កំពង់ចាម៖ ភូមិឋាន ផ្លូវ និងច្រាំងទន្លេមួយចំនួនក្នុងភូមិសាស្ត្រ​ខេត្តកំពង់ចាម បានរងផលប៉ះពាល់ ដោយសារជំនន់ទឹកទន្លេ​មេគង្គខេត្តកំពង់ចាម ខណៈទឹកហក់ឡើងជាបន្តបន្ទាប់ ។ជាក់ស្តែង ស្ថិតនៅក្នុងភូមិជីហែ ឃុំពាមប្រធ្នោះ ស្រុកកោះសូទិន ក៏មាន​ករណីបាក់ស្រុតច្រាំងទន្លេប្រមាណជាង៦០ម៉ែត្រ ហើយត្រូវបាន​មន្ទីរពាក់ព័ន្ធ​ច្រកបាវខ្សាច់ទម្លាក់នៅ​កន្លែងទីតាំងបាក់ស្រុកនោះ។ ។ចំណែកស្ថិតនៅឃុំកោះសូទិនក៏មានផ្ទះមួយចំនួនបានជន់លិច ។ផ្ទះខ្លះត្រូវរំកិលទីតាំងទៅកន្លែងថ្មី ។ចំណែកផ្លូវដី និងផ្លូវបេតុង​រាប់ពាន់ម៉ែត្រ ស្ថិតនៅក្នុងភូមិសាស្ត្រមួយចំនួនត្រូវបានជន់លិច​ដូចគ្នា។នេះបើយោងតាមការបញ្ជាក់ពីអាជ្ញាធរមូលដ្ឋាន​ខាងលើ។ ចំពោះស្ថានភាពទឹកទន្លេមេគង្គខេត្តកំពង់ចាម លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមបានបញ្ជាក់ ថា ទឹកទន្លេមេគង្គខេត្តកំពង់ចាមនៅថ្ងៃទី២៥ ខែកញ្ញានេះ បានបន្តឡើង ថែមទៀតដល់កម្ពស់១៤,១០ម៉ែត្រ ធៀបថ្ងៃម្សិលមិញទឹក​ឡើង​០,២០ម៉ែត្រ ។កម្ពស់ទឹកពេលនេះធៀបទៅឆ្នាំ២០២៣ក្នុងអំឡុង​ពេលដូចគ្នា ទឹកទន្លេមានកម្ពស់១២,៦៦ម៉ែត្រ។ លោកបន្ថែមថា ខេត្តកំពង់ចាមកម្ពស់ទឹកចំណុចប្រកាសប្រុងប្រយ័ត្នមានកម្ពស់១៥,២០ម៉ែត្រ។ ប្រភបដដែលបង្ហាញថា ស្ថានភាពទឹកទន្លេមេគង្គនៅថ្ងៃទី២៥ ខែ​កញ្ញានេះឡើងដល់កម្ពស់ជាង១៤ម៉ែត្រដែលធ្វើឱ្យព្រែក​ចំនួន៣៦​ក្នុងចំណោម៤១ព្រែកទទួលបាននូវរបបទឹកទន្លេមេគង្គក្នុងនោះរួមមាន៖១.ស្រុកស្ទឹងត្រង់ព្រែកចំនួន​៥ លើព្រែក៥​,២.ស្រុកកំពង់​សៀម​៩​ព្រែក​លើ១១ព្រែក,៣.ស្រុកកងមាស ១០ព្រែកលើ១៣ព្រែក,  ៤.ស្រុកកោះសូទិន ៥ព្រែកលើ ៥ព្រែកនិង៥.ស្រុកស្រីសន្ធរ ៧​ព្រែកលើ ៧ព្រែក។ លោក អ៊ុម វិបុល បានបញ្ជាក់ទៀតថា សម្រាប់ស្ថានភាពធាតុអាកាស​មានភ្លៀងផ្គររន្ទះកម្រិតតិចទៅបង្គួរក្នុងបរិមាណជា​មធ្យម​ពី២០%​ទៅ៣០% និងមានខ្យល់ខ្លាំងមកទិសទក្សិណល្បឿនពី ១ទៅ៤​ម៉ែត្រក្នុង១វិនាទី៕ ដោយ៖លី ពៅ

