ភ្នំពេញ៖ សាលារៀន គឺជាកន្លែងផ្តល់ចំណេះវិជ្ជាមួយដែលជួយឱ្យសិស្សទទួលបាននូវចំណេះដឹងនិងពុទ្ធិតាមរយៈលោក គ្រូ អ្នកគ្រូ និងសៀវភៅ ។ ដោយមើលឃើញ អំពីសារៈសំខាន់នៃការទទួលបានចំណេះដឹងប្រកបដោយគុណភាព តាមរយៈការចុះទៅសិក្សាស្វែងយល់អនុវត្តដោយផ្ទាល់ដល់ទីកន្លែង ជួយឱ្យសិស្សបានសិក្សាស្វែងយល់កាន់តែច្បាស់និងស៊ីជម្រៅ ទើប សាលារៀនហ្គោលដិន វ៉ាលី អាកាដឺមី អហ្វហូបវើលវ៉ាយ ដែលមានឈ្មោះហៅកាត់ថា” GVA”បានបង្កើតទស្សនកិច្ចសិក្សា សម្រាប់សិស្សានុសិស្សតូចៗចាប់ពីថ្នាក់ទី១ដល់ថ្នាក់ទី៣ ចំនួន១៧៥នាក់ ទៅក្នុងព្រះបរមរាជរាំង ។ អ្នកគ្រូ ជា កញ្ញា គ្រូបង្រៀនថ្នាក់ទី៣ B នៃសាលារៀនហ្គោលដិន វ៉ាលី អាកាដឺមី អហ្វហូបវើលវ៉ាយដែលរួមដំណើរក្នុងទស្សនកិច្ចសិក្សាទៅកាន់ព្រះបរមរាជរាំង បានគូសបញ្ជាក់ អំពីសារៈសំខាន់នៃដំណើរទស្សកិច្ចសិក្សាទៅកាន់កន្លែងប្រត្តិសាស្រ្តថា ព្រះបរមរាជរាំង គឺជាកន្លែងដ៏វិសេសមួយនៅក្នុងព្រះរាជាណាចក្រកម្ពុជា ជាកន្លែងមួយដែលបណ្តុំនូវសម្បត្តិវប្បធម៌ប្រពៃណីទំនៀមទម្លាប់ជាច្រើន និងស្ថាបត្យកម្មល្អប្រណិតៗដែលពួកគេមិនធ្លាប់បានឃើញ ។ ដំណើរទស្សនកិច្ចសិក្សារយៈពេលមួយព្រឹកនៅក្នុងព្រះបរមរាជរាំងសិស្សានុសិស្សតូចៗ បានដើរទស្សនា នៅទីកន្លែងសំខាន់ៗ អមដោយការពន្យល់យ៉ាងក្បោះក្បាយពីសំណាក់មគ្គុទ្ទេសទេសចរណ៍ ដ៏ជំនាញ ប្រចាំព្រះបរមរាជរាំង អំពីប្រវត្តិនៃការកកើតព្រះបុរមរាជរាំង នៅក្នុងរាជធានីភ្នំពេញ និងប្រវត្តិរឿងព្រេងដំណាលជាច្រើន ដែលបានគូសនៅជាប់ជញ្ជាំងព្រះបរមរាជរាំង ។ បណ្តុំនៃចំណេះដឹង តាមរយៈទស្សនកិច្ចសិក្សាទាំងអស់នេះហើយ បានជួយឱ្យសិស្សានុសិស្សតូចៗបានពង្រឹងនិងពង្រីកចំណេះដឹងមួយកម្រិតទៀត អំពីប្រវត្តិសាស្រ្តរបស់ខ្លួន ។ ហើយថ្ងៃអនាគត…

