ភ្នំពេញ៖ ក្នុងកិច្ចប្រជុំក្រុមប្រឹក្សារាជធានីភ្នំពេញ នាថ្ងៃទី១០ ខែតុលា ឆ្នាំ២០២៤ នៅសាលរាជធានី ភ្នំពេញ ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ បានកោតសរសើរ ថ្នាក់ដឹកនាំរដ្ឋបាលរាជធានីភ្នំពេញ ដែលបានបំពេញការងារបានយ៉ាងល្អ ក្នុងការបម្រើសេវានានាជូនប្រជាពលរដ្ឋនៅមូលដ្ឋានប្រកបដោយប្រសិទ្ធភាពខ្ពស់ ។ ភាពជោគជ័យនៃការងាររបស់រដ្ឋបាលរាជធានីភ្នំពេញនេះ បានធ្វើឱ្យប្រជាពលរដ្ឋមានការកោតសរសើរ និងសាទរជាខ្លំាង ដែលបង្ហាញថា អាជ្ញាធរបានយកចិត្តទុកដាក់ជាខ្លំាងចំពោះសុខទុក្ខរបស់ប្រជាពលរដ្ឋ ។ ឯកឧត្ដម សុខ ពេញវុធ អភិបាលរងរាជធានីភ្នំពេញ បានថ្លែងថា រដ្ឋបាលរាជធានីភ្នំពេញ បានចាត់ចែងកម្លំាងនៅតាមបណ្តាខណ្ឌទាំង១៤ ក្នុងភូមិសាស្រ្តរាជធានីភ្នំពេញ ដើម្បីការពារសុវត្ថិភាព និងសន្តិសុខសណ្តាប់ធ្នាប់ជូនបេក្ខជនប្រឡងបាក់ឌុប នៅតាមមណ្ឌលប្រឡងនាថ្ងៃទី៨ និងថ្ងៃទី៩ ខែតុលា ឆ្នាំ២០២៤នេះ បានយ៉ាងល្អ បើទោះបីមានបេក្ខជនមួយចំនួន មានបញ្ហាសុខភាពរហូតដល់១៩២នាក់ក៏ដោយ ក៏មន្ទីរសុខាភិបាលរាជធានីភ្នំពេញ បានចាត់ចែងរថយន្តសង្គ្រោះបន្ទាន់ និងគ្រូពេទ្រធ្វើការសង្គ្រោះបឋមនៅតាមមណ្ឌលប្រឡងបានយ៉ាងល្អ ។ ឯកឧត្ដមបានបញ្ជាក់ថា នៅតាមមណ្ឌលប្រឡងទាំងអស់ ក្នុងភូមិសាស្រ្តរាជធានីភ្នំពេញគ្មានករណីយកលុយ ការផ្ញើរកងម៉ូតូ រថយន្ត ពីបេក្ខជនប្រឡងនិងអាណាព្យាបាល សិស្សឡើយ ដោយរដ្ឋបាលរាជធានីភ្នំពេញបានផ្គត់ផ្គង់ថវិកាក្នុង១មណ្ឌលប្រឡងចំនួន ១លានរៀលរួចហើយ។ ឯកឧត្ដម សុខ ពេញវុធបានបន្ថែមថា…

ភ្នំពេញ៖ ដោយមានការយកចិត្តទុកដាក់ចំពោះសុខទុក្ខរបស់ប្រជាពលរដ្ឋ ក្រោយទទួលបានព័ត៌មានថាជំនន់ទឹកភ្លៀងជន់លិចតំបន់មួយចំនួននៅរាជធានីភ្នំពេញ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានវិលត្រឡប់ពីបំពេញបេសកកម្មពីប្រទេសបារាំងមុនពេលកំណត់។ នៅព្រឹកថ្ងៃទី១០ ខែតុលា ឆ្នាំ២០២៤នេះ ឯកឧត្តមឃួង ស្រេងបានដឹកនាំមន្ត្រីជំនាញ និងអាជ្ញាធរខណ្ឌចុះពិនិត្យស្ថានភាពទឹកលិច និងការស្ថាបនាជញ្ជាំងប្រឡាយបេតុងនៅក្នុងមូលដ្ឋានខណ្ឌចំនួន៤មាន