(ភ្នំពេញ)៖ ឯកឧត្តម ទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្ស​កម្ពុជា និងជាប្រធានសហព័ន្ធកីឡាតេក្វាន់-ដូ ITF កម្ពុជា បានអញ្ជើញចូលរួម​ជាអធិបតី ក្នុងពិធីបើកបវេសនកាល ឆ្នាំសិក្សា ២០២៤ – ២០២៥ និងទិវាគុណគ្រូ ០៥តុលា នាព្រឹកថ្ងៃទី០១ ខែវិច្ឆិកា ឆ្នាំ២០២៤ ។ នាយកសាលាបឋមសិក្សាជម្ពូវ័ន បានឱ្យដឹងថា សាលាបឋមសិក្សាជម្ពូវ័ន ស្ថិតនៅក្នុងភូមិជម្ពូវ័ន សង្កាត់ ចោមចៅ៣ ខណ្ឌពោធិ៍សែនជ័យ មានអគារសិក្សាចំនួន ១០ខ្នង ស្មើនឹង ៤៣បន្ទប់ មានបុគ្គលិកសិក្សាចំនួន ៦៤នាក់ ស្រី ៤៨នាក់ និងមានសិស្សសរុបចំនួន ៣៤៤៨នាក់ ស្រី ១៦១៧នាក់ ស្មើនិង ៥៥ថ្នាក់ ចែកចេញជាពីរប្រភេទ៖ ១. ថ្នាក់សមាហរណ្ឌកម្ម (សិស្សខ្សោយសតិបញ្ញា) មានចំនួន ១៤នាក់ ស្រី០៥នាក់។ ២.សិស្សបឋមសិក្សាមានចំនួន ៣៤៤៨នាក់ ស្រី១៦៥៩នាក់ ស្មើនឹង ៥៥ថ្នាក់, សិស្សជាប់មធ្យមភាគត្រូវបានឡើងថ្នាក់ចំនួន…

(ភ្នំពេញ)៖ សត្វត្រយងយក្សជាបក្សីនិមិត្តរូប នៃព្រះរាជាណាចក្រកម្ពុជា ខណៈ​ដែលសត្វប្រភេទនេះ បានស្ថិតក្នុងស្ថានភាពរងគ្រោះជិតផុតពូជនៅលើពិភពលោក ដែលទាមទារឱ្យមានការចូលរួមថែរក្សា អភិរក្ស ប្រភេទសត្វនេះ ឱ្យនៅគង់ វង្ស​យូរអង្វែង ។ ចំណែកសត្វត្រយងចង្កំកស ជាសត្វដ៏កម្រមួយ​ទៀត​ដែល​មាន​វត្តមានច្រើននៅកម្ពុជាផងដែរ។ របាយការណ៍ពីក្រុមការងារអភិរក្សសត្វត្រយងនៅកម្ពុជា(CIWG)បានបង្ហាញថាសត្វត្រយងចង្កំកស ជាសត្វដ៏កម្រ មួយរបស់កម្ពុជាដែលបច្ចុប្បន្ននេះ មានចំនួន រហូត​ដល់ ៧៨៤ក្បាល ស្មើនិង ៨៧ទៅ៩៥ភាគរយ នៃចំនួន ពិភពលោក ។ ក្រុមការងារអភិរក្សសត្វត្រយងនៅកម្ពុជា(CIWG) នៅថ្ងៃទី១ ខែ វិច្ឆិកា ឆ្នាំ ២០២៤ បាន ចេញផ្សាយពីរបាយការណ៍ប្រចាំឆ្នាំ២០២៣របស់ខ្លួនដោយរំលេចពីការ ខិតខំប្រឹងប្រែងអភិរក្សប្រភេទសត្វត្រយងចង្កំកសកន្លងមក ដែលក្នុងនោះ​មានដូចជាការបង្កាត់ពូជសត្វត្រយងចង្កំកស បានជោគជ័យជាលើកដំបូង​សម្រាប់កម្ពុជាក៏ដូចជាសំរាប់សកលលោក និងកិច្ចខិតខំប្រឹងប្រែងនៅលើទីវាល បានរកឃើញសំបុកសត្វត្រយងយក្សច្រើនជាង ៤០សំបុក។ សម្រាប់ចំនួនសំបុកសត្វត្រយងយក្សដែលបានរកឃើញនេះ បានឆ្លុះបញ្ចាំង​ពីការ​កើនឡើងចំនួនសំបុកជោគជ័យកាលពីឆ្នាំមុន។ ការបន្តពូជរបស់សត្វ​ត្រយងចង្កំកស​ក៏មានការកើនឡើងគួរឱ្យកត់សម្គាល់ផងដែរ ដោយកូនកើតថ្មីចំនួន ១៧៥ក្បាល​បានហើរចេញពីសំបុកដោយជោគជ័យ។ របាយការណ៍ខាងលើនេះបានបញ្ជាក់ថាសត្វត្រយងចង្កំកសមានសរុបចំនួន ៧៨៤ក្បាល ដែលជាចំនួនច្រើនជាងគេនៅលើពិភពលោក ហើយក៏បានបង្ហាញពីភាពជោគជ័យនៃការអភិរក្សសត្វប្រភេទនេះផងដែរ។ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានថ្លែងប្រាប់ទាក់ទិនទៅនឹងរឿងនេះថា៖សម្រាប់សត្វត្រយងយក្ស និងសត្វត្រយងចង្កំកសនេះនៅកម្ពុជាមានចំនួនច្រើនជាងគេឬស្មើជាង៩០ភាគរយទៅហើយ ដែលនេះបង្ហាញពីមោទនភាពរបស់យើងដែលមានសត្វដ៏កម្រ និងជិតផុតពូជ…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ បានគូសបញ្ជាក់ថា កម្មវិធី​ប្រកួតប្រ​ជែងស្នាដៃស្ថាបត្យកម្មសហគមន៍បៃតងឧទ្យានមេគង្គលែន របស់សិស្ស​និស្សិត​ក៏ដូចជាស្ថាបត្យករ ថាជាការចូលរួមដ៏ធំធេង និងជាចំណុចចាប់ផ្ដើមនូវការផ្លាស់ប្ដូរ​នៃផ្នត់​គំនិត​និងជីវិតរបស់ប្រជាជនកម្ពុជា ហើយជនរួមជាតិកម្ពុជានឹងស្រឡាញ់​គ្នាច្រើនជាងមុន ស្រឡាញ់ជីវិតខ្លួនឯង គ្រួសារ និងជីវិតអ្នកដទៃច្រើនជាងមុន ។ ដូច្នេះយើងត្រូវរួមគ្នាកសាងកម្ពុជា​ឱ្យក្លាយជាភូមិឋានក្សេមក្សាន្ត ជាទ្រនំសុភមង្គល​សម្រាប់ប្រជាពល​រដ្ឋងាយស្រួលរស់នៅប្រកបដោយភាពសុខដុមរមនា មានលំ​នៅ​ឋាន មានការងារនិងប្រាក់ចំណូលសមរម្យ មានម្ហូបអាហារហូបចុកគ្រប់គ្រាន់ និងទទួលបានការសិក្សាអប់រំគ្រប់ៗគ្នា ។ នេះជាប្រសាសន៍លើកឡើងរបស់ឯកឧត្តមឧបនាយករដ្ឋមន្ត្រី សាយ សំអាល់ ក្រ​សួង​​រៀបចំដែនដី នគរូបនីយកម្ម និងសំណង់ ក្នុងឱកាសអញ្ជើញជាអធិបតី​ក្នុង​វគ្គផ្ដាច់ព្រ័ត្រការធ្វើបទបង្ហាញរបស់បេក្ខភាពទាំង ៦ក្រុម ក្នុងកម្មវិធីប្រកួត​ប្រជែង​ស្នាដៃស្ថាបត្យកម្មសហគមន៍បៃតងឧទ្យានមេគង្គលែន នាថ្ងៃទី៣១ ខែតុលា ឆ្នាំ២០២៤ នៅទីស្តីការក្រសួង ។ ក្នុងឱកាសនោះ ឯកឧត្តមឧបនាយករដ្ឋមន្ត្រី សាយ សំអាល់ បានលើកឡើងថា កម្មវិធីប្រកួតជែងស្នាដៃស្ថាបត្យកម្មសហគមន៍បៃតងឧទ្យានមេគង្គលែននេះ មិន​គ្រាន់តែជាកម្មវិធីប្រកួតប្រជែងប៉ុណ្ណោះទេ ប៉ុន្តែជាការបង្ហាញនូវសិល្បៈ នៃគំនិត​របស់និស្សិត និងស្ថាបត្យករ ពាក់ព័ន្ធទៅនឹងវិស័យស្ថាបត្យកម្ម ហើយកម្ពុជា​មិនអាច​នៅតែត្រឹមនេះបានទេ គឺត្រូវតែលូតលាស់ទៅមុខដើម្បីរស់បានដោយខ្លួនឯង និង​អាចប្រកួតប្រជែងជាមួយបណ្ដាប្រទេសនានាលើពិភពលោក ហើយកម្ពុជា​នឹង​អាចធ្វើបាន ។ យើងត្រូវការស្ថាបត្យករដែលមានសិល្បៈប្រពៃណីទំនៀមទម្លាប់ អរិយធម៌ មានមនោ​សញ្ជេតនា ដើម្បីឱ្យស្ថាបត្យកម្មមានភាពរស់រវើក…

កំពត៖សហគមន៍នេសាទព្រែកត្នោត នៅក្រុងបូកគោ ខេត្តកំពត ត្រូវ​បានក្រុមការងារអភិរក្សសមុទ្រកម្ពុជា(MCC)ស្រាវជ្រាវ រកឃើញ​វត្តមាន​ផ្សោតជាង១៧០ក្បាល។បច្ចុប្បន្នភ្ញៀវទេសចរកាន់តែច្រើន​នាំគ្នាទៅកម្សាន្តនៅទីនោះព្រោះចង់ទស្សនា ទេសភាពនានាពិសេស​សត្វផ្សោតផ្កាឈូកដែលជាប្រភេទថនិកសត្វកម្រជិតផុតពូជកំពុងរស់នៅទីនោះ។បើតាមអ្នកជំនាញបានអធិប្បាយថា លក្ខណៈពិសេស​របស់ផ្សោតពណ៌ផ្កាឈូក ខុសពីផ្សោតក្បាលត្រឡោក។ កញ្ញា  ភាន់ សុភានី អ្នកជំនាញរបស់អង្គការអភិរក្សសមុទ្រកម្ពុជា (MCC)លើគម្រោងស្រាវជ្រាវ និងអភិរក្សថនិកសត្វសមុទ្រ បាន​លាតត្រដាងលក្ខណៈពិសេសរបស់សត្វផ្សោតឃ្លាច ឬផ្សោតផ្កា​ឈូកថា មូលហេតុដែលប្រភេទថនិកសត្វកម្រជិតផុត ពូជនេះ​មានពណ៌ផ្កាឈូក   ដោយសារវាចូលចិត្តធ្វើចលនា ពិសេស​លោតផុតពីផ្ទៃទឹកញឹកញាប់ជាងផ្សោតក្បាលត្រឡោក។ ការធ្វើ​ចលនាច្រើន ធ្វើឱ្យសរសៃរឈាមក្រហមអណ្តែតឡើង បូកផ្សំនិង​ការត្រូវពន្លឺថ្ងៃញឹកញាប់ផងនោះ ធ្វើឱ្យពណ៌វា ប្រែក្លាយជាផ្កាឈូក។ ផ្សោតផ្កាឈូកពេញវ័យអាចបង្កកំណើតបាន ចាប់ពីអាយុ៩ទៅ១០ ឆ្នាំយូរជាងផ្សោតក្បាលត្រឡោក។ មេផ្សោតផ្កាឈូកត្រូវពពោះ រយៈពេល១២ខែ ទើបកើតបានកូនមួយ  ហើយត្រូវបំបៅនិងបង្រៀន​កូនឱ្យចេះចាប់ចំណីរយៈ ពេលបីឆ្នាំ ទើបអាចបង្កកំណើតបន្តបាន​ទៀត។  កូនផ្សោតកើតមកមិនមែន មានពណ៌ផ្កាឈូកភ្លាមៗនោះទេ ។  រយៈពេល២ឆ្នាំក្នុងការសិក្សាស្រាវជ្រាវ និងកំណត់អត្តសញ្ញាណ​សត្វផ្សោតនៅសហគមន៍នេសាទព្រែកត្នោតនេះក្រុមការងារ បាន​សង្កេតឃើញថា ផ្សោតផ្កាឈូក