ភ្នំពេញ៖ព្រឹត្តិបត្រព័ត៌មានកម្ពស់ទឹកម៉ោង ៧ព្រឹក ថ្ងៃទី១ ខែតុលា ឆ្នាំ២០២៤ នៅតាមបណ្ដាស្ថានីយជលសាស្ត្រ។ស្ថានភាពទឹកទន្លេ ៖​ ស្ថានីយជលសាស្ត្រទន្លេមេគង្គ ទន្លេសាប និង​ទន្លេបាសាក់ ទឹកបាននិងកំពុងស្រកជា​បន្តបន្ទាប់។សូមជូនព្រឹត្តិបត្រព័ត៌មាន និងព្យាករណ៍កម្ពស់ទឹក៖

(ត្បូងឃ្មុំ)៖ កាកបាទក្រហមកម្ពុជា ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានចុះសួរសុខទុក្ខ និងចែកអំណោយមនុស្សធម៌ជូនដល់​ប្រជា​ពលរដ្ឋ​រងគ្រោះដោយទឹកជំនន់ទន្លេមេគង្គ និងបានជម្លៀសមកកាន់ទីទួលសុវត្ថិ​ភាព ចំនួន ១.១៨១គ្រួសារ មកពីភូមិចំនួន១៩ នៃឃុំជីរោទិ៍ និងឃុំទន្លេបិត ស្រុកត្បូងឃ្មុំ ខេត្តត្បូងឃ្មុំ នាថ្ងៃទី៣០ ខែកញ្ញា ឆ្នាំ២០២៤ ។ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បាននាំនូវ​ការផ្ដាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលជានិច្ចកាល សម្តេច តែងតែយកចិត្តទុកដាក់ខ្ពស់ ចំពោះសុខទុក្ខ របស់ បងប្អូនប្រជាពលរដ្ឋរងគ្រោះ និងងាយរងគ្រោះគ្រប់រូប ដោយមិនប្រកាន់ វណ្ណៈ ព​ណ៌សម្បុរ ជំនឿសាសនា ឬនិន្នាការនយោបាយណា​មួយឡើយ ។ លោកជំទាវ ម៉ែន នារីសោភ័គ ក៏បានផ្តាំផ្ញើឲ្យប្រជាពលរដ្ឋគ្រប់រូបមានការប្រុង​ប្រយ័ត្ន​ឲ្យបានគ្រប់ៗគ្នា…

(ភ្នំពេញ)៖ ឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញ និងជាអនុ​ប្រធាន​អចិន្ត្រៃយ៏សមាគមអន្តរជាតិអភិបាលក្រុងប្រើប្រាស់ភាសាបារាំង(AIMF) បានដឹកនាំគណៈប្រតិភូសាលារាជធានីភ្នំពេញចាកចេញពីរាជធានីភ្នំពេញនាល្ងាចថ្ងៃទី៣០កញ្ញា ឆ្នាំ២០២៤ ដើម្បីចូលរួមកិច្ចប្រជុំពេញអង្គនៃសមាជិកការិយាល័យអចិន្ត្រៃយ៍​លើកទី១០២នៃសមាគមអន្តរជាតិអភិបាលក្រុង ប្រើប្រាស់ភាសាបារាំង(AIMF) នៅទីក្រុងប៉ារីស ប្រទេសបារាំង។ ឯកឧត្តមឃួង ស្រេង អភិបាលរាជធានីភ្នំពេញ នឹងអញ្ជើញ ចូលរួមកិច្ចប្រជុំការិយា​ល័យអចិន្ត្រៃយ៏លើកទី១០២របស់(AIMF)ក្រោមមតិស្វាគមរបស់លោកជំទាវ Anne HIDALGO អភិបាលក្រុងប៉ារីសនិងជាប្រធានសមាគមAIMF។នៅថ្ងៃទី៤ខែតុលា ឯកឧត្តមអភិបាលរាជធានីភ្នំពេញនឹងអញ្ជើញចូលរួមកិច្ចប្រជុំកំពូលហ្រ្វង់កូហ្វូនី នៅទី ក្រុងVillers.Cotterets ។ នាឱកាសនោះ ក៏មានសន្ទរកថាស្វាគមន៍ដោយ​ប្រធានាធិ​បតី​​សាធារណៈរដ្ឋបារាំង,ប្រធានាធិបតីសាធារណៈរដ្ឋទុយនេស៊ី និងអគ្គលេខាធិការ​ហ្វ្រង់កូហ្វូនី ផងដែរ។ នាឱកាសនោះ ក៏មានរៀបចំពិធីប្រគល់សិទ្ធជាម្ចាស់ផ្ទះនៃកិច្ច​ប្រជុំកំពូលហ្វ្រង់កូហ្វូនីពីសាធារណៈរដ្ឋទុយនេស៊ី ទៅសាធារណៈរដ្ឋបារាំង។កម្មវិធីបន្តគឺ និយាយពីបញ្ហាប្រឈមនៃប្រជាពលរដ្ឋ​ហ្រ្វង់​កូហ្វូនីទៅកាន់យុគ្គសម័យបច្ចេកវិទ្យា,​ព័ត៌មាន​ពិត​, ព័ត៌មានមិនពិត,ការសម្រប​សម្រួល​,ពហុភាសា និងបញ្ញាសិប្បនិមិ្មតផងដែរ៕ ដោយ ៖ ហេង សម្បត្តិ + ថេត វិចិត្រ

