បន្ទាយមានជ័យ៖គ្រួសារយោធិនពិការនៅមណ្ឌលយោធិនពិការ ៣១៧ ភ្នំឆ័ត្រ នៅឃុំស្វាយចេក ស្រុកស្វាយចេក ខេត្តបន្ទាយ មានជ័យបានទទួលអំណោយ ពីឯកឧត្ថមនាយឧត្តមសេនីយ៍ ទៀ សីហា និងលោកជំទាវ តាមរយៈឯកឧត្ដម នាយឧត្តមសេនីយ៍ យន្ត មីន រដ្ឋលេខាធិការក្រសួងការពារជាតិ និងលោកជំទាវក្នុងឱកាស ពិធីបុណ្យភ្ជុំបិណ្ឌ ។ ក្នុងពិធីដែលប្រព្រឹត្តទៅកាលពីថ្ងៃទី៣០ ខែកញ្ញា ឆ្នាំ២០២៤ នាយឧត្តមសេនីយ៍ យន្ត មីនបានកោតសរសើរ ចំពោះការដឹកនាំ និងការអភិវឌ្ឍសមិទ្ធផលនានាក្នុងអង្គភាពជាពិសេសហេដ្ឋារចនាសម្ព័ន្ធនានានៅក្នុងមណ្ឌល។នាយឧត្តមសេនីយ៍បន្តទៀត ថាសង្គ្រាមកន្លង ទៅបានធ្វើឱ្យយោធិនមួយចំនួនធ្លាក់ខ្លួនពិការរហូតមកដល់សព្វថ្ងៃនេះ។តែទោះបីជាយ៉ាងណាក្រោយបាន ទទួលសន្តិភាពពេញលេញក្រោម នយោបាយ ឈ្នះ ឈ្នះ របស់សម្តេចតេជោ ហ៊ុន​សែន មិនបានបោះបង់ ចោល បងប្អូន ដែលបានបូជាឈាមស្រស់ និងសាច់ស្រស់ក្នុងសមភូមិ នោះឡើយ។សម្តេចតេជោ ហ៊ុន សែន តែងតែនឹករលឹក និងគិតគូរ ឧបត្ថម្ភជារឿយៗដល់បងប្អូនដែលជាកងកម្លាំង និងអតីតយុទ្ធជន គ្រប់ៗគ្នា ។ ឧត្ដមសេនីយ៍ត្រី ជា ព្រឿង នាយកមណ្ឌលអភិវឌ្ឍន៍យោធិពិការ ៣១៧បានជម្រាបនាយឧត្តមសេនីយ៍ យន្ត…

បន្ទាយមានជ័យ៖ ឯកឧត្តម កែ គឹមយ៉ាន ឧត្តមក្រុមប្រឹក្សាផ្ទាល់ព្រះមហាក្សត្រនិងជាអ្នកតំណាងរាស្ត្រមណ្ឌលខេត្តបន្ទាយមានជ័យបានអញ្ជើញចុះពិនិត្យវឌ្ឍនភាពសំណង់ស្ពានបេតុងពីរកន្លែងនៅសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យ ឱកាសកាន់បិណ្ឌ និងភ្ជុំបិណ្ឌនាឆ្នាំ២០២៤ ។ អាន៖ ក្នុងសកម្មភាពពិនិត្យវឌ្ឍនភាសំណង់ស្ពានបេតុងទាំង២កន្លែងក្នុងសប្ដាហ៍នេះឯកឧត្តម កែ គឹមយ៉ាន បានបញ្ជាក់ថា ផ្លូវ ស្ពាន ជួយបង្កើនទំនាក់ទំនងសេដ្ឋកិច្ចដល់ប្រជាពលរដ្ឋ។ពិសេសលើកកម្ពស់ជីវភាពប្រជាជននៅជនបទ។ ឯកឧត្តមបន្តថា សម្តេចតេជោ ហ៊ុន សែនធ្លាប់មានប្រសាសន៍ថា មានផ្លូវ គឺមានសង្ឃឹម ។ ឯកឧត្តម កែ គឹមយ៉ាន