ពោធិ៍សាត់៖ថ្លែងក្នុងកិច្ចប្រជុំគណៈបញ្ជាការឯកភាពរដ្ឋបាល​ខេត្ត​ពោធិ៍សាត់ប្រចាំខែកញ្ញាកាលពីរសៀលថ្ងៃទី១៣ ខែកញ្ញា​ ឆ្នាំ២០២៤ ឯកឧត្តម ខួយ រីដា អភិបាលខេត្តនិងជាប្រធាន​គណៈបញ្ជាការឯកភាពរដ្ឋបាលខេត្តបានលើកទឹកចិត្តនិងជំរុញឱ្យ មន្ទីរអង្គភាពទាំងអស់នៅក្នុងខេត្ត ត្រូវធ្វើការប្រកួតប្រជែង​សមត្ថភាពការងារ ដែលខ្លួនទទួលខុសត្រូវនៅក្នុងអង្គភាព​របស់​ខ្លួន។ ឯកឧត្តមអភិបាលខេត្តបានផ្តោតលើមន្ទីរចំនួនពីរដែលត្រូវយកចិត្តទុកដាក់និងពង្រឹងបន្ថែមឱ្យកាន់តែប្រសើរបន្ថែមទៀត។គឺ ១.វិស័យសុខាភិបាល បើទោះបីវិស័យនេះឈានមុខគេទទួល​បានជ័យលាភីទូទាំងប្រទេសក៏ដោយក៏មិនត្រូវមានការធ្វេស ប្រហែសឡើយ ត្រូវខិតខំបន្តទៀតនិងទី២.វិស័យអប់រំ ត្រូវមាន​ការ​ប្រកួតប្រជែង ចាប់តាំងពីថ្នាក់បឋមរហូតដល់ថ្នាក់វិទ្យាល័យ ដើម្បីទទួលបាននូវធនធានមនុស្សល្អដែលជាទំពាំងស្នងឬស្សី ជាគ្រាប់ពូជដ៏ល្អសម្រាប់ប្រទេសជាតិ។ ឯកឧត្តមអភិបាលខេត្តក៏បានថ្លែងកោតសរសើរដល់ថ្នាក់ដឹកនាំមន្ទីរអង្គភាព និងអាជ្ញាធរក្រុងស្រុកឃុំសង្កាត់ទាំងអស់ ដែល​បាន​​យកចិត្តទុកដាក់ ខិតខំអនុវត្តនូវរាល់សកម្មភាពការងារ​ដែល​​បានគ្រោងទុក និងការងារបន្ទាន់មួយចំនួនដែលថ្នាក់ ដឹកនាំប្រគល់ជូន។ទាក់ទងការងារផ្ដល់សេវាសាធារណៈ ឯកឧត្តមរំលឹកថា ត្រូវប្រកាន់យកនូវគោលការណ៍៣គឺ” ធ្វើឱ្យបាន ធ្វើឱ្យលឿន ធ្វើឱ្យមានតម្លាភាព” ៕ដោយ៖ចេងពុំ

កែប៖ដោយមានកិច្ចសហការជាមួយ​គណៈកម្មាធិការជាតិ​សន្តិសុខលម្ហ​សមុទ្រ កាលពីថ្ងៃទី១៣ ខែកញ្ញាឆ្នាំ២០២៤ ឯកឧត្តម បណ្ឌិត សោម ពិសិដ្ឋអភិបាលខេត្តកែបបានអញ្ជើញ​ចូលរួមលែងសត្វល្មិចឬហៅអណ្តើកសមុទ្រចំនួន៣ក្បាលចូលទៅសមុទ្រវិញស្ថិតនៅកោះពោធិ៍ ភូមិកែប សង្កាត់កែប ក្រុងកែប។កន្លងមកក៏ដូចជាបច្ចុប្បន្ន អាជ្ញាធរខេត្តកែប​និងមន្រ្តី​នៃមន្ទីរជំនាញ បានយកចិត្តទុកដាក់ការពារ ថែរក្សា និងបង្កើត​ឱ្យមានការគ្រប់ គ្រងតំបន់អភិរក្សជលផលនៅក្នុង​សមុទ្រនិង​តាមបណ្តាកោះ នានាទើបទទួលបានលទ្ធផលដូចថ្ងៃនេះ។ បន្ទាប់ពីលែង​អណ្ដើក​សមុទ្រ​ទម្ងន់សរុប​ជាង១០០គីឡូក្រាម​​ ឯកឧត្តមក៏បានបន្តសួរ​សុខទុក្ខ​កងកម្លាំង​ប្រចាំការ​នៅតាម បណ្ដាកោះ​ ក្នុងភូមិសាស្រ្ត​ខេត្តកែបផងដែរ។ឯកឧត្តមបណ្ឌិត សោម ពិសិដ្ឋ មានប្រសាសន៍ថាការលែងសត្វល្មិចនាពេលនេះ បានបញ្ជាក់ពីការចូលរួមរវាងអ្នកនេសាទ និងមន្ត្រីជំនាញក្នុងការ​ថែរក្សាជីវចម្រុះដ៏កម្រក្នុងសមុទ្រ​ខេត្តកែបឱ្យបានគង់វង្ស ។ឯកឧត្តមក៏បានអំពាវនាវឱ្យប្រជាពលរដ្ឋទាំងអស់ជាពិសេសប្រជានេសាទ  ត្រូវបន្តចូលរួមថែរក្សាសត្វសមុទ្រ ប្រភេទសត្វកម្រ ដូចជា ត្រីដូហ្វីន ជ្រូកទឹក និងសត្វល្មិចនេះជាដើម។ក្រៅពីនេះ​ត្រូវបង្កើនការការពារ អភិរក្សដោយប្រើប្រាស់ ធនធានជលផល​សមុទ្រប្រកបដោយនិរន្តរភាពស្របតាមចក្ខុវិស័យជលផលជាតិនិងរួមចំណែកលើកកម្ពស់ជីវភាពរស់នៅរបស់ពលរដ្ឋ។ គប្បីជម្រាបថា កន្លងមកមន្ទីរជំនាញបានធ្វើការណែនាំអប់រំ ផ្សព្វផ្សាយ ដល់ប្រជានេសាទឱ្យយល់ដឹងអំពីប្រយោជន៍ក្នុងការ ថែរក្សា គាំពារ សត្វសមុទ្រ ដែលជាសត្វកម្រ ដូចជាប្រភេទ​សត្វល្មិចនេះជាដើម៕អត្ថបទនិងរូបភាព៖ សិលា សារិន

(កំពង់ស្ពឺ)៖ ព្រះរតនសោភ័ណ ម៉ន បឿន ព្រះចៅអធិការវត្តចំបក់ ជាព្រះវិន័យធរគណខេត្តកំពង់ស្ពឺ បានការនិមន្តពីសាលាអនុគណស្រុកសំរោងទង និងលោកនាយកសាលាបឋមសិក្សាព្រៃផ្តៅ នាថ្ងៃទី១៣ ខែកញ្ញា ឆ្នាំ២០២៤ ព្រះអង្គបានចុះអប់រំចរិយាធម៌ សីលធម៌ រយៈពេលខ្លី ដល់សិស្សានុសិស្ស ចំនួន ៨៩៦នាក់បន្ទាប់ពីគោរពទង់ជាតិរួចរាល់។ សង្គមខ្មែរបច្ចុប្បន្នត្រូវបានគេកត់សម្គាល់ឃើញថា មានការធ្លាក់ចុះផ្នែកសីលធម៌សង្គម។ ក្នុងនោះ សិស្សានុសិស្សនៅតាមសាលាមួយចំនួន ក៏បានធ្វើសកម្មភាពឆ្គាំឆ្គងបាត់បង់​ចរិយាធម៌។ ជាលទ្ធផល គឺសិស្សានុសិស្ស មានការយល់ដឹងច្រើនជាងមុនអំពីសារៈ​សំខាន់​នៃការធ្វើសមាធិ អប់រំចិត្ត និងតាំងចិត្តខិតខំសិក្សារៀនសូត្រ។ មានសង្ឃដីកានៅក្នុងឱកាសនោះដែរ ព្រះរតនសោភ័ណ ម៉ន បឿន សូមកោតសរសើរចំពោះការគិតគូរបស់លោកនាយក លោកគ្រូ អ្នកគ្រូ ដែលបានសម្របសម្រួល និងបង្កើតឱ្យបានកម្មវិធីនេះ។ «ពត់បន្លាទាន់នៅខ្ចី ប្រដៅកូនប្រុសស្រីទាន់នៅក្មេង»។ ជាលទ្ធផល គឺសិស្សានុសិស្ស មានការយល់ដឹងច្រើនជាងមុនអំពីសារៈសំខាន់នៃការធ្វើសមាធិ អប់រំចិត្ត និងតាំងចិត្តខិតខំសិក្សារៀនសូត្រ។ សូមរំលឹកថា នៅក្នុងពិធីសំណេះសំណាលជាមួយប្រជាពលរដ្ឋខ្មែររស់នៅអាមេរិក និងកាណាដា កាលពីយប់ថ្ងៃសៅរ៍ ទី២៣ ខែកញ្ញា ឆ្នាំ២០២៣ ម៉ោងនៅក្រុងញូវយ៉ក សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា…

