សៀមរាប៖លោកឌី រ៉ាដូ និងលោក ហែន ពុទ្ធី ត្រូវបានប្រកាសចូលកាន់​តំណែងជាអភិបាលរងខេត្តសៀមរាបជាផ្លូវការកាលពីព្រឹកថ្ងៃ​សុក្រ​ទី៣០ ខែសីហា ឆ្នាំ២០២៤ជំនួសលោក ប៉ិន ប្រកដ ដែលត្រូវទៅទទួលតំណែងជាអភិបាលរងខេត្តបាត់ដំបងនិង ឯកឧត្តម លី សំរិទ្ធ ដែលជាប់ឆ្នោតជាប្រធានក្រុមប្រឹក្សាខេត្ត។ពិធីបានប្រព្រឹត្តទៅ​នាសាលប្រជុំសាលាខេត្តក្រោមអធិបតីភាពឯកឧត្តម អ៊ុ ម៉ារ៉ា រដ្ឋលេខា​ធិការក្រសួងមហាផ្ទៃតំណាងឯកឧត្តម​អភិសន្តិ​បណ្ឌិត ស សុខា ឧបនាយក​រដ្ឋមន្ត្រី រដ្ឋមន្រ្តីក្រសួងមហាផ្ទៃ និងឯកឧត្តម ប្រាក់ សោភ័ណ អភិបាលខេត្ត ព្រមទាំងមន្រ្តីនៃមន្ទីរនានា​ចំណុះរដ្ឋបាល​ខេត្ត។ សូមជម្រាបថា មុនទទួលតំណែងជាអភិបាលរងខេត្តសៀមរាប លោក ឌី រ៉ាដូ ជាអភិបាលរងខេត្តឧត្តរមានជ័យ។ចំណែក លោក ហែន ពុទ្ធី ជានាយករងរដ្ឋបាលសាលាខេត្ត ។ ក្នុងពិធីនេះឯកឧត្តម អ៊ុ ម៉ារ៉ា តំណាងឱ្យឯកឧត្តមរដ្ឋមន្រ្តីក្រសួង​មហាផ្ទៃ បាន​រំលឹកដល់អភិបាលរងដែលទើបនឹងត្រូវបានតែងតាំងថ្មី​ទាំងពីររូប​ ឱ្យយកចិត្តទុកដាក់ដឹកនាំដោយផ្អែកលើអភិបាលកិច្ច​ជាមូលដ្ឋាន ,គោរពតាមការណែនាំរបស់អភិបាលខេត្ត និងរួមគ្នា​សម្រេច​ភារកិច្ចធំៗជូនរដ្ឋបាលខេត្ត ដែលជាខេត្តទេសចរណ៍ដ៏មាន​សក្តានុពល។ ចំណែកអភិបាលរងខេត្តទាំងពីរបានប្តេជ្ញាចិត្តគោរពរដ្ឋធម្មនុញ្ញនៃព្រះរាជាណាចក្រកម្ពុជា ចូលរួមថែរក្សាការពារបូរណ​ភាពទឹក​ដី ,គោរពអនុវត្ត​តាមច្បាប់ស្តីពីការគ្រប់គ្រងរដ្ឋបាលរាជធានីខេត្ត ក្រុងខណ្ឌ, ប្តេជ្ញា​គោរព​តាម​ការណែនាំរបស់អភិបាលខេត្ត និងតាមការណែនាំរបស់​រាជរដ្ឋា​ភិបាលកម្ពុជា ក្រសួងមហាផ្ទៃ និងរក្សាសាមគ្គីភាពផ្ទៃក្នុង៕…

បន្ទាយមានជ័យ៖ សមត្ថកិច្ចចម្រុះនៃការិយាល័យ​ផលិតកម្មនិងបសុព្យា​បាលខេត្តសហការជាមួយអគ្គនាយកដ្ឋានគយ​បង្រ្កាប​អំពើ​រត់ពន្ធ​តំបន់៥ នូវផលិតផលបក្សីមានចុងស្លាបមាន់បង្កកចំនួន២០០កេស ស្មើនឹង២.៤០០គីឡូក្រាមកាលពីថ្ងៃទី២៩ ខែសីហា ឆ្នាំ២០២៤ នៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។ លោក តោ មេសា អនុប្រធានការិយាល័យផលិតកម្មនិងបសុព្យាបាល​នៃមន្ទីរកសិកម្ម រុក្ខាប្រមាញ់​និងនេសាទខេត្ត​បន្ទាយមានជ័យ​បាន​ឱ្យដឹងថាទំនិញនេះពុំមានច្បាប់អនុញ្ញាត។ចំណែកការវេចខ្ចប់ ការដឹក​ជញ្ជូន និងការថែរក្សា ផលិតផល ក៏មិនអនុលោម​តាម​ខ្លឹមសារច្បាប់​ស្ដីពីសុខភាពសត្វ និងផលិតកម្មសត្វ ដែលធ្វើឱ្យបាត់បង់នូវបរិមាណ​ដើម ឬខូចគុណភាព ។ ហេតុនេះជំនាញពាក់ព័ន្ធ​មិនអនុញ្ញាតឱ្យ​ចែកចាយ លក់ដូរនៅលើទីផ្សារបានជាដាច់ខាត។ដោយសារចំណុច​ប៉ះពាល់ដល់សុខភាពនេះ សមត្ថកិច្ចចម្រុះសម្រេចកម្ទេច​ចោល​នៅរសៀលថ្ងៃដដែលនៅចំណុចដីឡូត៍មួយកន្លែងនាភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ។ ម្ចាស់ទំនិញឈ្មោះ ឈិន សុខាន់ បានប្រាប់សមត្ថកិច្ចជំនាញថា ចុងស្លាបមាន់បង្កក២០០កេសនេះ ខ្លួនបានទទួលពីអ្នកលួច​នាំចូល​ពីប្រទេសថៃ ៕ ដោយ៖ឃិន គន្ធា

(ភ្នំពេញ)៖នាថ្ងៃទី៣០ ខែសីហា ឆ្នាំ២០២៤ វេលាម៉ោង ០៩:៣០នាទីនេះ លោក សុខ ពេញវុធ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ជា ស៊ីណា ឃួង ស្រេង បានដឹកនាំមន្រ្តីរាជការក្រោមឱវាទនៃរដ្ឋបាលរាជធានីភ្នំពេញ សូមចូលរួមសម្ដែង​នូវសមានចិត្តក្រៀមក្រំ និងរំលែកនូវមរណទុក្ខដោយក្ដីសោកស្ដាយបំផុតជាមួយលោក នៅ សំបូរ និងលោកស្រី យ៉ង អិត ព្រមទាំងក្រុមគ្រួសារ នៃសពលោកអនុសេនីយ៍ត្រី សៅ រក្សា មន្រ្ដីនគរបាលប៉ុស្ដិ៍បឹងកេងកងទី២ អធិការដ្ឋាននគរបាលខណ្ឌបឹងកេងកង នៃស្នងការដ្ឋាននគរបាលរាជធានីភ្នំពេញ ។ លោកអនុសេនីយ៍ត្រី សៅ រក្សា បានទទួលមរណភាព កាលពីថ្ងៃទី២៩ ខែសីហា ឆ្នាំ២០២៤ ក្នុងប្រតិបត្ដិការបង្រ្កាបករណីហិង្សា នៅចំណុចផ្លូវលេខ ៣០៤ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ។ លោក សុខ ពេញវុធ បានពាំនាំនូវសារលិខិតរំលែកទុក្ខរបស់ ឯកឧត្ដម…

បាត់ដំបង៖ឯកឧត្តម សុខ លូ អភិបាលខេត្តបាត់ដំបងបានបញ្ជាក់ថា ដោយអនុវត្តតាមបទបញ្ជាដ៏ខ្ពង់ខ្ពស់របស់សម្តេចមហាបវរ ធិបតី ហ៊ុន ម៉ាណែត នាយករដ្ឋមន្តីនៃព្រះរាជាណាចក្រកម្ពុជាកាលពីថ្ងៃទី១៤​ខែ​កុម្ភៈឆ្នាំ២០២៤ និងស្របតាមសេចក្តី​ជូន​ដំណឹង​ចុះថ្ងៃទី២៣ខែឧសភា ឆ្នាំ២០២៤ របស់ក្រសួងមហាផ្ទៃ ស្តីពីការធ្វើបច្ចុប្បន្នភាពអំពីអាជីវកម្ម​ល្បែង​ឆ្នោត​ផ្សងសំណាង និងល្បែង​ស៊ីសងខុសច្បាប់គ្រប់ប្រភេទ , រដ្ឋបាលខេត្តបានចុះស្រង់ទិន្នន័យនិងធ្វើបច្ចុប្បន្នភាព ដោយបានរក​ឃើញ អាជីវកម្មល្បែងស៊ីសង​អនឡាញខុសច្បាប់ចំនួន ៣២៤ ទីតាំង​ហើយត្រូវបានបិទទាំងស្រុង។ឯកឧត្តមបញ្ជាក់​យ៉ាង​ដូច្នេះ​ក្នុងឱកាស​ប្រជុំការងារជាមួយ​ប្រធានក្រុមការងារពិសេសតាម​ដានការអនុវត្ត​គោលការណ៍​របស់នាយករដ្ឋមន្រ្តីពាក់ព័ន្ធការងារ​សន្តិសុខ​សណ្ដាប់​ធ្នាប់​សង្គម ដឹក​នាំ​ដោយឯកឧត្តមនាយឧត្តមសេនីយ៍ ជួន សុវណ្ណ រដ្ឋមន្រ្តី​ប្រតិភូអ​មនាយករដ្ឋមន្រ្តី​នៅសាលាខេត្តបាត់ដំបងកាល​ពីព្រឹក​ថ្ងៃទី២៨ ខែសីហា ឆ្នាំ២០២៤។ ពាក់ព័ន្ធនឹងករណីល្បែងស៊ីសង​តាមអនឡាញដដែលនេះ ឯកឧត្តម សុខ លូ បន្តថា អនុវត្តអនុសាសន៍និងការណែនាំ រដ្ឋបាលខេត្ត​បាត់ដំបងបានចុះស្រង់ទិន្នន័យនិងធ្វើបច្ចុប្បន្នភាព រួចបានរក​ឃើញមានចំនួន៩ក្រុមហ៊ុន និងមាន ៣២៦ទីតាំង ដែលបានបើក​អាជីវកម្មល្បែងស៊ីសងអនឡាញ។​ក្នុងនោះមានតែ២ទីតាំងប៉ុណ្ណោះ ដែលមានអាជ្ញាបណ្ណសាខា។ប៉ុន្តែអាជីវកម្មល្បែង​ស៊ីសងអន​ឡាញ ខុសច្បាប់ទាំងអស់នេះត្រូវបានបិទទាំងស្រុង ចំនួន ៣២៤​ទីតាំង។បច្ចុប្បន្នមានតែ​អាជីវកម្ម​ល្បែងស៊ីសងអន​ឡាញ ដែល មានអាជ្ញាបណ្ណ​សាខា ចំនួន​មួយទីតាំងតែប៉ុណ្ណោះ ដែលនៅបន្តដំណើរការអាជីវកម្ម គឺក្រុមហ៊ុន ឌីម វីន ខបភើរេសិន ដែលមាន​ទីតាំងស្ថិតនៅផ្លូវលេខ​១០១ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង និងមួយទីតាំង​ផ្សេងទៀត​បានបិទ​មិនដំណើរការទៀតទេ។ ក្នុងកិច្ចប្រជុំនេះដែរ…

(ភ្នំពេញ)៖ ក្រោយពីបានឃើញព័ត៌មានពីករណីខាងលើនេះតាមបណ្តាញសង្គម Tik Tok, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី រួមជាមួយថ្នាក់ដឹកនាំ-មន្ត្រីសាខាកាកបាទក្រហមកម្ពុជា ខេត្តកំពង់ឆ្នាំង ចុះសួរសុខទុក្ខ និងពិនិត្យពីស្ថានភាពរស់នៅផ្ទាល់របស់គ្រួសារយុវជន ឡាយ សំណាង ដើម្បីផ្តល់នូវការឧបត្ថម្ភឱ្យមានលទ្ធភាពគ្រប់គ្រាន់ក្នុងការបន្តការសិក្សារហូតសម្រេចបានក្តីស្រមៃបញ្ចប់ថ្នាក់អនុបណ្ឌិត និងជួយសម្រាលការលំបាកខាងផ្នែកជីវភាពរស់នៅ។ ក្នុងឱកាសនោះ លោកជំទាវ បានពាំនាំនូវការផ្តាំផ្ញើសួរសុខទុក្ខ និងការគិតគូរពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលនឹងជួយដោះស្រាយខាងផ្នែក​ជីវភាព​រស់នៅជាបន្តបន្ទាប់ សំខាន់បំផុតគឺមានថវិកាវេរតាមគណនីធនាគារដើម្បីឱ្យក្មួយ ឡាយ សំណាង និងប្អូនស្រីឈ្មោះ ឡាយ ចាន់ថុនា ត្រូវផ្តោតការយកចិត្តទុកដាក់លើការសិក្សា ជាពិសេសឪពុកម្តាយ បើទោះបីជាមានការលំបាកយ៉ាងណាក៏ដោយ​ក៏បានជំរុញលើក​ទឹកចិត្តកូនឱ្យទៅសិក្សារៀនសូត្រ ដែលនេះគឺជាគំរូ​ដ៏ល្អមួយសម្រាប់យុវជនដទៃទៀត។ ជាមួយគ្នានេះ លោកជំទាវ បានអំពាវនាវដល់សិក្សានុសិស្ស និងក្មួយៗដែលមានការ​លំបាក​ខាងផ្នែកជីវភាពយ៉ាងណាក៏ដោយ គឺសុំលើកទឹកចិត្តដល់អាណាព្យាបាល​ទាំងអស់​ជួយជំរុញកូនៗឱ្យបានទៅសាលារៀនដើម្បីមានអនាគតល្អ ហើយក្នុង​នាមយុវជនខ្លួនឯងត្រូវខិតខំសិក្សារៀនសូត្រ ស្វែងរកចំណេះវិជ្ជា ព្រោះថា មានតែ​ចំណេះវិជ្ជាទេ ដែលធ្វើឱ្យយើងមានសមត្ថភាពគ្រប់គ្រាន់អាចធ្វើការងារបាន និងចៀសផុតពីភាពក្រីក្រ។ លោកជំទាវអគ្គលេខាធិការរងទី១…