(ខេត្តក្រចេះ)៖ នៅសល់តែពីរថ្ងៃទៀតប៉ុណ្ណោះ ពិធីបុណ្យភ្ជុំបិណ្ឌប្រពៃណីជាតិខ្មែរ នឹងឈានចូលមកដល់ហើយ បន្ទាប់ពីពិធីបុណ្យកាន់បិណ្ឌ ដែលមានរយៈពេល ២សប្តាហ៍ នឹងត្រូវបានបិទបញ្ចប់ ទៅតាមទំនៀមទំលាប់ ប្រពៃណីជាតិ ដែលដូនតាខ្មែរ បានប្រារព្ធធ្វើឡើងជារៀងរហូតមកនោះ។ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅក្នុងកិច្ចប្រជុំគណៈរដ្ឋមន្ត្រី បានណែនាំ អភិបាលរាជធានីភ្នំពេញ ឯកឧត្តម ឃួង ស្រេង ឱ្យរៀបចំរថយន្តក្រុង ដើម្បីដឹកជញ្ជូនបងប្អូនកម្មករ-និយោជិត និងប្រជាពលរដ្ឋ ក្នុងការធ្វើដំណើរទៅលេងស្រុកកំណើត ជួបជុំបងប្អូនក្រុមគ្រួសារ ជាពិសេសទៅលេងកម្សាន្ត នៅតាមបណ្តាខេត្តភាគឦសាន ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ ដែលការដឹកជញ្ជូននោះ នឹងធ្វើឡើងក្នុងរយៈពេល ៦ថ្ងៃ ចាប់ពីថ្ងៃទី២៩ ខែកញ្ញា ដល់ថ្ងៃទី៤ ខែតុលា ឆ្នាំ២០២៤ «ជិះមិនបង់ប្រាក់» ដើម្បីប្រើប្រាស់រថយន្តក្រុង ចំនួន ៦៥៣គ្រឿង សម្រាប់បម្រើសេវាដឹកជញ្ជូនសាធារណៈ។ ដោយឡែក នៅថ្ងៃទី៣០ ខែកញ្ញា ឆ្នាំ២០២៤ រថយន្តក្រុង ១៨គ្រឿង ក្នុងចំណោម ២០គ្រឿង បានដឹកជញ្ជូនបងប្អូនប្រជាពលរដ្ឋដោយឥតគិតថ្លៃ ពីរាជធានីភ្នំពេញ មកខេត្តក្រចេះ…

កំពង់ធំ៖លោកឧត្តមសេនីយ៍ត្រី ហេង សុផល ស្នងការនគរបាលខេត្ត  នៅថ្ងៃទី៣០ ខែកញ្ញា នេះរួម​កងកម្លាំងបានអញ្ជើញ​កាន់បិណ្ឌវេនទី១៣ នៅវត្តមន្នីរង្សី ហៅវត្ដថ្មី ស្ថិតនៅភូមិស្នោ ឃុំត្រពាំងឬស្សី ស្រុកកំព​ង់​ស្វាយ ខេត្តកំពង់ធំ។  លោកឧត្តមសេនីយ៍ត្រី ហេង សុផល និងក្រុមការងារ​បាននាំយកនូវ​បច្ច័យទេ​យ្យទាន គ្រឿងឧបភោគបរិភោគ ភេសជ្ជៈជាច្រើនមុខ ទៅវេរប្រគេនព្រះសង្ឃ ដើម្បីឧទ្ទិសនូវផល្លា អានិសង្ឃ ជូនទៅដល់វិញ្ញាណក្ខន្ធបុព្វការីជន ជីដូន ជីតាញាតិការទាំង ប្រាំពីរសន្ដាន ដែលបានចែកឋាន​ទៅកាន់លោកខាងមុខ៕ដោយ៖​ប៊ុន​រដ្ឋា

