ក្នុងឱកាសចម្រើនជន្មាយុគម្រប់ ៤៧ឆ្នាំ ឈានចូល ៤៨ឆ្នាំ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងលោកជំទាវ ព្រមទាំងថ្នាក់ដឹកនាំ និងមន្ត្រី​រាជការទាំងអស់នៃក្រសួងប្រៃសណីយ៍និងទូរគមនាគមន៍ សូមបួង​សួង​ដល់វត្ថុស័ក្តិសិទ្ធិក្នុងលោក និងទេវតាឆ្នាំថ្មី តាមបីបាច់ថែរក្សា និងប្រសិទ្ធិពរជ័យ សិរីមង្គល បវរមហាប្រសើរជូនចំពោះ សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ព្រមទាំង​បុត្រាបុត្រីមា​បញ្ញាញាណភ្លឺថ្លាត្រចះត្រចង់ កាយពលរឹងមាំខ្លាំងក្លា សុខភាព​ល្អបរិបូរណ៍ ជន្មា​យុយឺនយូរ និងសូមប្រកបដោយពុទ្ធពរដ៏ថ្លៃថ្លាទាំង ៥ប្រការ គឺ អាយុ វណ្ណៈ សុខៈ ពលៈ និង បដិភាណៈ កុំបីឃ្លៀងឃ្លាតឡើយ ៕ ដោយ ៖ ង៉ាន់ទិត្យ

កណ្តាល៖រដ្ឋបាលខេត្តកណ្តាលបានបញ្ចប់ដោយ​ជោគជ័យនិងបង្កនូវភាពសប្បាយក្នុងការប្រារព្ធពិធីអុំទូកប្រចាំខេត្ត រយៈពេលពីរថ្ងៃចាប់ពីថ្ងៃទី១៧ ដល់ថ្ងៃទី១៨ ខែតុលា ឆ្នាំ២០២៤ កន្លងទៅនេះ ដោយមានប្រជា​ពលរដ្ឋប្រមាណ ១៨ ម៉ឺននាក់ បានមកចូលរួមទស្សនា​និងដើរកម្សាន្តតាមស្តង់លក់ដូរនានាដែលរៀបចំដោយរដ្ឋបាលខេត្ត។ បន្ទាប់ពីបញ្ចប់ព្រឹត្តិការណ៍ដែលប្រារព្ធនៅដងទន្លេបាសាក់នៃក្រុងតាខ្មៅ រដ្ឋបាលខេត្តកណ្តាលបានឱ្យដឹងថា​ ថ្ងៃអុំទូកទី១ ប្រជាពលរដ្ឋប្រមាណ៨ម៉ឺននាក់បានចូលរួម ខណៈថ្ងៃទី២ដែលជាថ្ងៃបញ្ចប់មានអ្នកមកទស្សននិងកម្សាន្តប្រមាណ​ ១០ម៉ឺននាក់។ ពិធីប្រណាំងទូកក្រុងតាខ្មៅឆ្នាំនេះបានប្រព្រឹត្តទៅក្រោមវត្តមាន ឯកឧត្តមបណ្ឌិត ម៉ៅ ភិរុណ តំណាងរាស្ត្រ​មណ្ឌលខេត្តកណ្តាល ឯកឧត្តម នូ សាខន ប្រធានក្រុម​ប្រឹក្សាខេត្តកណ្តាល ឯកឧត្តម គួច ចំរើន អភិបាលខេត្ត​កណ្តាលព្រមទាំង សមាជិកក្រុមប្រឹក្សាខេត្ត គណៈអភិ​បាល​​ខេត្ត និងមន្ត្រីអ្នកមុខអ្នកការ ជាច្រើននាក់ទៀត ។ពិធីនេះមានទូកចូលរួមចំនួន៦៦ទូក ក្នុងនោះទូកអុំ​ចំនួន៣០ទូក,ទូកចែវចំនួន៦ទូក និងទូកខ្នាតអន្តរ​ជាតិចំនួន ២៧ទូក។ កម្លាំងចំណុះទូកចំនួន​៣.៩៩៤​នាក់។ ទន្ទឹមនេះក៏មានការរៀបចំស្តង់ពិព័រណ៍លក់ផលិតផលគ្រប់ប្រភេទ ចំនួន១១២ស្តង់ ក្នុងនោះស្តង់ “ភូមិ១ផលិត១ “ចំនួន៣០ស្តង់,ស្តង់លក់ទំនិញផលិតផល និងម្ហូបអាហារ ចំនួន៨២ស្តង់៕ ដោយ៖ង៉ាន ទិត្យ