ខណ្ឌពោធិសែនជ័យ ខណ្ឌសែនសុខ ខណ្ឌមានជ័យ និងខណ្ឌដង្កោ ដើម្បីដោះស្រាយការលិចលង់ដោយជំនន់ទឹកភ្លៀងជូនប្រជាពលរដ្ឋភ្លាមៗតែម្តង។ ឯកឧត្តម ឃួង ស្រេង បានមានប្រសាសន៍លើកឡើងថា៖ ក្នុងនាមជាអាណាព្យាបាលប្រជាពលរដ្ឋ យើងតែងតែគិតគូរ អំពីសុខទុក្ខរបស់ពួកគាត់។ នាប៉ុន្មានថ្ងៃកន្លងមកនេះ ខណៈឯកឧត្ដមដឹកនាំប្រតិភូទៅបំពេញបេសកម្មនៅប្រទេសបារាំង ឯនៅភ្នំពេញមានភ្លៀងធ្លាក់ខ្លាំង ដែលធ្វើអោយតំបន់មួយចំនួនទទួលរងការលិចលង់ ។ ឯកឧត្ដម ថា បើទោះបី ឯកឧត្តមនៅប្រទេសបារាំងក៏ពិតមែន ប៉ុន្តែទឹកចិត្តក៏ដូចជាអារម្មណ៍នៅជាមួយនឹងបងប្អូនប្រជាពលរដ្ឋនៅរាជធានីភ្នំពេញជានិច្ច ពោលគឺ ក្រោយពេលមកដល់រាជធានីភ្នំពេញភ្លាម ឯកឧត្តមអភិបាលរាជធានីបានដឹកនាំមន្ត្រីជំនាញ និងអាជ្ញាធរចុះពិនិត្យមើលស្ថានភាពទឹកលិច នៅក្នុងមូលដ្ឋានខណ្ឌទាំង៤តែម្តង ដើម្បីធ្វើយ៉ាងណា ដោះស្រាយទឹកលិចលំនៅដ្ឋានប្រជាពលរដ្ឋឲ្យបាន។ ឯកឧត្តម ឃួង ស្រេង បានចុះទៅពិនិត្យនៅតំបន់ផ្សារត្រពាំងថ្លឹង ក្នុងសង្កាត់ចោមចៅទី១ ខណ្ឌពោធិសែនជ័យ ដោយបានណែនាំឲ្យអាជ្ញាធរ ក៏ដូចជាមន្ទីរពាក់ព័ន្ធបន្តការបូមទឹកចេញពីលំនៅដ្ឋានប្រជាពលរដ្ឋ។ បន្តមកទៀត ឯកឧត្ដមបានចុះមើលស្ថានីយ៍បូមទឹកលូ៥ ក៏ដូចជាប្រឡាយទឹកនៅក្នុងមូលដ្ឋានខណ្ឌចំនួន៤…

ភ្នំពេញ៖ ក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)​នាព្រឹកថ្ងៃទី ០៩ ខែ តុលា ឆ្នាំ ២០២៤ដែលជាថ្ងៃដំណើរការសំណេរថ្ងៃទី២ បេក្ខនារី​ម្នាក់នៅខេត្តឧត្តរមានជ័យបានទទួលរងគ្រោះថ្នាក់ចរចរណ៍ ប៉ុន្តែយ៉ាង​ណាក៏នៅអាចដំណើរការប្រឡងបានវិញផងដែរ។ បើតាមទំព័រហ្វេសប៊ុកផ្លូវការ របស់អង្គភាពប្រឆាំងអំពើពុករលួយបានឱ្យដឹងថា បេក្ខនារី​ដែលជួបគ្រោះថ្នាក់ចរចរណ៍នេះមានឈ្មោះ អឿប ស្រីម៉ី បន្ទប់លេខ ១៣ លេខតុ ៣០៩ ។ បេក្ខនារីរូបនេះបានជួបគ្រោះថ្នាក់ចរាចរណ៍ ពេលធ្វើដំណើរ​មកមណ្ឌលប្រឡង។ ពេលនេះគ្រូពេទ្យប្រចាំមណ្ឌលបានលាងរបួសជូនរួចរាល់ និងត្រៀមខ្លួនសម្រាប់ដំណើរការប្រឡងបន្តទៀត។ ដោយឡែកបេក្ខនារីមួយរូបទៀតនៅខេត្តបន្ទាយមានជ័យនាព្រឹកថ្ងៃទី០៩ ខែតុលានេះដែរបានជួបបញ្ហាសុខភាពដោយខ្ចះជាតិស្ករ និងខ្យោយខ្លាំង។បេក្ខនារីរូបនេះអាចដំណើរការប្រឡងបានបន្តទៀតតែត្រូវ បានដាក់ឱ្យប្រឡង ក្រៅបន្ទប់។ បេក្ខនារីរូបនេះមានឈ្មោះសៀត ស្រីលាភបន្ទាប់ ៦ តុ ១៣០ ។ នាព្រឹកថ្ងៃដដែលនេះ បេក្ខជនប្រឡងបាក់ឌុបចំនួន ២នាក់ផ្សេងទៀត នៅខេត្តតា​កែវ ក្នុងនោះម្នាក់ឈ្មោះ តេម ពុទ្ធារី ភេទស្រី បន្ទប់លេខ ០៨ លេខតុ ១៩០ នៅ​មណ្ឌល​ប្រឡងអង្គរកា មានបញ្ហាវិលមុខចង់ក្អួត ដោយប្រធានអប្បមាទ ប្រធាន​មណ្ឌល បានសម្រេច ឱ្យបេក្ខជនមកប្រឡងក្នុងបន្ទប់សង្គ្រោះបឋម។ ចំណែក បេក្ខ​ជនម្នាក់ទៀត ឈ្មោះ…

កំពត៖ ការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប បានចាប់ផ្តើមសម័យប្រឡងនៅព្រឹកថ្ងៃទី៨ ខែតុលា ឆ្នាំ២០២៤ តាមកាលបរិច្ឆេទកំណត់របស់ក្រសួងអប់រំ យុវជន និងកីឡា​។ក្នុងឱកាសដ៏សំខាន់របស់សិស្សដែលខិ​ត​ខំសិក្សា​ពេញ១២​ឆ្នាំ​​ បេក្ខជនប្រឡងបាក់ឌុបមកពីគ្រួសារមានការលំបាកក្នុងខេត្តកំពត ត្រូវបានរដ្ឋបាលខេត្ត ក្រុង ស្រុក ក្រុមការងារសហភាព​សហព័ន្ធ​យុវជនកម្ពុជា​ ជួយផ្តល់កន្លែងស្នាក់នៅ និងម្ហូបអាហារសម្រាប់ការប្រឡងរយៈពេល២ថ្ងៃ។ មុនចូលទៅកាន់បន្ទប់ប្រឡង បេក្ខជនប្រឡងបាក់ឌុបមកពីគ្រួសារក្រីក្រ ក្នុងស្រុកកំពង់ត្រាច ខេត្តកំពត បាននិយាយថា ក្តីកង្វល់របស់ពួកគេមានតែមួយគត់ គឺធ្វើយ៉ាងណាយកនិទ្ទេសអេ ឱ្យបាន។  ចំណែកការព្រួយបារម្ភរឿងម្ហូបអាហារ និងកន្លែង​ស្នាក់​នៅនោះមិនមានទៀតទេដោយសារក្រុមការងារ ស.ស.យ.ក អាជ្ញាធរស្រុក ខេត្ត បានជួយឧបត្ថម្ភដល់ពួកគេ។ នេះការលើកចិត្ត សម្រាប់សិស្សក្រីក្រឱ្យផ្តោតទៅលើតែការប្រឡងតែមួយមុខ។  ជូនដំណើរកូនមកប្រឡង អាណាព្យាបាលសិស្សមកពីគ្រួសារមានការលំបាកបានថ្លែងអំណរគុណដល់ រដ្ឋបាលគ្រប់ជាន់ថ្នាក់ យុវជនសហភាពសហព័ន្ធយុវជនកម្ពុជាខេត្តកំពត ពិសេសរាជរដ្ឋាភិបាលដែលបង្កឱកាសងាយស្រួលដល់កូនៗរបស់ពួកគាត់ ក្នុងការប្រឡងបាក់ឌុប។ ពួកគាត់និងកូនៗ ដែលបានមកស្នាក់នៅមួយគ្នាជាង១០បន្ទប់នេះ ពិតជាសប្បាយចិត្ត ហើយរំពឹងថា​លទ្ធផលប្រឡងរបស់កូនៗទាំងអស់នឹងល្អប្រសើរ។ ក្នុងអំឡុងនៃការប្រឡងសញ្ញាបត្រមធ្យមសិក្សាទុតិយភូមិសម័យប្រឡង៖៨តុលា ឆ្នាំនេះ ឯកឧត្តម ម៉ៅ ធនិន អភិបាល​ខេត្ត​កំពត​បានណែនាំដល់អាជ្ញាធរក្រុង ស្រុកទាំង៣ ដែលមានមណ្ឌលប្រឡង (ស្រុកទឹកឈូ អង្គរជ័យ និងក្រុងកំពត) ត្រូវយកចិត្តទុកដាក់…

ភ្នំពេញ៖ ក្រសួងអប់រំយុវជន និងកីឡា បានចាប់ផ្តើមអនុវត្តការបិទ​បញ្ជី​ឈ្មោះ​បេក្ខជន​ប្រឡង​សញ្ញាបត្រ​មធ្យម​សិក្សា​ទុតិយភូមិ​សម័យ​ប្រឡង៖ ០៨ តុលា ២០២៤នៅព្រឹក​ថ្ងៃចន្ទទី៧ ខែតុលានេះ ខណៈការប្រឡងនឹង​ប្រព្រឹត្តទៅរយៈពេល២ថ្ងៃ (៨-៩ តុលា)នៅថ្ងៃអង្គារទី៨ តុលា ស្អែកនេះ។ដំណើរការប្រឡងសញ្ញាបត្រ​មធ្យមសិក្សាទុតិយភូមិសម័យប្រឡង៖ ០៨ តុលា នឹងត្រូវប្រព្រឹត្តទៅ​ដោយគោរពតាម គោលការណ៍ទាំង៤ នៃការប្រឡង គឺគោលការណ៍​ច្បាប់ យុត្តិធម៌ តម្លាភាព និងលទ្ធផល ទទួលយកបាន ពោលគឺ «អ្នកចេះជាប់»។ នៅព្រឹកថ្ងៃទី៧ ខែតុលា នេះដែរ លើបណ្ដាញសង្គមផ្លូវការ ក្រសួងអប់រំ​យុវជន និងកីឡាបានអំពាវនាវដល់បេក្ខជនប្រឡង​សញ្ញា​បត្រមធ្យម​សិក្សា​ទុតិយភូមិទាំងអស់ចាំបាច់ត្រូវទៅពិនិត្យ បញ្ជី​ឈ្មោះ លេខ​តុ លេខ​បន្ទប់​ តារាង​ប្រព្រឹត្ត​ទៅ​នៃ​វិញ្ញាសា និង​ប្លង់​បន្ទប់ ព្រមទាំងអាន​បទប្បញ្ញត្តិ​ប្រឡង ដែលត្រូវ​បាន​បិទ​នៅ​តាម​​គ្រប់​មណ្ឌល​ប្រឡង​ទូទាំង​២៥​រាជធានី-ខេត្ត នា​ព្រឹក​​​នេះ​។ ក្រសួងអប់រំក៏បានរំលឹកដល់បេក្ខជនទាំងអស់ត្រូវគោរពបទប្បញ្ញត្តិនៃការប្រឡងឱ្យបានត្រឹមត្រូវ ជាពិសេស​មិនត្រូវលាក់ទុកជាប់​នឹងខ្លួននូវឧបករណ៍អេឡិចត្រូនិកគ្រប់ប្រភេទចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ក្នុងករណី​រកឃើញថា បាន​ប្រព្រឹត្ត​សកម្មភាពផ្ទុយនឹងបទប្បញ្ញត្តិ និងកម្រិតវិន័យ បេក្ខជននឹងត្រូវ​បានកំណត់ឱ្យធ្លាក់ជាស្វ័យប្រវត្តិ។ ប្រឡង​សញ្ញាបត្រ​មធ្យម​សិក្សា​ទុតិយភូមិ​សម័យ​ប្រឡង៖ ០៨ខែតុលាមាន​កាលបរិច្ឆេទសំខាន់ៗដូចតទៅ៖ ១.ដំណើរការសំណេរប្រព្រឹត្តទៅរយៈពេល២ថ្ងៃ គឺថ្ងៃទី០៨ និង០៩ ខែតុលា ឆ្នាំ២០២៤២.ដំណើរការកំណែប្រព្រឹត្តទៅ ចាប់ពីថ្ងៃទី១១ ខែតុលា…