(ខេត្តព្រៃវែង)៖ នៅព្រឹកថ្ងៃទី០៣ ខែតុលាឆ្នាំ២០២៤ -រហូតដល់ថ្ងៃទី៤ ខែ តុលា ឆ្នាំ២០២៤ នេះបន្ទាប់ពីថ្ងៃឆ្លងពិធីបុណ្យភ្ជុំបិណ្ឌប្រពៃណីជាតិខ្មែរ រួចមក កម្លាំងនគរបាលខេត្តព្រៃវែងពួតដៃរួមសាមគ្គីគ្នាយ៉ាងសស្រាក់សស្រាំ ចុះសម្រួលចរាចរណ៍ និងរៀបចំសណ្ដាប់ធ្នាប់ ស្ថិតក្រោម មេឃកំពុងធ្លាក់ភ្លៀងខ្លាំងយ៉ាងណាក៏ដោយអស់រយៈពេលជាច្រើនថ្ងៃមកនឹះ នៅចំណុចលើស្ពានត្សឹបាសា (ស្ពានអ្នកលឿន) តាមបណ្ដោយផ្លូវជាតិលេខ ១ និងលេខ ៨ សម្រួលចរាចរណ៍ជូនប្រជាពលរដ្ឋ ដែលបានអញ្ជើញមកលេងស្រុកកំណើត និងដើរកម្សាន្តតាមតំបន់នានា ក្នុងខេត្តព្រៃវែង និងខេត្តស្វាយរៀង នាឱកាសបុណ្យភ្ជុំបិណ្ឌ ហើយត្រឡប់ទៅប្រកបមុខរបរ បំពេញកិច្ចការងារផ្សេងៗនៅរាជធានីភ្នំពេញវិញ និងតាមបណ្ដាខេត្តនានា ។ សូមជម្រាបថា ដើម្បីត្រៀមបង្ការការកកស្ទះចរាចរណ៍ នៅចំណុចស្ពាន់អ្នកលឿង លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានដាក់បទបញ្ជាដល់ កម្លាំងអន្តរាគមន៍ស្នងការដ្ឋាននគរបាលខេត្តកន្លាំងអធិការនគរបាលស្រុកពាមរក៍ ស្រុកពារាំង ស្រុកស្វាយអន្ទរ ស្រុកព្រះស្ដេច ស្រុកពោធិ៍រៀង ស្រុកពាមជរ និងស្រុកកំពង់ត្របែក ចំណុះស្នងការដ្ឋាននគរបាលខេត្តព្រៃវែង បានដាក់ពង្រាយកម្លាំងឈរជើងសម្រាប់ចម្រួលចរាចរណ៍ជូនប្រជាពលរដ្ឋធ្វើដំណើរ តាំងពីថ្ងៃទី២៩ ខែកញ្ញាឆ្នាំ២០២៤ បន្តរហូតមកដល់ថ្ងៃទី០៤ ខែតុលា ឆ្នាំ២០២៤ ក្រោយពិធីបុណ្យភ្ជុំបិណ្ឌត្រូវបានបញ្ចប់ ប្រជាពលរដ្ឋ…

ភ្នំពេញ៖ក្រសួងធនធានទឹក និងឧតុនិយមជូនដំណឹងអំពីស្ថានភាពធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី៣ ខែតុលា ឆ្នាំ២០២៤៖ព្យុះទី១៧ឈ្មោះ ជីប៊ី(Jebi) និងព្យុះទី១៨ឈ្មោះ ក្រាតធន (Krathon) បានវិវត្តទៅជាព្យុះសង្ឃរា