ខេត្តសៀមរាប៖ មីជាតិ បានបន្តសហការជាមួយមន្ទីរពេទ្យកុមារអង្គរ និងគណៈកម្មការជិះកង់ដើម្បីកម្ពុជា (CFC) រៀបចំព្រឹត្តិការណ៍ជិះកង់ដើម្បីបរិស្ថាន និងសុខភាពកុមារឆ្នាំទី១០ នៅថ្ងៃទី២៥ ខែសីហា ឆ្នាំ២០២៤ ដែលបានធ្វើឡើងនៅទឹកដីដ៏ពិសិដ្ឋអច្ឆរិយៈអង្គរ ខេត្តសៀមរាប។ មីជាតិមានសេចក្តីសោមនស្សរីករាយក្នុងការរួមចំណែកជាដៃគូឧបត្ថម្ភធំគម្រប់ខួបទី១០នៃព្រឹត្តិការណ៍ជិះកង់ដើម្បីបរិច្ចាគនិងទ្រទ្រង់ ដល់ជេរភាពនៃមន្ទីរពេទ្យកុមារអង្គរខេត្តសៀមរាប ក្នុងបេសកម្មផ្តល់សេវាព្យាបាលដោយឥតគិតថ្លៃទៅកាន់កុមារកម្ពុជារាប់លាននាក់។ ព្រឹត្តិការណ៍ជិះកង់សប្បុរសធម៍ដ៏ធំជាងគេប្រចាំឆ្នាំនេះ តែងតែទទួលបានការចូលរួមយ៉ាងច្រើនកុះករពីសំណាក់សប្បុរសជន និងមហាជនពិសេស ក្នុងឱកាសគម្រប់ខួប១០ឆ្នាំនេះ មានអ្នកចូលចិត្តកីឡាជិះកង់ប្រមាណជាង ១.០០០នាក់ ពីគ្រប់ទិសទីបានរួមគ្នាក្នុងស្មារតីតែមួយប្រកបដោយក្តីករុណាចូលរួមជិះកង់ និងបរិច្ចាគវិភាគទានជួយទៅដល់មន្ទីរពេទ្យកុមារអង្គរ ខេត្តសៀមរាប។ លោក សំកុល សុចិត្រា អភិបាលរងនៃគណៈអភិបាលខេត្តសៀមរាបបានមានប្រសាសន៍ថា៖ «ក្នុងនាមក្រុមប្រឹក្សាខេត្ត គណៈអភិបាលខេត្ត សូមកោតសរសើរ និងវាយតម្លៃខ្ពស់ដល់ក្រុមការងាររៀបចំព្រឹត្តិការណ៍ជិះកង់រៃអង្គាសប្រាក់ប្រចាំឆ្នាំគាំទ្រដល់មន្ទីរពេទ្យកុមារអង្គរនេះ មួយវិញទៀតការចូលរួមរបស់វិស័យឯកជនពិតជាកម្លាំងចលករដ៏សំខាន់តួយ៉ាងដូចមីជាតិ និង វីតាល់ ក៏ដូចជាអង្គភាពពាក់ព័ន្ធ ដែលចូលរួមជាចំណែកនៃកត្តាសំខាន់មិនអាចខ្វះបានក្នុងការធ្វើឱ្យព្រឹត្តិការណ៍នេះបានប្រព្រឹត្តទៅរហូតដល់១០ឆ្នាំ។» លោក ជុនហៀង ថាវសិទ្ធិ អនុប្រធានធុរកិច្ច នៃក្រុមហ៊ុន វ័ន ហ្វ្រេតធើនីធី (មីជាតិ) បានមានប្រសាសន៍ថា៖ «មីជាតិពិតជាមោទនភាព ដែលបានរួមចំណែកជាដៃគូសហការរៀបចំ និងឧបត្ថម្ភធំក្នុងព្រឹត្តិការណ៍ជិះកង់ដើម្បីបរិស្ថាន និងសុខភាពកុមារ នេះចំនួន៤ឆ្នាំរួចមកហើយពិសេសក្នុងឱកាសគម្រប់ខួប១០ឆ្នាំនេះតែម្តង ។ លោកបានបន្តទៀតថាក្រៅពីចូលរួមសហការរៀបចំ មីជាតិក៏បានចូលរួមបរិច្ចាគថវិកាចំនួន ៨០លានរៀល…