(ភ្នំពេញ)៖ក្រុមអ្នកអភិរក្សថ្មរបស់អាជ្ញាធរជាតិអប្សរា កំពុងបន្តការជួសជុល ជណ្តើរមុខនៅផ្នែកខាងលិច ឆៀងខាងជើង ដែលស្ថិតក្នុងស្ថានភាព ហែក ចេញពីគ្នា ព្រមទាំងផ្នែកខ្លះនៃរចនាសម្ពន្ធជណ្តើរជាច្រើនផ្នែកទៀត ឱ្យប្រសើរ ឡើងវិញ។ តាមរយៈបណ្តាញសង្គមហ្វេសប៊ុកនៅថ្ងៃទី២១ ខែវិច្ឆិកា ឆ្នាំ២០២៤នេះ អាជ្ញាធរជាតិអប្សរាបានឱ្យដឹងថា៖ក្រៅពីនេះ ក្រុមអ្នកជំនាញ ក៏កំពុងជួយ​សង្រ្គោះក្បាច់ចម្លាក់នៅតាមតួប៉មកណ្តាលផ្នែកខាងលិច និងតួប៉មខាងជើង នៃជ្រុងខាងលិច ឆៀងខាងត្បូង ដែលមានចម្លាក់នៅសល់តិចតួចបំផុត ហើយកំពុងមានសភាពពុកផុយខ្លាំង កុំឱ្យបាត់បង់ផងដែរ។ការជួស​ជុល​នេះដែរ បន្ទាប់ពីក្រុមអ្នកអភិរក្សថ្ម បានបញ្ចប់ជួសជុលជណ្តើរ​តួប៉មកណ្តាល ផ្នែកខាងលិច និងចម្លាក់តោនៃប្រាសាទភ្នំក្រោមរួចមក។ លោក ឡុង ណារី អ្នកអភិរក្សថ្ម ឱ្យដឹងថា ការជួសជុលជណ្តើរមុខនៅផ្នែក​ខាង​លិច ឆៀងខាងជើងរបស់ប្រាសាទភ្នំក្រោមនេះ គឺចែកជា២ដំណាក់កាល។ ដំ​ណាក់កាលទី១ គឺជួសជុលពង្រឹងគ្រឹះជណ្តើរមុខផ្នែកខាងលិច ឆៀងខាងជើង និងកម្រាលថ្មភក់។ ដំណាក់កាលទី២ គឺជួសជុលសង្រ្គោះក្បាច់ចម្លាក់​នៅតួប៉​ម​កណ្ដាលមុខផ្នែកខាងលិច និងតួប៉មខាងជើង ជ្រុងខាងលិច ឆៀងខាងត្បូង ដែល​ចម្លាក់ទាំងនោះ នៅសេសសល់តិចតួចបំផុត ហើយថ្មកំពុងមានស្ថាន​ភាពពុក​ផុយខ្លាំង។ អ្នកអភិរក្សថ្មដដែលឱ្យដឹងទៀតថា ការខូចខាតរចនាសម្ពន្ធជណ្តើរមុខ​នៅផ្នែក​ខាង​លិច ឆៀងខាងជើងរបស់ប្រាសាទភ្នំក្រោម បណ្តាលមកពីអាយុកាល​នៃ​សម្ភារសំណង់ ថ្មបាយក្រៀមមានសភាពពុកផុយគ្មានលំនឹង។ បច្ចេក​​ទេស​​នៃការជួសជុលជណ្ដើរ គឺត្រូវរុះរើថ្មកាំជណ្តើរ និងគ្រឹះទម្រ មកសម្អាតកំណកដី…

កំពត៖ផ្លូវល្បាយក្រួសចំនួន១៦ខ្សែ ប្រវែងជាង១០០គីឡូម៉ែត្រ​(១០៧ ៨០០ម៉ែត្រ) មានទទឹងខ្នងលើពី ៤ម៉ែត្រ,  ៤,៥ម៉ែត្រ, ៥ម៉ែត្រ  និង៧ម៉ែត្រ ស្ថិតនៅក្នុងស្រុកចំនួន៦នៃខេត្តកំពត​ដែលអនុវត្តដោយមន្ទីរអភិវឌ្ឍន៍ជនបទខេត្តកំពត​ត្រូវបាន​គណៈប្រតិភូអន្តរក្រសួងនៃក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុប្រកាសទទួលយក។ ផ្លូវក្រាលក្រួសទាំង១៦ខ្សែនេះស្ថិតក្នុងផែនការការងារថែទាំជាប្រចាំដោយស្ថិត