បានកើតនៅ សមុទ្រចិនខាងត្បូង បន្តមានឥទ្ធិពលលើខ្យល់មូសុងនិរតី ដែលបក់លើសមុទ្រអានដាមម៉ែន (Andaman Sea) ឈូងសមុទ្រថៃ ខណៈសម្ពាធទាប នៅបន្តគ្របដណ្ដប់លើ ភាគកណ្តាលនៃអាងទន្លេមេគង្គ និងលើព្រះរាជាណាចក្រកម្ពុជា។ស្ថានភាពបែបនេះនឹងធ្វើឱ្យ ចាប់ពីថ្ងៃទី៣ ដល់ថ្ងៃទី៥ តុលា ឆ្នាំ២០២៤៖ ១.តំបន់វាលទំនាបសីតុណ្ហភាពមធ្យមអប្បរមា២៣អង្សាសេ និងសីតុណ្ហភាពមធ្យមអតិបរមា ៣៤ អង្សាសេ។អាចមានភ្លៀងធ្លាក់​ជាមួយផ្គររន្ទះនិងខ្យល់កន្រ្តាក់គ្របដណ្ដប់លើផ្ទៃដី៦០ភាគរយ។២.តំបន់ខ្ពង់រាបសីតុណ្ហភាពមធ្យមអប្បរមា២៣អង្សាសេ និងសីតុណ្ហភាពមធ្យមអតិបរមា ៣៣ អង្សាសេ ។អាចមានភ្លៀងធ្លាក់​ជាមួយ​ផ្គរ រន្ទះនិងខ្យល់កន្រ្តាក់គ្រប​ដណ្ដប់​លើផ្ទៃដី៥៥ភាគរយ ។៣.តំបន់មាត់សមុទ្រ សីតុណ្ហភាពមធ្យមអប្បរមា២៣អង្សាសេ និងសីតុណ្ហភាពមធ្យមអតិបរមា ៣៣ អង្សាសេ។អាចមានភ្លៀងធ្លាក់​ជាមួយផ្គរ រន្ទះនិងខ្យល់កន្រ្តាក់គ្រប​ដណ្ដប់​លើផ្ទៃដី២០ភាគរយ។រលកសមុទ្រមានកម្ពស់មធ្យមអប្បរមា ០,៥០ម៉ែត្រ និងកម្ពស់មធ្យមអតិបរមា១,២៥ម៉ែត្រ៕សូមជូនព្រឹត្តបត្រព័ត៌មានស្តីពីស្ថានភាពធាតុអាកាស៖

ភ្នំពេញ៖ព្រឹត្តិបត្រព័ត៌មានកម្ពស់ទឹកម៉ោង ៧ព្រឹក ថ្ងៃទី៣ ខែតុលា ឆ្នាំ២០២៤ នៅតាមបណ្ដាស្ថានីយជលសាស្ត្រ។ស្ថានភាពទឹកទន្លេ ៖​ ស្ថានីយជលសាស្ត្រទន្លេមេគង្គ ទន្លេសាប និង​ទន្លេបាសាក់ ទឹកបាននិងកំពុងស្រកជាបន្តបន្ទាប់។សូមជូនព្រឹត្តិបត្រព័ត៌មាន និងព្យាករណ៍កម្ពស់ទឹក៖

សៀមរាប៖ នៅថ្ងៃ១៥ រោចខែភទ្របទ ពុទ្ធសករាជ២៥៦៨ ត្រូវនឹង​ថ្ងៃពុធទី២ ខែតុលា ឆ្នាំ២០២៤ គឺជាថ្ងៃភ្ជុំធំ ឬថ្ងៃភ្ជុំបិណ្ឌ បន្ទាប់ពីបានប្រារព្ធពិធីកាន់បិណ្ឌអស់រយៈ១៤ ថ្ងៃរួចមក ។នៅថ្ងៃភ្ជុំបិណ្ឌនេះ​គ្រប់មានមនុស្សកុះករច្រើនជាងរយៈពេល១៤ថ្ងៃកន្លងមកពីព្រោះជាថ្ងៃបញ្ចប់នូវរដូវបុណ្យភ្ជុំបិណ្ឌប្រចាំឆ្នាំ។ នៅក្នុងក្រុងសៀមរាប មានវត្តចំណាស់រាប់រយឆ្នាំជាច្រើន ។ក្នុងនេះ​វត្តព្រះព្រហ្មរ័ត្ន ដែលមានចំណាស់ជាង៦០០ឆ្នាំ និងវត្តប្រាសាទ​គោកចក ជាទីដែលប្រជាពុទ្ធបរិស័ទក្នុងខេត្តសៀមរាប​និយម​ទៅពុំដែលខាន​។នៅវត្តព្រះព្រហ្មរ័ត្ន ដែលស្ថិតនៅប្របនឹងដងស្ទឹងខេត្តសៀមរាប​នាឱកាសនៃពិធីបុណ្យភ្ជុំបិណ្ឌប្រជាពលរដ្ឋប្រុសស្រីក្មេងចាស់ ស្លៀកពាក់ស្អាតបាតធ្វើដំណើរតាមយានយន្តគ្រប់ប្រភទ ណែនណាន់តាន់តាប់ក្នុងវត្ត ដើម្បីពិធីបុណ្យសាសនាទៅតាម​សទ្ធាជ្រះថ្លា និងធនធានរៀងៗខ្លួន។សម្រាប់ប្រជាពលរដ្ឋខេត្តសៀមរាប វត្តព្រះព្រហ្មរ័ត្ន អ្នកណាៗក៏ស្គាល់​វត្តនេះដែរ ដោយសារវត្តនេះមិនត្រឹមតែមានអាយុកាលជាង៦០០ឆ្នាំ​ប៉ុណ្ណោះទេ តែក៏ជាវត្តដែលនៅថែរក្សាបានក្បូរក្បាច់ល្អឯក។ វត្តចំណាស់មួយនេះក៏ស្ថិតនៅក្នុងគោលដៅទេសចរវប្បធម៌​សម្រាប់​ភ្ញៀវទេសចរអន្តរជាតិផងដែរ។វត្ត​ព្រះព្រហ្ម​រ័ត្ន​ស្ថិត​នៅ​ក្បែរ​ស្ទឹង​សៀមរាប និង​មិន​ឆ្ងាយ​ប៉ុន្មាន​ពី​ផ្សារ​ចាស់ គឺ​ស្ថិតនៅ​ក្នុងចំណោម​វត្ត​ចំណាស់​ជាងគេ​នៅក្នុង​ក្រុង​នៃ​ប្រាសាទបុរាណ​ខ្មែរ។ វត្ត​ព្រះព្រហ្ម​រ័ត្ន​មានកំណើត​តាំងពី​ឆ្នាំ១៣៧១ ត្រូវ​នឹង​ឆ្នាំ​ពុទ្ធសក​រាជ១៩១៥ ។ ទី​អា​រ៉ា​ម​នេះ ក៏មាន​ប្រវត្តិ​ទាក់ទង​នឹង​ព្រះបាទ​អង្គចន្ទ​នៅ​ចុង​សតវត្សរ៍​ទី១៨ដែរ ។ គឺ​តា​ព្រហ្ម និង​យាយ​រ័ត្ន ដែលជា​អ្នកមាន​ទ្រព្យសម្បត្តិ​នៅក្នុង​សម័យ​នោះបាន​ថ្វាយ​បរិវេណ​ដល់​ព្រះបាទ​អង្គ​ច័ន្ទ។ ប្រហែលជា​យ៉ាង​ដូច្នេះហើយ​បានជា​ទី​អា​រាម​នេះ មាន​ឈ្មោះថា វត្ត​ព្រះព្រហ្ម​រ័ត្ន។ចំណែកនៅវត្តប្រាសាទគោកចក សង្កាត់គោកចក ក្រុងសៀមរាបនា​ឱកាសនៃពិធីបុណ្យភ្ជុំបិណ្ឌនេះដែរ កកកុញ​​ប្រជាពលរដ្ឋ ប្រជាពុទ្ធបរិស័ទជិតឆ្ងាយដែរ ទាំងពេលព្រឹកនិងពេលរសៀល ពីព្រោះនៅវត្តបុរាណមួយនេះមានទំនៀមទម្លាប់ប្រពៃជាច្រើនដែលត្រូវប្រារព្ធក្នុងឱកាសបុណ្យភ្ជុំបិណ្ឌ។វត្តប្រាសាទគោកចក មានប្រាសាទបុរាណមួយដែលមានឈ្មោះថា​ប្រាសាទគោកចក។ប្រាសាទសង់ក្នុងរជ្ជកាលព្រះបាទ​ជ័យវរ្ម័នទី៣ ចុងសតវត្សរ៍ទី៩។ ប្រាសាទគោកចកដែលទើបត្រូវបានជួសជុលឡើងវិញរួចហើយ សង់ពីឥដ្ឋនិងថ្មបាយក្រៀម មានប្រាង្គពីរ​ធ្វើពីឥដ្ឋបែរមុខទៅកើត មានស៊ុមទ្វារធ្វើពីថ្មភក់និងមានសសរពេជ្ររាង៨ជ្រុង។ ជ្រុងបីផ្សេងទៀតរបស់ប្រាង្គខាងត្បូងមានលម្អជា​ទ្វារបញ្ឆោតធ្វើពីឥដ្ឋ។…

(ភ្នំពេញ)៖ យោងតាមការការផ្សាយរបស់ក្រសួងធនធានទឹក និងឧតុនិយម នៅ ថ្ងៃទី៣ ខែតុលា ឆ្នាំ២០២៤ បានឱ្យដឹងថាព្យុះទី១៧ឈ្មោះ ជីប៊ី (Jebi) និងព្យុះទី១៨ឈ្មោះ ក្រាតធន (Krathon) បានវិវត្តទៅជា ព្យុះសង្ឃរា បានកើតនៅ សមុទ្រចិនខាងត្បូង បន្តមានឥទ្ធិពលលើខ្យល់មូសុងនិរតី ដែលបក់ លើសមុទ្រអានដាមម៉ែន (Andaman Sea) ឈូងសមុទ្រថៃ ខណៈសម្ពាធទាប នៅបន្ត គ្របដណ្តប់លើ ភាគកណ្តាលនៃអាងទន្លេមេគង្គ និងលើព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី៣ ដល់ថ្ងៃទី៥ ខែតុលា ឆ្នាំ២០២៤១-តំបន់វាលទំនាប៖-សីតុណ្ហភាពមធ្យមអប្បបរមា២៣C និងសីតុណ្ហភាពមធ្យមអតិបរមា៣៤°C។ ខ្យល់បក់ មកពីទិសនិរតី និងបស្ចិមមានល្បឿនមធ្យម៤,៥ម៉ែត្រ វិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃ ដី៦០%។ ២-តំបន់ខ្ពង់រាប៖-សីតុណ្ហភាពមធ្យមអប្បបរមា២៣°C…