និងផ្សោតក្បាលត្រឡោក ត្រូវការ​ដេក៨ម៉ោងនៅពេលយប់ ដូចមនុស្សដែរដោយប្រើខួរ ឆ្លាស់គ្នា​(ខួរក្បាលម្ខាងដេក៤ម៉ោង)។ចំណីរបស់សត្វផ្សោត គឺត្រី។បើទឹកនៅរាក់ វាប្រើសំឡេងដើម្បីកំណត់ទិសដៅដេញ តាមប្រហារ​ចំណី។ម្តាយ និងកូនសត្វផ្សោតក៏មានមនោសញ្ចេតនា និងចេះឈឺ​ចាប់ដូចមនុស្សដែរ។     តាមការសន្និដ្ឋានរបស់អ្នកជំនាញអង្គការ (MCC)  ចំនួនសត្វ​ផ្សោតនៅសហគមន៍ ក៏ដូចជាខេត្តកំពតទាំងមូលមានការកើន ឡើងនៅឆ្នាំនេះ  ព្រោះក្រុមការងារបានប្រទះឃើញវត្តមានកូនផ្សោត​ជាច្រើនដង។ប្រសិនបើមន្ត្រីជំនាញ អាជ្ញាធរនិងអង្គការ…

សៀមរាប៖ក្រសួងទេសចរណ៍បានរៀបចំកិច្ចប្រជុំក្រុមការងា​ររួម​ស្តីពីកិច្ចសហប្រតិបត្តិការទេសចរណ៍កម្ពុជា-ឡាវ លើកទី៣ និង​វេទិកាជំនួបរវាងផ្នែកឯកជនកម្ពុជា-ឡាវ ក្រោមអធិបតីភាព​ឯកឧត្តម​បណ្ឌិត ថុក សុខុម រដ្ឋលេខាធិការក្រសួងទេសចរណ៍ តំណាង​ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ លោក អ៊ឺង គឹមលៀង អភិបាលរងខេត្តសៀមរាប និងលោក ភូធូន ដាឡាឡម​(Phouthone Dalalom) អគ្គនាយករងទីផ្សារទេសចរណ៍ ប្រធានប្រតិភូក្រសួង​ព័ត៌មាន វប្បធម៌និងទេសចរណ៍ ឡាវដោយមានអ្នកចូលរួម ពីអន្តរ​ក្រសួង ស្ថាប័ន និងផ្នែកឯកជននៃប្រទេសទាំងពីរប្រមាណ​១០០រូប។ វេទិកាជំនួបរវាងផ្នែកឯកជនកម្ពុជា-ឡាវ (Cambodia-Lao PDR Tourism Business-to-Business (B2B) Forum) ដែលរៀប​ចំឡើងកាលពីថ្ងៃទី៣០ ខែតុលា ក្នុងគោលបំណងជំរុញទំនាក់ទំនង និងការតភ្ជាប់រវាងផ្នែកឯកជននិងផ្នែក ជននៃប្រទេសទាំងពីរ​ក្រោម​ស្មារតី នៃផែនការសកម្មភាពរួម ស្តីពីកិច្ចសហប្រតិបត្តិកា​រទេសចរណ៍​កម្ពុជា-ឡាវ ២០២៣-២០២៤។ កិច្ចប្រជុំបានអនុម័តលើកំណត់ហេតុកិច្ចប្រជុំក្រុមការងាររួមស្តីពីកិច្ចសហប្រតិបត្តិការទេសចរណ៍កម្ពុជា-ឡាវ លើកទី៣ និងផែនការ​សកម្មភាពរួម ស្តីពីកិច្ចសហប្រតិបត្តិការកម្ពុជា-ឡាវ ២០២៥-​២០២៦ ដោយផ្តោតលើសកម្មភាពសំខាន់ៗ ចំនួន ១៥ ក្រោមចំណុច​កិច្ចសហប្រតិបត្តិការចំនួនបួន រួមមាន៖ ១. កិច្ចសហប្រតិបត្តិការ​លើការសម្រួលការធ្វើដំណើរ និងការឆ្លងកាត់ព្រំដែន ២.…