(ភ្នំពេញ)៖ កម្ពុជា នឹងរៀបចំព្រឹត្តិការណ៍ដ៏អស្ចារ្យ មានតែមួយគត់ក្នុងប្រទេស គឺពិព័រណ៍យន្តហោះ និងបច្ចេកវិទ្យា ប្រចំាឆ្នាំ២០២៤ ដែលនឹងប្រព្រឹត្តទៅនៅខែធ្នូ ចុងឆ្នាំនេះ ។ យោងតាមការផ្សាយនៅទំពំហ្វេសប៊ុកផ្លូវការ Air & Tech Show -ពិព័រណ៍យន្តហោះ និង បច្ចេកវិទ្យា បានបញ្ជាក់ថា ព្រឹត្តិការណ៍ពិព័រណ៍យន្តហោះ និងបច្ចេកវិទ្យា លើកទី៤នេះ នឹងប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី ១៣ ដល់ថ្ងៃទី ១៥ ខែធ្នូ ឆ្នាំ២០២៤ នៅមូលដ្ឋានទ័ពអាកាសពោធិចិនតុង ។ ការដាក់តាំងពិព័រណ៍នេះ នឹងបើកឲ្យសាធារណៈជនទូទៅ ទាំងភ្ញៀវជាតិ និង​អន្តរជាតិ បានចូលទស្សនាដោយសេរី ស្តង់ដែលដាក់តាំងបង្ហាញប្រភេទ​យន្តហោះផ្សេងៗជាច្រើនគ្រឿង រួមមានទាំងយន្តហោះក្នុងប្រទេស និងមកពី​ក្រៅប្រទេស និងឧបករណ៍បច្ចេកវិទ្យាប្លែកៗ ដែលកើតចេញគំនិតច្នៃប្រឌិតឥត​ដែនកំណត់របស់យុវជនកម្ពុជា ។ នៅក្នុងរយៈពេល ៣ថ្ងៃនៃព្រឹត្តិការណ៍នេះ ក៏នៅ​មាន ការធ្វើបទបង្ហាញចែករំលែកចំណេះដឹងផ្សេងៗ ពីសំណាក់សហគ្រិនមកពី​បណ្ដា​ក្រុម​ហ៊ុនផ្សេងៗដែលពាក់ព័ន្ធនឹងវិស័យបច្ចេកវិទ្យាផងដែរ។ សេចក្តីរាយការណ៍បានបញ្ជាក់ថា នៅក្នុងពិធីនោះ ក្រៅពីពិព័រណ៍យន្តហោះ និង បច្ចេកវិទ្យា លើកទី៤ ក៏មានរៀបចំនូវការប្រកួតប្រជែងស្នាដៃបច្ចេកវិទ្យា…

ព្រះវិហារ៖ព្រះរាជអាជ្ញារងនៃអយ្យការអមសាលាដំបូងខេត្តព្រះវិហារ លោក ស្រេង វុទ្ធា បានដឹកនាំកម្លាំងចម្រុះ ក្នុងនេះមាន​សមត្ថកិច្ច​នៃមន្ទីររ៉ែ និងថាមពលខេត្ត កម្លាំងកងរាជអាវុធហត្ថខេត្ត ចុះបង្ក្រាប​និងកម្ទេចសម្ភារនៅ​រណ្តៅជីករុករករ៉ែមាស​ខុសច្បាប់ពីរកន្លែង​ទាំងស្រុងកាលពីថ្ងៃទី២១ ខែតុលា ឆ្នាំ២០២៤ ស្ថិតក្នុងភូមិរំដេង ឃុំរមទម ស្រុករវៀង។ ទាក់ទងនឹងការបង្ក្រាបនិងកម្ទេចសម្ភារនៅ​រណ្តៅជីករុករករ៉ែមាស​ខុសច្បាប់ពីរកន្លែងនេះ លោក ស៊ុន ចន្ទ័រក្សា ប្រធានមន្ទីររ៉ែ និងថាម​ពលខេត្តព្រះវិហារបានប្រាប់អ្នកសារព័ត៌មានថា កន្លងមកក្រុម​ការងារមន្ទីរបានចុះអប់រំ ណែនាំ​ដល់ប្រជាពលរដ្ឋនៅក្នុងតំបន់​ភ្នំលុងនោះជាច្រើនដង ដើម្បីការពារអាយុជីវិតកម្មករ។ អាជ្ញាធរអនុញ្ញាតឱ្យជីក​តែរណ្តៅរាក់ៗ។​ហាមជីកលុងជ្រៅ។លោកបានបន្តថា ទីតាំងជីករុករករ៉ែមាសខុសច្បាប់ទាំង២ ដែលសមត្ថកិច្ចចុះបង្ក្រាប គឺទី ១.ម្ចាស់​ឈ្មោះ បូរ នៅជាប់ជើងភ្នំលុង ត្រូវបានក្រុមសន្តិសុខយកគ្រឿងចក្រកាយលុបរណ្តៅចោល និងទី២.មិនស្គាល់អត្តសញ្ញាណម្ចាស់​នោះ​ទេ តែទីតាំងទី២នេះ បានធ្វើនៅក្នុងដីឡូត៍ផ្ទះចែឆយ ត្រូវសមត្ថកិច្ចកម្ទេចចោលទាំងស្រុង។ ជាមួយនឹងការបង្រ្កាបនេះលោក ស៊ុន ចន្ទ័រក្សា បានអំពាវ​នាវដល់ប្រជាពលរដ្ឋនៅក្នុងតំបន់ភ្នំលុងទាំងអស់ ជាពិសេសកម្មករ​ដែល​ចំណាកស្រុក មកធ្វើជាកម្មករជីរុករករ៉ែមាស សូមកុំជឿតាមការលួងលោម​បោកបញ្ឆោតរបស់ថៅកែៗ ជីករុករករ៉ែមាសខុសច្បាប់ និងគ្មានបច្ចេកទេសត្រឹមត្រូវនោះទៀត ព្រោះជាហេតុនាំឱ្យគ្រោះថ្នាក់ដល់អាយុជីវិត ។ គួរបញ្ជាក់ថា ទីតាំងជីករុករករ៉ែមាសខាងលើ គឺជាទីតាំងដែលរាជ​រដ្ឋាភិបាល បានផ្តល់សិទ្ធឱ្យក្រុមហ៊ុនដែលខម កម្ពុជា ធ្វើការស្រាវ​ជ្រាវរុករករ៉ែមាស ។ជាមួយគ្នានេះអាជ្ញាធរ និងមន្ទីរជំនាញបាន​ហាមមិនឱ្យប្រជាពលរដ្ឋ ជីករុករករ៉ែមាសដោយគ្មាន​បច្ចេកទេស​ត្រឹមត្រូវនោះទេ…

កំពង់ឆ្នាំង៖ផ្លូវក្រួសសក្រហម៣កន្លែង ឆ្លងកាត់ទៅវត្តសិរីគង្គា ហៅ​វត្តត្រពាំងខ្ចៅ ស្ថិតនៅភូមិដើមពពេល ឃុំថ្មឥដ្ឋ ស្រុកកំពង់ត្រឡាច ខេត្តកំពង់ឆ្នាំង កាលពីពេលថ្មីៗនេះត្រូវបានជំនន់​ទឹកភ្លៀង​បុកផ្តាច់ បន្ទាប់ពីមានភ្លៀងធ្លាក់ខ្លាំងជាប់ៗគ្នា។ដើម្បី​សម្រួលការ​ធ្វើដំណើរជូនប្រជាជន អាជ្ញាធរមូលដ្ឋានបានជួសជុលឡើងវិញ។ លោក អ៊ុក សារ៉ុម មេឃុំថ្មឥដ្ឋ បានប្រាប់ថា ប៉ុន្មានថ្ងៃកន្លងទៅនេះ ដោយសារភ្លៀងធ្លាក់ខ្លាំងជាប់ៗគ្នាបង្កឱ្យមានជំនន់ទឹកភ្លៀងលិចភូមិឋាន​ លិចផ្លូវធ្វើដំណើរ។ពិសេសនៅផ្លូវចូលទៅវត្តសិរីគង្គា ហៅ​វត្តត្រពាំងខ្ចៅ ត្រូវទឹកជំនន់បុកផ្តាច់ចំនួន៣កន្លែង។លោកបន្តថា ផ្លូវមួយខ្សែនេះមានសារៈសំខាន់សម្រាប់ប្រជាពលរដ្ឋក្នុងតំបន់ ពិសេសការដឹកផលិតកសិកម្មទៅកាន់ទីផ្សារនិងសិស្សានុសិស្សទៅ​សាលារៀន​​ជាដើម ។ ជួយដោះស្រាយបន្ទាប់នៅថ្ងៃទី២២ ខែតុលា ឆ្នាំ២០២៤ លោក វន ស៊ីផា អភិបាលស្រុកកំពង់ត្រឡាចរួមជាមួយមន្រ្តី​មូលដ្ឋាន បានដឹក​នាំ​កម្លាំងចុះជួសជុលផ្លូវមួយខ្សែនេះជាបណ្ដោះអាសន្នឡើងវិញ ដើម្បីជួយ​សម្រួលដល់ចរាចរណ៍ប្រជាពលរដ្ឋ ពិសេស ពុទ្ធបរិស័ទដែល​នឹងដង្ហែ​អង្គកឋិនទានចូលមកក្នុងវត្តនេះនៅថ្ងៃទី២៦ ខែតុលាខាង​មុខ។ទន្ទឹមនេះរដ្ឋបាលស្រុក បានណែនាំដល់​អាជ្ញាធរមូលដ្ឋាន​សិក្សាលើ​ផលប៉ះពាល់ផ្សេងៗ ដើម្បីកំណត់ថា អាចដាក់លូបាន​ឬយ៉ាងណា ដើម្បីបញ្ជៀសការលិចទឹកជាថ្មីម្ដង​ទៀត៕ ដោយ៖សុខ គឹមសៀន

(សៀមរាប)៖ ក្នុងពិធីបិទវគ្គបណ្តុះបណ្តាលកម្រិតបឋម វិជ្ជាជីវៈនគរបាល ជំនាន់ទី១៨ លើកទី២ នៅសាលានគរបាលជាតិភូមិភាគ ៤ ខេត្តសៀមរាប នាថ្ងៃទី ២១ ខែតុលា ឆ្នាំ ២០២៤ ឧត្តមសេនីយ៍ឯក សាស្ត្រាចារ្យ ប្រាក់ ណារ៉ុង អនុប្រធានបណ្ឌិត្យសភានគរបាលកម្ពុជា តំណាងឲ្យ ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ប្រធានសភានគរបាលកម្ពុជា គូសបញ្ជាក់ថា កងកម្លាំងនគរបាលជាតិ បានកំពុងធ្វើទំនើបកម្ម និងពង្រឹងសមត្ថភាពវិជ្ជាជីវៈ ដើម្បីឆ្លើយតបនឹងស្ថានការណ៍ សន្តិសុខ ដែលកំពុងផ្លាស់ប្តូរ ។ ឧត្តមសេនីយ៍ទោ សាយ រឹទ្ធិសក្តិ នាយកសាលានគរបាល បានរាយការណ៍អំពីលទ្ធផលនៃការបណ្តុះបណ្តាលដល់សិស្សនគរបាល និងការកសាងសមត្ថភាពរបស់អង្គភាពថា វគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៨ លើកទី ២ ដែលមានរយៈពេលបណ្តុះបណ្តាល ចំនួន ៤ខែ មានសិស្សនគរបាល ១៨៣នាក់ ។ ឧត្តមសេនីយ៍ឯក សាស្ត្រាចារ្យ ប្រាក់ ណារ៉ុង បានថ្លែងថា ក្រសួងមហាផ្ទៃ…