ព្រះវិហារ៖រដ្ឋលេខាធិការក្រសួងធនធានទឹក និងឧតុនិយមឯកឧត្តម ចាន់ យុត្ថា តំណាងឯកឧត្តមរដ្ឋមន្រ្តី​បានដឹកនាំគណៈប្រតិភូ​ជាន់ខ្ពស់​ក្រសួង នាំយកអំណោយជាគ្រឿងឧបភោគ បរិភោគ និងថវិកាមួយ​ចំនួនរបស់ឯកឧត្តមរដ្ឋមន្ត្រីទៅជូននាយទាហាន នាយទាហានរង និងពលទាហាន នៅក្នុងអង្គភាពវរសេនាតូចលេខ២ ចំណុះបញ្ជាការ​ដ្ឋានតំបន់ប្រតិបត្តិការសឹករងព្រះវិហារ ដែលឈរជើងនៅព្រំដែន​កម្ពុជា-ថៃ នៃតំបន់អានសេះ ស្ថិតក្នុងភូមិសាស្ត្រស្រុកជាំក្សាន្ត ខេត្តព្រះវិហារ ។ អំណោយដែលប្រគល់ជូនផ្ទាល់ដៃដល់អង្គភាពសម័្ពន្ធមេត្រីភាពកាលពីរសៀលថ្ងៃទី២៤ ខែកញ្ញា រួមមាន អង្ករ មីកញ្ចប់ ទឹកស៊ីអ៊ីវ ទឹកម្ទេស ទឹកក្រូច ទឹកបរិសុទ្ធ ត្រីខកំប៉ុងនិងទាំងថវិកាមួយចំនួន។ ពេលទទួលគណៈប្រតិភូនិងអំណោយ ឧត្តមសេនីយ៍ទោ ច័ន្ទ សុភ័ក្រ្តា មានប្រសាសន៍ស្វាគមន៍យ៉ាងកក់ក្តៅបំផុត នូវដំណើរចុះ​សួរសុខទុក្ខ និងអរគុណចំពោះគណៈប្រតិភូក្រសួងធនធានទឹក និងឧតុនិយម ជាពិសេសឯកឧត្តមរដ្ឋមន្ត្រី ដែលបានគិតគូ យកចិត្ត​ទុកដាក់ខ្ពស់ ចំពោះកងទ័ពប្រចាំព្រំដែនក្នុងបុព្វហេតុការជាតិ ការពារអធិបតេយ្យ បូរណភាពទឹកដី និងប្រជាពលរដ្ឋកម្ពុជា។ ចំណែកឯកឧត្តម ចាន់ យុត្ថា តំណាងឯកឧត្តមរដ្ឋមន្រ្តីបាននាំការផ្តាំ​ផ្ញើសួរសុខទុក្ខពីឯកឧត្តមរដ្ឋមន្ត្រីក្រសួងធនធានទឹក និង​ឧតុនិយម ជូនចំពោះកងកម្លាំងប្រចាំព្រំដែន នាឱកាសពិធីកាន់បិណ្ឌ,ភ្ជុំបិណ្ឌ​និងបានកោតសរសើរ ចំពោះនាយទាហាន នាយទាហានរង និងពលទាហានទាំងអស់ ដែលបានលះបង់ពេលវេលាដ៏មានតម្លៃ មិនគិតពីបុណ្យទាន ឬ…