បាត់ដំបង៖ថ្ងៃ១៥រោច ខែភទ្របទ ពុទ្ធសករាជ២៥៦៨ ត្រូវនឹងថ្ងៃ​ពុធទី២ ខែតុលា ឆ្នាំ២០២៤ជាថ្ងៃបង្ហើយរដូវកាល​នៃពិធីបុណ្យ​ភ្ជុំបិណ្ឌឬថ្ងៃភ្ជុំធំ។នៅខេត្តបាត់ដំបងនៅតាមវត្តអារាមជិតឆ្ងាយនានា ប្រជាពុទ្ធបរិស័ទយ៉ាងច្រើនមូលមីរកុះករ​ប្រកបដោយទឹកមុខ​ស្រស់​ស្រាយសប្បាយរីករាយ ក្នុងដៃកាន់ ធូបទៀនផ្កា ស្លាដក ចង្ហាន់ សម្រាប់ប្រគេនព្រះសង្ឃដើម្បីឧទ្ទិសបុណ្យកុសល​ជូនបុព្វការីជននិង​ញាតិសន្ដានជិតឆ្ងាយដែលធ្វើមរណកាលទៅកាន់បរលោក។ បន្ទាប់ពីបញ្ចប់ការកាន់បិណ្ឌរយៈពេល១៤ថ្ងៃ ចាប់ពី១រោចខែភទ្របទ​(បិណ្ឌវេន១)រហូតដល់១៤រោចខែភទ្របទ(បិណ្ឌ​​​វេន​១៤)ហើយ​ថ្ងៃទី២ ខែតុលា​​ជាថ្ងៃភ្ជុំធំ ឬភ្ជុំបិណ្ឌ។នៅខេត្តបាត់ដំបងចាប់តាំងពីព្រឹកព្រលឹម ​ប្រជាពុទ្ធបរិស័ទ​ច្រើនកុះករ បានមកជួបជុំគ្នានៅគ្រប់វត្តអារាម ដោយបាននាំយកនូវចង្ហាន់ ទេយ្យទាន ទេយ្យវត្ថុ ដោយទឹកមុខ​ញញឹមជួបជុំគ្នាដើម្បីធ្វើបុណ្យ​ទានដោយសទ្ធាជ្រះថ្លា ។ បងប្អូនប្រជាពុទ្ធបរិស័ទបានលើកឡើងថាការប្រារព្ធពិធីបុណ្យភ្ជុំបិណ្ឌប្រកបដោយភាពសប្បាយរីករាយបែបនេះ គឺដោយសារតែប្រទេសកម្ពុជា មានការអភិវឌ្ឍរីកចម្រើន និងសុខសន្តិភាពពេញលេញ។ “បុណ្យភ្ជុំបិណ្ឌ” ជាពិធីបុណ្យប្រពៃណីសាសនារបស់កម្ពុជាធំជាងគេ​នៅក្នុងចំណោមនៃពិធីបុណ្យទាំងអស់ចំពោះអ្នកកាន់ព្រះពុទ្ធសាសនា។​ជារៀងរាល់ឆ្នាំចាប់ពីថ្ងៃ១រោចខែភទ្របទ រហូតដល់ ថ្ងៃ១៥រោច ខែភទ្របទជាពិធីបុណ្យភ្ជុំបិណ្ឌដែល​មានរយៈពេល១៥ថ្ងៃ។អំលុងពេលនេះ ជាឱកាសជួបជុំគ្នានៅទីស្រុកកំណើត ដើម្បីសំណេះ​សំណាលនិងកូនៗជូននូវបច្ច័យបួនដល់មាតាបិតា ជីដូនជីតា ចាស់​ព្រឹទ្ធាចារ្យ ឬអ្នកក្រខ្សត់។ជាពេលនៃការធ្វើទាន និងការទៅវត្តប្រគេន​ចង្ហាន់ដល់ព្រះសង្ឃ ពូនភ្នំខ្សាច់ ស្រង់ព្រះជាដើម ដើម្បីឧទ្ទិសកុសល​ដល់បុព្វការីជន​ដែលបានចែកឋានទៅកាន់លោកខាងមុខ និងកសាង​ផល​បុណ្យ​សម្រាប់ខ្លួនផងដែរ៕ អត្ថបទ-រូបភាព៖ អ៊ុក សំអាន បប.

