាស់គ្រឿងស្រវឹងប៉ះពាល់ដល់ការលូតលាស់ខួរក្បាលរបស់យុវវ័យ បណ្ដាលឱ្យញៀន…

តាកែវ៖ក្នុងកិច្ចប្រជុំពង្រឹងកិច្ចការងារសន្តិសុខជាមួយកងកម្លាំង​នគរបាលផែនព្រហ្មទណ្ឌកាលពីព្រឹកថ្ងៃទី ២៦ ខែវិច្ឆិកា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្ដតាកែវឧត្ដមសេនីយ៍ទោ ម៉ែន លី ស្នងការនគរបាលខេត្ដតាកែវ បានលើកឡើងអំពី ការរៀប​ចំ​កងកម្លាំងអន្តរាគមន៍ពិសេសនៃស្នងការដ្ឋាននគរបាលខេត្ដតាកែវ នឹងត្រូវដាក់ឱ្យ​ឈរជើងការពារនៅតាមគោលដៅសំខាន់ៗ​ដែល​ងាយនឹងរងគ្រោះក្នុងភូមិសាស្រ្តខេត្តតាកែវដើម្បីរក្សាសន្តិសុខសុវត្ថិភាពជូនប្រជាពលរដ្ឋ និងបង្កាបង្ក្រាបបទល្មើសឱ្យ​បានទាន់​ពេលវេលា ។ ឯកឧត្តមស្នងការបានរំលឹកថា ក្នុងនាមជាមន្រ្តីនគរបាលយុត្តិធម៌​កងកម្លាំងនគរបាលទាំងអស់ត្រូវខិតខំឱ្យ​អស់កម្លាំងកាយចិត្ត​បំពេញ​តួនាទីភារកិច្ចត្រូវធ្វើយ៉ាងណាដើម្បីលុបបំបាត់ កាត់បន្ថយបញ្ហា​ក្មេងទំនើង ចោរឆក់ប្លន់។ ត្រូវតែបង្កើនការចេញ​ល្បាតតាម​គោលដៅ​ងាយ​រងគ្រោះឱ្យបានច្រើន ។ឯកឧត្តមស្នងការក៏បាន ជំរុញឱ្យកងកម្លាំងនគរបាលយុត្តិធម៌ត្រូវតែបន្ត​ស្រាវជ្រាវស្វែងរកមុខសញ្ញាចាស់ ថ្មីដែលនៅសេសសល់​យកមក​ផ្តន្ទាទោសតាមច្បាប់ ត្រូវក្តាប់មុខសញ្ញាឱ្យបានទាំងមានដីការ ឬអត់​ដីការ និងមុខសញ្ញាទើបចេញពីពន្ធនាគារ​ទៅរស់នៅ​ក្នុងមូលដ្ឋាន​ដើមវិញ។ត្រូវបន្តការផ្សព្វផ្សាយតាមវេទិកាសាធារណៈអំពីផលប៉ះពាល់ នៃគ្រឿងញៀន ក្មេងទំនើង ល្បែងស៊ីសង ជាដើម៕ដោយ៖តាកែវ

កំពត៖ អភិបាលស្រុកទឹកឈូ ខេត្តកំពត បានលើកទឹកចិត្តដល់នាយក នាយិកាសាលាបឋមសិក្សាទាំង៤៥នៅក្នុងស្រុក លោកគ្រូ​អ្នកគ្រូ និងគ្រូកិច្ចសន្យា រួមគ្នាកសាងមូលដ្ឋានគ្រឹះនៃការអប់រំរបស់កុមារឱ្យ​កាន់តែល្អប្រសើរ តាមរយៈការធ្វើជាគំរូល្អ មានសីលធម៌ សុជីវធម៌ គោរពវិន័យ និងបទបញ្ជាផ្ទៃក្នុង រៀបចំអនាម័យបរិស្ថាន និងពង្រឹង​គុណភាពការបង្រៀន ដើម្បីលើកកម្ពស់​គុណភាព​របស់សិស្ស។ ក្នុងពិធីជួបសំណេះសំណាលជាមួយគ្រូកិច្ចសន្យាចំណេះដឹងទូទៅឆ្នាំ២០២៥ និងនាយក នាយិកាសាលាបឋមសិក្សាទាំង៤៥កន្លែង កាលពី​រសៀលថ្ងៃទី ២៥ ខែវិច្ឆិកា ឆ្នាំ២០២៤ អភិបាលស្រុកទឹកឈូ លោក អ៊ឹម ច័ន្ទសោធន បានបញ្ជាក់ថា បច្ចុប្បន្នរាជរដ្ឋាភិបាល​បានធ្វើកំណែ​ទម្រង់ និងផ្ទេរមុខងារវិស័យអប់រំកម្រិតបឋមសិក្សា មកឱ្យរដ្ឋបាលក្រុង​ស្រុក ដឹកនាំគ្រប់គ្រង និងទទួលខុសត្រូវ​លើគុណវឌ្ឍិមន្ត្រី បុគ្គលិកគ្រូ​បង្រៀន និងគុណភាពសិក្សារបស់សិស្សានុសិស្សកម្រិតបឋមសិក្សា។ ដូច្នេះដើម្បីកសាងមូលដ្ឋានគ្រិះ នៃ​ការអប់រំកុមារឲ្យកាន់តែល្អប្រសើរ ទាមទាមានការចូលរួមពីអ្នកពាក់ព័ន្ធ មានអាណាព្យាបាលសិស្ស ពិសេសលោកគ្រូ អ្នកគ្រូ ដែលត្រូវធ្វើជាគំរូល្អ ផ្តល់នូវចំណេះដឹង សីលធម៌ សុជិវធម៌ គុណធម៌នៃការរស់នៅទាំងក្នុងសាលា និងក្នុង​សង្គម តាមរយៈការ​រៀបចំសាលារៀនឲ្យស្អាត មានអនាម័យបរិស្ថានល្អ មានរបៀបរបប និងវិន័យក្នុងការបង្រៀន និងការរៀន ។       លោកអភិបាលស្រុកបានគូសរំលេចថា…