កំពង់ស្ពឺ៖ នៅមិនឆ្ងាយប៉ុន្មានពីរាជធានីភ្នំពេញ វត្តចំបក់ ស្ថិតក្នុងបស្រុកសំរោងទង ខេត្តកំពង់ស្ពឺ ព្រះគ្រូចៅអធិការ ព្រះសង្ឃ គណៈកម្មការវត្តបានទទួលបច្ច័យ​សង្កត់​ត្រៃ​ចំនួនជាង ៣៣លានរៀលពីអង្គកឋិនទានដែលដង្ហែចូល​ក្នុងសប្ដាហ៍នេះដោយឯកឧត្តម នរៈ រតនវឌ្ឍនោ រដ្ឋលេខាធិការ​ក្រសួងធម្មការ និងសាសនា និងលោកជំទាវ ព្រមទាំងពុទ្ធ​បរិស័ទ​ជិតឆ្ងាយ។ ជាមួយនឹងពិធីប្រកបដោយសទ្ធាជ្រះថ្លាក្រៃលែងចំពោះព្រះពុទ្ធសាសនានិងជំនឿពីអានិសង្សដែលអ្នកចូលរួមទាំងអស់ទទួលបានពីអង្គកឋិនទាននេះឯកឧត្តម នរៈ រតនវឌ្ឍនោ មាន​ប្រសាសន៍ថា ព្រះពុទ្ធសាសនា មិនត្រឹមតែធ្វើឱ្យបងប្អូន​ប្រជាពលរដ្ឋ បានរួមរស់ជាមួយគ្នាដោយសុខសាន្តខាង​ស្មារតីប៉ុណ្ណោះទេប៉ុន្តែថែមទាំងបានរួមចំណែកយ៉ាងសំខាន់នៅក្នុងការពង្រឹងសណ្ដាប់ធ្នាប់ សុខសន្តិភាព ស្ថេរភាព​សង្គម ការអភិវឌ្ឍលើគ្រប់វិស័យ និងថែរក្សាការពារ​អត្តសញ្ញាណវប្បធម៌ ប្រពៃណីជាតិផងដែរ។ ព្រះរតនសោភ័ណ ម៉ន បឿន ព្រះចៅអធិការវត្តចំបក់ និងជាព្រះវិន័យធរគណខេត្តកំពង់ស្ពឺមានថេរដីការថា ទាយក ទាយិកា អ្នកធ្វើកឋិនបានទទួលអានិសង្សច្រើន ។ឯភិក្ខុសង្ឃអ្នកទទួលក្រាលគ្រង និងអនុមោទនាក៏បាន​អានិសង្សដូចគ្នា​ផងដែរ ។ ក្នងនាមព្រះគ្រូចៅអធិការវត្ត បានថ្លែងអំណរគុណយ៉ាងជ្រាលជ្រៅ ឯកឧត្តម នរៈ រតនវឌ្ឍនោ រដ្ឋលេខា ធិការក្រសួងធម្មការ និងសាសនា និងលោកជំទាវ ព្រមទាំងពុទ្ធបរិស័ទជិតឆ្ងាយ ពីក្នុងនិង​ក្រៅខេត្ត ទាំងអស់ដែលបាននាំយក ត្រៃចីវរមកប្រគេន​ដល់ព្រះសង្ឃគង់ចាំព្រះវស្សាអស់កាលត្រីមាសក្នុងវត្តវត្តចំបក់និងបានចូលរួមបច្ច័យដើមី្បកសាងសមទ្ធិផលក្នុង​ទីវត្ត។បច្ច័យសង្កត់ត្រៃដែលទទួលបានពីអង្គកឋិនទានមានចំនួន ៣៣ ៥៦០ ០០០ រៀល…

(ខេត្តកំពង់ធំ)៖ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៨ ខែតុលា ឆ្នាំ២០២៤ បានអញ្ជើញចុះចែកស្រូវពូជជូនដល់ប្រជាពលរដ្ឋដែលរងផល ប៉ះពាល់ ដោយសារគ្រោះទឹកជំនន់ នៅសាលាស្រុកកំពង់ស្វាយ ខេត្តកំពង់ធំ។ ឯកឧត្តមរដ្ឋមន្រ្តី បានពាំនាំនូវការសួរសុខទុក្ខ និងការយកចិត្តទុកដាក់ ពីសំណាក់ប្រមុខ រាជរដ្ឋាភិបាល សម្ដេចមហាបវរធិបតីនាយករដ្ឋមន្ដ្រី ជូនដល់បងប្អូនប្រជាកសិករដែលរងផល ប៉ះពាល់ដោយសារគ្រោះទឹកជំនន់។ លេីសពីនេះ ឯកឧត្តមរដ្ឋមន្រ្តី បានផ្តល់អនុសាសន៍ឱ្យបង ប្អូនប្រជាកសិករចូលរួមសហការគិតគូរឱ្យបានវែងឆ្ងាយ ទទួលស្តាប់នូវការណែ នាំរបស់ក្រសួង ស្ថាប័នពាក់ព័ន្ធ ពីការព្យាករណ៍ធាតុអាកាស បំរែបំរួលអាកាសធាតុ ដេីម្បីកាត់បន្ថយនូវផល ប៉ះពាល់ ដោយមិនប្រថុយធ្វេីស្រែទាំងមានហានិភ័យខ្ពស់។ បេីតាម ឯកឧត្តម រដ្ឋមន្រ្តី គោលដៅរបស់រាជរដ្ឋាភិបាល គឺជួយបងប្អូនប្រជាកសិករ ឱ្យ មានសន្តិសុខស្បៀង និងមានប្រសិទ្ធភាពសេដ្ឋកិច្ច ពោលគឺមានហូបគ្រប់គ្រាន់ និងមានបាន ដោយរាជរដ្ឋាភិបាល មិនទុកនរណាម្នាក់ចោលនោះទេ និងតែងតែយកចិត្តទុកដាក់ ផ្តល់ជំនួយ ព្រមទាំងជួយស្តារនូវផលប៉ះពាល់កន្លងមក។ ទន្ទឹមនឹងនេះ ឯកឧត្តមរដ្ឋមន្រ្តី បានគូសបញ្ជាក់បន្ថែមថា ក្រោមការដឹកនាំដ៏ស្វាហាប់ និង…

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារជាមួយឯកឧត្តម ឯកឧត្តម វ៉ាង វិនប៊ីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា។ ជំនួបពិភាក្សាដែលធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី១៨ ខែតុលា ឆ្នាំ២០២៤នេះ ផ្តោតយ៉ាងសំខាន់ទៅលើកិច្ចសហប្រតិបត្តិការរវាងក្រសួងការងារ និងបណ្តុះបណ្តាលវិជ្ជាជីវៈ ជាមួយរដ្ឋាភិបាលនៃសាធារណរដ្ឋមប្រជាមានិតចិន លើវិស័យបណ្តុះបណ្តាលជំនាញបច្ចេកទេសនៅកម្ពុជា។ ឯកឧត្តម ហេង សួរ បានសម្តែងការស្វាគមន៍យ៉ាងកក់ក្តៅចំពោះវត្តមាន ឯកឧត្តម Wang Wenbin ជាឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា។ ជាពិសេស ឯកឧត្តមរដ្ឋមន្ត្រី ជឿជាក់ថាវត្តមាន ឯកឧត្តម Wang Wenbin