(កំពង់ឆ្នាំង)៖ ឯកឧត្ដម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បានថ្លែងកោតសរសើរដល់ប្អូនៗជាសិស្សនគរ​បាលជ័យលាភីទាំងអស់ ដែលបានខិតខំសិក្សាទទួលបានជោគជ័យ ព្រមទាំងបានផ្ដាំផ្ញើឱ្យបន្តការសិក្សា ដកស្រង់បទពិសោធ ពង្រឹង និងពង្រីកចំណេះដឹងឱ្យកាន់តែទូលំទូលាយបន្ថែមទៀត ដើម្បីបំពេញភារកិច្ច​ទទួលខុសត្រូវបានល្អប្រសើរជូនជាតិ និងប្រជាពលរដ្ឋ។ នេះជាប្រសាសន៍លើកឡើងរបស់ ឯកឧត្ដម អភិសន្តិបណ្ឌិត ស សុខា ក្នុងពិធីបិទវគ្គបណ្តុះបណ្ដាលកម្រិតបឋមវិជ្ជាជីវៈនគរបាល ជំនាន់ទី១៨ លើកទី២ ដែលមានសិស្សនគរបាលជ័យលាភីចំនួន១៨២នាក់ នារី៥៧នាក់ នៅសាលានគរបាលជាតិភូមិភាគ៦ ខេត្តកំពង់ឆ្នាំង នាព្រឹកថ្ងៃទី១៧ ខែតុលា ឆ្នាំ២០២៤ ។ ឯកឧត្ដម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងថា ក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណរបស់រាជរដ្ឋាភិបាល ក្រោមការដឹកនាំដ៏ឈ្លាសវៃ និងទស្សនវិស័យជឿនលឿនរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភានេះ ក្រសួងមហាផ្ទៃបានដាក់ចេញនូវកម្មវិធីកំណែទម្រង់ច្បាស់លាស់ទាក់ទង់នឹងវិស័យសន្តិសុខ ដោយផ្ដោតលើគោលដៅ៣សំខាន់ៗ: ទី១- ការបណ្តុះបណ្ដាលដើម្បីពង្រឹងសមត្ថភាពវិជ្ជាជីវៈកងកម្លាំងនគរបាលជាតិក្នងការបម្រើជាតិ និងប្រជាពលរដ្ឋឱ្យបានកាន់តែល្អប្រសើរ។ ទី២- ការពង្រឹងសមត្ថភាព និងបន្តជម្រុញវឌ្ឍនភាពបណ្ឌិត្យសភានគរបាលកម្ពុជា…

ព្រះវិហារ៖ក្នុងបរិវេណសាលាបឋមសិក្សាថ្មល់បំបែក ភូមិថ្នល់បំបែក ឃុំថ្មី ស្រុកគូលែន ខេត្តព្រះវិហារ មានអគារសិក្សា​មួយខ្នង​សង់ អំពីឈើ ដំបូលប្រក់ស័ង្កសី មានបីបន្ទប់ និងមានរោងអាហារមួយ ។អគារ​នេះត្រូវបានសាងសង់ដោយសហគមន៍ និងnbsp នា​ឆ្នាំ១៩៩៣ ។ ដោយសារអាយុកាល និងសំណង់ជាប្រភេទឈើផងនោះ បច្ចុប្បន្ន​អគារសិក្សាមួយនេះបានធ្លាក់ក្នុងសភាពទ្រុឌទ្រោមខ្លាំង ដែល​អាច​បង្កគ្រោះថ្នាក់ជាយថាហេតុបាន ។បន្ទាប់ពីទទួលនូវសេចក្តីរាយការណ៍ និងមានការយកចិត្តទុកដាក់ពីឯកឧត្តមអភិបាល​ខេត្ត​ អគារ​ចំណាស់​មួយនេះត្រូវបានជួសជុលឡើងវិញ​។ទន្ទឹមនេះកាលពីថ្ងៃទី១៦ ខែតុលា ឆ្នាំ២០២៤ អភិបាលខេត្តព្រះវិហារ​ឯកឧត្តម គីម រិទ្ធី បានដឹកនាំមន្ត្រី​ខេត្ត ក្រុង ស្រុក មន្ត្រីមូលដ្ឋាន និងមានការ​ចូលរួមពីសហគមន៍​មូលដ្ឋាន ក្រុមការងារសហ​ភាព​សហព័ន្ធយុវជនកម្ពុជា (ស.