សកម្មភាពប្រជាពលរដ្ឋសង្កាត់ព្រែកក្មេង ក្រុងអារិយក្សត្រ ខេត្តកណ្តាល ធ្វើត្រីឆ្អើរ !!! សូមចូលរួមគាំទ្រផលិតខ្មែរ

ភ្នំពេញ ៖ ក្រសួងព័ត៌មាន និងក្រុមហ៊ុន ខេមប្រ៊ូវ រួមទាំងក្រុមហ៊ុន Grab បានប្រកាសគាំទ្រ និងបន្តយុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹង ដោយការទទួលខុសត្រូវ» ដែលពិធីនេះធ្វើឡើងនៅរសៀលថ្ងៃទី២៧ ខែកញ្ញា ឆ្នាំ២០២៤ នាសណ្ឋាគារ ហុីម៉ាវារី ភ្នំពេញ។ យុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹង ដោយការទទួលខុសត្រូវ រៀបចំឡើងដោយក្រុមហ៊ុន ខេមប្រ៊ូវ សហការជាមួយក្រុមហ៊ុន Grab ក្នុងគោលបំណងគាំទ្ររាល់ការអបអរប្រកបដោយ ការទទួលខុសត្រូវ និងជំរុញឲ្យតម្លៃទៅលើការពិសាគ្រឿងស្រវឹងក្នុងបរិមាណសមស្រប។ ឯកឧត្តម នេត្រ ភក្ត្រា រដ្ឋមន្ដ្រីក្រសួងព័ត៌មាន និងជាប្រធានក្រុមការងារអន្តរក្រសួងគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង បានបង្ហាញការគាំទ្រដល់យុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹង ដោយការទទួលខុស ហើយជឿជាក់ថា នឹងចូលរួមលើកកម្ពស់សុវត្ថិភាពសង្គម សណ្តាប់ធ្នាប់សាធារណៈ និងសុខមាលភាពរបស់ប្រជាពលរដ្ឋ។ ឯកឧត្តម នេត្រ ភក្ត្រា បានបញ្ជាក់ថា ការរួមគ្នាប្រកាសបន្តយុទ្ធនាការនេះ បានបង្ហាញពីការប្តេជ្ញាចិត្តរបស់ក្រុមហ៊ុនឧស្សាហកម្មគ្រឿងស្រវឹងក្នុងស្រុក ក្នុងការគាំទ្រឲ្យមានឧស្សាហកម្មគ្រឿងស្រវឹង ដែលមានការទទួលខុសត្រូវ, ការអប់រំលើកកម្ពស់ការយល់ដឹងដល់សាធារណជនអំពីការទទួលទានគ្រឿង។ ជាពិសេសផលប៉ះពាល់នៃការបើកបរក្នុងស្ថានភាពស្រវឹង ស្រ្តីមានផ្ទៃពោះ អនីតិជន និងគាំទ្រដល់ការកំណត់អាយុអប្បបរមា សម្រាប់អ្នកប្រើប្រាស់ផលិតផលគ្រឿងស្រវឹងនៅកម្ពុជា ក្នុងគោលបំណងលើកកម្ពស់ការអនុវត្តទីផ្សារប្រកបដោយការទទួលខុសត្រូវ។ លោក Vladimir Vava អគ្គនាយកគ្រប់គ្រងក្រុមហ៊ុន…