ឃុំបឹងនិមល ឃុំមានរិទ្ធ ឃុំព្រៃខ្នង ឃុំថ្មី ឃុំសំឡាញ ឃុំចំប៉ី ឃុំល្អាង ឃុំកណ្តោល ឃុំត្រពាំងព្រីង ឃុំកូនសត្វ ឃុំខ្ចាយខាងជើង ឃុំល្បើក ឃុំឈូក ឃុំ ចម្ពូវ័ន្ត ឃុំដងទង់ ឃុំបន្ទាយមាសខាងកើត ឃុំបន្ទាយមាសខាងលិច ឃុំត្នោតចុងស្រង់ ឃុំ បឹងសាលាខាងជើង និងឃុំបឹង​សាលាខាងត្បូង ក្នុងស្រុកឈូក ស្រុកដងទង់ ស្រុកអង្គរជ័យ ស្រុកទឹកឈូ ស្រុកបន្ទាយមាស និងស្រុកកំពង់ត្រាច ខេត្តកំពត អនុវត្តដោយមន្ទីរអភិវឌ្ឍន៍ជនបទខេត្តកំពត។ លោក ហ៊  សូរិន ប្រធានមន្ទីរអភិវឌ្ឍន៍ជនបទ បានរាយការណ៍​ជូនគណៈប្រតិភូអន្តរក្រសួងជ្រាបអំពីការងារថែទាំប្រចាំ ផ្លូវល្បាយក្រួសចំនួន ១៦ខ្សែ បានអនុវត្តដោយយកចិត្ត​ទុកដាក់លើការងារថែមល្បាយក្រួសសម្រេចបាន ១០០ភាគរយ, ,កៀរផ្លូវល្បាយក្រួស សម្រេចបាន ១០០ភាគរយនិងការងារ​បំពេញដីតាមជើងទេរសម្រេចបាន ១០០ភាគរយ។…

(ភ្នំពេញ)៖ វត្តដំណាក់ មានទីតាំងស្ថិតនៅតាមបណ្តោយដងស្ទឹងសៀមរាប ត្រើយម្ខាងផ្សារចាស់ ក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប បានជួសជុលរួចរាល់ជាស្ថាពរ ។ អាជ្ញាធរជាតិអប្សរាបានឱ្យដឹងថា ៖ ក្រោមកិច្ចខិតខំប្រឹងប្រែង និងយកចិត្តទុកដាក់ពីសំណាក់ ថ្នាក់ដឹកនាំ មន្ត្រីជំនាញនៃអាជ្ញាធរជាតិអប្សរា ព្រះវិហារដែលបានជួសជុលមួយរយ:កន្លងមក បច្ចុប្បន្នគឺបានរួចរាល់ ១០០ភាគរយហើយ ។ ជាមួយគ្នានេះអាជ្ញាធរជាតិអប្សរា សង្ឃឹមជឿជាក់ថា ក្រោយការជួសជុល សំណង់ព្រះវិហារនេះអាចបំពេញតួនាទីរបស់ខ្លួនបន្តទៅទៀត សម្រាប់ពុទ្ធសាសនិកចូលបំពេញបុណ្យ ក៏ដូចជាព្រះសង្ឃបំពេញកិច្ចវត្ត និងផ្តល់ប្រយោជន៍ដល់ការសិក្សាស្រាវជ្រាវ និងការសិក្សារៀនសូត្រ ជាពិសេស រក្សាបាននូវមរតកពីបុរាណ ព្រមទាំងអាចទាក់ទាញចំណាប់អារម្មណ៍របស់ទេសចរមកទស្សនាស្វែងយល់បន្ថែម ក្រៅពីសំណង់ប្រាសាទបុរាណរបស់យើងផងដែរ ៕ ដោយ ៖ ម៉ាដេប៉ូ