ស.យ.ក) នាយកសាលា លោកគ្រូ អ្នកគ្រូ ចុះពិនិត្យ និងជួយ​ជុល​កែលម្អឡើងវិញ​ដើម្បីជា​ប្រយោជន៍​ដល់សិស្សានុសិស្ស បន្តការសិក្សាក្នុងអគារ​នេះ​ដោយពុំមានការព្រួយបារម្ភ។ ដោយសារការប្រើប្រាស់កម្លាំងរួមគ្នាអគារសិក្សាដែលមានបណ្ដោយ ២២ម៉ែត្រ និងទទឹង៩ម៉ែត្រត្រូវបានជួសជុលកែលម្អ​ប្រមាណ​៩០​ភាគរយហើយ ។បច្ចុប្បន្នកំពុងដំណើរការចាក់សាបនៅរោង​អាហារ​របស់សិស្ស។បន្ទាប់ពីជួសជុលរួចអគារនេះនឹងដាក់​ឱ្យ​​ដំណើរ​ការ​សម្រាប់ឆ្នាំសិក្សា២០២៤-២០២៥ ខាងមុខ។ រួមចំណែកក្នុងការជួសជុលលោក ចាប កុយ ប្រធានមន្ទីរធនធានទឹក និងឧតុនិយមខេត្តព្រះវិហារបានជួយធ្វើការផ្លាស់ប្តូរស័ង្កសី​ចាស់​ចេញដោយប្រក់ជំនួសមកវិញនូវស័ង្កសីថ្មី ដែលមានគុណភាពខ្ពស់ ។រីឯការជួសជុល​ឡើងវិញអគារសិក្សា នឹងត្រូវចំណាយ​ជាង១៣លាន​រៀល ក្នុងនោះឯកឧត្តមអភិបាលខេត្តព្រះវិហារបានឧបត្ថម្ភថវិកាជាង ៧លានរៀល ក្នុងដំណើរ​ការ​ជួសជុលនិង​ឈាន​ទៅបញ្ចប់នៅក្នុងការ​ជួស​ជុលទាំងស្រុង។…

(ខេត្តកណ្តាល)៖ ខណៈជួបសំណេះសំណាល ជាមួយកីឡាករចំណុះទូកទាំងអស់ ក្នុងព្រឹត្តិការណ៍ប្រណាំងទូកក្រុងតាខ្មៅរយៈពេល២ថ្ងៃចាប់ពីថ្ងៃទី១៧-១៨តុលា២០២៤ នៅសួនច្បារមាត់ទន្លេបាសាក់ ឯកឧត្តម គួច ចំរើន អភិបាល នៃគណៈអភិបាល​ខេត្ត​ក​ណ្តាល បានណែនាំក្រុមកីឡាចំណុះទូកទាំងអស់ ត្រូវ​យក​ចិត្តទុកដាក់ គោរព​វិន័យ ពេលប្រកួតឲ្យបានម៉ឹងម៉ាត់ តាមគោលការណ៍របស់​ខេត្ត ដើម្បីឲ្យការប្រកួត​ទទួល​បានជោគជ័យល្អប្រសើរ។ ពិធីជួបសំណេះសំណាលនេះធ្វើឡើង នៅមុខសួនច្បារក្រុងតាខ្មៅកាលពីថ្ងៃទី១៧ តុលា ឆ្នាំ២០២៤ ឯកឧត្តម អភិបាលខេត្ត ក៏បានកោតសរសើរចំពោះក្រុមកីឡាករ​ចំណុះទូកទាំងអស់ ដែលបានចូលរួម ញុាំងឲ្យការរៀបចំពិធីនេះ មានភាពអធីក​អធមក្រៃលែង។ ឯកឧត្តម អភិបាលខេត្ត បន្តថា៖ការប្រណាំងទូកនាពេលនេះ គឺមិនគ្រាន់តែ នាំមកនូវសុខភាព សាមគ្គីភាព មិត្តភាព ប៉ុណ្ណោះទេ ប៉ុន្តែវាបានរក្សា នូវប្រពៃណី ទំនៀមទម្លាប់ របស់បុព្វបុរស យើងមានតាំងពីយូរយាមកហើយ។ ការប្រឡង​ប្រ​ណាំង​មានឈ្នះមានចាញ់ ប៉ុន្តែអ្វីដែលសំខាន់នោះគឺយើងត្រូវបង្កើនសមត្ថភាព ឲ្យបានខ្លាំងក្លា ដើម្បីដណ្តើមជ័យលាភី ជូនមូលដ្ឋាន របស់ខ្លួន ឲ្យល្អបានប្រសើរបំផុត។ គួរបញ្ជាក់ថា៖ការប្រណាំងទូកក្រុងតាខ្មៅឆ្នាំនេះ មានទូកចូលរួមប្រណាំងចំនួន ៦៦ទូក ក្នុងនោះ៖ ទូកអុំចំនួន៣៣ទូក ទូកចែវ០៦ទូក ,ទូកអន្តរជាតិ ២៧ទូក ។…

សៀមរាប៖សន្និបាតបូកសរុបលទ្ធផលការងារឆ្នាំ ២០២៤ និង​លើកទិសដៅការងារឆ្នាំ ២០២៥ របស់មន្ទីររៀបចំដែនដីនគរូប​នីយកម្ម សំណង់ និងសុរិយោដីខេត្តសៀមរាបបានបិទបញ្ចប់កាល​ពីរសៀល​ថ្ងៃទី១៦ ខែតុលា ឆ្នាំ២០២៤ក្រោមធិបតីភាព​លោក ហែន ពុទ្ធី អភិបាលរងខេត្តសៀមរាប តំណាងឯកឧត្តម ប្រាក់ សោភ័ណ អភិបាលខេត្ត។ លោក ហ៊ី សាយ ប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដីខេត្តសៀមរាប បានលើកឡើងថា វិស័យរៀប​ចំ​ដែនដី និងនគរូបនីយកម្ម គឺជាតួអង្គសំខាន់ក្នុងការចូលរួមអភិវឌ្ឍន៍​ប្រទេសជាតិ។ គោលដៅសំខាន់ៗរបស់មន្ទីររួម​មានការ​រៀប​ចំប្លង់ប្រើប្រាស់ដីរាជធានី-ខេត្ត និងផែនការប្រើប្រាស់ដីថ្នាក់ឃុំសង្កាត់ ដើម្បីធានាប្រសិទ្ធភាពនៃការប្រើប្រាស់ដី។សម្រាប់ឆ្នាំ ២០២៥ គោលដៅអភិវឌ្ឍន៍នឹងផ្តោតទៅលើការរៀបចំតំបន់រមណីយដ្ឋានអង្គរ និងបន្តការចុះបញ្ជីដីតំបន់បុរាណដ្ឋានដែលមានចំនួន ១១ ៥៥៩ កន្លែងបុរាណដ្ឋានតាមការស្នើសុំរបស់អាជ្ញាធរជាតិអប្សរា។ មានប្រសាសន៍ក្នុងឱកាសនេះដែរលោក ហែន ពុទ្ធី អភិបាលរង​ខេត្តបានសរសើរការងាររបស់មន្ទីររៀបចំដែនដី ខេត្តសៀមរាប ដែលបានអនុវត្តការងារចុះបញ្ជីក្បាលដីដោយសម្រេចបានលទ្ធផលល្អ ដែលស្របតាមផែនការយុទ្ធសាស្ត្រ និងគោលនយោ​បាយជាតិកម្ពុជា។ លោកក៏បានអំពាវនាវឱ្យអាជ្ញាធរមូលដ្ឋាន និងមន្ទីរនានាចូលរួម​សហការជាមួយមន្ទីរ ដើម្បីផ្តល់សេវា​សាធារណៈ​ដល់ប្រជាពលរដ្ឋ​ឱ្យកាន់តែមានប្រសិទ្ធភាព ជាពិសេសក្នុងការចុះបញ្ជីដីក្នុងបរិយាកាស​គ្មានវិវាទ និងការផ្តល់សេវាគាប់ចិត្ត។ លោកក៏បានផ្តល់អនុសាសន៍ល្អៗជាច្រើនដល់មន្ត្រីប្រតិបត្តិ និង​អាជ្ញាធរ​មូលដ្ឋាន ដើម្បីធានាឱ្យការចុះបញ្ជីដីធ្លីនៅតំបន់ ៣ និងតំបន់ ២ បឹងទន្លេសាប…