ភ្នំពេញ៖ក្រសួងធនធានទឹកនិងឧតុនិយមជូនដំណឹងអំពីស្ថានភាព​ធាតុអាកាសនៅព្រះរាជាណាចក្រកម្ពុជាសម្រាប់ថ្ងៃទី២៨ខែកញ្ញា ឆ្នាំ២០២៤៖ខ្យល់មូសុងនិរតី ដែលបក់លើសមុទ្រអានដាមម៉ែន (Andaman Sea) ឈូងសមុទ្រថៃ សមុទ្រចិន​ខាងត្បូងបានថយឥទ្ធិពល ខណៈសម្ពាធទាបនៅបន្តគ្របដណ្ដប់លើ ភាគកណ្តាលនៃអាងទន្លេមេគង្គ និងលើ ព្រះរាជាណាចក្រកម្ពុជា។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី២៨ ដល់ថ្ងៃទី៣០ ខែកញ្ញា ឆ្នាំ២០២៤៖១.តំបន់វាលទំនាបសីតុណ្ហភាពមធ្យមអប្បរមា២៣អង្សាសេ និង​សីតុណ្ហភាពមធ្យមអតិបរមា ៣៤អង្សាសេ។អាចមានភ្លៀង ធ្លាក់​ជាមួយផ្គររន្ទះ និងខ្យល់កន្រ្តាក់គ្របដណ្ដប់លើផ្ទៃដី១៥ភាគរយ។២.តំបន់ខ្ពង់រាបសីតុណ្ហភាពមធ្យមអប្បរមា២៣អង្សាសេ និង​សីតុណ្ហភាពមធ្យមអតិបរមា ៣៣ អង្សាសេ ។អាចមានភ្លៀងធ្លាក់​ជាមួយ​ផ្គរ រន្ទះនិងខ្យល់កន្រ្តាក់គ្រប​ដណ្ដប់​លើផ្ទៃដី១០ភាគរយ ។៣.តំបន់មាត់សមុទ្រសីតុណ្ហភាពមធ្យមអប្បរមា២៣អង្សាសេនិងសីតុណ្ហភាពមធ្យមអតិបរមា៣៣អង្សាសេ។អាចមានភ្លៀងធ្លាក់​ជាមួយផ្គរ រន្ទះនិង​ខ្យល់កន្រ្តាក់គ្រប​ដណ្ដប់​លើផ្ទៃដី១០ភាគរយ។រលកសមុទ្រមាន​កម្ពស់​មធ្យម​​អប្បរមា ០,៥០ម៉ែត្រ និងកម្ពស់មធ្យមអតិបរមា១,២៥ម៉ែត្រ៕សូមជូនព្រឹត្តបត្រព័ត៌មានស្តីពីស្ថានភាពធាតុអាកាស៖

(ភ្នំពេញ)៖ យោងប្រសាសន៍ដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា នៅថ្ងៃទី២៧ ខែកញ្ញា ឆ្នាំ២០២៤ ក្នុងកិច្ចប្រជុំពេញអង្គគណៈរដ្ឋមន្ត្រី បានណែនាំឱ្យរដ្ឋបាល រាជធានី​ភ្នំពេញ កែសម្រួលកាលបរិច្ឆេទ នៃការដឹកជញ្ជូនបងប្អូនកម្មករនិយោជិត និងប្រជា​ពលរដ្ឋ ក្នុងការធ្វើដំណើរ ទៅលេងស្រុកកំណើត ជួបជុំបងប្អូន​ក្រុម​គ្រួសារ ជាពិ​សេស​ទៅលេងកម្សាន្តនៅតាមបណ្តាខេត្តភាគឦសាន ក្នុងឱកាស ពិធីបុណ្យ​ភ្ជុំ​បិណ្ឌ ប្រពៃណីជាតិខ្មែរ ដែលមានរយៈពេល ០៦ថ្ងៃ ដោយចាប់ផ្តើមចេញដំណើរ​ពីថ្ងៃទី២៩ ខែកញ្ញា ដល់ថ្ងៃទី០៤ខែតុលា ឆ្នាំ២០២៤ វិញ “ជិះមិនបង់ប្រាក់” ដោយប្រើប្រាស់រថយន្តក្រុងចំនួន ៦៥៣គ្រឿង សម្រាប់បម្រើ សេវាដឹកជញ្ជូន​សាធារណៈ ក្នុងនោះ៖ ១-សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ៖ ប្រើប្រាស់រថយន្ត​ក្រុងចំនួន ១០០គ្រឿង សម្រាប់តម្រាយផ្លូវរតីក្នុងរាជធានីភ្នំពេញ។ ២-សម្រាប់សេវាដឹកជញ្ជូនប្រជាពលរដ្ឋ ដែលនឹងធ្វើដំណើរពីរាជធានីភ្នំពេញ​ទៅតាមបណ្តាខេត្ត និងពីបណ្តា ខេត្តត្រឡប់មករាជធានីភ្នំពេញវិញ (បណ្តាខេត្ត​នានា ក្រៅពីតំបន់ភូមិភាគឦសាន)៖ សូមចូលទៅមើលតម្រាយផ្លូវរថយន្តក្រុង ចំនួន ៤៩៧គ្រឿង ដែលមានគោលដៅ និងទីតាំង ដូចខាងក្រោម៖ ដោយ ហេង…