នឹងជំរុញឱ្យទំនាក់ទំនងមិត្តភាពរវាងកម្ពុជា និងចិន កាន់តែស្អិតរមួតថែមទៀត។ ឯកឧត្តមរដ្ឋមន្ត្រី បានថ្លែងការអរគុណដល់រដ្ឋាភិបាលនៃប្រទេសចិនដែលជាដៃគូដ៏សំខាន់ក្នុងការបន្តអភិវឌ្ឍន៍វិស័យសង្គម-សេដ្ឋកិច្ច នៅកម្ពុជា ដូចជាវិស័យហេដ្ឋារចនាសម្ព័ន្ធ ផ្លូវ ស្ពាន អគារខ្ពស់ៗ ថាមពលអគ្គិសនី ការផ្តល់អាហារូបករណ៍សម្រាប់និស្សិតខ្មែរទៅសិក្សាបន្តនៅប្រទេសចិន ជាពិសេសវិស័យវាយនភណ្ឌ កាត់ដេរសម្លៀកបំពាក់ដែលបង្កើតការងារជាច្រើនសម្រាប់កម្ពុជា។ ទន្ទឹមនេះ ឯកឧត្តមរដ្ឋមន្ត្រី…

ភ្នំពេញ៖ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នៅថ្ងៃទី១៨ ខែតុលា បានអញ្ជើញជាអធិបតី​ក្នុងពិធីបរិច្ចាគឈាម​ដោយស្ម័គ្រចិត្ត​របស់ថ្នាក់​ដឹកនាំ មន្រ្តីរាជការ និងបុគ្គលិកនៃមន្ទីរ​ពេទ្យមិត្តភាពខ្មែរ-សូវៀតជូនដល់មជ្ឈមណ្ឌលជាតិផ្តល់ឈាម។ ក្នុងឱកាសនេះឯកឧត្តមសាស្រ្តាចារ្យរដ្ឋមន្រ្តី មានប្រសាសន៍ថា ការបរិច្ចាគឈាម គឺជាការបង្ហាញពីទឹកចិត្តការស្រឡាញ់ ការជួយ​សង្គ្រោះអាយុជីវិតទៅកាន់អ្នកជំងឺដែលត្រូវការឈាមជាចាំបាច់។ អ្នកផ្តល់ឈាមទាំងអស់ គឺជាវីរៈបុរស ហើយការផ្តល់ឈាម គឺជា​ការធ្វើអំពើល្អ ផ្តល់នូវទឹកចិត្តក្តីមេត្តា ។សូមចងចាំថាការបរិច្ចាគ​ឈាមមិនប៉ះពាល់ដល់សុខភាពទេ ហើយឈាមមានប្រភពតែ​មួយគត់ គឺពីមនុស្ស មិនមានរោងចក្រណាអាចផលិតបានទេ។ឯកឧត្តមបន្តថា តាមរយៈសកម្មភាពនេះក៏បង្ហាញឱ្យ​ឃើញនូវការ​សហការគ្នា សាមគ្គីភាព ជាធ្លុងមួយរបស់មន្ត្រីសុខាភិបាល។ឯកឧត្តម​រដ្ឋមន្រ្តី ក៏បានណែនាំដល់ថ្នាក់ដឹកនាំ មន្រ្តីរាជការ និង​បុគ្គលិកនៃមន្ទីរពេទ្យមិត្តភាពខ្មែរ-សូវៀតទាំងអស់ សូមខិតខំ​ក្នុង​ការបម្រើសេវាជូនប្រជាពលរដ្ឋ ដោយស្មារតីទឹកចិត្តសណ្ដោស អាណិតស្រឡាញ់ មេត្តាករុណា និងផ្តល់ភាពកក់ក្តៅ។ មន្រ្តីសុខា​ភិបាលនៃមន្ទីរពេទ្យទាំងអស់ មានស្មារតីរួបរួមគ្នា សាមគ្គី ចេះជួយគ្នា គោរពវិន័យ និងឯកភាពផ្ទៃក្នុង ដើម្បីនាំមកនូវការ​រីកចម្រើន​ថែមទៀតនៅក្នុងអង្គភាពរបស់ខ្លួន៕ដោយ៖ ហេង សម្បត្តិ