ឧត្តមក្រុមប្រឹក្សាផ្ទាល់ព្រះ​មហាក្សត្រ​បានបន្តថាប្រមុខថ្នាក់ដឹកនាំរាជរដ្ឋាភិបាល បានកសាងផ្លូវ ស្ពាន ខ្វាត់ខ្វែងជាច្រើនកន្លែង ។ដោយឡែកខេត្តបន្ទាយមានជ័យសរុបស្ពានដែក និងស្ពានបេតុងចាស់ និងស្ពាន ថ្មី មានចំនួន ៨កន្លែង ហើយនៅពេលខាងមុខឯកឧត្តម និងដៃគូអភិវឌ្ឍ នឹងបន្តកសាងស្ពានបេតុងបន្ថែមទៀត។ លោក ស្រេង សុផល អភិបាលក្រុងសិរីសោភ័ណ បានឱ្យដឹងពីស្ពានបេតុងចំនួនពីរ កន្លែងនៅភូមិព្រៃឬស្សី និងភូមិចក ក្នុងសង្កាត់ព្រះពន្លា មកដល់ពេលនេះ​សាងសង់បាន ៦០ភាគរយ។ ស្ពាននីមួយៗ មានប្រវែង៩០ម៉ែត្រ គុណនឹង១០ ម៉ែត្រ មានកម្ពស់១៣ម៉ែត្រ​ឆ្លងកាត់ស្ទឹង​ក្រុងសិរីសោភ័ណ ៕…

បាត់ដំបង៖ ក៏ដូចជាឆ្នាំមុនៗដែរ ក្នុងឱកាសបុណ្យភ្ជុំបិណ្ឌ ២០២៤ នេះ ប្រជាពលរដ្ឋ កម្មករ និយោជិតអាចធ្វើដំណើរ តាម រថយន្តក្រុងទៅ-មក តាមផ្លូវជាតិលេខ៥ ពីភ្នំពេញ-បាត់ដំបង និងពីបាត់ដំបង-ភ្នំពេញដោយមិនបង់ប្រាក់។ក្នុងឱកាសបុណ្យភ្ជុំបិណ្ឌឆ្នាំនេះរាជរដ្ឋាភិបាលតាមរយៈរដ្ឋបាលរាជធានីភ្នំពេញបានរៀបចំរថយន្តក្រុងចំនួន៦៥៣គ្រឿង សម្រាប់ដឹកជញ្ជូនប្រជាពលរដ្ឋធ្វើដំណើរ ទៅ ស្រុកកំណើតនៅរាជធានីខេត្តទាំង២៥។សកម្មភាពដឹក ជញ្ជូនមានរយៈពេល៦ថ្ងៃចាប់ពីថ្ងៃទី២៩ ខែកញ្ញា ដល់ថ្ងៃទី៤ ខែតុលា។ ប្រជាពលរដ្ឋខេត្តបាត់ដំបងដែលបានទទួលសេវាដឹកជញ្ជូនដ៏ល្អប្រកបដោយផាសុកភាពនិងសុវត្ថិភាពរបស់រាជរដ្ឋាភិ បង្ហាញនូវអារម្មណ៍រំភើបសប្បាយរីករាយយ៉ាងក្រៃលែងនិងថ្លែងនូវអំណរគុណយ៉ាងជ្រាលជ្រៅចំពោះសម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជាដែលបានផ្ដល់នូវ រថយន្តក្រុងឱ្យពួកគាត់ជិះទៅ-មកដោយមិនបង់ ប្រាក់ក្នុង ឱកាសពិធីបុណ្យភ្ជុំបិណ្ឌប្រពៃណីជាតិខ្មែរ។ប្រជាពលរដ្ឋ បានពេញចិត្តជាខ្លាំងចំពោះការគិតគូររបស់ប្រមុខរាជរដ្ឋាភិបាលបន្តវេន។ លោក ព្រួញ រិទ្ធថា ប្រធានមន្ទីរសាធារណការនិងដឹក ជញ្ជូនខេត្តបាត់ដំបងបានឱ្យដឹងថានៅក្នុងឱកាសពិធីបុណ្យភ្ជុំបិណ្ឌឆ្នាំ២០២៤នេះសម្ដេចមហាបវរ ធិបតី ហ៊ុន ម៉ាណែត បានផ្ដល់នូវរថយន្តក្រុងជាង៦០០គ្រឿង សម្រាប់បម្រើសេវាក្នុងការដឹកជញ្ជូនសាធារណៈដោយ ជិះមិនបង់ប្រាក់ ដើម្បីជួយសម្រួលដល់ការធ្វើដំណើរ របស់ប្រជាពលរដ្ឋកម្មករ និយោជិត និងកាត់បន្ថយ​ចំណាយក្នុងការធ្វើដំណើរទៅស្រុកកំណើត។ លោក ព្រួញ រិទ្ធថាបញ្ជាក់បន្ថែមថាដោយឡែកខេត្តបាត់​ដំបងរាជរដ្ឋាភិបាលបានផ្តល់រថយន្តចំនួន៨០គ្រឿងសម្រាប់ដឹកជញ្ជូន បងប្អូនកម្មករ និយោជិតនិងប្រជាពលរដ្ឋទៅ-មកភ្នំពេញ-បាត់ដំបង និងពីបាត់ដំបង-ភ្នំពេញ។លោកប្រធានមន្ទីរបន្តថានេះជាការគិតគូរដ៏ខ្ពង់ខ្ពស់ដែលមានចាប់ពីសម្ដេចតេជោ ហ៊ុន សែន និងបន្តដោយសម្ដេច​ធិបតី ហ៊ុនម៉ាណែត ដ៏ឈ្លាសវៃនិងប៉ិន​ប្រសប់៕

កំពត៖អាជីវករលក់គ្រឿងសមុទ្រនៅផ្សារសាមគ្គីទីរួមខេត្តកំពត បានបញ្ជាក់ថា ថ្ងៃបុណ្យភ្ជុំបិណ្ឌនេះការលក់ដូរ ដាច់ច្រើនជាងថ្ងៃធម្មតា  ប៉ុន្តែពួកគាត់មិនបានដំឡើងថ្លៃគ្រឿងសមុទ្រទេ។  នៅកន្លែងគាត់ ធ្លាប់លក់នៅថ្ងៃធម្មតាតម្លៃប៉ុន្មាន  ថ្ងៃបុណ្យភ្ជុំបិណ្ឌនេះ នៅរក្សាតម្លៃនោះដដែល  ព្រោះពួកគាត់យល់ថា ពួកគាត់លក់រៀងរាល់ថ្ងៃត្រូវការឱ្យភ្ញៀវមកទិញ ជាប្រចាំ មិនមែនទិញម្តង រាងហើយបាត់មុខរហូតនោះទេ។ អភិបាលរងក្រុងកំពត លោក អែត សារិទ្ធ បាននិយាយថា តាមការសង្កេតជាក់ស្តែង និងតាមបទពិសោធន៍នាពេលកន្លងមក អាជីវករខេត្តកំពត រក្សាបាននូវភាពស្មោះត្រង់ ថ្លៃថ្នូរ មិនដែលធ្វើឱ្យអតិថិជន ឬភ្ញៀវទេសចរណាថ្នាំងថ្នាក់ចិត្តនោះទេ។ លោកសូមកោតសរសើរចំពោះ ទឹកចិត្តរបស់អ្នកផ្តល់សេវាទេសចរណ៍ក្នុងខេត្តកំពត ទាំងម្ចាស់កន្លែងស្នាក់នៅ អាហារដ្ឋាន ភោជនីយដ្ឋាន និងបងប្អូនលក់ដូរតាមផ្សារនានា  បានរក្សាតម្លៃថេរល្អ  មិនថាថ្ងៃធម្មតា ឬថ្ងៃបុណ្យទានធំៗឡើយ ។ ក្នុងឱកាសនេះដែរ លោកអភិបាលរងក្រុងកំពត បានអំពាវនាវដល់បងប្អូនដែលប្រកបរបរលើវិស័យទេសចរណ៍ក្នុងក្រុង ក៏ដូចជាខេត្តកំពតទាំងមូល  ជួយពង្រឹងបន្ថែមនូវ គុណភាពសេវា ការបដិសណ្ឋាកិច្ចល្អ និងមានទំនួលខុសត្រូវលើកការររៀបចំអនាម័យបរិស្ថាន សណ្តាប់ធ្នាប់សាធារណៈឱ្យបានកាន់តែល្អប្រសើរ ៕ដោយ៖ សិលា សារិន