ព្រះវិហារ៖រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តមនាយឧត្តម​សេនីយ៍ គីម ប៊ុនថាន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជួបសំណេះសំណាល និងនាំយកដ៏ថ្លៃថ្លារបស់សម្តេចធិបតី ហ៊ុន ម៉ាណែត និងលោក​ជំទាវបណ្ឌិត ពេជ ចន្ទមុន្នី ប្រគល់ជូនទីបញ្ជាការតំបន់ប្រតិបត្តិការ​សឹករងព្រះវិហារ ។ ក្នុងពិធីសំណេះសំណាលនិងពិធីប្រគល់កាលពីថ្ងៃអាទិត្យទី២៩ ខែកញ្ញា ឆ្នាំ២០២៤ អំណោយដ៏ថ្លៃថ្លារួមមាន៖ អង្ករ១០តោន ទឹកត្រី២០០យួរ ទឹកស៊ីអ៊ីវ២០០យួរ មីជាតិ២០០កេស និងត្រីខ១០០កេស ដើម្បីធ្វើការងារមនុស្សធម៌ ។ មេបញ្ជាការតំបន់ប្រតិបត្តិការសឹករងព្រះវិហារឧត្តមសេនីយ៍ទោ ច័ន្ទ សុភ័ក្ត្រា បានគូសរំលេចថា សម្ដេចធិបតី ហ៊ុន ម៉ាណែត នាយករដ្ឋមន្ត្រី​កម្ពុជា និងលោកជំទាវបណ្ឌិត ពេជ ចន្ទមុន្នី តែងតែបានឧបត្ថម្ភគ្រឿង​ឧបភោគបរិភោគ សម្ភារៈប្រើប្រាស់ គ្រឿង​សំណង់ជាច្រើនដល់អង្គភាព​តំបន់សឹករងខេត្ត ដើម្បីបម្រើការងារមនុស្សធម៌ ចែកជូនបងប្អូនអតីត​យុទ្ធជន កងទ័ព គ្រួសារកងទ័ព ប្រជាពលរដ្ឋក្រីក្រ ដែលជួបការលំបាក និងជួបគ្រោះមហន្តរាយផ្សេងៗ ដែលកើតឡើងជាយថាហេតុណា​មួយ។ ក្នុងឱកាសនេះដែរ រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តមនាយ​ឧត្តមសេនីយ៍ គីម ប៊ុនថាន…

កំពង់ធំ៖ក៏ដូចជាបណ្ដាខេត្តដទៃដែរ ដោយមានការចង្អុលបង្ហាញពី ឯកឧត្តម នួនផារ័ត្ន អភិបាលខេត្តកំពង់ធំ ,លោក ជា វ៉ាន់ចាន់ អភិបាលរងខេត្តកំពង់ធំបានដឹកនាំក្រុមការងារចាំទទួល បងប្អូនកម្មករ និយោជិត និងប្រជាពលរដ្ឋដែលធ្វើដំណើរតារថយន្ត​ក្រុង​របស់រាជរដ្ឋាភិបាលនិងរៀបចំដោយរដ្ឋបាលរាជធានីភ្នំពេញ ដោយជិះមិនបង់ប្រាក់ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែ។ការដឹកជញ្ជូនមកកាន់ខេត្តកំពង់ធំចាប់ពីថ្ងៃទី២៩ ខែកញ្ញា ដល់ថ្ងៃទី៤ ខែតុលា ឆ្នាំ២០២៤ ដែលមានទីតាំង ស្ថិតនៅភោជនីយ​ដ្ឋានស្ទឹងសែន ក្រុងស្ទឹងសែន ខេត្តកំពង់ធំ ។ លោក ជា វ៉ាន់ចាន់ អភិបាលរងខេត្ត បានបញ្ជាក់នៅថ្ងៃទី៣០ ខែកញ្ញានេះថា យោងតាមប្រសាសន៍ណែនាំរបស់​ប្រមុខ​រាជរដ្ឋា ភិបាលកម្ពុជាសម្ដេចធិបតី ហ៊ុន ម៉ាណែត នៅថ្ងៃទី២៧ ខែកញ្ញា ក្នុងកិច្ចប្រជុំពេញអង្គគណៈរដ្ឋមន្ត្រី បានណែនាំឱ្យ​រដ្ឋបាលរាជ ធានីភ្នំពេញ កែសម្រួលកាលបរិច្ឆេទនៃការដឹកជញ្ជូនបង ប្អូនកម្មករ និយោជិត និងប្រជាពលរដ្ឋ ក្នុងការធ្វើដំណើរ​ទៅលេងស្រុកកំណើត ជួបជុំបងប្អូនក្រុមគ្រួសារ។ ជាពិសេសទៅកម្សាន្តនៅតាម បណ្តាខេត្ត ភាគឦសាន​ក្នុងឱកាសពិធីបុណ្យ​ភ្ជុំបិណ្ឌ ដែលមានរយៈពេល៦ថ្ងៃ ដោយចាប់​ផ្តើមចេញដំណើរពីថ្ងៃទី២៩ ខែកញ្ញា ដល់ថ្ងៃទី៤ខែតុលា ដោយជិះមិនបង់ប្រាក់ និងប្រើប្រាស់រថយន្តក្រុងចំនួន ៦៥៣​គ្រឿង សម្រាប់បម្រើសេវាដឹកជញ្ជូនសាធារណៈ២៥ ខេត្ត…