កំពង់ធំ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជាណាចក្រកម្ពុជាបានឧបត្ថម្ភថវិកា គ្រឿង​ឧបភោគ បរិភោគ និងប្រេងឥន្ធៈដល់ទីបញ្ជាការស្រាលប្រចាំការការពារទប់ស្កាត់ និងបង្ក្រាបទល្មើសធនធានធម្មជាតិ នៅតំបន់អូរអាចម៍ដៃក ក្នុង​​ភូមិសាស្ត្រព្រៃឡង់ ស្រុកសណ្ដាន់ ខេត្តកំពង់ធំ តាមរយៈឯកឧត្តម​នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធ​ពលខេមរភូមិន្ទ មេបញ្ជាការកងទ័ពជើងគោក ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹក​រងកំពង់ធំ អនុប្រធានអចិន្ត្រៃយ៍នៃគណៈកម្មការការពារទប់ស្កាត់ និងបង្ក្រាបបទល្មើសធនធានធម្មជាតិខេត្តកំពង់ធំ និងសហការីបាន​នាំយកអំណោយសម្ដេចធិបតី ទៅប្រគល់ជូនទីបញ្ជា​ការស្រាល​ប្រចាំការ​កាលពីរសៀលថ្ងៃទី១៣ ខែកញ្ញា ឆ្នាំ២០២៤។ លោក លី ស្រេង អនុប្រធានមន្ទីរបរិស្ថានខេត្ត ប្រធានទីបញ្ជាការ​ស្រាល​ប្រចាំទិសអូរអាចម៍ដែកក្នុងតំបន់ព្រៃឡង់ បានឱ្យ​ដឹងពី​លទ្ធផលនៃការ​ប្រើប្រាស់កម្លាំងចម្រុះក្នុងការអនុវត្តតាមបទបញ្ជារបស់ឯកឧត្តមអភិបាលខេត្ត ប្រធានគណៈបញ្ជាការ​ឯកភាព​រដ្ឋបាល​ខេត្ត ក្នុងការការពារធន​ធាន​ធម្មជាតិ ក្នុងរយៈពេលកន្លងមក។ ក្នុងឱកាសនេះដែរឯកឧត្តមមេបញ្ជាការបានកោតសរសើរ កងកម្លាំង​ប្រដាប់អាវុធទាំងបី និងមន្ត្រីឧទ្យានុរបរិស្ថាន ដែលបានខិតខំ​រួមគ្នា​ក្នុងការការពារទប់ស្កាត់ និងបង្ក្រាបបទល្មើសធនធានធម្មជាតិ ដោយ​ទទួលខុសត្រូវ ដោយមិនមានការកាប់ទន្ទ្រានជាថ្មី៕ដោយ៖ ប៊ុន រដ្ឋា

(ភ្នំពេញ)៖ ក្នុងពិធីផ្សព្វផ្សាយអនុក្រឹត្យ ស្តីពីការសុំច្បាប់ និងការអនុញ្ញាតច្បាប់ ឈប់គ្រប់ប្រភេទរបស់មន្ត្រីនគរបាលជាតិកម្ពុជា នៅសាលប្រជុំទីស្តីការក្រសួងមហផ្ទៃ នារសៀលថ្ងៃទី១៣ ខែកញ្ញា ឆ្នាំ២០២៤ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានក្រើនរំលឹកដល់មន្ត្រីនគរបាលជាតិ ត្រូវតែមានស្មារតីគោរពវិន័យឱ្យបានច្បាស់លាស់ ។ ឯកឧត្តម នាយឧត្តមសេនីយ៍ សាស្រ្តាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស នៃក្រសួងមហាផ្ទៃ បានធ្វើបទបង្ហាញពីផ្សព្វផ្សាយអនុក្រឹត្យនេះ ថា អនុក្រឹត្យនេះ មាន ៨ជំពូក និង ២១មាត្រា មានគោលបំណងកំណត់ឱ្យបានច្បាស់អំពីរបបនៃការសុំច្បាប់ និងការអនុញ្ញាតច្បាប់ឈប់គ្រប់ប្រភេទរបស់មន្រ្តីនគរបាលជាតិកម្ពុជា និងធានានូវនិរន្តរភាពការងារ ព្រមទាំងលើកកម្ពស់ សុខុមាលភាពរបស់មន្រ្តីនគរបាលជាតិ ។ នាយឧត្តមសេនីយ៍ សាស្រ្តាចារ្យ បានបន្តថា យោងតាមខ្លឹមសារនៃអនុក្រឹត្យនេះ មន្រ្តីនគរបាលជាតិកម្ពុជា ដែលបានតាំងស៊ុបក្នុងក្របខ័ណ្ឌ មានសិទ្ធិទទួលបានច្បាប់ឈប់ សម្រាកចំនួន ១៥ថ្ងៃ នៃថ្ងៃធ្វើការ ក្នុងមួយឆ្នាំ ដោយអាចស្នើសុំមួយលើក ឬច្រើនលើក ខណៈមន្រ្តីនគរបាលជាតិជាស្រ្តី ត្រូវបានអនុញ្ញាតច្បាប់ ឈប់សម្រាកលំហែមាតុភាពរយៈពេល…

កំពង់ចាម៖កាលពីព្រឹកថ្ងៃសុក្រ ទី១៣ ខែកញ្ញា ឆ្នាំ២០២៤ឧត្តម​សេនីយ៍​ទោ ហេង វុទ្ធី ស្នងការនគរបាលខេត្តកំពង់ចាម បានអម​ដំណើរ ឯកឧត្តម អ៊ុន ចាន់ដា អភិបាលខេត្តកំពង់ចាមអញ្ជើញចុះសំណេះ​សំណាលជាមួយលោកគ្រូ អ្នកគ្រូ សិស្សានុសិស្ស និងចុះពិនិត្យការផ្ដល់​អត្តសញ្ញាណបណ្ណសញ្ជាតិខ្មែរដល់សិស្សានុសិស្សវិទ្យាល័យ ហ៊ុន សែន ស្ទឹងត្រង់ ។ សូមជម្រាបថា សកម្មភាពផ្តល់អត្តសញ្ញាណបណ្ណសញ្ជាតិខ្មែរនេះ បន្ទាប់អនុសាសន៍ណែនាំរបស់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងដោយមានការយក​ចិត្តទុកដាក់ពីសំណាក់ឯកឧត្តមអភិបាលខេត្តកំពង់ចាមឱ្យ កម្លាំង​ជំនាញខេត្ត បានចុះធ្វើអត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋ នៅតាម ភូមិ-ឃុំ/សង្កាត់ និងផ្ដល់អត្តសញ្ញាណ​បណ្ណជូនសិស្សា​នុសិស្ស នៅតាមបណ្ដាសាលារៀន៕ដោយ៖លី ពៅ

កំពង់ចាម៖ឯកឧត្តម អ៊ុន ចាន់ដា អភិបាលខេត្តកំពង់ចាម​ និងជា​ប្រធាន​គណៈកម្មាធិការសាខា​កាកបាទក្រហម​ខេត្ត​កាលពីព្រឹកថ្ងៃទី​១៣​ ខែកញ្ញា​ ឆ្នាំ​២០២៤​ បាន​នាំយកអំណោយរបស់សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ទៅចែក​ជនងាយរងគ្រោះ ខ្វះខាតជីវភាព ចំនួន ៥១គ្រួសារ មកពី ២៣ភូមិ នៃឃុំទាំង ១១ ក្នុងស្រុកស្ទឹងត្រង់។ ដោយភ្ជាប់ជាមួយក្តីកង្វល់ និងបណ្តាំផ្ញើសួរសុខទុក្ខ ពីឯកឧត្តមសន្តិ​បណ្ឌិត នេត សាវឿន ប្រធានកិត្តិយសសាខា ពិសេស សម្ដេច​កិត្ដិព្រឹទ្ធ​បណ្ឌិត ប៊ុន រ៉ានី ហ៊ុនសែន  , ឯកឧត្តម អ៊ុន ចាន់ដា បានសំណូមពរ​ដល់បងប្អូនប្រជាពលរដ្ឋទាំងអស់ ពិសេសលោកតា លោកយាយ  សូមយកចិត្តទុកដាក់ ក្នុងការថែទាំសុខភាព សុវត្ថិភាពផ្ទាល់ខ្លួន។ត្រូវប្រកាន់ខ្ជាប់នូវអនាម័យ រស់នៅស្អាត ហូបស្អាត ផឹកស្អាត , បរិភោគដែលចម្អិនឆ្អិនល្អ និងត្រូវសម្រាន្តក្នុងមុង។ ឯកឧត្តម អ៊ុន ចាន់ដា បានគូសរំលេចថា អ្វីៗដែលយើងមានសព្វថ្ងៃនេះ គឺបានមកដោយសារប្រទេសយើង មានសន្តិភាព ដូចនេះ​សន្តិភាព​ជាមរតកសម្តេចតេជោ មានតម្លៃធំធេងណាស់ សម្រាប់ប្រជាជន​កម្ពុជា។ បើគ្មានសន្តិភាព…