បន្ទាយមានជ័យ៖ នៅខេត្តបន្ទាយមានជ័យកាលពីថ្ងៃទី១៩ ខែវិច្ឆិកា ឆ្នាំ២០២៤អាជ្ញាធរខេត្ត មន្រ្តីមកពីស្ថាប័ន អង្គភាពពាក់ព័ន្ធ​បានជួប​ប្រជុំគ្នានៅសាលាខេត្ត ។របៀបវារៈនៃកិច្ចប្រជុំ ផ្តោតទៅលើការ​ពង្រឹងការគ្រប់គ្រង សេវាពេទ្យធ្មេញនិងការ​ផលិត​ទឹកបរិសុទ្ធ ដែល​មិនបានបំពេញតាមលក្ខខណ្ឌច្បាប់ ខណៈសមត្ថកិច្ចជំនាញរកឃើញ​ថា​ការប្រកបសេវាសុខាភិបាល និងការ​ផលិត​ទឹកសុទ្ធជាច្រើនកន្លែង​ពុំមានច្បាប់អនុញ្ញាត ។ ឧត្តមសេនីយ៍ត្រី ចាប សុផាឬទ្ធិ ស្នងការរងទទួលផែននគរបាល​ប្រឆាំងបទល្មើសសេដ្ឋកិច្ចខេត្តបន្ទាយមានជ័យ បានប្រាប់កិច្ចប្រជុំ​ថា គិតចាប់ពីថ្ងៃទី៩ ខែឧសភា ឆ្នាំ២០២៤ ដល់ថ្ងៃទី៣១ ខែកក្កដាកន្លង​ទៅកម្លាំងជំនាញនៃការិយាល័យនគរបាលប្រឆាំង​បទល្មើសសេដ្ឋកិច្ចនៃ​ស្នងការដ្ឋាននគរបាលខេត្តបន្ទាយមានជ័យ បានចុះធ្វើបច្ចុប្បន្នភាព​លើទីតាំង​ឱសថស្ថាន និងសិប្បកម្ម​ផ្សេងៗ​តាមបណ្តាស្រុក ក្រុង​ទាំង៩។ តាមការធ្វើបច្ចុប្បន្នភាពបានរកឃើញទីតាំងប្រកបអាជីវកម្មសរុបចំនួន ៨៤៨ កន្លែង ក្នុងនោះមាន​ច្បាប់ចំនួន ៧៣១ កន្លែង និងគ្មាន​ច្បាប់​ចំនួន១១៧ កន្លែង។ ក្នុងចំណោមអាជីវកម្មដែលគ្មានច្បាប់ទាំង១១៧ កន្លែង មានអាជីវកម្ម​គ្មានច្បាប់ចំនួន ២ ប្រភេទ ដែលអាចបង្កផល​ប៉ះពាល់សុខុមាលភាព និងមានហានិភ័យខ្ពស់ ដល់អ្នកប្រើប្រាស់ ឬអ្នកមកទទួលសេវា​ផ្សេងៗ ។ក្នុងនោះ មាន ៖១-ទីតាំងពិនិត្យ​ព្យាបាល មាត់-ធ្មេញចំនួន ២៩ កន្លែង សមត្ថកិច្ចបានរកឃើញថា ម្ចាស់អាជីវកម្មមិន​មាន​ជំនាញឯកទេស ឬពុំបានសិក្សានៅសាលា​ជំនាញឯកទេសនោះទេ គឺចេះតៗគ្នា និងគ្មានលិខិតអនុញ្ញាត ប្រកបអាជីវកម្ម…

តាកែវ៖មានហេតុការណ៍មួយបានកើតឡើងនៅស្រុកបាទី ខេត្តតាកែវ​កាលពីព្រឹកថ្ងៃទី១៩ ខែវិច្ឆិកា ឆ្នាំ២០២៤នេះ បន្ទាប់ពី​ប្រជា​ពលរដ្ឋ​ប្រទះ​ឃើញក្មេងស្រីអាយុ៣ឆ្នាំ យំអោបសាកសពស្ត្រីម្នាក់នៅគុម្ពោត​ព្រៃ។ បន្ទាប់ពីទទួលបានសេចក្តីរាយការណ៍ពីប្រជាពលរដ្ឋថាបានប្រទះឃើញសាកសពស្ត្រីម្នាក់រួមជាមួយក្មេងស្រីអាយុ៣ឆ្នាំ នៅអង្គុយ​យំអោប​សពនៅក្នុងគុម្ពោតព្រៃនាវេលាម៉ោង៦ និង ៣០នាទីថ្ងៃទី១៩ ខែវិច្ឆិកា​លោកឧត្ដមសេនីយ៍ទោ ម៉ែន លី ស្នងការនគរបាល​ខេត្តតាកែវ និងមានការសម្របសម្រួលនីតិវិធីដោយព្រះរាជអាជ្ញាអមអយ្យការសាលាដំបូងខេត្ដផង​ នគរបាលជំនាញសហការជាមួយ​នគរបាលស្រុកបាទី បានចុះទៅដល់កន្លែងកើតហេតុដើម្បីអនុវត្តតាមជំនាញ។ ក្រោយការពិនិត្យសមត្ថកិច្ចបានធ្វើការកំណត់មុខសញ្ញារហូតឈានដល់ការឃាត់ខ្លួនគ្រូពេទ្យពីរនាក់ប្ដីប្រពន្ធ មានឈ្មោះ ហៀង សុងហាក់ ភេទប្រុសអាយុ ៣៧ឆ្នាំ (ប្តី)និងឈ្មោះ ស៊ុន ម៉ារីណា ភេទស្រី អាយុ៣៩ឆ្នាំ ជាម្ចាស់គ្លីនិកឯកជន យីហោ សុងហាក់ ម៉ារីណា ។តាមចម្លើយសារភាពរបស់ជនសង្ស័យថា ខ្លួនបានព្យាបាលជនរងគ្រោះ ហើយបណ្ដាលឱ្យជនរងគ្រោះស្លាប់ ។ខ្លួនក៏បានដឹកសពជនរង​គ្រោះមកប្លុងចោលនៅគុម្ពោតព្រៃនេះទៅ។នៅព្រឹកថ្ងៃទី២០ ខែវិច្ឆិកាសមត្ថកិច្ចបានកសាងសំណុំរឿង និងនាំខ្លួនគ្រូពេទ្យទាំងពី​រនាក់ទៅសាលាដំបូងខេត្ដហើយ ដើម្បីអនុវត្តតាមផ្លូវច្បាប់ ៕ ដោយ៖ តាកែវ

ក្រចេះ៖ សំដៅលើការផ្សព្វផ្សាយមិនពិតដែលថា“មន្ត្រីបរិស្ថានបាន ធ្វើការបង្ក្រាប ដាក់ខ្នោះប្រជាពលរដ្ឋដោយគ្មានកំហុស” មន្ទីរបរិស្ថាន ខេត្តក្រចេះ បានបំភ្លឺជាសាធារណៈ ដោយបញ្ជាក់ថា មិនមានករណី បែបនេះឡើយ ។ ក្នុងសេចក្តីបំភ្លឺរបស់មន្ទីរបរិស្ថានខេត្តក្រចេះបានរំលឹកថា កាលពី ថ្ងៃទី១៨ ខែវិច្ឆិកា ឆ្នាំ២០២៤ មន្ត្រីឧទ្យានុរក្ស នៃមន្ទីរ​បរិស្ថាន​ខេត្តក្រចេះ បានធ្វើការចុះល្បាត ទប់ស្កាត់ បង្ក្រាបករណីកាប់គាស់ រុករានដីព្រៃ ឆ្ការដុតឈូសឆាយដីព្រៃរដ្ឋ ដើម្បីយក​ធ្វើជា​កម្មសិទ្ធិទំហំ ២.៥២ហិកតា ដែលប្រព្រឹត្តទៅនៅអូរច្រឡំផុក និយាមកាX612427-Y1431 778 ស្ថិតក្នុងភូមិសាស្ត្រ ភូមិកំពង់ព្នៅ ឃុំកោះខ្ញែរ ស្រុកសំបូរ នៃដែនជម្រកសត្វព្រៃសំបូរ ជាតំបន់ការពារធម្មជាតិ ដែលបង្កើត ឡើងដោយអនុក្រឹត្យ ។ពេលនោះ​ឃាត់បានត្រាក់ទ័រមួយគ្រឿង ។ សេចក្តីបំភ្លឺបន្តថា ក្រោយពេលឃាត់បាន ក្រុមការងារបាននាំ យក ទៅស្នាក់ការ ដើម្បីបន្តនីតិវិធីច្បាប់ លុះមកតាមផ្លូវក៏ត្រូវបានជន​មិន​ស្គាល់អត្តសញ្ញាណ មកធ្វើការរារាំងដល់សមត្ថកិច្ចកំពុងអនុវត្តការងារ មិនឱ្យនាំយកត្រាក់ទ័រទៅស្នាក់ការ ដើម្បីអនុវត្តនីតិវិធី។ ជុំវិញករណី នេះមន្ត្រីជំនាញ នៃមន្ទីរបរិស្ថានខេត្តក្រចេះ បានកសាងសំណុំរឿង បញ្ជូនទៅសាលាដំបូងរួចរាល់ហើយ ដើម្បី​អនុវត្តតាមនីតិវិធីច្បាប់ ៕…

ភ្នំពេញ៖មកទល់បច្ចុប្បន្នប្រទេសកម្ពុជាមានខេត្តចំនួន ១៥ ហើយ ដែលត្រូវបានប្រកាសថា ជាខេត្តគ្មានមីន ដោយគិតជាផ្ទៃដី​មានចំនួន ៣,០២៤ គីឡូម៉ែត្រក្រឡា ។ នេះតាមការបញ្ជាក់របស់ឯកឧត្ដម លី ធុជ ទេសរដ្ឋមន្ត្រីទទួលបន្ទុកបេសកម្មពិសេស អនុប្រធានទី១ អាជ្ញាធរ មីនកម្ពុជា និងជាអនុប្រធានអនុសញ្ញាអូតាវ៉ាឆ្នាំ ២០២៤ នៅក្នុង សន្និសីទសារព័ត៌មានកាលពីព្រឹកថ្ងៃទី២០ ខែវិច្ឆិកា ឆ្នាំ២០២៤ ។ ក្នុងសន្និសីទកាសែតស្ដីពី «វឌ្ឍនភាពឆ្ពោះទៅកិច្ចប្រជុំត្រួត ពិនិត្យឡើងវិញលើកទី៥ ឬកិច្ចប្រជុំកំពូលសៀមរាប-អង្គរ ស្ដីពី​ពិភពលោកមួយដែលគ្មានមីន» នៅទីស្ដីការអាជ្ញាធរមីនកម្ពុជា ឯកឧត្ដមទេសរដ្ឋមន្ត្រី លី ធុជ បានប្រាប់ទៅអ្នក​កាសែត​ថា ខេត្ត​ចំនួន១៥បានប្រែក្លាយពីទឹកដីមីន ដែលពោរពេញដោយគ្រោះ ថ្នាក់ហើយដាំដុះមិនបាននោះ បានប្រែក្លាយជាខេត្តទឹកដីមាស ដែលក្រោយពីអាជ្ញាធរមីនកម្ពុជាបានដោះមីនអស់។ ប្រជាពល រដ្ឋអាចមករស់នៅលើទឹកដីនោះដោយសុខសាន្ត ហើយប្រកបមុខ​របរស្រែចំការនៅលើដីនេះ ដើម្បីចិញ្ចឹមជីវិត។ ឯកឧត្ដម លី ធុជ បានបន្ថែមថា ការរៀបចំកិច្ចប្រជុំកំពូលសៀមរាប-អង្គរ ស្ដីពីពិភពលោកមួយដែលគ្មានមីន ដែលកម្ពុជាធ្វើជាម្ចាស់​ផ្ទះនេះ បានបង្ហាញឱ្យឃើញពីភាពជោគជ័យ ក៏ដូចជាមោទកភាពមួយ សម្រាប់កម្ពុជា ដែលធ្លាប់តែជាប្រទេសទទួលរងនូវ​ការញ៉ាំញីដោយភ្លើង សង្គ្រាមស៊ីវិលរ៉ាំរ៉ាំ បន្សល់ទុកគ្រាប់ដែលមិនទាន់ផ្ទុះរាប់ម៉ឺនគ្រាប់…