កំពត៖ថ្ងៃឈប់សម្រាកនៃពិធីបុណ្យភ្ជុំបិណ្ឌរយៈពេលបីថ្ងៃ​នេះខេត្តកំពតរំពឹងថានឹងមានភ្ញៀវមកកម្សាន្តច្រើនជាងឆ្នាំមុនៗ ។វត្តមានភ្ញៀវច្រើននឹងធ្វើឱ្យបរិមាណសំរាមកើន​ឡើង​ដែរ។ ប៉ុន្តែបើតាមការអះអាងរបស់អាជ្ញាធរក្រុងកំពតនិង​ក្រុមហ៊ុនប្រមូល សំរាម ថាមានផែនការរួចរាល់ ក្នុងការ​ប្រមូល សម្អាតសំរាមឱ្យស្អាត  ពោលគឺមិនឱ្យទេសចរ​មើលឃើញសំរាមទាំងនៅលើដី នឹងនៅក្នុងទឹកព្រែកឡើយ ។ អភិបាលរងក្រុងកំពត លោក អែត សារិទ្ធ បានប្រាប់ថា ខេត្តកំពតក្រោមការដឹកនាំរបស់ឯកឧត្តម ម៉ៅ ធនិន អភិបាលខេត្ត លោកបានយកចិត្តទុកដាក់យ៉ាងខ្លាំងលើ​ការងារ​អនាម័យ បរិស្ថាន ពិសេសការកែលម្អសោភណភាព​ក្រុង ដោយបង្កើតសមិទ្ធផលទេសចរណ៍ដ៏ទាក់ទាញ​ជាច្រើន។នៅក្នុងឱកាសបុណ្យភ្ជុំបិណ្ឌនេះភ្ញៀវទេសចរ​ជាច្រើននឹងមកលេងខេត្តកំពត ដែលជាហេតុធ្វើ​បរិមាណ​សំរាម អាចមានការកើនឡើង ឬអាចរាយប៉ាយ ដែល​ទាមទារ​ឱ្យអាជ្ញាធរ និងក្រុមហ៊ុនប្រមូលសំរាមត្រូវ​រៀបចំ​ផែនការច្បាស់លាស់ដើម្បីធ្វើក្រុងស្អាត គ្មានសំរាមនៅលើដី និងក្នុងទឹកព្រែក។ នាយកក្រុមហ៊ុនប្រមូលសំរាម (កំពតហ្គ្រីន) លោក សួន សុភ័ក្ត្រ បានប្រាប់ឱ្យដឹងថា រៀងរាល់ពិធីបុណ្យធំៗ បុគ្គលិក កម្មករតែងយោគយល់ដល់ក្រុមហ៊ុន ហើយមិនបានសុំច្បាប់​សម្រាកទេ ដោយពួកគាត់នៅចាំជួយប្រមូល និងសម្អាត​សំរាម​ជាប្រចាំទាំងយប់  ពោលគឺភ្លឺឡើងក្រុងកំពត ត្រូវតែ​ស្អាត។ ទោះជាយ៉ាងណាក៏ដោយអាជ្ញាធរនិងក្រុមហ៊ុនបានអំពាវនាវដល់ពលរដ្ឋក្នុងក្រុងនិងភ្ញៀវទេសចរមកពីទីជិតឆ្ងាយសូមមេត្តាជួយទុកដាក់សំរាម ឱ្យបានត្រឹមត្រូវ ដើម្បីឱ្យក្រុមហ៊ុន​ងាយ​ស្រួល ក្នុងការដើរប្រមូល និងដឹកជញ្ជូនសំរាមចេញ៕ដោយ៖ សិលា សារិន