(ភ្នំពេញ)៖ក្នុងការធ្វើកំណាយនៅក្នុងបរិវេណប្រាសាទតាព្រហ្ម ក្រុមអ្នកជំនាញបាន​រកឃើញ​បំណែកក្បាលនាគ ដែលជាផ្នែកមួយរបស់បដិមាព្រះពុទ្ធបដិមាប្រក់នាគតម្កល់​នៅក្នុងសាលរបាំ រួមទាំងបំណែកផ្សេងៗរបស់បដិមាតូចធំមួយចំនួនផង។ គួរបញ្ជាក់ថា ការរកឃើញនេះបន្ទាប់ពីក្រុមអ្នកបុរាណវិទ្យានៃអាជ្ញាធរជាតិអប្សរា សហការជាមួយស្ថាប័នស្រាវជ្រាវបុរាណវិទ្យាឥណ្ឌា(ASI)ដែលកំពុងធ្វើកំណាយនៅទីកន្លែងមួយនេះរួចមក។ បុរាណវិទូ លោកស្រី នេត ស៊ីមន ឱ្យដឹងថា កាលពីខែកក្កដា ឆ្នាំ២០២៤ ក្នុងពេលដែល​ក្រុមការងារបានរៀបចំសម្រង់ប្លង់បំណែកថ្មដែលនៅរាយប៉ាយជុំវិញរោងទងទី៣នៃប្រាសាទតាព្រហ្មបានប្រទះឃើញបំណែកខ្លួននាគមួយផ្នែកនៃចម្លាក់បដិមាព្រះពុទ្ធប្រក់នាគ មួយផ្នែកកប់នៅក្នុងដី។ ក្រោយពីកំណាយឃើញថា ថ្មនៃបំណែកក្បាលនាគនេះ គឺជាបំណែកចម្លាក់នាគ ដែល​ជា​ដងខ្លួននាគរបស់ព្រះពុទ្ធប្រក់នាគ ដែលបានយកទៅដាក់តម្កល់ក្នុងសាលរបាំ។ប៉ុន្តែ បំណែកក្បាលនាគមានត្រឹមក្បាលតែ២ប៉ុណ្ណោះ គឺក្បាលផ្នែកកណ្តាល និងខាងស្តាំ ក្នុងចំណោមនាគក្បាល៧។ អ្វីដែលធ្វើឱ្យអ្នកជំនាញសន្និដ្ឋានថា ជាបំណែកមួយរបស់​ព្រះពុទ្ធប្រក់នាគ គឺមុខថ្មមានទំហំត្រូវគ្នា សាច់ថ្មតែមួយ រួមទាំងក្បូរក្បាច់ក្នុងទម្រង់​ដូចគ្នា។ តាមស្ថានភាពនៃបំណែកក្បាលនាគកប់នៅក្នុងដីនេះ គឺមានការរៀបចំទុកយ៉ាង​ត្រឹមត្រូវ ដែលអ្នកជំនាញគិតថា បំណែករូបនេះ ត្រូវបានគេកប់ទុកនៅទីតាំងនេះ ដោយការ​គោរព ដែលប្រហែលជានៅក្រោយរាជព្រះបាទជ័យវរ្ម័នទី៧ ពេលដែលផ្លាស់​ប្ដូរសាសនាពីពុទ្ធសាសនាមហាយានទៅព្រហ្មសាសនាវិញ។ ក្រុមការងារសង្ឃឹមថា នឹងអាចរកឃើញផ្នែកផ្សេងៗរបស់ពុទ្ធបដិមាប្រក់នាគដ៏ធំមួយនេះ​បន្ថែម​ទៀត​នាពេលអនាគ ដើម្បីយកមកផ្គុំឡើងវិញ ឱ្យបដិមានេះពេញរូបរាង ទុកឱ្យពុទ្ធសាសនិកគោរពបូជាតាមជំនឿ។ បុរាណវិទូរូបនេះ ឱ្យដឹងទៀតថា ក្រៅពីបំណែកក្បាលនាគដ៏សំខាន់នេះ ក៏រកឃើញបំណែកផ្សេងៗរបស់ពុទ្ធបដិមា និងចម្លាក់ផ្សេងៗមួយចំនួនទៀត មានដូចជា ប្រអប់ដៃ ប្រអប់ជើង ដងខ្លួន ជើងទម្រ ព្រះសិរ ជាដើមព៕…

(ភ្នំពេញ)៖ អ្នកនាំពាក្យក្រសួងសាធារណការ និងដឹកជញ្ជូនបានឱ្យដឹងថា នៅវេលាម៉ោងជាង៩ព្រឹក ថ្ងៃទី១៨ ខែកញ្ញា ឆ្នាំ២០២៤នេះ ជំនន់ទឹកភ្លៀងដែលចាល់ពីផ្នែកម្ខាងហូរឆ្លងកាត់​មក​លើ​​ផ្លូវល្បឿនលឿនភ្នំពេញ-ព្រះសីហនុ រយៈពេលខ្លីនៅចន្លោះគីឡូម៉ែត្រ K168 – K169 ស្ថិតនៅភូមិម១ ឃុំទំនប់រលក ស្រុកស្ទឹងហាវ ខេត្តព្រះសីហនុ បានស្រកហើយ។ នៅពេលនេះ ក្រុមការងារក្រមហ៊ុនផ្លូវល្បឿនលឿនភ្នំពេញ-ព្រះសីហនុ បានកៀរភក់ និងលាងសម្អាតផ្លូវ ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ​ជាប្រក្រតីឡើងវិញ ។ កម្លាំងនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈប្រចាំការលើផ្លូវ​ល្បឿនលឿន នៅតែអន្តរាគមន៍ដើម្បីសម្រួលនិងបញ្ជាចរាចរណ៍ ៕ ដោយ ៖ លីដា

 ភ្នំពេញ : មន្ទីរពេទ្យ អុីនធ័រឃែរ ដែលតែងតែផ្តល់សេវាកម្មថែទាំសុខភាពឈានមុខគេ នៅថ្ងៃទី ១៦ ខែ កញ្ញា ឆ្នាំ ២០២៤ បានប្រកាសពីការបើកដំណើរការនៃ អុីនធ័រឃែរ អ៊ិចប្រេស ដែលជាគំនិតផ្តួចផ្តើមក្នុងការនាំយកសេវាថែទាំសុខភាពឲ្យកាន់តែជិតសហគមន៍របស់អ្នក។ ដើម្បីឆ្លើយតបទៅនឹងតម្រូវការសម្រាប់ដំណោះស្រាយបញ្ហាសុខភាពជាមួយនឹងភាពងាយស្រួល និងទំនុកចិត្ត ដូច្នេះសាខា អុីនធ័រឃែរ អ៊ិចប្រេស ទាំងពីរមានគោលបំណងផ្តល់នូវការថែទាំសុខភាពតាមតម្រូវការនិងយកចិត្តទុកដាក់លើសហគមន៍បន្ថែមទៀតផ្តោតលើសុខភាព និងសុខមាលភាពលោកអ្នក។ សាខាអុីនធ័រឃែរ អ៊ិចប្រេស ថ្មីនេះមានទីតាំងស្ថិតនៅ វិមានកុលាប និង Urban Village (ផ្លូវ ៦០ ម៉ែត្រ) ដើម្បីបន្ថែមសេវាកម្មថែទាំសុខភាពរវាងមន្ទីរពេទ្យធំ និងការថែទាំបឋម ដោយផ្តល់នូវលទ្ធភាពទទួលបានសេវាថែទាំសុខភាពសំខាន់ៗយ៉ាងឆាប់រហ័ស។ សាខា អុីនធ័រឃែរ អ៊ិចប្រេស នឹងផ្តល់ការពិនិត្យនិងព្យាបាលមួយសម្រាប់អ្នកជំងឺដែលសែ្វងរកសេវាសុខភាពរហ័សនៅក្នុងសហគមន៍របស់ពួកគេ ក៏ដូចជាការបញ្ចូនទៅកាន់មន្ទីរពេទ្យ អុីនធ័រឃែរ ទាន់ពេលវេលាដែលជាមន្ទីរពេទ្យស្តង់ដារអន្តរជាតិ។ អុីនធ័រឃែរ អ៊ិចប្រេស នឹងផ្តល់ជូននូវសេវាកម្មថែទាំសុខភាពជាច្រើនជាមួយទំនុកចិត្តខ្ពស់ រួមមានការពិគ្រោះជំងឺទូទៅ ការចាក់វ៉ាក់សាំង ការពិនិត្យសុខភាព ជំនួយសង្គ្រោះបន្ទាន់ និងការប្រើប្រាស់ឧបករណ៍ឆក់បេះដូងស្វ័យប្រវត្តិ (AEDs)។ ដើម្បីជាការអបអរសាទរសម្រាប់ការបើកដំណើរការថ្មី អុីនធ័រឃែរ អ៊ិចប្រេស នឹងមានការផ្តល់ជូនពិសេស រួមទាំងការបញ្ចុះតម្លៃ ២០%…

កំពង់ឆ្នាំង៖ យុទ្ធនាការចាក់វ៉ាក់សាំងបង្ការជំងឺគោ ក្របី បានចាប់ផ្តើម​នៅភូមិត្រពាំងក្របៅ ឃុំខ្លុងពពក ស្រុកទឹកផុស ខេត្តកំពង់​ឆ្នាំងកាល​ពីព្រឹកថ្ងៃទី ១៦ ខែកញ្ញា ឆ្នាំ២០២៤ដោយមានការអញ្ជើញចូលរួម​ដោយ​ផ្ទាល់ពីលោកជំទាវ កែ ចន្ទមុនី តំណាងរាស្ត្រ​មណ្ឌលខេត្ត​កំពង់ឆ្នាំង ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង។ ថ្លែងក្នុងយុទ្ធនាការនេះឯកឧត្តម ស៊ុន សុវណ្ណារិទ្ធិ អភិបាលខេត្ត​កំពង់ឆ្នាំងបានរំលឹក និងអំពាវនាវដល់ប្រជាពលរដ្ឋជាម្ចាស់គោ ក្របីសូមរូតរះនាំយកសត្វពាហនៈមកចាក់វ៉ាក់សាំងឱ្យបានគ្រប់គោ ក្របី។ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត​កំពង់ឆ្នាំង​បានបញ្ជាក់ពីសារៈសំខាន់នៃការ​ចាក់វ៉ាក់សាំងថា​ការយកគោ​ ក្របី មកចាក់ទាន់ពេលវេលានាពេលនេះ​មិនចំណាយលុយកាក់។ការចាក់ថ្នាំការពារ គឺប្រសើរជាងការព្យាបាល។ លោកបានផ្តល់ជាគំនិត​ បើអាចសូមផ្លាស់ប្ដូរពីការចិញ្ចឹមគោដែលជាពូជតូចៗមកចិញ្ចឹមគោដែល​មានពូជធំៗព្រោះវាអាចជួយបង្កើន​ជីវភាពគ្រួសារ។ យោងតាមរបាយការណ៍របស់ លោកក្រឹង សំអាត ប្រធានការិយាល័យ​ផលិតកម្មនិងបសុជាព្យាបាល​ខេត្តកំពង់ឆ្នាំងបានឱ្យដឹងថា​ខេត្តកំពង់​ឆ្នាំង មានសត្វចិញ្ចឹមជាង៤លានក្បាល ក្នុងនោះគោ ក្របីជាង ២លាន៥សែនក្បាល,បក្សីជាង២​លានក្បាល ,ពពែ​ជាង២ពាន់ក្បាល។ ដោយឡែកថ្ងៃនេះសម្រាប់ការចាក់ថ្នាំបងប្អូនប្រជាពលរដ្ឋនៅឃុំខ្លុងពពកនាថ្ងៃនេះមានចំនួន ៥០០ក្បាល ។បើការចាក់វ៉ាក់សាំង នៅថ្ងៃនេះ​មិនអស់ មន្ត្រីពេទ្យសត្វភូមិចាក់បន្តរហូតដល់អស់គោក្របី​ក្នុងឃុំខ្លុងពពក៕ដោយ៖សុខ គឹមសៀន

ស្ទឹងត្រែង៖កងទ័ពដែលកំពុងឈរជើងការពារបូរណភាពទឹកដី នៅតាម​បណ្តោយខ្សែបន្ទាត់ព្រំដែនកម្ពុជា-ឡាវ ទទួលបាន​អំណោយ​​ដ៏ថ្លៃថ្លាពី​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក​ជំទាវ​បណ្ឌិត ពេជ ចន្ទមុន្នី តាមរយៈ អភិបាលខេត្ត ស្ទឹងត្រែងឯកឧត្តម សរ សុពុត្រា ។អំណោយនេះក្នុងឱកាសពិធីបុណ្យកាន់បិណ្ឌ និងពិធីភ្ជុំ​បិណ្ឌ ដែលនឹងឈានចូល​មកដល់​នៅថ្ងៃទី១៨ ខែកញ្ញាឆាប់ៗខាង​មុខ។ ក្នុងពិធីផ្តល់អំណោយកាលពីថ្ងៃទី១៥ ខែកញ្ញា ឆ្នាំ២០២៤ នៅចំណុច​កោះទន្សាយនាទីបញ្ជាការដ្ឋានស្រាល​យោធភូមិភាគ​ទី១ និងកងពល​តូច​អន្តរាគមន៍លេខ១២៨ ឯកឧត្តម សរ សុពុត្រា បាននាំការផ្តាំផ្ញើ សាកសួរសុខទុក្ខពីសំណាក់សម្តេចតេជោ សែន ប្រធានព្រឹទ្ធសភាជាតិ ,សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ,សម្តេចធិបតីហ៊ុន ម៉ាណែត នាយករដ្ឋមន្រ្តីកម្ពុជា និងលោក​ជំទាវ​បណ្ឌិត ជូនចំពោះកងកម្លាំងប្រដាប់អាវុធទាំងអស់ដែលកំពុង​បំពេញបេសកកម្មការពា​របូរណ​ភាពទឹកដីដ៏អង់អាចក្លាហាន ទាំងនៅ​ទិសជួរមុខ និងជួរក្រោយ។ ឯកឧត្តមអភិបាលខេត្តស្ទឹងត្រែងបានកោតសរសើរដល់កងកម្លាំងប្រដាប់អាវុធទាំងអស់ដែលបានចូលរួមថែរក្សាបាន នូវសុខ​សន្តិភាព ជូនជាតិ មាតុភូមិ និងប្រជាជនកម្ពុជា ។ អំណោយដ៏ថ្លៃថ្លារបស់សម្តេចធិបតី និងលោកជំទាវ រួមមាន៖ កម្លាំង​បញ្ជាការដ្ឋានស្រាលយោធភូមិភាគទី១និងក​ម្លាំងកងពល​តូច​អន្តរាគមន៍លេខ១២៨ ទទួលបានដូចគ្នា មាន អង្ករ…