(ភ្នំពេញ)៖ គិតរហូតមកដល់ចុងខែកញ្ញានេះគ្រោះទឹកជំនន់បានបង្កផលប៉ះពាល់ដល់​ដំ​ណាំ​នៅក្នុងខេត្តចំនួន ៧ក្នុងប្រទេសកម្ពុជាដែលក្នុងនេះបង្កឱ្យខូចខាតផលដំណាំស្រូវ​ប្រមាណជាង ១ម៉ឺនហិកតា។ បញ្ជាក់ប្រាប់បណ្តាញសារព័ត៌មានតាមបណ្តាញសង្គមតេឡេក្រាមនារសៀលថ្ងៃទី ២៧ ខែកញ្ញា ឆ្នាំ ២០៤នេះ លោក ជំទាវ អ៊ឹម រចនាមន្រ្តីនាំពាក្យក្រសួងកសិកម្មរុក្ខាប្រមាញ់ និងនេសាទបានឱ្យដឹងថាក្នុងចំណោមខេត្តដែលទទួលរងផលប៉ះពាល់ទាំងនេះមានដូចជា៖ ខេត្តក្រចេះ ស្ទឹងត្រែង មណ្ឌលគិរី ត្បូងឃ្មុំ កំពង់ចាម កំពង់ធំ និងខេត្តសៀមរាប។ មន្រ្តីនាំពាក្យរូបនេះបានឱ្យដឹងដែរថា ក្នុងការវាយលុកដោយទឹកជំនន់នេះគេបានរកឃើញផលប៉ះពាល់ដែលកើតទៅលើដំណាំស្រូវមានចំនួន ១២ ០០៨ហិកតា ដំណាំស្បៀងរួមផ្សំចំនួន ៤៤៩ហិកតា និងដំណាំទ្រទ្រង់សេដ្ឋកិច្ចចំនួន ៨២២ហិកតា។ គួរបញ្ជាក់ថាភ្លៀងធ្លាក់រយៈពេលជិតមួយខែមកនេះបានធ្វើការពន្លិចប្រទេសជិតខាងកម្ពុជាក្នុងនេះមានដូចជា ថៃ វៀតណាម ភូមានិង ឡាវ។ប្រទេសទាំងនេះសុទ្ធតែ បានទទួលរង ឥទ្ធិពលធ្ងន់ធ្ងរពីព្យុះ Yagi ដែលបង្កឱ្យមនុស្សបាត់បង់ជីវិត សរុបនៅទូទាំងតំបន់ ៧០២នាក់។ ក្នុងនោះ មីយ៉ាន់ម៉ា មានអ្នកស្លាប់ច្រើនជាងគេ គឺ៣៨៤នាក់ ខណៈវៀតណាមមាន ២៩៩នាក់។ ក្រៅពីនេះសាលារៀន ជិត ១,០០០កន្លែង នៅវៀតណាមនិងថៃ បានរងការខូចខាតដែលធ្វើឱ្យសិស្សជាច្រើន ពត្រូវផ្អាកការរៀនសូត្រ៕ ដោយ ៖ម៉ាដេប៉ូ

កំពង់ធំ៖ ផ្លូវក្រាលក្រួសក្រហមប្រវែងជាង១០គីឡូម៉ែត្រដែល​ខូចខាតដោយសារទឹកភ្លៀង ត្រូវបានអាជ្ញាធរឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ដាក់គ្រឿងចក្រជួលជុលវិញ​នៅថ្ងៃទី២៦ ខែកញ្ញា ឆ្នាំ២០២៤។  លោក ជិន ហ៊ីន មេឃុំសាលាវិស័យបានប្រាប់ថា ផ្លូវមួយខ្សែនេះមាន​សារៈសំខាន់ណាស់សម្រាប់ប្រជាពលរដ្ឋក្នុងមូលដ្ឋាន​និងសម្រាប់​ការធ្វើដំណើរឆ្លងកាត់ឬដឹកកសិផលនានាទៅកាន់ទីផ្សារ។ ផ្លូវនេះ​ជួយផ្សារភ្ជាប់សហគមន៍ ទៅទីកន្លែងផ្សេងៗ ដូចជាសាលារៀន មន្ទីរពេទ្យ និងទីផ្សារជាដើម។  អាជ្ញាធរឃុំសាលាវិស័យបានបញ្ជាក់ថា ការជួលជុលឡើងវិញ​មុនថ្ងៃភ្ជុំបិណ្ឌមកដល់នេះ ក៏ដើម្បីសម្រួលដល់ការធ្វើដំណើររបស់ប្រជាពលរដ្ឋទៅកាន់វត្តអារាមផងដែរ។ សូមបញ្ជាក់ថា ផ្លូវលំមួយខ្សែនេះចាប់ចំណុចផ្លូវជាតិលេខ៦២ ស្ថិតនៅភូមិអណ្តាស ដល់វត្តតាឡែកចាស់ ស្ថិតនៅតាឡែកចាស់ ឃុំសាលាវិស័យ ស្រុកប្រាសាទបល្ល័ង្ក ប្រវែងជាង១០គីឡូម៉ែត្រ៕ដោយ​៖ប៊ុន​រដ្ឋា