(ភ្នំពេញ)៖បញ្ញាសិប្បនិម្មិតឬអេអាយ(AI) ជាបច្ចេកវិទ្យាមួយដែលជួយសម្រួលដល់​ការងាររបស់យើងបានច្រើនណាស់ និងវាបានផ្តល់នូវប្រយោជន៍ដ៏ធំធេង ក្នុងនេះដូច​ជាជួយកាត់បន្ថយតម្លៃ និងពេលវេលាជាដើម។ ឯកឧត្តមបណ្ឌិត សំសិទ្ធ សេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍ និង​ព័ត៌មាននៃក្រសួងប្រៃសណីយ និង ទូរគមនាគមន៍បានថ្លែងនាចុងសប្តាហ៍កន្លង​មកនេះ​នៅក្នុងពេលបើកសិក្ខាសាលាពិគ្រោះយោបល់លើ​សេចក្តីព្រាង​”មគ្គុទេស​ក៍បន្ថែម​របស់អាស៊ានស្តីពីអភិបាលកិច្ច និងសីលធម៌បញ្ញាសិប្បនិម្មិតសម្រាប់​បញ្ញា​សិប្បនិម្មិតបង្កើតមាតិកា”ឱ្យដឹងថា៖សម្រាប់បច្ចុប្បន្នការអភិវឌ្ឍន៍ អេអាយ នៅ​កម្រិត​ទាប តែវាជិតដល់កម្រិតដូចមនុស្សហើយ (វាមិនទាន់អាចដូចមនុស្សទេ) ដែលវា​អាចត្រូវការដល់ឆ្នាំ២០៣០ឬ ២០៥០ទើបវាអាចវិវឌ្ឍន៍ដល់កម្រិតនេះបាន។ជាទូទៅនៅលើពិភពលោកគេចង់ឱ្យមានការប្រើប្រាស់ អេអាយឱ្យបានច្រើន។កាលណារឹតបន្តឹងពេកវាអត់បានធ្វើឱ្យមានការរីកចម្រើនខ្លាំងទេ។ ឯកឧត្តមបានលើកឡើងថា៖តាមពិតអេអាយមាន៣កម្រិតផ្សេងគ្នា ក្នុងនេះទី១ អេអាយ កម្រិតទាប ទី២កម្រិតដូចមនុស្ស។ សម្រាប់ អេអាយទាប គឺយើងជាអ្នក​បង្រៀនវា ឱ្យចេះ ឱ្យវាឆ្លាត ហើយវាមិនអាចគិតផ្សេងពីអ្វីដែលយើងបង្រៀនវាទេ។ដោយឡែកសម្រាប់ អេអាយ កម្រិតដូចមនុស្ស គឺវាមានសមត្ថភាពឆ្លាតដូចមនុស្ស​យើង​អញ្ចឹង ពោលគឺវាអាចសិក្សាពីបរិស្ថានជុំវិញ ហើយវាក៏អាចបង្កើតចំណេះ​ដឹង​ថ្មីៗ​ខ្លួនឯង។ បែបនេះហើយទើបវាអាចជួបហានិភ័យដោយសារការឆ្លាត​វាងវៃ​របស់វា។សម្រាប់ អេអាយ កម្រិតខ្ពស់គឺសមត្ថភាពរបស់វាលើសមនុស្ស ឆ្លាតលើសមនុស្ស។ ឯកឧត្តមបានបញ្ជាក់បន្ថែមថា ”បើយើងនិយាយ អេអាយ កម្រិតទាប គឺវាមិនសូវមាន​ហានិភ័យប៉ុន្មានទេ ពីព្រោះថា អេអាយ វាកើតឡើង ដោយសារ ការបង្ហាត់បង្រៀន របស់​មនុស្ស។គ្រឿងម៉ាស៊ីន បញ្ចូលទិន្នន័យដោយមនុស្សយើង ជាអ្នករៀបចំ។ អេអាយ បែបនេះការឆ្លាតរបស់វានៅមានកម្រិត…