(មណ្ឌលគិរី)៖ នៅតាមផ្ទះជាលក្ខណៈតូចៗសង់បែបឈើ និងខ្លះជាថ្មបែបសម័យទំនើបផងដែរ ជនជាតិដើមព្នងឬពូនងរស់នៅដែនជម្រកសត្វព្រៃកែវសីមា ខេត្តមណ្ឌលគិរី នៅតែអាចរក្សាភាសានិយាយរបស់ខ្លួនយ៉ាងល្អ ហើយពិសេសជាងនេះទាំងការរស់នៅនិង ការប្រតិបត្តិពីទំនៀមទម្លាប់ប្រពៃណី និងវប្បធម៌នៅតែប្រកាន់យ៉ាងខ្ចាប់ខ្ជួន ដែលហាក់ពុំមានអ្វីប្រែប្រួលខ្លាំងឡើយ ។ នៅតាមផ្ទះនីមួយៗគេឃើញបងប្អូនជនជាតិដើមភាគតិចទាំងនេះទាំងចាស់ក្មេងអាចនិយាយភាសាពូនងបានយ៉ាងស្ទាត់ជំនាញដែលយើងមិនអាចស្តាប់បាន។មិនថាចាស់ៗទេសូម្បីតែក្មេងតូចៗក៏អាចនិយាយភាសាជនជាតិរបស់គេឆ្លើយឆ្លងគ្នាយ៉ាងសប្បាយរីករាយផងដែរ។ក្រៅពីនិយាយភាសាពូនងក្មេងៗក៏អាចនិយាយភាសាខ្មែរបានដូចគ្នា។ ក្នុងវ័យ ៥០ប្លាយ ស្រ្តីឈ្មោះលឹក ភូអេ រស់នៅ ភូមិពូត្រុំ សង្កាត់រម្យនា ក្រុង សែនមនោរម្យ ខេត្ត មណ្ឌលគិរីបានប្រាប់ទូរទស្សន៍អប្សរាឱ្យដឹងថាអ្នកស្រីចេះភាសាខ្មែរតិចតួចណាស់ ។ ក្នុងដើមកំណើតនៅទីនេះអ្នកស្រីពុំសូវបានចេញទៅក្រៅទេ ពោលគឺរស់នៅតែស្រុកភូមិតែប៉ុណ្ណោះ ។ កំពុងជក់បារី ដែលអមជាមួយអ្នកបកប្រែជាជំនួយផងអ្នកស្រី ភូអេ ប្រាប់ថាបច្ចុប្បន្នអ្នកស្រីរស់នៅបែបជនជាតិដែលបន្សល់ពីដូនតាមក។ គ្រួសារអ្នកស្រីតែងនិយាយតែភាសាជនជាតិដើមពូនងភាគច្រើន។ លោក សាម ក្រេះ អាយុ ៥២ឆ្នាំ រស់នៅភូមិពូត្រុំនេះដែរបានឱ្យដឹងពីជនជាតិពូនង ពួកគាត់នៅតែរក្សាទំនៀមទំលាប់តាមបែបប្រពៃណីរបស់ខ្លួននៅពេលដែលពួកគេរៀបចំពិធីអ្វីមួយនៅតាមស្រុកភូមិរបស់ខ្លួនដោយមានការបែបន់ការលាបំណន់អ្វីមួយ។ លោកថា ក្រៅពីនេះ ពិធីសែនព្រេនតាមបែបប្រពៃណីជនជាតិដើមភាគតិចពូនងតែងមានចាស់ទុំឬមេកន្ទ្រាញ បានកោះហៅទាំងក្មេងចាស់ប្រុសស្រីឲ្យមកប្រមូលផ្តុំគ្នា យកនំចំណី អាហារ មានមាន់ អង្ករ បង្អែម អន្សម ស្រាពាង ជាដង្វាយមកសែនព្រេនដល់អ្នកតាម្ចាស់ស្រុក សុំឲ្យពរជ័យមកកូនចៅដោយទទួលបានសេចក្តីសុខ សេចក្តីចម្រើនទាំងអស់គ្នា និងសូមឲ្យរស់នៅប្រកបដោយសុខក្សេមក្សាន្ត ។…