ភ្នំពេញ៖យោងតាមទិន្នន័យគ្រោះថ្នាក់​ចរាចរណ៍ផ្លូវគោកទូទាំងប្រទេស​ចេញដោយនាយកដ្ឋាននគរបាលចរាចរណ៍ និងសណ្តាប់​សាធារណៈ នៃអគ្គស្នងការដ្ឋាន​នគរបាលជាតិបានឱ្យដឹងថា គ្រោះថ្នាក់ចរាចរណ៍ផ្លូវ​គោកទូទាំងប្រទេសរយៈនៅថ្ងៃទី២ ខែតុលា ឆ្នាំ២០២៤ (គិតត្រឹម​ពីម៉ោង ១៤៖០០ ថ្ងៃទី០១ ខែតុលា-ម៉ោង ១៤៖០០ ថ្ងៃទី០២ ខែតុលា ឆ្នាំ២០២៤)បានកើតឡើងចំនួន ១៥លើក (យប់ ៨លើក) បណ្តាលឱ្យ​មានមនុស្សស្លាប់ ១៧នាក់ (ស្រី ៣នាក់), រងរបួសសរុប ១៩នាក់(ស្រី ៦នាក់)ក្នុងនេះរងរបួសធ្ងន់ ១៤នាក់ (ស្រី ៤នាក់) និងរង​របួសស្រាល ៥នាក់ (ស្រី ២នាក់) និងមិនពាក់មួកសុវត្ថិភាព ២៦នាក់ (យប់ ១៤នាក់)។របាយការណ៍ដដែលបញ្ជាក់ថា មូលហេតុដែលបង្កឱ្យមានគ្រោះថ្នាក់​រួមមាន ៖ ល្មើសល្បឿន ៥លើក (ស្លាប់ ៤នាក់, របួសធ្ងន់ ៤នាក់, របួសស្រាល ១នាក់), មិនគោរពសិទ្ធិ ២លើក (ស្លាប់ ១នាក់, របួសធ្ងន់ ៣នាក់, របួសស្រាល ១នាក់), មិនប្រកាន់ស្តាំ ៣លើក…

សៀមរាប៖ នារាត្រីថ្ងៃទី២ ខែតុលា ឆ្នាំ២០២៤ ក្នុងឳកាសបុណ្យភ្ជុំបិណ្ឌធំ នៅតំបន់ផាប់ស្រ្ទីតនៃខេត្តសៀមរាប បានកកកុញទៅដោយភ្ញៀវទេសចរជាតិ និងអន្តរជាតិចម្រុះជាតិសាសន៍លើសពីថ្ងៃធម្មតា។ មានពាក្យសាមញ្ញមួយឃ្លាពោលថា«មកខេត្តសៀមរាប មិនបានមកផាប់ស្រ្ទីត ដូចមិនបានមក» ។ដោយហេតុនេះទើបរាត្រីថ្ងៃទី២ ខែតុលាដែលជាថ្ងៃភ្ជុំបិណ្ឌធំ មានទេសចរជាតិក្មេងចាស់ប្រុសស្រីប្រកបដោយទឹកមុខសប្បាយរីករាយ និងលាយឡំជាមួយទេសចរអន្តរជាតិយ៉ាងច្រើនកុះករ បន្ទាប់ពីបានទស្សនាប្រាង្គប្រាសាទអង្គរវត្ត និងប្រាសាទនានាក្នុងរមណីយដ្ឋានអង្គរនៅពេលថ្ងៃ។ ផាប់ស្រ្ទីត គឺជាតំបន់ទេសចរណ៍ពេលរាត្រីដ៏សំខាន់នៃខេត្តសៀមរាប ដែលមានសន្តិសុខ សុវត្ថិភាព ក្រោមការយកចិត្តទុកដាក់ ពីរដ្ឋបាលខេត្ត ពីកងកម្លាំងមានសមត្ថកិច្ច។ទីនេះមានភោជនីយដ្ឋាន អាហារដ្ឋាន ក្លឹបកម្សាន្ត ហាងទំនិញទំនើបៗ មានលក់វត្ថុអនុស្សាវរីយ៍សម្បូរបែប ជាមួយនឹងអ្នកលក់ដូររួសរាយញញឹមរាក់ទាក់៕ដោយៈ ប៊ុន រដ្ឋា