កំពត៖ឯកឧត្តម ម៉ៅ ធនិន អភិបាលខេត្តកំពតបានលើកឡើងថា គិតមកដល់ថ្ងៃនេះ ការត្រៀមធ្វើជាម្ចាស់ផ្ទះរៀបចំ​បុណ្យសមុទ្រ​លើកទី១១ របស់អនុគណៈកម្មការនីមួយៗរបស់ខេត្ត បានត្រៀម​ស្ទើររួចរាល់ហើយ។ប៉ុន្តែឯកឧត្តមបានក្រើនរំលឹកដល់បន្ថែមដល់​មន្ត្រីជំនាញពាក់ព័ន្ធត្រូវគិតគូរឱ្យគ្រប់ជ្រុងជ្រោយ កុំធ្វេសប្រហែស​ចំពោះរឿងកំប៉ិកកំប៉ុក។ មានមតិបូកសរុបក្នុងកិច្ចប្រជុំត្រួតពិនិត្យវឌ្ឍនភាពការងាររបស់អនុគណៈកម្មការខេត្តក្នុងការរៀបចំបុណ្យ​សមុទ្រលើក​ទី១១ កាលពី​ថ្ងៃទី២៥ ខែវិច្ឆិកា ឆ្នាំ២០២៤ ឯកឧត្តម ម៉ៅ ធនិន អភិបាលខេត្តកំពត បានកត់សម្គាល់ពីវឌ្ឍនភាពការងាររៀបចំ បុណ្យសមុទ្រដែលនឹង​មកដល់នៅពាក់កណ្ដាលខែធ្នូខាងមុខ ។ឯកឧត្តមសង្ឃឹមយ៉ាងមុតមាំថា ពិតជានឹងធ្វើឱ្យ​បុណ្យសមុទ្រ​លើក​ទី១១ ជុំទី៣នៅខេត្តកំពត ពោរពេញដោយភាពសប្បាយរីករាយ និងភាពទាក់ទាញខ្លាំង។ប៉ុន្តែ ឯកឧត្តមបានដាស់តឿន​ដល់អាជ្ញាធរ មន្ត្រីជំនាញ និងអ្នកពាក់ព័ន្ធសូមបង្កើនការយកចិត្តទុកដាក់លើការ​ងារកំប៉ិចកំប៉ុកមួយចំនួន ដែលអាចជះឥទ្ធិពលអាក្រក់ដល់ខេត្ត ដូចជា ការដំឡើងថ្លៃបន្ទប់ស្នាក់នៅ,តម្លៃម្ហូបអាហារ, ការបន្លំផលិតផល  ផលិតផលគ្មានគុណភាព , ជញ្ជីងមិនគ្រប់គីឡូ យកថ្លៃ​បន្ទប់ទឹក ឬថ្លៃផ្ញើម៉ូតូ រថយន្ត ថ្លៃហួសប្រមាណជាដើម ។សូមកុំឱ្យមានការលេចឮ ររឿងទាំងនេះ ទាំងនៅមុនពេល អំឡុងពេល និងក្រោយពេលចប់​ពីធីបុណ្យសមុទ្រ។ សូមបញ្ជាក់ថា មុនចូលដល់ថ្ងៃរៀបចំពិធីបុណ្យសមុទ្រ រដ្ឋបាលខេត្ត​កំពតក៏មានរៀបចំពិធីប្រណាំងទូកង ចំនួន១៣គូផងដែរ នៅថ្ងៃ​ទី១១-១២ ខែធ្នូ  ខណៈដែលកម្មវិធីបើកជាផ្លូវការនៃពិធី​បុណ្យសមុទ្រ នឹងធ្វើឡើងនៅថ្ងៃទី១៣ ខែធ្នូ ក្រោមអធិបតីភាព​ដ៏ខ្ពង់ខ្ពស់​សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត…