បាត់ដំបង៖សុខុមាលភាពប្រជាជនរស់នៅខេត្តបាត់ដំបងត្រូវបានយក​ចិត្តទុកដាក់មួយកម្រិតថែមទៀត បន្ទាប់ពីមន្ត្រីបច្ចេកទេសនិងអ្នក​ជំនាញ នៃក្រសួងបរិស្ថាន បានបំពាក់ឧបករណ៍ស្វ័យត្រួតពិនិត្យ និងប្រព័ន្ធគ្រប់​គ្រងទិន្នន័យ នៃការបញ្ចេញឬបង្ហូរសំណល់រាវ របស់រោងចក្រក្នុង​ក្រុមហ៊ុន ហ្វីនិក អ៊ិនដាស្រ្ទៀល (Phoenix Industrial)ដែលមានទី​តាំង​ស្ថិតនៅភូមិភ្ជាវ ឃុំត្រែង ស្រុករតនមណ្ឌល របស់ ខេត្តបាត់​ដំបង។ ការបំពាក់នូវឧបករណ៍ស្វ័យត្រួតពិនិត្យនិងរៀបចំប្រព័ន្ធគ្រប់គ្រងទិន្នន័យថ្មីនៃការបញ្ចេញសំណល់រាវនៅក្នុងរោងចក្រផលិត សំបកថ្នាំពេទ្យខាង​លើនេះគឺជាវិធានការម៉ឺងម៉ាត់ក្នុងការទប់ស្កាត់និងលុបបំបាត់ការលេចធ្លាយឬការលួចបង្ហូរទឹកកខ្វក់ដែលមានសារធាតុពុលចូលទៅក្នុងស្ទឹងសង្កែដែលជាប្រភពទឹកដ៏សំខាន់មួយសម្រាប់ប្រជាពលរដ្ឋរាប់ម៉ឺនគ្រួសារ ក្នុងខេត្តបាត់ដំបង។ លោក ង៉ុប ដួង អ្នកជំនាញផ្នែកដំឡើងគ្រឿងនិងបំពាក់ឧបករណ៍ស្វ័យ​ត្រួតពិនិត្យ បានប្រាប់ទូរទស្សន៍អប្សរាថា ការបំពាក់ឧបករណ៍​ស្វ័យ​ត្រួតពិនិត្យនេះ គឺជាមធ្យោបាយដ៏មានសារៈសំខាន់ ជួយបង្កលក្ខណៈ​ងាយ​ស្រួលដល់ក្រសួងបរិស្ថាននូវក្នុងការ តាមដាននិងការត្រួតពិនិត្យទប់​ស្កាត់និងចាត់វិធានការបានទាន់ពេលវេលានៅពេលមានករណីលេចជ្រាបឬការលួចបង្ហូរទឹកកខ្វក់ឬក៏សារធាតុរាវពុលចេញពីរោងចក្រណា​មួយ​ដែល​បានបំពាក់នូវឧបករណ៍នេះរួចដោយមិនចាំបាច់មាន​មន្រ្តីជំនាញ​ចុះមកត្រួតពិនិត្យដោយផ្ទាល់នោះទេ ។អ្នកជំនាញរូបនេះបន្តថារាល់ទិន្នន័យទាំងអស់នឹងត្រូវបញ្ជូនដោយស្វ័យប្រវត្តិទៅកាន់ប្រព័ន្ធគ្រប់គ្រងទិន្នន័យរបស់ក្រសួង ហើយទិន្នន័យទាំង​នោះទោះក្នុងករណីអសកម្មពីបច្ចេកទេសណាមួយ ក៏ឧបករណ៍នេះ​បញ្ជូន​និង​ផ្តល់សញ្ញាទៅក្រសួងភ្លាមៗ។ក្រោយពេលដែលនៅតាមបណ្តារោងចក្រនានាត្រូវបានកំណត់និងបំពាក់នូវឧបករណ៍ស្វ័យត្រួតពិនិត្យនេះរួចរាល់ហើយនោះនៅគ្រប់រោងចក្រទាំងអស់នោះមិនអាចលួចបង្ហូរសារធាតុពុលឬទឹកកខ្វក់ចូលទៅក្នុងស្ទឹងទន្លេបានទៀតនោះទេ។ គប្បីរំលឹកជូនថា កន្លងមកឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថានបានកំណត់យ៉ាងច្បាស់លាស់និងបញ្ជាក់ ពីវិធានការម៉ឺងម៉ាត់ឱ្យគ្រប់រោងចក្រសហគ្រាសដែលកំពុងធ្វើអាជីវកម្មនៅតាមបណ្តោយដងស្ទឹងសង្កែត្រូវបំពាក់ឧបករណ៍ត្រួតពិនិត្យគុណភាពទឹកជាដាច់ខាត ដើម្បីបញ្ចៀសការលេចជ្រាបឬការលួចបង្ហូរសំណល់​រាវដែលមានសារធាតុពុល ចូលទៅក្នុងស្ទឹងសង្កែ។បន្ទាប់ពីក្រសួងបំពាក់​ឧបករណ៍ត្រួតពិនិត្យគុណភាពទឹករួចរាល់នៅតាមរោងចក្រសហគ្រាសដែលជាប់ប្រភពទឹកស្ទឹងសង្កែនោះ ការលួចបង្ហូរទឹកកខ្វក់ចូលទៅ​ក្នុងស្ទឹងសង្កែនឹងលែងកើតមានទៀតហើយ៕./.អត្ថបទ-រូបភាព៖ អ៊ុក សំអាន ប.ប

(ភ្នំពេញ)៖ អង្ករផ្ការំដួល និងអង្ករសែនក្រអូបគឺជាអង្ករល្បីល្បាញឈ្មោះរបស់កម្ពុជា ដែល​បានឈ្នះពានរង្វាន់ជាអង្ករល្អនៅលើឆាកអន្តរជាតិកន្លងមក ពេលនេះត្រូវបានមន្រ្តី​ជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទបានអំពាវនាវឱ្យកសិករដាំដុះឱ្យ​បាន​ច្រើនដើម្បីទទួលបានផលកម្រៃខ្ពស់ និងក៏ដូចជានាំចេញទៅលក់ក្រៅប្រទេសឱ្យ​បានកាន់តែច្រើនថែមទៀត។ នៅក្នុងឃ្លីប វីដេអូមួយ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ របស់ក្រសួង​កសិកម្ម រុក្ខាប្រមាញ់ និងនេសាទបាន អំពាវនាវដល់កសិករ គួរជ្រើសរើសពូជស្រូវផ្កា​រំដួល និងសែនក្រអូប សម្រាប់ធ្វើការដាំដុះពីព្រោះថាស្រូវទាំង២ប្រភេទនេះ កំពុងមានតម្រូវការទីផ្សារខ្ពស់ ឋិតថេរ និងតម្លៃសមរម្យ។ មន្រ្តីជាន់ខ្ពស់នៃក្រសួងកសិកម្មរូបនេះបានបញ្ជាក់ដែរថា ប្រភេទស្រូវផ្ការំដួល និងស្រូវ​ពូជ​សែន​ក្រអូបជាប្រភេទស្រូវពូជជាតិរបស់ខ្មែរយើងផលិត។ពិសេសជាងនេះពូជស្រូវ​ទាំង ២ប្រភេទនេះ ជាពូជស្រូវមានតម្រូវការទីផ្សារខ្ពស់ ហើយរោងម៉ាស៊ីន និង ក្រុមហ៊ុន​ត្រូវការប្រមូលទិញសម្រាប់កែច្នៃនាំចេញទៅលក់នៅលើទីផ្សារក្រៅស្រុកទៀតផង។ ឯកឧត្តមបណ្ឌិត យ៉ង សាំងកុមារ បានលើកឡើងដោយបញ្ជាក់ប្រាប់បន្ថែមថា៖ក្រសួង​កសិកម្ម​នឹងចូលរួមសម្របសម្រួលលើស្រូវទាំង២ដែលកសិករបានផលិតនេះ​ដើម្បីបាន​សហការគ្នាល្អជាមួយ រោងម៉ាស៊ីន និង ក្រុមហ៊ុនក្មុងស្រុក ក្នុងការប្រមូលទិញស្រូវ​ទាំងនេះ​ឱ្យបានទាន់ពេលវេលា និងពិសេសតម្លៃទៀតសោតក៏សមរម្យតាមទីផ្សារ។ គួរបញ្ជាក់ថាអង្ករផ្ការំដួល បានជាប់ពានរង្វាន់ World Best Rice 2022 ជាអង្ករល្អដាច់​គេលំដាប់ពិភពលោក នៅក្នុងការប្រកួតប្រជែងនៃវេទិកាស្រូវអង្ករ​ពិភពលោកដែល​ធ្វើ​ឡើង​នៅខេត្តភូកេត ប្រទេសថៃនាអំឡុងពាក់កណ្តាល ខែវិច្ឆិកា ឆ្នាំ២០២២កន្លងមក។ ដោយឡែកពូជស្រូវសែនក្រអូប០១ ជាប្រភេទពូជស្រូវដែលត្រូវបានបញ្ចេញ និងផ្សព្វ​ផ្សាយជូនកសិករប្រើប្រាស់នៅឆ្នាំ២០១៩…

កំពង់ធំ ៖ ឧត្តមសេនីយ៍ទោ សោម ស៊ុន អនុប្រធានគណៈបញ្ជាការឯកភាពរដ្ឋបាលខេត្តកំពង់ធំ បាននាំយកកុំព្យូទ័រ ម៉ាស៊ីនព្រីនធ័រ សម្ភារៈការិយាល័យ ទៅប្រគល់ជូនប្រធានក្រុមប្រឹក្សាឃុំ ដងកាំបិតសម្រាប់ប្រើប្រាស់បំពេញការងារ។សម្ភារៈទាំងនេះជាអំណោយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ក្នុងឳកាសនៃពិធីផ្សព្វផ្សាយគោលនយោបាយភូមិ.ឃុំមានសុវត្ថិភាពកាលពីព្រឹកថ្ងៃទី៣១ ខែសីហា ឆ្នាំ២០២៤ នៅឃុំដងកាំបិត ស្រុកសណ្ដាន់ ខេត្តកំពង់ធំ ។ ក្រៅពីសម្ភារៈខាងលើសម្តេចធិបតី ហ៊ុន ម៉ាណែត និងលោកជំទាវបណ្ឌិតក៏បានផ្តល់អំណោយមនុស្សធម៌ជូនក្រុមគ្រួសារអតីតយុទ្ធជន និងប្រជាការពារមានជីភាពលំបាកខ្វះខាត២២ គ្រួសារមាន អង្ករ មី ទឹកត្រី ទឹកស៊ីអ៊ីវ និងត្រីខកំប៉ុង។ដោយឡែកប្រជាការពារ៦០ នាក់ក៏បានទទួលថវិកាមួយចំនួន។ លោក លន់ យេន ប្រធានក្រុមប្រឹក្សាឃុំ អគុណសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ដែលតែងតែយកចិត្តទុកដាក់ជួយដោះស្រាយនូវរាល់ទុក្ខលំបាករបស់ក្រុមគ្រួសារអតីតយុទ្ធជន ប្រជាជននៅតាមមូលដ្ឋាននានា ពិសេសនៅឃុំដងកាំបិត ស្រុកសណ្តាន់ ។លោកក៏ថ្លែងអំណរគុណផងដែរដល់ឧត្តមសេនីយ៍ទោ សោម ស៊ុន និងក្រុមការងារចុះមូលដ្ឋានឃុំដងកាំបិត ដែលតែងតែជួយដល់ក្រុមប្រឹក្សាឃុំ…

 កំពង់ធំ៖ សមាគមអ្នកអភិវឌ្ឍពូជគោប្រាម៉ាន់កម្ពុជា-អាមេរិក (CABBA) សហការជាមួយក្រុមហ៊ុនអេសវីរេញ អ៉ីនវេសម៉ិន ខេមបូឌា(SV Ranch Investment Cambodia)បានបើកវគ្គបណ្តុះបណ្តាលស្តីពីការបង្កាត់សិប្បនិម្មិតគោ ដល់ភ្នាក់ងារពេទ្យសត្វភូមិ និងយុវជននៅខេត្តកំពង់ធំកាលពីថ្ងៃទី៣១ ខែសីហា ឆ្នាំ២០២៤នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តកំពង់ធំ។ ការបណ្តុះបណ្តាលមានរយៈពេលពីរថ្ងៃនេះ ក្នុងគោលបំណងដើម្បីផ្តល់ជូនដល់ភ្នាក់ងារពេទ្យសត្វភូមិ និងយុវជននៅក្នុងខេត្ត លើចំណេះជំនាញបង្កាត់សិប្បនិម្មិតគោ ប្រកបដោយភាពត្រឹមត្រូវ។លោក ឯក ហៀង នាយកវិទ្យាស្ថានពហុបច្ចេកទេសខេត្តកំពង់ធំ បានលើកទឹកចិត្តដល់អ្នកចូលរួមទាំងអស់សូមយកចិត្តទុកដាក់ស្តាប់គ្រូឧទ្ទេស និងស្រង់យកបទពិសោធន៍សម្រាប់យកទៅអនុវត្តនិងពង្រីកជំនាញរបស់ខ្លួនពេលត្រឡប់ទៅវិញ។ សូមជម្រាបថា វគ្គបណ្ដុះបណ្ដាលនេះក៏មានការអញ្ជើញចូលរួមពី លោក នី ផាន់ណេង នាយកគ្រប់គ្រងទូទៅ នៃក្រុមហ៊ុន អេសវីរេញ អ៉ីនវេសម៉ិន ខេមបូឌា និងលោក អាន លីហ៊ាន់ នាយកប្រតិបត្តិនៃសមាគមអ្នកអភិវឌ្ឍន៍គោប្រាម៉ាន់កម្ពុជាសហរដ្ឋអាមេរិក។ សិក្ខាកាមគឺជាភ្នាក់ងារពេទ្យសត្វភូមិ និងយុវជននៅខេត្តកំពង់ធំជាច្រើនរូប៕ដោយៈ ប៊ុន រដ្ឋា

(ភ្នំពេញ)៖ក្នុងន័យដើម្បីមិនឱ្យមានការបំពុលទឹកដែលជាប្រភពទឺកស្អាតបស់ពលរដ្ឋ​ប្រើប្រាស់ ក្រសួងបរិស្ថានបានចាត់មន្ត្រីបច្ចេកទេស និងអ្នកជំនាញ​ចុះបំពាក់​ឧបករណ៍​ស្វ័យត្រួតពិនិត្យ និងប្រព័ន្ធគ្រប់គ្រងទិន្នន័យនៃការបញ្ចេញឬបង្ហូរសំណល់រាវ របស់​រោងចក្រ សហគ្រាសនានា ។ គួរបញ្ជាក់ថាក្រុមការងារបច្ចេកទេសរបស់ក្រសួងបរិស្ថាន កាលពីថ្ងៃទី៣០ ខែសីហា ឆ្នាំ២០២៤បានចុះ បំពាក់នូវឧបករណ៍ស្វ័យត្រួតពិនិត្យ ដែលបានភ្ជាប់ការរៀប​ចំ​ប្រព័ន្ធ​គ្រប់គ្រងទិន្នន័យ នៃការបញ្ចេញសំណល់រាវ របស់ក្រុមហ៊ុន ហ្វីនិក អ៊ិនដាស្រ្ទៀល (Phoenix Industrial)ដែលមានទីតាំងស្ថិតនៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង។ ការចុះត្រួតពិនិត្យនេះត្រូវបានក្រសួងបរិស្ថានចាត់ទុកថា គឺជាវិធានការម៉ឺងម៉ាត់មួយក្នុង​ការទប់ស្កាត់ និងលុបបំបាត់ការសង្ស័យ លើការលេចធ្លាយឬការលួចបង្ហូរទឹកកខ្វក់ ដែល​មានសារធាតុពុលចូលទៅក្នុងស្ទឹងសង្កែ ដែលជាប្រភពទឹកដ៏សំខាន់មួយ ភ្ជាប់ជា​មួយ​បឹងទន្លេសាប។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ជំរុញលើកទឹកចិត្តដល់ម្ចាស់​រោងចក្រ និងសហគ្រាស សហការចូលរួមសហការ ក្នុងយុទ្ធនាការរបស់ក្រសួងបរិស្ថាន ដើម្បីការពារបរិស្ថានកម្ពុជាលើកកម្ពស់ភាពស្អាត មានអនាម័យ សោភ័ណភាព និងសុខ​ភាពសាធារណៈ គ្មានការបំពុលដោយសំរាមប្លាស្ទិក និងទឹកកខ្វក់។ ឯកឧត្តមរដ្ឋមន្រ្តី បានថ្លែងថាការបំពាក់ឧបករណ៍ស្វ័យត្រួតពិនិត្យ នៅតាមរោងចក្រសហគ្រាស ជាកត្តា​ដ៏សំខាន់ធានាជួយធានាការលើកកម្ពស់សុវត្ថិភាព និងសុខភាពការងាររបស់កម្មករ កម្មការិនី និងនិយោជិតទាំងអស់ ដែលរស់នៅក្បែរប្រភពទឹក និងបំពេញការងារនៅតាម​រោងចក្រសហគ្រាសទាំងនោះ។ លើសពីនេះ ឯកឧត្តមរដ្ឋមន្រ្តី បានបញ្ជាក់បន្ថែមថា…