កំពង់ស្ពឺ៖ឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថ​ខេត្តកំពង់ស្ពឺក្នុងសប្ដាហ៍នេះ​បាននាំអំណោយរបស់ឯកឧត្តម​នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពល​ខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ចែកជូន​កងកម្លាំងអាវុធហត្ថខេត្តក្នុងឱកាសរដូវបុណ្យភ្ជុំបិណ្ឌ។ ក្នុងឱកាសនេះឧត្តមសេនីយ៍ត្រី ម៉េង ស្រ៊ុន បាននាំការផ្តាំផ្ញើសាក​សួរសុខទុក្ខក្នុងឱកាសបុណ្យកាន់បិណ្ឌ និងភ្ជុំបិណ្ឌ ពីសំណាក់ ឯកឧត្តមនាយឧត្តមសេនីយ៍ សៅ សុខា និងកោតសរសើរចំពោះកង​កម្លាំង​ដែលប្រឹងប្រែងអស់ពីកម្លាំងកាយចិត្ត ចូលរួម​សហការថែរក្សា​សន្តិសុខ សណ្តាប់ធ្នាប់សាធារណៈ ជូនប្រជាពលរដ្ឋដោយមិន​ខ្លាចនឿយហត់ ៕ ដោយ៖ ម៉ុន សំអាត

កំពង់ចាម៖ តាមរបាយការណ៍លោកមេឃុំកោះសំរោង ស្រុកកំពង់​សៀម ខេត្តកំពង់ចាមបានឱ្យដឹងថាគិតត្រឹមថ្ងៃ​ទី២៦ ខែកញ្ញា ឆ្នាំ២០២៤ក្នុងឃុំកោះសំរោង​បានទទួលផលប៉ះពាល់រងគ្រោះ​ដោយសារទឹកជំនន់នៅជាច្រើនកន្លែង។ ប្រភពបញ្ជាក់ថា ក្នុងនេះ ទឹកលិចកាត់ផ្លូវក្នុងភូមិទី៦ទាំងស្រុងបណ្ដាល​ឱ្យការធ្វើដំណើឆ្លងកាត់ទៅកំពង់ចម្លងក្នុង​ភូមិទី១បណ្ដាល​ជួប​ការលំបាក។ទឹកហូរច្រោះដាច់ផ្លូវបេតុងប្រវែង៦ម៉ែត្រតាមមាត់​ទន្លេក្នុងភូមិទី១។ទឹកលិចសាលាបឋមសិក្សា២កន្លែងស្ថិត​ក្នុងភូមិ​ចុងកោះនិងក្នុងវត្តព្រះអង្គខ្មៅត្រូវផ្អាកការសិក្សាជាបណ្ដោះអាសន្ន។ទឹកលិចវត្តចំនួន២មាន៖វត្តព្រះអង្គខ្មៅ ភូមិទី៦,វត្តឥន្ទកោសី ភូមិទី៤។ បាក់ច្រាំងទន្លេនៅកោះដាច់បង្ខំត្រូវ​រុះរើផ្ទះនិងរំកិលចូលក្នុងចំនួន១៣ខ្នងផ្ទះ។លិចចម្ការដំណាំ​ចំនួន៤ហិតាបណ្ដាលឱ្យខូចខាតទាំងស្រុង។លិចផ្ទះប្រជាពលរដ្ឋចំនួន៧៦ខ្នងផ្ទះ។ របាយការណ៍ដដែលបន្ថែមថា ជាវិធានការដោះស្រាយអាជ្ញាធរ​បានជម្លៀសប្រជាពលរដ្ឋក្នុង​ភូមិកោះដាច់ចំនួន៤៥គ្រួសារ​និងសត្វពាហនៈជាង១០០ក្បាលទៅកាន់ទីទួលសុវត្ថិភាព៕ដោយ៖ លីពៅ