បាត់ដំបង៖ទិវាអន្តរជាតិជនជាតិដើមភាគតិចពិភពលោកលើក​ទី៣០​និងលើកទី២០នៅកម្ពុជា ក្រោមប្រធានបទ៖ ” ការការពារ​សិទ្ធិរស់នៅ និងប្រាស្រ័យទាក់ទង តាមបែបប្រពៃណីជនជាតិ​ដើមភាគតិចដោយ​ស្ម័គ្រចិត្ត ” បានប្រារព្ធក្រោមអធិបតីភាពលោក ផេង សិទ្ធី អភិបាលរង​ខេត្តបាត់ដំបងនៅក្នុងសហគមន៍ជនជាតិដើមភាគតិចព័រ ភូមិភ្នំរៃ ឃុំតាតោក ស្រុកសំឡូត កាលពី​ថ្ងៃទី១២​ខែកញ្ញា ឆ្នាំ២០២៤។ ក្នុងពិធីដែលរៀបចំឡើងដោយមន្ទីរអភិវឌ្ឍន៍ជនបទខេត្តបាត់ដំបង លោក វ៉ាន់ ថុល ប្រធានមន្ទីរអភិវឌ្ឍន៍ជនបទបានរំលឹកថា ការប្រារព្ធ​ទិវា​អន្តរជាតិជនជាតិដើមភាគតិច គឺធ្វើឡើងក្នុងគោលបំណង ដើម្បី​ចូលរួមការលើកគុណតម្លៃវប្បធម៌ ប្រពៃណី ទំនៀម​ទម្លាប់,ភាសា​និងបង្កើនការចូលរួមពីជនជាតិដើមភាគតិចក្នុងការធ្វើផែនការនិងវាយតម្លៃនៃដំណើរការធ្វើផែនការអភិវឌ្ឍន៍ក្នុងសហគមន៍ជនជាតិដើមភាគតិចនិងផែនការអភិវឌ្ឍន៍ជាតិ។ លោក វ៉ាន់ ថុល បន្តថា ជនជាតិដើមភាគតិចមានប្រពៃណី និងអត្ត​សញ្ញាណមួយចំនួនដោយឡែកពីពលរដ្ឋទូទៅ តាមរយៈការ​ប្រតិបត្តិ និងពីរបៀបរស់នៅ ការសែនព្រេន ការអាស្រ័យផលនិងការប្រើប្រាស់​ភាសារបស់ខ្លួន។​បច្ចុប្បន្នជនជាតិដើមភាគតិច​មាន​ភាពប្រែប្រួលមួយ​ចំនួនគួរឱ្យកត់សម្គាល់ ដោយបានផ្លាស់ប្ដូរឥរិយាបថនិងពុំសូវ​ប្រកាន់​ប្រពៃណីទំនៀមទម្លាប់ដូនតា ដោយសារ​ទទួលឥទ្ធិពលពីការរីកចម្រើនៃ​បច្ចេកវិទ្យា។ លោកប្រធានមន្ទីរបានបន្ថែមថា ដើម្បីអភិរក្សប្រពៃណី ទំនៀមទម្លាប់​របស់ ជនជាតិដើមភាគតិចឱ្យ​បានឋិតថេរ​យុវជនជាជន​ជាតិ​ដើម​ភាគតិចមានតួនាទីសំខាន់ក្នុងការកៀរគរនិងខិតខំប្រមូលផ្ដុំយុវជនជាជនជាតិដើមភាគតិចនៅតាមតំបន់ផ្សេងៗត្រូវខិតខំរួម​គ្នាសិក្សា ចងក្រងសិល្បៈ វប្បធម៌ ប្រពៃណីទំនៀមទម្លាប់ ដែលជាអត្តសញ្ញាណ​របស់ជនជាតិដើមភាគតិច។ យុវជន​ជនជាតិដើម​ភាគតិចត្រូវធ្វើ​ជាតួអង្គយ៉ាងសំខាន់បំផុតក្នុងការអភិវឌ្ឍនិងការអភិរក្ស ដើម្បីសំដៅ​ដល់ការដឹកនាំគ្រប់គ្រង​ថែរក្សា នូវ អត្តសញ្ញាណ វប្បធម៌ ប្រពៃណី ដីធ្លីនិងធនធានធម្មជាតិជាសមូហភាពរបស់សហគមន៍ជនជាតិដើមភាគតិចរបស់ខ្លួនឱ្យបាន​គង់វង្ស​តទៅមុខ។ មានវត្តមានក្នុងឱកាសនេះដែរ លោក…