(ខេត្តកែប)៖ ឯកឧត្តម តូច ប៊ុនហួរ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៦ ខែតុលា ឆ្នាំ២០២៤ បានអញ្ជើញចូលរួមក្នុងពិធីទិវាស្បៀងអាហារពិភពលោកឆ្នាំ២០២៤ ក្រោមប្រធានបទ”សិទ្ធិទទួលបានអាហារដើម្បីជីវិត និងអនាគតកាន់តែប្រសើរ” នៅភូមិថ្មី សង្កាត់ព្រៃធំ ក្រុងកែប ខេត្តកែប។ ឯកឧត្តម ហ៊ួរ មិថុនា អភិបាលរងខេត្ត តំណាងដ៏ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអបអរសាទរចំពោះកម្មវិធីនេះ ដែលជាសក្ខីភាពនៃការចូលរួមចំណែករបស់រាជរដ្ឋាភិបាលគាំទ្រដល់សកម្មភាពនៃចលនាអង្គការស្បៀង និងកសិកម្មពិភពលោក ដែលមានកាតព្វកិច្ចលើការងារចលនាអោយមានការគិតគូរពីសន្តិសុខ និងសុវត្ថិភាពស្បៀង និងអាហារូបត្ថម្ភដល់ប្រជាពលរដ្ឋ និងមនុស្សជាតិទាំងមូល។ លោកអេះសាន់ ខាបៀរ និងលោកម៉េង ចាន់ធឿន តំណាងកម្មវិធីស្បៀងអាហារពិភពលោក ថ្លែងអំណរគុណក្រសួងកសិកម្ម ដែលបានដឹកនាំរៀបចំ ផ្តល់ការណែនាំការប្រារព្ធពិធីសម្រាប់ឆ្នាំនេះ ដែលនេះជាយុទ្ធសាស្ត្រសំខាន់មួយដោយធានាថាចក្ខុវិស័យរួមស្តីពីបញ្ហាសន្តិសុខស្បៀង និងការអភិវឌ្ឍប្រកបដោយចីរភាព បន្តរីកចម្រើន និងឆ្ពោះទៅមុខជាដរាប។ បើតាមលោកទាំងពីរ ទិវាស្បៀងអាហារពិភពលោក ប្តេជ្ញាកសាងប្រព័ន្ធស្បៀងប្រកបដោយនិរន្តរភាព និងបរិយាប័ន្ន រួមគ្នាសម្រេចឱ្យបាននូវភាពប្រសើរទាំង៤ គឺ ៖ ផលិតកម្មកាន់តែប្រសើរ អាហារូបត្ថម្ភកាន់តែប្រសើរ…

បាត់ដំបង៖រដ្ឋបាលខេត្តបាត់ដំបង បានប្រារព្ធបើកពិធីប្រណាំងទូក និងបណ្ដែតប្រទីបជាផ្លូវការកាលពីរសៀលថ្ងៃទី១៦ ខែតុលា ឆ្នាំ​២០២៤ នៅតាមដងស្ទឹងសង្កែ ក្រុងបាត់ដំបងដែលមាន ទូកចូលរួម​ប្រកួតប្រជែងចំនួន៤២ទូក និងកីឡាករ-កីឡា​ការិនីចំនួន ១ ៤៩០​នាក់។ពិធីនេះប្រព្រឹត្តទៅរយៈពេល២ថ្ងៃចាប់ពីថ្ងៃទី១៦-១៧ ខែតុលា​ក្រោមអធិបតីភាពឯកឧត្តម អ៊ុយ រី ប្រធានក្រុមប្រឹក្សា​ខេត្ត និង ឯកឧត្តម សុខ លូ អភិបាលខេត្តបាត់ដំបង។ ក្នុងពិធីបើកឯកឧត្តម សុខ លូ អភិបាលខេត្តបាត់ដំបង មានប្រសាសន៍​ថា ក្នុងព្រឹត្តិការណ៍​បុណ្យអុំទូក បណ្ដែតប្រទីបឆ្នាំនេះដែរ គណៈកម្មការ​ខេត្តបានរៀបចំនូវកម្មវិធីមួយចំនួនមាន ការប្រណាំងទូក​ បណ្ដែត​ប្រទីប បង្ហោះ​គោម បាញ់កាំជ្រួច ការតាំងពិព័រណ៍​ផលិតផល និងការប្រគំតន្ត្រី ។ឯកឧត្តមបន្តថា ការរៀបចំព្រឹត្តិការណ៍នេះពុំត្រឹមតែ​ជា​ការថែរក្សា អភិរក្សទំនៀមទម្លាប់ប្រពៃណី​ពីដូនតានិយាយជារួម និងនិយាយដោយឡែកសម្រាប់ខេត្តបាត់ដំបងប៉ុណ្ណោះទេ តែក៏​ដើម្បីបង្កើត​បរិយាកកាសសប្បាយរីករាយជូន​ប្រជាជននៅក្នុងខេត្តផង និងដើម្បីទាក់ទាញភ្ញៀវទេសចរជាតិ អន្តរជាតិ និងប្រជា​ពលរដ្ឋ​ពីទី​ជិត​ឆ្ងាយ​បានមកទស្សនាកម្សាន្ត និងបានឃើញសមិទ្ធផលនានា នៅក្នុងក្រុងបាត់ដំបង ខេត្តបាត់ដំបង ដែលកំពុងមាន​ការអភិវឌ្ឍ។ ឯកឧត្តមអភិបាលខេត្តបាត់ដំបង បានរំលេចពីសមិទ្ធផលនានាថា ដូចជាទីធ្លាសួនច្បារសាធារណៈជាច្រើនកន្លែង​សម្រាប់ដើរហាត់​ប្រាណ ,សួនសម្តេចក្រឡាហោម ,វិមានឯករាជ្យ ,សួនធ្នង់៥៣វិមានឯករាជ្យ ,ការរៀបចំសោភណភាពច្រាំងស្ទឹងសង្កែ ,ការស្តារ​ប្រព័ន្ធលូដែលជា​គម្រោងរបស់ធនាគារអភិវឌ្ឍន៍អាស៊ី,ការក្រាលកៅស៊ូផ្លូវក្នុងក្រុង ,ការរៀបចំសួនច្បារ…

ក្រចេះ៖ ប្រជាកសិករដែលរងផលប៉ះពាល់ពីរបបទឹកទន្លេមេគង្គ និង​ការជោរជន់លិចដោយសាររបបទឹកភ្លៀង នាពេលថ្មីៗ​កន្លង​មកនេះបាន​រូតរះស្តារដំណាំស្រូវឡើងវិញ បន្ទាប់ទឹកស្រក និងទទួលបានគ្រាប់​ពូជពីរាជរដ្ឋាភិបាល តាមរយៈអាជ្ញាធរខេត្តក្រចេះ​។ របាយការណ៍មន្ទីរកសិកម្ម រុក្ខាប្រមាញ់ និងនេសាទខេត្តក្រចេះនៅថ្ងៃទី ១៥ ខែតុលា ឆ្នាំ២០២៤ បានឱ្យដឹងថា គិតត្រឹមថ្ងៃទី១៤ ខែតុលា ប្រជា​កសិករបានធ្វើការស្ដារឡើងវិញនូវដំណាំស្រូវបានចំនួន ៥១ ភាគរយនៃចំនួន ៦ ០៥៧ គ្រួសារ ដែលទទួលបានគ្រាប់​ពូជស្រូវពី​រាជរដ្ឋាភិបាល។ មន្ទីរកសិកម្មបន្តថា ផ្ទៃដីដែលត្រូវធ្វើការស្ដារឡើងវិញ នៅក្នុងខេត្ត​ក្រចេះមានចំនួន ៥ ៨៧២ ហិកតា ។ពេលនេះ​ការស្ដារឡើងវិញ​បានចំនួន ៤៩ ភាគរយនៃផ្ទៃដីដែលត្រូវស្ដារនិងផ្ទៃដីដែលមិនទាន់​បានស្ដារឡើងវិញដោយសារទឹកមិនទាន់ស្រកផុត។ របាយការណ៍ដដែលបានបញ្ជាក់ថា កសិករដែលទទួលបានគ្រាប់​ពូជស្រូវពីរាជរដ្ឋាភិបាល ដើម្បីស្ដារឡើងវិញនៅខេត្តក្រចេះមានចំនួន៦ ០៥៧គ្រួសារ ក្នុងនេះមាន ក្រុងក្រចេះចំនួន ១៨៣ គ្រួសារ ,ស្រុកឆ្លូងចំនួន ១ ៣២៥ គ្រួសារ ,ស្រុកព្រែកប្រសព្វចំនួន ២ ០៨៨ គ្រួសារ ,ស្រុកចិត្របុរីចំនួន ២ ៣៦៩ គ្រួសារ និងស្រុកសំបូរចំនួន ៩២ គ្រួសារ៕ដោយ៖ឡុង…